| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. гийдааг̇ирисуд̇д̇аван̣н̣анаа
10. Kīṭāgirisuttavaṇṇanā
174. бан̃жа аанисам̣сзд̇и аббааб̣аад̇хад̇аад̣̇игз бан̃жа г̇ун̣з. д̇ад̇т̇а агкирог̇агужчирог̇аад̣̇ийнам̣ абхааво аббааб̣аад̇хад̇аа. сарийрз д̇зсам̣ губбанад̣̇угкасса абхааво аббаад̇ан̇гам̣. сарийрасса удтаанасукад̇аа лахудтаанам̣. б̣алам̣ наама гааяаб̣алам̣. паасувихааро ирияаабат̇асукад̇аа. анубагканд̣̇аанийд̇и д̣̇ужжаж̇анавасзна сад̇д̇аанам̣ анубавидтаани. сан̃ж̇ааниссат̇аад̇и зд̇т̇а ид̇и-сад̣̇д̣̇о аад̣̇иад̇т̇о, д̇асмаа ид̇и звам̣ аанисам̣санд̇и ад̇т̇о.
174.Pañcaānisaṃseti appābādhatādike pañca guṇe. Tattha akkhirogakucchirogādīnaṃ abhāvo appābādhatā. Sarīre tesaṃ kuppanadukkhassa abhāvo appātaṅkaṃ. Sarīrassa uṭṭhānasukhatā lahuṭṭhānaṃ. Balaṃ nāma kāyabalaṃ. Phāsuvihāro iriyāpathasukhatā. Anupakkhandānīti duccajanavasena sattānaṃ anupaviṭṭhāni. Sañjānissathāti ettha iti-saddo ādiattho, tasmā iti evaṃ ānisaṃsanti attho.
175. ааваасз нияуд̇д̇аад̇и ааваасигаа д̇асса анад̇ивад̇д̇анад̇о. д̇знааха ‘‘ниб̣ад̣̇д̇хаваасино’’д̇и, нияад̇аваасинод̇и ад̇т̇о. д̇анниб̣анд̇хаад̇и ниб̣анд̇хам̣ вужжад̇и б̣яаабааро, д̇ад̇т̇а б̣анд̇хаа басуд̇аа уссугаад̇и д̇анниб̣анд̇хаа. гат̇ам̣ д̇з д̇ад̇т̇а ниб̣анд̇хаад̇и ааха ‘‘агад̇ам̣ сзнаасана’’нд̇иаад̣̇и. уббаж̇ж̇анагзна гаалзна бад̇д̇аб̣б̣ам̣ гаалигам̣ со бана гаало анааг̇ад̇о зва ход̇ийд̇и ааха ‘‘анааг̇ад̇з гаалз бад̇д̇аб̣б̣а’’нд̇и.
175. Āvāse niyuttāti āvāsikā tassa anativattanato. Tenāha ‘‘nibaddhavāsino’’ti, niyatavāsinoti attho. Tannibandhāti nibandhaṃ vuccati byāpāro, tattha bandhā pasutā ussukāti tannibandhā. Kathaṃ te tattha nibandhāti āha ‘‘akataṃ senāsana’’ntiādi. Uppajjanakena kālena pattabbaṃ kālikaṃ so pana kālo anāgato eva hotīti āha ‘‘anāgate kāle pattabba’’nti.
178. зд̇д̇агаа взд̣̇анаа сзвид̇аб̣б̣аад̇и адтаарасаби нзгкамманиссид̇аа взд̣̇анаа сзвид̇аб̣б̣аа, г̇зхассид̇аа на сзвид̇б̣б̣аа.
178.Ettakā vedanā sevitabbāti aṭṭhārasapi nekkhammanissitā vedanā sevitabbā, gehassitā na sevitbbā.
181. д̇ам̣ гад̇ам̣ сол̣асавид̇хассаби гижжасса нидтид̇ад̇д̇аа. ануломигаанийд̇и уд̇усукабхаавзна ануруубаани. д̇знааха ‘‘гаммадтаанасаббааяааний’’д̇и. самаанам̣ гурумаанаад̇и омад̇д̇ад̇ам̣ ад̇химад̇д̇ад̇ан̃жа бахааяа самагижжад̇ам̣ самбаад̣̇знд̇аа.
181.Taṃ kataṃ soḷasavidhassapi kiccassa niṭṭhitattā. Anulomikānīti utusukhabhāvena anurūpāni. Tenāha ‘‘kammaṭṭhānasappāyānī’’ti. Samānaṃ kurumānāti omattataṃ adhimattatañca pahāya samakiccataṃ sampādentā.
182. д̇з д̣̇вз хонд̇ийд̇и д̇з аад̣̇ид̇о вуд̇д̇аа д̣̇вз.
182.Te dve hontīti te ādito vuttā dve.
убхад̇о (а. ни. дий. 3.7.14) убхаяат̇аа убхохи бхааг̇зхи вимуд̇д̇од̇и убхад̇обхааг̇авимуд̇д̇о згад̣̇зсасаруубзгасзсанаязна. д̇ат̇аа хи вуд̇д̇ам̣ абхид̇хаммадтагат̇ааяам̣ (бу. ба. адта. 24) ‘‘д̣̇вийхи бхааг̇зхи д̣̇вз ваарз вимуд̇д̇од̇и убхад̇обхааг̇авимуд̇д̇о’’д̇и. д̇ад̇т̇а гзжи д̇аава т̇зраа – ‘‘самаабад̇д̇ияаа вигкамбханавимогкзна, маг̇г̇зна самужчзд̣̇авимогкзна вимуд̇д̇од̇и убхад̇обхааг̇авимуд̇д̇о’’д̇и вад̣̇анд̇и. ан̃н̃з т̇зраа – ‘‘аяам̣ убхад̇обхааг̇авимуд̇д̇о руубад̇о мужжид̇ваа наамам̣ ниссааяа тид̇о буна д̇ад̇о мужжанад̇о нааманиссид̇аго’’д̇и вад̇ваа д̇асса жа саад̇хагам̣ –
Ubhato (a. ni. ṭī. 3.7.14) ubhayathā ubhohi bhāgehi vimuttoti ubhatobhāgavimutto ekadesasarūpekasesanayena. Tathā hi vuttaṃ abhidhammaṭṭhakathāyaṃ (pu. pa. aṭṭha. 24) ‘‘dvīhi bhāgehi dve vāre vimuttoti ubhatobhāgavimutto’’ti. Tattha keci tāva therā – ‘‘samāpattiyā vikkhambhanavimokkhena, maggena samucchedavimokkhena vimuttoti ubhatobhāgavimutto’’ti vadanti. Aññe therā – ‘‘ayaṃ ubhatobhāgavimutto rūpato muccitvā nāmaṃ nissāya ṭhito puna tato muccanato nāmanissitako’’ti vatvā tassa ca sādhakaṃ –
