| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā |
੯. ਕਿਂਸੀਲਸੁਤ੍ਤવਣ੍ਣਨਾ
9. Kiṃsīlasuttavaṇṇanā
੩੨੭. ਕਿਂਸੀਲੋਤਿ ਕਿਂਸੀਲਸੁਤ੍ਤਂ। ਕਾ ਉਪ੍ਪਤ੍ਤਿ? ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਗਿਹਿਸਹਾਯਕੋ ਏਕੋ ਥੇਰਸ੍ਸੇવ ਪਿਤੁਨੋ વਙ੍ਗਨ੍ਤਬ੍ਰਾਹ੍ਮਣਸ੍ਸ ਸਹਾਯਸ੍ਸ ਬ੍ਰਾਹ੍ਮਣਸ੍ਸ ਪੁਤ੍ਤੋ ਸਟ੍ਠਿਕੋਟਿਅਧਿਕਂ ਪਞ੍ਚਸਤਕੋਟਿਧਨਂ ਪਰਿਚ੍ਚਜਿਤ੍વਾ ਆਯਸ੍ਮਤੋ ਸਾਰਿਪੁਤ੍ਤਤ੍ਥੇਰਸ੍ਸ ਸਨ੍ਤਿਕੇ ਪਬ੍ਬਜਿਤ੍વਾ ਸਬ੍ਬਂ ਬੁਦ੍ਧવਚਨਂ ਪਰਿਯਾਪੁਣਿ। ਤਸ੍ਸ ਥੇਰੋ ਬਹੁਸੋ ਓવਦਿਤ੍વਾ ਕਮ੍ਮਟ੍ਠਾਨਮਦਾਸਿ, ਸੋ ਤੇਨ વਿਸੇਸਂ ਨਾਧਿਗਚ੍ਛਤਿ। ਤਤੋ ਥੇਰੋ ‘‘ਬੁਦ੍ਧવੇਨੇਯ੍ਯੋ ਏਸੋ’’ਤਿ ਞਤ੍વਾ ਤਂ ਆਦਾਯ ਭਗવਤੋ ਸਨ੍ਤਿਕਂ ਗਨ੍ਤ੍વਾ ਤਂ ਭਿਕ੍ਖੁਂ ਆਰਬ੍ਭ ਪੁਗ੍ਗਲਂ ਅਨਿਯਮੇਤ੍વਾ ‘‘ਕਿਂਸੀਲੋ’’ਤਿ ਪੁਚ੍ਛਿ। ਅਥਸ੍ਸ ਭਗવਾ ਤਤੋ ਪਰਂ ਅਭਾਸਿ। ਤਤ੍ਥ ਕਿਂਸੀਲੋਤਿ ਕੀਦਿਸੇਨ વਾਰਿਤ੍ਤਸੀਲੇਨ ਸਮਨ੍ਨਾਗਤੋ, ਕੀਦਿਸਪਕਤਿਕੋ વਾ। ਕਿਂਸਮਾਚਾਰੋਤਿ ਕੀਦਿਸੇਨ ਚਾਰਿਤ੍ਤੇਨ ਯੁਤ੍ਤੋ। ਕਾਨਿ ਕਮ੍ਮਾਨਿ ਬ੍ਰੂਹਯਨ੍ਤਿ ਕਾਨਿ ਕਾਯਕਮ੍ਮਾਦੀਨਿ વਡ੍ਢੇਨ੍ਤੋ। ਨਰੋ ਸਮ੍ਮਾ ਨਿવਿਟ੍ਠਸ੍ਸਾਤਿ ਅਭਿਰਤੋ ਨਰੋ ਸਾਸਨੇ ਸਮ੍ਮਾ ਪਤਿਟ੍ਠਿਤੋ ਭવੇਯ੍ਯ। ਉਤ੍ਤਮਤ੍ਥਞ੍ਚ ਪਾਪੁਣੇਤਿ ਸਬ੍ਬਤ੍ਥਾਨਂ ਉਤ੍ਤਮਂ ਅਰਹਤ੍ਤਞ੍ਚ ਪਾਪੁਣੇਯ੍ਯਾਤਿ વੁਤ੍ਤਂ ਹੋਤਿ।
327.Kiṃsīloti kiṃsīlasuttaṃ. Kā uppatti? Āyasmato sāriputtassa gihisahāyako eko therasseva pituno vaṅgantabrāhmaṇassa sahāyassa brāhmaṇassa putto saṭṭhikoṭiadhikaṃ pañcasatakoṭidhanaṃ pariccajitvā āyasmato sāriputtattherassa santike pabbajitvā sabbaṃ buddhavacanaṃ pariyāpuṇi. Tassa thero bahuso ovaditvā kammaṭṭhānamadāsi, so tena visesaṃ nādhigacchati. Tato thero ‘‘buddhaveneyyo eso’’ti ñatvā taṃ ādāya bhagavato santikaṃ gantvā taṃ bhikkhuṃ ārabbha puggalaṃ aniyametvā ‘‘kiṃsīlo’’ti pucchi. Athassa bhagavā tato paraṃ abhāsi. Tattha kiṃsīloti kīdisena vārittasīlena samannāgato, kīdisapakatiko vā. Kiṃsamācāroti kīdisena cārittena yutto. Kāni kammānibrūhayanti kāni kāyakammādīni vaḍḍhento. Naro sammā niviṭṭhassāti abhirato naro sāsane sammā patiṭṭhito bhaveyya. Uttamatthañca pāpuṇeti sabbatthānaṃ uttamaṃ arahattañca pāpuṇeyyāti vuttaṃ hoti.
੩੨੮. ਤਤੋ ਭਗવਾ ‘‘ਸਾਰਿਪੁਤ੍ਤੋ ਅਡ੍ਢਮਾਸੂਪਸਮ੍ਪਨ੍ਨੋ ਸਾવਕਪਾਰਮਿਪ੍ਪਤ੍ਤੋ, ਕਸ੍ਮਾ ਆਦਿਕਮ੍ਮਿਕਪੁਥੁਜ੍ਜਨਪਞ੍ਹਂ ਪੁਚ੍ਛਤੀ’’ਤਿ ਆવਜ੍ਜੇਨ੍ਤੋ ‘‘ਸਦ੍ਧਿવਿਹਾਰਿਕਂ ਆਰਬ੍ਭਾ’’ਤਿ ਞਤ੍વਾ ਪੁਚ੍ਛਾਯ વੁਤ੍ਤਂ ਚਾਰਿਤ੍ਤਸੀਲਂ ਅવਿਭਜਿਤ੍વਾવ ਤਸ੍ਸ ਸਪ੍ਪਾਯવਸੇਨ ਧਮ੍ਮਂ ਦੇਸੇਨ੍ਤੋ ‘‘વੁਡ੍ਢਾਪਚਾਯੀ’’ਤਿਆਦਿਮਾਹ।
328. Tato bhagavā ‘‘sāriputto aḍḍhamāsūpasampanno sāvakapāramippatto, kasmā ādikammikaputhujjanapañhaṃ pucchatī’’ti āvajjento ‘‘saddhivihārikaṃ ārabbhā’’ti ñatvā pucchāya vuttaṃ cārittasīlaṃ avibhajitvāva tassa sappāyavasena dhammaṃ desento ‘‘vuḍḍhāpacāyī’’tiādimāha.
