| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੩. ਕਿਨ੍ਤਿਸੁਤ੍ਤવਣ੍ਣਨਾ
3. Kintisuttavaṇṇanā
੩੪. ਏવਂ ਮੇ ਸੁਤਨ੍ਤਿ ਕਿਨ੍ਤਿਸੁਤ੍ਤਂ। ਤਤ੍ਥ ਪਿਸਿਨਾਰਾਯਨ੍ਤਿ ਏવਂਨਾਮਕੇ ਮਣ੍ਡਲਪਦੇਸੇ। ਬਲਿਹਰਣੇਤਿ ਤਸ੍ਮਿਂ વਨਸਣ੍ਡੇ ਭੂਤਾਨਂ ਬਲਿਂ ਆਹਰਨ੍ਤਿ, ਤਸ੍ਮਾ ਸੋ ਬਲਿਹਰਣਨ੍ਤਿ વੁਤ੍ਤੋ। ਚੀવਰਹੇਤੂਤਿ ਚੀવਰਕਾਰਣਾ, ਚੀવਰਂ ਪਚ੍ਚਾਸੀਸਮਾਨੋਤਿ ਅਤ੍ਥੋ। ਇਤਿਭવਾਭવਹੇਤੂਤਿ ਏવਂ ਇਮਂ ਦੇਸਨਾਮਯਂ ਪੁਞ੍ਞਕਿਰਿਯવਤ੍ਥੁਂ ਨਿਸ੍ਸਾਯ ਤਸ੍ਮਿਂ ਤਸ੍ਮਿਂ ਭવੇ ਸੁਖਂ વੇਦਿਸ੍ਸਾਮੀਤਿ ਧਮ੍ਮਂ ਦੇਸੇਤੀਤਿ ਕਿਂ ਤੁਮ੍ਹਾਕਂ ਏવਂ ਹੋਤੀਤਿ ਅਤ੍ਥੋ।
34.Evaṃme sutanti kintisuttaṃ. Tattha pisinārāyanti evaṃnāmake maṇḍalapadese. Baliharaṇeti tasmiṃ vanasaṇḍe bhūtānaṃ baliṃ āharanti, tasmā so baliharaṇanti vutto. Cīvarahetūti cīvarakāraṇā, cīvaraṃ paccāsīsamānoti attho. Itibhavābhavahetūti evaṃ imaṃ desanāmayaṃ puññakiriyavatthuṃ nissāya tasmiṃ tasmiṃ bhave sukhaṃ vedissāmīti dhammaṃ desetīti kiṃ tumhākaṃ evaṃ hotīti attho.
੩੫. ਚਤ੍ਤਾਰੋ ਸਤਿਪਟ੍ਠਾਨਾਤਿਆਦਯੋ ਸਤ੍ਤਤਿਂਸ ਬੋਧਿਪਕ੍ਖਿਯਧਮ੍ਮਾ ਲੋਕਿਯਲੋਕੁਤ੍ਤਰਾવ ਕਥਿਤਾ। ਤਤ੍ਥਾਤਿ ਤੇਸੁ ਸਤ੍ਤਤਿਂਸਾਯ ਧਮ੍ਮੇਸੁ। ਸਿਯਂਸੂਤਿ ਭવੇਯ੍ਯੁਂ। ਅਭਿਧਮ੍ਮੇਤਿ વਿਸਿਟ੍ਠੇ ਧਮ੍ਮੇ, ਇਮੇਸੁ ਸਤ੍ਤਤਿਂਸਬੋਧਿਪਕ੍ਖਿਯਧਮ੍ਮੇਸੂਤਿ ਅਤ੍ਥੋ। ਤਤ੍ਰ ਚੇਤਿ ਇਦਮ੍ਪਿ ਬੋਧਿਪਕ੍ਖਿਯਧਮ੍ਮੇਸ੍વੇવ ਭੁਮ੍ਮਂ। ਅਤ੍ਥਤੋ ਚੇવ ਨਾਨਂ ਬ੍ਯਞ੍ਜਨਤੋ ਚਾਤਿ ਏਤ੍ਥ ‘‘ਕਾਯੋવ ਸਤਿਪਟ੍ਠਾਨਂ વੇਦਨਾવ ਸਤਿਪਟ੍ਠਾਨ’’ਨ੍ਤਿ વੁਤ੍ਤੇ ਅਤ੍ਥਤੋ ਨਾਨਂ ਹੋਤਿ , ‘‘ਸਤਿਪਟ੍ਠਾਨਾ’’ਤਿ વੁਤ੍ਤੇ ਪਨ ਬ੍ਯਞ੍ਜਨਤੋ ਨਾਨਂ ਨਾਮ ਹੋਤਿ। ਤਦਮਿਨਾਪੀਤਿ ਤਂ ਤੁਮ੍ਹੇ ਇਮਿਨਾਪਿ ਕਾਰਣੇਨ ਜਾਨਾਥਾਤਿ ਅਤ੍ਥਞ੍ਚ ਬ੍ਯਞ੍ਜਨਞ੍ਚ ਸਮਾਨੇਤ੍વਾ ਅਥਸ੍ਸ ਚ ਅਞ੍ਞਥਾ ਗਹਿਤਭਾવੋ ਬ੍ਯਞ੍ਜਨਸ੍ਸ ਚ ਮਿਚ੍ਛਾ ਰੋਪਿਤਭਾવੋ ਦਸ੍ਸੇਤਬ੍ਬੋ। ਯੋ ਧਮ੍ਮੋ ਯੋ વਿਨਯੋਤਿ ਏਤ੍ਥ ਅਤ੍ਥਞ੍ਚ ਬ੍ਯਞ੍ਜਨਞ੍ਚ વਿਞ੍ਞਾਪਨਕਾਰਣਮੇવ ਧਮ੍ਮੋ ਚ વਿਨਯੋ ਚ।
35.Cattāro satipaṭṭhānātiādayo sattatiṃsa bodhipakkhiyadhammā lokiyalokuttarāva kathitā. Tatthāti tesu sattatiṃsāya dhammesu. Siyaṃsūti bhaveyyuṃ. Abhidhammeti visiṭṭhe dhamme, imesu sattatiṃsabodhipakkhiyadhammesūti attho. Tatra ceti idampi bodhipakkhiyadhammesveva bhummaṃ. Atthato ceva nānaṃ byañjanato cāti ettha ‘‘kāyova satipaṭṭhānaṃ vedanāva satipaṭṭhāna’’nti vutte atthato nānaṃ hoti , ‘‘satipaṭṭhānā’’ti vutte pana byañjanato nānaṃ nāma hoti. Tadamināpīti taṃ tumhe imināpi kāraṇena jānāthāti atthañca byañjanañca samānetvā athassa ca aññathā gahitabhāvo byañjanassa ca micchā ropitabhāvo dassetabbo. Yo dhammo yo vinayoti ettha atthañca byañjanañca viññāpanakāraṇameva dhammo ca vinayo ca.
੩੭. ਅਤ੍ਥਤੋ ਹਿ ਖੋ ਸਮੇਤੀਤਿ ਸਤਿਯੇવ ਸਤਿਪਟ੍ਠਾਨਨ੍ਤਿ ਗਹਿਤਾ। ਬ੍ਯਞ੍ਜਨਤੋ ਨਾਨਨ੍ਤਿ ਕੇવਲਂ ਬ੍ਯਞ੍ਜਨਮੇવ ਸਤਿਪਟ੍ਠਾਨੋਤਿ વਾ ਸਤਿਪਟ੍ਠਾਨਾਤਿ વਾ ਮਿਚ੍ਛਾ ਰੋਪੇਥ। ਅਪ੍ਪਮਤ੍ਤਕਂ ਖੋਤਿ ਸੁਤ੍ਤਨ੍ਤਂ ਪਤ੍વਾ ਬ੍ਯਞ੍ਜਨਂ ਅਪ੍ਪਮਤ੍ਤਕਂ ਨਾਮ ਹੋਤਿ। ਪਰਿਤ੍ਤਮਤ੍ਤਂ ਧਨਿਤਂ ਕਤ੍વਾ ਰੋਪਿਤੇਪਿ ਹਿ ਨਿਬ੍ਬੁਤਿਂ ਪਤ੍ਤੁਂ ਸਕ੍ਕਾ ਹੋਤਿ।
37.Atthato hi kho sametīti satiyeva satipaṭṭhānanti gahitā. Byañjanato nānanti kevalaṃ byañjanameva satipaṭṭhānoti vā satipaṭṭhānāti vā micchā ropetha. Appamattakaṃ khoti suttantaṃ patvā byañjanaṃ appamattakaṃ nāma hoti. Parittamattaṃ dhanitaṃ katvā ropitepi hi nibbutiṃ pattuṃ sakkā hoti.
