| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[54] 4. гим̣палаж̇аад̇агаван̣н̣анаа
[54] 4. Kiṃphalajātakavaṇṇanā
нааяам̣ ругко д̣̇ураарухаад̇и ид̣̇ам̣ сад̇т̇аа ж̇зд̇аванз вихаранд̇о згам̣ палагусалам̣ убаасагам̣ аараб̣бха гат̇зси. зго гира саавад̇т̇иваасий гудумб̣иго б̣уд̣̇д̇хаббамукам̣ бхигкусан̇гхам̣ ниманд̇зд̇ваа ад̇д̇ано аараамз нисийд̣̇аабзд̇ваа яааг̇укаж̇ж̇агам̣ д̣̇ад̇ваа уяяаанабаалам̣ аан̣аабзси ‘‘бхигкуухи сад̣̇д̇хим̣ уяяаанз вижарид̇ваа аяяаанам̣ амб̣аад̣̇ийни наанаапалаани д̣̇зхий’’д̇и. со ‘‘саад̇хуу’’д̇и бадиссун̣ид̇ваа бхигкуусан̇гхамаад̣̇ааяа уяяаанз вижаранд̇о ругкам̣ уллогзд̇ваава ‘‘зд̇ам̣ палам̣ аамам̣, зд̇ам̣ на субаггам̣, зд̇ам̣ субагга’’нд̇и ж̇аанаад̇и. яам̣ со вад̣̇ад̇и, д̇ам̣ д̇ат̇зва ход̇и. бхигкуу г̇анд̇ваа д̇ат̇ааг̇ад̇асса аарожзсум̣ ‘‘бханд̇з, аяам̣ уяяаанабаало палагусало бхуумияам̣ тид̇ова ругкам̣ уллогзд̇ваа ‘зд̇ам̣ палам̣ аамам̣, зд̇ам̣ на субаггам̣, зд̇ам̣ субагга’нд̇и ж̇аанаад̇и. яам̣ со вад̣̇ад̇и, д̇ам̣ д̇ат̇зва ход̇ий’’д̇и. сад̇т̇аа ‘‘на, бхигкавз, аяамзва уяяаанабаало палагусало, буб̣б̣з бан̣д̣ид̇ааби палагусалааязва ахзсу’’нд̇и вад̇ваа ад̇ийд̇ам̣ аахари.
Nāyaṃrukkho durāruhāti idaṃ satthā jetavane viharanto ekaṃ phalakusalaṃ upāsakaṃ ārabbha kathesi. Eko kira sāvatthivāsī kuṭumbiko buddhappamukhaṃ bhikkhusaṅghaṃ nimantetvā attano ārāme nisīdāpetvā yāgukhajjakaṃ datvā uyyānapālaṃ āṇāpesi ‘‘bhikkhūhi saddhiṃ uyyāne vicaritvā ayyānaṃ ambādīni nānāphalāni dehī’’ti. So ‘‘sādhū’’ti paṭissuṇitvā bhikkhūsaṅghamādāya uyyāne vicaranto rukkhaṃ ulloketvāva ‘‘etaṃ phalaṃ āmaṃ, etaṃ na supakkaṃ, etaṃ supakka’’nti jānāti. Yaṃ so vadati, taṃ tatheva hoti. Bhikkhū gantvā tathāgatassa ārocesuṃ ‘‘bhante, ayaṃ uyyānapālo phalakusalo bhūmiyaṃ ṭhitova rukkhaṃ ulloketvā ‘etaṃ phalaṃ āmaṃ, etaṃ na supakkaṃ, etaṃ supakka’nti jānāti. Yaṃ so vadati, taṃ tatheva hotī’’ti. Satthā ‘‘na, bhikkhave, ayameva uyyānapālo phalakusalo, pubbe paṇḍitāpi phalakusalāyeva ahesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сад̇т̇аваахагулз ниб̣б̣ад̇д̇ид̇ваа ваяаббад̇д̇о бан̃жахи сагадасад̇зхи ван̣иж̇ж̇ам̣ гаронд̇о згасмим̣ гаалз махаавад̇д̇аниадавим̣ бад̇ваа адавимукз тад̇ваа саб̣б̣з мануссз саннибаад̇аабзд̇ваа ‘‘имиссаа адавияаа висаругкаа наама