ਤਤ੍ਥ ਪਞ੍ਞਾવੁਡ੍ਢੋ, ਗੁਣવੁਡ੍ਢੋ, ਜਾਤਿવੁਡ੍ਢੋ, વਯੋવੁਡ੍ਢੋਤਿ ਚਤ੍ਤਾਰੋ વੁਡ੍ਢਾ। ਜਾਤਿਯਾ ਹਿ ਦਹਰੋਪਿ ਬਹੁਸ੍ਸੁਤੋ ਭਿਕ੍ਖੁ ਅਪ੍ਪਸ੍ਸੁਤਮਹਲ੍ਲਕਭਿਕ੍ਖੂਨਮਨ੍ਤਰੇ ਬਾਹੁਸਚ੍ਚਪਞ੍ਞਾਯ વੁਡ੍ਢਤ੍ਤਾ ਪਞ੍ਞਾવੁਡ੍ਢੋ। ਤਸ੍ਸ ਹਿ ਸਨ੍ਤਿਕੇ ਮਹਲ੍ਲਕਭਿਕ੍ਖੂਪਿ ਬੁਦ੍ਧવਚਨਂ ਪਰਿਯਾਪੁਣਨ੍ਤਿ, ਓવਾਦવਿਨਿਚ੍ਛਯਪਞ੍ਹવਿਸ੍ਸਜ੍ਜਨਾਨਿ ਚ ਪਚ੍ਚਾਸੀਸਨ੍ਤਿ। ਤਥਾ ਦਹਰੋਪਿ ਭਿਕ੍ਖੁ ਅਧਿਗਮਸਮ੍ਪਨ੍ਨੋ ਗੁਣવੁਡ੍ਢੋ ਨਾਮ। ਤਸ੍ਸ ਹਿ ਓવਾਦੇ ਪਤਿਟ੍ਠਾਯ ਮਹਲ੍ਲਕਾਪਿ વਿਪਸ੍ਸਨਾਗਬ੍ਭਂ ਗਹੇਤ੍વਾ ਅਰਹਤ੍ਤਫਲਂ ਪਾਪੁਣਨ੍ਤਿ। ਤਥਾ ਦਹਰੋਪਿ ਰਾਜਾ ਖਤ੍ਤਿਯੋ ਮੁਦ੍ਧਾવਸਿਤ੍ਤੋ ਬ੍ਰਾਹ੍ਮਣੋ વਾ ਸੇਸਜਨਸ੍ਸ વਨ੍ਦਨਾਰਹਤੋ ਜਾਤਿવੁਡ੍ਢੋ ਨਾਮ। ਸਬ੍ਬੋ ਪਨ ਪਠਮਜਾਤੋ વਯੋવੁਡ੍ਢੋ ਨਾਮ। ਤਤ੍ਥ ਯਸ੍ਮਾ ਪਞ੍ਞਾਯ ਸਾਰਿਪੁਤ੍ਤਤ੍ਥੇਰਸ੍ਸ ਸਦਿਸੋ ਨਤ੍ਥਿ ਠਪੇਤ੍વਾ ਭਗવਨ੍ਤਂ, ਤਥਾ ਗੁਣੇਨਪਿ ਅਡ੍ਢਮਾਸੇਨ ਸਬ੍ਬਸਾવਕਪਾਰਮੀਞਾਣਸ੍ਸ ਪਟਿવਿਦ੍ਧਤ੍ਤਾ। ਜਾਤਿਯਾਪਿ ਸੋ ਬ੍ਰਾਹ੍ਮਣਮਹਾਸਾਲਕੁਲੇ ਉਪ੍ਪਨ੍ਨੋ, ਤਸ੍ਮਾ ਤਸ੍ਸ ਭਿਕ੍ਖੁਨੋ વਯੇਨ ਸਮਾਨੋਪਿ ਸੋ ਇਮੇਹਿ ਤੀਹਿ ਕਾਰਣੇਹਿ વੁਡ੍ਢੋ। ਇਮਸ੍ਮਿਂ ਪਨਤ੍ਥੇ ਪਞ੍ਞਾਗੁਣੇਹਿ ਏવ વੁਡ੍ਢਭਾવਂ ਸਨ੍ਧਾਯ ਭਗવਾ ਆਹ – ‘‘વੁਡ੍ਢਾਪਚਾਯੀ’’ਤਿ। ਤਸ੍ਮਾ ਤਾਦਿਸਾਨਂ વੁਡ੍ਢਾਨਂ ਅਪਚਿਤਿਕਰਣੇਨ વੁਡ੍ਢਾਪਚਾਯੀ, ਤੇਸਮੇવ વੁਡ੍ਢਾਨਂ ਲਾਭਾਦੀਸੁ ਉਸੂਯવਿਗਮੇਨ ਅਨੁਸੂਯਕੋ ਚ ਸਿਯਾਤਿ ਅਯਮਾਦਿਪਾਦਸ੍ਸ ਅਤ੍ਥੋ।
Tattha paññāvuḍḍho, guṇavuḍḍho, jātivuḍḍho, vayovuḍḍhoti cattāro vuḍḍhā. Jātiyā hi daharopi bahussuto bhikkhu appassutamahallakabhikkhūnamantare bāhusaccapaññāya vuḍḍhattā paññāvuḍḍho. Tassa hi santike mahallakabhikkhūpi buddhavacanaṃ pariyāpuṇanti, ovādavinicchayapañhavissajjanāni ca paccāsīsanti. Tathā daharopi bhikkhu adhigamasampanno guṇavuḍḍho nāma. Tassa hi ovāde patiṭṭhāya mahallakāpi vipassanāgabbhaṃ gahetvā arahattaphalaṃ pāpuṇanti. Tathā daharopi rājā khattiyo muddhāvasitto brāhmaṇo vā sesajanassa vandanārahato jātivuḍḍho nāma. Sabbo pana paṭhamajāto vayovuḍḍho nāma. Tattha yasmā paññāya sāriputtattherassa sadiso natthi ṭhapetvā bhagavantaṃ, tathā guṇenapi aḍḍhamāsena sabbasāvakapāramīñāṇassa paṭividdhattā. Jātiyāpi so brāhmaṇamahāsālakule uppanno, tasmā tassa bhikkhuno vayena samānopi so imehi tīhi kāraṇehi vuḍḍho. Imasmiṃ panatthe paññāguṇehi eva vuḍḍhabhāvaṃ sandhāya bhagavā āha – ‘‘vuḍḍhāpacāyī’’ti. Tasmā tādisānaṃ vuḍḍhānaṃ apacitikaraṇena vuḍḍhāpacāyī, tesameva vuḍḍhānaṃ lābhādīsu usūyavigamena anusūyako ca siyāti ayamādipādassa attho.
