| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੧. ਕੋਧਨਸੁਤ੍ਤવਣ੍ਣਨਾ
11. Kodhanasuttavaṇṇanā
੬੪. ਏਕਾਦਸਮੇ ਸਪਤ੍ਤਕਨ੍ਤਾਤਿ ਸਪਤ੍ਤਾਨਂ વੇਰੀਨਂ ਕਨ੍ਤਾ ਪਿਯਾ ਤੇਹਿ ਇਚ੍ਛਿਤਪਤ੍ਥਿਤਾ। ਸਪਤ੍ਤਕਰਣਾਤਿ ਸਪਤ੍ਤਾਨਂ વੇਰੀਨਂ ਅਤ੍ਥਕਰਣਾ। ਕੋਧਪਰੇਤੋਤਿ ਕੋਧਾਨੁਗਤੋ। ਪਚੁਰਤ੍ਥਤਾਯਾਤਿ ਬਹੁਅਤ੍ਥਤਾਯ ਬਹੁਹਿਤਤਾਯ। ਅਨਤ੍ਥਮ੍ਪੀਤਿ ਅવੁਦ੍ਧਿਮ੍ਪਿ। ਅਤ੍ਥੋ ਮੇ ਗਹਿਤੋਤਿ વੁਡ੍ਢਿ ਮੇ ਗਹਿਤਾ।
64. Ekādasame sapattakantāti sapattānaṃ verīnaṃ kantā piyā tehi icchitapatthitā. Sapattakaraṇāti sapattānaṃ verīnaṃ atthakaraṇā. Kodhaparetoti kodhānugato. Pacuratthatāyāti bahuatthatāya bahuhitatāya. Anatthampīti avuddhimpi. Attho me gahitoti vuḍḍhi me gahitā.
ਅਥੋ ਅਤ੍ਥਂ ਗਹੇਤ੍વਾਨਾਤਿ ਅਥੋ વੁਦ੍ਧਿਂ ਗਹੇਤ੍વਾ। ਅਨਤ੍ਥਂ ਅਧਿਪਜ੍ਜਤੀਤਿ ਅਨਤ੍ਥੋ ਮੇ ਗਹਿਤੋਤਿ ਸਲ੍ਲਕ੍ਖੇਤਿ। વਧਂ ਕਤ੍વਾਨਾਤਿ ਪਾਣਾਤਿਪਾਤਕਮ੍ਮਂ ਕਤ੍વਾ। ਕੋਧਸਮ੍ਮਦਸਮ੍ਮਤ੍ਤੋਤਿ ਕੋਧਮਦੇਨ ਮਤ੍ਤੋ, ਆਦਿਨ੍ਨਗਹਿਤਪਰਾਮਟ੍ਠੋਤਿ ਅਤ੍ਥੋ। ਆਯਸਕ੍ਯਨ੍ਤਿ ਅਯਸਭਾવਂ, ਅਯਸੋ ਨਿਯਸੋ ਹੋਤੀਤਿ ਅਤ੍ਥੋ। ਅਨ੍ਤਰਤੋ ਜਾਤਨ੍ਤਿ ਅਬ੍ਭਨ੍ਤਰੇ ਉਪ੍ਪਨ੍ਨਂ। ਅਤ੍ਥਂ ਨ ਜਾਨਾਤੀਤਿ વੁਦ੍ਧਿਅਤ੍ਥਂ ਨ ਜਾਨਾਤਿ। ਧਮ੍ਮਂ ਨ ਪਸ੍ਸਤੀਤਿ ਸਮਥવਿਪਸ੍ਸਨਾਧਮ੍ਮਂ ਨ ਪਸ੍ਸਤਿ। ਅਨ੍ਧਤਮਨ੍ਤਿ ਅਨ੍ਧਭਾવਕਰਂ ਤਮਂ ਬਹਲਤਮਂ। ਸਹਤੇਤਿ ਅਭਿਭવਤਿ।
Atho atthaṃ gahetvānāti atho vuddhiṃ gahetvā. Anatthaṃ adhipajjatīti anattho me gahitoti sallakkheti. Vadhaṃ katvānāti pāṇātipātakammaṃ katvā. Kodhasammadasammattoti kodhamadena matto, ādinnagahitaparāmaṭṭhoti attho. Āyasakyanti ayasabhāvaṃ, ayaso niyaso hotīti attho. Antarato jātanti abbhantare uppannaṃ. Atthaṃ na jānātīti vuddhiatthaṃ na jānāti. Dhammaṃ na passatīti samathavipassanādhammaṃ na passati. Andhatamanti andhabhāvakaraṃ tamaṃ bahalatamaṃ. Sahateti abhibhavati.
