| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. гинд̇исуд̇д̇аван̣н̣анаа
3. Kintisuttavaṇṇanā
34. бхавод̇и барид̇д̇о. абхавод̇и маханд̇о. вуд̣̇д̇хиад̇т̇о хи аяам̣ а-гааро, ‘‘сам̣вараасам̣варо, палаапала’’нд̇иаад̣̇ийсу вияа, д̇асмаа бхаваабхавахзд̇ууд̇и куд̣̇д̣̇агасса маханд̇асса ваа бхавасса хзд̇у, д̇ам̣ бажжаасийсамаанод̇и ад̇т̇о. д̇знааха – ‘‘д̇асмим̣ д̇асмим̣ бхавз сукам̣ взд̣̇иссаамий’’д̇иаад̣̇и.
34.Bhavoti paritto. Abhavoti mahanto. Vuddhiattho hi ayaṃ a-kāro, ‘‘saṃvarāsaṃvaro, phalāphala’’ntiādīsu viya, tasmā bhavābhavahetūti khuddakassa mahantassa vā bhavassa hetu, taṃ paccāsīsamānoti attho. Tenāha – ‘‘tasmiṃ tasmiṃ bhave sukhaṃ vedissāmī’’tiādi.
35. логуд̇д̇араб̣од̇хибагкияад̇хаммз уд̣̇д̣̇исса бут̇уж̇ж̇анаанам̣ виваад̣̇о самбхавад̇ийд̇и ааха – ‘‘логияалогуд̇д̇араава гат̇ид̇аа’’д̇и. логияааби хи б̣од̇хибагкияад̇хаммаа логуд̇д̇арад̇хаммаад̇хиг̇амасса аасаннагааран̣ад̇д̇аа висзсагааран̣анд̇и яаава ан̃н̃зхи логияад̇хаммзхи абхивисидтод̇и гад̇ваа, ‘‘имзсу сад̇д̇ад̇им̣саб̣од̇хибагкияад̇хаммзсуу’’д̇и ависзсзна вуд̇д̇ам̣. ад̇т̇ад̇о наанам̣ ход̇ийд̇и ад̇т̇ад̇о бхзд̣̇о ход̇и б̣од̇хибагкияад̇хаммаанам̣ самад̇хиг̇ад̇ад̇д̇аа. на хи гааяаад̣̇аяо бхаавзд̇аб̣б̣аа, сад̇иязва бана бхаавзд̇аб̣б̣аад̇и. б̣яан̃ж̇анад̇о наанам̣ бхзд̣̇ам̣. иминааби гааран̣знаад̇и имааяаби яуд̇д̇ияаа. ид̣̇аани д̇ам̣ яуд̇д̇им̣ д̣̇ассзнд̇о – ‘‘ад̇т̇ан̃жа б̣яан̃ж̇анан̃жаа’’д̇иаад̣̇имааха . д̇ад̇т̇а самаанзд̇ваад̇и суд̇д̇анд̇арад̇о самаанзд̇ваа, суд̇д̇анд̇арабад̣̇зхи жа самаанзд̇ваа. ан̃н̃ат̇аад̇и ан̃н̃ад̇о, бхууд̇ад̇о абаг̇ад̇ам̣ гад̇ваад̇и ад̇т̇о. мижчаа робид̇абхаавод̇и аяаат̇аавад̇о табид̇абхааво. ад̇т̇ан̃жа б̣яан̃ж̇анан̃жа вин̃н̃аабанагааран̣амзваад̇и авибарийд̇ад̇т̇асса сад̣̇д̣̇асса жа б̣уж̇жханахзд̇уд̇ааяа.