ਕਾਲਞ੍ਞੂ ਚਸ੍ਸਾਤਿ ਏਤ੍ਥ ਪਨ ਰਾਗੇ ਉਪ੍ਪਨ੍ਨੇ ਤਸ੍ਸ વਿਨੋਦਨਤ੍ਥਾਯ ਗਰੂਨਂ ਦਸ੍ਸਨਂ ਗਚ੍ਛਨ੍ਤੋਪਿ ਕਾਲਞ੍ਞੂ, ਦੋਸੇ… ਮੋਹੇ… ਕੋਸਜ੍ਜੇ ਉਪ੍ਪਨ੍ਨੇ ਤਸ੍ਸ વਿਨੋਦਨਤ੍ਥਾਯ ਗਰੂਨਂ ਦਸ੍ਸਨਂ ਗਚ੍ਛਨ੍ਤੋਪਿ ਕਾਲਞ੍ਞੂ, ਯਤੋ ਏવਂ ਕਾਲਞ੍ਞੂ ਚ ਅਸ੍ਸ ਗਰੂਨਂ ਦਸ੍ਸਨਾਯ। ਧਮ੍ਮਿਂ ਕਥਨ੍ਤਿ ਸਮਥવਿਪਸ੍ਸਨਾਯੁਤ੍ਤਂ। ਏਰਯਿਤਨ੍ਤਿ વੁਤ੍ਤਂ। ਖਣਞ੍ਞੂਤਿ ਤਸ੍ਸਾ ਕਥਾਯ ਖਣવੇਦੀ, ਦੁਲ੍ਲਭੋ વਾ ਅਯਂ ਈਦਿਸਾਯ ਕਥਾਯ ਸવਨਕ੍ਖਣੋਤਿ ਜਾਨਨ੍ਤੋ। ਸੁਣੇਯ੍ਯ ਸਕ੍ਕਚ੍ਚਾਤਿ ਤਂ ਕਥਂ ਸਕ੍ਕਚ੍ਚਂ ਸੁਣੇਯ੍ਯ। ਨ ਕੇવਲਞ੍ਚ ਤਮੇવ, ਅਞ੍ਞਾਨਿਪਿ ਬੁਦ੍ਧਗੁਣਾਦਿਪਟਿਸਂਯੁਤ੍ਤਾਨਿ ਸੁਭਾਸਿਤਾਨਿ ਸਕ੍ਕਚ੍ਚਮੇવ ਸੁਣੇਯ੍ਯਾਤਿ ਅਤ੍ਥੋ।
Kālaññū cassāti ettha pana rāge uppanne tassa vinodanatthāya garūnaṃ dassanaṃ gacchantopi kālaññū, dose… mohe… kosajje uppanne tassa vinodanatthāya garūnaṃ dassanaṃ gacchantopi kālaññū, yato evaṃ kālaññū ca assa garūnaṃ dassanāya. Dhammiṃ kathanti samathavipassanāyuttaṃ. Erayitanti vuttaṃ. Khaṇaññūti tassā kathāya khaṇavedī, dullabho vā ayaṃ īdisāya kathāya savanakkhaṇoti jānanto. Suṇeyya sakkaccāti taṃ kathaṃ sakkaccaṃ suṇeyya. Na kevalañca tameva, aññānipi buddhaguṇādipaṭisaṃyuttāni subhāsitāni sakkaccameva suṇeyyāti attho.
੩੨੯. ‘‘ਕਾਲਞ੍ਞੂ ਚਸ੍ਸ ਗਰੂਨਂ ਦਸ੍ਸਨਾਯਾ’’ਤਿ ਏਤ੍ਥ વੁਤ੍ਤਨਯਞ੍ਚ ਅਤ੍ਤਨੋ ਉਪ੍ਪਨ੍ਨਰਾਗਾਦਿવਿਨੋਦਨਕਾਲਂ ਞਤ੍વਾਪਿ ਗਰੂਨਂ ਸਨ੍ਤਿਕਂ ਗਚ੍ਛਨ੍ਤੋ ਕਾਲੇਨ ਗਚ੍ਛੇ ਗਰੂਨਂ ਸਕਾਸਂ, ‘‘ਅਹਂ ਕਮ੍ਮਟ੍ਠਾਨਿਕੋ ਧੁਤਙ੍ਗਧਰੋ ਚਾ’’ਤਿ ਕਤ੍વਾ ਨ ਚੇਤਿਯવਨ੍ਦਨਬੋਧਿਯਙ੍ਗਣਭਿਕ੍ਖਾਚਾਰਮਗ੍ਗਅਤਿਮਜ੍ਝਨ੍ਹਿਕવੇਲਾਦੀਸੁ ਯਤ੍ਥ ਕਤ੍ਥਚਿ ਠਿਤਮਾਚਰਿਯਂ ਦਿਸ੍વਾ ਪਰਿਪੁਚ੍ਛਨਤ੍ਥਾਯ ਉਪਸਙ੍ਕਮੇਯ੍ਯ, ਸਕਸੇਨਾਸਨੇ ਪਨ ਅਤ੍ਤਨੋ ਆਸਨੇ ਨਿਸਿਨ੍ਨਂ વੂਪਸਨ੍ਤਦਰਥਂ ਸਲ੍ਲਕ੍ਖੇਤ੍વਾ ਕਮ੍ਮਟ੍ਠਾਨਾਦਿવਿਧਿਪੁਚ੍ਛਨਤ੍ਥਂ ਉਪਸਙ੍ਕਮੇਯ੍ਯਾਤਿ ਅਤ੍ਥੋ। ਏવਂ ਉਪਸਙ੍ਕਮਨ੍ਤੋਪਿ ਚ ਥਮ੍ਭਂ ਨਿਰਂਕਤ੍વਾ ਨਿવਾਤવੁਤ੍ਤਿ ਥਦ੍ਧਭਾવਕਰਂ ਮਾਨਂ વਿਨਾਸੇਤ੍વਾ ਨੀਚવੁਤ੍ਤਿ ਪਾਦਪੁਞ੍ਛਨਚੋਲ਼ਕਛਿਨ੍ਨવਿਸਾਣੁਸਭਉਦ੍ਧਤਦਾਠਸਪ੍ਪਸਦਿਸੋ ਹੁਤ੍વਾ ਉਪਸਙ੍ਕਮੇਯ੍ਯ। ਅਥ ਤੇਨ ਗਰੁਨਾ વੁਤ੍ਤਂ ਅਤ੍ਥਂ ਧਮ੍ਮਂ…ਪੇ॰… ਸਮਾਚਰੇ ਚ। ਅਤ੍ਥਨ੍ਤਿ ਭਾਸਿਤਤ੍ਥਂ। ਧਮ੍ਮਨ੍ਤਿ ਪਾਲ਼ਿਧਮ੍ਮਂ। ਸਂਯਮਨ੍ਤਿ ਸੀਲਂ। ਬ੍ਰਹ੍ਮਚਰਿਯਨ੍ਤਿ ਅવਸੇਸਸਾਸਨਬ੍ਰਹ੍ਮਚਰਿਯਂ। ਅਨੁਸ੍ਸਰੇ ਚੇવ ਸਮਾਚਰੇ ਚਾਤਿ ਅਤ੍ਥਂ ਕਥਿਤੋਕਾਸੇ ਅਨੁਸ੍ਸਰੇਯ੍ਯ, ਧਮ੍ਮਂ ਸਂਯਮਂ ਬ੍ਰਹ੍ਮਚਰਿਯਂ ਕਥਿਤੋਕਾਸੇ ਅਨੁਸ੍ਸਰੇਯ੍ਯ, ਅਨੁਸ੍ਸਰਣਮਤ੍ਤੇਨੇવ ਚ ਅਤੁਸ੍ਸਨ੍ਤੋ ਤਂ ਸਬ੍ਬਮ੍ਪਿ ਸਮਾਚਰੇ ਸਮਾਚਰੇਯ੍ਯ ਸਮਾਦਾਯ વਤ੍ਤੇਯ੍ਯ। ਤਾਸਂ ਕਥਾਨਂ ਅਤ੍ਤਨਿ ਪવਤ੍ਤਨੇ ਉਸ੍ਸੁਕ੍ਕਂ ਕਰੇਯ੍ਯਾਤਿ ਅਤ੍ਥੋ। ਏવਂ ਕਰੋਨ੍ਤੋ ਹਿ ਕਿਚ੍ਚਕਰੋ ਹੋਤਿ।
329. ‘‘Kālaññū cassa garūnaṃ dassanāyā’’ti ettha vuttanayañca attano uppannarāgādivinodanakālaṃ ñatvāpi garūnaṃ santikaṃ gacchanto kālena gacche garūnaṃsakāsaṃ, ‘‘ahaṃ kammaṭṭhāniko dhutaṅgadharo cā’’ti katvā na cetiyavandanabodhiyaṅgaṇabhikkhācāramaggaatimajjhanhikavelādīsu yattha katthaci ṭhitamācariyaṃ disvā paripucchanatthāya upasaṅkameyya, sakasenāsane pana attano āsane nisinnaṃ vūpasantadarathaṃ sallakkhetvā kammaṭṭhānādividhipucchanatthaṃ upasaṅkameyyāti attho. Evaṃ upasaṅkamantopi ca thambhaṃ niraṃkatvā nivātavutti thaddhabhāvakaraṃ mānaṃ vināsetvā nīcavutti pādapuñchanacoḷakachinnavisāṇusabhauddhatadāṭhasappasadiso hutvā upasaṅkameyya. Atha tena garunā vuttaṃ atthaṃ dhammaṃ…pe… samācare ca. Atthanti bhāsitatthaṃ. Dhammanti pāḷidhammaṃ. Saṃyamanti sīlaṃ. Brahmacariyanti avasesasāsanabrahmacariyaṃ. Anussare ceva samācare cāti atthaṃ kathitokāse anussareyya, dhammaṃ saṃyamaṃ brahmacariyaṃ kathitokāse anussareyya, anussaraṇamatteneva ca atussanto taṃ sabbampi samācare samācareyya samādāya vatteyya. Tāsaṃ kathānaṃ attani pavattane ussukkaṃ kareyyāti attho. Evaṃ karonto hi kiccakaro hoti.
