| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[248] 8. гим̣сугобамаж̇аад̇агаван̣н̣анаа
[248] 8. Kiṃsukopamajātakavaṇṇanā
саб̣б̣зхи гим̣суго д̣̇идтод̇и ид̣̇ам̣ сад̇т̇аа ж̇зд̇аванз вихаранд̇о гим̣сугобамасуд̇д̇анд̇ам̣ аараб̣бха гат̇зси. жад̇д̇ааро хи бхигкуу д̇ат̇ааг̇ад̇ам̣ убасан̇гамид̇ваа гаммадтаанам̣ яаажим̣су, сад̇т̇аа д̇зсам̣ гаммадтаанам̣ гат̇зси. д̇з гаммадтаанам̣ г̇ахзд̇ваа ад̇д̇ано рад̇д̇идтаанад̣̇иваадтаанаани аг̇амим̣су. д̇зсу зго ча пассааяад̇анаани бариг̇г̇ан̣хид̇ваа арахад̇д̇ам̣ баабун̣и, зго бан̃жагканд̇хз, зго жад̇д̇ааро махаабхууд̇з, зго адтаараса д̇хаад̇уяо. д̇з ад̇д̇ано ад̇д̇ано ад̇хиг̇ад̇ависзсам̣ сад̇т̇у аарожзсум̣. ат̇згасса бхигкуно баривид̇агго уд̣̇абаад̣̇и – ‘‘имзсам̣ гаммадтаанаани наанаа, ниб̣б̣аанам̣ згам̣, гат̇ам̣ саб̣б̣зхи арахад̇д̇ам̣ бад̇д̇а’’нд̇и. со сад̇т̇аарам̣ бужчи. сад̇т̇аа ‘‘гим̣ д̇з, бхигку, гим̣сугад̣̇идтабхаад̇игзхи наанад̇д̇а’’нд̇и вад̇ваа ‘‘ид̣̇ам̣ но, бханд̇з, гааран̣ам̣ гат̇зт̇аа’’д̇и бхигкуухи яаажид̇о ад̇ийд̇ам̣ аахари.
Sabbehikiṃsuko diṭṭhoti idaṃ satthā jetavane viharanto kiṃsukopamasuttantaṃ ārabbha kathesi. Cattāro hi bhikkhū tathāgataṃ upasaṅkamitvā kammaṭṭhānaṃ yāciṃsu, satthā tesaṃ kammaṭṭhānaṃ kathesi. Te kammaṭṭhānaṃ gahetvā attano rattiṭṭhānadivāṭṭhānāni agamiṃsu. Tesu eko cha phassāyatanāni pariggaṇhitvā arahattaṃ pāpuṇi, eko pañcakkhandhe, eko cattāro mahābhūte, eko aṭṭhārasa dhātuyo. Te attano attano adhigatavisesaṃ satthu ārocesuṃ. Athekassa bhikkhuno parivitakko udapādi – ‘‘imesaṃ kammaṭṭhānāni nānā, nibbānaṃ ekaṃ, kathaṃ sabbehi arahattaṃ patta’’nti. So satthāraṃ pucchi. Satthā ‘‘kiṃ te, bhikkhu, kiṃsukadiṭṭhabhātikehi nānatta’’nti vatvā ‘‘idaṃ no, bhante, kāraṇaṃ kathethā’’ti bhikkhūhi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса жад̇д̇ааро буд̇д̇аа ахзсум̣. д̇з згад̣̇ивасам̣ саарат̇им̣ баггосзд̇ваа ‘‘маяам̣, самма, гим̣сугам̣ д̣̇адтугаамаа, гим̣сугаругкам̣ но д̣̇ассзхий’’д̇и аахам̣су. саарат̇и ‘‘саад̇ху, д̣̇ассзссаамий’’д̇и вад̇ваа жад̇уннамби згад̇о ад̣̇ассзд̇ваа ж̇здтарааж̇абуд̇д̇ам̣ д̇аава рат̇з нисийд̣̇аабзд̇ваа аран̃н̃ам̣ нзд̇ваа ‘‘аяам̣ гим̣суго’’д̇и каан̣угагаалз