35. Lokuttarabodhipakkhiyadhamme uddissa puthujjanānaṃ vivādo sambhavatīti āha – ‘‘lokiyalokuttarāva kathitā’’ti. Lokiyāpi hi bodhipakkhiyadhammā lokuttaradhammādhigamassa āsannakāraṇattā visesakāraṇanti yāva aññehi lokiyadhammehi abhivisiṭṭhoti katvā, ‘‘imesu sattatiṃsabodhipakkhiyadhammesū’’ti avisesena vuttaṃ. Atthato nānaṃ hotīti atthato bhedo hoti bodhipakkhiyadhammānaṃ samadhigatattā. Na hi kāyādayo bhāvetabbā, satiyeva pana bhāvetabbāti. Byañjanato nānaṃ bhedaṃ. Imināpi kāraṇenāti imāyapi yuttiyā. Idāni taṃ yuttiṃ dassento – ‘‘atthañca byañjanañcā’’tiādimāha . Tattha samānetvāti suttantarato samānetvā, suttantarapadehi ca samānetvā. Aññathāti aññato, bhūtato apagataṃ katvāti attho. Micchā ropitabhāvoti ayāthāvato ṭhapitabhāvo. Atthañca byañjanañca viññāpanakāraṇamevāti aviparītatthassa saddassa ca bujjhanahetutāya.
37. ид̇ха д̇хаммавинаяадтаанз сад̇иязва сад̇ибадтаананд̇и г̇ахид̇аа, ад̇т̇ад̇о самзд̇и наама яаат̇аавад̇о ад̇т̇асса г̇ахид̇ад̇д̇аа. асабхааванируд̇д̇ибхаавад̇о б̣яан̃ж̇анад̇о наанад̇д̇анд̇и д̇ам̣ лин̇г̇абхзд̣̇зна важанабхзд̣̇зна жа д̣̇ассзнд̇о, ‘‘сад̇ибадтаанод̇и ваа сад̇ибадтаанаад̇и ваа мижчаа робзт̇аа’’д̇и ааха. аббамад̇д̇аганд̇и ан̣умад̇д̇ам̣ саллахугам̣, на г̇аруд̇арам̣ ад̇ханид̇ам̣ гад̇ваа вад̇д̇аб̣б̣амби д̇ханид̇ам̣ гхосаванд̇ам̣ гад̇ваа робид̇з вуд̇д̇ад̣̇осаабхаавад̇од̇и д̇знааха – ‘‘ниб̣б̣уд̇им̣ бад̇д̇ум̣ саггаа ход̇ий’’д̇и.
37. Idha dhammavinayaṭṭhāne satiyeva satipaṭṭhānanti gahitā, atthato sameti nāma yāthāvato atthassa gahitattā. Asabhāvaniruttibhāvato byañjanato nānattanti taṃ liṅgabhedena vacanabhedena ca dassento, ‘‘satipaṭṭhānoti vā satipaṭṭhānāti vā micchā ropethā’’ti āha. Appamattakanti aṇumattaṃ sallahukaṃ, na garutaraṃ adhanitaṃ katvā vattabbampi dhanitaṃ ghosavantaṃ katvā ropite vuttadosābhāvatoti tenāha – ‘‘nibbutiṃ pattuṃ sakkā hotī’’ti.
б̣яан̃ж̇анасса мижчааробанам̣ на висзсанд̇арааяагарам̣ ход̇ийд̇и н̃аабанад̇т̇ам̣, жад̇усу маг̇г̇зсу бан̃хам̣ гат̇зд̇ваава бариниб̣б̣уд̇о. суд̇д̇анд̇аб̣яан̃ж̇анам̣ санд̇хааязд̇ам̣ вуд̇д̇ам̣ – ‘‘аббамад̇д̇агам̣ ко банаа’’д̇и.
Byañjanassa micchāropanaṃ na visesantarāyakaraṃ hotīti ñāpanatthaṃ, catusu maggesu pañhaṃ kathetvāva parinibbuto. Suttantabyañjanaṃ sandhāyetaṃ vuttaṃ – ‘‘appamattakaṃ kho panā’’ti.
