| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. гисааг̇од̇амийсуд̇д̇ам̣
3. Kisāgotamīsuttaṃ
164. саавад̇т̇инид̣̇аанам̣. ат̇а ко гисааг̇од̇амий бхигкуний буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна анд̇хаванам̣ д̇знубасан̇гами , д̣̇иваавихаарааяа. анд̇хаванам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ат̇а ко мааро баабимаа гисааг̇од̇амияаа бхигкунияаа бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо самаад̇химхаа жаавзд̇угаамо язна гисааг̇од̇амий бхигкуний д̇знубасан̇гами; убасан̇гамид̇ваа гисааг̇од̇амим̣ бхигкуним̣ г̇аат̇ааяа аж̇жхабхааси –
164. Sāvatthinidānaṃ. Atha kho kisāgotamī bhikkhunī pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena andhavanaṃ tenupasaṅkami , divāvihārāya. Andhavanaṃ ajjhogāhetvā aññatarasmiṃ rukkhamūle divāvihāraṃ nisīdi. Atha kho māro pāpimā kisāgotamiyā bhikkhuniyā bhayaṃ chambhitattaṃ lomahaṃsaṃ uppādetukāmo samādhimhā cāvetukāmo yena kisāgotamī bhikkhunī tenupasaṅkami; upasaṅkamitvā kisāgotamiṃ bhikkhuniṃ gāthāya ajjhabhāsi –
‘‘гим̣ ну д̇вам̣ мад̇абуд̇д̇аава, згамааси руд̣̇аммукий;
‘‘Kiṃ nu tvaṃ mataputtāva, ekamāsi rudammukhī;
ванамаж̇жхаг̇ад̇аа згаа, бурисам̣ ну г̇авзсасий’’д̇и.
Vanamajjhagatā ekā, purisaṃ nu gavesasī’’ti.
ат̇а ко гисааг̇од̇амияаа бхигкунияаа зд̇ад̣̇ахоси – ‘‘го ну квааяам̣ мануссо ваа амануссо ваа г̇аат̇ам̣ бхаасад̇ий’’д̇и? ат̇а ко гисааг̇од̇амияаа бхигкунияаа зд̇ад̣̇ахоси – ‘‘мааро ко аяам̣ баабимаа мама бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо самаад̇химхаа жаавзд̇угаамо г̇аат̇ам̣ бхаасад̇ий’’д̇и.
Atha kho kisāgotamiyā bhikkhuniyā etadahosi – ‘‘ko nu khvāyaṃ manusso vā amanusso vā gāthaṃ bhāsatī’’ti? Atha kho kisāgotamiyā bhikkhuniyā etadahosi – ‘‘māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatī’’ti.
ат̇а ко гисааг̇од̇амий бхигкуний ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи бажжабхааси –
Atha kho kisāgotamī bhikkhunī ‘‘māro ayaṃ pāpimā’’ iti viditvā māraṃ pāpimantaṃ gāthāhi paccabhāsi –
‘‘ажжанд̇ам̣ мад̇абуд̇д̇аамхи, бурисаа зд̇ад̣̇анд̇игаа;
‘‘Accantaṃ mataputtāmhi, purisā etadantikā;
на сожаами на род̣̇аами, на д̇ам̣ бхааяаами аавусо.
Na socāmi na rodāmi, na taṃ bhāyāmi āvuso.
‘‘саб̣б̣ад̇т̇а вихад̇аа нанд̣̇ий, д̇амогканд̇хо бад̣̇аалид̇о;
‘‘Sabbattha vihatā nandī, tamokkhandho padālito;
ж̇зд̇ваана мажжуно 1 сзнам̣, вихараами анаасаваа’’д̇и.
Jetvāna maccuno 2 senaṃ, viharāmi anāsavā’’ti.
ат̇а ко мааро баабимаа ‘‘ж̇аанаад̇и мам̣ гисааг̇од̇амий бхигкуний’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ kisāgotamī bhikkhunī’’ti dukkhī dummano tatthevantaradhāyīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гисааг̇од̇амийсуд̇д̇аван̣н̣анаа • 3. Kisāgotamīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гисааг̇од̇амийсуд̇д̇аван̣н̣анаа • 3. Kisāgotamīsuttavaṇṇanā
