| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. гинд̇исуд̇д̇ам̣
3. Kintisuttaṃ
34. звам̣ мз суд̇ам̣ – згам̣ самаяам̣ бхаг̇аваа бисинаарааяам̣ 1 вихарад̇и б̣алихаран̣з ванасан̣д̣з. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘гинд̇и во , бхигкавз, маяи ход̇и – ‘жийварахзд̇у ваа саман̣о г̇од̇амо д̇хаммам̣ д̣̇зсзд̇и, бин̣д̣абаад̇ахзд̇у ваа саман̣о г̇од̇амо д̇хаммам̣ д̣̇зсзд̇и, сзнаасанахзд̇у ваа саман̣о г̇од̇амо д̇хаммам̣ д̣̇зсзд̇и, ид̇ибхаваабхавахзд̇у ваа саман̣о г̇од̇амо д̇хаммам̣ д̣̇зсзд̇ий’’’д̇и? ‘‘на ко но, бханд̇з, бхаг̇авад̇и звам̣ ход̇и – ‘жийварахзд̇у ваа саман̣о г̇од̇амо д̇хаммам̣ д̣̇зсзд̇и, бин̣д̣абаад̇ахзд̇у ваа саман̣о г̇од̇амо д̇хаммам̣ д̣̇зсзд̇и, сзнаасанахзд̇у ваа саман̣о г̇од̇амо д̇хаммам̣ д̣̇зсзд̇и, ид̇ибхаваабхавахзд̇у ваа саман̣о г̇од̇амо д̇хаммам̣ д̣̇зсзд̇ий’’’д̇и.
34. Evaṃ me sutaṃ – ekaṃ samayaṃ bhagavā pisinārāyaṃ 2 viharati baliharaṇe vanasaṇḍe. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘kinti vo , bhikkhave, mayi hoti – ‘cīvarahetu vā samaṇo gotamo dhammaṃ deseti, piṇḍapātahetu vā samaṇo gotamo dhammaṃ deseti, senāsanahetu vā samaṇo gotamo dhammaṃ deseti, itibhavābhavahetu vā samaṇo gotamo dhammaṃ desetī’’’ti? ‘‘Na kho no, bhante, bhagavati evaṃ hoti – ‘cīvarahetu vā samaṇo gotamo dhammaṃ deseti, piṇḍapātahetu vā samaṇo gotamo dhammaṃ deseti, senāsanahetu vā samaṇo gotamo dhammaṃ deseti, itibhavābhavahetu vā samaṇo gotamo dhammaṃ desetī’’’ti.
‘‘на жа гира во, бхигкавз, маяи звам̣ ход̇и – ‘жийварахзд̇у ваа саман̣о г̇од̇амо д̇хаммам̣ д̣̇зсзд̇и…бз… ид̇ибхаваабхавахзд̇у ваа саман̣о г̇од̇амо д̇хаммам̣ д̣̇зсзд̇ий’д̇и; ат̇а гинд̇и жарахи во 3, бхигкавз, маяи ход̇ий’’д̇и? ‘‘звам̣ ко но, бханд̇з, бхаг̇авад̇и ход̇и – ‘анугамбаго бхаг̇аваа хид̇зсий; анугамбам̣ убаад̣̇ааяа д̇хаммам̣ д̣̇зсзд̇ий’’’д̇и. ‘‘зван̃жа 4 гира во, бхигкавз, маяи ход̇и – ‘анугамбаго бхаг̇аваа хид̇зсий; анугамбам̣ убаад̣̇ааяа д̇хаммам̣ д̣̇зсзд̇ий’’’д̇и.
‘‘Na ca kira vo, bhikkhave, mayi evaṃ hoti – ‘cīvarahetu vā samaṇo gotamo dhammaṃ deseti…pe… itibhavābhavahetu vā samaṇo gotamo dhammaṃ desetī’ti; atha kinti carahi vo 5, bhikkhave, mayi hotī’’ti? ‘‘Evaṃ kho no, bhante, bhagavati hoti – ‘anukampako bhagavā hitesī; anukampaṃ upādāya dhammaṃ desetī’’’ti. ‘‘Evañca 6 kira vo, bhikkhave, mayi hoti – ‘anukampako bhagavā hitesī; anukampaṃ upādāya dhammaṃ desetī’’’ti.