‘‘ажжи яат̇аа ваад̇авзг̇зна кид̇д̇аа, (убасиваад̇и бхаг̇аваа,)
‘‘Acci yathā vātavegena khittā, (upasivāti bhagavā,)
ад̇т̇ам̣ балзд̇и на убзд̇и сан̇кам̣;
Atthaṃ paleti na upeti saṅkhaṃ;
звам̣ муни наамагааяаа вимуд̇д̇о,
Evaṃ muni nāmakāyā vimutto,
ад̇т̇ам̣ балзд̇и на убзд̇и сан̇ка’’нд̇и. (су. ни. 1080; жуул̣ани. убасийвамаан̣авабужчаа 11; убасийвамаан̣авабужчаанид̣̇д̣̇зса 43) –
Atthaṃ paleti na upeti saṅkha’’nti. (su. ni. 1080; cūḷani. upasīvamāṇavapucchā 11; upasīvamāṇavapucchāniddesa 43) –
имам̣ суд̇д̇абад̣̇ам̣ вад̇ваа ‘‘наамагааяад̇о жа руубагааяад̇о жа сувимуд̇д̇ад̇д̇аа убхад̇обхааг̇авимуд̇д̇о’’д̇и вад̣̇анд̇и. суд̇д̇з хи аагин̃жан̃н̃ааяад̇аналаабхино убасиваб̣раахман̣асса бхаг̇авад̇аа наамагааяаа вимуд̇д̇од̇и убхад̇обхааг̇авимуд̇д̇од̇и агкаад̇од̇и. абарз бана ‘‘самаабад̇д̇ияаа вигкамбханавимогкзна згаваарам̣ вимуд̇д̇о, маг̇г̇зна самужчзд̣̇авимогкзна згаваарам̣ вимуд̇д̇од̇и звам̣ убхад̇обхааг̇авимуд̇д̇о’’д̇и вад̣̇анд̇и. зд̇т̇а батамаваад̣̇з д̣̇вийхи бхааг̇зхи вимуд̇д̇од̇и убхад̇обхааг̇авимуд̇д̇о. д̣̇уд̇ияаваад̣̇з убхад̇обхааг̇ад̇о вимуд̇д̇од̇и убхад̇обхааг̇авимуд̇д̇о. д̇ад̇ияаваад̣̇з бана д̣̇вийхи бхааг̇зхи д̣̇вз ваарз вимуд̇д̇од̇и аяамзд̇зсам̣ висзсо. гилзсзхи вимуд̇д̇о гилзсаа ваа вигкамбханасамужчзд̣̇зхи гааяад̣̇ваяад̇о вимуд̇д̇аа ассаад̇и аяамад̇т̇о д̣̇адтаб̣б̣о. д̇знааха ‘‘д̣̇вийхи бхааг̇зхий’’д̇иаад̣̇и.
Imaṃ suttapadaṃ vatvā ‘‘nāmakāyato ca rūpakāyato ca suvimuttattā ubhatobhāgavimutto’’ti vadanti. Sutte hi ākiñcaññāyatanalābhino upasivabrāhmaṇassa bhagavatā nāmakāyā vimuttoti ubhatobhāgavimuttoti akkhātoti. Apare pana ‘‘samāpattiyā vikkhambhanavimokkhena ekavāraṃ vimutto, maggena samucchedavimokkhena ekavāraṃ vimuttoti evaṃ ubhatobhāgavimutto’’ti vadanti. Ettha paṭhamavāde dvīhi bhāgehi vimuttoti ubhatobhāgavimutto. Dutiyavāde ubhatobhāgato vimuttoti ubhatobhāgavimutto. Tatiyavāde pana dvīhi bhāgehi dve vāre vimuttoti ayametesaṃ viseso. Kilesehi vimutto kilesā vā vikkhambhanasamucchedehi kāyadvayato vimuttā assāti ayamattho daṭṭhabbo. Tenāha ‘‘dvīhi bhāgehī’’tiādi.
сод̇и убхад̇обхааг̇авимуд̇д̇о. гааман̃жзд̇т̇а руубааважаражад̇уд̇т̇аж̇жхаанамби аруубааважараж̇жхаанам̣ вияа д̣̇уван̇г̇игам̣ аанзн̃ж̇аббад̇д̇анд̇и вужжад̇и. д̇ам̣ бана бад̣̇адтаанам̣ гад̇ваа арахад̇д̇ам̣ бад̇д̇о убхад̇обхааг̇авимуд̇д̇о наама на ход̇и руубагааяад̇о авимуд̇д̇ад̇д̇аа. д̇ан̃хи гилзсагааяад̇ова вимуд̇д̇ам̣, на руубагааяад̇о, д̇асмаа д̇ад̇о вудтааяа арахад̇д̇ам̣ бад̇д̇о убхад̇обхааг̇авимуд̇д̇о на ход̇ийд̇и ааха – ‘‘жад̇уннам̣ арууба…бз… бан̃жавид̇хо ход̇ий’’д̇и. ‘‘руубий руубаани бассад̇ий’’д̇иаад̣̇игз нирод̇хасамаабад̇д̇ианд̇з адта вимогкз вад̇ваа – ‘‘яад̇о жа ко, аананд̣̇а, бхигку имз адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и, аяам̣ вужжад̇и, аананд̣̇а, бхигку убхад̇обхааг̇авимуд̇д̇о’’д̇и яад̣̇иби махаанид̣̇аанз (д̣̇ий. ни. 2.129-130) вуд̇д̇ам̣, д̇ам̣ бана убхад̇обхааг̇авимуд̇д̇асздтавасзна вуд̇д̇анд̇и ид̇ха саб̣б̣аубхад̇обхааг̇авимуд̇д̇асан̇г̇ахан̣ад̇т̇ам̣ ‘‘бан̃жавид̇хо ход̇ий’’д̇и вад̇ваа ‘‘баал̣и банзд̇т̇а…бз… абхид̇хаммз адтавимогкалаабхино васзна ааг̇ад̇аа’’д̇и ааха. ид̇хааби хи гийдааг̇ирисуд̇д̇з ‘‘ид̇ха, бхигкавз, згажжо буг̇г̇ало…бз… убхад̇обхааг̇авимуд̇д̇о’’д̇и аруубасамаабад̇д̇ивасзна жад̇д̇ааро убхад̇обхааг̇авимуд̇д̇аа, сздто жа вуд̇д̇о вуд̇д̇алагкан̣уубабад̇д̇ид̇о. яат̇аавуд̇д̇зсу хи бан̃жасу буримаа жад̇д̇ааро нирод̇хам̣ на самаабаж̇ж̇анд̇ийд̇и барияааязна убхад̇обхааг̇авимуд̇д̇аа наама. адтасамаабад̇д̇илаабхий анааг̇аамий д̇ам̣ самаабаж̇ж̇ид̇ваа д̇ад̇о вудтааяа вибассанам̣ вад̣дхзд̇ваа арахад̇д̇ам̣ бад̇д̇од̇и ниббарияааязна убхад̇обхааг̇авимуд̇д̇асздто наама.