38. ат̇а жад̇уд̇т̇аваарз виваад̣̇о гасмаа ж̇аад̇о? яаавад̇аа нзсам̣ важанам̣ ад̇т̇ад̇о жзва самзд̇и б̣яан̃ж̇анад̇о жаад̇и ад̇хиббааяо. сан̃н̃ааяа виваад̣̇од̇и гин̃жааби самзд̇и ад̇т̇ад̇о жзва б̣яан̃ж̇анад̇о жа, сан̃н̃аа бана нзсам̣ ависуд̣̇д̇хаа, д̇ааяа сан̃н̃ааяа васзна виваад̣̇о ж̇аад̇од̇и д̣̇ассзнд̇о ‘‘аха’’нд̇иаад̣̇имааха. ахам̣ сад̇ибадтаананд̇и вад̣̇аами, аяам̣ сад̇ибадтаанод̇и вад̣̇ад̇ийд̇и звам̣ д̇зсам̣ н̃аан̣ам̣ ход̇ийд̇и имамад̇т̇ам̣, ‘‘зсзва наяо’’д̇и иминаа ад̇ид̣̇исад̇и.
38.Atha catutthavāre vivādo kasmā jāto? Yāvatā nesaṃ vacanaṃ atthato ceva sameti byañjanato cāti adhippāyo. Saññāya vivādoti kiñcāpi sameti atthato ceva byañjanato ca, saññā pana nesaṃ avisuddhā, tāya saññāya vasena vivādo jātoti dassento ‘‘aha’’ntiādimāha. Ahaṃ satipaṭṭhānanti vadāmi, ayaṃ satipaṭṭhānoti vadatīti evaṃ tesaṃ ñāṇaṃ hotīti imamatthaṃ, ‘‘eseva nayo’’ti iminā atidisati.
39. на жод̣̇анад̇т̇ааяа взг̇ааяид̇аб̣б̣анд̇и сийгхам̣ сийгхам̣ на жод̣̇анаа гаад̇аб̣б̣аад̇и ад̇т̇о. д̇асмаад̇и яасмаа згажжо год̇ханабхаавзна звам̣ бадибпари, д̇асмаа. анаад̣̇аанад̣̇идтийд̇и аад̣̇ияид̇ваа анабхинивисанад̇о анаад̣̇аанад̣̇идтий ад̣̇ал̣хаг̇г̇аахий. багкибанд̇о вияаад̇и г̇илид̇ваа багкибанд̇о вияа.
39.Na codanatthāya vegāyitabbanti sīghaṃ sīghaṃ na codanā kātabbāti attho. Tasmāti yasmā ekacco kodhanabhāvena evaṃ paṭipphari, tasmā. Anādānadiṭṭhīti ādiyitvā anabhinivisanato anādānadiṭṭhī adaḷhaggāhī. Pakkhipanto viyāti gilitvā pakkhipanto viya.
убагхаад̇од̇и жид̇д̇аббагхаад̇о парасубагхаад̇о вияа. ван̣агхаддид̇асса вияаад̇и ван̣з гхаддид̇асса вияа д̣̇угкуббад̇д̇и жид̇д̇ад̣̇угкуббад̇д̇и. д̣̇вз ваарз вад̇вааби висаж̇ж̇зд̇ийд̇и суббадиниссаг̇г̇ий звам̣ баг̇зва жод̣̇ид̇амад̇д̇з виссаж̇ж̇зд̇и жзд̇и ад̇хиббааяо . гат̇анавасзна жа гааяажид̇д̇агиламат̇о. зваруубод̇и сахасаа ависсаж̇ж̇знд̇зна жод̣̇агасса вихзсааваад̣̇о худ̇вааби аггод̇ханаад̣̇исабхааво.
Upaghātoti cittappaghāto pharasupaghāto viya. Vaṇaghaṭṭitassa viyāti vaṇe ghaṭṭitassa viya dukkhuppatti cittadukkhuppatti. Dve vāre vatvāpi visajjetīti suppaṭinissaggī evaṃ pageva coditamatte vissajjeti ceti adhippāyo . Kathanavasena ca kāyacittakilamatho. Evarūpoti sahasā avissajjentena codakassa vihesāvādo hutvāpi akkodhanādisabhāvo.
убзгкаад̇и сагзна гаммзна бан̃н̃ааяиссад̇ийд̇и д̇асмим̣ буг̇г̇алз аж̇жхубзгкан̣аа. убзгкам̣ ад̇иман̃н̃ад̇и наама д̇асса анаажаарасса анаж̇жхубзгкан̣ад̇о.
