| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁. ကောဓပေယ္ယာလံ
1. Kodhapeyyālaṃ
၁၈၁. ဣတော ပရေသု ကုဇ္ဈနလက္ခဏော ကောဓော။ ဥပနန္ဓနလက္ခဏော ဥပနာဟော။ သုကတကရဏမက္ခနလက္ခဏော မက္ခော။ ယုဂဂ္ဂာဟလက္ခဏော ပလာသော။ ဥသူယနလက္ခဏာ ဣသ္သာ။ ပဉ္စမစ္ဆေရဘာဝော မစ္ဆရိယံ။ တံ သဗ္ဗမ္ပိ မစ္ဆရာယနလက္ခဏံ။ ကတပဋိစ္ဆာဒနလက္ခဏာ မာယာ။ ကေရာဋိကလက္ခဏံ သာဌေယ္ယံ။ အလဇ္ဇနာကာရော အဟိရိကံ။ ဥပဝာဒတော အဘာယနာကာရော အနောတ္တပ္ပံ။ အက္ကောဓာဒယော တေသံ ပဋိပက္ခဝသေန ဝေဒိတဗ္ဗာ။
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
၁၈၅. သေက္ခသ္သ ဘိက္ခုနောတိ သတ္တဝိဓသ္သာပိ သေက္ခသ္သ ဥပရိဥပရိဂုဏေဟိ ပရိဟာနာယ သံဝတ္တန္တိ, ပုထုဇ္ဇနသ္သ ပန ပဌမတရံယေဝ ပရိဟာနာယ သံဝတ္တန္တီတိ ဝေဒိတဗ္ဗာ။ အပရိဟာနာယာတိ ဥပရိဥပရိဂုဏေဟိ အပရိဟာနတ္ထာယ။
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
၁၈၇. ယထာဘတံ နိက္ခိတ္တောတိ ယထာ အာနေတ္ဝာ နိက္ခိတ္တော, ဧဝံ နိရယေ ပတိဋ္ဌိတော ဝာတိ ဝေဒိတဗ္ဗော။
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
၁၉၀. ဧကစ္စောတိ ယသ္သေတေ ကောဓာဒယော အတ္ထိ, သော ဧကစ္စော နာမ။
190.Ekaccoti yassete kodhādayo atthi, so ekacco nāma.
ကောဓပေယ္ယာလံ နိဋ္ဌိတံ။
Kodhapeyyālaṃ niṭṭhitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ကောဓပေယ္ယာလံ • 1. Kodhapeyyālaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. ကောဓပေယ္ယာလံ • 1. Kodhapeyyālaṃ