гим̣сугам̣ д̣̇ассзси. абарасса б̣ахалабалаасагаалз, абарасса бубпид̇агаалз, абарасса палид̇агаалз. абарабхааг̇з жад̇д̇аароби бхаад̇аро згад̇о нисиннаа ‘‘гим̣суго наама гийд̣̇исо’’д̇и гат̇ам̣ самудтаабзсум̣. д̇ад̇о зго ‘‘сзяяаат̇ааби жхаамат̇уун̣о’’д̇и ааха. д̣̇уд̇ияо ‘‘сзяяат̇ааби ниг̇род̇харугко’’д̇и, д̇ад̇ияо ‘‘сзяяат̇ааби мам̣сабзсий’’д̇и, жад̇уд̇т̇о ‘‘сзяяат̇ааби сирийсо’’д̇и. д̇з ан̃н̃аман̃н̃асса гат̇ааяа абарид̇удтаа бид̇у санд̇игам̣ г̇анд̇ваа ‘‘д̣̇зва, гим̣суго наама гийд̣̇исо’’д̇и бужчид̇ваа ‘‘д̇умхзхи гим̣ гат̇ид̇а’’нд̇и вуд̇д̇з ад̇д̇анаа гат̇ид̇анийхаарам̣ ран̃н̃о гат̇зсум̣. рааж̇аа ‘‘жад̇уухиби д̇умхзхи гим̣суго д̣̇идто, гзвалам̣ во гим̣сугасса д̣̇ассзнд̇о саарат̇и ‘имасмим̣ гаалз гим̣суго гийд̣̇исо , имасмим̣ гийд̣̇исо’д̇и вибхаж̇ид̇ваа на бужчид̇о, д̇зна во ган̇каа уббаннаа’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente tassa cattāro puttā ahesuṃ. Te ekadivasaṃ sārathiṃ pakkosetvā ‘‘mayaṃ, samma, kiṃsukaṃ daṭṭhukāmā, kiṃsukarukkhaṃ no dassehī’’ti āhaṃsu. Sārathi ‘‘sādhu, dassessāmī’’ti vatvā catunnampi ekato adassetvā jeṭṭharājaputtaṃ tāva rathe nisīdāpetvā araññaṃ netvā ‘‘ayaṃ kiṃsuko’’ti khāṇukakāle kiṃsukaṃ dassesi. Aparassa bahalapalāsakāle, aparassa pupphitakāle, aparassa phalitakāle. Aparabhāge cattāropi bhātaro ekato nisinnā ‘‘kiṃsuko nāma kīdiso’’ti kathaṃ samuṭṭhāpesuṃ. Tato eko ‘‘seyyāthāpi jhāmathūṇo’’ti āha. Dutiyo ‘‘seyyathāpi nigrodharukkho’’ti, tatiyo ‘‘seyyathāpi maṃsapesī’’ti, catuttho ‘‘seyyathāpi sirīso’’ti. Te aññamaññassa kathāya aparituṭṭhā pitu santikaṃ gantvā ‘‘deva, kiṃsuko nāma kīdiso’’ti pucchitvā ‘‘tumhehi kiṃ kathita’’nti vutte attanā kathitanīhāraṃ rañño kathesuṃ. Rājā ‘‘catūhipi tumhehi kiṃsuko diṭṭho, kevalaṃ vo kiṃsukassa dassento sārathi ‘imasmiṃ kāle kiṃsuko kīdiso , imasmiṃ kīdiso’ti vibhajitvā na pucchito, tena vo kaṅkhā uppannā’’ti vatvā paṭhamaṃ gāthamāha –
196.
196.
‘‘саб̣б̣зхи гим̣суго д̣̇идто, гим̣ нвзд̇т̇а вижигижчат̇а;
‘‘Sabbehi kiṃsuko diṭṭho, kiṃ nvettha vicikicchatha;
на хи саб̣б̣зсу таанзсу, саарат̇ий барибужчид̇о’’д̇и.
Na hi sabbesu ṭhānesu, sārathī paripucchito’’ti.
