| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. гим̣сугобамасуд̇д̇аван̣н̣анаа
8. Kiṃsukopamasuttavaṇṇanā
245. жад̇уннам̣ арияасажжаанам̣ барин̃н̃аабхисамаяаад̣̇ивасзна вивид̇хад̣̇ассананд̇и гижжавасзна наанаад̣̇ассанам̣ ход̇ийд̇и вуд̇д̇ам̣, ‘‘д̣̇ассананд̇и батамамаг̇г̇ассзд̇ам̣ ад̇хиважана’’нд̇и . д̇аяид̣̇ам̣ убаримаг̇г̇зсу бхааванаабарияааяасса нирул̣хад̇д̇аа батамамаг̇г̇асса батамам̣ ниб̣б̣аанад̣̇ассанад̇о. д̇знааха ‘‘батамамаг̇г̇о хий’’д̇иаад̣̇и . гожи яат̇аавуд̇д̇ам̣ авибарийд̇ам̣ ад̇т̇ам̣ аж̇аананд̇о н̃аан̣ад̣̇ассанам̣ наама аарамман̣агаран̣асса васзна ад̇иббасан̇г̇ам̣ аасан̇гзяяаад̇и д̇ам̣ нивад̇д̇зд̇ум̣ ‘‘г̇од̇рабхуу банаа’’д̇иаад̣̇и вуд̇д̇ам̣. на д̣̇ассананд̇и вужжад̇ийд̇и зд̇т̇а рааж̇ад̣̇ассанам̣ уд̣̇аахаранд̇и. жад̇д̇аароби маг̇г̇аа д̣̇ассанамзва яат̇аавуд̇д̇знад̇т̇зна, бхааванаабарияааяо бана убари д̇ин̣н̣ам̣ маг̇г̇аанам̣ батамамаг̇г̇аубааяасса бхааванаагаарзна бавад̇д̇анад̇о. д̣̇ассанам̣ висуд̣̇д̇хи зд̇т̇аад̇и д̣̇ассанависуд̣̇д̇хигам̣, ниб̣б̣аанам̣. пассааяад̇анам̣ гаммадтаанам̣ асса ад̇т̇ийд̇и пассааяад̇анагаммадтааниго. зса наяо сзсзсуби бад̣̇зсу.
245. Catunnaṃ ariyasaccānaṃ pariññābhisamayādivasena vividhadassananti kiccavasena nānādassanaṃ hotīti vuttaṃ, ‘‘dassananti paṭhamamaggassetaṃ adhivacana’’nti . Tayidaṃ uparimaggesu bhāvanāpariyāyassa niruḷhattā paṭhamamaggassa paṭhamaṃ nibbānadassanato. Tenāha ‘‘paṭhamamaggo hī’’tiādi . Koci yathāvuttaṃ aviparītaṃ atthaṃ ajānanto ñāṇadassanaṃ nāma ārammaṇakaraṇassa vasena atippasaṅgaṃ āsaṅkeyyāti taṃ nivattetuṃ ‘‘gotrabhū panā’’tiādi vuttaṃ. Na dassananti vuccatīti ettha rājadassanaṃ udāharanti. Cattāropi maggā dassanameva yathāvuttenatthena, bhāvanāpariyāyo pana upari tiṇṇaṃ maggānaṃ paṭhamamaggaupāyassa bhāvanākārena pavattanato. Dassanaṃ visuddhi etthāti dassanavisuddhikaṃ, nibbānaṃ. Phassāyatanaṃ kammaṭṭhānaṃ assa atthīti phassāyatanakammaṭṭhāniko. Esa nayo sesesupi padesu.
бад̣̇зсасан̇каарзсууд̇и сан̇каарзгад̣̇зсзсу. хздтимабарижчзд̣̇зна бат̇авиаад̣̇игз д̇хаммамад̇д̇з д̣̇идтз руубабариг̇г̇ахо, жагкувин̃н̃аан̣аад̣̇игз д̇ам̣сахаг̇ад̇ад̇хаммамад̇д̇з д̣̇идтз аруубабариг̇г̇ахо жа сиж̇жхад̇ийд̇и вад̣̇анд̇и.