੩੩੦. ਤਤੋ ਪਰਞ੍ਚ ਧਮ੍ਮਾਰਾਮੋ ਧਮ੍ਮਰਤੋ ਧਮ੍ਮੇ ਠਿਤੋ ਧਮ੍ਮવਿਨਿਚ੍ਛਯਞ੍ਞੂ ਭવੇਯ੍ਯ। ਸਬ੍ਬਪਦੇਸੁ ਚੇਤ੍ਥ ਧਮ੍ਮੋਤਿ ਸਮਥવਿਪਸ੍ਸਨਾ, ਆਰਾਮੋ ਰਤੀਤਿ ਏਕੋવ ਅਤ੍ਥੋ, ਧਮ੍ਮੇ ਆਰਾਮੋ ਅਸ੍ਸਾਤਿ ਧਮ੍ਮਾਰਾਮੋ। ਧਮ੍ਮੇ ਰਤੋ, ਨ ਅਞ੍ਞਂ ਪਿਹੇਤੀਤਿ ਧਮ੍ਮਰਤੋ। ਧਮ੍ਮੇ ਠਿਤੋ ਧਮ੍ਮਂ વਤ੍ਤਨਤੋ। ਧਮ੍ਮવਿਨਿਚ੍ਛਯਂ ਜਾਨਾਤਿ ‘‘ਇਦਂ ਉਦਯਞਾਣਂ ਇਦਂ વਯਞਾਣ’’ਨ੍ਤਿ ਧਮ੍ਮવਿਨਿਚ੍ਛਯਞ੍ਞੂ, ਏવਰੂਪੋ ਅਸ੍ਸ। ਅਥ ਯਾਯਂ ਰਾਜਕਥਾਦਿਤਿਰਚ੍ਛਾਨਕਥਾ ਤਰੁਣવਿਪਸ੍ਸਕਸ੍ਸ ਬਹਿਦ੍ਧਾਰੂਪਾਦੀਸੁ ਅਭਿਨਨ੍ਦਨੁਪ੍ਪਾਦਨੇਨ ਤਂ ਸਮਥવਿਪਸ੍ਸਨਾਧਮ੍ਮਂ ਸਨ੍ਦੂਸੇਤਿ, ਤਸ੍ਮਾ ‘‘ਧਮ੍ਮਸਨ੍ਦੋਸવਾਦੋ’’ਤਿ વੁਚ੍ਚਤਿ, ਤਂ ਨੇવਾਚਰੇ ਧਮ੍ਮਸਨ੍ਦੋਸવਾਦਂ, ਅਞ੍ਞਦਤ੍ਥੁ ਆવਾਸਗੋਚਰਾਦਿਸਪ੍ਪਾਯਾਨਿ ਸੇવਨ੍ਤੋ ਤਚ੍ਛੇਹਿ ਨੀਯੇਥ ਸੁਭਾਸਿਤੇਹਿ। ਸਮਥવਿਪਸ੍ਸਨਾਪਟਿਸਂਯੁਤ੍ਤਾਨੇવੇਤ੍ਥ ਤਚ੍ਛਾਨਿ, ਤਥਾਰੂਪੇਹਿ ਸੁਭਾਸਿਤੇਹਿ ਨੀਯੇਥ ਨੀਯੇਯ੍ਯ, ਕਾਲਂ ਖੇਪੇਯ੍ਯਾਤਿ ਅਤ੍ਥੋ।
330. Tato parañca dhammārāmo dhammarato dhamme ṭhito dhammavinicchayaññū bhaveyya. Sabbapadesu cettha dhammoti samathavipassanā, ārāmo ratīti ekova attho, dhamme ārāmo assāti dhammārāmo. Dhamme rato, na aññaṃ pihetīti dhammarato. Dhamme ṭhito dhammaṃ vattanato. Dhammavinicchayaṃ jānāti ‘‘idaṃ udayañāṇaṃ idaṃ vayañāṇa’’nti dhammavinicchayaññū, evarūpo assa. Atha yāyaṃ rājakathāditiracchānakathā taruṇavipassakassa bahiddhārūpādīsu abhinandanuppādanena taṃ samathavipassanādhammaṃ sandūseti, tasmā ‘‘dhammasandosavādo’’ti vuccati, taṃ nevācare dhammasandosavādaṃ, aññadatthu āvāsagocarādisappāyāni sevanto tacchehi nīyetha subhāsitehi. Samathavipassanāpaṭisaṃyuttānevettha tacchāni, tathārūpehi subhāsitehi nīyetha nīyeyya, kālaṃ khepeyyāti attho.
੩੩੧. ਇਦਾਨਿ ‘‘ਧਮ੍ਮਸਨ੍ਦੋਸવਾਦ’’ਨ੍ਤਿ ਏਤ੍ਥ ਅਤਿਸਙ੍ਖੇਪੇਨ વੁਤ੍ਤਂ ਸਮਥવਿਪਸ੍ਸਨਾਯੁਤ੍ਤਸ੍ਸ ਭਿਕ੍ਖੁਨੋ ਉਪਕ੍ਕਿਲੇਸਂ ਪਾਕਟਂ ਕਰੋਨ੍ਤੋ ਤਦਞ੍ਞੇਨਪਿ ਉਪਕ੍ਕਿਲੇਸੇਨ ਸਦ੍ਧਿਂ ‘‘ਹਸ੍ਸਂ ਜਪ੍ਪ’’ਨ੍ਤਿ ਇਮਂ ਗਾਥਮਾਹ। ਹਾਸਨ੍ਤਿਪਿ ਪਾਠੋ। વਿਪਸ੍ਸਕੇਨ ਹਿ ਭਿਕ੍ਖੁਨਾ ਹਸਨੀਯਸ੍ਮਿਂ વਤ੍ਥੁਸ੍ਮਿਂ ਸਿਤਮਤ੍ਤਮੇવ ਕਾਤਬ੍ਬਂ, ਨਿਰਤ੍ਥਕਕਥਾਜਪ੍ਪੋ ਨ ਭਾਸਿਤਬ੍ਬੋ, ਞਾਤਿਬ੍ਯਸਨਾਦੀਸੁ ਪਰਿਦੇવੋ ਨ ਕਾਤਬ੍ਬੋ, ਖਾਣੁਕਣ੍ਟਕਾਦਿਮ੍ਹਿ ਮਨੋਪਦੋਸੋ ਨ ਉਪ੍ਪਾਦੇਤਬ੍ਬੋ। ਮਾਯਾਕਤਨ੍ਤਿ વੁਤ੍ਤਾ ਮਾਯਾ, ਤਿવਿਧਂ ਕੁਹਨਂ, ਪਚ੍ਚਯੇਸੁ ਗਿਦ੍ਧਿ, ਜਾਤਿਆਦੀਹਿ ਮਾਨੋ, ਪਚ੍ਚਨੀਕਸਾਤਤਾਸਙ੍ਖਾਤੋ ਸਾਰਮ੍ਭੋ, ਫਰੁਸવਚਨਲਕ੍ਖਣਂ ਕਕ੍ਕਸਂ, ਰਾਗਾਦਯੋ ਕਸਾવਾ, ਅਧਿਮਤ੍ਤਤਣ੍ਹਾਲਕ੍ਖਣਾ ਮੁਚ੍ਛਾਤਿ ਇਮੇ ਚ ਦੋਸਾ ਸੁਖਕਾਮੇਨ ਅਙ੍ਗਾਰਕਾਸੁ વਿਯ, ਸੁਚਿਕਾਮੇਨ ਗੂਥਠਾਨਂ વਿਯ, ਜੀવਿਤੁਕਾਮੇਨ ਆਸਿવਿਸਾਦਯੋ વਿਯ ਚ ਪਹਾਤਬ੍ਬਾ। ਹਿਤ੍વਾ ਚ ਆਰੋਗ੍ਯਮਦਾਦਿવਿਗਮਾ વੀਤਮਦੇਨ ਚਿਤ੍ਤવਿਕ੍ਖੇਪਾਭਾવਾ ਠਿਤਤ੍ਤੇਨ ਚਰਿਤਬ੍ਬਂ। ਏવਂ ਪਟਿਪਨ੍ਨੋ ਹਿ ਸਬ੍ਬੁਪਕ੍ਕਿਲੇਸਪਰਿਸੁਦ੍ਧਾਯ ਭਾવਨਾਯ ਨ ਚਿਰਸ੍ਸੇવ ਅਰਹਤ੍ਤਂ ਪਾਪੁਣਾਤਿ। ਤੇਨਾਹ ਭਗવਾ – ‘‘ਹਸ੍ਸਂ ਜਪ੍ਪਂ…ਪੇ॰… ਠਿਤਤ੍ਤੋ’’ਤਿ।