д̇ад̇т̇а на хи саб̣б̣зсу таанзсу, саарат̇ий барибужчид̇од̇и саб̣б̣зхи во гим̣суго д̣̇идто, гим̣ ну д̇умхз зд̇т̇а вижигижчат̇а, саб̣б̣зсу таанзсу гим̣суговзсо, д̇умхзхи бана на хи саб̣б̣зсу таанзсу саарат̇и барибужчид̇о, д̇зна во ган̇каа уббаннаад̇и.
Tattha na hi sabbesu ṭhānesu, sārathī paripucchitoti sabbehi vo kiṃsuko diṭṭho, kiṃ nu tumhe ettha vicikicchatha, sabbesu ṭhānesu kiṃsukoveso, tumhehi pana na hi sabbesu ṭhānesu sārathi paripucchito, tena vo kaṅkhā uppannāti.
сад̇т̇аа имам̣ гааран̣ам̣ д̣̇ассзд̇ваа ‘‘яат̇аа, бхигку, д̇з жад̇д̇ааро бхаад̇игаа вибхааг̇ам̣ гад̇ваа абужчид̇ад̇д̇аа гим̣сугз ган̇кам̣ уббаад̣̇зсум̣, звам̣ д̇вамби имасмим̣ д̇хаммз ган̇кам̣ уббаад̣̇зсий’’д̇и вад̇ваа абхисамб̣уд̣̇д̇хо худ̇ваа д̣̇уд̇ияам̣ г̇аат̇амааха –
Satthā imaṃ kāraṇaṃ dassetvā ‘‘yathā, bhikkhu, te cattāro bhātikā vibhāgaṃ katvā apucchitattā kiṃsuke kaṅkhaṃ uppādesuṃ, evaṃ tvampi imasmiṃ dhamme kaṅkhaṃ uppādesī’’ti vatvā abhisambuddho hutvā dutiyaṃ gāthamāha –
197.
197.
‘‘звам̣ саб̣б̣зхи н̃аан̣зхи, язсам̣ д̇хаммаа аж̇аанид̇аа;
‘‘Evaṃ sabbehi ñāṇehi, yesaṃ dhammā ajānitā;
д̇з вз д̇хаммзсу ган̇канд̇и, гим̣сугасмим̣ва бхаад̇аро’’д̇и.
Te ve dhammesu kaṅkhanti, kiṃsukasmiṃva bhātaro’’ti.
д̇ассад̇т̇о – яат̇аа д̇з бхаад̇аро саб̣б̣зсу таанзсу гим̣сугасса ад̣̇идтад̇д̇аа ган̇ким̣су, звам̣ саб̣б̣зхи вибассанаан̃аан̣зхи язсам̣ саб̣б̣з чапассааяад̇анаканд̇хабхууд̇ад̇хаад̇убхзд̣̇аа д̇хаммаа аж̇аанид̇аа, сод̇аабад̇д̇имаг̇г̇асса анад̇хиг̇ад̇ад̇д̇аа аббадивид̣̇д̇хаа, д̇з вз д̇зсу пассааяад̇анаад̣̇ид̇хаммзсу ган̇канд̇и яат̇аа згасмим̣язва гим̣сугасмим̣ жад̇д̇ааро бхаад̇арод̇и.
Tassattho – yathā te bhātaro sabbesu ṭhānesu kiṃsukassa adiṭṭhattā kaṅkhiṃsu, evaṃ sabbehi vipassanāñāṇehi yesaṃ sabbe chaphassāyatanakhandhabhūtadhātubhedā dhammā ajānitā, sotāpattimaggassa anadhigatattā appaṭividdhā, te ve tesu phassāyatanādidhammesu kaṅkhanti yathā ekasmiṃyeva kiṃsukasmiṃ cattāro bhātaroti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣аараан̣асирааж̇аа ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā bārāṇasirājā ahameva ahosi’’nti.
гим̣сугобамаж̇аад̇агаван̣н̣анаа адтамаа.
Kiṃsukopamajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 248. гим̣сугобамаж̇аад̇агам̣ • 248. Kiṃsukopamajātakaṃ