ਦੁਮ੍ਮਙ੍ਕੁਯਨ੍ਤਿ ਦੁਮ੍ਮਙ੍ਕੁਭਾવਂ ਨਿਤ੍ਤੇਜਤਂ ਦੁਬ੍ਬਣ੍ਣਮੁਖਤਂ। ਯਤੋ ਪਤਾਯਤੀਤਿ ਯਦਾ ਨਿਬ੍ਬਤ੍ਤਤਿ। ਨ વਾਚੋ ਹੋਤਿ ਗਾਰવੋਤਿ વਚਨਸ੍ਸਪਿ ਗਰੁਭਾવੋ ਨ ਹੋਤਿ। ਨ ਦੀਪਂ ਹੋਤਿ ਕਿਞ੍ਚਨਨ੍ਤਿ ਕਾਚਿ ਪਤਿਟ੍ਠਾ ਨਾਮ ਨ ਹੋਤਿ। ਤਪਨੀਯਾਨੀਤਿ ਤਾਪਜਨਕਾਨਿ। ਧਮ੍ਮੇਹੀਤਿ ਸਮਥવਿਪਸ੍ਸਨਾਧਮ੍ਮੇਹਿ। ਆਰਕਾਤਿ ਦੂਰੇ। ਬ੍ਰਾਹ੍ਮਣਨ੍ਤਿ ਖੀਣਾਸવਬ੍ਰਾਹ੍ਮਣਂ। ਯਾਯ ਮਾਤੁ ਭਤੋਤਿ ਯਾਯ ਮਾਤਰਾ ਭਤੋ ਪੋਸਿਤੋ। ਪਾਣਦਦਿਂ ਸਨ੍ਤਿਨ੍ਤਿ ਜੀવਿਤਦਾਯਿਕਂ ਸਮਾਨਂ। ਹਨ੍ਤਿ ਕੁਦ੍ਧੋ ਪੁਥੁਤ੍ਤਾਨਨ੍ਤਿ ਕੁਦ੍ਧੋ ਪੁਗ੍ਗਲੋ ਪੁਥੁ ਨਾਨਾਕਾਰਣੇਹਿ ਅਤ੍ਤਾਨਂ ਹਨ੍ਤਿ। ਨਾਨਾਰੂਪੇਸੁ ਮੁਚ੍ਛਿਤੋਤਿ ਨਾਨਾਰਮ੍ਮਣੇਸੁ ਅਧਿਮੁਚ੍ਛਿਤੋ ਹੁਤ੍વਾ। ਰਜ੍ਜੁਯਾ ਬਜ੍ਝ ਮੀਯਨ੍ਤੀਤਿ ਰਜ੍ਜੁਯਾ ਬਨ੍ਧਿਤ੍વਾ ਮਰਨ੍ਤਿ। ਪਬ੍ਬਤਾਮਪਿ ਕਨ੍ਦਰੇਤਿ ਪਬ੍ਬਤਕਨ੍ਦਰੇਪਿ ਪਤਿਤ੍વਾ ਮਰਨ੍ਤਿ।
Dummaṅkuyanti dummaṅkubhāvaṃ nittejataṃ dubbaṇṇamukhataṃ. Yato patāyatīti yadā nibbattati. Na vāco hoti gāravoti vacanassapi garubhāvo na hoti. Na dīpaṃ hoti kiñcananti kāci patiṭṭhā nāma na hoti. Tapanīyānīti tāpajanakāni. Dhammehīti samathavipassanādhammehi. Ārakāti dūre. Brāhmaṇanti khīṇāsavabrāhmaṇaṃ. Yāya mātu bhatoti yāya mātarā bhato posito. Pāṇadadiṃ santinti jīvitadāyikaṃ samānaṃ. Hanti kuddho puthuttānanti kuddho puggalo puthu nānākāraṇehi attānaṃ hanti. Nānārūpesu mucchitoti nānārammaṇesu adhimucchito hutvā. Rajjuyā bajjha mīyantīti rajjuyā bandhitvā maranti. Pabbatāmapi kandareti pabbatakandarepi patitvā maranti.