хонд̇и, висабад̇д̇аани, висабубпаани, висапалаани, висамад̇хууни хонд̇иязва, буб̣б̣з д̇умхзхи абарибхуд̇д̇ам̣, яам̣ гин̃жи бад̇д̇ам̣ ваа бубпам̣ ваа палам̣ ваа баллавам̣ ваа мам̣ абарибужчид̇ваа маа каад̣̇ат̇аа’’д̇и ааха. д̇з ‘‘саад̇хуу’’д̇и самбадижчид̇ваа адавим̣ од̇арим̣су. адавимукз жа згасмим̣ г̇аамад̣̇ваарз гим̣паларугко наама ад̇т̇и, д̇асса канд̇хасаакаабалаасабубпапалаани саб̣б̣аани амб̣асад̣̇исаанзва хонд̇и. на гзвалам̣ ван̣н̣асан̣таанад̇ова, г̇анд̇харасзхибисса аамабаггаани палаани амб̣апаласад̣̇исаанзва, каад̣̇ид̇аани бана халаахалависам̣ вияа д̇ан̇кан̣ан̃н̃зва ж̇ийвид̇агкаяам̣ баабзнд̇и. бурад̇о г̇ажчанд̇аа згажжз лолабурисаа ‘‘амб̣уругко аяа’’нд̇и сан̃н̃ааяа палаани каад̣̇им̣су, згажжз ‘‘сад̇т̇аваахам̣ бужчид̇ваава каад̣̇иссаамаа’’д̇и хад̇т̇зна г̇ахзд̇ваа адтам̣су. д̇з сад̇т̇аваахз ааг̇ад̇з ‘‘аяяа, имаани амб̣апалаани каад̣̇аамаа’’д̇и бужчим̣су. б̣од̇хисад̇д̇о ‘‘нааяам̣ амб̣аругко’’д̇и н̃ад̇ваа ‘‘гим̣ паларугко наамзса, нааяам̣ амб̣аругко, маа каад̣̇ид̇т̇аа’’д̇и ваарзд̇ваа яз каад̣̇им̣су. д̇зби вамаабзд̇ваа жад̇умад̇хурам̣ бааязд̇ваа нирог̇з агааси.
Atīte bārāṇasiyaṃ brahmadatte rajjaṃ kārente bodhisatto satthavāhakule nibbattitvā vayappatto pañcahi sakaṭasatehi vaṇijjaṃ karonto ekasmiṃ kāle mahāvattaniaṭaviṃ patvā aṭavimukhe ṭhatvā sabbe manusse sannipātāpetvā ‘‘imissā aṭaviyā visarukkhā nāma honti, visapattāni, visapupphāni, visaphalāni, visamadhūni hontiyeva, pubbe tumhehi aparibhuttaṃ, yaṃ kiñci pattaṃ vā pupphaṃ vā phalaṃ vā pallavaṃ vā maṃ aparipucchitvā mā khādathā’’ti āha. Te ‘‘sādhū’’ti sampaṭicchitvā aṭaviṃ otariṃsu. Aṭavimukhe ca ekasmiṃ gāmadvāre kiṃphalarukkho nāma atthi, tassa khandhasākhāpalāsapupphaphalāni sabbāni ambasadisāneva honti. Na kevalaṃ vaṇṇasaṇṭhānatova, gandharasehipissa āmapakkāni phalāni ambaphalasadisāneva, khāditāni pana halāhalavisaṃ viya taṅkhaṇaññeva jīvitakkhayaṃ pāpenti. Purato gacchantā ekacce lolapurisā ‘‘amburukkho aya’’nti saññāya phalāni khādiṃsu, ekacce ‘‘satthavāhaṃ pucchitvāva khādissāmā’’ti hatthena gahetvā aṭṭhaṃsu. Te satthavāhe āgate ‘‘ayya, imāni ambaphalāni khādāmā’’ti pucchiṃsu. Bodhisatto ‘‘nāyaṃ ambarukkho’’ti ñatvā ‘‘kiṃ phalarukkho nāmesa, nāyaṃ ambarukkho, mā khāditthā’’ti vāretvā ye khādiṃsu. Tepi vamāpetvā catumadhuraṃ pāyetvā niroge akāsi.
