Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    8. гим̣сугобамасуд̇д̇ам̣

    8. Kiṃsukopamasuttaṃ

    245. ат̇а ко ан̃н̃ад̇аро бхигку язнан̃н̃ад̇аро бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘гид̇д̇аавад̇аа ну ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и? ‘‘яад̇о ко, аавусо, бхигку чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и, зд̇д̇аавад̇аа ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и.

    245. Atha kho aññataro bhikkhu yenaññataro bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘kittāvatā nu kho, āvuso, bhikkhuno dassanaṃ suvisuddhaṃ hotī’’ti? ‘‘Yato kho, āvuso, bhikkhu channaṃ phassāyatanānaṃ samudayañca atthaṅgamañca yathābhūtaṃ pajānāti, ettāvatā kho, āvuso, bhikkhuno dassanaṃ suvisuddhaṃ hotī’’ti.

    ат̇а ко со бхигку асанд̇удто д̇асса бхигкусса бан̃хавзяяаагаран̣зна 1, язнан̃н̃ад̇аро бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘гид̇д̇аавад̇аа ну ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и? ‘‘яад̇о ко, аавусо, бхигку бан̃жаннам̣ убаад̣̇аанагканд̇хаанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и, зд̇д̇аавад̇аа ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и.

    Atha kho so bhikkhu asantuṭṭho tassa bhikkhussa pañhaveyyākaraṇena 2, yenaññataro bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘kittāvatā nu kho, āvuso, bhikkhuno dassanaṃ suvisuddhaṃ hotī’’ti? ‘‘Yato kho, āvuso, bhikkhu pañcannaṃ upādānakkhandhānaṃ samudayañca atthaṅgamañca yathābhūtaṃ pajānāti, ettāvatā kho, āvuso, bhikkhuno dassanaṃ suvisuddhaṃ hotī’’ti.

    ат̇а ко со бхигку асанд̇удто д̇асса бхигкусса бан̃хавзяяаагаран̣зна, язнан̃н̃ад̇аро бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘гид̇д̇аавад̇аа ну ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и? ‘‘яад̇о ко, аавусо, бхигку жад̇уннам̣ махаабхууд̇аанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и, зд̇д̇аавад̇аа ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и.

    Atha kho so bhikkhu asantuṭṭho tassa bhikkhussa pañhaveyyākaraṇena, yenaññataro bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘kittāvatā nu kho, āvuso, bhikkhuno dassanaṃ suvisuddhaṃ hotī’’ti? ‘‘Yato kho, āvuso, bhikkhu catunnaṃ mahābhūtānaṃ samudayañca atthaṅgamañca yathābhūtaṃ pajānāti, ettāvatā kho, āvuso, bhikkhuno dassanaṃ suvisuddhaṃ hotī’’ti.

    ат̇а ко со бхигку асанд̇удто д̇асса бхигкусса бан̃хавзяяаагаран̣зна, язнан̃н̃ад̇аро бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘гид̇д̇аавад̇аа ну ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и? ‘‘яад̇о ко, аавусо, бхигку яам̣ гин̃жи самуд̣̇аяад̇хаммам̣ , саб̣б̣ам̣ д̇ам̣ нирод̇хад̇хамманд̇и яат̇аабхууд̇ам̣ баж̇аанаад̇и, зд̇д̇аавад̇аа, ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’’д̇и.

    Atha kho so bhikkhu asantuṭṭho tassa bhikkhussa pañhaveyyākaraṇena, yenaññataro bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘kittāvatā nu kho, āvuso, bhikkhuno dassanaṃ suvisuddhaṃ hotī’’ti? ‘‘Yato kho, āvuso, bhikkhu yaṃ kiñci samudayadhammaṃ , sabbaṃ taṃ nirodhadhammanti yathābhūtaṃ pajānāti, ettāvatā, kho, āvuso, bhikkhuno dassanaṃ suvisuddhaṃ hotī’’ti.