35. ‘‘д̇асмаад̇иха, бхигкавз, яз во 7 маяаа д̇хаммаа абхин̃н̃аа д̣̇зсид̇аа, сзяяат̇ид̣̇ам̣ – жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о, д̇ад̇т̇а саб̣б̣зхзва самаг̇г̇зхи саммод̣̇амаанзхи авивад̣̇амаанзхи сигкид̇аб̣б̣ам̣. д̇зсан̃жа во, бхигкавз, самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ сияам̣су 8 д̣̇вз бхигкуу абхид̇хаммз наанааваад̣̇аа. д̇ад̇ра жз д̇умхаагам̣ звамасса – ‘имзсам̣ ко ааяасманд̇аанам̣ ад̇т̇ад̇о жзва наанам̣ б̣яан̃ж̇анад̇о жа наана’нд̇и, д̇ад̇т̇а яам̣ бхигкум̣ суважад̇арам̣ 9 ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о жзва наанам̣, б̣яан̃ж̇анад̇о жа наанам̣. д̇ад̣̇аминаабзд̇ам̣ 10 ааяасманд̇о ж̇аанаат̇а – яат̇аа ад̇т̇ад̇о жзва наанам̣, б̣яан̃ж̇анад̇о жа наанам̣. мааяасманд̇о виваад̣̇ам̣ аабаж̇ж̇ид̇т̇аа’д̇и. ат̇аабарзсам̣ згад̇обагкигаанам̣ бхигкуунам̣ яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о жзва наанам̣, б̣яан̃ж̇анад̇о жа наанам̣. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о жзва наанам̣, б̣яан̃ж̇анад̇о жа наанам̣. мааяасманд̇о виваад̣̇ам̣ аабаж̇ж̇ид̇т̇аа’д̇и. ид̇и д̣̇уг̇г̇ахид̇ам̣ д̣̇уг̇г̇ахид̇ад̇о д̇хаарзд̇аб̣б̣ам̣, суг̇г̇ахид̇ам̣ суг̇г̇ахид̇ад̇о д̇хаарзд̇аб̣б̣ам̣. д̣̇уг̇г̇ахид̇ам̣ д̣̇уг̇г̇ахид̇ад̇о д̇хаарзд̇ваа суг̇г̇ахид̇ам̣ суг̇г̇ахид̇ад̇о д̇хаарзд̇ваа 11 яо д̇хаммо яо винаяо со бхаасид̇аб̣б̣о.
35. ‘‘Tasmātiha, bhikkhave, ye vo 12 mayā dhammā abhiññā desitā, seyyathidaṃ – cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo, tattha sabbeheva samaggehi sammodamānehi avivadamānehi sikkhitabbaṃ. Tesañca vo, bhikkhave, samaggānaṃ sammodamānānaṃ avivadamānānaṃ sikkhataṃ siyaṃsu 13 dve bhikkhū abhidhamme nānāvādā. Tatra ce tumhākaṃ evamassa – ‘imesaṃ kho āyasmantānaṃ atthato ceva nānaṃ byañjanato ca nāna’nti, tattha yaṃ bhikkhuṃ suvacataraṃ 14 maññeyyātha so upasaṅkamitvā evamassa vacanīyo – ‘āyasmantānaṃ kho atthato ceva nānaṃ, byañjanato ca nānaṃ. Tadamināpetaṃ 15 āyasmanto jānātha – yathā atthato ceva nānaṃ, byañjanato ca nānaṃ. Māyasmanto vivādaṃ āpajjitthā’ti. Athāparesaṃ ekatopakkhikānaṃ bhikkhūnaṃ yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato ceva nānaṃ, byañjanato ca nānaṃ. Tadamināpetaṃ āyasmanto jānātha – yathā atthato ceva nānaṃ, byañjanato ca nānaṃ. Māyasmanto vivādaṃ āpajjitthā’ti. Iti duggahitaṃ duggahitato dhāretabbaṃ, suggahitaṃ suggahitato dhāretabbaṃ. Duggahitaṃ duggahitato dhāretvā suggahitaṃ suggahitato dhāretvā 16 yo dhammo yo vinayo so bhāsitabbo.
