| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. гимилад̇т̇зраг̇аат̇ааван̣н̣анаа
8. Kimilattheragāthāvaṇṇanā
баажийнавам̣сад̣̇ааяамхийд̇иаад̣̇игаа ааяасмад̇о гимилад̇т̇зрасса г̇аат̇аа. гаа уббад̇д̇и? д̇асса буб̣б̣аяог̇о сам̣взг̇уббад̇д̇и баб̣б̣аж̇ж̇аа жа згаганибаад̇з ‘‘абхисад̇д̇о’’д̇и г̇аат̇ааяа сам̣ван̣н̣анааяам̣ вуд̇д̇ааязва. д̇ааяа жа г̇аат̇ааяа т̇зрзна ад̇д̇ано висзсаад̇хиг̇амасса гааран̣ам̣ д̣̇ассид̇ам̣. ид̇ха бана ад̇хиг̇ад̇ависзсасса ад̇д̇ано ааяасмад̇аа жа ануруд̣̇д̇хзна ааяасмад̇аа жа нанд̣̇иязна саха самаг̇г̇аваасо д̣̇ассид̇од̇и взд̣̇ид̇аб̣б̣ам̣. самаг̇г̇аваасам̣ бана васанд̇аа д̇з яат̇аа жа васим̣су, д̇ам̣ д̣̇ассзнд̇о –
Pācīnavaṃsadāyamhītiādikā āyasmato kimilattherassa gāthā. Kā uppatti? Tassa pubbayogo saṃveguppatti pabbajjā ca ekakanipāte ‘‘abhisatto’’ti gāthāya saṃvaṇṇanāyaṃ vuttāyeva. Tāya ca gāthāya therena attano visesādhigamassa kāraṇaṃ dassitaṃ. Idha pana adhigatavisesassa attano āyasmatā ca anuruddhena āyasmatā ca nandiyena saha samaggavāso dassitoti veditabbaṃ. Samaggavāsaṃ pana vasantā te yathā ca vasiṃsu, taṃ dassento –
155.
155.
‘‘баажийнавам̣сад̣̇ааяамхи, сагяабуд̇д̇аа сахааяагаа;
‘‘Pācīnavaṃsadāyamhi, sakyaputtā sahāyakā;
бахааяаанаббагз бхог̇з, ун̃чз бад̇д̇ааг̇ад̇з рад̇аа.
Pahāyānappake bhoge, uñche pattāgate ratā.
156.
156.
‘‘аарад̣̇д̇хавийрияаа бахид̇ад̇д̇аа, нижжам̣ д̣̇ал̣хабараггамаа;
‘‘Āraddhavīriyā pahitattā, niccaṃ daḷhaparakkamā;
раманд̇и д̇хаммарад̇ияаа, хид̇ваана логияам̣ рад̇и’’нд̇и. – г̇аат̇аад̣̇ваяам̣ абхааси;
Ramanti dhammaratiyā, hitvāna lokiyaṃ rati’’nti. – gāthādvayaṃ abhāsi;
д̇ад̇т̇а баажийнавам̣сад̣̇ааяамхийд̇и баажийнавам̣санаамагз рагкид̇аг̇обид̇з сахабарижчзд̣̇з ванз. д̇ан̃хи ванам̣ г̇аамасса баажийнад̣̇исааяам̣ тид̇ад̇д̇аа вам̣саг̇умб̣абаригкид̇д̇ад̇д̇аа жа ‘‘баажийнавам̣сад̣̇ааяо’’д̇и вуд̇д̇о, вам̣саванабхаавзна ваад̇и. сагяабуд̇д̇аад̇и ануруд̣̇д̇хад̇т̇зраад̣̇аяо сагяарааж̇агумаараа. сахааяагаад̇и сам̣взг̇уббад̇д̇ибаб̣б̣аж̇ж̇аасаман̣ад̇хаммагаран̣асам̣ваасзхи саха аяанад̇о бавад̇д̇анад̇о сахааяагаа. бахааяаанаббагз бхог̇зд̇и ул̣аарзна бун̃н̃аанубхаавзна ад̇хиг̇ад̇з гулабарамбарааг̇ад̇з жа маханд̇з бхог̇агканд̇хз чад̣д̣зд̇ваа. ‘‘сахааяаанаббагз’’д̇иби баал̣и. ун̃чз бад̇д̇ааг̇ад̇з рад̇аад̇и ун̃чаажарияааяа аабхад̇ад̇д̇аа ун̃чз бад̇д̇з ааг̇ад̇ад̇д̇аа бад̇д̇ааг̇ад̇з бад̇д̇абарияаабаннз рад̇аа абхирад̇аа, сан̇гхабхад̇д̇аад̣̇иад̇ирзгалаабхам̣ бадигкибид̇ваа ж̇ан̇гхаб̣алам̣ ниссааяа бхигкаажарияааяа лад̣̇д̇хзна миссагабхад̇д̇знзва санд̇удтаад̇и ад̇т̇о.
