| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១. កោធបេយ្យាលំ
1. Kodhapeyyālaṃ
១៨១. ឥតោ បរេសុ កុជ្ឈនលក្ខណោ កោធោ។ ឧបនន្ធនលក្ខណោ ឧបនាហោ។ សុកតករណមក្ខនលក្ខណោ មក្ខោ។ យុគគ្គាហលក្ខណោ បលាសោ។ ឧសូយនលក្ខណា ឥស្សា។ បញ្ចមច្ឆេរភាវោ មច្ឆរិយំ។ តំ សព្ពម្បិ មច្ឆរាយនលក្ខណំ។ កតបដិច្ឆាទនលក្ខណា មាយា។ កេរាដិកលក្ខណំ សាឋេយ្យំ។ អលជ្ជនាការោ អហិរិកំ។ ឧបវាទតោ អភាយនាការោ អនោត្តប្បំ។ អក្កោធាទយោ តេសំ បដិបក្ខវសេន វេទិតព្ពា។
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
១៨៥. សេក្ខស្ស ភិក្ខុនោតិ សត្តវិធស្សាបិ សេក្ខស្ស ឧបរិឧបរិគុណេហិ បរិហានាយ សំវត្តន្តិ, បុថុជ្ជនស្ស បន បឋមតរំយេវ បរិហានាយ សំវត្តន្តីតិ វេទិតព្ពា។ អបរិហានាយាតិ ឧបរិឧបរិគុណេហិ អបរិហានត្ថាយ។
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
១៨៧. យថាភតំ និក្ខិត្តោតិ យថា អានេត្វា និក្ខិត្តោ, ឯវំ និរយេ បតិដ្ឋិតោ វាតិ វេទិតព្ពោ។
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
១៩០. ឯកច្ចោតិ យស្សេតេ កោធាទយោ អត្ថិ, សោ ឯកច្ចោ នាម។
190.Ekaccoti yassete kodhādayo atthi, so ekacco nāma.
កោធបេយ្យាលំ និដ្ឋិតំ។
Kodhapeyyālaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. កោធបេយ្យាលំ • 1. Kodhapeyyālaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១. កោធបេយ្យាលំ • 1. Kodhapeyyālaṃ
