| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑. โกธเปยฺยาลํ
1. Kodhapeyyālaṃ
๑๘๑. อิโต ปเรสุ กุชฺฌนลกฺขโณ โกโธฯ อุปนนฺธนลกฺขโณ อุปนาโหฯ สุกตกรณมกฺขนลกฺขโณ มโกฺขฯ ยุคคฺคาหลกฺขโณ ปลาโสฯ อุสูยนลกฺขณา อิสฺสาฯ ปญฺจมเจฺฉรภาโว มจฺฉริยํฯ ตํ สพฺพมฺปิ มจฺฉรายนลกฺขณํฯ กตปฎิจฺฉาทนลกฺขณา มายาฯ เกราฎิกลกฺขณํ สาเฐยฺยํฯ อลชฺชนากาโร อหิริกํฯ อุปวาทโต อภายนากาโร อโนตฺตปฺปํฯ อโกฺกธาทโย เตสํ ปฎิปกฺขวเสน เวทิตพฺพาฯ
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
๑๘๕. เสกฺขสฺส ภิกฺขุโนติ สตฺตวิธสฺสาปิ เสกฺขสฺส อุปริอุปริคุเณหิ ปริหานาย สํวตฺตนฺติ, ปุถุชฺชนสฺส ปน ปฐมตรํเยว ปริหานาย สํวตฺตนฺตีติ เวทิตพฺพาฯ อปริหานายาติ อุปริอุปริคุเณหิ อปริหานตฺถายฯ
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
๑๘๗. ยถาภตํ นิกฺขิโตฺตติ ยถา อาเนตฺวา นิกฺขิโตฺต, เอวํ นิรเย ปติฎฺฐิโต วาติ เวทิตโพฺพฯ
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
๑๙๐. เอกโจฺจติ ยเสฺสเต โกธาทโย อตฺถิ, โส เอกโจฺจ นามฯ
190.Ekaccoti yassete kodhādayo atthi, so ekacco nāma.
โกธเปยฺยาลํ นิฎฺฐิตํฯ
Kodhapeyyālaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. โกธเปยฺยาลํ • 1. Kodhapeyyālaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑. โกธเปยฺยาลํ • 1. Kodhapeyyālaṃ