Padesasaṅkhāresūti saṅkhārekadesesu. Heṭṭhimaparicchedena pathaviādike dhammamatte diṭṭhe rūpapariggaho, cakkhuviññāṇādike taṃsahagatadhammamatte diṭṭhe arūpapariggaho ca sijjhatīti vadanti.
ад̇хиг̇ад̇амаг̇г̇амзва гат̇зсийд̇и язна мукзна вибассанаабхинивзсам̣ агааси, д̇амзвасса мукам̣ гат̇зси. аяам̣ банаад̇и гаммадтаанам̣ бужчанд̇о бхигку. имзсанд̇и пассааяад̇анагаммадтаанигабан̃жагканд̇хагаммадтаанигаанам̣ важанам̣. ‘‘ан̃н̃аман̃н̃ам̣ на самзд̇ий’’д̇и вад̇ваа д̇амзвад̇т̇ам̣ баагадам̣ гарод̇и ‘‘батамзнаа’’д̇иаад̣̇инаа. бан̃жагканд̇хавимуд̇д̇асса сан̇каарасса абхааваа ‘‘ниббад̣̇зсзсуу’’д̇и вуд̇д̇ам̣. д̇ат̇зваад̇и яат̇зва пассааяад̇анагаммадтаанигам̣, д̇ат̇зва д̇ам̣ бан̃жагканд̇хагаммадтаанигам̣ бужчид̇ваа.
Adhigatamaggameva kathesīti yena mukhena vipassanābhinivesaṃ akāsi, tamevassa mukhaṃ kathesi. Ayaṃ panāti kammaṭṭhānaṃ pucchanto bhikkhu. Imesanti phassāyatanakammaṭṭhānikapañcakkhandhakammaṭṭhānikānaṃ vacanaṃ. ‘‘Aññamaññaṃ na sametī’’ti vatvā tamevatthaṃ pākaṭaṃ karoti ‘‘paṭhamenā’’tiādinā. Pañcakkhandhavimuttassa saṅkhārassa abhāvā ‘‘nippadesesū’’ti vuttaṃ. Tathevāti yatheva phassāyatanakammaṭṭhānikaṃ, tatheva taṃ pañcakkhandhakammaṭṭhānikaṃ pucchitvā.
самаббавад̇д̇аа д̇хаад̇уяод̇и расаад̣̇аяо сарийрад̇хаад̇уяо самаббавад̇д̇аа, на висамаагаарасан̣тид̇аа ахзсум̣. д̇знааха ‘‘галласарийрам̣ б̣алаббад̇д̇а’’нд̇и. ‘‘ад̇ийд̇аа сан̇каараа’’д̇иаад̣̇и вибассанаабхинивзсавасзна вуд̇д̇ам̣. саммасанам̣ саб̣б̣ад̇т̇агамзва ижчид̇аб̣б̣ам̣. жаарибхууминд̇и г̇ожарадтаанам̣.
Samappavattā dhātuyoti rasādayo sarīradhātuyo samappavattā, na visamākārasaṇṭhitā ahesuṃ. Tenāha ‘‘kallasarīraṃ balappatta’’nti. ‘‘Atītā saṅkhārā’’tiādi vipassanābhinivesavasena vuttaṃ. Sammasanaṃ sabbatthakameva icchitabbaṃ. Cāribhūminti gocaraṭṭhānaṃ.
гаарагабхааванд̇и бхааванаануяун̃ж̇анабхаавам̣. бан̣д̣урог̇абурисод̇и бан̣д̣урог̇ий бурисо. аридтанд̇и суд̇д̇ам̣. бхзсаж̇ж̇ам̣ гад̇ваад̇и бхзсаж̇ж̇абаяог̇ам̣ гад̇ваа. гариссаамийд̇и бхзсаж̇ж̇ам̣ гариссаами. жхаамат̇ун̣о вияаад̇и д̣̇ад̣дхат̇ун̣о вияа каарагаж̇ааланад̣̇д̇хад̇д̇аа д̇арун̣амагуласанд̇аанасан̃чаннад̇д̇аа.