331. Idāni ‘‘dhammasandosavāda’’nti ettha atisaṅkhepena vuttaṃ samathavipassanāyuttassa bhikkhuno upakkilesaṃ pākaṭaṃ karonto tadaññenapi upakkilesena saddhiṃ ‘‘hassaṃ jappa’’nti imaṃ gāthamāha. Hāsantipi pāṭho. Vipassakena hi bhikkhunā hasanīyasmiṃ vatthusmiṃ sitamattameva kātabbaṃ, niratthakakathājappo na bhāsitabbo, ñātibyasanādīsu paridevo na kātabbo, khāṇukaṇṭakādimhi manopadoso na uppādetabbo. Māyākatanti vuttā māyā, tividhaṃ kuhanaṃ, paccayesu giddhi, jātiādīhi māno, paccanīkasātatāsaṅkhāto sārambho, pharusavacanalakkhaṇaṃ kakkasaṃ, rāgādayo kasāvā, adhimattataṇhālakkhaṇā mucchāti ime ca dosā sukhakāmena aṅgārakāsu viya, sucikāmena gūthaṭhānaṃ viya, jīvitukāmena āsivisādayo viya ca pahātabbā. Hitvā ca ārogyamadādivigamā vītamadena cittavikkhepābhāvā ṭhitattena caritabbaṃ. Evaṃ paṭipanno hi sabbupakkilesaparisuddhāya bhāvanāya na cirasseva arahattaṃ pāpuṇāti. Tenāha bhagavā – ‘‘hassaṃ jappaṃ…pe… ṭhitatto’’ti.
੩੩੨. ਇਦਾਨਿ ਯ੍વਾਯਂ ‘‘ਹਸ੍ਸਂ ਜਪ੍ਪ’’ਨ੍ਤਿਆਦਿਨਾ ਨਯੇਨ ਉਪਕ੍ਕਿਲੇਸੋ વੁਤ੍ਤੋ, ਤੇਨ ਸਮਨ੍ਨਾਗਤੋ ਭਿਕ੍ਖੁ ਯਸ੍ਮਾ ਸਾਹਸੋ ਹੋਤਿ ਅવੀਮਂਸਕਾਰੀ, ਰਤ੍ਤੋ ਰਾਗવਸੇਨ ਦੁਟ੍ਠੋ ਦੋਸવਸੇਨ ਗਚ੍ਛਤਿ, ਪਮਤ੍ਤੋ ਚ ਹੋਤਿ ਕੁਸਲਾਨਂ ਧਮ੍ਮਾਨਂ ਭਾવਨਾਯ ਅਸਾਤਚ੍ਚਕਾਰੀ, ਤਥਾਰੂਪਸ੍ਸ ਚ ‘‘ਸੁਣੇਯ੍ਯ ਸਕ੍ਕਚ੍ਚ ਸੁਭਾਸਿਤਾਨੀ’’ਤਿਆਦਿਨਾ ਨਯੇਨ વੁਤ੍ਤੋ ਓવਾਦੋ ਨਿਰਤ੍ਥਕੋ, ਤਸ੍ਮਾ ਇਮਸ੍ਸ ਸਂਕਿਲੇਸਸ੍ਸ ਪੁਗ੍ਗਲਾਧਿਟ੍ਠਾਨਾਯ ਦੇਸਨਾਯ ਸੁਤਾਦਿવੁਦ੍ਧਿਪਟਿਪਕ੍ਖਭਾવਂ ਦਸ੍ਸੇਨ੍ਤੋ ‘‘વਿਞ੍ਞਾਤਸਾਰਾਨੀ’’ਤਿ ਇਮਂ ਗਾਥਮਾਹ।
332. Idāni yvāyaṃ ‘‘hassaṃ jappa’’ntiādinā nayena upakkileso vutto, tena samannāgato bhikkhu yasmā sāhaso hoti avīmaṃsakārī, ratto rāgavasena duṭṭho dosavasena gacchati, pamatto ca hoti kusalānaṃ dhammānaṃ bhāvanāya asātaccakārī, tathārūpassa ca ‘‘suṇeyya sakkacca subhāsitānī’’tiādinā nayena vutto ovādo niratthako, tasmā imassa saṃkilesassa puggalādhiṭṭhānāya desanāya sutādivuddhipaṭipakkhabhāvaṃ dassento ‘‘viññātasārānī’’ti imaṃ gāthamāha.
