| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
9. гим̣сийласуд̇д̇аван̣н̣анаа
9. Kiṃsīlasuttavaṇṇanā
327. гим̣сийлод̇и гим̣сийласуд̇д̇ам̣. гаа уббад̇д̇и? ааяасмад̇о саарибуд̇д̇асса г̇ихисахааяаго зго т̇зрассзва бид̇уно ван̇г̇анд̇аб̣раахман̣асса сахааяасса б̣раахман̣асса буд̇д̇о садтигодиад̇хигам̣ бан̃жасад̇агодид̇ханам̣ барижжаж̇ид̇ваа ааяасмад̇о саарибуд̇д̇ад̇т̇зрасса санд̇игз баб̣б̣аж̇ид̇ваа саб̣б̣ам̣ б̣уд̣̇д̇хаважанам̣ барияаабун̣и. д̇асса т̇зро б̣ахусо овад̣̇ид̇ваа гаммадтаанамад̣̇ааси, со д̇зна висзсам̣ наад̇хиг̇ажчад̇и. д̇ад̇о т̇зро ‘‘б̣уд̣̇д̇хавзнзяяо зсо’’д̇и н̃ад̇ваа д̇ам̣ аад̣̇ааяа бхаг̇авад̇о санд̇игам̣ г̇анд̇ваа д̇ам̣ бхигкум̣ аараб̣бха буг̇г̇алам̣ анияамзд̇ваа ‘‘гим̣сийло’’д̇и бужчи. ат̇асса бхаг̇аваа д̇ад̇о барам̣ абхааси. д̇ад̇т̇а гим̣сийлод̇и гийд̣̇исзна ваарид̇д̇асийлзна саманнааг̇ад̇о, гийд̣̇исабагад̇иго ваа. гим̣самаажаарод̇и гийд̣̇исзна жаарид̇д̇зна яуд̇д̇о. гаани гаммаани б̣руухаяанд̇и гаани гааяагаммаад̣̇ийни вад̣дхзнд̇о. наро саммаа нивидтассаад̇и абхирад̇о наро саасанз саммаа бад̇идтид̇о бхавзяяа. уд̇д̇амад̇т̇ан̃жа баабун̣зд̇и саб̣б̣ад̇т̇аанам̣ уд̇д̇амам̣ арахад̇д̇ан̃жа баабун̣зяяаад̇и вуд̇д̇ам̣ ход̇и.
327.Kiṃsīloti kiṃsīlasuttaṃ. Kā uppatti? Āyasmato sāriputtassa gihisahāyako eko therasseva pituno vaṅgantabrāhmaṇassa sahāyassa brāhmaṇassa putto saṭṭhikoṭiadhikaṃ pañcasatakoṭidhanaṃ pariccajitvā āyasmato sāriputtattherassa santike pabbajitvā sabbaṃ buddhavacanaṃ pariyāpuṇi. Tassa thero bahuso ovaditvā kammaṭṭhānamadāsi, so tena visesaṃ nādhigacchati. Tato thero ‘‘buddhaveneyyo eso’’ti ñatvā taṃ ādāya bhagavato santikaṃ gantvā taṃ bhikkhuṃ ārabbha puggalaṃ aniyametvā ‘‘kiṃsīlo’’ti pucchi. Athassa bhagavā tato paraṃ abhāsi. Tattha kiṃsīloti kīdisena vārittasīlena samannāgato, kīdisapakatiko vā. Kiṃsamācāroti kīdisena cārittena yutto. Kāni kammānibrūhayanti kāni kāyakammādīni vaḍḍhento. Naro sammā niviṭṭhassāti abhirato naro sāsane sammā patiṭṭhito bhaveyya. Uttamatthañca pāpuṇeti sabbatthānaṃ uttamaṃ arahattañca pāpuṇeyyāti vuttaṃ hoti.
328. д̇ад̇о бхаг̇аваа ‘‘саарибуд̇д̇о ад̣дхамаасуубасамбанно саавагабаарамиббад̇д̇о, гасмаа аад̣̇игаммигабут̇уж̇ж̇анабан̃хам̣ бужчад̇ий’’д̇и ааваж̇ж̇знд̇о ‘‘сад̣̇д̇хивихааригам̣ аараб̣бхаа’’д̇и н̃ад̇ваа бужчааяа вуд̇д̇ам̣ жаарид̇д̇асийлам̣ авибхаж̇ид̇ваава д̇асса саббааяавасзна д̇хаммам̣ д̣̇зсзнд̇о ‘‘вуд̣дхаабажааяий’’д̇иаад̣̇имааха.
