| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. гим̣сугобамасуд̇д̇аван̣н̣анаа
8. Kiṃsukopamasuttavaṇṇanā
245. адтамз д̣̇ассананд̇и батамамаг̇г̇ассзд̇ам̣ ад̇хиважанам̣. батамамаг̇г̇о хи гилзсабахаанагижжам̣ саад̇хзнд̇о батамам̣ ниб̣б̣аанам̣ бассад̇и, д̇асмаа д̣̇ассананд̇и вужжад̇и. г̇од̇рабхун̃аан̣ам̣ бана гин̃жааби маг̇г̇ад̇о батамад̇арам̣ бассад̇и, бассид̇ваа бана гад̇д̇аб̣б̣агижжасса гилзсабахаанасса абхаавзна на д̣̇ассананд̇и вужжад̇и. абижа жад̇д̇аароби маг̇г̇аа д̣̇ассанамзва. гасмаа? сод̇аабад̇д̇имаг̇г̇агкан̣з д̣̇ассанам̣ висуж̇жхад̇и, палагкан̣з висуд̣̇д̇хам̣. сагад̣̇ааг̇аамианааг̇аамиарахад̇д̇амаг̇г̇агкан̣з висуж̇жхад̇и, палагкан̣з висуд̣̇д̇ханд̇и звам̣ гат̇знд̇аанам̣ бхигкуунам̣ суд̇ваа со бхигку ‘‘ахамби д̣̇ассанам̣ висод̇хзд̇ваа арахад̇д̇апалз бад̇идтид̇о д̣̇ассанависуд̣̇д̇хигам̣ ниб̣б̣аанам̣ сажчигад̇ваа вихариссаамий’’д̇и д̇ам̣ бхигкум̣ убасан̇гамид̇ваа звам̣ бужчи. со пассааяад̇анагаммадтааниго чаннам̣ пассааяад̇анаанам̣ васзна руубааруубад̇хаммз бариг̇г̇ахзд̇ваа арахад̇д̇ам̣ бад̇д̇о. зд̇т̇а хи буримаани бан̃жа ааяад̇анаани руубам̣, манааяад̇анам̣ аруубам̣. ид̇и со ад̇д̇анаа ад̇хиг̇ад̇амаг̇г̇амзва гат̇зси.
245. Aṭṭhame dassananti paṭhamamaggassetaṃ adhivacanaṃ. Paṭhamamaggo hi kilesapahānakiccaṃ sādhento paṭhamaṃ nibbānaṃ passati, tasmā dassananti vuccati. Gotrabhuñāṇaṃ pana kiñcāpi maggato paṭhamataraṃ passati, passitvā pana kattabbakiccassa kilesapahānassa abhāvena na dassananti vuccati. Apica cattāropi maggā dassanameva. Kasmā? Sotāpattimaggakkhaṇe dassanaṃ visujjhati, phalakkhaṇe visuddhaṃ. Sakadāgāmianāgāmiarahattamaggakkhaṇe visujjhati, phalakkhaṇe visuddhanti evaṃ kathentānaṃ bhikkhūnaṃ sutvā so bhikkhu ‘‘ahampi dassanaṃ visodhetvā arahattaphale patiṭṭhito dassanavisuddhikaṃ nibbānaṃ sacchikatvā viharissāmī’’ti taṃ bhikkhuṃ upasaṅkamitvā evaṃ pucchi. So phassāyatanakammaṭṭhāniko channaṃ phassāyatanānaṃ vasena rūpārūpadhamme pariggahetvā arahattaṃ patto. Ettha hi purimāni pañca āyatanāni rūpaṃ, manāyatanaṃ arūpaṃ. Iti so attanā adhigatamaggameva kathesi.
асанд̇удтод̇и бад̣̇зсасан̇каарзсу тад̇ваа гат̇ид̇ад̇д̇аа асанд̇удто. звам̣ гирасса ахоси – ‘‘аяам̣ бад̣̇зсасан̇каарзсу тад̇ваа гат̇зси. саггаа ну ко бад̣̇зсасан̇каарзсу тад̇ваа д̣̇ассанависуд̣̇д̇хигам̣ ниб̣б̣аанам̣ баабун̣ид̇у’’нд̇и? д̇ад̇о нам̣ бужчи – ‘‘аавусо, д̇вам̣язва ну ко ид̣̇ам̣ д̣̇ассанависуд̣̇д̇хигам̣ ниб̣б̣аанам̣ ж̇аанааси, уд̣̇ааху ан̃н̃зби ж̇аананд̇аа ад̇т̇ий’’д̇и. ад̇т̇аавусо, асугавихаарз асугад̇т̇зро наамаад̇и. со д̇амби убасан̇гамид̇ваа бужчи. зд̇знубааязна ан̃н̃амби ан̃н̃амбийд̇и.
Asantuṭṭhoti padesasaṅkhāresu ṭhatvā kathitattā asantuṭṭho. Evaṃ kirassa ahosi – ‘‘ayaṃ padesasaṅkhāresu ṭhatvā kathesi. Sakkā nu kho padesasaṅkhāresu ṭhatvā dassanavisuddhikaṃ nibbānaṃ pāpuṇitu’’nti? Tato naṃ pucchi – ‘‘āvuso, tvaṃyeva nu kho idaṃ dassanavisuddhikaṃ nibbānaṃ jānāsi, udāhu aññepi jānantā atthī’’ti. Atthāvuso, asukavihāre asukatthero nāmāti. So tampi upasaṅkamitvā pucchi. Etenupāyena aññampi aññampīti.
зд̇т̇а жа д̣̇уд̇ияо бан̃жагканд̇хагаммадтааниго руубагканд̇хавасзна руубам̣, сзсагканд̇хавасзна нааманд̇и наамаруубам̣ вавад̇т̇абзд̇ваа ануггамзна арахад̇д̇ам̣ бад̇д̇о. д̇асмаа соби ад̇д̇анаа ад̇хиг̇ад̇амаг̇г̇амзва гат̇зси. аяам̣ бана ‘‘имзсам̣ ан̃н̃аман̃н̃ам̣ на самзд̇и, батамзна саббад̣̇зсасан̇каарзсу тад̇ваава гат̇ид̇ам̣, иминаа ниббад̣̇зсзсуу’’д̇и асанд̇удто худ̇ваа д̇ат̇зва д̇ам̣ бужчид̇ваа баггаами.
Ettha ca dutiyo pañcakkhandhakammaṭṭhāniko rūpakkhandhavasena rūpaṃ, sesakkhandhavasena nāmanti nāmarūpaṃ vavatthapetvā anukkamena arahattaṃ patto. Tasmā sopi attanā adhigatamaggameva kathesi. Ayaṃ pana ‘‘imesaṃ aññamaññaṃ na sameti, paṭhamena sappadesasaṅkhāresu ṭhatvāva kathitaṃ, iminā nippadesesū’’ti asantuṭṭho hutvā tatheva taṃ pucchitvā pakkāmi.
д̇ад̇ияо махаабхууд̇агаммадтааниго жад̇д̇аари махаабхууд̇аани сан̇кзбад̇о жа вид̇т̇аарад̇о жа бариг̇г̇ахзд̇ваа арахад̇д̇ам̣ бад̇д̇о, д̇асмаа аяамби ад̇д̇анаа ад̇хиг̇ад̇амаг̇г̇амзва гат̇зси. аяам̣ бана ‘‘имзсам̣ ан̃н̃аман̃н̃ам̣ на самзд̇и, батамзна саббад̣̇зсасан̇каарзсу тад̇ваа гат̇ид̇ам̣, д̣̇уд̇иязна ниббад̣̇зсзсу, д̇ад̇иязна ад̇исаббад̣̇зсзсуу’’д̇и асанд̇удто худ̇ваа д̇ат̇зва д̇ам̣ бужчид̇ваа баггаами.
