| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. гисааг̇од̇амийсуд̇д̇аван̣н̣анаа
3. Kisāgotamīsuttavaṇṇanā
164. ‘‘гисааг̇од̇амий’’д̇и зд̇т̇а гаа банааяам̣ гисааг̇од̇амий, гисса аяам̣ бхигкуний худ̇ваа саман̣ад̇хаммам̣ мад̇т̇агам̣ баабзсийд̇и д̇амад̇т̇ам̣ вибхаавзд̇ум̣ ‘‘буб̣б̣з гираа’’д̇иаад̣̇имаарад̣̇д̇хам̣. ан̇г̇аарааваад̇и ад̣̇д̣̇ааридтагаван̣н̣аан̇г̇аараа зва ж̇аад̇аа. д̣̇аарусааганд̇и ад̣̇д̇хамаасагзна д̣̇аарум̣ сааган̃жа аахариссаамийд̇и анд̇араабан̣з анд̇аравийт̇им̣ г̇ад̇аа.
164. ‘‘Kisāgotamī’’ti ettha kā panāyaṃ kisāgotamī, kissa ayaṃ bhikkhunī hutvā samaṇadhammaṃ matthakaṃ pāpesīti tamatthaṃ vibhāvetuṃ ‘‘pubbe kirā’’tiādimāraddhaṃ. Aṅgārāvāti addāriṭṭhakavaṇṇaaṅgārā eva jātā. Dārusākanti addhamāsakena dāruṃ sākañca āharissāmīti antarāpaṇe antaravīthiṃ gatā.
сид̣̇д̇хад̇т̇аганд̇и саасабам̣. саалааяанд̇и анаат̇асаалааяам̣. кураг̇г̇зязваад̇и курасикз зва, гзсороханагкан̣з зваад̇и ад̇т̇о.
Siddhatthakanti sāsapaṃ. Sālāyanti anāthasālāyaṃ. Khuraggeyevāti khurasikhe eva, kesorohanakkhaṇe evāti attho.
згамаасийд̇и зд̇т̇а ма-гааро бад̣̇асанд̇хигаро. сам̣хид̇аавасзна жа буримабад̣̇з ваа рассад̇д̇ам̣. барабад̣̇з ваа д̣̇ийгхад̇д̇анд̇и ааха ‘‘згаа аасий’’д̇и. бхааванабум̣сагамзд̇ам̣ ‘‘згаманд̇ам̣ нисийд̣̇ий’’д̇иаад̣̇ийсу вияа. буд̇д̇амаран̣ам̣ анд̇ам̣ ад̇ийд̇ам̣ ид̣̇аани буд̇д̇амаран̣асса абхаавад̇о. д̇знзвааха ‘‘буд̇д̇амаран̣ам̣ наама над̇т̇ий’’д̇и. бурисам̣ г̇авзсид̇унд̇и яат̇аа маяхам̣ бурисаг̇авзсанаа наама саб̣б̣асо над̇т̇и, д̇ат̇аа зва буд̇д̇аг̇авзсанааби над̇т̇и, д̇асмаа мз буд̇д̇амаран̣ам̣ зд̇ад̣̇анд̇ам̣, саб̣б̣зсу канд̇хаад̣̇ийсу бхаваад̣̇ийсу жа д̇ан̣хаананд̣̇ияаа абхаавагат̇анзна саб̣б̣асад̇д̇зсу д̇ан̣хаа саб̣б̣асо висосид̇аа, д̇ассааязва гаарагаавиж̇ж̇аагканд̇хо бад̣̇аалид̇од̇и ад̇д̇ано ниггилзсад̇ам̣ бавзд̣̇знд̇ий т̇зрий сийханаад̣̇ам̣ над̣̇ийд̇и.
Ekamāsīti ettha ma-kāro padasandhikaro. Saṃhitāvasena ca purimapade vā rassattaṃ. Parapade vā dīghattanti āha ‘‘ekā āsī’’ti. Bhāvanapuṃsakametaṃ ‘‘ekamantaṃ nisīdī’’tiādīsu viya. Puttamaraṇaṃ antaṃ atītaṃ idāni puttamaraṇassa abhāvato. Tenevāha ‘‘puttamaraṇaṃ nāma natthī’’ti. Purisaṃ gavesitunti yathā mayhaṃ purisagavesanā nāma sabbaso natthi, tathā eva puttagavesanāpi natthi, tasmā me puttamaraṇaṃ etadantaṃ, sabbesu khandhādīsu bhavādīsu ca taṇhānandiyā abhāvakathanena sabbasattesu taṇhā sabbaso visositā, tassāyeva kārakaavijjākkhandho padālitoti attano nikkilesataṃ pavedentī therī sīhanādaṃ nadīti.
гисааг̇од̇амийсуд̇д̇аван̣н̣анаа нидтид̇аа.
Kisāgotamīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гисааг̇од̇амийсуд̇д̇ам̣ • 3. Kisāgotamīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гисааг̇од̇амийсуд̇д̇аван̣н̣анаа • 3. Kisāgotamīsuttavaṇṇanā