328. Tato bhagavā ‘‘sāriputto aḍḍhamāsūpasampanno sāvakapāramippatto, kasmā ādikammikaputhujjanapañhaṃ pucchatī’’ti āvajjento ‘‘saddhivihārikaṃ ārabbhā’’ti ñatvā pucchāya vuttaṃ cārittasīlaṃ avibhajitvāva tassa sappāyavasena dhammaṃ desento ‘‘vuḍḍhāpacāyī’’tiādimāha.
д̇ад̇т̇а бан̃н̃аавуд̣дхо, г̇ун̣авуд̣дхо, ж̇аад̇ивуд̣дхо, ваяовуд̣дход̇и жад̇д̇ааро вуд̣дхаа. ж̇аад̇ияаа хи д̣̇ахароби б̣ахуссуд̇о бхигку аббассуд̇амахаллагабхигкуунаманд̇арз б̣аахусажжабан̃н̃ааяа вуд̣дхад̇д̇аа бан̃н̃аавуд̣дхо. д̇асса хи санд̇игз махаллагабхигкууби б̣уд̣̇д̇хаважанам̣ барияаабун̣анд̇и, оваад̣̇авинижчаяабан̃хависсаж̇ж̇анаани жа бажжаасийсанд̇и. д̇ат̇аа д̣̇ахароби бхигку ад̇хиг̇амасамбанно г̇ун̣авуд̣дхо наама. д̇асса хи оваад̣̇з бад̇идтааяа махаллагааби вибассанааг̇аб̣бхам̣ г̇ахзд̇ваа арахад̇д̇апалам̣ баабун̣анд̇и. д̇ат̇аа д̣̇ахароби рааж̇аа кад̇д̇ияо муд̣̇д̇хаавасид̇д̇о б̣раахман̣о ваа сзсаж̇анасса ванд̣̇анаарахад̇о ж̇аад̇ивуд̣дхо наама. саб̣б̣о бана батамаж̇аад̇о ваяовуд̣дхо наама. д̇ад̇т̇а яасмаа бан̃н̃ааяа саарибуд̇д̇ад̇т̇зрасса сад̣̇исо над̇т̇и табзд̇ваа бхаг̇аванд̇ам̣, д̇ат̇аа г̇ун̣знаби ад̣дхамаасзна саб̣б̣асаавагабаарамийн̃аан̣асса бадивид̣̇д̇хад̇д̇аа. ж̇аад̇ияааби со б̣раахман̣амахаасаалагулз уббанно, д̇асмаа д̇асса бхигкуно ваязна самааноби со имзхи д̇ийхи гааран̣зхи вуд̣дхо. имасмим̣ банад̇т̇з бан̃н̃ааг̇ун̣зхи зва вуд̣дхабхаавам̣ санд̇хааяа бхаг̇аваа ааха – ‘‘вуд̣дхаабажааяий’’д̇и. д̇асмаа д̇аад̣̇исаанам̣ вуд̣дхаанам̣ абажид̇игаран̣зна вуд̣дхаабажааяий, д̇зсамзва вуд̣дхаанам̣ лаабхаад̣̇ийсу усууяавиг̇амзна анусууяаго жа сияаад̇и аяамаад̣̇ибаад̣̇асса ад̇т̇о.
Tattha paññāvuḍḍho, guṇavuḍḍho, jātivuḍḍho, vayovuḍḍhoti cattāro vuḍḍhā. Jātiyā hi daharopi bahussuto bhikkhu appassutamahallakabhikkhūnamantare bāhusaccapaññāya vuḍḍhattā paññāvuḍḍho. Tassa hi santike mahallakabhikkhūpi buddhavacanaṃ pariyāpuṇanti, ovādavinicchayapañhavissajjanāni ca paccāsīsanti. Tathā daharopi bhikkhu adhigamasampanno guṇavuḍḍho nāma. Tassa hi ovāde patiṭṭhāya mahallakāpi vipassanāgabbhaṃ gahetvā arahattaphalaṃ pāpuṇanti. Tathā daharopi rājā khattiyo muddhāvasitto brāhmaṇo vā sesajanassa vandanārahato jātivuḍḍho nāma. Sabbo pana paṭhamajāto vayovuḍḍho nāma. Tattha yasmā paññāya sāriputtattherassa sadiso natthi ṭhapetvā bhagavantaṃ, tathā guṇenapi aḍḍhamāsena sabbasāvakapāramīñāṇassa paṭividdhattā. Jātiyāpi so brāhmaṇamahāsālakule uppanno, tasmā tassa bhikkhuno vayena samānopi so imehi tīhi kāraṇehi vuḍḍho. Imasmiṃ panatthe paññāguṇehi eva vuḍḍhabhāvaṃ sandhāya bhagavā āha – ‘‘vuḍḍhāpacāyī’’ti. Tasmā tādisānaṃ vuḍḍhānaṃ apacitikaraṇena vuḍḍhāpacāyī, tesameva vuḍḍhānaṃ lābhādīsu usūyavigamena anusūyako ca siyāti ayamādipādassa attho.