Tatiyo mahābhūtakammaṭṭhāniko cattāri mahābhūtāni saṅkhepato ca vitthārato ca pariggahetvā arahattaṃ patto, tasmā ayampi attanā adhigatamaggameva kathesi. Ayaṃ pana ‘‘imesaṃ aññamaññaṃ na sameti, paṭhamena sappadesasaṅkhāresu ṭhatvā kathitaṃ, dutiyena nippadesesu, tatiyena atisappadesesū’’ti asantuṭṭho hutvā tatheva taṃ pucchitvā pakkāmi.
жад̇уд̇т̇о д̇збхуумагагаммадтааниго. д̇асса гира самаббавад̇д̇аа д̇хаад̇уяо ахзсум̣, галласарийрам̣ б̣алабад̇д̇ам̣, гаммадтаанаанибисса саб̣б̣аанзва саббааяаани, ад̇ийд̇аа ваа сан̇каараа хонд̇у анааг̇ад̇аа ваа бажжуббаннаа ваа гаамааважараа ваа руубааважараа ваа аруубааважараа ваа, саб̣б̣зби саббааяаава. асаббааяагаммадтаанам̣ наама над̇т̇и. гаалзсуби бурзбхад̇д̇ам̣ ваа ход̇у бажчаабхад̇д̇ам̣ ваа батамаяаамаад̣̇аяо ваа, асаббааяо гаало наама над̇т̇и. яат̇аа наама жаарибхуумим̣ од̇ин̣н̣о махаахад̇т̇ий хад̇т̇зна г̇ахзд̇аб̣б̣ам̣ хад̇т̇знзва лун̃жид̇ваа г̇ан̣хаад̇и, баад̣̇зхи бахарид̇ваа г̇ахзд̇аб̣б̣ам̣ баад̣̇зхи бахарид̇ваа г̇ан̣хаад̇и, звамзва сагалз д̇збхуумагад̇хаммз галаабаг̇г̇аахзна г̇ахзд̇ваа саммасанд̇о арахад̇д̇ам̣ бад̇д̇о, д̇асмаа зсоби ад̇д̇анаа ад̇хиг̇ад̇амаг̇г̇амзва гат̇зси. аяам̣ бана ‘‘имзсам̣ ан̃н̃аман̃н̃ам̣ на самзд̇и. батамзна саббад̣̇зсасан̇каарзсу тад̇ваа гат̇ид̇ам̣, д̣̇уд̇иязна ниббад̣̇зсзсу, буна д̇ад̇иязна саббад̣̇зсзсу, жад̇уд̇т̇зна ниббад̣̇зсзсуязваа’’д̇и асанд̇удто худ̇ваа д̇ам̣ бужчи – ‘‘гим̣ ну ко, аавусо, ид̣̇ам̣ д̣̇ассанависуд̣̇д̇хигам̣ ниб̣б̣аанам̣ д̇умхзхи ад̇д̇анова д̇хаммад̇ааяа н̃аад̇ам̣, уд̣̇ааху гзнажи во агкаад̇а’’нд̇и? аавусо, маяам̣ гим̣ ж̇аанаама? ад̇т̇и бана сад̣̇звагз логз саммаасамб̣уд̣̇д̇хо, д̇ам̣ ниссааязд̇ам̣ амхзхи н̃аад̇анд̇и. со жинд̇зси – ‘‘имз бхигкуу маяхам̣ аж̇жхаасаяам̣ г̇ахзд̇ваа гат̇зд̇ум̣ на саггонд̇и, ахам̣ саб̣б̣ан̃н̃уб̣уд̣̇д̇хамзва бужчид̇ваа нигган̇ко бхависсаамий’’д̇и язна бхаг̇аваа д̇знубасан̇гами.
Catuttho tebhūmakakammaṭṭhāniko. Tassa kira samappavattā dhātuyo ahesuṃ, kallasarīraṃ balapattaṃ, kammaṭṭhānānipissa sabbāneva sappāyāni, atītā vā saṅkhārā hontu anāgatā vā paccuppannā vā kāmāvacarā vā rūpāvacarā vā arūpāvacarā vā, sabbepi sappāyāva. Asappāyakammaṭṭhānaṃ nāma natthi. Kālesupi purebhattaṃ vā hotu pacchābhattaṃ vā paṭhamayāmādayo vā, asappāyo kālo nāma natthi. Yathā nāma cāribhūmiṃ otiṇṇo mahāhatthī hatthena gahetabbaṃ hattheneva luñcitvā gaṇhāti, pādehi paharitvā gahetabbaṃ pādehi paharitvā gaṇhāti, evameva sakale tebhūmakadhamme kalāpaggāhena gahetvā sammasanto arahattaṃ patto, tasmā esopi attanā adhigatamaggameva kathesi. Ayaṃ pana ‘‘imesaṃ aññamaññaṃ na sameti. Paṭhamena sappadesasaṅkhāresu ṭhatvā kathitaṃ, dutiyena nippadesesu, puna tatiyena sappadesesu, catutthena nippadesesuyevā’’ti asantuṭṭho hutvā taṃ pucchi – ‘‘kiṃ nu kho, āvuso, idaṃ dassanavisuddhikaṃ nibbānaṃ tumhehi attanova dhammatāya ñātaṃ, udāhu kenaci vo akkhāta’’nti? Āvuso, mayaṃ kiṃ jānāma? Atthi pana sadevake loke sammāsambuddho, taṃ nissāyetaṃ amhehi ñātanti. So cintesi – ‘‘ime bhikkhū mayhaṃ ajjhāsayaṃ gahetvā kathetuṃ na sakkonti, ahaṃ sabbaññubuddhameva pucchitvā nikkaṅkho bhavissāmī’’ti yena bhagavā tenupasaṅkami.
бхаг̇аваа д̇асса важанам̣ суд̇ваа ‘‘язхи д̇з бан̃хо гат̇ид̇о, д̇з жад̇д̇аароби кийн̣аасаваа, сугат̇ид̇ам̣ д̇зхи, д̇вам̣ бана ад̇д̇ано анд̇хаб̣аалад̇ааяа д̇ам̣ на саллагкзсий’’д̇и на звам̣ вихзсзси. гаарагабхаавам̣ банасса н̃ад̇ваа ‘‘ад̇т̇аг̇авзсаго зса, д̇хаммад̣̇зсанааяа зва нам̣ б̣уж̇жхаабзссаамий’’д̇и гим̣сугобамам̣ аахари. д̇ад̇т̇а бхууд̇ам̣ вад̇т̇ум̣ гад̇ваа звамад̇т̇о вибхаавзд̇аб̣б̣о – згасмим̣ гира махаанаг̇арз зго саб̣б̣аг̇ант̇ад̇харо б̣раахман̣авзж̇ж̇о бан̣д̣ид̇о бадивасад̇и. ат̇зго наг̇арасса баажийнад̣̇ваараг̇аамаваасий бан̣д̣урог̇абурисо д̇асса санд̇игам̣ ааг̇анд̇ваа д̇ам̣ ванд̣̇ид̇ваа адтааси. взж̇ж̇абан̣д̣ид̇о д̇зна сад̣̇д̇хим̣ саммод̣̇ид̇ваа ‘‘гзнад̇т̇зна ааг̇ад̇оси бхад̣̇рамукаа’’д̇и, бужчи. рог̇знамхи, аяяа, убад̣̇д̣̇уд̇о, бхзсаж̇ж̇ам̣ мз гат̇зхийд̇и. д̇зна хи, бхо, г̇ажча, гим̣сугаругкам̣ чинд̣̇ид̇ваа, сосзд̇ваа жхаабзд̇ваа, д̇асса каарод̣̇агам̣ г̇ахзд̇ваа иминаа жиминаа жа бхзсаж̇ж̇зна яож̇зд̇ваа, аридтам̣ гад̇ваа бива, д̇зна д̇з паасугам̣ бхависсад̇ийд̇и. со д̇ат̇аа гад̇ваа нирог̇о б̣алаваа баасаад̣̇иго ж̇аад̇о.
