| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
гирияааб̣яаагад̇агат̇ааван̣н̣анаа
Kiriyābyākatakathāvaṇṇanā
568. буримаа бавад̇д̇ийд̇и махаагирияажид̇д̇аббавад̇д̇им̣ ааха. д̇ааяа хи кийн̣аасаво звам̣ бажжавзгкад̇и. д̇знзвааха ‘‘ид̣̇ам̣ бана жид̇д̇ам̣ вижааран̣абан̃н̃аарахид̇а’’нд̇и. званд̇и яат̇аа сод̇ад̣̇ваарз, звам̣ гхаанад̣̇ваараад̣̇ийсуби махаагирияажид̇д̇зхи д̇асмим̣ д̇асмим̣ висаяз ид̣̇амад̇т̇игад̇ааяа барижчиннааяа ид̣̇ам̣ жид̇д̇ам̣ вад̇д̇ад̇ийд̇и д̣̇ассзд̇и. бан̃жад̣̇ваараануг̇ад̇ам̣ худ̇ваа лаб̣бхамаананд̇и бан̃жад̣̇ваарз бавад̇д̇амахаагирияажид̇д̇аанам̣ бидтиваддагабхаавзна имасса жид̇д̇асса бавад̇д̇им̣ санд̇хааяа вуд̇д̇ам̣, бан̃жад̣̇ваарз зва ваа ид̣̇амзва бавад̇д̇анд̇и самб̣анд̇хо. ‘‘лолубба…бз… бхууд̇а’’нд̇и вуд̇д̇ад̇д̇аа бан̃жад̣̇ваарз батамам̣ иминаа жид̇д̇зна соманассид̇о худ̇ваа бажчаа махаагирияажид̇д̇зхи д̇ам̣ д̇ам̣ ад̇т̇ам̣ вижинод̇ийд̇и аяамад̇т̇о вуд̇д̇о вияа д̣̇иссад̇и. буб̣б̣зязва бана манод̣̇вааригажид̇д̇зна бад̇хаанасааруббадтаанаад̣̇им̣ барижчинд̣̇анд̇асса бан̃жад̣̇ваарз д̇аад̣̇исассзва д̇аад̣̇исзсу руубаад̣̇ийсу ид̣̇ам̣ жид̇д̇ам̣ бавад̇д̇ад̇ийд̇и вад̣̇анд̇и. аяамби ад̇т̇о бан̃жад̣̇ваарз зва бавад̇д̇ам̣ лолуббад̇ан̣хаабахаанаад̣̇ибажжавзгкан̣аахзд̇у яат̇аавуд̇д̇агааран̣абхууд̇ам̣ ж̇аад̇анд̇и звам̣ яож̇зд̇ваа саггаа вад̇д̇ум̣. зван̃жа сад̇и имасса жид̇д̇асса бажжаяабхууд̇аа буримаа бавад̇д̇ийд̇и ид̣̇амби важанам̣ самад̇т̇ид̇ам̣ ход̇и.
568. Purimā pavattīti mahākiriyacittappavattiṃ āha. Tāya hi khīṇāsavo evaṃ paccavekkhati. Tenevāha ‘‘idaṃ pana cittaṃ vicāraṇapaññārahita’’nti. Evanti yathā sotadvāre, evaṃ ghānadvārādīsupi mahākiriyacittehi tasmiṃ tasmiṃ visaye idamatthikatāya paricchinnāya idaṃ cittaṃ vattatīti dasseti. Pañcadvārānugataṃ hutvā labbhamānanti pañcadvāre pavattamahākiriyacittānaṃ piṭṭhivaṭṭakabhāvena imassa cittassa pavattiṃ sandhāya vuttaṃ, pañcadvāre eva vā idameva pavattanti sambandho. ‘‘Loluppa…pe… bhūta’’nti vuttattā pañcadvāre paṭhamaṃ iminā cittena somanassito hutvā pacchā mahākiriyacittehi taṃ taṃ atthaṃ vicinotīti ayamattho vutto viya dissati. Pubbeyeva pana manodvārikacittena padhānasāruppaṭṭhānādiṃ paricchindantassa pañcadvāre tādisasseva tādisesu rūpādīsu idaṃ cittaṃ pavattatīti vadanti. Ayampi attho pañcadvāre eva pavattaṃ loluppataṇhāpahānādipaccavekkhaṇāhetu yathāvuttakāraṇabhūtaṃ jātanti evaṃ yojetvā sakkā vattuṃ. Evañca sati imassa cittassa paccayabhūtā purimā pavattīti idampi vacanaṃ samatthitaṃ hoti.