гаалан̃н̃уу жассаад̇и зд̇т̇а бана рааг̇з уббаннз д̇асса винод̣̇анад̇т̇ааяа г̇аруунам̣ д̣̇ассанам̣ г̇ажчанд̇оби гаалан̃н̃уу, д̣̇осз… мохз… госаж̇ж̇з уббаннз д̇асса винод̣̇анад̇т̇ааяа г̇аруунам̣ д̣̇ассанам̣ г̇ажчанд̇оби гаалан̃н̃уу, яад̇о звам̣ гаалан̃н̃уу жа асса г̇аруунам̣ д̣̇ассанааяа. д̇хаммим̣ гат̇анд̇и самат̇авибассанааяуд̇д̇ам̣. зраяид̇анд̇и вуд̇д̇ам̣. кан̣ан̃н̃ууд̇и д̇ассаа гат̇ааяа кан̣авзд̣̇ий, д̣̇уллабхо ваа аяам̣ ийд̣̇исааяа гат̇ааяа саванагкан̣од̇и ж̇аананд̇о. сун̣зяяа саггажжаад̇и д̇ам̣ гат̇ам̣ саггажжам̣ сун̣зяяа. на гзвалан̃жа д̇амзва, ан̃н̃ааниби б̣уд̣̇д̇хаг̇ун̣аад̣̇ибадисам̣яуд̇д̇аани субхаасид̇аани саггажжамзва сун̣зяяаад̇и ад̇т̇о.
Kālaññū cassāti ettha pana rāge uppanne tassa vinodanatthāya garūnaṃ dassanaṃ gacchantopi kālaññū, dose… mohe… kosajje uppanne tassa vinodanatthāya garūnaṃ dassanaṃ gacchantopi kālaññū, yato evaṃ kālaññū ca assa garūnaṃ dassanāya. Dhammiṃ kathanti samathavipassanāyuttaṃ. Erayitanti vuttaṃ. Khaṇaññūti tassā kathāya khaṇavedī, dullabho vā ayaṃ īdisāya kathāya savanakkhaṇoti jānanto. Suṇeyya sakkaccāti taṃ kathaṃ sakkaccaṃ suṇeyya. Na kevalañca tameva, aññānipi buddhaguṇādipaṭisaṃyuttāni subhāsitāni sakkaccameva suṇeyyāti attho.
329. ‘‘гаалан̃н̃уу жасса г̇аруунам̣ д̣̇ассанааяаа’’д̇и зд̇т̇а вуд̇д̇анаяан̃жа ад̇д̇ано уббаннарааг̇аад̣̇ивинод̣̇анагаалам̣ н̃ад̇вааби г̇аруунам̣ санд̇игам̣ г̇ажчанд̇о гаалзна г̇ажчз г̇аруунам̣ сагаасам̣, ‘‘ахам̣ гаммадтааниго д̇худ̇ан̇г̇ад̇харо жаа’’д̇и гад̇ваа на жзд̇ияаванд̣̇анаб̣од̇хияан̇г̇ан̣абхигкаажаарамаг̇г̇аад̇имаж̇жханхигавзлаад̣̇ийсу яад̇т̇а гад̇т̇ажи тид̇амаажарияам̣ д̣̇исваа барибужчанад̇т̇ааяа убасан̇гамзяяа, сагасзнаасанз бана ад̇д̇ано аасанз нисиннам̣ вуубасанд̇ад̣̇арат̇ам̣ саллагкзд̇ваа гаммадтаанаад̣̇ивид̇хибужчанад̇т̇ам̣ убасан̇гамзяяаад̇и ад̇т̇о. звам̣ убасан̇гаманд̇оби жа т̇амбхам̣ нирам̣гад̇ваа ниваад̇авуд̇д̇и т̇ад̣̇д̇хабхаавагарам̣ маанам̣ винаасзд̇ваа нийжавуд̇д̇и баад̣̇абун̃чанажол̣агачиннависаан̣усабхауд̣̇д̇хад̇ад̣̇аатасаббасад̣̇исо худ̇ваа убасан̇гамзяяа. ат̇а д̇зна г̇арунаа вуд̇д̇ам̣ ад̇т̇ам̣ д̇хаммам̣…бз… самаажарз жа. ад̇т̇анд̇и бхаасид̇ад̇т̇ам̣. д̇хамманд̇и баал̣ид̇хаммам̣. сам̣яаманд̇и сийлам̣. б̣рахмажарияанд̇и авасзсасаасанаб̣рахмажарияам̣. ануссарз жзва самаажарз жаад̇и ад̇т̇ам̣ гат̇ид̇огаасз ануссарзяяа, д̇хаммам̣ сам̣яамам̣ б̣рахмажарияам̣ гат̇ид̇огаасз ануссарзяяа, ануссаран̣амад̇д̇знзва жа ад̇уссанд̇о д̇ам̣ саб̣б̣амби самаажарз самаажарзяяа самаад̣̇ааяа вад̇д̇зяяа. д̇аасам̣ гат̇аанам̣ ад̇д̇ани бавад̇д̇анз уссуггам̣ гарзяяаад̇и ад̇т̇о. звам̣ гаронд̇о хи гижжагаро ход̇и.