Tattha pācīnavaṃsadāyamhīti pācīnavaṃsanāmake rakkhitagopite sahaparicchede vane. Tañhi vanaṃ gāmassa pācīnadisāyaṃ ṭhitattā vaṃsagumbaparikkhittattā ca ‘‘pācīnavaṃsadāyo’’ti vutto, vaṃsavanabhāvena vāti. Sakyaputtāti anuruddhattherādayo sakyarājakumārā. Sahāyakāti saṃveguppattipabbajjāsamaṇadhammakaraṇasaṃvāsehi saha ayanato pavattanato sahāyakā. Pahāyānappake bhogeti uḷārena puññānubhāvena adhigate kulaparamparāgate ca mahante bhogakkhandhe chaḍḍetvā. ‘‘Sahāyānappake’’tipi pāḷi. Uñche pattāgate ratāti uñchācariyāya ābhatattā uñche patte āgatattā pattāgate pattapariyāpanne ratā abhiratā, saṅghabhattādiatirekalābhaṃ paṭikkhipitvā jaṅghabalaṃ nissāya bhikkhācariyāya laddhena missakabhatteneva santuṭṭhāti attho.
аарад̣̇д̇хавийрияаад̇и уд̇д̇амад̇т̇асса ад̇хиг̇амааяа аад̣̇ид̇ова баг̇зва самбаад̣̇ид̇авийрияаа. бахид̇ад̇д̇аад̇и ниннабон̣абаб̣бхаарабхаавзна гаалзна гаалам̣ самаабаж̇ж̇анзна жа ниб̣б̣аанам̣ бад̇ибзсид̇ажид̇д̇аа. нижжам̣ д̣̇ал̣хабараггамаад̇и вад̇д̇абадибад̇д̇ийсу д̣̇идтад̇хаммасукавихаараануяог̇зна саб̣б̣агаалам̣ асит̇илабараггамаа. раманд̇и д̇хаммарад̇ияаа, хид̇ваана логияам̣ рад̇инд̇и логз вид̣̇ид̇ад̇ааяа логабарияаабаннад̇ааяа жа логияам̣ руубаарамман̣аад̣̇ирад̇им̣ бахааяа маг̇г̇абан̃н̃ааяа баж̇ахид̇ваа логуд̇д̇арад̇хаммарад̇ияаа аг̇г̇апаланиб̣б̣аанаабхирад̇ияаа жа раманд̇и абхираманд̇ийд̇и.
Āraddhavīriyāti uttamatthassa adhigamāya āditova pageva sampāditavīriyā. Pahitattāti ninnapoṇapabbhārabhāvena kālena kālaṃ samāpajjanena ca nibbānaṃ patipesitacittā. Niccaṃ daḷhaparakkamāti vattapaṭipattīsu diṭṭhadhammasukhavihārānuyogena sabbakālaṃ asithilaparakkamā. Ramanti dhammaratiyā, hitvāna lokiyaṃ ratinti loke viditatāya lokapariyāpannatāya ca lokiyaṃ rūpārammaṇādiratiṃ pahāya maggapaññāya pajahitvā lokuttaradhammaratiyā aggaphalanibbānābhiratiyā ca ramanti abhiramantīti.
гимилад̇т̇зраг̇аат̇ааван̣н̣анаа нидтид̇аа.
Kimilattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. гимилад̇т̇зраг̇аат̇аа • 8. Kimilattheragāthā