Soti ubhatobhāgavimutto. Kāmañcettha rūpāvacaracatutthajjhānampi arūpāvacarajjhānaṃ viya duvaṅgikaṃ āneñjappattanti vuccati. Taṃ pana padaṭṭhānaṃ katvā arahattaṃ patto ubhatobhāgavimutto nāma na hoti rūpakāyato avimuttattā. Tañhi kilesakāyatova vimuttaṃ, na rūpakāyato, tasmā tato vuṭṭhāya arahattaṃ patto ubhatobhāgavimutto na hotīti āha – ‘‘catunnaṃ arūpa…pe… pañcavidho hotī’’ti. ‘‘Rūpī rūpāni passatī’’tiādike nirodhasamāpattiante aṭṭha vimokkhe vatvā – ‘‘yato ca kho, ānanda, bhikkhu ime aṭṭha vimokkhe kāyena phusitvā viharati, paññāya cassa disvā āsavā parikkhīṇā honti, ayaṃ vuccati, ānanda, bhikkhu ubhatobhāgavimutto’’ti yadipi mahānidāne (dī. ni. 2.129-130) vuttaṃ, taṃ pana ubhatobhāgavimuttaseṭṭhavasena vuttanti idha sabbaubhatobhāgavimuttasaṅgahaṇatthaṃ ‘‘pañcavidho hotī’’ti vatvā ‘‘pāḷi panettha…pe… abhidhamme aṭṭhavimokkhalābhino vasena āgatā’’ti āha. Idhāpi hi kīṭāgirisutte ‘‘idha, bhikkhave, ekacco puggalo…pe… ubhatobhāgavimutto’’ti arūpasamāpattivasena cattāro ubhatobhāgavimuttā, seṭṭho ca vutto vuttalakkhaṇūpapattito. Yathāvuttesu hi pañcasu purimā cattāro nirodhaṃ na samāpajjantīti pariyāyena ubhatobhāgavimuttā nāma. Aṭṭhasamāpattilābhī anāgāmī taṃ samāpajjitvā tato vuṭṭhāya vipassanaṃ vaḍḍhetvā arahattaṃ pattoti nippariyāyena ubhatobhāgavimuttaseṭṭho nāma.
гад̇амо жа буг̇г̇алод̇иаад̣̇ийсу гад̇амод̇и бужчааважанам̣, буг̇г̇алод̇и асаад̇хааран̣ад̇о бужчид̇аб̣б̣аважанам̣. ид̇хаад̇и имасмим̣ саасанз. згажжод̇и зго . адта вимогкз гааязна пусид̇ваа вихарад̇ийд̇и адта самаабад̇д̇ияо сахаж̇аад̇анаамагааязна бадилабхид̇ваа вихарад̇и. бан̃н̃ааяа жасса д̣̇исваа аасаваа баригкийн̣аа хонд̇ийд̇и вибассанаабан̃н̃ааяа сан̇каараг̇ад̇ам̣, маг̇г̇абан̃н̃ааяа жад̇д̇аари сажжаани бассид̇ваа жад̇д̇аароби аасаваа баригкийн̣аа хонд̇ийд̇и звамад̇т̇о д̣̇адтаб̣б̣о.
Katamo ca puggalotiādīsu katamoti pucchāvacanaṃ, puggaloti asādhāraṇato pucchitabbavacanaṃ. Idhāti imasmiṃ sāsane. Ekaccoti eko . Aṭṭha vimokkhe kāyena phusitvā viharatīti aṭṭha samāpattiyo sahajātanāmakāyena paṭilabhitvā viharati. Paññāya cassa disvā āsavā parikkhīṇā hontīti vipassanāpaññāya saṅkhāragataṃ, maggapaññāya cattāri saccāni passitvā cattāropi āsavā parikkhīṇā hontīti evamattho daṭṭhabbo.
бан̃н̃аавимуд̇д̇од̇и висзсад̇о бан̃н̃ааяа зва вимуд̇д̇о, на д̇ассаа бад̇идтаанабхууд̇зна адтавимогкасан̇каад̇зна саад̇исаязна самаад̇хинаад̇и бан̃н̃аавимуд̇д̇о. яо арияо анад̇хиг̇ад̇аадтавимогкзна саб̣б̣асо аасавзхи вимуд̇д̇о, д̇ассзд̇ам̣ ад̇хиважанам̣. ад̇хиг̇ад̇зби хи руубаж̇жхаанавимогкз на со саад̇исаяасамаад̇хиниссид̇од̇и на д̇асса васзна убхад̇обхааг̇авимуд̇д̇о ход̇ийд̇и вуд̇д̇овааяамад̇т̇о. аруубаж̇жхаанзсу бана згасмимби сад̇и убхад̇обхааг̇авимуд̇д̇оязва наама ход̇и. д̇зна хи адтавимогкзгад̣̇зсзна д̇ам̣наамад̣̇аанасамад̇т̇зна адтавимогкалаабхийд̇взва вужжад̇и. самуд̣̇ааяз хи бавад̇д̇о вохааро аваяавзби д̣̇иссад̇и яат̇аа ‘‘сад̇д̇исаяо’’д̇и. баал̣ийд̇и абхид̇хаммабаал̣и. зд̇т̇аад̇и зд̇иссам̣ бан̃н̃аавимуд̇д̇игат̇ааяам̣. адтавимогкабадигкзбавасзнзваад̇и авад̇хааран̣зна ид̇хааби бадигкзбавасзнзва ааг̇ад̇абхаавам̣ д̣̇ассзд̇и. д̇знааха ‘‘гааязна пусид̇ваа вихарад̇ий’’д̇и.
Paññāvimuttoti visesato paññāya eva vimutto, na tassā patiṭṭhānabhūtena aṭṭhavimokkhasaṅkhātena sātisayena samādhināti paññāvimutto. Yo ariyo anadhigataaṭṭhavimokkhena sabbaso āsavehi vimutto, tassetaṃ adhivacanaṃ. Adhigatepi hi rūpajjhānavimokkhe na so sātisayasamādhinissitoti na tassa vasena ubhatobhāgavimutto hotīti vuttovāyamattho. Arūpajjhānesu pana ekasmimpi sati ubhatobhāgavimuttoyeva nāma hoti. Tena hi aṭṭhavimokkhekadesena taṃnāmadānasamatthena aṭṭhavimokkhalābhītveva vuccati. Samudāye hi pavatto vohāro avayavepi dissati yathā ‘‘sattisayo’’ti. Pāḷīti abhidhammapāḷi. Etthāti etissaṃ paññāvimuttikathāyaṃ. Aṭṭhavimokkhapaṭikkhepavasenevāti avadhāraṇena idhāpi paṭikkhepavaseneva āgatabhāvaṃ dasseti. Tenāha ‘‘kāyena phusitvā viharatī’’ti.