329. ‘‘Kālaññū cassa garūnaṃ dassanāyā’’ti ettha vuttanayañca attano uppannarāgādivinodanakālaṃ ñatvāpi garūnaṃ santikaṃ gacchanto kālena gacche garūnaṃsakāsaṃ, ‘‘ahaṃ kammaṭṭhāniko dhutaṅgadharo cā’’ti katvā na cetiyavandanabodhiyaṅgaṇabhikkhācāramaggaatimajjhanhikavelādīsu yattha katthaci ṭhitamācariyaṃ disvā paripucchanatthāya upasaṅkameyya, sakasenāsane pana attano āsane nisinnaṃ vūpasantadarathaṃ sallakkhetvā kammaṭṭhānādividhipucchanatthaṃ upasaṅkameyyāti attho. Evaṃ upasaṅkamantopi ca thambhaṃ niraṃkatvā nivātavutti thaddhabhāvakaraṃ mānaṃ vināsetvā nīcavutti pādapuñchanacoḷakachinnavisāṇusabhauddhatadāṭhasappasadiso hutvā upasaṅkameyya. Atha tena garunā vuttaṃ atthaṃ dhammaṃ…pe… samācare ca. Atthanti bhāsitatthaṃ. Dhammanti pāḷidhammaṃ. Saṃyamanti sīlaṃ. Brahmacariyanti avasesasāsanabrahmacariyaṃ. Anussare ceva samācare cāti atthaṃ kathitokāse anussareyya, dhammaṃ saṃyamaṃ brahmacariyaṃ kathitokāse anussareyya, anussaraṇamatteneva ca atussanto taṃ sabbampi samācare samācareyya samādāya vatteyya. Tāsaṃ kathānaṃ attani pavattane ussukkaṃ kareyyāti attho. Evaṃ karonto hi kiccakaro hoti.
330. д̇ад̇о баран̃жа д̇хаммаараамо д̇хаммарад̇о д̇хаммз тид̇о д̇хаммавинижчаяан̃н̃уу бхавзяяа. саб̣б̣абад̣̇зсу жзд̇т̇а д̇хаммод̇и самат̇авибассанаа, аараамо рад̇ийд̇и згова ад̇т̇о, д̇хаммз аараамо ассаад̇и д̇хаммаараамо. д̇хаммз рад̇о, на ан̃н̃ам̣ бихзд̇ийд̇и д̇хаммарад̇о. д̇хаммз тид̇о д̇хаммам̣ вад̇д̇анад̇о. д̇хаммавинижчаяам̣ ж̇аанаад̇и ‘‘ид̣̇ам̣ уд̣̇аяан̃аан̣ам̣ ид̣̇ам̣ ваяан̃аан̣а’’нд̇и д̇хаммавинижчаяан̃н̃уу, зваруубо асса. ат̇а яааяам̣ рааж̇агат̇аад̣̇ид̇иражчаанагат̇аа д̇арун̣авибассагасса б̣ахид̣̇д̇хааруубаад̣̇ийсу абхинанд̣̇ануббаад̣̇анзна д̇ам̣ самат̇авибассанаад̇хаммам̣ санд̣̇уусзд̇и, д̇асмаа ‘‘д̇хаммасанд̣̇осаваад̣̇о’’д̇и вужжад̇и, д̇ам̣ нзваажарз д̇хаммасанд̣̇осаваад̣̇ам̣, ан̃н̃ад̣̇ад̇т̇у ааваасаг̇ожараад̣̇исаббааяаани сзванд̇о д̇ажчзхи нийязт̇а субхаасид̇зхи. самат̇авибассанаабадисам̣яуд̇д̇аанзвзд̇т̇а д̇ажчаани, д̇ат̇ааруубзхи субхаасид̇зхи нийязт̇а нийязяяа, гаалам̣ кзбзяяаад̇и ад̇т̇о.