    ат̇а ко со бхигку асанд̇удто д̇асса бхигкусса бан̃хавзяяаагаран̣зна, язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, язнан̃н̃ад̇аро бхигку д̇знубасан̇гамим̣; убасан̇гамид̇ваа д̇ам̣ бхигкум̣ зд̇ад̣̇авожам̣ – гид̇д̇аавад̇аа ну ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’д̇и? звам̣ вуд̇д̇з, бханд̇з, со бхигку мам̣ зд̇ад̣̇авожа – ‘яад̇о ко, аавусо, бхигку чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и, зд̇д̇аавад̇аа ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’д̇и. ат̇а кваахам̣, бханд̇з, асанд̇удто д̇асса бхигкусса бан̃хавзяяаагаран̣зна , язнан̃н̃ад̇аро бхигку д̇знубасан̇гамим̣; убасан̇гамид̇ваа д̇ам̣ бхигкум̣ зд̇ад̣̇авожам̣ – ‘гид̇д̇аавад̇аа ну ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’д̇и? звам̣ вуд̇д̇з, бханд̇з, со бхигку мам̣ зд̇ад̣̇авожа – ‘яад̇о ко, аавусо, бхигку бан̃жаннам̣ убаад̣̇аанагканд̇хаанам̣…бз… жад̇уннам̣ махаабхууд̇аанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и…бз… яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и яат̇аабхууд̇ам̣ баж̇аанаад̇и, зд̇д̇аавад̇аа ко, аавусо, бхигкуно д̣̇ассанам̣ сувисуд̣̇д̇хам̣ ход̇ий’д̇и. ат̇а кваахам̣, бханд̇з, асанд̇удто д̇асса бхигкусса бан̃хавзяяаагаран̣зна язна бхаг̇аваа д̇знубасан̇гамим̣ ( ) 3. гид̇д̇аавад̇аа ну ко, бханд̇з, бхигкуно д̣̇ассанам̣ сувисуд̣̇д̇хам̣ ход̇ий’’д̇и?

    Atha kho so bhikkhu asantuṭṭho tassa bhikkhussa pañhaveyyākaraṇena, yena bhagavā tenupasaṅkami; upasaṅkamitvā bhagavantaṃ etadavoca – ‘‘idhāhaṃ, bhante, yenaññataro bhikkhu tenupasaṅkamiṃ; upasaṅkamitvā taṃ bhikkhuṃ etadavocaṃ – kittāvatā nu kho, āvuso, bhikkhuno dassanaṃ suvisuddhaṃ hotī’ti? Evaṃ vutte, bhante, so bhikkhu maṃ etadavoca – ‘yato kho, āvuso, bhikkhu channaṃ phassāyatanānaṃ samudayañca atthaṅgamañca yathābhūtaṃ pajānāti, ettāvatā kho, āvuso, bhikkhuno dassanaṃ suvisuddhaṃ hotī’ti. Atha khvāhaṃ, bhante, asantuṭṭho tassa bhikkhussa pañhaveyyākaraṇena , yenaññataro bhikkhu tenupasaṅkamiṃ; upasaṅkamitvā taṃ bhikkhuṃ etadavocaṃ – ‘kittāvatā nu kho, āvuso, bhikkhuno dassanaṃ suvisuddhaṃ hotī’ti? Evaṃ vutte, bhante, so bhikkhu maṃ etadavoca – ‘yato kho, āvuso, bhikkhu pañcannaṃ upādānakkhandhānaṃ…pe… catunnaṃ mahābhūtānaṃ samudayañca atthaṅgamañca yathābhūtaṃ pajānāti…pe… yaṃ kiñci samudayadhammaṃ, sabbaṃ taṃ nirodhadhammanti yathābhūtaṃ pajānāti, ettāvatā kho, āvuso, bhikkhuno dassanaṃ suvisuddhaṃ hotī’ti. Atha khvāhaṃ, bhante, asantuṭṭho tassa bhikkhussa pañhaveyyākaraṇena yena bhagavā tenupasaṅkamiṃ ( ) 4. Kittāvatā nu kho, bhante, bhikkhuno dassanaṃ suvisuddhaṃ hotī’’ti?