Bhagavā tassa vacanaṃ sutvā ‘‘yehi te pañho kathito, te cattāropi khīṇāsavā, sukathitaṃ tehi, tvaṃ pana attano andhabālatāya taṃ na sallakkhesī’’ti na evaṃ vihesesi. Kārakabhāvaṃ panassa ñatvā ‘‘atthagavesako esa, dhammadesanāya eva naṃ bujjhāpessāmī’’ti kiṃsukopamaṃ āhari. Tattha bhūtaṃ vatthuṃ katvā evamattho vibhāvetabbo – ekasmiṃ kira mahānagare eko sabbaganthadharo brāhmaṇavejjo paṇḍito paṭivasati. Atheko nagarassa pācīnadvāragāmavāsī paṇḍurogapuriso tassa santikaṃ āgantvā taṃ vanditvā aṭṭhāsi. Vejjapaṇḍito tena saddhiṃ sammoditvā ‘‘kenatthena āgatosi bhadramukhā’’ti, pucchi. Rogenamhi, ayya, upadduto, bhesajjaṃ me kathehīti. Tena hi, bho, gaccha, kiṃsukarukkhaṃ chinditvā, sosetvā jhāpetvā, tassa khārodakaṃ gahetvā iminā ciminā ca bhesajjena yojetvā, ariṭṭhaṃ katvā piva, tena te phāsukaṃ bhavissatīti. So tathā katvā nirogo balavā pāsādiko jāto.
ат̇ан̃н̃о д̣̇агкин̣ад̣̇ваараг̇аамаваасий бурисо д̇знзва рог̇зна аад̇уро ‘‘асуго гира бхзсаж̇ж̇ам̣ гад̇ваа арог̇о ж̇аад̇о’’д̇и суд̇ваа д̇ам̣ убасан̇гамид̇ваа бужчи – ‘‘гзна д̇з, самма, паасугам̣ ж̇аад̇а’’нд̇и. гим̣сугааридтзна наама, г̇ажча д̇вамби гарохийд̇и. соби д̇ат̇аа гад̇ваа д̇аад̣̇исова ж̇аад̇о.
Athañño dakkhiṇadvāragāmavāsī puriso teneva rogena āturo ‘‘asuko kira bhesajjaṃ katvā arogo jāto’’ti sutvā taṃ upasaṅkamitvā pucchi – ‘‘kena te, samma, phāsukaṃ jāta’’nti. Kiṃsukāriṭṭhena nāma, gaccha tvampi karohīti. Sopi tathā katvā tādisova jāto.
ат̇ан̃н̃о бажчимад̣̇ваараг̇аамаваасий…бз… уд̇д̇арад̣̇ваараг̇аамаваасий бурисо д̇знзва рог̇зна аад̇уро ‘‘асуго гира бхзсаж̇ж̇ам̣ гад̇ваа арог̇о ж̇аад̇о’’д̇и д̇ам̣ убасан̇гамид̇ваа бужчи ‘‘гзна д̇з, самма, паасугам̣ ж̇аад̇а’’нд̇и? гим̣сугааридтзна наама, г̇ажча д̇вамби гарохийд̇и. соби д̇ат̇аа гад̇ваа д̇аад̣̇исова ж̇аад̇о.
Athañño pacchimadvāragāmavāsī…pe… uttaradvāragāmavāsī puriso teneva rogena āturo ‘‘asuko kira bhesajjaṃ katvā arogo jāto’’ti taṃ upasaṅkamitvā pucchi ‘‘kena te, samma, phāsukaṃ jāta’’nti? Kiṃsukāriṭṭhena nāma, gaccha tvampi karohīti. Sopi tathā katvā tādisova jāto.
ат̇ан̃н̃о бажжанд̇аваасий ад̣̇идтабуб̣б̣агим̣суго зго бурисо д̇знзва рог̇зна аад̇уро жирам̣ д̇аани д̇аани бхзсаж̇ж̇аани гад̇ваа рог̇з авуубасамамаанз ‘‘асуго гира наг̇арасса баажийнад̣̇ваараг̇аамаваасий бурисо бхзсаж̇ж̇ам̣ гад̇ваа арог̇о ж̇аад̇о’’д̇и суд̇ваа ‘‘г̇ажчаамахамби, д̇зна гад̇абхзсаж̇ж̇ам̣ гариссаамий’’д̇и д̣̇ан̣д̣амолуб̣бха анубуб̣б̣зна д̇асса санд̇игам̣ г̇анд̇ваа, ‘‘гзна д̇з, самма, паасугам̣ ж̇аад̇а’’нд̇и бужчи. гим̣сугааридтзна саммаад̇и. гийд̣̇исо бана со гим̣сугод̇и. жхаабид̇аг̇аамз тид̇ажхаамат̇уун̣о вияаад̇и. ид̇и со бурисо ад̇д̇анаа д̣̇идтаагаарзнава гим̣сугам̣ аажигки. д̇зна хи д̣̇идтагаалз гим̣суго бад̇ид̇абад̇д̇о каан̣угагаалз д̣̇идтад̇д̇аа д̇аад̣̇исова ход̇и.
Athañño paccantavāsī adiṭṭhapubbakiṃsuko eko puriso teneva rogena āturo ciraṃ tāni tāni bhesajjāni katvā roge avūpasamamāne ‘‘asuko kira nagarassa pācīnadvāragāmavāsī puriso bhesajjaṃ katvā arogo jāto’’ti sutvā ‘‘gacchāmahampi, tena katabhesajjaṃ karissāmī’’ti daṇḍamolubbha anupubbena tassa santikaṃ gantvā, ‘‘kena te, samma, phāsukaṃ jāta’’nti pucchi. Kiṃsukāriṭṭhena sammāti. Kīdiso pana so kiṃsukoti. Jhāpitagāme ṭhitajhāmathūṇo viyāti. Iti so puriso attanā diṭṭhākārenava kiṃsukaṃ ācikkhi. Tena hi diṭṭhakāle kiṃsuko patitapatto khāṇukakāle diṭṭhattā tādisova hoti.