ਤਤ੍ਰਿਦਂ વਤ੍ਥੁ – વਿਜਯਾਰਾਮવਿਹਾਰવਾਸੀ ਕਿਰੇਕੋ ਖੀਣਾਸવਤ੍ਥੇਰੋ ਦ੍વਿਨ੍ਨਂ ਭਿਕ੍ਖੂਨਂ ਸੁਤ੍ਤਂ ਆਹਰਿਤ੍વਾ ਕਮ੍ਮਟ੍ਠਾਨਂ ਕਥੇਨ੍ਤੋ – ‘‘ਸਮੁਦ੍ਧੋ ਸਮੁਦ੍ਧੋਤਿ, ਭਿਕ੍ਖવੇ, ਅਸ੍ਸੁਤવਾ ਪੁਥੁਜ੍ਜਨੋ ਭਾਸਤੀ’’ਤਿ ਧਨਿਤਂ ਕਤ੍વਾ ਆਹ। ਏਕੋ ਭਿਕ੍ਖੁ ‘‘ਸਮੁਦ੍ਧੋ ਨਾਮ, ਭਨ੍ਤੇ’’ਤਿ ਆਹ। ਆવੁਸੋ, ਸਮੁਦ੍ਧੋਤਿ વੁਤ੍ਤੇਪਿ ਸਮੁਦ੍ਦੋਤਿ વੁਤ੍ਤੇਪਿ ਮਯਂ ਲੋਣਸਾਗਰਮੇવ ਜਾਨਾਮ, ਤੁਮ੍ਹੇ ਪਨ ਨੋ ਅਤ੍ਥਗવੇਸਕਾ, ਬ੍ਯਞ੍ਜਨਗવੇਸਕਾ, ਗਚ੍ਛਥ ਮਹਾવਿਹਾਰੇ ਪਗੁਣਬ੍ਯਞ੍ਜਨਾਨਂ ਭਿਕ੍ਖੂਨਂ ਸਨ੍ਤਿਕੇ ਬ੍ਯਞ੍ਜਨਂ ਸੋਧਾਪੇਥਾਤਿ ਕਮ੍ਮਟ੍ਠਾਨਂ ਅਕਥੇਤ੍વਾવ ਉਟ੍ਠਾਪੇਸਿ। ਸੋ ਅਪਰਭਾਗੇ ਮਹਾવਿਹਾਰੇ ਭੇਰਿਂ ਪਹਰਾਪੇਤ੍વਾ ਭਿਕ੍ਖੁਸਙ੍ਘਸ੍ਸ ਚਤੂਸੁ ਮਗ੍ਗੇਸੁ ਪਞ੍ਹਂ ਕਥੇਤ੍વਾવ ਪਰਿਨਿਬ੍ਬੁਤੋ। ਏવਂ ਸੁਤ੍ਤਨ੍ਤਂ ਪਤ੍વਾ ਬ੍ਯਞ੍ਜਨਂ ਅਪ੍ਪਮਤ੍ਤਕਂ ਨਾਮ ਹੋਤਿ।
Tatridaṃ vatthu – vijayārāmavihāravāsī kireko khīṇāsavatthero dvinnaṃ bhikkhūnaṃ suttaṃ āharitvā kammaṭṭhānaṃ kathento – ‘‘samuddho samuddhoti, bhikkhave, assutavā puthujjano bhāsatī’’ti dhanitaṃ katvā āha. Eko bhikkhu ‘‘samuddho nāma, bhante’’ti āha. Āvuso, samuddhoti vuttepi samuddoti vuttepi mayaṃ loṇasāgarameva jānāma, tumhe pana no atthagavesakā, byañjanagavesakā, gacchatha mahāvihāre paguṇabyañjanānaṃ bhikkhūnaṃ santike byañjanaṃ sodhāpethāti kammaṭṭhānaṃ akathetvāva uṭṭhāpesi. So aparabhāge mahāvihāre bheriṃ paharāpetvā bhikkhusaṅghassa catūsu maggesu pañhaṃ kathetvāva parinibbuto. Evaṃ suttantaṃ patvā byañjanaṃ appamattakaṃ nāma hoti.