    ‘‘сзяяат̇ааби, бхигку, бурисасса гим̣суго ад̣̇идтабуб̣б̣о асса. со язнан̃н̃ад̇аро бурисо гим̣сугасса д̣̇ассаавий д̇знубасан̇гамзяяа. убасан̇гамид̇ваа д̇ам̣ бурисам̣ звам̣ вад̣̇зяяа – ‘гийд̣̇исо, бхо буриса, гим̣суго’д̇и? со звам̣ вад̣̇зяяа – ‘гаал̣аго ко, амбхо буриса, гим̣суго – сзяяат̇ааби жхаамакаан̣уу’д̇и. д̇зна ко бана, бхигку, самаязна д̇аад̣̇исовасса гим̣суго яат̇ааби 5 д̇асса бурисасса д̣̇ассанам̣. ат̇а ко, со бхигку, бурисо асанд̇удто д̇асса бурисасса бан̃хавзяяаагаран̣зна, язнан̃н̃ад̇аро бурисо гим̣сугасса д̣̇ассаавий д̇знубасан̇гамзяяа; убасан̇гамид̇ваа д̇ам̣ бурисам̣ звам̣ вад̣̇зяяа – ‘гийд̣̇исо , бхо буриса, гим̣суго’д̇и? со звам̣ вад̣̇зяяа – ‘лохид̇аго ко, амбхо буриса, гим̣суго – сзяяат̇ааби мам̣сабзсий’д̇и. д̇зна ко бана, бхигку, самаязна д̇аад̣̇исовасса гим̣суго яат̇ааби д̇асса бурисасса д̣̇ассанам̣. ат̇а ко со бхигку бурисо асанд̇удто д̇асса бурисасса бан̃хавзяяаагаран̣зна, язнан̃н̃ад̇аро бурисо гим̣сугасса д̣̇ассаавий д̇знубасан̇гамзяяа ; убасан̇гамид̇ваа д̇ам̣ бурисам̣ звам̣ вад̣̇зяяа – ‘гийд̣̇исо, бхо буриса, гим̣суго’д̇и? со звам̣ вад̣̇зяяа – ‘ожийрагаж̇аад̇о 6 ко, амбхо буриса, гим̣суго аад̣̇иннасибаадиго – сзяяат̇ааби сирийсо’д̇и. д̇зна ко бана, бхигку, самаязна д̇аад̣̇исовасса гим̣суго, яат̇ааби д̇асса бурисасса д̣̇ассанам̣. ат̇а ко со бхигку бурисо асанд̇удто д̇асса бурисасса бан̃хавзяяаагаран̣зна , язнан̃н̃ад̇аро бурисо гим̣сугасса д̣̇ассаавий д̇знубасан̇гамзяяа; убасан̇гамид̇ваа д̇ам̣ бурисам̣ звам̣ вад̣̇зяяа – ‘гийд̣̇исо, бхо буриса, гим̣суго’д̇и? со звам̣ вад̣̇зяяа – ‘б̣ахалабад̇д̇абалаасо санд̣̇ажчааяо 7 ко, амбхо буриса, гим̣суго – сзяяат̇ааби ниг̇род̇хо’д̇и. д̇зна ко бана, бхигку, самаязна д̇аад̣̇исовасса гим̣суго, яат̇ааби д̇асса бурисасса д̣̇ассанам̣. звамзва ко, бхигку, яат̇аа яат̇аа ад̇химуд̇д̇аанам̣ д̇зсам̣ саббурисаанам̣ д̣̇ассанам̣ сувисуд̣̇д̇хам̣ ход̇и, д̇ат̇аа д̇ат̇аа ко д̇зхи саббурисзхи б̣яаагад̇ам̣.