зд̇т̇а жа бан̃жад̣̇ваарз иминаа жид̇д̇зна соманассуббаад̣̇анамад̇д̇ам̣ д̣̇адтаб̣б̣ам̣, на хаасуббаад̣̇анам̣ бан̃жад̣̇вааригажид̇д̇аанам̣ авин̃н̃ад̇д̇иж̇анагад̇д̇аа, манод̣̇ваарз бана хаасуббаад̣̇анам̣ ход̇и. д̇знзва хи адтагат̇ааяам̣ бан̃жад̣̇ваарз ‘‘соманассид̇о ход̇ий’’д̇и зд̇д̇агамзва вуд̇д̇ам̣, манод̣̇ваарз жа ‘‘хаасаяамаана’’нд̇и. иминаа хасид̇уббаад̣̇ажид̇д̇зна бавад̇д̇ияамаанамби бхаг̇авад̇о сид̇агаран̣ам̣ буб̣б̣зниваасаанааг̇ад̇ам̣сасаб̣б̣ан̃н̃уд̇ан̃н̃аан̣аанам̣ анувад̇д̇агад̇д̇аа н̃аан̣аанубаривад̇д̇иязваад̇и. звам̣ бана н̃аан̣аанубаривад̇д̇ибхаавз сад̇и на гожи баал̣иадтагат̇аанам̣ вирод̇хо, зван̃жа гад̇ваа адтагат̇ааяам̣ ‘‘д̇зсам̣ н̃аан̣аанам̣ жин̣н̣абарияанд̇з ид̣̇ам̣ жид̇д̇ам̣ уббаж̇ж̇ад̇ий’’д̇и вуд̇д̇ам̣. авассан̃жа зд̇ам̣ звам̣ ижчид̇аб̣б̣ам̣, ан̃н̃ат̇аа ааваж̇ж̇анажид̇д̇ассаби бхаг̇авад̇о бавад̇д̇и на яуж̇ж̇зяяа. д̇ассаби хи вин̃н̃ад̇д̇исамудтаабагабхаавасса нижчид̇ад̇д̇аа, на жа вин̃н̃ад̇д̇исамудтаабагад̇д̇з д̇ам̣самудтид̇ааяа вин̃н̃ад̇д̇ияаа гааяагаммаад̣̇ибхаавам̣ ааваж̇ж̇анабхааво виб̣анд̇хад̇ийд̇и.
Ettha ca pañcadvāre iminā cittena somanassuppādanamattaṃ daṭṭhabbaṃ, na hāsuppādanaṃ pañcadvārikacittānaṃ aviññattijanakattā, manodvāre pana hāsuppādanaṃ hoti. Teneva hi aṭṭhakathāyaṃ pañcadvāre ‘‘somanassito hotī’’ti ettakameva vuttaṃ, manodvāre ca ‘‘hāsayamāna’’nti. Iminā hasituppādacittena pavattiyamānampi bhagavato sitakaraṇaṃ pubbenivāsaanāgataṃsasabbaññutaññāṇānaṃ anuvattakattā ñāṇānuparivattiyevāti. Evaṃ pana ñāṇānuparivattibhāve sati na koci pāḷiaṭṭhakathānaṃ virodho, evañca katvā aṭṭhakathāyaṃ ‘‘tesaṃ ñāṇānaṃ ciṇṇapariyante idaṃ cittaṃ uppajjatī’’ti vuttaṃ. Avassañca etaṃ evaṃ icchitabbaṃ, aññathā āvajjanacittassapi bhagavato pavatti na yujjeyya. Tassapi hi viññattisamuṭṭhāpakabhāvassa nicchitattā, na ca viññattisamuṭṭhāpakatte taṃsamuṭṭhitāya viññattiyā kāyakammādibhāvaṃ āvajjanabhāvo vibandhatīti.
