| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. කිංසුකපුප්‌ඵියත්‌ථෙරඅපදානං
4. Kiṃsukapupphiyattheraapadānaṃ
25.
25.
‘‘කිංසුකං පුප්‌ඵිතං දිස්‌වා, පග්‌ගහෙත්‌වාන අඤ්‌ජලිං;
‘‘Kiṃsukaṃ pupphitaṃ disvā, paggahetvāna añjaliṃ;
බුද්‌ධසෙට්‌ඨං සරිත්‌වාන, ආකාසෙ අභිපූජයිං.
Buddhaseṭṭhaṃ saritvāna, ākāse abhipūjayiṃ.
26.
26.
‘‘තෙන කම්‌මෙන සුකතෙන, චෙතනාපණිධීහි ච;
‘‘Tena kammena sukatena, cetanāpaṇidhīhi ca;
ජහිත්‌වා මානුසං දෙහං, තාවතිංසමගච්‌ඡහං.
Jahitvā mānusaṃ dehaṃ, tāvatiṃsamagacchahaṃ.
27.
27.
‘‘එකතිංසෙ ඉතො කප්‌පෙ, යං කම්‌මමකරිං තදා;
‘‘Ekatiṃse ito kappe, yaṃ kammamakariṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
28.
28.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
29.
29.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
30.
30.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කිංසුකපුප්‌ඵියො ථෙරො ඉමා ගාථායො
Itthaṃ sudaṃ āyasmā kiṃsukapupphiyo thero imā gāthāyo
අභාසිත්‌ථාති.
Abhāsitthāti.
කිංසුකපුප්‌ඵියත්‌ථෙරස්‌සාපදානං චතුත්‌ථං.
Kiṃsukapupphiyattherassāpadānaṃ catutthaṃ.