36. ‘‘д̇ад̇ра жз д̇умхаагам̣ звамасса – ‘имзсам̣ ко ааяасманд̇аанам̣ ад̇т̇ад̇о хи ко наанам̣, б̣яан̃ж̇анад̇о самзд̇ий’д̇и, д̇ад̇т̇а яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о хи наанам̣, б̣яан̃ж̇анад̇о самзд̇и. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о хи ко наанам̣, б̣яан̃ж̇анад̇о самзд̇и. мааяасманд̇о виваад̣̇ам̣ аабаж̇ж̇ид̇т̇аа’д̇и. ат̇аабарзсам̣ згад̇обагкигаанам̣ бхигкуунам̣ яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о хи ко наанам̣, б̣яан̃ж̇анад̇о самзд̇и. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о хи ко наанам̣, б̣яан̃ж̇анад̇о самзд̇и. мааяасманд̇о виваад̣̇ам̣ аабаж̇ж̇ид̇т̇аа’д̇и . ид̇и д̣̇уг̇г̇ахид̇ам̣ д̣̇уг̇г̇ахид̇ад̇о д̇хаарзд̇аб̣б̣ам̣, суг̇г̇ахид̇ам̣ суг̇г̇ахид̇ад̇о д̇хаарзд̇аб̣б̣ам̣. д̣̇уг̇г̇ахид̇ам̣ д̣̇уг̇г̇ахид̇ад̇о д̇хаарзд̇ваа суг̇г̇ахид̇ам̣ суг̇г̇ахид̇ад̇о д̇хаарзд̇ваа яо д̇хаммо яо винаяо со бхаасид̇аб̣б̣о.
36. ‘‘Tatra ce tumhākaṃ evamassa – ‘imesaṃ kho āyasmantānaṃ atthato hi kho nānaṃ, byañjanato sametī’ti, tattha yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato hi nānaṃ, byañjanato sameti. Tadamināpetaṃ āyasmanto jānātha – yathā atthato hi kho nānaṃ, byañjanato sameti. Māyasmanto vivādaṃ āpajjitthā’ti. Athāparesaṃ ekatopakkhikānaṃ bhikkhūnaṃ yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato hi kho nānaṃ, byañjanato sameti. Tadamināpetaṃ āyasmanto jānātha – yathā atthato hi kho nānaṃ, byañjanato sameti. Māyasmanto vivādaṃ āpajjitthā’ti . Iti duggahitaṃ duggahitato dhāretabbaṃ, suggahitaṃ suggahitato dhāretabbaṃ. Duggahitaṃ duggahitato dhāretvā suggahitaṃ suggahitato dhāretvā yo dhammo yo vinayo so bhāsitabbo.
37. ‘‘д̇ад̇ра жз д̇умхаагам̣ звамасса – ‘имзсам̣ ко ааяасманд̇аанам̣ ад̇т̇ад̇о хи ко самзд̇и, б̣яан̃ж̇анад̇о наана’нд̇и, д̇ад̇т̇а яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о хи самзд̇и, б̣яан̃ж̇анад̇о наанам̣. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о хи ко самзд̇и, б̣яан̃ж̇анад̇о наанам̣. аббамад̇д̇агам̣ ко банзд̇ам̣ яад̣̇ид̣̇ам̣ – б̣яан̃ж̇анам̣. мааяасманд̇о аббамад̇д̇агз виваад̣̇ам̣ аабаж̇ж̇ид̇т̇аа’д̇и. ат̇аабарзсам̣ згад̇обагкигаанам̣ бхигкуунам̣ яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о хи самзд̇и, б̣яан̃ж̇анад̇о наанам̣. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о хи ко самзд̇и, б̣яан̃ж̇анад̇о наанам̣. аббамад̇д̇агам̣ ко банзд̇ам̣ яад̣̇ид̣̇ам̣ – б̣яан̃ж̇анам̣. мааяасманд̇о аббамад̇д̇агз 17 виваад̣̇ам̣ аабаж̇ж̇ид̇т̇аа’д̇и. ид̇и суг̇г̇ахид̇ам̣ суг̇г̇ахид̇ад̇о д̇хаарзд̇аб̣б̣ам̣, д̣̇уг̇г̇ахид̇ам̣ д̣̇уг̇г̇ахид̇ад̇о д̇хаарзд̇аб̣б̣ам̣. суг̇г̇ахид̇ам̣ суг̇г̇ахид̇ад̇о д̇хаарзд̇ваа д̣̇уг̇г̇ахид̇ам̣ д̣̇уг̇г̇ахид̇ад̇о д̇хаарзд̇ваа яо д̇хаммо яо винаяо со бхаасид̇аб̣б̣о.
37. ‘‘Tatra ce tumhākaṃ evamassa – ‘imesaṃ kho āyasmantānaṃ atthato hi kho sameti, byañjanato nāna’nti, tattha yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato hi sameti, byañjanato nānaṃ. Tadamināpetaṃ āyasmanto jānātha – yathā atthato hi kho sameti, byañjanato nānaṃ. Appamattakaṃ kho panetaṃ yadidaṃ – byañjanaṃ. Māyasmanto appamattake vivādaṃ āpajjitthā’ti. Athāparesaṃ ekatopakkhikānaṃ bhikkhūnaṃ yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato hi sameti, byañjanato nānaṃ. Tadamināpetaṃ āyasmanto jānātha – yathā atthato hi kho sameti, byañjanato nānaṃ. Appamattakaṃ kho panetaṃ yadidaṃ – byañjanaṃ. Māyasmanto appamattake 18 vivādaṃ āpajjitthā’ti. Iti suggahitaṃ suggahitato dhāretabbaṃ, duggahitaṃ duggahitato dhāretabbaṃ. Suggahitaṃ suggahitato dhāretvā duggahitaṃ duggahitato dhāretvā yo dhammo yo vinayo so bhāsitabbo.
38. ‘‘д̇ад̇ра жз д̇умхаагам̣ звамасса – ‘имзсам̣ ко ааяасманд̇аанам̣ ад̇т̇ад̇о жзва самзд̇и б̣яан̃ж̇анад̇о жа самзд̇ий’д̇и, д̇ад̇т̇а яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о жзва самзд̇и, б̣яан̃ж̇анад̇о жа самзд̇и. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о жзва самзд̇и б̣яан̃ж̇анад̇о жа самзд̇и. мааяасманд̇о виваад̣̇ам̣ аабаж̇ж̇ид̇т̇аа’д̇и. ат̇аабарзсам̣ згад̇обагкигаанам̣ бхигкуунам̣ яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘ааяасманд̇аанам̣ ко ад̇т̇ад̇о жзва самзд̇и б̣яан̃ж̇анад̇о жа самзд̇и. д̇ад̣̇аминаабзд̇ам̣ ааяасманд̇о ж̇аанаат̇а – яат̇аа ад̇т̇ад̇о жзва самзд̇и б̣яан̃ж̇анад̇о жа самзд̇и. мааяасманд̇о виваад̣̇ам̣ аабаж̇ж̇ид̇т̇аа’д̇и. ид̇и суг̇г̇ахид̇ам̣ суг̇г̇ахид̇ад̇о д̇хаарзд̇аб̣б̣ам̣. суг̇г̇ахид̇ам̣ суг̇г̇ахид̇ад̇о д̇хаарзд̇ваа яо д̇хаммо яо винаяо со бхаасид̇аб̣б̣о.
38. ‘‘Tatra ce tumhākaṃ evamassa – ‘imesaṃ kho āyasmantānaṃ atthato ceva sameti byañjanato ca sametī’ti, tattha yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato ceva sameti, byañjanato ca sameti. Tadamināpetaṃ āyasmanto jānātha – yathā atthato ceva sameti byañjanato ca sameti. Māyasmanto vivādaṃ āpajjitthā’ti. Athāparesaṃ ekatopakkhikānaṃ bhikkhūnaṃ yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘āyasmantānaṃ kho atthato ceva sameti byañjanato ca sameti. Tadamināpetaṃ āyasmanto jānātha – yathā atthato ceva sameti byañjanato ca sameti. Māyasmanto vivādaṃ āpajjitthā’ti. Iti suggahitaṃ suggahitato dhāretabbaṃ. Suggahitaṃ suggahitato dhāretvā yo dhammo yo vinayo so bhāsitabbo.
39. ‘‘д̇зсан̃жа во, бхигкавз, самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ сияаа ан̃н̃ад̇арасса бхигкуно аабад̇д̇и сияаа вийд̇иггамо, д̇ад̇ра, бхигкавз, на жод̣̇анааяа д̇арид̇аб̣б̣ам̣ 19. буг̇г̇ало убабаригкид̇аб̣б̣о – ‘ид̇и маяхан̃жа авихзсаа бхависсад̇и барасса жа буг̇г̇аласса анубагхаад̇о, баро хи буг̇г̇ало аггод̇хано анубанаахий ад̣̇ал̣хад̣̇идтий суббадиниссаг̇г̇ий, саггоми жаахам̣ зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇у’нд̇и. сажз, бхигкавз, звамасса, галлам̣ важанааяа.
39. ‘‘Tesañca vo, bhikkhave, samaggānaṃ sammodamānānaṃ avivadamānānaṃ sikkhataṃ siyā aññatarassa bhikkhuno āpatti siyā vītikkamo, tatra, bhikkhave, na codanāya taritabbaṃ 20. Puggalo upaparikkhitabbo – ‘iti mayhañca avihesā bhavissati parassa ca puggalassa anupaghāto, paro hi puggalo akkodhano anupanāhī adaḷhadiṭṭhī suppaṭinissaggī, sakkomi cāhaṃ etaṃ puggalaṃ akusalā vuṭṭhāpetvā kusale patiṭṭhāpetu’nti. Sace, bhikkhave, evamassa, kallaṃ vacanāya.
‘‘сажз бана, бхигкавз, звамасса – ‘маяхам̣ ко авихзсаа бхависсад̇и барасса жа буг̇г̇аласса убагхаад̇о, баро хи буг̇г̇ало год̇хано убанаахий ад̣̇ал̣хад̣̇идтий суббадиниссаг̇г̇ий, саггоми жаахам̣ зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇ум̣. аббамад̇д̇агам̣ ко банзд̇ам̣ яад̣̇ид̣̇ам̣ – барасса 21 буг̇г̇аласса убагхаад̇о. ат̇а ко зд̇ад̣̇зва б̣ахуд̇арам̣ – сваахам̣ саггоми зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇у’нд̇и . сажз, бхигкавз, звамасса, галлам̣ важанааяа.
‘‘Sace pana, bhikkhave, evamassa – ‘mayhaṃ kho avihesā bhavissati parassa ca puggalassa upaghāto, paro hi puggalo kodhano upanāhī adaḷhadiṭṭhī suppaṭinissaggī, sakkomi cāhaṃ etaṃ puggalaṃ akusalā vuṭṭhāpetvā kusale patiṭṭhāpetuṃ. Appamattakaṃ kho panetaṃ yadidaṃ – parassa 22 puggalassa upaghāto. Atha kho etadeva bahutaraṃ – svāhaṃ sakkomi etaṃ puggalaṃ akusalā vuṭṭhāpetvā kusale patiṭṭhāpetu’nti . Sace, bhikkhave, evamassa, kallaṃ vacanāya.
‘‘сажз бана, бхигкавз, звамасса – ‘маяхам̣ ко вихзсаа бхависсад̇и барасса жа буг̇г̇аласса анубагхаад̇о. баро хи буг̇г̇ало аггод̇хано анубанаахий д̣̇ал̣хад̣̇идтий д̣̇уббадиниссаг̇г̇ий, саггоми жаахам̣ зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇ум̣. аббамад̇д̇агам̣ ко банзд̇ам̣ яад̣̇ид̣̇ам̣ – маяхам̣ вихзсаа 23. ат̇а ко зд̇ад̣̇зва б̣ахуд̇арам̣ – сваахам̣ саггоми зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇у’нд̇и. сажз, бхигкавз, звамасса, галлам̣ важанааяа.
‘‘Sace pana, bhikkhave, evamassa – ‘mayhaṃ kho vihesā bhavissati parassa ca puggalassa anupaghāto. Paro hi puggalo akkodhano anupanāhī daḷhadiṭṭhī duppaṭinissaggī, sakkomi cāhaṃ etaṃ puggalaṃ akusalā vuṭṭhāpetvā kusale patiṭṭhāpetuṃ. Appamattakaṃ kho panetaṃ yadidaṃ – mayhaṃ vihesā 24. Atha kho etadeva bahutaraṃ – svāhaṃ sakkomi etaṃ puggalaṃ akusalā vuṭṭhāpetvā kusale patiṭṭhāpetu’nti. Sace, bhikkhave, evamassa, kallaṃ vacanāya.
‘‘сажз бана, бхигкавз, звамасса – ‘маяхан̃жа ко вихзсаа бхависсад̇и барасса жа буг̇г̇аласса убагхаад̇о. баро хи буг̇г̇ало год̇хано убанаахий д̣̇ал̣хад̣̇идтий д̣̇уббадиниссаг̇г̇ий, саггоми жаахам̣ зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇ум̣. аббамад̇д̇агам̣ ко банзд̇ам̣ яад̣̇ид̣̇ам̣ – маяхан̃жа вихзсаа бхависсад̇и барасса жа буг̇г̇аласса убагхаад̇о. ат̇а ко зд̇ад̣̇зва б̣ахуд̇арам̣ – сваахам̣ саггоми зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇у’нд̇и. сажз, бхигкавз, звамасса, галлам̣ важанааяа.
‘‘Sace pana, bhikkhave, evamassa – ‘mayhañca kho vihesā bhavissati parassa ca puggalassa upaghāto. Paro hi puggalo kodhano upanāhī daḷhadiṭṭhī duppaṭinissaggī, sakkomi cāhaṃ etaṃ puggalaṃ akusalā vuṭṭhāpetvā kusale patiṭṭhāpetuṃ. Appamattakaṃ kho panetaṃ yadidaṃ – mayhañca vihesā bhavissati parassa ca puggalassa upaghāto. Atha kho etadeva bahutaraṃ – svāhaṃ sakkomi etaṃ puggalaṃ akusalā vuṭṭhāpetvā kusale patiṭṭhāpetu’nti. Sace, bhikkhave, evamassa, kallaṃ vacanāya.
‘‘сажз бана, бхигкавз, звамасса – ‘маяхан̃жа ко вихзсаа бхависсад̇и барасса жа буг̇г̇аласса убагхаад̇о. баро хи буг̇г̇ало год̇хано убанаахий д̣̇ал̣хад̣̇идтий д̣̇уббадиниссаг̇г̇ий, на жаахам̣ саггоми зд̇ам̣ буг̇г̇алам̣ агусалаа вудтаабзд̇ваа гусалз бад̇идтаабзд̇у’нд̇и. зваруубз, бхигкавз, буг̇г̇алз убзгкаа наад̇иман̃н̃ид̇аб̣б̣аа.
‘‘Sace pana, bhikkhave, evamassa – ‘mayhañca kho vihesā bhavissati parassa ca puggalassa upaghāto. Paro hi puggalo kodhano upanāhī daḷhadiṭṭhī duppaṭinissaggī, na cāhaṃ sakkomi etaṃ puggalaṃ akusalā vuṭṭhāpetvā kusale patiṭṭhāpetu’nti. Evarūpe, bhikkhave, puggale upekkhā nātimaññitabbā.
40. ‘‘д̇зсан̃жа во, бхигкавз, самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ ан̃н̃аман̃н̃асса важийсам̣хааро 25 уббаж̇ж̇зяяа д̣̇идтибал̣аасо 26 жзд̇асо аагхаад̇о аббажжаяо анабхирад̣̇д̇хи. д̇ад̇т̇а згад̇обагкигаанам̣ бхигкуунам̣ яам̣ бхигкум̣ суважад̇арам̣ ман̃н̃зяяаат̇а со убасан̇гамид̇ваа звамасса важанийяо – ‘яам̣ но, аавусо, амхаагам̣ самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ ан̃н̃аман̃н̃асса важийсам̣хааро уббанно д̣̇идтибал̣аасо жзд̇асо аагхаад̇о аббажжаяо анабхирад̣̇д̇хи, д̇ам̣ ж̇аанамаано саман̣о г̇арахзяяаа’д̇и 27. саммаа б̣яаагарамаано, бхигкавз, бхигку звам̣ б̣яаагарзяяа – ‘яам̣ но, аавусо, амхаагам̣ самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ ан̃н̃аман̃н̃асса важийсам̣хааро уббанно д̣̇идтибал̣аасо жзд̇асо аагхаад̇о аббажжаяо анабхирад̣̇д̇хи, д̇ам̣ ж̇аанамаано саман̣о г̇арахзяяаад̇и. зд̇ам̣ банаавусо, д̇хаммам̣ аббахааяа ниб̣б̣аанам̣ сажчигарзяяаа’д̇и. саммаа б̣яаагарамаано, бхигкавз, бхигку звам̣ б̣яаагарзяяа – ‘зд̇ам̣, аавусо, д̇хаммам̣ аббахааяа на ниб̣б̣аанам̣ сажчигарзяяаа’д̇и.
40. ‘‘Tesañca vo, bhikkhave, samaggānaṃ sammodamānānaṃ avivadamānānaṃ sikkhataṃ aññamaññassa vacīsaṃhāro 28 uppajjeyya diṭṭhipaḷāso 29 cetaso āghāto appaccayo anabhiraddhi. Tattha ekatopakkhikānaṃ bhikkhūnaṃ yaṃ bhikkhuṃ suvacataraṃ maññeyyātha so upasaṅkamitvā evamassa vacanīyo – ‘yaṃ no, āvuso, amhākaṃ samaggānaṃ sammodamānānaṃ avivadamānānaṃ sikkhataṃ aññamaññassa vacīsaṃhāro uppanno diṭṭhipaḷāso cetaso āghāto appaccayo anabhiraddhi, taṃ jānamāno samaṇo garaheyyā’ti 30. Sammā byākaramāno, bhikkhave, bhikkhu evaṃ byākareyya – ‘yaṃ no, āvuso, amhākaṃ samaggānaṃ sammodamānānaṃ avivadamānānaṃ sikkhataṃ aññamaññassa vacīsaṃhāro uppanno diṭṭhipaḷāso cetaso āghāto appaccayo anabhiraddhi, taṃ jānamāno samaṇo garaheyyāti. Etaṃ panāvuso, dhammaṃ appahāya nibbānaṃ sacchikareyyā’ti. Sammā byākaramāno, bhikkhave, bhikkhu evaṃ byākareyya – ‘etaṃ, āvuso, dhammaṃ appahāya na nibbānaṃ sacchikareyyā’ti.
‘‘ат̇аабарзсам̣ згад̇обагкигаанам̣ бхигкуунам̣ яам̣ бхигкум̣ суважад̇арам̣ ман̃н̃зяяаат̇а, со убасан̇гамид̇ваа звамасса важанийяо – ‘яам̣ но, аавусо, амхаагам̣ самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ ан̃н̃аман̃н̃асса важийсам̣хааро уббанно д̣̇идтибал̣аасо жзд̇асо аагхаад̇о аббажжаяо анабхирад̣̇д̇хи, д̇ам̣ ж̇аанамаано саман̣о г̇арахзяяаа’д̇и. саммаа б̣яаагарамаано, бхигкавз, бхигку звам̣ б̣яаагарзяяа – ‘яам̣ но, аавусо, амхаагам̣ самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ ан̃н̃аман̃н̃асса важийсам̣хааро уббанно д̣̇идтибал̣аасо жзд̇асо аагхаад̇о аббажжаяо анабхирад̣̇д̇хи д̇ам̣ ж̇аанамаано саман̣о г̇арахзяяаад̇и. зд̇ам̣ банаавусо, д̇хаммам̣ аббахааяа ниб̣б̣аанам̣ сажчигарзяяаа’д̇и. саммаа б̣яаагарамаано, бхигкавз, бхигку звам̣ б̣яаагарзяяа – ‘зд̇ам̣ ко, аавусо, д̇хаммам̣ аббахааяа на ниб̣б̣аанам̣ сажчигарзяяаа’’’д̇и.
‘‘Athāparesaṃ ekatopakkhikānaṃ bhikkhūnaṃ yaṃ bhikkhuṃ suvacataraṃ maññeyyātha, so upasaṅkamitvā evamassa vacanīyo – ‘yaṃ no, āvuso, amhākaṃ samaggānaṃ sammodamānānaṃ avivadamānānaṃ sikkhataṃ aññamaññassa vacīsaṃhāro uppanno diṭṭhipaḷāso cetaso āghāto appaccayo anabhiraddhi, taṃ jānamāno samaṇo garaheyyā’ti. Sammā byākaramāno, bhikkhave, bhikkhu evaṃ byākareyya – ‘yaṃ no, āvuso, amhākaṃ samaggānaṃ sammodamānānaṃ avivadamānānaṃ sikkhataṃ aññamaññassa vacīsaṃhāro uppanno diṭṭhipaḷāso cetaso āghāto appaccayo anabhiraddhi taṃ jānamāno samaṇo garaheyyāti. Etaṃ panāvuso, dhammaṃ appahāya nibbānaṃ sacchikareyyā’ti. Sammā byākaramāno, bhikkhave, bhikkhu evaṃ byākareyya – ‘etaṃ kho, āvuso, dhammaṃ appahāya na nibbānaṃ sacchikareyyā’’’ti.
‘‘д̇ам̣ жз, бхигкавз, бхигкум̣ барз звам̣ бужчзяяум̣ – ‘ааяасмад̇аа но зд̇з бхигкуу агусалаа вудтаабзд̇ваа гусалз бад̇идтаабид̇аа’д̇и? саммаа б̣яаагарамаано, бхигкавз, бхигку звам̣ б̣яаагарзяяа – ‘ид̇хаахам̣, аавусо, язна бхаг̇аваа д̇знубасан̇гамим̣, д̇асса мз бхаг̇аваа д̇хаммам̣ д̣̇зсзси, д̇аахам̣ д̇хаммам̣ суд̇ваа д̇зсам̣ бхигкуунам̣ абхаасим̣. д̇ам̣ д̇з бхигкуу д̇хаммам̣ суд̇ваа агусалаа вудтахим̣су, гусалз бад̇идтахим̣суу’д̇и. звам̣ б̣яаагарамаано ко, бхигкавз, бхигку на жзва ад̇д̇аанам̣ уггам̣сзд̇и, на барам̣ вамбхзд̇и, д̇хаммасса жаануд̇хаммам̣ б̣яаагарод̇и, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’д̇и.
‘‘Taṃ ce, bhikkhave, bhikkhuṃ pare evaṃ puccheyyuṃ – ‘āyasmatā no ete bhikkhū akusalā vuṭṭhāpetvā kusale patiṭṭhāpitā’ti? Sammā byākaramāno, bhikkhave, bhikkhu evaṃ byākareyya – ‘idhāhaṃ, āvuso, yena bhagavā tenupasaṅkamiṃ, tassa me bhagavā dhammaṃ desesi, tāhaṃ dhammaṃ sutvā tesaṃ bhikkhūnaṃ abhāsiṃ. Taṃ te bhikkhū dhammaṃ sutvā akusalā vuṭṭhahiṃsu, kusale patiṭṭhahiṃsū’ti. Evaṃ byākaramāno kho, bhikkhave, bhikkhu na ceva attānaṃ ukkaṃseti, na paraṃ vambheti, dhammassa cānudhammaṃ byākaroti, na ca koci sahadhammiko vādānuvādo gārayhaṃ ṭhānaṃ āgacchatī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
гинд̇исуд̇д̇ам̣ нидтид̇ам̣ д̇ад̇ияам̣.
Kintisuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. гинд̇исуд̇д̇аван̣н̣анаа • 3. Kintisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. гинд̇исуд̇д̇аван̣н̣анаа • 3. Kintisuttavaṇṇanā