330. Tato parañca dhammārāmo dhammarato dhamme ṭhito dhammavinicchayaññū bhaveyya. Sabbapadesu cettha dhammoti samathavipassanā, ārāmo ratīti ekova attho, dhamme ārāmo assāti dhammārāmo. Dhamme rato, na aññaṃ pihetīti dhammarato. Dhamme ṭhito dhammaṃ vattanato. Dhammavinicchayaṃ jānāti ‘‘idaṃ udayañāṇaṃ idaṃ vayañāṇa’’nti dhammavinicchayaññū, evarūpo assa. Atha yāyaṃ rājakathāditiracchānakathā taruṇavipassakassa bahiddhārūpādīsu abhinandanuppādanena taṃ samathavipassanādhammaṃ sandūseti, tasmā ‘‘dhammasandosavādo’’ti vuccati, taṃ nevācare dhammasandosavādaṃ, aññadatthu āvāsagocarādisappāyāni sevanto tacchehi nīyetha subhāsitehi. Samathavipassanāpaṭisaṃyuttānevettha tacchāni, tathārūpehi subhāsitehi nīyetha nīyeyya, kālaṃ khepeyyāti attho.
331. ид̣̇аани ‘‘д̇хаммасанд̣̇осаваад̣̇а’’нд̇и зд̇т̇а ад̇исан̇кзбзна вуд̇д̇ам̣ самат̇авибассанааяуд̇д̇асса бхигкуно убаггилзсам̣ баагадам̣ гаронд̇о д̇ад̣̇ан̃н̃знаби убаггилзсзна сад̣̇д̇хим̣ ‘‘хассам̣ ж̇абба’’нд̇и имам̣ г̇аат̇амааха. хаасанд̇иби баато. вибассагзна хи бхигкунаа хасанийяасмим̣ вад̇т̇усмим̣ сид̇амад̇д̇амзва гаад̇аб̣б̣ам̣, нирад̇т̇агагат̇ааж̇аббо на бхаасид̇аб̣б̣о, н̃аад̇иб̣яасанаад̣̇ийсу барид̣̇зво на гаад̇аб̣б̣о, каан̣уган̣дагаад̣̇имхи манобад̣̇осо на уббаад̣̇зд̇аб̣б̣о. мааяаагад̇анд̇и вуд̇д̇аа мааяаа, д̇ивид̇хам̣ гуханам̣, бажжаязсу г̇ид̣̇д̇хи, ж̇аад̇иаад̣̇ийхи маано, бажжанийгасаад̇ад̇аасан̇каад̇о саарамбхо, парусаважаналагкан̣ам̣ гаггасам̣, рааг̇аад̣̇аяо гасааваа, ад̇химад̇д̇ад̇ан̣хаалагкан̣аа мужчаад̇и имз жа д̣̇осаа сукагаамзна ан̇г̇аарагаасу вияа, сужигаамзна г̇уут̇атаанам̣ вияа, ж̇ийвид̇угаамзна аасивисаад̣̇аяо вияа жа бахаад̇аб̣б̣аа. хид̇ваа жа аарог̇яамад̣̇аад̣̇ивиг̇амаа вийд̇амад̣̇зна жид̇д̇авигкзбаабхааваа тид̇ад̇д̇зна жарид̇аб̣б̣ам̣. звам̣ бадибанно хи саб̣б̣убаггилзсабарисуд̣̇д̇хааяа бхааванааяа на жирассзва арахад̇д̇ам̣ баабун̣аад̇и. д̇знааха бхаг̇аваа – ‘‘хассам̣ ж̇аббам̣…бз… тид̇ад̇д̇о’’д̇и.