со бана бурисо суд̇аман̇г̇алигад̇д̇аа ‘‘аяам̣ ‘жхаабид̇аг̇аамз жхаамат̇уун̣о вияаа’д̇и ааха, аман̇г̇аламзд̇ам̣ . зд̇асмин̃хи мз бхзсаж̇ж̇з гад̇зби рог̇о на вуубасамиссад̇ий’’д̇и д̇асса взяяаагаран̣зна асанд̇удто д̇ам̣ бужчи – ‘‘гим̣ ну ко, бхо, д̇ван̃н̃зва гим̣сугам̣ ж̇аанааси, уд̣̇ааху ан̃н̃оби ад̇т̇ий’’д̇и. ад̇т̇и, бхо, д̣̇агкин̣ад̣̇ваараг̇аамз асуго наамаад̇и. со д̇ам̣ убасан̇гамид̇ваа бужчи, сваасса бубпид̇агаалз д̣̇идтад̇д̇аа ад̇д̇ано д̣̇ассанаануруубзна ‘‘лохид̇аго гим̣суго’’д̇и ааха. со ‘‘аяам̣ буримзна вируд̣̇д̇хам̣ ааха, гаал̣аго лохид̇агад̇о сувид̣̇уурад̣̇уурз’’д̇и д̇ассаби взяяаагаран̣зна асанд̇удто ‘‘ад̇т̇и бана, бхо, ан̃н̃оби гожи гим̣сугад̣̇ассаавий, язна гим̣суго д̣̇идтабуб̣б̣о’’д̇и? бужчид̇ваа, ‘‘ад̇т̇и бажчимад̣̇ваараг̇аамз асуго наамаа’’д̇и вуд̇д̇з д̇амби убасан̇гамид̇ваа бужчи. сваасса палид̇агаалз д̣̇идтад̇д̇аа ад̇д̇ано д̣̇ассанаануруубзна ‘‘ожирагаж̇аад̇о аад̣̇иннасибаадиго’’д̇и ааха. палид̇агааласмин̃хи гим̣суго оламб̣амаанажийраго вияа ад̇хомукам̣ гад̇ваа г̇ахид̇аасигосо вияа жа сирийсаругко вияа жа ламб̣амаанапало ход̇и. со ‘‘аяам̣ буримзхи вируд̣̇д̇хам̣ ааха, на саггаа имасса важанам̣ г̇ахзд̇у’’нд̇и д̇ассаби взяяаагаран̣зна асанд̇удто ‘‘ад̇т̇и бана, бхо, ан̃н̃оби гожи гим̣сугад̣̇ассаавий, язна гим̣суго д̣̇идтабуб̣б̣о’’д̇и? бужчид̇ваа, ‘‘ад̇т̇и уд̇д̇арад̣̇ваараг̇аамз асуго наамаа’’д̇и вуд̇д̇з д̇амби убасан̇гамид̇ваа бужчи. со асса сан̃чаннабад̇д̇агаалз д̣̇идтад̇д̇аа ад̇д̇ано д̣̇ассанаануруубзна ‘‘б̣ахалабад̇д̇абалаасо санд̣̇ажчааяо’’д̇и ааха. санд̣̇ажчааяо наама сам̣санд̣̇ид̇ваа тид̇ажчааяо.
So pana puriso sutamaṅgalikattā ‘‘ayaṃ ‘jhāpitagāme jhāmathūṇo viyā’ti āha, amaṅgalametaṃ . Etasmiñhi me bhesajje katepi rogo na vūpasamissatī’’ti tassa veyyākaraṇena asantuṭṭho taṃ pucchi – ‘‘kiṃ nu kho, bho, tvaññeva kiṃsukaṃ jānāsi, udāhu aññopi atthī’’ti. Atthi, bho, dakkhiṇadvāragāme asuko nāmāti. So taṃ upasaṅkamitvā pucchi, svāssa pupphitakāle diṭṭhattā attano dassanānurūpena ‘‘lohitako kiṃsuko’’ti āha. So ‘‘ayaṃ purimena viruddhaṃ āha, kāḷako lohitakato suvidūradūre’’ti tassapi veyyākaraṇena asantuṭṭho ‘‘atthi pana, bho, aññopi koci kiṃsukadassāvī, yena kiṃsuko diṭṭhapubbo’’ti? Pucchitvā, ‘‘atthi pacchimadvāragāme asuko nāmā’’ti vutte tampi upasaṅkamitvā pucchi. Svāssa phalitakāle diṭṭhattā attano dassanānurūpena ‘‘ocirakajāto ādinnasipāṭiko’’ti āha. Phalitakālasmiñhi kiṃsuko olambamānacīrako viya adhomukhaṃ katvā gahitaasikoso viya ca sirīsarukkho viya ca lambamānaphalo hoti. So ‘‘ayaṃ purimehi viruddhaṃ āha, na sakkā imassa vacanaṃ gahetu’’nti tassapi veyyākaraṇena asantuṭṭho ‘‘atthi pana, bho, aññopi koci kiṃsukadassāvī, yena kiṃsuko diṭṭhapubbo’’ti? Pucchitvā, ‘‘atthi uttaradvāragāme asuko nāmā’’ti vutte tampi upasaṅkamitvā pucchi. So assa sañchannapattakāle diṭṭhattā attano dassanānurūpena ‘‘bahalapattapalāso sandacchāyo’’ti āha. Sandacchāyo nāma saṃsanditvā ṭhitacchāyo.
со ‘‘аяамби буримзхи вируд̣̇д̇хам̣ ааха, на саггаа имасса важанам̣ г̇ахзд̇у’’нд̇и д̇ассаби взяяаагаран̣зна асанд̇удто д̇ам̣ ааха, ‘‘гим̣ ну ко, бхо, д̇умхз ад̇д̇анова д̇хаммад̇ааяа гим̣сугам̣ ж̇аанаат̇а, уд̣̇ааху гзнажи во агкаад̇о’’д̇и? гим̣, бхо, маяам̣ ж̇аанаама? ад̇т̇и бана махаанаг̇арасса маж̇жхз амхаагам̣ аажарияо взж̇ж̇абан̣д̣ид̇о, д̇ам̣ ниссааяа амхзхи н̃аад̇анд̇и. ‘‘д̇зна хи ахамби аажарияамзва убасан̇гамид̇ваа нигган̇ко бхависсаамий’’д̇и д̇асса санд̇игам̣ убасан̇гамид̇ваа д̇ам̣ ванд̣̇ид̇ваа адтааси. взж̇ж̇абан̣д̣ид̇о д̇зна сад̣̇д̇хим̣ саммод̣̇ид̇ваа, ‘‘гзнад̇т̇зна ааг̇ад̇оси бхад̣̇рамукаа’’д̇и бужчи. рог̇знамхи, аяяа, убад̣̇д̣̇уд̇о, бхзсаж̇ж̇ам̣ мз гат̇зт̇аад̇и. д̇зна хи, бхо, г̇ажча, гим̣сугаругкам̣ чинд̣̇ид̇ваа сосзд̇ваа жхаабзд̇ваа д̇асса каарод̣̇агам̣ г̇ахзд̇ваа иминаа жиминаа жа бхзсаж̇ж̇зна яож̇зд̇ваа аридтам̣ гад̇ваа бива, зд̇зна д̇з паасугам̣ бхависсад̇ийд̇и. со д̇ат̇аа гад̇ваа нирог̇о б̣алаваа баасаад̣̇иго ж̇аад̇о.
So ‘‘ayampi purimehi viruddhaṃ āha, na sakkā imassa vacanaṃ gahetu’’nti tassapi veyyākaraṇena asantuṭṭho taṃ āha, ‘‘kiṃ nu kho, bho, tumhe attanova dhammatāya kiṃsukaṃ jānātha, udāhu kenaci vo akkhāto’’ti? Kiṃ, bho, mayaṃ jānāma? Atthi pana mahānagarassa majjhe amhākaṃ ācariyo vejjapaṇḍito, taṃ nissāya amhehi ñātanti. ‘‘Tena hi ahampi ācariyameva upasaṅkamitvā nikkaṅkho bhavissāmī’’ti tassa santikaṃ upasaṅkamitvā taṃ vanditvā aṭṭhāsi. Vejjapaṇḍito tena saddhiṃ sammoditvā, ‘‘kenatthena āgatosi bhadramukhā’’ti pucchi. Rogenamhi, ayya, upadduto, bhesajjaṃ me kathethāti. Tena hi, bho, gaccha, kiṃsukarukkhaṃ chinditvā sosetvā jhāpetvā tassa khārodakaṃ gahetvā iminā ciminā ca bhesajjena yojetvā ariṭṭhaṃ katvā piva, etena te phāsukaṃ bhavissatīti. So tathā katvā nirogo balavā pāsādiko jāto.
