| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੯. ਕਿਂਸੀਲਸੁਤ੍ਤਂ
9. Kiṃsīlasuttaṃ
੩੨੬.
326.
‘‘ਕਿਂਸੀਲੋ ਕਿਂਸਮਾਚਾਰੋ, ਕਾਨਿ ਕਮ੍ਮਾਨਿ ਬ੍ਰੂਹਯਂ।
‘‘Kiṃsīlo kiṃsamācāro, kāni kammāni brūhayaṃ;
ਨਰੋ ਸਮ੍ਮਾ ਨਿવਿਟ੍ਠਸ੍ਸ, ਉਤ੍ਤਮਤ੍ਥਞ੍ਚ ਪਾਪੁਣੇ’’॥
Naro sammā niviṭṭhassa, uttamatthañca pāpuṇe’’.
੩੨੭.
327.
ਧਮ੍ਮਿਂ ਕਥਂ ਏਰਯਿਤਂ ਖਣਞ੍ਞੂ, ਸੁਣੇਯ੍ਯ ਸਕ੍ਕਚ੍ਚ ਸੁਭਾਸਿਤਾਨਿ॥
Dhammiṃ kathaṃ erayitaṃ khaṇaññū, suṇeyya sakkacca subhāsitāni.
੩੨੮.
328.
‘‘ਕਾਲੇਨ ਗਚ੍ਛੇ ਗਰੂਨਂ ਸਕਾਸਂ, ਥਮ੍ਭਂ ਨਿਰਂਕਤ੍વਾ 5 ਨਿવਾਤવੁਤ੍ਤਿ।
‘‘Kālena gacche garūnaṃ sakāsaṃ, thambhaṃ niraṃkatvā 6 nivātavutti;
ਅਤ੍ਥਂ ਧਮ੍ਮਂ ਸਂਯਮਂ ਬ੍ਰਹ੍ਮਚਰਿਯਂ, ਅਨੁਸ੍ਸਰੇ ਚੇવ ਸਮਾਚਰੇ ਚ॥
Atthaṃ dhammaṃ saṃyamaṃ brahmacariyaṃ, anussare ceva samācare ca.
੩੨੯.
329.
‘‘ਧਮ੍ਮਾਰਾਮੋ ਧਮ੍ਮਰਤੋ, ਧਮ੍ਮੇ ਠਿਤੋ ਧਮ੍ਮવਿਨਿਚ੍ਛਯਞ੍ਞੂ।
‘‘Dhammārāmo dhammarato, dhamme ṭhito dhammavinicchayaññū;
ਨੇવਾਚਰੇ ਧਮ੍ਮਸਨ੍ਦੋਸવਾਦਂ, ਤਚ੍ਛੇਹਿ ਨੀਯੇਥ ਸੁਭਾਸਿਤੇਹਿ॥
Nevācare dhammasandosavādaṃ, tacchehi nīyetha subhāsitehi.
੩੩੦.
330.
‘‘ਹਸ੍ਸਂ ਜਪ੍ਪਂ ਪਰਿਦੇવਂ ਪਦੋਸਂ, ਮਾਯਾਕਤਂ ਕੁਹਨਂ ਗਿਦ੍ਧਿ ਮਾਨਂ।
‘‘Hassaṃ jappaṃ paridevaṃ padosaṃ, māyākataṃ kuhanaṃ giddhi mānaṃ;
ਸਾਰਮ੍ਭਂ ਕਕ੍ਕਸਂ ਕਸਾવਞ੍ਚ ਮੁਚ੍ਛਂ 7, ਹਿਤ੍વਾ ਚਰੇ વੀਤਮਦੋ ਠਿਤਤ੍ਤੋ॥
Sārambhaṃ kakkasaṃ kasāvañca mucchaṃ 8, hitvā care vītamado ṭhitatto.
੩੩੧.
331.
‘‘વਿਞ੍ਞਾਤਸਾਰਾਨਿ ਸੁਭਾਸਿਤਾਨਿ, ਸੁਤਞ੍ਚ વਿਞ੍ਞਾਤਸਮਾਧਿਸਾਰਂ।
‘‘Viññātasārāni subhāsitāni, sutañca viññātasamādhisāraṃ;
ਨ ਤਸ੍ਸ ਪਞ੍ਞਾ ਚ ਸੁਤਞ੍ਚ વਡ੍ਢਤਿ, ਯੋ ਸਾਹਸੋ ਹੋਤਿ ਨਰੋ ਪਮਤ੍ਤੋ॥
Na tassa paññā ca sutañca vaḍḍhati, yo sāhaso hoti naro pamatto.
੩੩੨.
332.
‘‘ਧਮ੍ਮੇ ਚ ਯੇ ਅਰਿਯਪવੇਦਿਤੇ ਰਤਾ,
‘‘Dhamme ca ye ariyapavedite ratā,
ਅਨੁਤ੍ਤਰਾ ਤੇ વਚਸਾ ਮਨਸਾ ਕਮ੍ਮੁਨਾ ਚ।
Anuttarā te vacasā manasā kammunā ca;
ਤੇ ਸਨ੍ਤਿਸੋਰਚ੍ਚਸਮਾਧਿਸਣ੍ਠਿਤਾ,
Te santisoraccasamādhisaṇṭhitā,
ਸੁਤਸ੍ਸ ਪਞ੍ਞਾਯ ਚ ਸਾਰਮਜ੍ਝਗੂ’’ਤਿ॥
Sutassa paññāya ca sāramajjhagū’’ti.
ਕਿਂਸੀਲਸੁਤ੍ਤਂ ਨવਮਂ ਨਿਟ੍ਠਿਤਂ।
Kiṃsīlasuttaṃ navamaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੯. ਕਿਂਸੀਲਸੁਤ੍ਤવਣ੍ਣਨਾ • 9. Kiṃsīlasuttavaṇṇanā