д̇ад̇о зваад̇и муулаабхаавзна на суббад̇идтид̇ад̇д̇аа зва. ‘‘ахзд̇угаанам̣ жхаанан̇г̇аани б̣алаани жаа’’д̇и самбин̣д̣анад̇т̇о жхаанан̇г̇аани жаад̇и жа-сад̣̇д̣̇о. яад̣̇и абарибун̣н̣ад̇д̇аа б̣алабхаавасса имасмим̣ ахзд̇угад̣̇ваяз б̣алаани ануд̣̇д̣̇идтаани асан̇г̇ахид̇аани жа, ат̇а гасмаа нид̣̇д̣̇идтаанийд̇и ааха ‘‘яасмаа банаа’’д̇иаад̣̇и. саммаа нияяаанигасабхааваанам̣ гусалаанам̣ бадибхааг̇абхууд̇о вибаагоби палам̣ вияа д̇ам̣сабхааво сияаад̇и сахзд̇угавибаагажид̇д̇аани аг̇г̇ахзд̇ваа гирияажид̇д̇агад̇ад̇д̇аа ваа ‘‘махаагирияажид̇д̇зсуу’’д̇и вуд̇д̇ам̣. ат̇а ваа махаагирияажид̇д̇зсужаад̇и жа-сад̣̇д̣̇зна сахзд̇угавибаагажид̇д̇ааниби г̇ахид̇аанийд̇и взд̣̇ид̇аб̣б̣аани.
Tato evāti mūlābhāvena na suppatiṭṭhitattā eva. ‘‘Ahetukānaṃ jhānaṅgāni balāni cā’’ti sampiṇḍanattho jhānaṅgāni cāti ca-saddo. Yadi aparipuṇṇattā balabhāvassa imasmiṃ ahetukadvaye balāni anuddiṭṭhāni asaṅgahitāni ca, atha kasmā niddiṭṭhānīti āha ‘‘yasmā panā’’tiādi. Sammā niyyānikasabhāvānaṃ kusalānaṃ paṭibhāgabhūto vipākopi phalaṃ viya taṃsabhāvo siyāti sahetukavipākacittāni aggahetvā kiriyacittakatattā vā ‘‘mahākiriyacittesū’’ti vuttaṃ. Atha vā mahākiriyacittesucāti ca-saddena sahetukavipākacittānipi gahitānīti veditabbāni.
574. ‘‘инд̣̇рияа …бз… имассаананд̇арам̣ уббаж̇ж̇амаанааний’’д̇и вуд̇д̇ам̣ д̇зсам̣ н̃аан̣аанам̣ гаамааважарад̇д̇аа. ид̇арзсам̣ махаг̇г̇ад̇ад̇д̇аа ‘‘баригаммаананд̇арааний’’д̇и вуд̇д̇ам̣.
574. ‘‘Indriya…pe… imassānantaraṃ uppajjamānānī’’ti vuttaṃ tesaṃ ñāṇānaṃ kāmāvacarattā. Itaresaṃ mahaggatattā ‘‘parikammānantarānī’’ti vuttaṃ.
577. аахид̇о ахам̣ маано зд̇т̇аад̇и ад̇д̇аа, со зва бхавад̇и уббаж̇ж̇ад̇и, на барабаригаббид̇о вияа нижжод̇и ад̇д̇абхааво. ад̇д̇аад̇и ваа д̣̇идтиг̇ад̇игзхи г̇ахзд̇аб̣б̣аагаарзна бхавад̇и бавад̇д̇ад̇ийд̇и ад̇д̇абхааво.
577. Āhito ahaṃ māno etthāti attā, so eva bhavati uppajjati, na paraparikappito viya niccoti attabhāvo. Attāti vā diṭṭhigatikehi gahetabbākārena bhavati pavattatīti attabhāvo.
гирияааб̣яаагад̇агат̇ааван̣н̣анаа нидтид̇аа.
Kiriyābyākatakathāvaṇṇanā niṭṭhitā.
жид̇д̇уббаад̣̇аган̣д̣аван̣н̣анаа нидтид̇аа.
Cittuppādakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / ахзд̇угагирияаааб̣яаагад̇ам̣ • Ahetukakiriyāabyākataṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā
гирияамановин̃н̃аан̣ад̇хаад̇ужид̇д̇аани • Kiriyamanoviññāṇadhātucittāni
руубааважарааруубааважарагирияам̣ • Rūpāvacarārūpāvacarakiriyaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā
гирияамановин̃н̃аан̣ад̇хаад̇ужид̇д̇аван̣н̣анаа • Kiriyamanoviññāṇadhātucittavaṇṇanā
руубааважарааруубааважарагирияажид̇д̇аван̣н̣анаа • Rūpāvacarārūpāvacarakiriyacittavaṇṇanā