пудтанд̇ам̣ сажчигарод̇ийд̇и пудтаанам̣ анд̇о пудтанд̇о, пудтаанам̣ аруубаж̇жхаанаанам̣ ананд̇аро гаалод̇и ад̇хиббааяо. ажжанд̇асам̣яог̇з жзд̇ам̣ убаяог̇аважанам̣, пудтаананд̇арагааламзва сажчигарод̇и сажчигаад̇аб̣б̣обааязнаад̇и вуд̇д̇ам̣ ход̇и. бхааванабум̣сагам̣ ваа зд̇ам̣ ‘‘згаманд̇ам̣ нисийд̣̇ий’’д̇иаад̣̇ийсу (баараа. 2) вияа. яо хи аруубаж̇жхаанзна руубагааяад̇о наамагааязгад̣̇зсад̇о жа вигкамбханавимогкзна вимуд̇д̇о, д̇зна нирод̇хасан̇каад̇о вимогко ааложид̇о багаасид̇о вияа ход̇и, на бана гааязна сажчигад̇о, нирод̇хам̣ бана аарамман̣ам̣ гад̇ваа згажжзсу аасавзсу кзбид̇зсу д̇зна со сажчигад̇о ход̇и, д̇асмаа со сажчигаад̇аб̣б̣ам̣ нирод̇хам̣ яат̇ааааложид̇ам̣ наамагааязна сажчигарод̇ийд̇и ‘‘гааяасагкий’’д̇и вужжад̇и, на д̇у ‘‘вимуд̇д̇о’’д̇и згажжаанам̣ аасаваанам̣ абаригкийн̣ад̇д̇аа. д̇знааха – ‘‘жхаанапассам̣ батамам̣ пусад̇и, бажчаа нирод̇хам̣ ниб̣б̣аанам̣ сажчигарод̇ий’’д̇и. аяам̣ жад̇уннам̣ аруубасамаабад̇д̇ийнам̣ згзгад̇о вудтааяа сан̇каарз саммасид̇ваа гааяасагкибхаавам̣ бад̇д̇аанам̣ жад̇уннам̣, нирод̇хаа вудтааяа аг̇г̇амаг̇г̇аббад̇д̇аанааг̇аамино жа васзна убхад̇обхааг̇авимуд̇д̇о вияа бан̃жавид̇хо наама ход̇и. д̇зна вуд̇д̇ам̣ абхид̇хаммадийгааяам̣ ‘‘гааяасагкимхиби зсзва наяо’’д̇и.
Phuṭṭhantaṃ sacchikarotīti phuṭṭhānaṃ anto phuṭṭhanto, phuṭṭhānaṃ arūpajjhānānaṃ anantaro kāloti adhippāyo. Accantasaṃyoge cetaṃ upayogavacanaṃ, phuṭṭhānantarakālameva sacchikaroti sacchikātabbopāyenāti vuttaṃ hoti. Bhāvanapuṃsakaṃ vā etaṃ ‘‘ekamantaṃ nisīdī’’tiādīsu (pārā. 2) viya. Yo hi arūpajjhānena rūpakāyato nāmakāyekadesato ca vikkhambhanavimokkhena vimutto, tena nirodhasaṅkhāto vimokkho ālocito pakāsito viya hoti, na pana kāyena sacchikato, nirodhaṃ pana ārammaṇaṃ katvā ekaccesu āsavesu khepitesu tena so sacchikato hoti, tasmā so sacchikātabbaṃ nirodhaṃ yathāālocitaṃ nāmakāyena sacchikarotīti ‘‘kāyasakkhī’’ti vuccati, na tu ‘‘vimutto’’ti ekaccānaṃ āsavānaṃ aparikkhīṇattā. Tenāha – ‘‘jhānaphassaṃ paṭhamaṃ phusati, pacchā nirodhaṃ nibbānaṃ sacchikarotī’’ti. Ayaṃ catunnaṃ arūpasamāpattīnaṃ ekekato vuṭṭhāya saṅkhāre sammasitvā kāyasakkhibhāvaṃ pattānaṃ catunnaṃ, nirodhā vuṭṭhāya aggamaggappattaanāgāmino ca vasena ubhatobhāgavimutto viya pañcavidho nāma hoti. Tena vuttaṃ abhidhammaṭīkāyaṃ ‘‘kāyasakkhimhipi eseva nayo’’ti.
д̣̇идтанд̇ам̣ бад̇д̇од̇и д̣̇ассанасан̇каад̇асса сод̇аабад̇д̇имаг̇г̇ан̃аан̣асса ананд̇арам̣ бад̇д̇од̇и вуд̇д̇ам̣ ход̇и. ‘‘д̣̇идтад̇д̇аа бад̇д̇о’’д̇иби баато. зд̇зна жад̇усажжад̣̇ассанасан̇каад̇ааяа д̣̇идтияаа нирод̇хасса бад̇д̇ад̇ам̣ д̣̇ийбзд̇и. д̇знааха ‘‘д̣̇угкаа сан̇каараа, суко нирод̇ход̇и н̃аад̇ам̣ ход̇ий’’д̇и. д̇ад̇т̇а бан̃н̃ааяаад̇и маг̇г̇абан̃н̃ааяа. батамапаладтад̇о яаава аг̇г̇амаг̇г̇адтаа, д̇аава д̣̇идтиббад̇д̇о. д̇знааха ‘‘соби гааяасагки вияа чаб̣б̣ид̇хо ход̇ий’’д̇и. яат̇аа бана бан̃н̃аавимуд̇д̇о бан̃жавид̇хо вуд̇д̇о, звам̣ аяамби сугкавибассаго, жад̇уухи руубаж̇жхаанзхи вудтааяа д̣̇идтиббад̇д̇абхааваббад̇д̇аа жад̇д̇ааро жаад̇и бан̃жавид̇хо ход̇ийд̇и взд̣̇ид̇аб̣б̣о. сад̣̇д̇хаавимуд̇д̇зби зсзва наяо. ид̣̇ам̣ д̣̇угканд̇и зд̇д̇агам̣ д̣̇угкам̣, на ид̇о уд̣̇д̇хам̣ д̣̇угканд̇и. яат̇аабхууд̇ам̣ баж̇аанаад̇ийд̇и табзд̇ваа д̇ан̣хам̣ убаад̣̇аанагканд̇хабан̃жагам̣ д̣̇угкасажжанд̇и яаат̇аавад̇о баж̇аанаад̇и. яасмаа бана д̇ан̣хаа д̣̇угкам̣ ж̇анзд̇и ниб̣б̣ад̇д̇зд̇и, д̇ад̇о д̇ам̣ д̣̇угкам̣ самуд̣̇зд̇и, д̇асмаа нам̣ ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и яасмаа бана ид̣̇ам̣ д̣̇угкам̣ самуд̣̇аяо жа ниб̣б̣аанам̣ бад̇ваа нируж̇жхад̇и аббавад̇д̇им̣ г̇ажчад̇и, д̇асмаа ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и. арияо бана адтан̇г̇иго маг̇г̇о д̇ам̣ д̣̇угканирод̇хам̣ г̇ажчад̇и, д̇зна ‘‘аяам̣ д̣̇угканирод̇хаг̇ааминибадибад̣̇аа’’д̇и яат̇аабхууд̇ам̣ баж̇аанаад̇и. зд̇д̇аавад̇аа наанагкан̣з сажжававад̇т̇аанам̣ д̣̇ассид̇ам̣. ид̣̇аани д̇ам̣ згагкан̣з д̣̇ассзд̇ум̣ ‘‘д̇ат̇ааг̇ад̇аббавзд̣̇ид̇аа’’д̇иаад̣̇и вуд̇д̇ам̣, д̇ассад̇т̇о ааг̇амиссад̇и.
