| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
1. කොධපෙය්‍යාලං
1. Kodhapeyyālaṃ
181. ඉතො පරෙසු කුජ්‌ඣනලක්‌ඛණො කොධො. උපනන්‌ධනලක්‌ඛණො උපනාහො. සුකතකරණමක්‌ඛනලක්‌ඛණො මක්‌ඛො. යුගග්‌ගාහලක්‌ඛණො පලාසො. උසූයනලක්‌ඛණා ඉස්‌සා. පඤ්‌චමච්‌ඡෙරභාවො මච්‌ඡරියං. තං සබ්‌බම්‌පි මච්‌ඡරායනලක්‌ඛණං. කතපටිච්‌ඡාදනලක්‌ඛණා මායා. කෙරාටිකලක්‌ඛණං සාඨෙය්‍යං. අලජ්‌ජනාකාරො අහිරිකං. උපවාදතො අභායනාකාරො අනොත්‌තප්‌පං. අක්‌කොධාදයො තෙසං පටිපක්‌ඛවසෙන වෙදිතබ්‌බා.
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
185. සෙක්‌ඛස්‌ස භික්‌ඛුනොති සත්‌තවිධස්‌සාපි සෙක්‌ඛස්‌ස උපරිඋපරිගුණෙහි පරිහානාය සංවත්‌තන්‌ති, පුථුජ්‌ජනස්‌ස පන පඨමතරංයෙව පරිහානාය සංවත්‌තන්‌තීති වෙදිතබ්‌බා. අපරිහානායාති උපරිඋපරිගුණෙහි අපරිහානත්‌ථාය.
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
187. යථාභතං නික්‌ඛිත්‌තොති යථා ආනෙත්‌වා නික්‌ඛිත්‌තො, එවං නිරයෙ පතිට්‌ඨිතො වාති වෙදිතබ්‌බො.
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
190. එකච්‌චොති යස්‌සෙතෙ කොධාදයො අත්‌ථි, සො එකච්‌චො නාම.
190.Ekaccoti yassete kodhādayo atthi, so ekacco nāma.
කොධපෙය්‍යාලං නිට්‌ඨිතං.
Kodhapeyyālaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. කොධපෙය්‍යාලං • 1. Kodhapeyyālaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. කොධපෙය්‍යාලං • 1. Kodhapeyyālaṃ