Kārakabhāvanti bhāvanānuyuñjanabhāvaṃ. Paṇḍurogapurisoti paṇḍurogī puriso. Ariṭṭhanti suttaṃ. Bhesajjaṃ katvāti bhesajjapayogaṃ katvā. Karissāmīti bhesajjaṃ karissāmi. Jhāmathuṇo viyāti daḍḍhathuṇo viya khārakajālanaddhattā taruṇamakulasantānasañchannattā.
д̣̇агкин̣ад̣̇ваараг̇аамзд̇и д̣̇агкин̣ад̣̇ваарасамийбз г̇аамз. лохид̇агод̇и лохид̇аван̣н̣о. ожирагаж̇аад̇од̇и ж̇аад̇аоламб̣амаанажираго вияа. аад̣̇иннасибаадигод̇и г̇ахид̇апалабод̇аго. санд̣̇ажчааяод̇и б̣ахалажчааяо. яасмаа д̇асса ругкасса саакаа авирал̣аа гханаббад̇д̇аа ан̃н̃аман̃н̃ам̣ сам̣санд̣̇ид̇ваа тид̇аа, д̇асмаа чааяаабисса д̇аад̣̇исийд̇и вуд̇д̇ам̣ ‘‘санд̣̇ажчааяо наама сам̣санд̣̇ид̇ваа тид̇ажчааяо’’д̇и, гханажчааяод̇и ад̇т̇о. д̇ад̇т̇аад̇иаад̣̇и убамаасам̣санд̣̇анам̣.
Dakkhiṇadvāragāmeti dakkhiṇadvārasamīpe gāme. Lohitakoti lohitavaṇṇo. Ocirakajātoti jātaolambamānacirako viya. Ādinnasipāṭikoti gahitaphalapotako. Sandacchāyoti bahalacchāyo. Yasmā tassa rukkhassa sākhā aviraḷā ghanappattā aññamaññaṃ saṃsanditvā ṭhitā, tasmā chāyāpissa tādisīti vuttaṃ ‘‘sandacchāyo nāma saṃsanditvā ṭhitacchāyo’’ti, ghanacchāyoti attho. Tatthātiādi upamāsaṃsandanaṃ.
язна язнаагаарзна ад̇химуд̇д̇аананд̇и чапассааяад̇анаад̣̇имукзна язна язна вибассанаабхинивзсзна вибассанд̇аанам̣ ниб̣б̣аанан̃жа ад̇химуд̇д̇аанам̣. судту висуд̣̇д̇хам̣ барин̃н̃аад̇исамаяаад̣̇исид̣̇д̇хияаа. д̇зна д̇знзваагаарзнаад̇и ад̇д̇анаад̇химуд̇д̇аагаарзна. ид̣̇аани д̇ам̣ д̇ам̣ аагаарам̣ убамааяа сад̣̇д̇хим̣ яож̇зд̇ваа д̣̇ассзд̇ум̣ ‘‘яат̇аа хий’’д̇иаад̣̇и аарад̣̇д̇хам̣. д̇ам̣ сувин̃н̃зяяамзва.
Yenayenākārena adhimuttānanti chaphassāyatanādimukhena yena yena vipassanābhinivesena vipassantānaṃ nibbānañca adhimuttānaṃ. Suṭṭhu visuddhaṃ pariññātisamayādisiddhiyā. Tena tenevākārenāti attanādhimuttākārena. Idāni taṃ taṃ ākāraṃ upamāya saddhiṃ yojetvā dassetuṃ ‘‘yathā hī’’tiādi āraddhaṃ. Taṃ suviññeyyameva.