Diṭṭhantaṃ pattoti dassanasaṅkhātassa sotāpattimaggañāṇassa anantaraṃ pattoti vuttaṃ hoti. ‘‘Diṭṭhattā patto’’tipi pāṭho. Etena catusaccadassanasaṅkhātāya diṭṭhiyā nirodhassa pattataṃ dīpeti. Tenāha ‘‘dukkhā saṅkhārā, sukho nirodhoti ñātaṃ hotī’’ti. Tattha paññāyāti maggapaññāya. Paṭhamaphalaṭṭhato yāva aggamaggaṭṭhā, tāva diṭṭhippatto. Tenāha ‘‘sopi kāyasakkhi viya chabbidho hotī’’ti. Yathā pana paññāvimutto pañcavidho vutto, evaṃ ayampi sukkhavipassako, catūhi rūpajjhānehi vuṭṭhāya diṭṭhippattabhāvappattā cattāro cāti pañcavidho hotīti veditabbo. Saddhāvimuttepi eseva nayo. Idaṃ dukkhanti ettakaṃ dukkhaṃ, na ito uddhaṃ dukkhanti. Yathābhūtaṃ pajānātīti ṭhapetvā taṇhaṃ upādānakkhandhapañcakaṃ dukkhasaccanti yāthāvato pajānāti. Yasmā pana taṇhā dukkhaṃ janeti nibbatteti, tato taṃ dukkhaṃ samudeti, tasmā naṃ ‘‘ayaṃ dukkhasamudayo’’ti yathābhūtaṃ pajānāti yasmā pana idaṃ dukkhaṃ samudayo ca nibbānaṃ patvā nirujjhati appavattiṃ gacchati, tasmā ‘‘ayaṃ dukkhanirodho’’ti yathābhūtaṃ pajānāti. Ariyo pana aṭṭhaṅgiko maggo taṃ dukkhanirodhaṃ gacchati, tena ‘‘ayaṃ dukkhanirodhagāminipaṭipadā’’ti yathābhūtaṃ pajānāti. Ettāvatā nānakkhaṇe saccavavatthānaṃ dassitaṃ. Idāni taṃ ekakkhaṇe dassetuṃ ‘‘tathāgatappaveditā’’tiādi vuttaṃ, tassattho āgamissati.
сад̣̇д̇хааяа вимуд̇д̇од̇и зд̇зна саб̣б̣ат̇аа авимуд̇д̇ассаби сад̣̇д̇хаамад̇д̇зна вимуд̇д̇абхааво д̣̇ийбид̇о ход̇и. сад̣̇д̇хаавимуд̇д̇од̇и ваа сад̣̇д̇хааяа ад̇химуд̇д̇од̇и ад̇т̇о. вуд̇д̇анаязнзваад̇и ‘‘сод̇аабад̇д̇ипала’’нд̇иаад̣̇инаа вуд̇д̇анаязна. сад̣̇д̣̇аханд̇ассаад̇и ‘‘згам̣сад̇о аяам̣ бадибад̣̇аа гилзсагкаяам̣ аавахад̇и саммаасамб̣уд̣̇д̇хзна бхаасид̇ад̇д̇аа’’д̇и звам̣ сад̣̇д̣̇аханд̇асса. яасмаа банасса анижжаанубассанаад̣̇ийхи нижжасан̃н̃аабахаанавасзна бхааванааяа буб̣б̣знаабарам̣ висзсам̣ бассад̇о д̇ад̇т̇а д̇ад̇т̇а бажжагкад̇ааби ад̇т̇и, д̇асмаа вуд̇д̇ам̣ ‘‘сад̣̇д̣̇аханд̇асса вияаа’’д̇и. сзсабад̣̇ад̣̇ваяам̣ д̇ассзва взважанам̣. зд̇т̇а жа буб̣б̣абхааг̇амаг̇г̇абхааванаад̇и важанзна ааг̇аманийяабадибад̣̇аанаанад̇д̇зна сад̣̇д̇хаавимуд̇д̇ад̣̇идтиббад̇д̇аанам̣ бан̃н̃аанаанад̇д̇ам̣ ход̇ийд̇и д̣̇ассид̇ам̣. абхид̇хаммадтагат̇ааяамби (бу. ба. адта. 28) ‘‘нзсам̣ гилзсаббахаанз наанад̇д̇ам̣ над̇т̇и, бан̃н̃ааяа наанад̇д̇ам̣ ад̇т̇иязваа’’д̇и вад̇ваа – ‘‘ааг̇аманийяанаанад̇д̇знзва сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇ийд̇и саннидтаанам̣ гад̇а’’нд̇и вуд̇д̇ам̣.
Saddhāya vimuttoti etena sabbathā avimuttassapi saddhāmattena vimuttabhāvo dīpito hoti. Saddhāvimuttoti vā saddhāya adhimuttoti attho. Vuttanayenevāti ‘‘sotāpattiphala’’ntiādinā vuttanayena. Saddahantassāti ‘‘ekaṃsato ayaṃ paṭipadā kilesakkhayaṃ āvahati sammāsambuddhena bhāsitattā’’ti evaṃ saddahantassa. Yasmā panassa aniccānupassanādīhi niccasaññāpahānavasena bhāvanāya pubbenāparaṃ visesaṃ passato tattha tattha paccakkhatāpi atthi, tasmā vuttaṃ ‘‘saddahantassa viyā’’ti. Sesapadadvayaṃ tasseva vevacanaṃ. Ettha ca pubbabhāgamaggabhāvanāti vacanena āgamanīyapaṭipadānānattena saddhāvimuttadiṭṭhippattānaṃ paññānānattaṃ hotīti dassitaṃ. Abhidhammaṭṭhakathāyampi (pu. pa. aṭṭha. 28) ‘‘nesaṃ kilesappahāne nānattaṃ natthi, paññāya nānattaṃ atthiyevā’’ti vatvā – ‘‘āgamanīyanānatteneva saddhāvimutto diṭṭhippattaṃ na pāpuṇātīti sanniṭṭhānaṃ kata’’nti vuttaṃ.