331. Idāni ‘‘dhammasandosavāda’’nti ettha atisaṅkhepena vuttaṃ samathavipassanāyuttassa bhikkhuno upakkilesaṃ pākaṭaṃ karonto tadaññenapi upakkilesena saddhiṃ ‘‘hassaṃ jappa’’nti imaṃ gāthamāha. Hāsantipi pāṭho. Vipassakena hi bhikkhunā hasanīyasmiṃ vatthusmiṃ sitamattameva kātabbaṃ, niratthakakathājappo na bhāsitabbo, ñātibyasanādīsu paridevo na kātabbo, khāṇukaṇṭakādimhi manopadoso na uppādetabbo. Māyākatanti vuttā māyā, tividhaṃ kuhanaṃ, paccayesu giddhi, jātiādīhi māno, paccanīkasātatāsaṅkhāto sārambho, pharusavacanalakkhaṇaṃ kakkasaṃ, rāgādayo kasāvā, adhimattataṇhālakkhaṇā mucchāti ime ca dosā sukhakāmena aṅgārakāsu viya, sucikāmena gūthaṭhānaṃ viya, jīvitukāmena āsivisādayo viya ca pahātabbā. Hitvā ca ārogyamadādivigamā vītamadena cittavikkhepābhāvā ṭhitattena caritabbaṃ. Evaṃ paṭipanno hi sabbupakkilesaparisuddhāya bhāvanāya na cirasseva arahattaṃ pāpuṇāti. Tenāha bhagavā – ‘‘hassaṃ jappaṃ…pe… ṭhitatto’’ti.
332. ид̣̇аани явааяам̣ ‘‘хассам̣ ж̇абба’’нд̇иаад̣̇инаа наязна убаггилзсо вуд̇д̇о, д̇зна саманнааг̇ад̇о бхигку яасмаа саахасо ход̇и авиймам̣сагаарий, рад̇д̇о рааг̇авасзна д̣̇удто д̣̇осавасзна г̇ажчад̇и, бамад̇д̇о жа ход̇и гусалаанам̣ д̇хаммаанам̣ бхааванааяа асаад̇ажжагаарий, д̇ат̇ааруубасса жа ‘‘сун̣зяяа саггажжа субхаасид̇ааний’’д̇иаад̣̇инаа наязна вуд̇д̇о оваад̣̇о нирад̇т̇аго, д̇асмаа имасса сам̣гилзсасса буг̇г̇алаад̇хидтаанааяа д̣̇зсанааяа суд̇аад̣̇ивуд̣̇д̇хибадибагкабхаавам̣ д̣̇ассзнд̇о ‘‘вин̃н̃аад̇асаарааний’’д̇и имам̣ г̇аат̇амааха.
332. Idāni yvāyaṃ ‘‘hassaṃ jappa’’ntiādinā nayena upakkileso vutto, tena samannāgato bhikkhu yasmā sāhaso hoti avīmaṃsakārī, ratto rāgavasena duṭṭho dosavasena gacchati, pamatto ca hoti kusalānaṃ dhammānaṃ bhāvanāya asātaccakārī, tathārūpassa ca ‘‘suṇeyya sakkacca subhāsitānī’’tiādinā nayena vutto ovādo niratthako, tasmā imassa saṃkilesassa puggalādhiṭṭhānāya desanāya sutādivuddhipaṭipakkhabhāvaṃ dassento ‘‘viññātasārānī’’ti imaṃ gāthamāha.
д̇ассад̇т̇о – яаани хзд̇аани самат̇авибассанаабадисам̣яуд̇д̇аани субхаасид̇аани, д̇зсам̣ виж̇аананам̣ сааро. яад̣̇и вин̃н̃аад̇аани саад̇ху, ат̇а сад̣̇д̣̇амад̇д̇амзва г̇ахид̇ам̣, на гин̃жи гад̇ам̣ ход̇и, язна зд̇аани суд̇амаязна н̃аан̣зна вин̃н̃ааяанд̇и, д̇ам̣ суд̇ам̣, зд̇ан̃жа суд̇амаяан̃аан̣ам̣ вин̃н̃аад̇асамаад̇хисаарам̣, д̇зсу вин̃н̃аад̇зсу д̇хаммзсу яо самаад̇хи жид̇д̇ассаавигкзбо д̇ат̇ад̇д̇ааяа бадибад̇д̇и, аяамасса сааро. на хи виж̇аананамад̇д̇знзва гожи ад̇т̇о сиж̇жхад̇и. яо банааяам̣ наро рааг̇аад̣̇ивасзна вад̇д̇анад̇о саахасо , гусалаанам̣ д̇хаммаанам̣ бхааванааяа асаад̇ажжагаарид̇ааяа бамад̇д̇о, со сад̣̇д̣̇амад̇д̇аг̇г̇аахийязва ход̇и. д̇зна д̇асса ад̇т̇авиж̇аананаабхаавад̇о саа субхаасид̇авиж̇аананабан̃н̃аа жа, д̇ат̇ад̇д̇ааяа бадибад̇д̇ияаа абхаавад̇о суд̇ан̃жа на вад̣дхад̇ийд̇и.
