| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਕੋਧਗਰੁਸੁਤ੍ਤਂ
4. Kodhagarusuttaṃ
੮੪. ‘‘ਚਤੂਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਨਿਰਯੇ। ਕਤਮੇਹਿ ਚਤੂਹਿ? ਕੋਧਗਰੁ ਹੋਤਿ ਨ ਸਦ੍ਧਮ੍ਮਗਰੁ, ਮਕ੍ਖਗਰੁ ਹੋਤਿ ਨ ਸਦ੍ਧਮ੍ਮਗਰੁ, ਲਾਭਗਰੁ ਹੋਤਿ ਨ ਸਦ੍ਧਮ੍ਮਗਰੁ, ਸਕ੍ਕਾਰਗਰੁ ਹੋਤਿ ਨ ਸਦ੍ਧਮ੍ਮਗਰੁ – ਇਮੇਹਿ ਖੋ, ਭਿਕ੍ਖવੇ, ਚਤੂਹਿ ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਨਿਰਯੇ।
84. ‘‘Catūhi, bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Kodhagaru hoti na saddhammagaru, makkhagaru hoti na saddhammagaru, lābhagaru hoti na saddhammagaru, sakkāragaru hoti na saddhammagaru – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘ਚਤੂਹਿ , ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਸਗ੍ਗੇ। ਕਤਮੇਹਿ ਚਤੂਹਿ? ਸਦ੍ਧਮ੍ਮਗਰੁ ਹੋਤਿ ਨ ਕੋਧਗਰੁ, ਸਦ੍ਧਮ੍ਮਗਰੁ ਹੋਤਿ ਨ ਮਕ੍ਖਗਰੁ, ਸਦ੍ਧਮ੍ਮਗਰੁ ਹੋਤਿ ਨ ਲਾਭਗਰੁ, ਸਦ੍ਧਮ੍ਮਗਰੁ ਹੋਤਿ ਨ ਸਕ੍ਕਾਰਗਰੁ – ਇਮੇਹਿ ਖੋ, ਭਿਕ੍ਖવੇ, ਚਤੂਹਿ ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏવਂ ਸਗ੍ਗੇ’’ਤਿ। ਚਤੁਤ੍ਥਂ।
‘‘Catūhi , bhikkhave, dhammehi samannāgato yathābhataṃ nikkhitto evaṃ sagge. Katamehi catūhi? Saddhammagaru hoti na kodhagaru, saddhammagaru hoti na makkhagaru, saddhammagaru hoti na lābhagaru, saddhammagaru hoti na sakkāragaru – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧-੫. ਪਾਣਾਤਿਪਾਤਾਦਿਸੁਤ੍ਤਪਞ੍ਚਕવਣ੍ਣਨਾ • 1-5. Pāṇātipātādisuttapañcakavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੬. ਪਾਣਾਤਿਪਾਤਸੁਤ੍ਤਾਦਿવਣ੍ਣਨਾ • 1-6. Pāṇātipātasuttādivaṇṇanā