бан̃н̃аасан̇каад̇ам̣ д̇хаммам̣ ад̇химад̇д̇ад̇ааяа буб̣б̣ан̇г̇амам̣ худ̇ваа бавад̇д̇ам̣ ануссарад̇ийд̇и д̇хаммаанусаарий. д̇знааха ‘‘д̇хаммо’’д̇иаад̣̇и. сад̣̇д̇хам̣ ануссарад̇и сад̣̇д̇хаабуб̣б̣ан̇г̇амам̣ маг̇г̇ам̣ бхаавзд̇ийд̇и имамад̇т̇ам̣ ‘‘зсзва наяо’’д̇и ад̇ид̣̇исад̇и. бан̃н̃ам̣ ваахзд̇ийд̇и бан̃н̃ааваахий, бан̃н̃ам̣ саад̇исаяам̣ бавад̇д̇зд̇ийд̇и ад̇т̇о. д̇знааха ‘‘бан̃н̃аабуб̣б̣ан̇г̇амам̣ арияамаг̇г̇ам̣ бхаавзд̇ий’’д̇и. сад̣̇д̇хааваахинд̇и зд̇т̇а вуд̇д̇анаязна ад̇т̇о взд̣̇ид̇аб̣б̣о. убхад̇обхааг̇авимуд̇д̇аад̣̇игат̇аад̇и убхад̇обхааг̇авимуд̇д̇аад̣̇ийсу ааг̇аманад̇о бадтааяа вад̇д̇аб̣б̣агат̇аа. зд̇зсанд̇и яат̇аавуд̇д̇аанам̣ убхад̇обхааг̇авимуд̇д̇аад̣̇ийнам̣. ид̇хаад̇и имасмим̣ гийдааг̇ирисуд̇д̇з. нану жа адтасамаабад̇д̇илаабхивасзна убхад̇обхааг̇авимуд̇д̇о гааяасагкийаад̣̇аяо жа абхид̇хаммз ааг̇ад̇аа, гат̇амид̇ха аруубаж̇жхааналаабхийвасзнзва уд̣̇д̇хадаад̇и жод̣̇анам̣ санд̇хааяааха ‘‘яасмаа’’д̇иаад̣̇и.
Paññāsaṅkhātaṃ dhammaṃ adhimattatāya pubbaṅgamaṃ hutvā pavattaṃ anussaratīti dhammānusārī. Tenāha ‘‘dhammo’’tiādi. Saddhaṃ anussarati saddhāpubbaṅgamaṃ maggaṃ bhāvetīti imamatthaṃ ‘‘eseva nayo’’ti atidisati. Paññaṃ vāhetīti paññāvāhī, paññaṃ sātisayaṃ pavattetīti attho. Tenāha ‘‘paññāpubbaṅgamaṃ ariyamaggaṃ bhāvetī’’ti. Saddhāvāhinti ettha vuttanayena attho veditabbo. Ubhatobhāgavimuttādikathāti ubhatobhāgavimuttādīsu āgamanato paṭṭhāya vattabbakathā. Etesanti yathāvuttānaṃ ubhatobhāgavimuttādīnaṃ. Idhāti imasmiṃ kīṭāgirisutte. Nanu ca aṭṭhasamāpattilābhivasena ubhatobhāgavimutto kāyasakkhīādayo ca abhidhamme āgatā, kathamidha arūpajjhānalābhīvaseneva uddhaṭāti codanaṃ sandhāyāha ‘‘yasmā’’tiādi.
пусид̇ваа бад̇ваа. бан̃н̃ааяа жасса д̣̇исваа аасаваа баригкийн̣аа хонд̇ийд̇и на аасаваа бан̃н̃ааяа бассийяанд̇и, д̣̇ассанагааран̣аа бан̃н̃ааяа баригкийн̣аа ‘‘д̣̇исваа бан̃н̃ааяа баригкийн̣аа’’д̇и вуд̇д̇аа. д̣̇ассанааяад̇д̇абаригкаяад̇д̇аа зва хи д̣̇ассанам̣ аасаваанам̣ каяасса буримагирияаа ход̇ийд̇и. д̇ат̇ааг̇ад̇зна бавзд̣̇ид̇аад̇и б̣од̇химан̣д̣з нисийд̣̇ид̇ваа д̇ат̇ааг̇ад̇зна бадивид̣̇д̇хаа вид̣̇ид̇аа бажчаа барзсам̣ баагадийгад̇аа. ‘‘жад̇усажжад̇хаммаа’’д̇и вад̇ваа д̇ад̣̇анд̇ог̇ад̇хад̇д̇аа сийлаад̣̇ийнам̣ ‘‘имасмим̣ таанз сийлам̣ гат̇ид̇а’’нд̇иаад̣̇и вуд̇д̇ам̣. ад̇т̇знаад̇и авиббадисаараад̣̇ибаяож̇анзна д̇асмим̣ д̇асмим̣ бийд̇иаад̣̇игзна ад̇т̇зна. гааран̣знаад̇и саббурисуубаниссаяаад̣̇инаа гааран̣зна д̇асмим̣ д̇асмим̣ самаад̇хиаад̣̇ибад̣̇адтаанад̇ааяа сийлаад̣̇и гааран̣з. жин̣н̣ажарид̇ад̇д̇аад̇и сад̣̇д̇хаажин̣н̣абхаавзна самб̣од̇хаавахабхаавз. д̇ад̇т̇а д̇ад̇т̇а вижарид̇аа висзсзна жарид̇аа, д̇зсу д̇зна бан̃н̃аа судту жараабид̇аад̇и ад̇т̇о. бад̇идтид̇аа ход̇и маг̇г̇зна ааг̇ад̇ад̇д̇аа. мад̇д̇ааяа барид̇д̇аббамаан̣зна. ологанам̣ каманд̇и, бан̃н̃ааяа г̇ахзд̇аб̣б̣ад̇ам̣ убзнд̇и.
Phusitvā patvā. Paññāya cassa disvā āsavā parikkhīṇā hontīti na āsavā paññāya passīyanti, dassanakāraṇā paññāya parikkhīṇā ‘‘disvā paññāya parikkhīṇā’’ti vuttā. Dassanāyattaparikkhayattā eva hi dassanaṃ āsavānaṃ khayassa purimakiriyā hotīti. Tathāgatena paveditāti bodhimaṇḍe nisīditvā tathāgatena paṭividdhā viditā pacchā paresaṃ pākaṭīkatā. ‘‘Catusaccadhammā’’ti vatvā tadantogadhattā sīlādīnaṃ ‘‘imasmiṃ ṭhāne sīlaṃ kathita’’ntiādi vuttaṃ. Atthenāti avippaṭisārādipayojanena tasmiṃ tasmiṃ pītiādikena atthena. Kāraṇenāti sappurisūpanissayādinā kāraṇena tasmiṃ tasmiṃ samādhiādipadaṭṭhānatāya sīlādi kāraṇe. Ciṇṇacaritattāti saddhāciṇṇabhāvena sambodhāvahabhāve. Tattha tattha vicaritā visesena caritā, tesu tena paññā suṭṭhu carāpitāti attho. Patiṭṭhitā hoti maggena āgatattā. Mattāya parittappamāṇena. Olokanaṃ khamanti, paññāya gahetabbataṃ upenti.
д̇аяод̇и гааяасагкид̣̇идтиббад̇д̇асад̣̇д̇хаавимуд̇д̇аа. яат̇аатид̇ова баал̣иад̇т̇о, на д̇ад̇т̇а гин̃жи нид̣̇д̇хаарзд̇ваа вад̇д̇аб̣б̣ам̣ ад̇т̇ийд̇и суд̇д̇анд̇абарияааязна авуд̇д̇ам̣ вад̣̇ад̇и. д̇асса маг̇г̇ассаад̇и сод̇аабад̇д̇имаг̇г̇асса яам̣ гаад̇аб̣б̣ам̣, д̇асса ад̇хиг̇ад̇ад̇д̇аа. убари бана д̇ин̣н̣ам̣ маг̇г̇аанам̣ ад̇т̇ааяа сзвамаанаа ануломасзнаасанам̣, бхаж̇амаанаа галяаан̣амид̇д̇з, саманнаанаяамаанаа инд̣̇рияаани анубуб̣б̣зна бхааванаамаг̇г̇аббадибаадияаа арахад̇д̇ам̣ баабун̣иссанд̇и маг̇г̇асса анзгажид̇д̇агкан̣игад̇ааяаад̇и аяамзд̇т̇а суд̇д̇абад̣̇зсз баал̣ияаа ад̇т̇о.
