| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৭. কোকালিকসুত্তং
7. Kokālikasuttaṃ
১৭৮. সাৰত্থিনিদানং। তেন খো পন সমযেন ভগৰা দিৰাৰিহারগতো হোতি পটিসল্লীনো। অথ খো সুব্রহ্মা চ পচ্চেকব্রহ্মা সুদ্ধাৰাসো চ পচ্চেকব্রহ্মা যেন ভগৰা তেনুপসঙ্কমিংসু; উপসঙ্কমিত্ৰা পচ্চেকং দ্ৰারবাহং নিস্সায অট্ঠংসু। অথ খো সুব্রহ্মা পচ্চেকব্রহ্মা কোকালিকং ভিক্খুং আরব্ভ ভগৰতো সন্তিকে ইমং গাথং অভাসি –
178. Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho subrahmā paccekabrahmā kokālikaṃ bhikkhuṃ ārabbha bhagavato santike imaṃ gāthaṃ abhāsi –
‘‘অপ্পমেয্যং পমিনন্তো, কোধ ৰিদ্ৰা ৰিকপ্পযে।
‘‘Appameyyaṃ paminanto, kodha vidvā vikappaye;
অপ্পমেয্যং পমাযিনং, নিৰুতং তং মঞ্ঞে পুথুজ্জন’’ন্তি॥
Appameyyaṃ pamāyinaṃ, nivutaṃ taṃ maññe puthujjana’’nti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. কোকালিকসুত্তৰণ্ণনা • 7. Kokālikasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. কোকালিকসুত্তৰণ্ণনা • 7. Kokālikasuttavaṇṇanā
