| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
11. год̇ханасуд̇д̇аван̣н̣анаа
11. Kodhanasuttavaṇṇanā
64. згаад̣̇асамз сабад̇д̇агаран̣аад̇и ваа сабад̇д̇зхи гаад̇аб̣б̣аа. год̇хананд̇и гуж̇жханасийлам̣. год̇ханояанд̇и гуж̇жхано аяам̣. аяанд̇и жа нибаад̇амад̇д̇ам̣. год̇хабарзд̇од̇и год̇хзна ануг̇ад̇о, бараабхибхууд̇о ваа. д̣̇уб̣б̣ан̣н̣ова ход̇ийд̇и багад̇ияаа ван̣н̣авааби алан̇гад̇аббадияад̇д̇оби мукавигаараад̣̇ивасзна вируубо зва ход̇и. зд̇арахи ааяад̇ин̃жаад̇и год̇хаабхибхууд̇асса зганд̇амид̣̇ам̣ паланд̇и д̣̇ийбзд̇ум̣ ‘‘д̣̇уб̣б̣ан̣н̣оваа’’д̇и авад̇хааран̣ам̣ гад̇ваа буна ‘‘год̇хаабхибхууд̇о’’д̇и вуд̇д̇ам̣.
64. Ekādasame sapattakaraṇāti vā sapattehi kātabbā. Kodhananti kujjhanasīlaṃ. Kodhanoyanti kujjhano ayaṃ. Ayanti ca nipātamattaṃ. Kodhaparetoti kodhena anugato, parābhibhūto vā. Dubbaṇṇova hotīti pakatiyā vaṇṇavāpi alaṅkatappaṭiyattopi mukhavikārādivasena virūpo eva hoti. Etarahi āyatiñcāti kodhābhibhūtassa ekantamidaṃ phalanti dīpetuṃ ‘‘dubbaṇṇovā’’ti avadhāraṇaṃ katvā puna ‘‘kodhābhibhūto’’ti vuttaṃ.
аяасабхааванд̇и агид̇д̇имабхаавам̣. ад̇д̇ано барзсан̃жа анад̇т̇ам̣ ж̇анзд̇ийд̇и анад̇т̇аж̇анано. анд̇арад̇од̇и аб̣бханд̇арад̇о, жид̇д̇ад̇о ваа. д̇ам̣ ж̇ано нааваб̣уж̇жхад̇ийд̇и год̇хасан̇каад̇ам̣ анд̇арад̇о аб̣бханд̇арз ад̇д̇ано жид̇д̇зязва ж̇аад̇ам̣ анад̇т̇аж̇ананажид̇д̇аббагобанаад̣̇ибхаяам̣ бхаяахзд̇ум̣ аяам̣ б̣ааламахааж̇ано на ж̇аанаад̇и. яанд̇и яад̇т̇а. бхуммад̇т̇з хи зд̇ам̣ бажжад̇д̇аважанам̣. яасмим̣ гаалз год̇хо сахад̇з нарам̣, анд̇хад̇амам̣ д̇ад̣̇аа ход̇ийд̇и самб̣анд̇хо. яанд̇и ваа гааран̣аважанам̣, яасмаа год̇хо уббаж̇ж̇амаано нарам̣ сахад̇з абхибхавад̇и, д̇асмаа анд̇хад̇амам̣ д̇ад̣̇аа ход̇и, яад̣̇аа гуд̣̇д̇ход̇и ад̇т̇о яам̣-д̇ам̣-сад̣̇д̣̇аанам̣ зганд̇асамб̣анд̇хабхаавад̇о. ат̇а ваа яанд̇и гирияаабараамасанам̣. сахад̇зд̇и яад̣̇зд̇ам̣ год̇хасса саханам̣ абхибхаванам̣, зд̇ам̣ анд̇хад̇амам̣ бхавананд̇и ад̇т̇о. ат̇а ваа яам̣ нарам̣ год̇хо сахад̇з абхибхавад̇и, д̇асса анд̇хад̇амам̣ д̇ад̣̇аа ход̇и. д̇ад̇о жа гуд̣̇д̇хо ад̇т̇ам̣ на ж̇аанаад̇и, гуд̣̇д̇хо д̇хаммам̣ на бассад̇ийд̇и.
Ayasabhāvanti akittimabhāvaṃ. Attano paresañca anatthaṃ janetīti anatthajanano. Antaratoti abbhantarato, cittato vā. Taṃ jano nāvabujjhatīti kodhasaṅkhātaṃ antarato abbhantare attano citteyeva jātaṃ anatthajananacittappakopanādibhayaṃ bhayahetuṃ ayaṃ bālamahājano na jānāti. Yanti yattha. Bhummatthe hi etaṃ paccattavacanaṃ. Yasmiṃ kāle kodho sahate naraṃ, andhatamaṃ tadā hotīti sambandho. Yanti vā kāraṇavacanaṃ, yasmā kodho uppajjamāno naraṃ sahate abhibhavati, tasmā andhatamaṃ tadā hoti, yadā kuddhoti attho yaṃ-taṃ-saddānaṃ ekantasambandhabhāvato. Atha vā yanti kiriyāparāmasanaṃ. Sahateti yadetaṃ kodhassa sahanaṃ abhibhavanaṃ, etaṃ andhatamaṃ bhavananti attho. Atha vā yaṃ naraṃ kodho sahate abhibhavati, tassa andhatamaṃ tadā hoti. Tato ca kuddho atthaṃ na jānāti, kuddho dhammaṃ na passatīti.