    ‘‘Seyyathāpi, bhikkhu, purisassa kiṃsuko adiṭṭhapubbo assa. So yenaññataro puriso kiṃsukassa dassāvī tenupasaṅkameyya. Upasaṅkamitvā taṃ purisaṃ evaṃ vadeyya – ‘kīdiso, bho purisa, kiṃsuko’ti? So evaṃ vadeyya – ‘kāḷako kho, ambho purisa, kiṃsuko – seyyathāpi jhāmakhāṇū’ti. Tena kho pana, bhikkhu, samayena tādisovassa kiṃsuko yathāpi 8 tassa purisassa dassanaṃ. Atha kho, so bhikkhu, puriso asantuṭṭho tassa purisassa pañhaveyyākaraṇena, yenaññataro puriso kiṃsukassa dassāvī tenupasaṅkameyya; upasaṅkamitvā taṃ purisaṃ evaṃ vadeyya – ‘kīdiso , bho purisa, kiṃsuko’ti? So evaṃ vadeyya – ‘lohitako kho, ambho purisa, kiṃsuko – seyyathāpi maṃsapesī’ti. Tena kho pana, bhikkhu, samayena tādisovassa kiṃsuko yathāpi tassa purisassa dassanaṃ. Atha kho so bhikkhu puriso asantuṭṭho tassa purisassa pañhaveyyākaraṇena, yenaññataro puriso kiṃsukassa dassāvī tenupasaṅkameyya ; upasaṅkamitvā taṃ purisaṃ evaṃ vadeyya – ‘kīdiso, bho purisa, kiṃsuko’ti? So evaṃ vadeyya – ‘ocīrakajāto 9 kho, ambho purisa, kiṃsuko ādinnasipāṭiko – seyyathāpi sirīso’ti. Tena kho pana, bhikkhu, samayena tādisovassa kiṃsuko, yathāpi tassa purisassa dassanaṃ. Atha kho so bhikkhu puriso asantuṭṭho tassa purisassa pañhaveyyākaraṇena , yenaññataro puriso kiṃsukassa dassāvī tenupasaṅkameyya; upasaṅkamitvā taṃ purisaṃ evaṃ vadeyya – ‘kīdiso, bho purisa, kiṃsuko’ti? So evaṃ vadeyya – ‘bahalapattapalāso sandacchāyo 10 kho, ambho purisa, kiṃsuko – seyyathāpi nigrodho’ti. Tena kho pana, bhikkhu, samayena tādisovassa kiṃsuko, yathāpi tassa purisassa dassanaṃ. Evameva kho, bhikkhu, yathā yathā adhimuttānaṃ tesaṃ sappurisānaṃ dassanaṃ suvisuddhaṃ hoti, tathā tathā kho tehi sappurisehi byākataṃ.

    ‘‘сзяяат̇ааби, бхигку, ран̃н̃о бажжанд̇имам̣ наг̇арам̣ д̣̇ал̣худ̣̇д̇хаабам̣ 11 д̣̇ал̣хабаагаарад̇оран̣ам̣ чад̣̇ваарам̣. д̇ад̇расса д̣̇оваариго бан̣д̣ид̇о б̣яад̇д̇о мзд̇хаавий, ан̃н̃аад̇аанам̣ ниваарзд̇аа, н̃аад̇аанам̣ бавзсзд̇аа. бурад̇т̇имааяа д̣̇исааяа ааг̇анд̇ваа сийгхам̣ д̣̇ууд̇аяуг̇ам̣ д̇ам̣ д̣̇овааригам̣ звам̣ вад̣̇зяяа – ‘гахам̣, бхо буриса, имасса наг̇арасса наг̇арассаамий’д̇и? со звам̣ вад̣̇зяяа – ‘зсо, бханд̇з, маж̇жхз син̇гхаадагз нисинно’д̇и. ат̇а ко д̇ам̣ сийгхам̣ д̣̇ууд̇аяуг̇ам̣ наг̇арассаамигасса яат̇аабхууд̇ам̣ важанам̣ нияяаад̇зд̇ваа яат̇ааг̇ад̇амаг̇г̇ам̣ бадибаж̇ж̇зяяа. бажчимааяа д̣̇исааяа ааг̇анд̇ваа сийгхам̣ д̣̇ууд̇аяуг̇ам̣…бз… уд̇д̇арааяа д̣̇исааяа… д̣̇агкин̣ааяа д̣̇исааяа ааг̇анд̇ваа сийгхам̣ д̣̇ууд̇аяуг̇ам̣ д̇ам̣ д̣̇овааригам̣ звам̣ вад̣̇зяяа – ‘гахам̣, бхо буриса, имасса наг̇арассаамий’д̇и? со звам̣ вад̣̇зяяа – ‘зсо, бханд̇з, маж̇жхз син̇гхаадагз нисинно’д̇и. ат̇а ко д̇ам̣ сийгхам̣ д̣̇ууд̇аяуг̇ам̣ наг̇арассаамигасса яат̇аабхууд̇ам̣ важанам̣ нияяаад̇зд̇ваа яат̇ааг̇ад̇амаг̇г̇ам̣ бадибаж̇ж̇зяяа.