ਭੂਨਹਚ੍ਚਾਨੀਤਿ ਹਤવੁਦ੍ਧੀਨਿ। ਇਤਾਯਨ੍ਤਿ ਇਤਿ ਅਯਂ। ਤਂ ਦਮੇਨ ਸਮੁਚ੍ਛਿਨ੍ਦੇਤਿ ਤਂ ਕੋਧਂ ਦਮੇਨ ਛਿਨ੍ਦੇਯ੍ਯ। ਕਤਰੇਨ ਦਮੇਨਾਤਿ? ਪਞ੍ਞਾવੀਰਿਯੇਨ ਦਿਟ੍ਠਿਯਾਤਿ વਿਪਸ੍ਸਨਾਪਞ੍ਞਾਯ ਚੇવ વਿਪਸ੍ਸਨਾਸਮ੍ਪਯੁਤ੍ਤੇਨ ਕਾਯਿਕਚੇਤਸਿਕવੀਰਿਯੇਨ ਚ ਮਗ੍ਗਸਮ੍ਮਾਦਿਟ੍ਠਿਯਾ ਚ। ਤਥੇવ ਧਮ੍ਮੇ ਸਿਕ੍ਖੇਥਾਤਿ ਯਥਾ ਅਕੁਸਲਂ ਸਮੁਚ੍ਛਿਨ੍ਦੇਯ੍ਯ, ਸਮਥવਿਪਸ੍ਸਨਾਧਮ੍ਮੇਪਿ ਤਥੇવ ਸਿਕ੍ਖੇਯ੍ਯ। ਮਾ ਨੋ ਦੁਮ੍ਮਙ੍ਕੁਯਂ ਅਹੂਤਿ ਮਾ ਅਮ੍ਹਾਕਂ ਦੁਮ੍ਮਙ੍ਕੁਭਾવੋ ਅਹੋਸੀਤਿ ਇਮਮਤ੍ਥਂ ਪਤ੍ਥਯਮਾਨਾ। ਅਨਾਯਾਸਾਤਿ ਅਨੁਪਾਯਾਸਾ। ਅਨੁਸ੍ਸੁਕਾਤਿ ਕਤ੍ਥਚਿ ਉਸ੍ਸੁਕ੍ਕਂ ਅਨਾਪਨ੍ਨਾ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Bhūnahaccānīti hatavuddhīni. Itāyanti iti ayaṃ. Taṃ damena samucchindeti taṃ kodhaṃ damena chindeyya. Katarena damenāti? Paññāvīriyena diṭṭhiyāti vipassanāpaññāya ceva vipassanāsampayuttena kāyikacetasikavīriyena ca maggasammādiṭṭhiyā ca. Tatheva dhamme sikkhethāti yathā akusalaṃ samucchindeyya, samathavipassanādhammepi tatheva sikkheyya. Mā no dummaṅkuyaṃ ahūti mā amhākaṃ dummaṅkubhāvo ahosīti imamatthaṃ patthayamānā. Anāyāsāti anupāyāsā. Anussukāti katthaci ussukkaṃ anāpannā. Sesaṃ sabbattha uttānamevāti.
ਅਬ੍ਯਾਕਤવਗ੍ਗੋ ਛਟ੍ਠੋ।
Abyākatavaggo chaṭṭho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੧. ਕੋਧਨਸੁਤ੍ਤਂ • 11. Kodhanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੧. ਕੋਧਨਸੁਤ੍ਤવਣ੍ਣਨਾ • 11. Kodhanasuttavaṇṇanā