ਤਸ੍ਸਤ੍ਥੋ – ਯਾਨਿ ਹੇਤਾਨਿ ਸਮਥવਿਪਸ੍ਸਨਾਪਟਿਸਂਯੁਤ੍ਤਾਨਿ ਸੁਭਾਸਿਤਾਨਿ, ਤੇਸਂ વਿਜਾਨਨਂ ਸਾਰੋ। ਯਦਿ વਿਞ੍ਞਾਤਾਨਿ ਸਾਧੁ, ਅਥ ਸਦ੍ਦਮਤ੍ਤਮੇવ ਗਹਿਤਂ, ਨ ਕਿਞ੍ਚਿ ਕਤਂ ਹੋਤਿ, ਯੇਨ ਏਤਾਨਿ ਸੁਤਮਯੇਨ ਞਾਣੇਨ વਿਞ੍ਞਾਯਨ੍ਤਿ, ਤਂ ਸੁਤਂ, ਏਤਞ੍ਚ ਸੁਤਮਯਞਾਣਂ વਿਞ੍ਞਾਤਸਮਾਧਿਸਾਰਂ, ਤੇਸੁ વਿਞ੍ਞਾਤੇਸੁ ਧਮ੍ਮੇਸੁ ਯੋ ਸਮਾਧਿ ਚਿਤ੍ਤਸ੍ਸਾવਿਕ੍ਖੇਪੋ ਤਥਤ੍ਤਾਯ ਪਟਿਪਤ੍ਤਿ, ਅਯਮਸ੍ਸ ਸਾਰੋ। ਨ ਹਿ વਿਜਾਨਨਮਤ੍ਤੇਨੇવ ਕੋਚਿ ਅਤ੍ਥੋ ਸਿਜ੍ਝਤਿ। ਯੋ ਪਨਾਯਂ ਨਰੋ ਰਾਗਾਦਿવਸੇਨ વਤ੍ਤਨਤੋ ਸਾਹਸੋ , ਕੁਸਲਾਨਂ ਧਮ੍ਮਾਨਂ ਭਾવਨਾਯ ਅਸਾਤਚ੍ਚਕਾਰਿਤਾਯ ਪਮਤ੍ਤੋ, ਸੋ ਸਦ੍ਦਮਤ੍ਤਗ੍ਗਾਹੀਯੇવ ਹੋਤਿ। ਤੇਨ ਤਸ੍ਸ ਅਤ੍ਥવਿਜਾਨਨਾਭਾવਤੋ ਸਾ ਸੁਭਾਸਿਤવਿਜਾਨਨਪਞ੍ਞਾ ਚ, ਤਥਤ੍ਤਾਯ ਪਟਿਪਤ੍ਤਿਯਾ ਅਭਾવਤੋ ਸੁਤਞ੍ਚ ਨ વਡ੍ਢਤੀਤਿ।
Tassattho – yāni hetāni samathavipassanāpaṭisaṃyuttāni subhāsitāni, tesaṃ vijānanaṃ sāro. Yadi viññātāni sādhu, atha saddamattameva gahitaṃ, na kiñci kataṃ hoti, yena etāni sutamayena ñāṇena viññāyanti, taṃ sutaṃ, etañca sutamayañāṇaṃ viññātasamādhisāraṃ, tesu viññātesu dhammesu yo samādhi cittassāvikkhepo tathattāya paṭipatti, ayamassa sāro. Na hi vijānanamatteneva koci attho sijjhati. Yo panāyaṃ naro rāgādivasena vattanato sāhaso, kusalānaṃ dhammānaṃ bhāvanāya asātaccakāritāya pamatto, so saddamattaggāhīyeva hoti. Tena tassa atthavijānanābhāvato sā subhāsitavijānanapaññā ca, tathattāya paṭipattiyā abhāvato sutañca na vaḍḍhatīti.
੩੩੩. ਏવਂ ਪਮਤ੍ਤਾਨਂ ਸਤ੍ਤਾਨਂ ਪਞ੍ਞਾਪਰਿਹਾਨਿਂ ਸੁਤਪਰਿਹਾਨਿਞ੍ਚ ਦਸ੍ਸੇਤ੍વਾ ਇਦਾਨਿ ਅਪ੍ਪਮਤ੍ਤਾਨਂ ਤਦੁਭਯਸਾਰਾਧਿਗਮਂ ਦਸ੍ਸੇਨ੍ਤੋ ਆਹ – ‘‘ਧਮ੍ਮੇ ਚ ਯੇ…ਪੇ॰… ਸਾਰਮਜ੍ਝਗੂ’’ਤਿ। ਤਤ੍ਥ ਅਰਿਯਪ੍ਪવੇਦਿਤੋ ਧਮ੍ਮੋ ਨਾਮ ਸਮਥવਿਪਸ੍ਸਨਾਧਮ੍ਮੋ। ਏਕੋਪਿ ਹਿ ਬੁਦ੍ਧੋ ਸਮਥવਿਪਸ੍ਸਨਾਧਮ੍ਮਂ ਅਦੇਸੇਤ੍વਾ ਪਰਿਨਿਬ੍ਬੁਤੋ ਨਾਮ ਨਤ੍ਥਿ। ਤਸ੍ਮਾ ਏਤਸ੍ਮਿਂ ਧਮ੍ਮੇ ਚ ਯੇ ਅਰਿਯਪ੍ਪવੇਦਿਤੇ ਰਤਾ ਨਿਰਤਾ ਅਪ੍ਪਮਤ੍ਤਾ ਸਾਤਚ੍ਚਾਨੁਯੋਗਿਨੋ, ਅਨੁਤ੍ਤਰਾ ਤੇ વਚਸਾ ਮਨਸਾ ਕਮ੍ਮੁਨਾ ਚ, ਤੇ ਚਤੁਬ੍ਬਿਧੇਨ વਚੀਸੁਚਰਿਤੇਨ ਤਿવਿਧੇਨ ਮਨੋਸੁਚਰਿਤੇਨ ਤਿવਿਧੇਨ ਕਾਯਸੁਚਰਿਤੇਨ ਚ ਸਮਨ੍ਨਾਗਤਤ੍ਤਾ વਚਸਾ ਮਨਸਾ ਕਮ੍ਮੁਨਾ ਚ ਅਨੁਤ੍ਤਰਾ, ਅવਸੇਸਸਤ੍ਤੇਹਿ ਅਸਮਾ ਅਗ੍ਗਾવਿਸਿਟ੍ਠਾ। ਏਤ੍ਤਾવਤਾ ਸਦ੍ਧਿਂ ਪੁਬ੍ਬਭਾਗਸੀਲੇਨ ਅਰਿਯਮਗ੍ਗਸਮ੍ਪਯੁਤ੍ਤਂ ਸੀਲਂ ਦਸ੍ਸੇਤਿ। ਏવਂ ਪਰਿਸੁਦ੍ਧਸੀਲਾ ਤੇ ਸਨ੍ਤਿਸੋਰਚ੍ਚਸਮਾਧਿਸਣ੍ਠਿਤਾ, ਸੁਤਸ੍ਸ ਪਞ੍ਞਾਯ ਚ ਸਾਰਮਜ੍ਝਗੂ, ਯੇ ਅਰਿਯਪ੍ਪવੇਦਿਤੇ ਧਮ੍ਮੇ ਰਤਾ, ਤੇ ਨ ਕੇવਲਂ વਾਚਾਦੀਹਿ ਅਨੁਤ੍ਤਰਾ ਹੋਨ੍ਤਿ, ਅਪਿਚ ਖੋ ਪਨ ਸਨ੍ਤਿਸੋਰਚ੍ਚੇ ਸਮਾਧਿਮ੍ਹਿ ਚ ਸਣ੍ਠਿਤਾ ਹੁਤ੍વਾ ਸੁਤਸ੍ਸ ਪਞ੍ਞਾਯ ਚ ਸਾਰਮਜ੍ਝਗੂ ਅਧਿਗਤਾ ਇਚ੍ਚੇવ વੇਦਿਤਬ੍ਬਾ। ਆਸਂਸਾਯਂ ਭੂਤવਚਨਂ। ਤਤ੍ਥ ਸਨ੍ਤੀਤਿ ਨਿਬ੍ਬਾਨਂ, ਸੋਰਚ੍ਚਨ੍ਤਿ ਸੁਨ੍ਦਰੇ ਰਤਭਾવੇਨ ਯਥਾਭੂਤਪਟਿવੇਧਿਕਾ ਪਞ੍ਞਾ, ਸਨ੍ਤਿਯਾ ਸੋਰਚ੍ਚਨ੍ਤਿ ਸਨ੍ਤਿਸੋਰਚ੍ਚਂ, ਨਿਬ੍ਬਾਨਾਰਮ੍ਮਣਾਯ ਮਗ੍ਗਪਞ੍ਞਾਯੇਤਂ ਅਧਿવਚਨਂ। ਸਮਾਧੀਤਿ ਤਂਸਮ੍ਪਯੁਤ੍ਤੋવ ਮਗ੍ਗਸਮਾਧਿ। ਸਣ੍ਠਿਤਾਤਿ ਤਦੁਭਯੇ ਪਤਿਟ੍ਠਿਤਾ। ਸੁਤਪਞ੍ਞਾਨਂ ਸਾਰਂ ਨਾਮ ਅਰਹਤ੍ਤਫਲવਿਮੁਤ੍ਤਿ। વਿਮੁਤ੍ਤਿਸਾਰਞ੍ਹਿ ਇਦਂ ਬ੍ਰਹ੍ਮਚਰਿਯਂ।