д̇ад̇т̇а махаанаг̇арам̣ вияа ниб̣б̣аананаг̇арам̣ д̣̇адтаб̣б̣ам̣. взж̇ж̇абан̣д̣ид̇о вияа саммаасамб̣уд̣̇д̇хо. вуд̇д̇амби жз д̇ам̣ ‘‘бхисагго саллагад̇д̇од̇и ко, сунагкад̇д̇а, д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хассаа’’д̇и (ма. ни. 3.65) жад̇уусу д̣̇ваараг̇аамзсу жад̇д̇ааро взж̇ж̇анд̇зваасигаа вияа жад̇д̇ааро д̣̇ассанависуд̣̇д̇хибад̇д̇аа кийн̣аасаваа. бажжанд̇аваасий батамабурисо вияа бан̃хабужчаго бхигку. бажжанд̇аваасино жад̇уннам̣ взж̇ж̇анд̇зваасигаанам̣ гат̇ааяа асанд̇удтасса аажарияамзва убасан̇гамид̇ваа бужчанагаало вияа имасса бхигкуно жад̇уннам̣ д̣̇ассанависуд̣̇д̇хибад̇д̇аанам̣ кийн̣аасаваанам̣ гат̇ааяа асанд̇удтасса сад̇т̇аарам̣ убасан̇гамид̇ваа бужчанагаало.
Tattha mahānagaraṃ viya nibbānanagaraṃ daṭṭhabbaṃ. Vejjapaṇḍito viya sammāsambuddho. Vuttampi ce taṃ ‘‘bhisakko sallakattoti kho, sunakkhatta, tathāgatassetaṃ adhivacanaṃ arahato sammāsambuddhassā’’ti (ma. ni. 3.65) catūsu dvāragāmesu cattāro vejjantevāsikā viya cattāro dassanavisuddhipattā khīṇāsavā. Paccantavāsī paṭhamapuriso viya pañhapucchako bhikkhu. Paccantavāsino catunnaṃ vejjantevāsikānaṃ kathāya asantuṭṭhassa ācariyameva upasaṅkamitvā pucchanakālo viya imassa bhikkhuno catunnaṃ dassanavisuddhipattānaṃ khīṇāsavānaṃ kathāya asantuṭṭhassa satthāraṃ upasaṅkamitvā pucchanakālo.
яат̇аа яат̇аа ад̇химуд̇д̇аананд̇и язна язнаагаарзна ад̇химуд̇д̇аанам̣. д̣̇ассанам̣ сувисуд̣̇д̇ханд̇и ниб̣б̣аанад̣̇ассанам̣ судту висуд̣̇д̇хам̣. д̇ат̇аа д̇ат̇аа ко д̇зхи саббурисзхи б̣яаагад̇анд̇и д̇зна д̇знзваагаарзна д̇уяхам̣ д̇зхи саббурисзхи гат̇ид̇ам̣. яат̇аа хи ‘‘гаал̣аго гим̣суго’’д̇и гат̇знд̇о на ан̃н̃ам̣ гат̇зси, ад̇д̇анаа д̣̇идтанаязна гим̣сугамзва гат̇зси, звамзва чапассааяад̇анаанам̣ васзна д̣̇ассанависуд̣̇д̇хибад̇д̇акийн̣аасавоби имам̣ бан̃хам̣ гат̇знд̇о на ан̃н̃ам̣ гат̇зси, ад̇д̇анаа ад̇хиг̇ад̇амаг̇г̇зна д̣̇ассанависуд̣̇д̇хигам̣ ниб̣б̣аанамзва гат̇зси.
Yathā yathā adhimuttānanti yena yenākārena adhimuttānaṃ. Dassanaṃ suvisuddhanti nibbānadassanaṃ suṭṭhu visuddhaṃ. Tathā tathā kho tehi sappurisehi byākatanti tena tenevākārena tuyhaṃ tehi sappurisehi kathitaṃ. Yathā hi ‘‘kāḷako kiṃsuko’’ti kathento na aññaṃ kathesi, attanā diṭṭhanayena kiṃsukameva kathesi, evameva chaphassāyatanānaṃ vasena dassanavisuddhipattakhīṇāsavopi imaṃ pañhaṃ kathento na aññaṃ kathesi, attanā adhigatamaggena dassanavisuddhikaṃ nibbānameva kathesi.
яат̇аа жа ‘‘лохид̇аго ожирагаж̇аад̇о б̣ахалабад̇д̇абалаасо гим̣суго’’д̇и гат̇знд̇оби на ан̃н̃ам̣ гат̇зси, ад̇д̇анаа д̣̇идтанаязна гим̣сугамзва гат̇зси, звамзва бан̃жубаад̣̇аанагканд̇хавасзна жад̇умахаабхууд̇авасзна д̇збхуумагад̇хаммавасзна д̣̇ассанависуд̣̇д̇хибад̇д̇акийн̣аасавоби имам̣ бан̃хам̣ гат̇знд̇о на ан̃н̃ам̣ гат̇зси, ад̇д̇анаа ад̇хиг̇ад̇амаг̇г̇зна д̣̇ассанависуд̣̇д̇хигам̣ ниб̣б̣аанамзва гат̇зси.
Yathā ca ‘‘lohitako ocirakajāto bahalapattapalāso kiṃsuko’’ti kathentopi na aññaṃ kathesi, attanā diṭṭhanayena kiṃsukameva kathesi, evameva pañcupādānakkhandhavasena catumahābhūtavasena tebhūmakadhammavasena dassanavisuddhipattakhīṇāsavopi imaṃ pañhaṃ kathento na aññaṃ kathesi, attanā adhigatamaggena dassanavisuddhikaṃ nibbānameva kathesi.
д̇ад̇т̇а яат̇аа гаал̣агагаалз гим̣сугад̣̇ассаавиноби д̇ам̣ д̣̇ассанам̣ бхууд̇ам̣ д̇ажчам̣ на д̇зна ан̃н̃ам̣ д̣̇идтам̣, гим̣сугова д̣̇идто, звамзва чапассааяад̇анавасзна д̣̇ассанависуд̣̇д̇хибад̇д̇ассааби кийн̣аасавасса д̣̇ассанам̣ бхууд̇ам̣ д̇ажчам̣, на д̇зна ан̃н̃ам̣ гат̇ид̇ам̣, ад̇д̇анаа ад̇хиг̇ад̇амаг̇г̇зна д̣̇ассанависуд̣̇д̇хигам̣ ниб̣б̣аанамзва гат̇ид̇ам̣. яат̇аа жа лохид̇агаалз ожирагаж̇аад̇агаалз б̣ахалабад̇д̇абалаасагаалз гим̣сугад̣̇ассаавиноби д̇ам̣ д̣̇ассанам̣ бхууд̇ам̣ д̇ажчам̣, на д̇зна ан̃н̃ам̣ д̣̇идтам̣, гим̣сугова д̣̇идто, звамзва бан̃жубаад̣̇аанагканд̇хавасзна жад̇умахаабхууд̇авасзна д̇збхуумагад̇хаммавасзна д̣̇ассанависуд̣̇д̇хибад̇д̇ассааби кийн̣аасавасса д̣̇ассанам̣ бхууд̇ам̣ д̇ажчам̣, на д̇зна ан̃н̃ам̣ гат̇ид̇ам̣, ад̇д̇анаа ад̇хиг̇ад̇амаг̇г̇зна д̣̇ассанависуд̣̇д̇хигам̣ ниб̣б̣аанамзва гат̇ид̇ам̣.
Tattha yathā kāḷakakāle kiṃsukadassāvinopi taṃ dassanaṃ bhūtaṃ tacchaṃ na tena aññaṃ diṭṭhaṃ, kiṃsukova diṭṭho, evameva chaphassāyatanavasena dassanavisuddhipattassāpi khīṇāsavassa dassanaṃ bhūtaṃ tacchaṃ, na tena aññaṃ kathitaṃ, attanā adhigatamaggena dassanavisuddhikaṃ nibbānameva kathitaṃ. Yathā ca lohitakāle ocirakajātakāle bahalapattapalāsakāle kiṃsukadassāvinopi taṃ dassanaṃ bhūtaṃ tacchaṃ, na tena aññaṃ diṭṭhaṃ, kiṃsukova diṭṭho, evameva pañcupādānakkhandhavasena catumahābhūtavasena tebhūmakadhammavasena dassanavisuddhipattassāpi khīṇāsavassa dassanaṃ bhūtaṃ tacchaṃ, na tena aññaṃ kathitaṃ, attanā adhigatamaggena dassanavisuddhikaṃ nibbānameva kathitaṃ.
