| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
11. год̇ханасуд̇д̇аван̣н̣анаа
11. Kodhanasuttavaṇṇanā
64. згаад̣̇асамз сабад̇д̇аганд̇аад̇и сабад̇д̇аанам̣ взрийнам̣ ганд̇аа бияаа д̇зхи ижчид̇абад̇т̇ид̇аа. сабад̇д̇агаран̣аад̇и сабад̇д̇аанам̣ взрийнам̣ ад̇т̇агаран̣аа. год̇хабарзд̇од̇и год̇хаануг̇ад̇о. бажурад̇т̇ад̇ааяаад̇и б̣ахуад̇т̇ад̇ааяа б̣ахухид̇ад̇ааяа. анад̇т̇амбийд̇и авуд̣̇д̇химби. ад̇т̇о мз г̇ахид̇од̇и вуд̣дхи мз г̇ахид̇аа.
64. Ekādasame sapattakantāti sapattānaṃ verīnaṃ kantā piyā tehi icchitapatthitā. Sapattakaraṇāti sapattānaṃ verīnaṃ atthakaraṇā. Kodhaparetoti kodhānugato. Pacuratthatāyāti bahuatthatāya bahuhitatāya. Anatthampīti avuddhimpi. Attho me gahitoti vuḍḍhi me gahitā.
ат̇о ад̇т̇ам̣ г̇ахзд̇ваанаад̇и ат̇о вуд̣̇д̇хим̣ г̇ахзд̇ваа. анад̇т̇ам̣ ад̇хибаж̇ж̇ад̇ийд̇и анад̇т̇о мз г̇ахид̇од̇и саллагкзд̇и. вад̇хам̣ гад̇ваанаад̇и баан̣аад̇ибаад̇агаммам̣ гад̇ваа. год̇хасаммад̣̇асаммад̇д̇од̇и год̇хамад̣̇зна мад̇д̇о, аад̣̇иннаг̇ахид̇абараамадтод̇и ад̇т̇о. ааяасагяанд̇и аяасабхаавам̣, аяасо нияасо ход̇ийд̇и ад̇т̇о. анд̇арад̇о ж̇аад̇анд̇и аб̣бханд̇арз уббаннам̣. ад̇т̇ам̣ на ж̇аанаад̇ийд̇и вуд̣̇д̇хиад̇т̇ам̣ на ж̇аанаад̇и. д̇хаммам̣ на бассад̇ийд̇и самат̇авибассанаад̇хаммам̣ на бассад̇и. анд̇хад̇аманд̇и анд̇хабхаавагарам̣ д̇амам̣ б̣ахалад̇амам̣. сахад̇зд̇и абхибхавад̇и.
Atho atthaṃ gahetvānāti atho vuddhiṃ gahetvā. Anatthaṃ adhipajjatīti anattho me gahitoti sallakkheti. Vadhaṃ katvānāti pāṇātipātakammaṃ katvā. Kodhasammadasammattoti kodhamadena matto, ādinnagahitaparāmaṭṭhoti attho. Āyasakyanti ayasabhāvaṃ, ayaso niyaso hotīti attho. Antarato jātanti abbhantare uppannaṃ. Atthaṃ na jānātīti vuddhiatthaṃ na jānāti. Dhammaṃ na passatīti samathavipassanādhammaṃ na passati. Andhatamanti andhabhāvakaraṃ tamaṃ bahalatamaṃ. Sahateti abhibhavati.
д̣̇умман̇гуяанд̇и д̣̇умман̇губхаавам̣ нид̇д̇зж̇ад̇ам̣ д̣̇уб̣б̣ан̣н̣амукад̇ам̣. яад̇о бад̇ааяад̇ийд̇и яад̣̇аа ниб̣б̣ад̇д̇ад̇и. на ваажо ход̇и г̇ааравод̇и важанассаби г̇арубхааво на ход̇и. на д̣̇ийбам̣ ход̇и гин̃жананд̇и гаажи бад̇идтаа наама на ход̇и. д̇абанийяаанийд̇и д̇аабаж̇анагаани. д̇хаммзхийд̇и самат̇авибассанаад̇хаммзхи. аарагаад̇и д̣̇уурз. б̣раахман̣анд̇и кийн̣аасаваб̣раахман̣ам̣. яааяа маад̇у бхад̇од̇и яааяа маад̇араа бхад̇о босид̇о. баан̣ад̣̇ад̣̇им̣ санд̇инд̇и ж̇ийвид̇ад̣̇ааяигам̣ самаанам̣. ханд̇и гуд̣̇д̇хо бут̇уд̇д̇аананд̇и гуд̣̇д̇хо буг̇г̇ало бут̇у наанаагааран̣зхи ад̇д̇аанам̣ ханд̇и. наанааруубзсу мужчид̇од̇и наанаарамман̣зсу ад̇химужчид̇о худ̇ваа. раж̇ж̇уяаа б̣аж̇жха мийяанд̇ийд̇и раж̇ж̇уяаа б̣анд̇хид̇ваа маранд̇и. баб̣б̣ад̇аамаби ганд̣̇арзд̇и баб̣б̣ад̇аганд̣̇арзби бад̇ид̇ваа маранд̇и.