буб̣б̣з бана имасмим̣ ругкамуулз мануссаа ниваасам̣ габбзд̇ваа ‘‘амб̣апалааний’’д̇и сан̃н̃ааяа имаани висапалаани каад̣̇ид̇ваа ж̇ийвид̇агкаяам̣ баабун̣анд̇и. бунад̣̇ивасз г̇аамаваасино нигкамид̇ваа мад̇амануссз д̣̇исваа баад̣̇з г̇ан̣хид̇ваа бадижчаннадтаанз чад̣д̣зд̇ваа сагадзхи сад̣̇д̇хим̣язва саб̣б̣ам̣ д̇зсам̣ санд̇агам̣ г̇ахзд̇ваа г̇ажчанд̇и. д̇з д̇ам̣ д̣̇ивасамби арун̣уг̇г̇аманагаалзязва ‘‘маяхам̣ б̣алиб̣ад̣̇д̣̇о бхависсад̇и, маяхам̣ сагадам̣, маяхам̣ бхан̣д̣а’’нд̇и взг̇зна д̇ам̣ ругкамуулам̣ г̇анд̇ваа мануссз нирог̇з д̣̇исваа ‘‘гат̇ам̣ д̇умхз имам̣ ругкам̣ ‘нааяам̣ амб̣аругко’д̇и ж̇аанид̇т̇аа’’д̇и бужчим̣су. д̇з ‘‘маяам̣ на ж̇аанаама, сад̇т̇аваахаж̇здтаго но ж̇аанаад̇ий’’д̇и аахам̣су. мануссаа б̣од̇хисад̇д̇ам̣ бужчим̣су ‘‘бан̣д̣ид̇а, гинд̇и гад̇ваа д̇вам̣ имасса ругкасса анамб̣аругкабхаавам̣ ан̃н̃аасий’’д̇и? со ‘‘д̣̇вийхи гааран̣зхи ан̃н̃ааси’’нд̇и вад̇ваа имам̣ г̇аат̇амааха –
Pubbe pana imasmiṃ rukkhamūle manussā nivāsaṃ kappetvā ‘‘ambaphalānī’’ti saññāya imāni visaphalāni khāditvā jīvitakkhayaṃ pāpuṇanti. Punadivase gāmavāsino nikkhamitvā matamanusse disvā pāde gaṇhitvā paṭicchannaṭṭhāne chaḍḍetvā sakaṭehi saddhiṃyeva sabbaṃ tesaṃ santakaṃ gahetvā gacchanti. Te taṃ divasampi aruṇuggamanakāleyeva ‘‘mayhaṃ balibaddo bhavissati, mayhaṃ sakaṭaṃ, mayhaṃ bhaṇḍa’’nti vegena taṃ rukkhamūlaṃ gantvā manusse niroge disvā ‘‘kathaṃ tumhe imaṃ rukkhaṃ ‘nāyaṃ ambarukkho’ti jānitthā’’ti pucchiṃsu. Te ‘‘mayaṃ na jānāma, satthavāhajeṭṭhako no jānātī’’ti āhaṃsu. Manussā bodhisattaṃ pucchiṃsu ‘‘paṇḍita, kinti katvā tvaṃ imassa rukkhassa anambarukkhabhāvaṃ aññāsī’’ti? So ‘‘dvīhi kāraṇehi aññāsi’’nti vatvā imaṃ gāthamāha –
54.