Tassattho – yāni hetāni samathavipassanāpaṭisaṃyuttāni subhāsitāni, tesaṃ vijānanaṃ sāro. Yadi viññātāni sādhu, atha saddamattameva gahitaṃ, na kiñci kataṃ hoti, yena etāni sutamayena ñāṇena viññāyanti, taṃ sutaṃ, etañca sutamayañāṇaṃ viññātasamādhisāraṃ, tesu viññātesu dhammesu yo samādhi cittassāvikkhepo tathattāya paṭipatti, ayamassa sāro. Na hi vijānanamatteneva koci attho sijjhati. Yo panāyaṃ naro rāgādivasena vattanato sāhaso, kusalānaṃ dhammānaṃ bhāvanāya asātaccakāritāya pamatto, so saddamattaggāhīyeva hoti. Tena tassa atthavijānanābhāvato sā subhāsitavijānanapaññā ca, tathattāya paṭipattiyā abhāvato sutañca na vaḍḍhatīti.
333. звам̣ бамад̇д̇аанам̣ сад̇д̇аанам̣ бан̃н̃аабарихааним̣ суд̇абарихаанин̃жа д̣̇ассзд̇ваа ид̣̇аани аббамад̇д̇аанам̣ д̇ад̣̇убхаяасаараад̇хиг̇амам̣ д̣̇ассзнд̇о ааха – ‘‘д̇хаммз жа яз…бз… саарамаж̇жхаг̇уу’’д̇и. д̇ад̇т̇а арияаббавзд̣̇ид̇о д̇хаммо наама самат̇авибассанаад̇хаммо. згоби хи б̣уд̣̇д̇хо самат̇авибассанаад̇хаммам̣ ад̣̇зсзд̇ваа бариниб̣б̣уд̇о наама над̇т̇и. д̇асмаа зд̇асмим̣ д̇хаммз жа яз арияаббавзд̣̇ид̇з рад̇аа нирад̇аа аббамад̇д̇аа саад̇ажжаануяог̇ино, ануд̇д̇араа д̇з важасаа манасаа гаммунаа жа, д̇з жад̇уб̣б̣ид̇хзна важийсужарид̇зна д̇ивид̇хзна маносужарид̇зна д̇ивид̇хзна гааяасужарид̇зна жа саманнааг̇ад̇ад̇д̇аа важасаа манасаа гаммунаа жа ануд̇д̇араа, авасзсасад̇д̇зхи асамаа аг̇г̇аависидтаа. зд̇д̇аавад̇аа сад̣̇д̇хим̣ буб̣б̣абхааг̇асийлзна арияамаг̇г̇асамбаяуд̇д̇ам̣ сийлам̣ д̣̇ассзд̇и. звам̣ барисуд̣̇д̇хасийлаа д̇з санд̇исоражжасамаад̇хисан̣тид̇аа, суд̇асса бан̃н̃ааяа жа саарамаж̇жхаг̇уу, яз арияаббавзд̣̇ид̇з д̇хаммз рад̇аа, д̇з на гзвалам̣ ваажаад̣̇ийхи ануд̇д̇араа хонд̇и, абижа ко бана санд̇исоражжз самаад̇химхи жа сан̣тид̇аа худ̇ваа суд̇асса бан̃н̃ааяа жа саарамаж̇жхаг̇уу ад̇хиг̇ад̇аа ижжзва взд̣̇ид̇аб̣б̣аа. аасам̣сааяам̣ бхууд̇аважанам̣. д̇ад̇т̇а санд̇ийд̇и ниб̣б̣аанам̣, соражжанд̇и сунд̣̇арз рад̇абхаавзна яат̇аабхууд̇абадивзд̇хигаа бан̃н̃аа, санд̇ияаа соражжанд̇и санд̇исоражжам̣, ниб̣б̣аанаарамман̣ааяа маг̇г̇абан̃н̃ааязд̇ам̣ ад̇хиважанам̣. самаад̇хийд̇и д̇ам̣самбаяуд̇д̇ова маг̇г̇асамаад̇хи. сан̣тид̇аад̇и д̇ад̣̇убхаяз бад̇идтид̇аа. суд̇абан̃н̃аанам̣ саарам̣ наама арахад̇д̇апалавимуд̇д̇и. вимуд̇д̇исааран̃хи ид̣̇ам̣ б̣рахмажарияам̣.
