| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
гирияамановин̃н̃аан̣ад̇хаад̇ужид̇д̇аван̣н̣анаа
Kiriyamanoviññāṇadhātucittavaṇṇanā
568. лолуббад̇ан̣хаа бахийнаад̇и имасса жид̇д̇асса бажжаяабхууд̇аа буримаа бавад̇д̇и д̣̇ассид̇аа. ид̣̇ам̣ бана жид̇д̇ам̣ вижааран̣абан̃н̃аарахид̇анд̇и гзвалам̣ соманассамад̇д̇ам̣ уббаад̣̇знд̇асса ход̇ийд̇и. звам̣ жзд̇ияабууж̇аад̣̇ийсуби д̣̇адтаб̣б̣ам̣. вад̇д̇ам̣ гаронд̇од̇и ид̣̇ам̣ вад̇д̇ам̣ гаронд̇асса подтаб̣б̣аарамман̣з гааяад̣̇вааражид̇д̇аббавад̇д̇им̣ санд̇хааяа вуд̇д̇ам̣. бан̃жад̣̇ваараануг̇ад̇ам̣ худ̇ваа лаб̣бхамаанам̣ санд̇хааяа бан̃жад̣̇ваарз зва ваа лолуббад̇ан̣хаабахаанаад̣̇ибажжавзгкан̣ахзд̇убхууд̇ам̣ ид̣̇амзва бавад̇д̇им̣ санд̇хааяа д̇ад̇т̇а д̇ад̇т̇а ‘‘иминаа жид̇д̇зна соманассид̇о ход̇ий’’д̇и вуд̇д̇анд̇и ‘‘звам̣ д̇аава бан̃жад̣̇ваарз лаб̣бхад̇ий’’д̇и ааха. ад̇ийд̇ам̣саад̣̇ийсу аббадихад̇ам̣ н̃аан̣ам̣ вад̇ваа ‘‘имзхи д̇ийхи д̇хаммзхи саманнааг̇ад̇асса б̣уд̣̇д̇хасса бхаг̇авад̇о саб̣б̣ам̣ гааяагаммам̣ н̃аан̣аанубаривад̇д̇ий’’д̇иаад̣̇иважанад̇о (махаани. 156 ад̇т̇ад̇о самаанам̣) ‘‘бхаг̇авад̇о ид̣̇ам̣ уббаж̇ж̇ад̇ий’’д̇и вуд̇д̇аважанам̣ вижаарзд̇аб̣б̣ам̣. ахзд̇угасса муулаабхаавзна суббад̇идтид̇ад̇аа над̇т̇ийд̇и б̣алабхааво абарибун̣н̣о, д̇асмаа уд̣̇д̣̇зсаваарз ‘‘самаад̇хиб̣алам̣ ход̇и, вийрияаб̣алам̣ ход̇ий’’д̇и на вуд̇д̇ам̣. д̇ад̇о зва хи ахзд̇угаанам̣ сан̇г̇ахаваарз жхаанан̇г̇аани жа на уд̣̇д̇хадаани. д̇знзва имасмимби ахзд̇угад̣̇ваяз б̣алаани ануд̣̇д̣̇зсаасан̇г̇ахид̇аани. яасмаа бана вийрияасса виж̇ж̇амаанад̇д̇аа сзсаахзд̇угзхи б̣алавам̣, яасмаа жа зд̇т̇а вид̇аггаад̣̇ийнам̣ жхаанабажжаяамад̇д̇ад̇аа вияа самаад̇хивийрияаанам̣ б̣аламад̇д̇ад̇аа ад̇т̇и, д̇асмаа нид̣̇д̣̇зсаваарз ‘‘самаад̇хиб̣алам̣ вийрияаб̣ала’’нд̇и вад̇ваа табид̇ам̣. яасмаа бана нзва гусалам̣ наагусалам̣, д̇асмаа саммаасамаад̇хи мижчаасамаад̇хийд̇и, саммаавааяаамо мижчаавааяаамод̇и жа на вуд̇д̇анд̇и ад̇хиббааяо. звам̣ сад̇и махаагирияажид̇д̇зсу жа зд̇ам̣ на вад̇д̇аб̣б̣ам̣ сияаа, вуд̇д̇ан̃жа, д̇асмаа саммаа, мижчаа ваа нияяаанигасабхааваабхаавад̇о маг̇г̇абажжаяабхаавам̣ аббад̇д̇аа самаад̇хивааяаамаа ид̇ха д̇ат̇аа на вуд̇д̇аад̇и д̣̇адтаб̣б̣аа.