વਿਨਯਂ ਪਨ ਪਤ੍વਾ ਨੋ ਅਪ੍ਪਮਤ੍ਤਕਂ। ਸਾਮਣੇਰਪਬ੍ਬਜ੍ਜਾਪਿ ਹਿ ਉਭਤੋਸੁਦ੍ਧਿਤੋ વਟ੍ਟਤਿ, ਉਪਸਮ੍ਪਦਾਦਿਕਮ੍ਮਾਨਿਪਿ ਸਿਥਿਲਾਦੀਨਂ ਧਨਿਤਾਦਿਕਰਣਮਤ੍ਤੇਨੇવ ਕੁਪ੍ਪਨ੍ਤਿ। ਇਧ ਪਨ ਸੁਤ੍ਤਨ੍ਤਬ੍ਯਞ੍ਜਨਂ ਸਨ੍ਧਾਯੇਤਂ વੁਤ੍ਤਂ।
Vinayaṃ pana patvā no appamattakaṃ. Sāmaṇerapabbajjāpi hi ubhatosuddhito vaṭṭati, upasampadādikammānipi sithilādīnaṃ dhanitādikaraṇamatteneva kuppanti. Idha pana suttantabyañjanaṃ sandhāyetaṃ vuttaṃ.
੩੮. ਅਥ ਚਤੁਤ੍ਥવਾਰੇ વਿવਾਦੋ ਕਸ੍ਮਾ? ਸਞ੍ਞਾਯ વਿવਾਦੋ। ‘‘ਅਹਂ ਸਤਿਮੇવ ਸਤਿਪਟ੍ਠਾਨਂ વਦਾਮਿ, ਅਯਂ ‘ਕਾਯੋ ਸਤਿਪਟ੍ਠਾਨ’ਨ੍ਤਿ વਦਤੀ’’ਤਿ ਹਿ ਨੇਸਂ ਸਞ੍ਞਾ ਹੋਤਿ। ਬ੍ਯਞ੍ਜਨੇਪਿ ਏਸੇવ ਨਯੋ।
38. Atha catutthavāre vivādo kasmā? Saññāya vivādo. ‘‘Ahaṃ satimeva satipaṭṭhānaṃ vadāmi, ayaṃ ‘kāyo satipaṭṭhāna’nti vadatī’’ti hi nesaṃ saññā hoti. Byañjanepi eseva nayo.
੩੯. ਨ ਚੋਦਨਾਯ ਤਰਿਤਬ੍ਬਨ੍ਤਿ ਨ ਚੋਦਨਤ੍ਥਾਯ વੇਗਾਯਿਤਬ੍ਬਂ। ਏਕਚ੍ਚੋ ਹਿ ਪੁਗ੍ਗਲੋ ‘‘ਨਲਾਟੇ ਤੇ ਸਾਸਪਮਤ੍ਤਾ ਪਿਲ਼ਕਾ’’ਤਿ વੁਤ੍ਤੋ ‘‘ਮਯ੍ਹਂ ਨਲਾਟੇ ਸਾਸਪਮਤ੍ਤਂ ਪਿਲ਼ਕਂ ਪਸ੍ਸਸਿ, ਅਤ੍ਤਨੋ ਨਲਾਟੇ ਤਾਲਪਕ੍ਕਮਤ੍ਤਂ ਮਹਾਗਣ੍ਡਂ ਨ ਪਸ੍ਸਸੀ’’ਤਿ વਦਤਿ। ਤਸ੍ਮਾ ਪੁਗ੍ਗਲੋ ਉਪਪਰਿਕ੍ਖਿਤਬ੍ਬੋ। ਅਦਲ਼੍ਹਦਿਟ੍ਠੀਤਿ ਅਨਾਦਾਨਦਿਟ੍ਠੀ ਸੁਂਸੁਮਾਰਂ ਹਦਯੇ ਪਕ੍ਖਿਪਨ੍ਤੋ વਿਯ ਦਲ਼੍ਹਂ ਨ ਗਣ੍ਹਾਤਿ।
39.Nacodanāya taritabbanti na codanatthāya vegāyitabbaṃ. Ekacco hi puggalo ‘‘nalāṭe te sāsapamattā piḷakā’’ti vutto ‘‘mayhaṃ nalāṭe sāsapamattaṃ piḷakaṃ passasi, attano nalāṭe tālapakkamattaṃ mahāgaṇḍaṃ na passasī’’ti vadati. Tasmā puggalo upaparikkhitabbo. Adaḷhadiṭṭhīti anādānadiṭṭhī suṃsumāraṃ hadaye pakkhipanto viya daḷhaṃ na gaṇhāti.
