| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೧. ಕೋಧಪೇಯ್ಯಾಲಂ
1. Kodhapeyyālaṃ
೧೮೧. ಇತೋ ಪರೇಸು ಕುಜ್ಝನಲಕ್ಖಣೋ ಕೋಧೋ। ಉಪನನ್ಧನಲಕ್ಖಣೋ ಉಪನಾಹೋ। ಸುಕತಕರಣಮಕ್ಖನಲಕ್ಖಣೋ ಮಕ್ಖೋ। ಯುಗಗ್ಗಾಹಲಕ್ಖಣೋ ಪಲಾಸೋ। ಉಸೂಯನಲಕ್ಖಣಾ ಇಸ್ಸಾ। ಪಞ್ಚಮಚ್ಛೇರಭಾವೋ ಮಚ್ಛರಿಯಂ। ತಂ ಸಬ್ಬಮ್ಪಿ ಮಚ್ಛರಾಯನಲಕ್ಖಣಂ। ಕತಪಟಿಚ್ಛಾದನಲಕ್ಖಣಾ ಮಾಯಾ। ಕೇರಾಟಿಕಲಕ್ಖಣಂ ಸಾಠೇಯ್ಯಂ। ಅಲಜ್ಜನಾಕಾರೋ ಅಹಿರಿಕಂ। ಉಪವಾದತೋ ಅಭಾಯನಾಕಾರೋ ಅನೋತ್ತಪ್ಪಂ। ಅಕ್ಕೋಧಾದಯೋ ತೇಸಂ ಪಟಿಪಕ್ಖವಸೇನ ವೇದಿತಬ್ಬಾ।
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
೧೮೫. ಸೇಕ್ಖಸ್ಸ ಭಿಕ್ಖುನೋತಿ ಸತ್ತವಿಧಸ್ಸಾಪಿ ಸೇಕ್ಖಸ್ಸ ಉಪರಿಉಪರಿಗುಣೇಹಿ ಪರಿಹಾನಾಯ ಸಂವತ್ತನ್ತಿ, ಪುಥುಜ್ಜನಸ್ಸ ಪನ ಪಠಮತರಂಯೇವ ಪರಿಹಾನಾಯ ಸಂವತ್ತನ್ತೀತಿ ವೇದಿತಬ್ಬಾ। ಅಪರಿಹಾನಾಯಾತಿ ಉಪರಿಉಪರಿಗುಣೇಹಿ ಅಪರಿಹಾನತ್ಥಾಯ।
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
೧೮೭. ಯಥಾಭತಂ ನಿಕ್ಖಿತ್ತೋತಿ ಯಥಾ ಆನೇತ್ವಾ ನಿಕ್ಖಿತ್ತೋ, ಏವಂ ನಿರಯೇ ಪತಿಟ್ಠಿತೋ ವಾತಿ ವೇದಿತಬ್ಬೋ।
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
೧೯೦. ಏಕಚ್ಚೋತಿ ಯಸ್ಸೇತೇ ಕೋಧಾದಯೋ ಅತ್ಥಿ, ಸೋ ಏಕಚ್ಚೋ ನಾಮ।
190.Ekaccoti yassete kodhādayo atthi, so ekacco nāma.
ಕೋಧಪೇಯ್ಯಾಲಂ ನಿಟ್ಠಿತಂ।
Kodhapeyyālaṃ niṭṭhitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧. ಕೋಧಪೇಯ್ಯಾಲಂ • 1. Kodhapeyyālaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧. ಕೋಧಪೇಯ್ಯಾಲಂ • 1. Kodhapeyyālaṃ