ид̣̇анд̇и наг̇аробамам̣. д̇ам̣ саллагкид̇анд̇и гим̣сугобамад̣̇ийбид̇ам̣ ад̇т̇аж̇аад̇ам̣ сажз саллагкид̇ам̣. асса бхигкуно. д̇хаммад̣̇зсанад̇т̇анд̇и яат̇аасаллагкид̇асса ад̇т̇асса васзна лад̣̇д̇хависзсасса убаб̣рууханааяа. д̇ассзвад̇т̇ассаад̇и д̇асса д̣̇ассанависуд̣̇д̇хисан̇каад̇асса ад̇т̇асса. жораасан̇гаа на хонд̇и маж̇жхимад̣̇зсараж̇ж̇асса басаннабхаавад̇о. д̇ибурисуб̣б̣зд̇хаанийд̇и уб̣б̣зд̇хзна д̇ибурисаббамаан̣аани наанаабхид̇д̇ивижид̇д̇аани т̇амбхаанам̣ убари вивид̇хамаалаагаммаад̣̇ивижид̇д̇ад̇ханураагааралагкид̇аани манорамаани. д̇знааха ‘‘наг̇арасса алан̇гаарад̇т̇а’’нд̇и. наг̇арад̣̇ваарасса т̇ирабхааваабаад̣̇анавасзна табзд̇аб̣б̣ад̇д̇аа вуд̇д̇ам̣ ‘‘жоранивааран̣ад̇т̇ааниби хонд̇иязваа’’д̇и. бидтасан̇гхаад̇ассаад̇и д̣̇ваараб̣аахасса. ‘‘имз ааваасигаа, имз ааг̇анд̇угаа, д̇ад̇т̇ааби жа имзхи наг̇арасса наг̇арасаамигасса жа ад̇т̇о. имзсам̣ васзна анад̇т̇о сияаа’’д̇и ж̇аананан̃аан̣асан̇каад̇зна бан̣д̣ижжзна саманнааг̇ад̇о. ан̃н̃аад̇анивааран̣з бадубхаавасан̇каад̇зна взяяад̇д̇иязна саманнааг̇ад̇о. таануббад̇д̇игабан̃н̃аасан̇каад̇ааяаад̇и д̇асмим̣ д̇асмим̣ ад̇т̇агижжз д̇ан̇кан̣уббаж̇ж̇анагабадибхаанасан̇каад̇ааяа.
Idanti nagaropamaṃ. Taṃ sallakkhitanti kiṃsukopamadīpitaṃ atthajātaṃ sace sallakkhitaṃ. Assa bhikkhuno. Dhammadesanatthanti yathāsallakkhitassa atthassa vasena laddhavisesassa upabrūhanāya. Tassevatthassāti tassa dassanavisuddhisaṅkhātassa atthassa. Corāsaṅkā na honti majjhimadesarajjassa pasannabhāvato. Tipurisubbedhānīti ubbedhena tipurisappamāṇāni nānābhittivicittāni thambhānaṃ upari vividhamālākammādivicittadhanurākāralakkhitāni manoramāni. Tenāha ‘‘nagarassa alaṅkārattha’’nti. Nagaradvārassa thirabhāvāpādanavasena ṭhapetabbattā vuttaṃ ‘‘coranivāraṇatthānipi hontiyevā’’ti. Piṭṭhasaṅghātassāti dvārabāhassa. ‘‘Ime āvāsikā, ime āgantukā, tatthāpi ca imehi nagarassa nagarasāmikassa ca attho. Imesaṃ vasena anattho siyā’’ti jānanañāṇasaṅkhātena paṇḍiccena samannāgato. Aññātanivāraṇe paṭubhāvasaṅkhātena veyyattiyena samannāgato. Ṭhānuppattikapaññāsaṅkhātāyāti tasmiṃ tasmiṃ atthakicce taṅkhaṇuppajjanakapaṭibhānasaṅkhātāya.
ран̃н̃аа ааяуд̇д̇о нияож̇ид̇о рааж̇ааяуд̇д̇о, д̇ад̇т̇а д̇ад̇т̇а ран̃н̃о гаад̇аб̣б̣агижжз табид̇абурисо. гад̇ибаахзязваад̇и гад̇ибаяад̣̇ивасзязва агижжагаран̣зна д̇асса таанам̣ виб̣бхамо ж̇аад̇од̇и гад̇ваа вуд̇д̇ам̣ – ‘‘саб̣б̣аани винижчаяадтаанаад̣̇ийни хаарзд̇ваа’’д̇и.