ਉਪਘਾਤੋਤਿ ਚਣ੍ਡਭਾવੇਨ વਣਘਟ੍ਟਿਤਸ੍ਸ વਿਯ ਦੁਕ੍ਖੁਪ੍ਪਤ੍ਤਿ। ਸੁਪ੍ਪਟਿਨਿਸ੍ਸਗ੍ਗੀਤਿ ‘‘ਕਿਂ ਨਾਮ ਅਹਂ ਆਪਨ੍ਨੋ, ਕਦਾ ਆਪਨ੍ਨੋ’’ਤਿ વਾ ‘‘ਤ੍વਂ ਆਪਨ੍ਨੋ, ਤવ ਉਪਜ੍ਝਾਯੋ ਆਪਨ੍ਨੋ’’ਤਿ વਾ ਏਕਂ ਦ੍વੇ વਾਰੇ વਤ੍વਾਪਿ ‘‘ਅਸੁਕਂ ਨਾਮ ਅਸੁਕਦਿવਸੇ ਨਾਮ, ਭਨ੍ਤੇ, ਆਪਨ੍ਨਤ੍ਥ, ਸਣਿਕਂ ਅਨੁਸ੍ਸਰਥਾ’’ਤਿ ਸਰਿਤ੍વਾ ਤਾવਦੇવ વਿਸ੍ਸਜ੍ਜੇਤਿ। વਿਹੇਸਾਤਿ ਬਹੁਂ ਅਤ੍ਥਞ੍ਚ ਕਾਰਣਞ੍ਚ ਆਹਰਨ੍ਤਸ੍ਸ ਕਾਯਚਿਤ੍ਤਕਿਲਮਥੋ। ਸਕ੍ਕੋਮੀਤਿ ਏવਰੂਪੋ ਹਿ ਪੁਗ੍ਗਲੋ ਓਕਾਸਂ ਕਾਰੇਤ੍વਾ ‘‘ਆਪਤ੍ਤਿਂ ਆਪਨ੍ਨਤ੍ਥ, ਭਨ੍ਤੇ’’ਤਿ વੁਤ੍ਤੋ ‘‘ਕਦਾ ਕਿਸ੍ਮਿਂ વਤ੍ਥੁਸ੍ਮਿ’’ਨ੍ਤਿ વਤ੍વਾ ‘‘ਅਸੁਕਦਿવਸੇ ਅਸੁਕਸ੍ਮਿਂ વਤ੍ਥੁਸ੍ਮਿ’’ਨ੍ਤਿ વੁਤ੍ਤੇ ‘‘ਨ ਸਰਾਮਿ, ਆવੁਸੋ’’ਤਿ વਦਤਿ, ਤਤੋ ‘‘ਸਣਿਕਂ, ਭਨ੍ਤੇ, ਸਰਥਾ’’ਤਿ ਬਹੁਂ વਤ੍વਾ ਸਾਰਿਤੋ ਸਰਿਤ੍વਾ વਿਸ੍ਸਜ੍ਜੇਤਿ। ਤੇਨਾਹ ‘‘ਸਕ੍ਕੋਮੀ’’ਤਿ। ਇਮਿਨਾ ਨਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ।
Upaghātoti caṇḍabhāvena vaṇaghaṭṭitassa viya dukkhuppatti. Suppaṭinissaggīti ‘‘kiṃ nāma ahaṃ āpanno, kadā āpanno’’ti vā ‘‘tvaṃ āpanno, tava upajjhāyo āpanno’’ti vā ekaṃ dve vāre vatvāpi ‘‘asukaṃ nāma asukadivase nāma, bhante, āpannattha, saṇikaṃ anussarathā’’ti saritvā tāvadeva vissajjeti. Vihesāti bahuṃ atthañca kāraṇañca āharantassa kāyacittakilamatho. Sakkomīti evarūpo hi puggalo okāsaṃ kāretvā ‘‘āpattiṃ āpannattha, bhante’’ti vutto ‘‘kadā kismiṃ vatthusmi’’nti vatvā ‘‘asukadivase asukasmiṃ vatthusmi’’nti vutte ‘‘na sarāmi, āvuso’’ti vadati, tato ‘‘saṇikaṃ, bhante, sarathā’’ti bahuṃ vatvā sārito saritvā vissajjeti. Tenāha ‘‘sakkomī’’ti. Iminā nayena sabbattha attho veditabbo.
