| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. කිංකණිකපුප්‌ඵියත්‌ථෙරඅපදානං
9. Kiṃkaṇikapupphiyattheraapadānaṃ
47.
47.
‘‘සුමඞ්‌ගලොති නාමෙන, සයම්‌භූ අපරාජිතො;
‘‘Sumaṅgaloti nāmena, sayambhū aparājito;
පවනා නික්‌ඛමිත්‌වාන, නගරං පාවිසී ජිනො.
Pavanā nikkhamitvāna, nagaraṃ pāvisī jino.
48.
48.
‘‘පිණ්‌ඩචාරං චරිත්‌වාන, නික්‌ඛම්‌ම නගරා මුනි;
‘‘Piṇḍacāraṃ caritvāna, nikkhamma nagarā muni;
කතකිච්‌චොව සම්‌බුද්‌ධො, සො වසී වනමන්‌තරෙ.
Katakiccova sambuddho, so vasī vanamantare.
49.
49.
‘‘කිංකණිපුප්‌ඵං පග්‌ගය්‌හ, බුද්‌ධස්‌ස අභිරොපයිං;
‘‘Kiṃkaṇipupphaṃ paggayha, buddhassa abhiropayiṃ;
පසන්‌නචිත්‌තො සුමනො, සයම්‌භුස්‌ස මහෙසිනො.
Pasannacitto sumano, sayambhussa mahesino.
50.
50.
‘‘චතුන්‌නවුතිතො කප්‌පෙ, යං පුප්‌ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
51.
51.
‘‘ඡළාසීතිම්‌හිතො කප්‌පෙ, අපිලාසිසනාමකො;
‘‘Chaḷāsītimhito kappe, apilāsisanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
52.
52.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කිංකණිකපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kiṃkaṇikapupphiyo thero imā gāthāyo abhāsitthāti.
කිංකණිකපුප්‌ඵියත්‌ථෙරස්‌සාපදානං නවමං.
Kiṃkaṇikapupphiyattherassāpadānaṃ navamaṃ.