333. Evaṃ pamattānaṃ sattānaṃ paññāparihāniṃ sutaparihāniñca dassetvā idāni appamattānaṃ tadubhayasārādhigamaṃ dassento āha – ‘‘dhamme ca ye…pe… sāramajjhagū’’ti. Tattha ariyappavedito dhammo nāma samathavipassanādhammo. Ekopi hi buddho samathavipassanādhammaṃ adesetvā parinibbuto nāma natthi. Tasmā etasmiṃ dhamme ca ye ariyappavediteratā niratā appamattā sātaccānuyogino, anuttarā te vacasā manasā kammunā ca, te catubbidhena vacīsucaritena tividhena manosucaritena tividhena kāyasucaritena ca samannāgatattā vacasā manasā kammunā ca anuttarā, avasesasattehi asamā aggāvisiṭṭhā. Ettāvatā saddhiṃ pubbabhāgasīlena ariyamaggasampayuttaṃ sīlaṃ dasseti. Evaṃ parisuddhasīlā te santisoraccasamādhisaṇṭhitā, sutassa paññāya ca sāramajjhagū, ye ariyappavedite dhamme ratā, te na kevalaṃ vācādīhi anuttarā honti, apica kho pana santisoracce samādhimhi ca saṇṭhitā hutvā sutassa paññāya ca sāramajjhagū adhigatā icceva veditabbā. Āsaṃsāyaṃ bhūtavacanaṃ. Tattha santīti nibbānaṃ, soraccanti sundare ratabhāvena yathābhūtapaṭivedhikā paññā, santiyā soraccanti santisoraccaṃ, nibbānārammaṇāya maggapaññāyetaṃ adhivacanaṃ. Samādhīti taṃsampayuttova maggasamādhi. Saṇṭhitāti tadubhaye patiṭṭhitā. Sutapaññānaṃ sāraṃ nāma arahattaphalavimutti. Vimuttisārañhi idaṃ brahmacariyaṃ.
ਏવਮੇਤ੍ਥ ਭਗવਾ ਧਮ੍ਮੇਨ ਪੁਬ੍ਬਭਾਗਪਟਿਪਦਂ, ‘‘ਅਨੁਤ੍ਤਰਾ વਚਸਾ’’ਤਿਆਦੀਹਿ ਸੀਲਕ੍ਖਨ੍ਧਂ, ਸਨ੍ਤਿਸੋਰਚ੍ਚਸਮਾਧੀਹਿ ਪਞ੍ਞਾਕ੍ਖਨ੍ਧਸਮਾਧਿਕ੍ਖਨ੍ਧੇਤਿ ਤੀਹਿਪਿ ਇਮੇਹਿ ਖਨ੍ਧੇਹਿ ਅਪਰਭਾਗਪਟਿਪਦਞ੍ਚ ਦਸ੍ਸੇਤ੍વਾ ਸੁਤਪਞ੍ਞਾਸਾਰੇਨ ਅਕੁਪ੍ਪવਿਮੁਤ੍ਤਿਂ ਦਸ੍ਸੇਨ੍ਤੋ ਅਰਹਤ੍ਤਨਿਕੂਟੇਨ ਦੇਸਨਂ ਸਮਾਪੇਸਿ। ਦੇਸਨਾਪਰਿਯੋਸਾਨੇ ਚ ਸੋ ਭਿਕ੍ਖੁ ਸੋਤਾਪਤ੍ਤਿਫਲਂ ਪਤ੍વਾ ਪੁਨ ਨ ਚਿਰਸ੍ਸੇવ ਅਗ੍ਗਫਲੇ ਅਰਹਤ੍ਤੇ ਪਤਿਟ੍ਠਾਸੀਤਿ।
Evamettha bhagavā dhammena pubbabhāgapaṭipadaṃ, ‘‘anuttarā vacasā’’tiādīhi sīlakkhandhaṃ, santisoraccasamādhīhi paññākkhandhasamādhikkhandheti tīhipi imehi khandhehi aparabhāgapaṭipadañca dassetvā sutapaññāsārena akuppavimuttiṃ dassento arahattanikūṭena desanaṃ samāpesi. Desanāpariyosāne ca so bhikkhu sotāpattiphalaṃ patvā puna na cirasseva aggaphale arahatte patiṭṭhāsīti.
ਪਰਮਤ੍ਥਜੋਤਿਕਾਯ ਖੁਦ੍ਦਕ-ਅਟ੍ਠਕਥਾਯ
Paramatthajotikāya khuddaka-aṭṭhakathāya
ਸੁਤ੍ਤਨਿਪਾਤ-ਅਟ੍ਠਕਥਾਯ ਕਿਂਸੀਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suttanipāta-aṭṭhakathāya kiṃsīlasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਸੁਤ੍ਤਨਿਪਾਤਪਾਲ਼ਿ • Suttanipātapāḷi / ੯. ਕਿਂਸੀਲਸੁਤ੍ਤਂ • 9. Kiṃsīlasuttaṃ