сзяяат̇ааби , бхигку ран̃н̃о бажжанд̇имам̣ наг̇аранд̇и ид̣̇ам̣ гасмаа аарад̣̇д̇хам̣? сажз д̇зна бхигкунаа д̇ам̣ саллагкид̇ам̣, ат̇асса д̇хаммад̣̇зсанад̇т̇ам̣ аарад̣̇д̇хам̣. сажз на саллагкид̇ам̣, ат̇асса иминаа наг̇аробамзна д̇ассзвад̇т̇асса д̣̇ийбанад̇т̇ааяа аавибхааванад̇т̇ааяа аарад̣̇д̇хам̣. д̇ад̇т̇а яасмаа маж̇жхимабад̣̇зсз наг̇арасса баагаараад̣̇ийни т̇ираани ваа хонд̇у д̣̇уб̣б̣алаани ваа, саб̣б̣асо ваа маа хонд̇у, жораасан̇гаа на хонд̇и, д̇асмаа д̇ам̣ аг̇г̇ахзд̇ваа ‘‘бажжанд̇имам̣ наг̇ара’’нд̇и ааха. д̣̇ал̣худ̣̇д̇хаабанд̇и т̇ирабаагаарам̣. д̣̇ал̣хабаагаарад̇оран̣анд̇и т̇ирабаагааран̃жзва т̇ирад̇оран̣ан̃жа. д̇оран̣аани наама хи бурисуб̣б̣зд̇хаани наг̇арасса алан̇гаарад̇т̇ам̣ гарийяанд̇и, жоранивааран̣ад̇т̇ааниби хонд̇иязва. ат̇а ваа д̇оран̣анд̇и бидтасан̇гхаадассзд̇ам̣ наамам̣, т̇ирабидтасан̇гхааданд̇иби ад̇т̇о. чад̣̇вааранд̇и наг̇арад̣̇ваарам̣ наама згамби ход̇и д̣̇взби сад̇амби сахассамби, ид̇ха бана сад̇т̇аа чад̣̇ваариганаг̇арам̣ д̣̇ассзнд̇о звамааха. бан̣д̣ид̇од̇и бан̣д̣ижжзна саманнааг̇ад̇о. б̣яад̇д̇од̇и взяяад̇д̇иязна саманнааг̇ад̇о висад̣̇ан̃аан̣о. мзд̇хаавийд̇и таануббад̇д̇игабан̃н̃аасан̇каад̇ааяа мзд̇хааяа саманнааг̇ад̇о.
Seyyathāpi, bhikkhu rañño paccantimaṃ nagaranti idaṃ kasmā āraddhaṃ? Sace tena bhikkhunā taṃ sallakkhitaṃ, athassa dhammadesanatthaṃ āraddhaṃ. Sace na sallakkhitaṃ, athassa iminā nagaropamena tassevatthassa dīpanatthāya āvibhāvanatthāya āraddhaṃ. Tattha yasmā majjhimapadese nagarassa pākārādīni thirāni vā hontu dubbalāni vā, sabbaso vā mā hontu, corāsaṅkā na honti, tasmā taṃ aggahetvā ‘‘paccantimaṃ nagara’’nti āha. Daḷhuddhāpanti thirapākāraṃ. Daḷhapākāratoraṇanti thirapākārañceva thiratoraṇañca. Toraṇāni nāma hi purisubbedhāni nagarassa alaṅkāratthaṃ karīyanti, coranivāraṇatthānipi hontiyeva. Atha vā toraṇanti piṭṭhasaṅghāṭassetaṃ nāmaṃ, thirapiṭṭhasaṅghāṭantipi attho. Chadvāranti nagaradvāraṃ nāma ekampi hoti dvepi satampi sahassampi, idha pana satthā chadvārikanagaraṃ dassento evamāha. Paṇḍitoti paṇḍiccena samannāgato. Byattoti veyyattiyena samannāgato visadañāṇo. Medhāvīti ṭhānuppattikapaññāsaṅkhātāya medhāya samannāgato.
бурад̇т̇имааяа д̣̇исааяаад̇иаад̣̇имхи бхууд̇амад̇т̇ам̣ гад̇ваа звамад̇т̇о взд̣̇ид̇аб̣б̣о – самид̣̇д̇хз гира махаанаг̇арз сад̇д̇арад̇анасамбанно рааж̇аа жаггавад̇д̇и раж̇ж̇ам̣ анусаасад̇и, д̇ассзд̇ам̣ бажжанд̇анаг̇арам̣ рааж̇ааяуд̇д̇авирахид̇ам̣ , ат̇а бурисаа ааг̇анд̇ваа ‘‘амхаагам̣, д̣̇зва, наг̇арз ааяуд̇д̇аго над̇т̇и, д̣̇зхи но гин̃жи ааяуд̇д̇ага’’нд̇и аахам̣су. рааж̇аа згам̣ буд̇д̇ам̣ д̣̇ад̇ваа ‘‘г̇ажчат̇а, зд̇ам̣ аад̣̇ааяа д̇ад̇т̇а абхисин̃жид̇ваа винижчаяадтаанаад̣̇ийни гад̇ваа васат̇аа’’д̇и. д̇з д̇ат̇аа агам̣су. рааж̇абуд̇д̇о баабамид̇д̇асам̣саг̇г̇зна гад̇ибаахзязва сураасон̣д̣о худ̇ваа, саб̣б̣аани винижчаяадтаанаад̣̇ийни хаарзд̇ваа, наг̇арамаж̇жхз д̇худ̇д̇зхи бариваарид̇о сурам̣ биванд̇о нажжаг̇ийд̇аад̣̇ирад̇ияаа вийд̇инаамзд̇и. ат̇а ран̃н̃о ааг̇анд̇ваа аарожаяим̣су.
Puratthimāya disāyātiādimhi bhūtamatthaṃ katvā evamattho veditabbo – samiddhe kira mahānagare sattaratanasampanno rājā cakkavatti rajjaṃ anusāsati, tassetaṃ paccantanagaraṃ rājāyuttavirahitaṃ , atha purisā āgantvā ‘‘amhākaṃ, deva, nagare āyuttako natthi, dehi no kiñci āyuttaka’’nti āhaṃsu. Rājā ekaṃ puttaṃ datvā ‘‘gacchatha, etaṃ ādāya tattha abhisiñcitvā vinicchayaṭṭhānādīni katvā vasathā’’ti. Te tathā akaṃsu. Rājaputto pāpamittasaṃsaggena katipāheyeva surāsoṇḍo hutvā, sabbāni vinicchayaṭṭhānādīni hāretvā, nagaramajjhe dhuttehi parivārito suraṃ pivanto naccagītādiratiyā vītināmeti. Atha rañño āgantvā ārocayiṃsu.