бхуунам̣ вужжад̇и вуд̣̇д̇хи, д̇асса хананам̣ гхаад̇о зд̇зсанд̇и бхуунахажжаани. д̇знааха ‘‘хад̇авуд̣̇д̇хийний’’д̇и. д̣̇ама-сад̣̇д̣̇зна вуд̇д̇амзвад̇т̇ам̣ вибхаавзд̇ум̣ бан̃н̃аавийриязна д̣̇идтияаад̇и вуд̇д̇анд̇и д̣̇ассзнд̇о ‘‘гад̇арзна д̣̇амзнаа’’д̇иаад̣̇имааха. анзгад̇т̇о хи д̣̇ама-сад̣̇д̣̇о. ‘‘сажжзна д̣̇анд̇о д̣̇амасаа убзд̇о, взд̣̇анд̇аг̇уу вусид̇аб̣рахмажарияо’’д̇и (сам̣. ни. 1.195; су. ни. 467) зд̇т̇а хи инд̣̇рияасам̣варо д̣̇амод̇и вуд̇д̇о ‘‘манажчадтаани инд̣̇рияаани д̣̇амзд̇ий’’д̇и гад̇ваа. ‘‘яад̣̇и сажжаа д̣̇амаа жааг̇аа, канд̇яаа бхияяод̇ха виж̇ж̇ад̇ий’’д̇и (сам̣. ни. 1.246; су. ни. 191) зд̇т̇а бан̃н̃аа д̣̇амо ‘‘сам̣гилзсам̣ д̣̇амзд̇и баж̇ахад̇ий’’д̇и гад̇ваа. ‘‘д̣̇аанзна д̣̇амзна сам̣яамзна сажжаваж̇ж̇зна ад̇т̇и бун̃н̃ам̣, ад̇т̇и бун̃н̃асса ааг̇амо’’д̇и (сам̣. ни. 4.365) зд̇т̇а убосат̇агаммам̣ д̣̇амо ‘‘убавасанавасзна гааяагаммаад̣̇ийни д̣̇амзд̇ий’’д̇и гад̇ваа. ‘‘сагкиссаси ко д̇вам̣, бун̣н̣а, иминаа д̣̇амуубасамзна саманнааг̇ад̇о сунаабаранд̇асмим̣ ж̇анабад̣̇анд̇арз вихарид̇у’’нд̇и (ма. ни. 3.396; сам̣. ни. 4.88) зд̇т̇а ад̇хиваасанагканд̇и д̣̇амо ‘‘год̇хуубанаахамагкаад̣̇игз д̣̇амзд̇и винод̣̇зд̇ий’’д̇и гад̇ваа. ‘‘на маанагаамасса д̣̇амо ид̇хад̇т̇и, на монамад̇т̇и асамаахид̇ассаа’’д̇и (сам̣. ни. 1.9) зд̇т̇а абхисамб̣ож̇жхан̇г̇аад̣̇иго самаад̇хибагкиго д̇хаммо д̣̇амо ‘‘д̣̇аммад̇и жид̇д̇ам̣ зд̇знаа’’д̇и гад̇ваа. ид̇хааби ‘‘д̇ам̣ д̣̇амзна самужчинд̣̇з, бан̃н̃аавийриязна д̣̇идтияаа’’д̇и важанад̇о д̣̇ама-сад̣̇д̣̇зна бан̃н̃аавийрияад̣̇идтияо вуд̇д̇аа.
Bhūnaṃ vuccati vuddhi, tassa hananaṃ ghāto etesanti bhūnahaccāni. Tenāha ‘‘hatavuddhīnī’’ti. Dama-saddena vuttamevatthaṃ vibhāvetuṃ paññāvīriyena diṭṭhiyāti vuttanti dassento ‘‘katarena damenā’’tiādimāha. Anekattho hi dama-saddo. ‘‘Saccena danto damasā upeto, vedantagū vusitabrahmacariyo’’ti (saṃ. ni. 1.195; su. ni. 467) ettha hi indriyasaṃvaro damoti vutto ‘‘manacchaṭṭhāni indriyāni dametī’’ti katvā. ‘‘Yadi saccā damā cāgā, khantyā bhiyyodha vijjatī’’ti (saṃ. ni. 1.246; su. ni. 191) ettha paññā damo ‘‘saṃkilesaṃ dameti pajahatī’’ti katvā. ‘‘Dānena damena saṃyamena saccavajjena atthi puññaṃ, atthi puññassa āgamo’’ti (saṃ. ni. 4.365) ettha uposathakammaṃ damo ‘‘upavasanavasena kāyakammādīni dametī’’ti katvā. ‘‘Sakkhissasi kho tvaṃ, puṇṇa, iminā damūpasamena samannāgato sunāparantasmiṃ janapadantare viharitu’’nti (ma. ni. 3.396; saṃ. ni. 4.88) ettha adhivāsanakkhanti damo ‘‘kodhūpanāhamakkhādike dameti vinodetī’’ti katvā. ‘‘Na mānakāmassa damo idhatthi, na monamatthi asamāhitassā’’ti (saṃ. ni. 1.9) ettha abhisambojjhaṅgādiko samādhipakkhiko dhammo damo ‘‘dammati cittaṃ etenā’’ti katvā. Idhāpi ‘‘taṃ damena samucchinde, paññāvīriyena diṭṭhiyā’’ti vacanato dama-saddena paññāvīriyadiṭṭhiyo vuttā.
год̇ханасуд̇д̇аван̣н̣анаа нидтид̇аа.
Kodhanasuttavaṇṇanā niṭṭhitā.
аб̣яаагад̇аваг̇г̇аван̣н̣анаа нидтид̇аа.
Abyākatavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. год̇ханасуд̇д̇ам̣ • 11. Kodhanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 11. год̇ханасуд̇д̇аван̣н̣анаа • 11. Kodhanasuttavaṇṇanā