    ‘‘Seyyathāpi, bhikkhu, rañño paccantimaṃ nagaraṃ daḷhuddhāpaṃ 12 daḷhapākāratoraṇaṃ chadvāraṃ. Tatrassa dovāriko paṇḍito byatto medhāvī, aññātānaṃ nivāretā, ñātānaṃ pavesetā. Puratthimāya disāya āgantvā sīghaṃ dūtayugaṃ taṃ dovārikaṃ evaṃ vadeyya – ‘kahaṃ, bho purisa, imassa nagarassa nagarassāmī’ti? So evaṃ vadeyya – ‘eso, bhante, majjhe siṅghāṭake nisinno’ti. Atha kho taṃ sīghaṃ dūtayugaṃ nagarassāmikassa yathābhūtaṃ vacanaṃ niyyātetvā yathāgatamaggaṃ paṭipajjeyya. Pacchimāya disāya āgantvā sīghaṃ dūtayugaṃ…pe… uttarāya disāya… dakkhiṇāya disāya āgantvā sīghaṃ dūtayugaṃ taṃ dovārikaṃ evaṃ vadeyya – ‘kahaṃ, bho purisa, imassa nagarassāmī’ti? So evaṃ vadeyya – ‘eso, bhante, majjhe siṅghāṭake nisinno’ti. Atha kho taṃ sīghaṃ dūtayugaṃ nagarassāmikassa yathābhūtaṃ vacanaṃ niyyātetvā yathāgatamaggaṃ paṭipajjeyya.

    ‘‘убамаа ко мяааяам̣, бхигку, гад̇аа ад̇т̇асса вин̃н̃аабанааяа. аяан̃жзд̇т̇а ад̇т̇о – ‘наг̇ара’нд̇и ко, бхигку, имассзд̇ам̣ жаад̇умахаабхууд̇игасса гааяасса ад̇хиважанам̣ маад̇аабзд̇д̇игасамбхавасса од̣̇анагуммаасуубажаяасса анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммасса. ‘ча д̣̇ваараа’д̇и ко, бхигку, чаннзд̇ам̣ аж̇жхад̇д̇игаанам̣ ааяад̇анаанам̣ ад̇хиважанам̣. ‘д̣̇оваариго’д̇и ко, бхигку, сад̇ияаа зд̇ам̣ ад̇хиважанам̣. ‘сийгхам̣ д̣̇ууд̇аяуг̇а’нд̇и ко, бхигку, самат̇авибассанаанзд̇ам̣ ад̇хиважанам̣. ‘наг̇арассаамий’д̇и ко, бхигку, вин̃н̃аан̣ассзд̇ам̣ ад̇хиважанам̣. ‘маж̇жхз син̇гхаадаго’д̇и ко , бхигку, жад̇уннзд̇ам̣ махаабхууд̇аанам̣ ад̇хиважанам̣ – бат̇авийд̇хаад̇уяаа, аабод̇хаад̇уяаа, д̇зж̇од̇хаад̇уяаа, вааяод̇хаад̇уяаа. ‘яат̇аабхууд̇ам̣ важана’нд̇и ко, бхигку, ниб̣б̣аанассзд̇ам̣ ад̇хиважанам̣. ‘яат̇ааг̇ад̇амаг̇г̇о’д̇и ко, бхигку, арияассзд̇ам̣ адтан̇г̇игасса маг̇г̇асса ад̇хиважанам̣, сзяяат̇ид̣̇ам̣ – саммаад̣̇идтияаа…бз… саммаасамаад̇хиссаа’’д̇и. адтамам̣.