Raññā āyutto niyojito rājāyutto, tattha tattha rañño kātabbakicce ṭhapitapuriso. Katipāheyevāti katipayadivaseyeva akiccakaraṇena tassa ṭhānaṃ vibbhamo jātoti katvā vuttaṃ – ‘‘sabbāni vinicchayaṭṭhānādīni hāretvā’’ti.
сийсамасса чинд̣̇аахийд̇и сийсабхууд̇ам̣ уд̇д̇аман̇г̇адтаанияам̣ д̇ад̇т̇а д̇асса рааж̇агижжам̣ чинд̣̇аад̇и ад̇т̇о. ан̃н̃ат̇аа д̇асса баагад̇игз ад̇т̇з г̇аяхамаанз баан̣аад̇ибаад̇о аан̣ад̇д̇о наама сияаа. на хи жаггавад̇д̇ирааж̇аа д̇аад̣̇исам̣ аан̣аабзд̇и, ан̃н̃зсамби д̇ад̇о ниваарагад̇д̇аа. ат̇а ваа чинд̣̇аахийд̇и мама аан̣ааяа асса сийсам̣ чинд̣̇анд̇о вияа ад̇д̇аанам̣ д̣̇ассзхи, звам̣ со д̇ад̇т̇оваад̣̇абадигарад̇д̇абад̇д̇о од̣̇амзяяаад̇и, д̇ат̇аа жзва убари бадибад̇д̇и ааг̇ад̇аа. д̇ад̇т̇аад̇и зд̇асмим̣ бажжанд̇иманаг̇арз.
Sīsamassa chindāhīti sīsabhūtaṃ uttamaṅgaṭṭhāniyaṃ tattha tassa rājakiccaṃ chindāti attho. Aññathā tassa pākatike atthe gayhamāne pāṇātipāto āṇatto nāma siyā. Na hi cakkavattirājā tādisaṃ āṇāpeti, aññesampi tato nivārakattā. Atha vā chindāhīti mama āṇāya assa sīsaṃ chindanto viya attānaṃ dassehi, evaṃ so tatthovādapaṭikarattapatto odameyyāti, tathā ceva upari paṭipatti āgatā. Tatthāti etasmiṃ paccantimanagare.
уббаннзнаад̇и самат̇агаммадтаанз уббаннзна.
Uppannenāti samathakammaṭṭhāne uppannena.
д̇ассзваад̇и саггааяасан̇каад̇асса наг̇арасса ‘‘д̣̇ваарааний’’д̇и вуд̇д̇аанийд̇и аанзд̇ваа самб̣анд̇хо. ‘‘сийгхам̣ д̣̇ууд̇аяуг̇а’’нд̇и вуд̇д̇аад̇и яож̇анаа. хад̣̇аяавад̇т̇уруубасса маж̇жхз син̇гхаадагабхаавзна г̇ахид̇ад̇д̇аа ‘‘хад̣̇аяавад̇т̇усса ниссаяабхууд̇аанам̣ махаабхууд̇аана’’нд̇и вуд̇д̇ам̣. яад̣̇и звам̣ вад̇т̇уруубамзва г̇ахзд̇аб̣б̣ам̣, д̇ад̣̇звзд̇т̇а аг̇г̇ахзд̇ваа гасмаа махаабхууд̇аг̇г̇ахан̣анд̇и ааха ‘‘вад̇т̇уруубасса хий’’д̇иаад̣̇и. яаад̣̇исод̇и саммаад̣̇идтиаад̣̇ийнам̣ васзна яаад̣̇исо зва буб̣б̣з ааг̇ад̇авибассанаамаг̇г̇о. ‘‘аяамби адтан̇г̇асаманнааг̇ад̇ад̇д̇аа д̇аад̣̇исо зваа’’д̇и вад̇ваа арияамаг̇г̇о ‘‘яат̇ааг̇ад̇амаг̇г̇о’’д̇и вуд̇д̇о. ид̣̇ам̣ д̇аавзд̇т̇аад̇и зд̇т̇а зд̇асмим̣ суд̇д̇з д̇хаммад̣̇зсанад̇т̇ам̣ аабхад̇ааяа яат̇аавуд̇д̇аубамааяа ид̣̇ам̣ сам̣санд̣̇анам̣.