Tayoti kāyasakkhidiṭṭhippattasaddhāvimuttā. Yathāṭhitova pāḷiattho, na tattha kiñci niddhāretvā vattabbaṃ atthīti suttantapariyāyena avuttaṃ vadati. Tassa maggassāti sotāpattimaggassa yaṃ kātabbaṃ, tassa adhigatattā. Upari pana tiṇṇaṃ maggānaṃ atthāya sevamānā anulomasenāsanaṃ, bhajamānā kalyāṇamitte, samannānayamānā indriyāni anupubbena bhāvanāmaggappaṭipāṭiyā arahattaṃ pāpuṇissanti maggassa anekacittakkhaṇikatāyāti ayamettha suttapadese pāḷiyā attho.
имамзва баал̣им̣ г̇ахзд̇ваад̇и ‘‘гад̇амо жа буг̇г̇ало сад̣̇д̇хаанусаарий’’д̇и маг̇г̇адтз буг̇г̇алз вад̇ваа ‘‘имасса ко ахам̣, бхигкавз’’д̇иаад̣̇инаа д̇зсам̣ васзна ануломасзнаасанасзванаад̣̇ийнам̣ вуд̇д̇ад̇д̇аа имамзва яат̇аавуд̇д̇ам̣ баал̣ибад̣̇зсам̣ г̇ахзд̇ваа ‘‘логуд̇д̇арад̇хаммо б̣ахужид̇д̇агкан̣иго’’д̇и вад̣̇ад̇и. со вад̇д̇аб̣б̣од̇и со вид̇ан̣д̣аваад̣̇ий звам̣ вад̇д̇аб̣б̣о. яад̣̇и маг̇г̇адтабуг̇г̇алз вад̇ваа ануломигасзнаасанасзванаад̣̇и баал̣ияам̣ вуд̇д̇анд̇и маг̇г̇асаман̇г̇ино зва худ̇ваа д̇з д̇ат̇аа бадибаж̇ж̇анд̇и, звам̣ санд̇з сзнаасанабадисам̣яуд̇д̇аруубаад̣̇ивибассанаг̇г̇ахан̣асмим̣ д̇ава мад̇зна маг̇г̇асаман̇г̇ино зва аабаж̇ж̇зяяум̣, на жзд̇ам̣ звам̣ ход̇и, д̇асмаа суд̇д̇ам̣ мз лад̣̇д̇ханд̇и яам̣ гин̃жи маа гат̇зхийд̇и ваарзд̇аб̣б̣о. д̇знааха ‘‘яад̣̇и ан̃н̃зна жид̇д̇знаа’’д̇иаад̣̇и. д̇ад̇т̇а звам̣ санд̇зд̇и наанаажид̇д̇знзва сзнаасанабадисзванаад̣̇игз сад̇и. д̇ад̇т̇а баал̣ияам̣ яад̣̇и логуд̇д̇арад̇хаммасаман̇г̇ино зва бан̃жавин̃н̃аан̣асаман̇г̇игаалзби логуд̇д̇арасаман̇г̇ид̇ам̣ сажз самбадижчаси, сад̇т̇аараа сад̣̇д̇хим̣ бадивируж̇жхаси суд̇д̇авирод̇хад̣̇ийбанад̇о. д̇знааха ‘‘сад̇т̇аараа хий’’д̇иаад̣̇и. д̇хаммавижааран̣аа наама д̇уяхам̣ ависаяо, д̇асмаа яааг̇ум̣ биваахийд̇и уяяож̇зд̇аб̣б̣о.
Imamevapāḷiṃ gahetvāti ‘‘katamo ca puggalo saddhānusārī’’ti maggaṭṭhe puggale vatvā ‘‘imassa kho ahaṃ, bhikkhave’’tiādinā tesaṃ vasena anulomasenāsanasevanādīnaṃ vuttattā imameva yathāvuttaṃ pāḷipadesaṃ gahetvā ‘‘lokuttaradhammo bahucittakkhaṇiko’’ti vadati. So vattabboti so vitaṇḍavādī evaṃ vattabbo. Yadi maggaṭṭhapuggale vatvā anulomikasenāsanasevanādi pāḷiyaṃ vuttanti maggasamaṅgino eva hutvā te tathā paṭipajjanti, evaṃ sante senāsanapaṭisaṃyuttarūpādivipassanaggahaṇasmiṃ tava matena maggasamaṅgino eva āpajjeyyuṃ, na cetaṃ evaṃ hoti, tasmā suttaṃ me laddhanti yaṃ kiñci mā kathehīti vāretabbo. Tenāha ‘‘yadi aññena cittenā’’tiādi. Tattha evaṃ santeti nānācitteneva senāsanapaṭisevanādike sati. Tattha pāḷiyaṃ yadi lokuttaradhammasamaṅgino eva pañcaviññāṇasamaṅgikālepi lokuttarasamaṅgitaṃ sace sampaṭicchasi, satthārā saddhiṃ paṭivirujjhasi suttavirodhadīpanato. Tenāha ‘‘satthārā hī’’tiādi. Dhammavicāraṇā nāma tuyhaṃ avisayo, tasmā yāguṃ pivāhīti uyyojetabbo.