рааж̇аа згам̣ бан̣д̣ид̇ам̣ амажжам̣ аан̣аабзси – ‘‘г̇ажча гумаарам̣ овад̣̇ид̇ваа, винижчаяадтаанаад̣̇ийни гаарзд̇ваа, буна абхисзгам̣ гад̇ваа, зхий’’д̇и. на саггаа, д̣̇зва, гумаарам̣ овад̣̇ид̇ум̣, жан̣д̣о гумааро гхаад̇зяяааби манд̇и. ат̇згам̣ б̣аласамбаннам̣ яод̇хам̣ аан̣аабзси – ‘‘д̇вам̣ иминаа сад̣̇д̇хим̣ г̇анд̇ваа сажз со оваад̣̇з на д̇идтад̇и, сийсамасса чинд̣̇аахий’’д̇и. ид̇и со амажжо яод̇хо жаад̇и ид̣̇ам̣ сийгхам̣ д̣̇ууд̇аяуг̇ам̣ д̇ад̇т̇а г̇анд̇ваа д̣̇овааригам̣ бужчи – ‘‘гахам̣, бхо, наг̇арасса саами гумааро’’д̇и. зса маж̇жхзсин̇гхаадагз сурам̣ биванд̇о д̇худ̇д̇абариваарид̇о г̇ийд̇аад̣̇ирад̇им̣ анубхонд̇о нисиннод̇и. ат̇а д̇ам̣ д̣̇ууд̇аяуг̇ам̣ г̇анд̇ваа амажжо д̇аавзд̇т̇а, ‘‘саами, винижчаяадтаанаад̣̇ийни гира гаарзд̇ваа саад̇хугам̣ раж̇ж̇ам̣ анусаасаа’’д̇и ааха. гумааро асун̣анд̇о вияа нисийд̣̇и. ат̇а нам̣ яод̇хо сийсз г̇ахзд̇ваа, ‘‘сажз ран̃н̃о аан̣ам̣ гароси, гара, но жз, зд̇т̇зва д̇з сийсам̣ баад̇зссаамий’’д̇и каг̇г̇ам̣ аб̣б̣аахи. барижаарагаа д̇худ̇д̇аа д̇аавад̣̇зва д̣̇исаасу балааяим̣су. гумааро бхийд̇о саасанам̣ самбадижчи. ат̇асса д̇з д̇ад̇т̇зва абхисзгам̣ гад̇ваа сзд̇ажчад̇д̇ам̣ уссаабзд̇ваа ‘‘саммаа раж̇ж̇ам̣ анусаасаахий’’д̇и ран̃н̃аа вуд̇д̇ам̣ яат̇аабхууд̇аважанам̣ нияяаад̇зд̇ваа яат̇ааг̇ад̇амаг̇г̇амзва бадибаж̇ж̇им̣су. имамад̇т̇ам̣ аавигаронд̇о бхаг̇аваа ‘‘бурад̇т̇имааяа д̣̇исааяаа’’д̇и ааха.
Rājā ekaṃ paṇḍitaṃ amaccaṃ āṇāpesi – ‘‘gaccha kumāraṃ ovaditvā, vinicchayaṭṭhānādīni kāretvā, puna abhisekaṃ katvā, ehī’’ti. Na sakkā, deva, kumāraṃ ovadituṃ, caṇḍo kumāro ghāteyyāpi manti. Athekaṃ balasampannaṃ yodhaṃ āṇāpesi – ‘‘tvaṃ iminā saddhiṃ gantvā sace so ovāde na tiṭṭhati, sīsamassa chindāhī’’ti. Iti so amacco yodho cāti idaṃ sīghaṃ dūtayugaṃ tattha gantvā dovārikaṃ pucchi – ‘‘kahaṃ, bho, nagarassa sāmi kumāro’’ti. Esa majjhesiṅghāṭake suraṃ pivanto dhuttaparivārito gītādiratiṃ anubhonto nisinnoti. Atha taṃ dūtayugaṃ gantvā amacco tāvettha, ‘‘sāmi, vinicchayaṭṭhānādīni kira kāretvā sādhukaṃ rajjaṃ anusāsā’’ti āha. Kumāro asuṇanto viya nisīdi. Atha naṃ yodho sīse gahetvā, ‘‘sace rañño āṇaṃ karosi, kara, no ce, ettheva te sīsaṃ pātessāmī’’ti khaggaṃ abbāhi. Paricārakā dhuttā tāvadeva disāsu palāyiṃsu. Kumāro bhīto sāsanaṃ sampaṭicchi. Athassa te tattheva abhisekaṃ katvā setacchattaṃ ussāpetvā ‘‘sammā rajjaṃ anusāsāhī’’ti raññā vuttaṃ yathābhūtavacanaṃ niyyātetvā yathāgatamaggameva paṭipajjiṃsu. Imamatthaṃ āvikaronto bhagavā ‘‘puratthimāya disāyā’’ti āha.
д̇ад̇рид̣̇ам̣ обаммасам̣санд̣̇анам̣ – самид̣̇д̇хамахаанаг̇арам̣ вияа хи ниб̣б̣аананаг̇арам̣ д̣̇адтаб̣б̣ам̣, сад̇д̇арад̇анасаманнааг̇ад̇о рааж̇аа жаггавад̇д̇и вияа сад̇д̇аб̣ож̇жхан̇г̇арад̇анасаманнааг̇ад̇о д̇хаммарааж̇аа саммаасамб̣уд̣̇д̇хо, бажжанд̇иманаг̇арам̣ вияа саггааяанаг̇арам̣, д̇асмим̣ наг̇арз гуударааж̇абуд̇д̇о вияа имасса бхигкуно гуудажид̇д̇уббаад̣̇о, гуударааж̇абуд̇д̇асса д̇худ̇д̇зхи бариваарид̇агаало вияа имасса бхигкуно бан̃жахи нийваран̣зхи саман̇г̇игаало, д̣̇вз сийгхад̣̇ууд̇аа вияа самат̇агаммадтаанан̃жа вибассанаагаммадтаанан̃жа, махааяод̇хзна сийсз г̇ахид̇агаало вияа уббаннабатамаж̇жхаанасамаад̇хинаа нижжалам̣ гад̇ваа жид̇д̇аг̇г̇ахид̇агаало, яод̇хзна сийсз г̇ахид̇амад̇д̇з д̇худ̇д̇аанам̣ д̣̇исаасу балааяид̇ваа д̣̇уурийбхааво вияа батамаж̇жхаанамхи уббаннамад̇д̇з нийваран̣аанам̣ д̣̇уурийбхааво, ‘‘гариссаами ран̃н̃о саасана’’нд̇и самбадижчид̇амад̇д̇з виссадтагаало вияа жхаанад̇о вудтид̇агаало, амажжзна ран̃н̃о саасанам̣ аарожид̇агаало вияа самаад̇хинаа жид̇д̇ам̣ гамманияам̣ гад̇ваа вибассанаагаммадтаанасса вад̣дхид̇агаало, д̇ад̇т̇звасса д̇зхи д̣̇вийхи д̣̇ууд̇зхи гад̇аабхисзгасса сзд̇ажчад̇д̇ауссаабанам̣ вияа самат̇авибассанаагаммадтаанам̣ ниссааяа арахад̇д̇аббад̇д̇асса вимуд̇д̇исзд̇ажчад̇д̇уссаабанам̣ взд̣̇ид̇аб̣б̣ам̣.
Tatridaṃ opammasaṃsandanaṃ – samiddhamahānagaraṃ viya hi nibbānanagaraṃ daṭṭhabbaṃ, sattaratanasamannāgato rājā cakkavatti viya sattabojjhaṅgaratanasamannāgato dhammarājā sammāsambuddho, paccantimanagaraṃ viya sakkāyanagaraṃ, tasmiṃ nagare kūṭarājaputto viya imassa bhikkhuno kūṭacittuppādo, kūṭarājaputtassa dhuttehi parivāritakālo viya imassa bhikkhuno pañcahi nīvaraṇehi samaṅgikālo, dve sīghadūtā viya samathakammaṭṭhānañca vipassanākammaṭṭhānañca, mahāyodhena sīse gahitakālo viya uppannapaṭhamajjhānasamādhinā niccalaṃ katvā cittaggahitakālo, yodhena sīse gahitamatte dhuttānaṃ disāsu palāyitvā dūrībhāvo viya paṭhamajjhānamhi uppannamatte nīvaraṇānaṃ dūrībhāvo, ‘‘karissāmi rañño sāsana’’nti sampaṭicchitamatte vissaṭṭhakālo viya jhānato vuṭṭhitakālo, amaccena rañño sāsanaṃ ārocitakālo viya samādhinā cittaṃ kammaniyaṃ katvā vipassanākammaṭṭhānassa vaḍḍhitakālo, tatthevassa tehi dvīhi dūtehi katābhisekassa setacchattaussāpanaṃ viya samathavipassanākammaṭṭhānaṃ nissāya arahattappattassa vimuttisetacchattussāpanaṃ veditabbaṃ.