568. Loluppataṇhā pahīnāti imassa cittassa paccayabhūtā purimā pavatti dassitā. Idaṃ pana cittaṃ vicāraṇapaññārahitanti kevalaṃ somanassamattaṃ uppādentassa hotīti. Evaṃ cetiyapūjādīsupi daṭṭhabbaṃ. Vattaṃ karontoti idaṃ vattaṃ karontassa phoṭṭhabbārammaṇe kāyadvāracittappavattiṃ sandhāya vuttaṃ. Pañcadvārānugataṃ hutvā labbhamānaṃ sandhāya pañcadvāre eva vā loluppataṇhāpahānādipaccavekkhaṇahetubhūtaṃ idameva pavattiṃ sandhāya tattha tattha ‘‘iminā cittena somanassito hotī’’ti vuttanti ‘‘evaṃ tāva pañcadvāre labbhatī’’ti āha. Atītaṃsādīsu appaṭihataṃ ñāṇaṃ vatvā ‘‘imehi tīhi dhammehi samannāgatassa buddhassa bhagavato sabbaṃ kāyakammaṃ ñāṇānuparivattī’’tiādivacanato (mahāni. 156 atthato samānaṃ) ‘‘bhagavato idaṃ uppajjatī’’ti vuttavacanaṃ vicāretabbaṃ. Ahetukassa mūlābhāvena suppatiṭṭhitatā natthīti balabhāvo aparipuṇṇo, tasmā uddesavāre ‘‘samādhibalaṃ hoti, vīriyabalaṃ hotī’’ti na vuttaṃ. Tato eva hi ahetukānaṃ saṅgahavāre jhānaṅgāni ca na uddhaṭāni. Teneva imasmimpi ahetukadvaye balāni anuddesāsaṅgahitāni. Yasmā pana vīriyassa vijjamānattā sesāhetukehi balavaṃ, yasmā ca ettha vitakkādīnaṃ jhānapaccayamattatā viya samādhivīriyānaṃ balamattatā atthi, tasmā niddesavāre ‘‘samādhibalaṃ vīriyabala’’nti vatvā ṭhapitaṃ. Yasmā pana neva kusalaṃ nākusalaṃ, tasmā sammāsamādhi micchāsamādhīti, sammāvāyāmo micchāvāyāmoti ca na vuttanti adhippāyo. Evaṃ sati mahākiriyacittesu ca etaṃ na vattabbaṃ siyā, vuttañca, tasmā sammā, micchā vā niyyānikasabhāvābhāvato maggapaccayabhāvaṃ appattā samādhivāyāmā idha tathā na vuttāti daṭṭhabbā.
574. инд̣̇рияабаробарияад̇д̇ааасаяаанусаяасаб̣б̣ан̃н̃уд̇аанааваран̣ан̃аан̣аани имассаананд̇арам̣ уббаж̇ж̇амаанаани яамагабаадихаарияамахаагарун̣аасамаабад̇д̇ин̃аан̣аани жа имасса ананд̇арам̣ уббаннабаригаммаананд̇араани иминаа ааваж̇ж̇ид̇аарамман̣зязва бавад̇д̇анд̇ийд̇и ааха ‘‘ча…бз… г̇ан̣ханд̇ий’’д̇и. махаависаяад̇д̇аа махааг̇аж̇о вияа маханд̇анд̇и махааг̇аж̇ам̣.
574. Indriyaparopariyattaāsayānusayasabbaññutānāvaraṇañāṇāni imassānantaraṃ uppajjamānāni yamakapāṭihāriyamahākaruṇāsamāpattiñāṇāni ca imassa anantaraṃ uppannaparikammānantarāni iminā āvajjitārammaṇeyeva pavattantīti āha ‘‘cha…pe… gaṇhantī’’ti. Mahāvisayattā mahāgajo viya mahantanti mahāgajaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / ахзд̇угагирияаааб̣яаагад̇ам̣ • Ahetukakiriyāabyākataṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / гирияамановин̃н̃аан̣ад̇хаад̇ужид̇д̇аани • Kiriyamanoviññāṇadhātucittāni
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / гирияааб̣яаагад̇агат̇ааван̣н̣анаа • Kiriyābyākatakathāvaṇṇanā
