| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
6. гисалаяабууж̇агад̇т̇зраабад̣̇аанам̣
6. Kisalayapūjakattheraapadānaṃ
28.
28.
‘‘наг̇арз д̣̇вааравад̇ияаа, маалааважчо мамам̣ аху;
‘‘Nagare dvāravatiyā, mālāvaccho mamaṃ ahu;
уд̣̇абаано жа д̇ад̇т̇зва, баад̣̇абаанам̣ вирохано.
Udapāno ca tattheva, pādapānaṃ virohano.
29.
29.
‘‘саб̣алзна убад̇т̇ад̣̇д̇хо, сид̣̇д̇хад̇т̇о абарааж̇ид̇о;
‘‘Sabalena upatthaddho, siddhattho aparājito;
мамаанугамбамаано со, г̇ажчад̇з анилан̃ж̇асз.
Mamānukampamāno so, gacchate anilañjase.
30.
30.
‘‘ан̃н̃ам̣ гин̃жи на бассаами, бууж̇ааяог̇г̇ам̣ махзсино;
‘‘Aññaṃ kiñci na passāmi, pūjāyoggaṃ mahesino;
асогам̣ баллавам̣ д̣̇исваа, аагаасз угкибим̣ ахам̣.
Asokaṃ pallavaṃ disvā, ākāse ukkhipiṃ ahaṃ.
31.
31.
‘‘б̣уд̣̇д̇хасса д̇з гисалаяаа, г̇ажчад̇о яанд̇и бажчад̇о;
‘‘Buddhassa te kisalayā, gacchato yanti pacchato;
д̇аахам̣ д̣̇исваана сам̣виж̇им̣ 1, ахо б̣уд̣̇д̇хассул̣аарад̇аа.
Tāhaṃ disvāna saṃvijiṃ 2, aho buddhassuḷāratā.
32.
32.
‘‘жад̇уннавуд̇ид̇о габбз, баллавам̣ абхиробаяим̣;
‘‘Catunnavutito kappe, pallavaṃ abhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
33.
33.
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
34.
34.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа гисалаяабууж̇аго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā kisalayapūjako thero imā gāthāyo abhāsitthāti.
гисалаяабууж̇агад̇т̇зрассаабад̣̇аанам̣ чадтам̣.
Kisalayapūjakattherassāpadānaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1-10. д̇амаалабубпияад̇т̇зраабад̣̇аанаад̣̇иван̣н̣анаа • 1-10. Tamālapupphiyattheraapadānādivaṇṇanā