наг̇аранд̇и ко бхигку имассзд̇ам̣ жаад̇умахаабхууд̇игасса гааяасса ад̇хиважананд̇иаад̣̇ийсу бана жаад̇умахаабхууд̇игассаад̇иаад̣̇ийнам̣ бад̣̇аанам̣ ад̇т̇о хздтаа вид̇т̇аарид̇ова. гзвалам̣ бана вин̃н̃аан̣арааж̇абуд̇д̇асса ниваасадтаанад̇д̇аа зд̇т̇а гааяо ‘‘наг̇ара’’нд̇и вуд̇д̇о, д̇ассзва д̣̇ваарабхууд̇ад̇д̇аа ча ааяад̇анаани ‘‘д̣̇ваарааний’’д̇и, д̇зсу д̣̇ваарзсу нижжам̣ суббад̇идтид̇ад̇д̇аа сад̇и ‘‘д̣̇оваариго’’д̇и, гаммадтаанам̣ аажигканд̇зна д̇хаммарааж̇зна бзсид̇ад̇д̇аа самат̇авибассанаа ‘‘сийгхам̣ д̣̇ууд̇аяуг̇а’’нд̇и. зд̇т̇а махааяод̇хо вияа самат̇о, бан̣д̣ид̇аамажжо вияа вибассанаа взд̣̇ид̇аб̣б̣аа.
Nagaranti kho bhikkhu imassetaṃ cātumahābhūtikassa kāyassa adhivacanantiādīsu pana cātumahābhūtikassātiādīnaṃ padānaṃ attho heṭṭhā vitthāritova. Kevalaṃ pana viññāṇarājaputtassa nivāsaṭṭhānattā ettha kāyo ‘‘nagara’’nti vutto, tasseva dvārabhūtattā cha āyatanāni ‘‘dvārānī’’ti, tesu dvāresu niccaṃ suppatiṭṭhitattā sati ‘‘dovāriko’’ti, kammaṭṭhānaṃ ācikkhantena dhammarājena pesitattā samathavipassanā ‘‘sīghaṃ dūtayuga’’nti. Ettha mahāyodho viya samatho, paṇḍitāmacco viya vipassanā veditabbā.
маж̇жхз син̇гхаадагод̇и наг̇арамаж̇жхз син̇гхаадаго. махаабхууд̇аананд̇и хад̣̇аяавад̇т̇усса ниссаяабхууд̇аанам̣ махаабхууд̇аанам̣ . вад̇т̇уруубасса хи бажжаяад̣̇ассанад̇т̇амзвзд̇ам̣ жад̇умахаабхууд̇аг̇г̇ахан̣ам̣ гад̇ам̣. наг̇арамаж̇жхз бана со рааж̇агумааро вияа сарийрамаж̇жхз хад̣̇аяаруубасин̇гхаадагз нисинно самат̇авибассанаад̣̇ууд̇зхи арахад̇д̇аабхисзгзна абхисин̃жид̇аб̣б̣о вибассанаавин̃н̃аан̣арааж̇абуд̇д̇о д̣̇адтаб̣б̣о. ниб̣б̣аанам̣ бана яат̇аабхууд̇асабхаавам̣ агуббам̣ ад̇хигаарийд̇и гад̇ваа яат̇аабхууд̇ам̣ важананд̇и вуд̇д̇ам̣. арияамаг̇г̇о бана яаад̣̇исова буб̣б̣абхааг̇авибассанаамаг̇г̇о, аяамби адтан̇г̇асаманнааг̇ад̇ад̇д̇аа д̇аад̣̇исоязваад̇и гад̇ваа яат̇ааг̇ад̇амаг̇г̇од̇и вуд̇д̇о. ид̣̇ам̣ д̇аавзд̇т̇а д̇хаммад̣̇зсанад̇т̇ам̣ аабхад̇ааяа убамааяа сам̣санд̣̇анам̣.
Majjhe siṅghāṭakoti nagaramajjhe siṅghāṭako. Mahābhūtānanti hadayavatthussa nissayabhūtānaṃ mahābhūtānaṃ . Vatthurūpassa hi paccayadassanatthamevetaṃ catumahābhūtaggahaṇaṃ kataṃ. Nagaramajjhe pana so rājakumāro viya sarīramajjhe hadayarūpasiṅghāṭake nisinno samathavipassanādūtehi arahattābhisekena abhisiñcitabbo vipassanāviññāṇarājaputto daṭṭhabbo. Nibbānaṃ pana yathābhūtasabhāvaṃ akuppaṃ adhikārīti katvā yathābhūtaṃ vacananti vuttaṃ. Ariyamaggo pana yādisova pubbabhāgavipassanāmaggo, ayampi aṭṭhaṅgasamannāgatattā tādisoyevāti katvā yathāgatamaggoti vutto. Idaṃ tāvettha dhammadesanatthaṃ ābhatāya upamāya saṃsandanaṃ.
д̇ассзвад̇т̇асса баагадийгаран̣ад̇т̇ам̣ аабхад̇абагкз бана ид̣̇ам̣ сам̣санд̣̇анам̣ – зд̇т̇а хи чад̣̇вааруубамаа чапассааяад̇анавасзна д̣̇ассанависуд̣̇д̇хибад̇д̇ам̣ кийн̣аасавам̣ д̣̇ассзд̇ум̣ аабхад̇аа, наг̇арасаамиубамаа бан̃жагканд̇хавасзна, син̇гхаадагуубамаа жад̇умахаабхууд̇авасзна, наг̇аруубамаа д̇збхуумагад̇хаммавасзна д̣̇ассанависуд̣̇д̇хибад̇д̇ам̣ кийн̣аасавам̣ д̣̇ассзд̇ум̣ аабхад̇аа. сан̇кзбад̇о банимасмим̣ суд̇д̇з жад̇усажжамзва гат̇ид̇ам̣. сагалзнаби хи наг̇арасамбхаарзна д̣̇угкасажжамзва гат̇ид̇ам̣, яат̇аабхууд̇аважанзна нирод̇хасажжам̣, яат̇ааг̇ад̇амаг̇г̇зна маг̇г̇асажжам̣, д̣̇угкасса бана бабхаавигаа д̇ан̣хаа самуд̣̇аяасажжам̣. д̣̇зсанаабарияосаанз бан̃хабужчаго бхигку сод̇аабад̇д̇ипалз бад̇идтид̇од̇и.
Tassevatthassa pākaṭīkaraṇatthaṃ ābhatapakkhe pana idaṃ saṃsandanaṃ – ettha hi chadvārūpamā chaphassāyatanavasena dassanavisuddhipattaṃ khīṇāsavaṃ dassetuṃ ābhatā, nagarasāmiupamā pañcakkhandhavasena, siṅghāṭakūpamā catumahābhūtavasena, nagarūpamā tebhūmakadhammavasena dassanavisuddhipattaṃ khīṇāsavaṃ dassetuṃ ābhatā. Saṅkhepato panimasmiṃ sutte catusaccameva kathitaṃ. Sakalenapi hi nagarasambhārena dukkhasaccameva kathitaṃ, yathābhūtavacanena nirodhasaccaṃ, yathāgatamaggena maggasaccaṃ, dukkhassa pana pabhāvikā taṇhā samudayasaccaṃ. Desanāpariyosāne pañhapucchako bhikkhu sotāpattiphale patiṭṭhitoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. гим̣сугобамасуд̇д̇ам̣ • 8. Kiṃsukopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. гим̣сугобамасуд̇д̇аван̣н̣анаа • 8. Kiṃsukopamasuttavaṇṇanā