ਉਪੇਕ੍ਖਾ ਨਾਤਿਮਞ੍ਞਿਤਬ੍ਬਾਤਿ ਉਪੇਕ੍ਖਾ ਨ ਅਤਿਕ੍ਕਮਿਤਬ੍ਬਾ, ਕਤ੍ਤਬ੍ਬਾ ਜਨੇਤਬ੍ਬਾਤਿ ਅਤ੍ਥੋ। ਯੋ ਹਿ ਏવਰੂਪਂ ਪੁਗ੍ਗਲਂ ਠਿਤਕਂਯੇવ ਪਸ੍ਸਾવਂ ਕਰੋਨ੍ਤਂ ਦਿਸ੍વਾਪਿ ‘‘ਨਨੁ, ਆવੁਸੋ, ਨਿਸੀਦਿਤਬ੍ਬ’’ਨ੍ਤਿ વਦਤਿ, ਸੋ ਉਪੇਕ੍ਖਂ ਅਤਿਮਞ੍ਞਤਿ ਨਾਮ।
Upekkhā nātimaññitabbāti upekkhā na atikkamitabbā, kattabbā janetabbāti attho. Yo hi evarūpaṃ puggalaṃ ṭhitakaṃyeva passāvaṃ karontaṃ disvāpi ‘‘nanu, āvuso, nisīditabba’’nti vadati, so upekkhaṃ atimaññati nāma.
੪੦. વਚੀਸਂਹਾਰੋਤਿ વਚਨਸਞ੍ਚਾਰੋ। ਇਮੇਹਿ ਕਥਿਤਂ ਅਮੂਸਂ ਅਨ੍ਤਰਂ ਪવੇਸੇਯ੍ਯ, ਤੁਮ੍ਹੇ ਇਮੇਹਿ ਇਦਞ੍ਚਿਦਞ੍ਚ વੁਤ੍ਤਾਤਿ ਅਮੂਹਿ ਕਥਿਤਂ ਇਮੇਸਂ ਅਨ੍ਤਰਂ ਪવੇਸੇਯ੍ਯਾਤਿ ਅਤ੍ਥੋ। ਦਿਟ੍ਠਿਪਲ਼ਾਸੋਤਿਆਦੀਹਿ ਚਿਤ੍ਤਸ੍ਸ ਅਨਾਰਾਧਨਿਯਭਾવੋ ਕਥਿਤੋ। ਤਂ ਜਾਨਮਾਨੋ ਸਮਾਨੋ ਗਰਹੇਯ੍ਯਾਤਿ ਤਂ ਸਤ੍ਥਾ ਜਾਨਮਾਨੋ ਸਮਾਨੋ ਨਿਨ੍ਦੇਯ੍ਯ ਅਮ੍ਹੇਤਿ। ਏਤਂ ਪਨਾવੁਸੋ, ਧਮ੍ਮਨ੍ਤਿ ਏਤਂ ਕਲਹਭਣ੍ਡਨਧਮ੍ਮਂ।
40.Vacīsaṃhāroti vacanasañcāro. Imehi kathitaṃ amūsaṃ antaraṃ paveseyya, tumhe imehi idañcidañca vuttāti amūhi kathitaṃ imesaṃ antaraṃ paveseyyāti attho. Diṭṭhipaḷāsotiādīhi cittassa anārādhaniyabhāvo kathito. Taṃ jānamāno samāno garaheyyāti taṃ satthā jānamāno samāno nindeyya amheti. Etaṃpanāvuso, dhammanti etaṃ kalahabhaṇḍanadhammaṃ.