Dummaṅkuyanti dummaṅkubhāvaṃ nittejataṃ dubbaṇṇamukhataṃ. Yato patāyatīti yadā nibbattati. Na vāco hoti gāravoti vacanassapi garubhāvo na hoti. Na dīpaṃ hoti kiñcananti kāci patiṭṭhā nāma na hoti. Tapanīyānīti tāpajanakāni. Dhammehīti samathavipassanādhammehi. Ārakāti dūre. Brāhmaṇanti khīṇāsavabrāhmaṇaṃ. Yāya mātu bhatoti yāya mātarā bhato posito. Pāṇadadiṃ santinti jīvitadāyikaṃ samānaṃ. Hanti kuddho puthuttānanti kuddho puggalo puthu nānākāraṇehi attānaṃ hanti. Nānārūpesu mucchitoti nānārammaṇesu adhimucchito hutvā. Rajjuyā bajjha mīyantīti rajjuyā bandhitvā maranti. Pabbatāmapi kandareti pabbatakandarepi patitvā maranti.
бхуунахажжаанийд̇и хад̇авуд̣̇д̇хийни. ид̇ааяанд̇и ид̇и аяам̣. д̇ам̣ д̣̇амзна самужчинд̣̇зд̇и д̇ам̣ год̇хам̣ д̣̇амзна чинд̣̇зяяа. гад̇арзна д̣̇амзнаад̇и? бан̃н̃аавийриязна д̣̇идтияаад̇и вибассанаабан̃н̃ааяа жзва вибассанаасамбаяуд̇д̇зна гааяигажзд̇асигавийриязна жа маг̇г̇асаммаад̣̇идтияаа жа. д̇ат̇зва д̇хаммз сигкзт̇аад̇и яат̇аа агусалам̣ самужчинд̣̇зяяа, самат̇авибассанаад̇хаммзби д̇ат̇зва сигкзяяа. маа но д̣̇умман̇гуяам̣ ахууд̇и маа амхаагам̣ д̣̇умман̇губхааво ахосийд̇и имамад̇т̇ам̣ бад̇т̇аяамаанаа. анааяаасаад̇и анубааяаасаа. ануссугаад̇и гад̇т̇ажи уссуггам̣ анаабаннаа. сзсам̣ саб̣б̣ад̇т̇а уд̇д̇аанамзваад̇и.
Bhūnahaccānīti hatavuddhīni. Itāyanti iti ayaṃ. Taṃ damena samucchindeti taṃ kodhaṃ damena chindeyya. Katarena damenāti? Paññāvīriyena diṭṭhiyāti vipassanāpaññāya ceva vipassanāsampayuttena kāyikacetasikavīriyena ca maggasammādiṭṭhiyā ca. Tatheva dhamme sikkhethāti yathā akusalaṃ samucchindeyya, samathavipassanādhammepi tatheva sikkheyya. Mā no dummaṅkuyaṃ ahūti mā amhākaṃ dummaṅkubhāvo ahosīti imamatthaṃ patthayamānā. Anāyāsāti anupāyāsā. Anussukāti katthaci ussukkaṃ anāpannā. Sesaṃ sabbattha uttānamevāti.
аб̣яаагад̇аваг̇г̇о чадто.
Abyākatavaggo chaṭṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. год̇ханасуд̇д̇ам̣ • 11. Kodhanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 11. год̇ханасуд̇д̇аван̣н̣анаа • 11. Kodhanasuttavaṇṇanā
