| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. கோத⁴னஸுத்தங்
5. Kodhanasuttaṃ
284. அத² கோ² ஆயஸ்மா அனுருத்³தோ⁴ யேன ப⁴க³வா தேனுபஸங்கமி; உபஸங்கமித்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா அனுருத்³தோ⁴ ப⁴க³வந்தங் ஏதத³வோச – ‘‘இதா⁴ஹங், ப⁴ந்தே, மாதுகா³மங் பஸ்ஸாமி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜந்தங். கதீஹி நு கோ², ப⁴ந்தே, த⁴ம்மேஹி ஸமன்னாக³தோ மாதுகா³மோ காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதீ’’தி?
284. Atha kho āyasmā anuruddho yena bhagavā tenupasaṅkami; upasaṅkamitvā ekamantaṃ nisīdi. Ekamantaṃ nisinno kho āyasmā anuruddho bhagavantaṃ etadavoca – ‘‘idhāhaṃ, bhante, mātugāmaṃ passāmi dibbena cakkhunā visuddhena atikkantamānusakena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantaṃ. Katīhi nu kho, bhante, dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’’ti?
‘‘பஞ்சஹி கோ², அனுருத்³த⁴, த⁴ம்மேஹி ஸமன்னாக³தோ மாதுகா³மோ காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. கதமேஹி பஞ்சஹி? அஸ்ஸத்³தோ⁴ ச ஹோதி, அஹிரிகோ ச ஹோதி, அனொத்தப்பீ ச ஹோதி, கோத⁴னோ ச ஹோதி, து³ப்பஞ்ஞோ ச ஹோதி – இமேஹி கோ², அனுருத்³த⁴, பஞ்சஹி த⁴ம்மேஹி ஸமன்னாக³தோ மாதுகா³மோ காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதீ’’தி. பஞ்சமங்.
‘‘Pañcahi kho, anuruddha, dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Katamehi pañcahi? Assaddho ca hoti, ahiriko ca hoti, anottappī ca hoti, kodhano ca hoti, duppañño ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. தீஹித⁴ம்மேஹிஸுத்தாதி³வண்ணனா • 4. Tīhidhammehisuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. தீஹித⁴ம்மேஹிஸுத்தாதி³வண்ணனா • 4. Tīhidhammehisuttādivaṇṇanā