54.
‘‘нааяам̣ ругко д̣̇ураарухо, наби г̇аамад̇о аарагаа;
‘‘Nāyaṃ rukkho durāruho, napi gāmato ārakā;
аагааран̣зна ж̇аанаами, нааяам̣ саад̣̇упало д̣̇умо’’д̇и.
Ākāraṇena jānāmi, nāyaṃ sāduphalo dumo’’ti.
д̇ад̇т̇а нааяам̣ ругко д̣̇урааруход̇и аяам̣ висаругко на д̣̇угкаарухо, угкибид̇ваа табид̇аниссзн̣ий вияа сукзнаарохид̇ум̣ саггаад̇и вад̣̇ад̇и. наби г̇аамад̇о аарагаад̇и г̇аамад̇о д̣̇уурз тид̇оби на ход̇и, г̇аамад̣̇ваарз тид̇оязваад̇и д̣̇ийбзд̇и. аагааран̣зна ж̇аанаамийд̇и иминаа д̣̇увид̇хзна гааран̣знаахам̣ имам̣ ругкам̣ ж̇аанаами. гинд̇и? нааяам̣ саад̣̇упало д̣̇умод̇и. сажз хи аяам̣ мад̇хурапало амб̣аругко абхависса, звам̣ сукаарул̣хз авид̣̇уурз тид̇з зд̇асмим̣ згамби палам̣ на д̇идтзяяа, палакаад̣̇агамануссзхи нижжам̣ баривуд̇ова асса. звам̣ ахам̣ ад̇д̇ано н̃аан̣зна барижчинд̣̇ид̇ваа имасса висаругкабхаавам̣ ан̃н̃аасинд̇и махааж̇анасса д̇хаммам̣ д̣̇зсзд̇ваа сод̇т̇иг̇аманам̣ г̇ад̇о.
Tattha nāyaṃ rukkho durāruhoti ayaṃ visarukkho na dukkhāruho, ukkhipitvā ṭhapitanisseṇī viya sukhenārohituṃ sakkāti vadati. Napi gāmato ārakāti gāmato dūre ṭhitopi na hoti, gāmadvāre ṭhitoyevāti dīpeti. Ākāraṇena jānāmīti iminā duvidhena kāraṇenāhaṃ imaṃ rukkhaṃ jānāmi. Kinti? Nāyaṃ sāduphalo dumoti. Sace hi ayaṃ madhuraphalo ambarukkho abhavissa, evaṃ sukhāruḷhe avidūre ṭhite etasmiṃ ekampi phalaṃ na tiṭṭheyya, phalakhādakamanussehi niccaṃ parivutova assa. Evaṃ ahaṃ attano ñāṇena paricchinditvā imassa visarukkhabhāvaṃ aññāsinti mahājanassa dhammaṃ desetvā sotthigamanaṃ gato.
сад̇т̇ааби ‘‘звам̣, бхигкавз, буб̣б̣з бан̣д̣ид̇ааби палагусалаа ахзсу’’нд̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа барисаа б̣уд̣̇д̇хабарисаа ахзсум̣, сад̇т̇аваахо бана ахамзва ахоси’’нд̇и.
Satthāpi ‘‘evaṃ, bhikkhave, pubbe paṇḍitāpi phalakusalā ahesu’’nti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā parisā buddhaparisā ahesuṃ, satthavāho pana ahameva ahosi’’nti.
гим̣палаж̇аад̇агаван̣н̣анаа жад̇уд̇т̇аа.
Kiṃphalajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 54. гим̣палаж̇аад̇агам̣ • 54. Kiṃphalajātakaṃ