Tassevāti sakkāyasaṅkhātassa nagarassa ‘‘dvārānī’’ti vuttānīti ānetvā sambandho. ‘‘Sīghaṃ dūtayuga’’nti vuttāti yojanā. Hadayavatthurūpassa majjhe siṅghāṭakabhāvena gahitattā ‘‘hadayavatthussa nissayabhūtānaṃ mahābhūtāna’’nti vuttaṃ. Yadi evaṃ vatthurūpameva gahetabbaṃ, tadevettha aggahetvā kasmā mahābhūtaggahaṇanti āha ‘‘vatthurūpassa hī’’tiādi. Yādisoti sammādiṭṭhiādīnaṃ vasena yādiso eva pubbe āgatavipassanāmaggo. ‘‘Ayampi aṭṭhaṅgasamannāgatattā tādiso evā’’ti vatvā ariyamaggo ‘‘yathāgatamaggo’’ti vutto. Idaṃ tāvetthāti ettha etasmiṃ sutte dhammadesanatthaṃ ābhatāya yathāvuttaupamāya idaṃ saṃsandanaṃ.
ид̣̇ам̣ сам̣санд̣̇ананд̇и ид̣̇аани вагкамаанам̣ убамааяа сам̣санд̣̇анам̣. наг̇арасаамиубамаа бан̃жагканд̇хавасзна д̣̇ассанависуд̣̇д̇хибад̇д̇ам̣ кийн̣аасавам̣ д̣̇ассзд̇ум̣ аабхад̇аа. син̇гхаадагуубамаа жад̇умахаабхууд̇авасзна д̣̇ассанависуд̣̇д̇хибад̇д̇ам̣ кийн̣аасавам̣ д̣̇ассзд̇ум̣ аабхад̇аад̇и яож̇анаа. ‘‘жад̇усажжамзва гат̇ид̇а’’нд̇и вад̇ваа д̇аани сажжаани нид̣̇д̇хаарзд̇ваа д̣̇ассзд̇ум̣ ‘‘сагалзнаби хий’’д̇иаад̣̇и вуд̇д̇ам̣. ид̇ха наг̇арасамбхааро чад̣̇ваараад̣̇аяо. д̇зна хи чапассааяад̇анаад̣̇аяо убамид̇аа. д̇з бана д̣̇угкасажжабарияаабаннаад̇и вуд̇д̇ам̣ ‘‘наг̇арасамбхаарзна д̣̇угкасажжамзва гат̇ид̇а’’нд̇и.
Idaṃ saṃsandananti idāni vakkhamānaṃ upamāya saṃsandanaṃ. Nagarasāmiupamā pañcakkhandhavasena dassanavisuddhipattaṃ khīṇāsavaṃ dassetuṃ ābhatā. Siṅghāṭakūpamā catumahābhūtavasena dassanavisuddhipattaṃ khīṇāsavaṃ dassetuṃ ābhatāti yojanā. ‘‘Catusaccameva kathita’’nti vatvā tāni saccāni niddhāretvā dassetuṃ ‘‘sakalenapi hī’’tiādi vuttaṃ. Idha nagarasambhāro chadvārādayo. Tena hi chaphassāyatanādayo upamitā. Te pana dukkhasaccapariyāpannāti vuttaṃ ‘‘nagarasambhārena dukkhasaccameva kathita’’nti.
гим̣сугобамасуд̇д̇аван̣н̣анаа нидтид̇аа.
Kiṃsukopamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. гим̣сугобамасуд̇д̇ам̣ • 8. Kiṃsukopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. гим̣сугобамасуд̇д̇аван̣н̣анаа • 8. Kiṃsukopamasuttavaṇṇanā