333. Evaṃ pamattānaṃ sattānaṃ paññāparihāniṃ sutaparihāniñca dassetvā idāni appamattānaṃ tadubhayasārādhigamaṃ dassento āha – ‘‘dhamme ca ye…pe… sāramajjhagū’’ti. Tattha ariyappavedito dhammo nāma samathavipassanādhammo. Ekopi hi buddho samathavipassanādhammaṃ adesetvā parinibbuto nāma natthi. Tasmā etasmiṃ dhamme ca ye ariyappavediteratā niratā appamattā sātaccānuyogino, anuttarā te vacasā manasā kammunā ca, te catubbidhena vacīsucaritena tividhena manosucaritena tividhena kāyasucaritena ca samannāgatattā vacasā manasā kammunā ca anuttarā, avasesasattehi asamā aggāvisiṭṭhā. Ettāvatā saddhiṃ pubbabhāgasīlena ariyamaggasampayuttaṃ sīlaṃ dasseti. Evaṃ parisuddhasīlā te santisoraccasamādhisaṇṭhitā, sutassa paññāya ca sāramajjhagū, ye ariyappavedite dhamme ratā, te na kevalaṃ vācādīhi anuttarā honti, apica kho pana santisoracce samādhimhi ca saṇṭhitā hutvā sutassa paññāya ca sāramajjhagū adhigatā icceva veditabbā. Āsaṃsāyaṃ bhūtavacanaṃ. Tattha santīti nibbānaṃ, soraccanti sundare ratabhāvena yathābhūtapaṭivedhikā paññā, santiyā soraccanti santisoraccaṃ, nibbānārammaṇāya maggapaññāyetaṃ adhivacanaṃ. Samādhīti taṃsampayuttova maggasamādhi. Saṇṭhitāti tadubhaye patiṭṭhitā. Sutapaññānaṃ sāraṃ nāma arahattaphalavimutti. Vimuttisārañhi idaṃ brahmacariyaṃ.
звамзд̇т̇а бхаг̇аваа д̇хаммзна буб̣б̣абхааг̇абадибад̣̇ам̣, ‘‘ануд̇д̇араа важасаа’’д̇иаад̣̇ийхи сийлагканд̇хам̣, санд̇исоражжасамаад̇хийхи бан̃н̃аагканд̇хасамаад̇хигканд̇хзд̇и д̇ийхиби имзхи канд̇хзхи абарабхааг̇абадибад̣̇ан̃жа д̣̇ассзд̇ваа суд̇абан̃н̃аасаарзна агуббавимуд̇д̇им̣ д̣̇ассзнд̇о арахад̇д̇анигуудзна д̣̇зсанам̣ самаабзси. д̣̇зсанаабарияосаанз жа со бхигку сод̇аабад̇д̇ипалам̣ бад̇ваа буна на жирассзва аг̇г̇апалз арахад̇д̇з бад̇идтаасийд̇и.
Evamettha bhagavā dhammena pubbabhāgapaṭipadaṃ, ‘‘anuttarā vacasā’’tiādīhi sīlakkhandhaṃ, santisoraccasamādhīhi paññākkhandhasamādhikkhandheti tīhipi imehi khandhehi aparabhāgapaṭipadañca dassetvā sutapaññāsārena akuppavimuttiṃ dassento arahattanikūṭena desanaṃ samāpesi. Desanāpariyosāne ca so bhikkhu sotāpattiphalaṃ patvā puna na cirasseva aggaphale arahatte patiṭṭhāsīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа гим̣сийласуд̇д̇аван̣н̣анаа нидтид̇аа.
Suttanipāta-aṭṭhakathāya kiṃsīlasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 9. гим̣сийласуд̇д̇ам̣ • 9. Kiṃsīlasuttaṃ