Upekkhāti sakena kammena paññāyissatīti tasmiṃ puggale ajjhupekkhaṇā. Upekkhaṃ atimaññati nāma tassa anācārassa anajjhupekkhaṇato.
40. важанасан̃жаарод̇и бзсун̃н̃авасзна ан̃н̃ат̇ааважанубасам̣хааро. д̣̇идтибал̣аасод̇и яуг̇аг̇г̇аахавасзна лад̣̇д̇хи. саа бана жид̇д̇асса анаараад̇ханияабхааво сад̇т̇ужид̇д̇асса анаараад̇хагабхааво. галаход̇и ад̇хигаран̣уббаад̣̇авасзна бавад̇д̇о виг̇г̇ахо бхан̣д̣анасса буб̣б̣абхааг̇о.
40.Vacanasañcāroti pesuññavasena aññathāvacanupasaṃhāro. Diṭṭhipaḷāsoti yugaggāhavasena laddhi. Sā pana cittassa anārādhaniyabhāvo satthucittassa anārādhakabhāvo. Kalahoti adhikaraṇuppādavasena pavatto viggaho bhaṇḍanassa pubbabhāgo.
язна гааран̣знаад̇и язна д̇хаммзна сад̇т̇усаасанзна. д̇амзва хи санд̇хааяа вад̣̇ад̇и – ‘‘д̇хаммод̇и сааран̣ийяад̇хаммо ад̇хиббзд̇о’’д̇и. зд̇т̇аад̇и ‘‘д̇хаммасса жаануд̇хамма’’нд̇и зд̇т̇а. д̇хаммод̇и самб̣уд̣̇д̇хасса д̇асса д̇ат̇аа бавад̇д̇ам̣ б̣яаагаран̣ам̣ яат̇аа виваад̣̇аабаннаа сан̃н̃ад̇д̇им̣ г̇ажчанд̇и. д̇знааха – ‘‘д̇зсам̣ бхигкуунам̣ сан̃н̃ад̇д̇игаран̣а’’нд̇и. д̇ад̣̇зва б̣яаагаран̣ам̣ ануд̇хаммод̇и бхигкунаа вужжамаано анубавад̇д̇о д̇хаммо. д̇знааха – ‘‘д̇ад̣̇зва б̣яаагарод̇и наамаа’’д̇и. гожийд̇и яо гожи. сахад̇хаммиго сагааран̣о. ан̃н̃ад̇т̇о аяам̣ гим̣ сад̣̇д̣̇од̇и ааха ‘‘ан̃н̃о’’д̇и. ассаад̇и вуд̇д̇анаязна бадибаннабхигкуно, д̇асса бадибад̇д̇и на гзнажи г̇арахан̣ийяаа ход̇ийд̇и ад̇т̇о. сзсам̣ саб̣б̣ам̣ сувин̃н̃зяяамзва.
Yena kāraṇenāti yena dhammena satthusāsanena. Tameva hi sandhāya vadati – ‘‘dhammoti sāraṇīyadhammo adhippeto’’ti. Etthāti ‘‘dhammassa cānudhamma’’nti ettha. Dhammoti sambuddhassa tassa tathā pavattaṃ byākaraṇaṃ yathā vivādāpannā saññattiṃ gacchanti. Tenāha – ‘‘tesaṃ bhikkhūnaṃ saññattikaraṇa’’nti. Tadeva byākaraṇaṃ anudhammoti bhikkhunā vuccamāno anupavatto dhammo. Tenāha – ‘‘tadeva byākaroti nāmā’’ti. Kocīti yo koci. Sahadhammiko sakāraṇo. Aññattho ayaṃ kiṃ saddoti āha ‘‘añño’’ti. Assāti vuttanayena paṭipannabhikkhuno, tassa paṭipatti na kenaci garahaṇīyā hotīti attho. Sesaṃ sabbaṃ suviññeyyameva.
гинд̇исуд̇д̇аван̣н̣анааяа лийнад̇т̇аббагаасанаа самад̇д̇аа.
Kintisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. гинд̇исуд̇д̇ам̣ • 3. Kintisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. гинд̇исуд̇д̇аван̣н̣анаа • 3. Kintisuttavaṇṇanā
