| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१. कोधपेय्यालं
1. Kodhapeyyālaṃ
१८१. इतो परेसु कुज्झनलक्खणो कोधो। उपनन्धनलक्खणो उपनाहो। सुकतकरणमक्खनलक्खणो मक्खो। युगग्गाहलक्खणो पलासो। उसूयनलक्खणा इस्सा। पञ्चमच्छेरभावो मच्छरियं। तं सब्बम्पि मच्छरायनलक्खणं। कतपटिच्छादनलक्खणा माया। केराटिकलक्खणं साठेय्यं। अलज्जनाकारो अहिरिकं। उपवादतो अभायनाकारो अनोत्तप्पं। अक्कोधादयो तेसं पटिपक्खवसेन वेदितब्बा।
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
१८५. सेक्खस्स भिक्खुनोति सत्तविधस्सापि सेक्खस्स उपरिउपरिगुणेहि परिहानाय संवत्तन्ति, पुथुज्जनस्स पन पठमतरंयेव परिहानाय संवत्तन्तीति वेदितब्बा। अपरिहानायाति उपरिउपरिगुणेहि अपरिहानत्थाय।
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
१८७. यथाभतं निक्खित्तोति यथा आनेत्वा निक्खित्तो, एवं निरये पतिट्ठितो वाति वेदितब्बो।
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
१९०. एकच्चोति यस्सेते कोधादयो अत्थि, सो एकच्चो नाम।
190.Ekaccoti yassete kodhādayo atthi, so ekacco nāma.
कोधपेय्यालं निट्ठितं।
Kodhapeyyālaṃ niṭṭhitaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १. कोधपेय्यालं • 1. Kodhapeyyālaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १. कोधपेय्यालं • 1. Kodhapeyyālaṃ