183. аад̣̇игзнзваад̇и батамзнзва. анубуб̣б̣асигкаад̇и анубуб̣б̣знзва бавад̇д̇асигкааяа. д̇знааха ‘‘гаран̣ад̇т̇з бажжад̇д̇аважана’’нд̇и. сад̣̇д̇хаа ж̇аад̇аа зд̇ассаад̇и сад̣̇д̇хааж̇аад̇о, аг̇яаахид̇аад̇ибагкзбзна ж̇аад̇а-сад̣̇д̣̇асса бажчааважанам̣ . звамзд̇анд̇и ад̇химужжанам̣ огаббанияасад̣̇д̇хаа. санд̇игз нисийд̣̇ад̇и убадтаанавасзна. саад̇хугам̣ гад̇ваа д̇хаарзд̇ийд̇и яат̇аасуд̇ам̣ д̇хаммам̣ ваажуг̇г̇ад̇агаран̣авасзна д̇ам̣ баг̇ун̣ам̣ гад̇ваа сааравасзна д̇хаарзд̇и. чанд̣̇о ж̇ааяад̇ийд̇и д̇хаммзсу ниж̇жхаанагкамзсу имз д̇хаммз бхааванаабан̃н̃ааяа бажжагкад̇о уссаамийд̇и гад̇д̇угамяад̇аагусалажчанд̣̇о ж̇ааяад̇и. уссахад̇ийд̇и чанд̣̇о уббаад̣̇амад̇д̇з адтад̇ваа д̇ад̇о бхааванаарамбхавасзна уссахад̇и. д̇улаяад̇ид̇и саммасанавасзна сан̇каарз. д̇ийран̣авибассанааяа д̇улаяанд̇од̇и д̇ийран̣абарин̃н̃ааяа ж̇аанид̇ваа убари бахаанабарин̃н̃ааяа васзна барид̇улаяанд̇о бадиж̇аананд̇о. маг̇г̇абад̇хаанам̣ бад̣̇ахад̇ийд̇и маг̇г̇алагкан̣ам̣ бад̇хаанигам̣ маг̇г̇ам̣ бад̣̇ахад̇и. бзсид̇ажид̇д̇од̇и ниб̣б̣аанам̣ бад̇и бзсид̇ажид̇д̇о. наамагааязнаад̇и маг̇г̇аббадибаадияаа д̇ам̣д̇ам̣маг̇г̇асамбаяуд̇д̇анаамагааязна. на бана гин̃жи аахаад̇и д̣̇уурад̇ааяа самаанам̣ на гин̃жи важанам̣ бхаг̇аваа ааха д̇з д̣̇ал̣хад̇арам̣ ниг̇г̇ан̣хид̇ум̣.
183.Ādikenevāti paṭhameneva. Anupubbasikkhāti anupubbeneva pavattasikkhāya. Tenāha ‘‘karaṇatthe paccattavacana’’nti. Saddhā jātā etassāti saddhājāto, agyāhitātipakkhepena jāta-saddassa pacchāvacanaṃ . Evametanti adhimuccanaṃ okappaniyasaddhā. Santike nisīdati upaṭṭhānavasena. Sādhukaṃ katvā dhāretīti yathāsutaṃ dhammaṃ vācuggatakaraṇavasena taṃ paguṇaṃ katvā sāravasena dhāreti. Chando jāyatīti dhammesu nijjhānakkhamesu ime dhamme bhāvanāpaññāya paccakkhato ussāmīti kattukamyatākusalacchando jāyati. Ussahatīti chando uppādamatte aṭṭhatvā tato bhāvanārambhavasena ussahati. Tulayatiti sammasanavasena saṅkhāre. Tīraṇavipassanāya tulayantoti tīraṇapariññāya jānitvā upari pahānapariññāya vasena paritulayanto paṭijānanto. Maggapadhānaṃ padahatīti maggalakkhaṇaṃ padhānikaṃ maggaṃ padahati. Pesitacittoti nibbānaṃ pati pesitacitto. Nāmakāyenāti maggappaṭipāṭiyā taṃtaṃmaggasampayuttanāmakāyena. Na pana kiñci āhāti dūratāya samānaṃ na kiñci vacanaṃ bhagavā āha te daḷhataraṃ niggaṇhituṃ.
184. бан̣зна вохаарзна б̣яаагаран̣ам̣ бан̣авияаа, бан̣авияаа абхаавзна обан̣авияаа, на убзд̇ийд̇и на яуж̇ж̇ад̇и. д̇анд̇и ид̣̇ам̣ ид̇ха ад̇хиббзд̇ам̣ бан̣о бан̣авияам̣ д̣̇ассзд̇ум̣. д̇аяид̣̇ам̣ саб̣б̣ам̣ бхаг̇аваа ‘‘маяам̣ ко, аавусо, сааяан̃жзва бхун̃ж̇аамаа’’д̇и ассаж̇ибунаб̣б̣асугзхи вуд̇д̇ам̣ сигкааяа авад̇д̇анабхаавад̣̇ийбанаважанам̣ санд̇хааяа вад̣̇ад̇и.
184. Paṇena vohārena byākaraṇaṃ paṇaviyā, paṇaviyā abhāvena opaṇaviyā, na upetīti na yujjati. Tanti idaṃ idha adhippetaṃ paṇo paṇaviyaṃ dassetuṃ. Tayidaṃ sabbaṃ bhagavā ‘‘mayaṃ kho, āvuso, sāyañceva bhuñjāmā’’ti assajipunabbasukehi vuttaṃ sikkhāya avattanabhāvadīpanavacanaṃ sandhāya vadati.
угкибид̇ваад̇и сийсзна г̇ахзд̇ваа вияа самаад̣̇ааяа. ануд̇хаммод̇и ануруубо сабхааво, саавагабхаавасса анужчавигаа бадибад̇д̇и. роханийяанд̇и вирул̣хибхаавам̣. синияхад̇и зд̇т̇а, зд̇зна ваад̇и синзхо, гааран̣ам̣. д̇ам̣ зд̇т̇а ад̇т̇ийд̇и синзхаванд̇ам̣, баад̣̇аганд̇и ад̇т̇о. д̇ажо згам̣ ан̇г̇анд̇и д̇ажо вийрабагкабхаавз згаман̇г̇ам̣. бад̇хаанам̣ ануяун̃ж̇анд̇асса хи д̇ажз балуж̇ж̇амаанзби д̇ам̣нимид̇д̇ам̣ авосаанам̣ анаабаж̇ж̇анагассзва вийрияасса згам̣ ан̇г̇ам̣ згам̣ гааран̣ам̣. звам̣ сзсзсу вад̇д̇аб̣б̣ам̣. д̇знааха – ‘‘арахад̇д̇ам̣ аббад̇ваа на вудтахиссаамийд̇и звам̣ бадибаж̇ж̇ад̇ий’’д̇и. сзсам̣ сувин̃н̃зяяамзва.
Ukkhipitvāti sīsena gahetvā viya samādāya. Anudhammoti anurūpo sabhāvo, sāvakabhāvassa anucchavikā paṭipatti. Rohanīyanti viruḷhibhāvaṃ. Siniyhati ettha, etena vāti sineho, kāraṇaṃ. Taṃ ettha atthīti sinehavantaṃ, pādakanti attho. Taco ekaṃ aṅganti taco vīrapakkhabhāve ekamaṅgaṃ. Padhānaṃ anuyuñjantassa hi tace palujjamānepi taṃnimittaṃ avosānaṃ anāpajjanakasseva vīriyassa ekaṃ aṅgaṃ ekaṃ kāraṇaṃ. Evaṃ sesesu vattabbaṃ. Tenāha – ‘‘arahattaṃ appatvā na vuṭṭhahissāmīti evaṃ paṭipajjatī’’ti. Sesaṃ suviññeyyameva.
гийдааг̇ирисуд̇д̇аван̣н̣анааяа лийнад̇т̇аббагаасанаа самад̇д̇аа.
Kīṭāgirisuttavaṇṇanāya līnatthappakāsanā samattā.
нидтид̇аа жа бхигкуваг̇г̇аван̣н̣анаа.
Niṭṭhitā ca bhikkhuvaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. гийдааг̇ирисуд̇д̇ам̣ • 10. Kīṭāgirisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. гийдааг̇ирисуд̇д̇аван̣н̣анаа • 10. Kīṭāgirisuttavaṇṇanā