    ‘‘Upamā kho myāyaṃ, bhikkhu, katā atthassa viññāpanāya. Ayañcettha attho – ‘nagara’nti kho, bhikkhu, imassetaṃ cātumahābhūtikassa kāyassa adhivacanaṃ mātāpettikasambhavassa odanakummāsūpacayassa aniccucchādanaparimaddanabhedanaviddhaṃsanadhammassa. ‘Cha dvārā’ti kho, bhikkhu, channetaṃ ajjhattikānaṃ āyatanānaṃ adhivacanaṃ. ‘Dovāriko’ti kho, bhikkhu, satiyā etaṃ adhivacanaṃ. ‘Sīghaṃ dūtayuga’nti kho, bhikkhu, samathavipassanānetaṃ adhivacanaṃ. ‘Nagarassāmī’ti kho, bhikkhu, viññāṇassetaṃ adhivacanaṃ. ‘Majjhe siṅghāṭako’ti kho , bhikkhu, catunnetaṃ mahābhūtānaṃ adhivacanaṃ – pathavīdhātuyā, āpodhātuyā, tejodhātuyā, vāyodhātuyā. ‘Yathābhūtaṃ vacana’nti kho, bhikkhu, nibbānassetaṃ adhivacanaṃ. ‘Yathāgatamaggo’ti kho, bhikkhu, ariyassetaṃ aṭṭhaṅgikassa maggassa adhivacanaṃ, seyyathidaṃ – sammādiṭṭhiyā…pe… sammāsamādhissā’’ti. Aṭṭhamaṃ.




    Next: 9. вийн̣обамасуд̇д̇ам̣ • 9. Vīṇopamasuttaṃ




    Footnotes:
    1. бан̃хаавзяяаагаран̣зна (сяаа. гам̣. га.)
    2. pañhāveyyākaraṇena (syā. kaṃ. ka.)
    3. (убасан̇гамид̇ваа бхаг̇аванд̇ам̣ зд̇ад̣̇авожам̣) (га.)
    4. (upasaṅkamitvā bhagavantaṃ etadavocaṃ) (ka.)
    5. яат̇аа (сий. сяаа. гам̣.) д̣̇уд̇ияаваараад̣̇ийсу бана ‘‘яат̇ааби’’д̇взва д̣̇иссад̇и
    6. ож̇ийрагаж̇аад̇о (сий.), од̣̇ийрагаж̇аад̇о (бий.)
    7. сан̣д̣ажчааяо (сяаа. гам̣.)
    8. yathā (sī. syā. kaṃ.) dutiyavārādīsu pana ‘‘yathāpi’’tveva dissati
    9. ojīrakajāto (sī.), odīrakajāto (pī.)
    10. saṇḍacchāyo (syā. kaṃ.)
    11. д̣̇ал̣худ̣̇д̣̇аабам̣ (сий. бий.)
    12. daḷhuddāpaṃ (sī. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. гим̣сугобамасуд̇д̇аван̣н̣анаа • 8. Kiṃsukopamasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. гим̣сугобамасуд̇д̇аван̣н̣анаа • 8. Kiṃsukopamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact