| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. гинд̇исуд̇д̇аван̣н̣анаа
3. Kintisuttavaṇṇanā
34. звам̣ мз суд̇анд̇и гинд̇исуд̇д̇ам̣. д̇ад̇т̇а бисинаарааяанд̇и звам̣наамагз ман̣д̣алабад̣̇зсз. б̣алихаран̣зд̇и д̇асмим̣ ванасан̣д̣з бхууд̇аанам̣ б̣алим̣ аахаранд̇и, д̇асмаа со б̣алихаран̣анд̇и вуд̇д̇о. жийварахзд̇ууд̇и жийварагааран̣аа, жийварам̣ бажжаасийсамаанод̇и ад̇т̇о. ид̇ибхаваабхавахзд̇ууд̇и звам̣ имам̣ д̣̇зсанаамаяам̣ бун̃н̃агирияавад̇т̇ум̣ ниссааяа д̇асмим̣ д̇асмим̣ бхавз сукам̣ взд̣̇иссаамийд̇и д̇хаммам̣ д̣̇зсзд̇ийд̇и гим̣ д̇умхаагам̣ звам̣ ход̇ийд̇и ад̇т̇о.
34.Evaṃme sutanti kintisuttaṃ. Tattha pisinārāyanti evaṃnāmake maṇḍalapadese. Baliharaṇeti tasmiṃ vanasaṇḍe bhūtānaṃ baliṃ āharanti, tasmā so baliharaṇanti vutto. Cīvarahetūti cīvarakāraṇā, cīvaraṃ paccāsīsamānoti attho. Itibhavābhavahetūti evaṃ imaṃ desanāmayaṃ puññakiriyavatthuṃ nissāya tasmiṃ tasmiṃ bhave sukhaṃ vedissāmīti dhammaṃ desetīti kiṃ tumhākaṃ evaṃ hotīti attho.
35. жад̇д̇ааро сад̇ибадтаанаад̇иаад̣̇аяо сад̇д̇ад̇им̣са б̣од̇хибагкияад̇хаммаа логияалогуд̇д̇араава гат̇ид̇аа. д̇ад̇т̇аад̇и д̇зсу сад̇д̇ад̇им̣сааяа д̇хаммзсу. сияам̣сууд̇и бхавзяяум̣. абхид̇хаммзд̇и висидтз д̇хаммз, имзсу сад̇д̇ад̇им̣саб̣од̇хибагкияад̇хаммзсууд̇и ад̇т̇о. д̇ад̇ра жзд̇и ид̣̇амби б̣од̇хибагкияад̇хаммзсвзва бхуммам̣. ад̇т̇ад̇о жзва наанам̣ б̣яан̃ж̇анад̇о жаад̇и зд̇т̇а ‘‘гааяова сад̇ибадтаанам̣ взд̣̇анаава сад̇ибадтаана’’нд̇и вуд̇д̇з ад̇т̇ад̇о наанам̣ ход̇и , ‘‘сад̇ибадтаанаа’’д̇и вуд̇д̇з бана б̣яан̃ж̇анад̇о наанам̣ наама ход̇и. д̇ад̣̇аминаабийд̇и д̇ам̣ д̇умхз иминааби гааран̣зна ж̇аанаат̇аад̇и ад̇т̇ан̃жа б̣яан̃ж̇анан̃жа самаанзд̇ваа ат̇асса жа ан̃н̃ат̇аа г̇ахид̇абхааво б̣яан̃ж̇анасса жа мижчаа робид̇абхааво д̣̇ассзд̇аб̣б̣о. яо д̇хаммо яо винаяод̇и зд̇т̇а ад̇т̇ан̃жа б̣яан̃ж̇анан̃жа вин̃н̃аабанагааран̣амзва д̇хаммо жа винаяо жа.
35.Cattāro satipaṭṭhānātiādayo sattatiṃsa bodhipakkhiyadhammā lokiyalokuttarāva kathitā. Tatthāti tesu sattatiṃsāya dhammesu. Siyaṃsūti bhaveyyuṃ. Abhidhammeti visiṭṭhe dhamme, imesu sattatiṃsabodhipakkhiyadhammesūti attho. Tatra ceti idampi bodhipakkhiyadhammesveva bhummaṃ. Atthato ceva nānaṃ byañjanato cāti ettha ‘‘kāyova satipaṭṭhānaṃ vedanāva satipaṭṭhāna’’nti vutte atthato nānaṃ hoti , ‘‘satipaṭṭhānā’’ti vutte pana byañjanato nānaṃ nāma hoti. Tadamināpīti taṃ tumhe imināpi kāraṇena jānāthāti atthañca byañjanañca samānetvā athassa ca aññathā gahitabhāvo byañjanassa ca micchā ropitabhāvo dassetabbo. Yo dhammo yo vinayoti ettha atthañca byañjanañca viññāpanakāraṇameva dhammo ca vinayo ca.
37. ад̇т̇ад̇о хи ко самзд̇ийд̇и сад̇иязва сад̇ибадтаананд̇и г̇ахид̇аа. б̣яан̃ж̇анад̇о наананд̇и гзвалам̣ б̣яан̃ж̇анамзва сад̇ибадтаанод̇и ваа сад̇ибадтаанаад̇и ваа мижчаа робзт̇а. аббамад̇д̇агам̣ код̇и суд̇д̇анд̇ам̣ бад̇ваа б̣яан̃ж̇анам̣ аббамад̇д̇агам̣ наама ход̇и. барид̇д̇амад̇д̇ам̣ д̇ханид̇ам̣ гад̇ваа робид̇зби хи ниб̣б̣уд̇им̣ бад̇д̇ум̣ саггаа ход̇и.
37.Atthato hi kho sametīti satiyeva satipaṭṭhānanti gahitā. Byañjanato nānanti kevalaṃ byañjanameva satipaṭṭhānoti vā satipaṭṭhānāti vā micchā ropetha. Appamattakaṃ khoti suttantaṃ patvā byañjanaṃ appamattakaṃ nāma hoti. Parittamattaṃ dhanitaṃ katvā ropitepi hi nibbutiṃ pattuṃ sakkā hoti.
д̇ад̇рид̣̇ам̣ вад̇т̇у – виж̇аяаараамавихаараваасий гирзго кийн̣аасавад̇т̇зро д̣̇виннам̣ бхигкуунам̣ суд̇д̇ам̣ аахарид̇ваа гаммадтаанам̣ гат̇знд̇о – ‘‘самуд̣̇д̇хо самуд̣̇д̇ход̇и, бхигкавз, ассуд̇аваа бут̇уж̇ж̇ано бхаасад̇ий’’д̇и д̇ханид̇ам̣ гад̇ваа ааха. зго бхигку ‘‘самуд̣̇д̇хо наама, бханд̇з’’д̇и ааха. аавусо, самуд̣̇д̇ход̇и вуд̇д̇зби самуд̣̇д̣̇од̇и вуд̇д̇зби маяам̣ лон̣асааг̇арамзва ж̇аанаама, д̇умхз бана но ад̇т̇аг̇авзсагаа, б̣яан̃ж̇анаг̇авзсагаа, г̇ажчат̇а махаавихаарз баг̇ун̣аб̣яан̃ж̇анаанам̣ бхигкуунам̣ санд̇игз б̣яан̃ж̇анам̣ сод̇хаабзт̇аад̇и гаммадтаанам̣ агат̇зд̇ваава удтаабзси. со абарабхааг̇з махаавихаарз бхзрим̣ бахараабзд̇ваа бхигкусан̇гхасса жад̇уусу маг̇г̇зсу бан̃хам̣ гат̇зд̇ваава бариниб̣б̣уд̇о. звам̣ суд̇д̇анд̇ам̣ бад̇ваа б̣яан̃ж̇анам̣ аббамад̇д̇агам̣ наама ход̇и.
Tatridaṃ vatthu – vijayārāmavihāravāsī kireko khīṇāsavatthero dvinnaṃ bhikkhūnaṃ suttaṃ āharitvā kammaṭṭhānaṃ kathento – ‘‘samuddho samuddhoti, bhikkhave, assutavā puthujjano bhāsatī’’ti dhanitaṃ katvā āha. Eko bhikkhu ‘‘samuddho nāma, bhante’’ti āha. Āvuso, samuddhoti vuttepi samuddoti vuttepi mayaṃ loṇasāgarameva jānāma, tumhe pana no atthagavesakā, byañjanagavesakā, gacchatha mahāvihāre paguṇabyañjanānaṃ bhikkhūnaṃ santike byañjanaṃ sodhāpethāti kammaṭṭhānaṃ akathetvāva uṭṭhāpesi. So aparabhāge mahāvihāre bheriṃ paharāpetvā bhikkhusaṅghassa catūsu maggesu pañhaṃ kathetvāva parinibbuto. Evaṃ suttantaṃ patvā byañjanaṃ appamattakaṃ nāma hoti.
винаяам̣ бана бад̇ваа но аббамад̇д̇агам̣. сааман̣зрабаб̣б̣аж̇ж̇ааби хи убхад̇осуд̣̇д̇хид̇о ваддад̇и, убасамбад̣̇аад̣̇игаммааниби сит̇илаад̣̇ийнам̣ д̇ханид̇аад̣̇игаран̣амад̇д̇знзва губбанд̇и. ид̇ха бана суд̇д̇анд̇аб̣яан̃ж̇анам̣ санд̇хааязд̇ам̣ вуд̇д̇ам̣.
Vinayaṃ pana patvā no appamattakaṃ. Sāmaṇerapabbajjāpi hi ubhatosuddhito vaṭṭati, upasampadādikammānipi sithilādīnaṃ dhanitādikaraṇamatteneva kuppanti. Idha pana suttantabyañjanaṃ sandhāyetaṃ vuttaṃ.
38. ат̇а жад̇уд̇т̇аваарз виваад̣̇о гасмаа? сан̃н̃ааяа виваад̣̇о. ‘‘ахам̣ сад̇имзва сад̇ибадтаанам̣ вад̣̇аами, аяам̣ ‘гааяо сад̇ибадтаана’нд̇и вад̣̇ад̇ий’’д̇и хи нзсам̣ сан̃н̃аа ход̇и. б̣яан̃ж̇анзби зсзва наяо.
38. Atha catutthavāre vivādo kasmā? Saññāya vivādo. ‘‘Ahaṃ satimeva satipaṭṭhānaṃ vadāmi, ayaṃ ‘kāyo satipaṭṭhāna’nti vadatī’’ti hi nesaṃ saññā hoti. Byañjanepi eseva nayo.
39. на жод̣̇анааяа д̇арид̇аб̣б̣анд̇и на жод̣̇анад̇т̇ааяа взг̇ааяид̇аб̣б̣ам̣. згажжо хи буг̇г̇ало ‘‘налаадз д̇з саасабамад̇д̇аа бил̣агаа’’д̇и вуд̇д̇о ‘‘маяхам̣ налаадз саасабамад̇д̇ам̣ бил̣агам̣ бассаси, ад̇д̇ано налаадз д̇аалабаггамад̇д̇ам̣ махааг̇ан̣д̣ам̣ на бассасий’’д̇и вад̣̇ад̇и. д̇асмаа буг̇г̇ало убабаригкид̇аб̣б̣о. ад̣̇ал̣хад̣̇идтийд̇и анаад̣̇аанад̣̇идтий сум̣сумаарам̣ хад̣̇аяз багкибанд̇о вияа д̣̇ал̣хам̣ на г̇ан̣хаад̇и.
39.Nacodanāya taritabbanti na codanatthāya vegāyitabbaṃ. Ekacco hi puggalo ‘‘nalāṭe te sāsapamattā piḷakā’’ti vutto ‘‘mayhaṃ nalāṭe sāsapamattaṃ piḷakaṃ passasi, attano nalāṭe tālapakkamattaṃ mahāgaṇḍaṃ na passasī’’ti vadati. Tasmā puggalo upaparikkhitabbo. Adaḷhadiṭṭhīti anādānadiṭṭhī suṃsumāraṃ hadaye pakkhipanto viya daḷhaṃ na gaṇhāti.
убагхаад̇од̇и жан̣д̣абхаавзна ван̣агхаддид̇асса вияа д̣̇угкуббад̇д̇и. суббадиниссаг̇г̇ийд̇и ‘‘гим̣ наама ахам̣ аабанно, гад̣̇аа аабанно’’д̇и ваа ‘‘д̇вам̣ аабанно, д̇ава убаж̇жхааяо аабанно’’д̇и ваа згам̣ д̣̇вз ваарз вад̇вааби ‘‘асугам̣ наама асугад̣̇ивасз наама, бханд̇з, аабаннад̇т̇а, сан̣игам̣ ануссарат̇аа’’д̇и сарид̇ваа д̇аавад̣̇зва виссаж̇ж̇зд̇и. вихзсаад̇и б̣ахум̣ ад̇т̇ан̃жа гааран̣ан̃жа аахаранд̇асса гааяажид̇д̇агиламат̇о. саггомийд̇и зваруубо хи буг̇г̇ало огаасам̣ гаарзд̇ваа ‘‘аабад̇д̇им̣ аабаннад̇т̇а, бханд̇з’’д̇и вуд̇д̇о ‘‘гад̣̇аа гисмим̣ вад̇т̇усми’’нд̇и вад̇ваа ‘‘асугад̣̇ивасз асугасмим̣ вад̇т̇усми’’нд̇и вуд̇д̇з ‘‘на сараами, аавусо’’д̇и вад̣̇ад̇и, д̇ад̇о ‘‘сан̣игам̣, бханд̇з, сарат̇аа’’д̇и б̣ахум̣ вад̇ваа саарид̇о сарид̇ваа виссаж̇ж̇зд̇и. д̇знааха ‘‘саггомий’’д̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о.
Upaghātoti caṇḍabhāvena vaṇaghaṭṭitassa viya dukkhuppatti. Suppaṭinissaggīti ‘‘kiṃ nāma ahaṃ āpanno, kadā āpanno’’ti vā ‘‘tvaṃ āpanno, tava upajjhāyo āpanno’’ti vā ekaṃ dve vāre vatvāpi ‘‘asukaṃ nāma asukadivase nāma, bhante, āpannattha, saṇikaṃ anussarathā’’ti saritvā tāvadeva vissajjeti. Vihesāti bahuṃ atthañca kāraṇañca āharantassa kāyacittakilamatho. Sakkomīti evarūpo hi puggalo okāsaṃ kāretvā ‘‘āpattiṃ āpannattha, bhante’’ti vutto ‘‘kadā kismiṃ vatthusmi’’nti vatvā ‘‘asukadivase asukasmiṃ vatthusmi’’nti vutte ‘‘na sarāmi, āvuso’’ti vadati, tato ‘‘saṇikaṃ, bhante, sarathā’’ti bahuṃ vatvā sārito saritvā vissajjeti. Tenāha ‘‘sakkomī’’ti. Iminā nayena sabbattha attho veditabbo.
убзгкаа наад̇иман̃н̃ид̇аб̣б̣аад̇и убзгкаа на ад̇иггамид̇аб̣б̣аа, гад̇д̇аб̣б̣аа ж̇анзд̇аб̣б̣аад̇и ад̇т̇о. яо хи зваруубам̣ буг̇г̇алам̣ тид̇агам̣язва бассаавам̣ гаронд̇ам̣ д̣̇исвааби ‘‘нану, аавусо, нисийд̣̇ид̇аб̣б̣а’’нд̇и вад̣̇ад̇и, со убзгкам̣ ад̇иман̃н̃ад̇и наама.
Upekkhā nātimaññitabbāti upekkhā na atikkamitabbā, kattabbā janetabbāti attho. Yo hi evarūpaṃ puggalaṃ ṭhitakaṃyeva passāvaṃ karontaṃ disvāpi ‘‘nanu, āvuso, nisīditabba’’nti vadati, so upekkhaṃ atimaññati nāma.
40. важийсам̣хаарод̇и важанасан̃жааро. имзхи гат̇ид̇ам̣ амуусам̣ анд̇арам̣ бавзсзяяа, д̇умхз имзхи ид̣̇ан̃жид̣̇ан̃жа вуд̇д̇аад̇и амуухи гат̇ид̇ам̣ имзсам̣ анд̇арам̣ бавзсзяяаад̇и ад̇т̇о. д̣̇идтибал̣аасод̇иаад̣̇ийхи жид̇д̇асса анаараад̇ханияабхааво гат̇ид̇о. д̇ам̣ ж̇аанамаано самаано г̇арахзяяаад̇и д̇ам̣ сад̇т̇аа ж̇аанамаано самаано нинд̣̇зяяа амхзд̇и. зд̇ам̣ банаавусо, д̇хамманд̇и зд̇ам̣ галахабхан̣д̣анад̇хаммам̣.
40.Vacīsaṃhāroti vacanasañcāro. Imehi kathitaṃ amūsaṃ antaraṃ paveseyya, tumhe imehi idañcidañca vuttāti amūhi kathitaṃ imesaṃ antaraṃ paveseyyāti attho. Diṭṭhipaḷāsotiādīhi cittassa anārādhaniyabhāvo kathito. Taṃ jānamāno samāno garaheyyāti taṃ satthā jānamāno samāno nindeyya amheti. Etaṃpanāvuso, dhammanti etaṃ kalahabhaṇḍanadhammaṃ.
д̇ан̃жзд̇и д̇ам̣ сан̃н̃ад̇д̇игаарагам̣ бхигкум̣. звам̣ б̣яаагарзяяаад̇и маяаа зд̇з суд̣̇д̇ханд̇з бад̇идтаабид̇аад̇и авад̇ваа язна гааран̣зна сан̃н̃ад̇д̇и гад̇аа, д̇ад̣̇зва д̣̇ассзнд̇о звам̣ б̣яаагарзяяа. д̇аахам̣ д̇хаммам̣ суд̇ваад̇и зд̇т̇а д̇хаммод̇и сааран̣ийяад̇хаммо ад̇хиббзд̇о. на жзва ад̇д̇аананд̇иаад̣̇ийсу ‘‘б̣рахмалогаббамаан̣о хзса аг̇г̇и удтааси, го зд̇аман̃н̃ад̇ра маяаа ниб̣б̣аабзд̇ум̣ самад̇т̇о’’д̇и хи вад̣̇анд̇о ад̇д̇аанам̣ уггам̣сзд̇и наама. ‘‘зд̇д̇агаа ж̇анаа вижаранд̇и, огаасо лад̣̇д̇хум̣ на саггаа, згоби зд̇д̇агамад̇д̇ам̣ ниб̣б̣аабзд̇ум̣ самад̇т̇о наама над̇т̇ий’’д̇и вад̣̇амаано барам̣ вамбхзд̇и наама. д̇ад̣̇убхаяамбзса на гарод̇и. д̇хаммо банзд̇т̇а саммаасамб̣уд̣̇д̇хасса б̣яаагаран̣ам̣, д̇зсам̣ бхигкуунам̣ сан̃н̃ад̇д̇игаран̣ам̣ ануд̇хаммо, д̇ад̣̇зва б̣яаагарод̇и наама. на жа гожи сахад̇хаммигод̇и ан̃н̃о жасса гожи сахзд̇уго барзхи вуд̇д̇о ваад̣̇о ваа ануваад̣̇о ваа г̇арахид̇аб̣б̣абхаавам̣ ааг̇ажчанд̇о наама над̇т̇и. сзсам̣ саб̣б̣ад̇т̇а уд̇д̇аанамзваад̇и.
Tañceti taṃ saññattikārakaṃ bhikkhuṃ. Evaṃ byākareyyāti mayā ete suddhante patiṭṭhāpitāti avatvā yena kāraṇena saññatti katā, tadeva dassento evaṃ byākareyya. Tāhaṃ dhammaṃ sutvāti ettha dhammoti sāraṇīyadhammo adhippeto. Na ceva attānantiādīsu ‘‘brahmalokappamāṇo hesa aggi uṭṭhāsi, ko etamaññatra mayā nibbāpetuṃ samattho’’ti hi vadanto attānaṃ ukkaṃseti nāma. ‘‘Ettakā janā vicaranti, okāso laddhuṃ na sakkā, ekopi ettakamattaṃ nibbāpetuṃ samattho nāma natthī’’ti vadamāno paraṃ vambheti nāma. Tadubhayampesa na karoti. Dhammo panettha sammāsambuddhassa byākaraṇaṃ, tesaṃ bhikkhūnaṃ saññattikaraṇaṃ anudhammo, tadeva byākaroti nāma. Na ca koci sahadhammikoti añño cassa koci sahetuko parehi vutto vādo vā anuvādo vā garahitabbabhāvaṃ āgacchanto nāma natthi. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
гинд̇исуд̇д̇аван̣н̣анаа нидтид̇аа.
Kintisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. гинд̇исуд̇д̇ам̣ • 3. Kintisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. гинд̇исуд̇д̇аван̣н̣анаа • 3. Kintisuttavaṇṇanā