ਤਞ੍ਚੇਤਿ ਤਂ ਸਞ੍ਞਤ੍ਤਿਕਾਰਕਂ ਭਿਕ੍ਖੁਂ। ਏવਂ ਬ੍ਯਾਕਰੇਯ੍ਯਾਤਿ ਮਯਾ ਏਤੇ ਸੁਦ੍ਧਨ੍ਤੇ ਪਤਿਟ੍ਠਾਪਿਤਾਤਿ ਅવਤ੍વਾ ਯੇਨ ਕਾਰਣੇਨ ਸਞ੍ਞਤ੍ਤਿ ਕਤਾ, ਤਦੇવ ਦਸ੍ਸੇਨ੍ਤੋ ਏવਂ ਬ੍ਯਾਕਰੇਯ੍ਯ। ਤਾਹਂ ਧਮ੍ਮਂ ਸੁਤ੍વਾਤਿ ਏਤ੍ਥ ਧਮ੍ਮੋਤਿ ਸਾਰਣੀਯਧਮ੍ਮੋ ਅਧਿਪ੍ਪੇਤੋ। ਨ ਚੇવ ਅਤ੍ਤਾਨਨ੍ਤਿਆਦੀਸੁ ‘‘ਬ੍ਰਹ੍ਮਲੋਕਪ੍ਪਮਾਣੋ ਹੇਸ ਅਗ੍ਗਿ ਉਟ੍ਠਾਸਿ, ਕੋ ਏਤਮਞ੍ਞਤ੍ਰ ਮਯਾ ਨਿਬ੍ਬਾਪੇਤੁਂ ਸਮਤ੍ਥੋ’’ਤਿ ਹਿ વਦਨ੍ਤੋ ਅਤ੍ਤਾਨਂ ਉਕ੍ਕਂਸੇਤਿ ਨਾਮ। ‘‘ਏਤ੍ਤਕਾ ਜਨਾ વਿਚਰਨ੍ਤਿ, ਓਕਾਸੋ ਲਦ੍ਧੁਂ ਨ ਸਕ੍ਕਾ, ਏਕੋਪਿ ਏਤ੍ਤਕਮਤ੍ਤਂ ਨਿਬ੍ਬਾਪੇਤੁਂ ਸਮਤ੍ਥੋ ਨਾਮ ਨਤ੍ਥੀ’’ਤਿ વਦਮਾਨੋ ਪਰਂ વਮ੍ਭੇਤਿ ਨਾਮ। ਤਦੁਭਯਮ੍ਪੇਸ ਨ ਕਰੋਤਿ। ਧਮ੍ਮੋ ਪਨੇਤ੍ਥ ਸਮ੍ਮਾਸਮ੍ਬੁਦ੍ਧਸ੍ਸ ਬ੍ਯਾਕਰਣਂ, ਤੇਸਂ ਭਿਕ੍ਖੂਨਂ ਸਞ੍ਞਤ੍ਤਿਕਰਣਂ ਅਨੁਧਮ੍ਮੋ, ਤਦੇવ ਬ੍ਯਾਕਰੋਤਿ ਨਾਮ। ਨ ਚ ਕੋਚਿ ਸਹਧਮ੍ਮਿਕੋਤਿ ਅਞ੍ਞੋ ਚਸ੍ਸ ਕੋਚਿ ਸਹੇਤੁਕੋ ਪਰੇਹਿ વੁਤ੍ਤੋ વਾਦੋ વਾ ਅਨੁવਾਦੋ વਾ ਗਰਹਿਤਬ੍ਬਭਾવਂ ਆਗਚ੍ਛਨ੍ਤੋ ਨਾਮ ਨਤ੍ਥਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Tañceti taṃ saññattikārakaṃ bhikkhuṃ. Evaṃ byākareyyāti mayā ete suddhante patiṭṭhāpitāti avatvā yena kāraṇena saññatti katā, tadeva dassento evaṃ byākareyya. Tāhaṃ dhammaṃ sutvāti ettha dhammoti sāraṇīyadhammo adhippeto. Na ceva attānantiādīsu ‘‘brahmalokappamāṇo hesa aggi uṭṭhāsi, ko etamaññatra mayā nibbāpetuṃ samattho’’ti hi vadanto attānaṃ ukkaṃseti nāma. ‘‘Ettakā janā vicaranti, okāso laddhuṃ na sakkā, ekopi ettakamattaṃ nibbāpetuṃ samattho nāma natthī’’ti vadamāno paraṃ vambheti nāma. Tadubhayampesa na karoti. Dhammo panettha sammāsambuddhassa byākaraṇaṃ, tesaṃ bhikkhūnaṃ saññattikaraṇaṃ anudhammo, tadeva byākaroti nāma. Na ca koci sahadhammikoti añño cassa koci sahetuko parehi vutto vādo vā anuvādo vā garahitabbabhāvaṃ āgacchanto nāma natthi. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਕਿਨ੍ਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kintisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੩. ਕਿਨ੍ਤਿਸੁਤ੍ਤਂ • 3. Kintisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੩. ਕਿਨ੍ਤਿਸੁਤ੍ਤવਣ੍ਣਨਾ • 3. Kintisuttavaṇṇanā
