| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. гогаалигасуд̇д̇ам̣
9. Kokālikasuttaṃ
89. 1 ат̇а ко гогаалиго бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко гогаалиго бхигку бхаг̇аванд̇ам̣ зд̇ад̣̇авожа – ‘‘баабижчаа, бханд̇з, саарибуд̇д̇амог̇г̇аллаанаа, баабигаанам̣ ижчаанам̣ васам̣ г̇ад̇аа’’д̇и. ‘‘маа хзвам̣, гогаалига, маа хзвам̣, гогаалига! басаад̣̇зхи, гогаалига, саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и.
89.2 Atha kho kokāliko bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho kokāliko bhikkhu bhagavantaṃ etadavoca – ‘‘pāpicchā, bhante, sāriputtamoggallānā, pāpikānaṃ icchānaṃ vasaṃ gatā’’ti. ‘‘Mā hevaṃ, kokālika, mā hevaṃ, kokālika! Pasādehi, kokālika, sāriputtamoggallānesu cittaṃ. Pesalā sāriputtamoggallānā’’ti.
д̣̇уд̇ияамби ко гогаалиго бхигку бхаг̇аванд̇ам̣ зд̇ад̣̇авожа – ‘‘гин̃жааби мз, бханд̇з, бхаг̇аваа сад̣̇д̇хааяиго бажжаяиго, ат̇а ко баабижчаава саарибуд̇д̇амог̇г̇аллаанаа, баабигаанам̣ ижчаанам̣ васам̣ г̇ад̇аа’’д̇и. ‘‘маа хзвам̣, гогаалига, маа хзвам̣, гогаалига! басаад̣̇зхи, гогаалига, саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и.
Dutiyampi kho kokāliko bhikkhu bhagavantaṃ etadavoca – ‘‘kiñcāpi me, bhante, bhagavā saddhāyiko paccayiko, atha kho pāpicchāva sāriputtamoggallānā, pāpikānaṃ icchānaṃ vasaṃ gatā’’ti. ‘‘Mā hevaṃ, kokālika, mā hevaṃ, kokālika! Pasādehi, kokālika, sāriputtamoggallānesu cittaṃ. Pesalā sāriputtamoggallānā’’ti.
д̇ад̇ияамби ко гогаалиго бхигку бхаг̇аванд̇ам̣ зд̇ад̣̇авожа – ‘‘гин̃жааби мз, бханд̇з, бхаг̇аваа сад̣̇д̇хааяиго бажжаяиго, ат̇а ко баабижчаава саарибуд̇д̇амог̇г̇аллаанаа, баабигаанам̣ ижчаанам̣ васам̣ г̇ад̇аа’’д̇и. ‘‘маа хзвам̣, гогаалига, маа хзвам̣, гогаалига! басаад̣̇зхи, гогаалига , саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и.
Tatiyampi kho kokāliko bhikkhu bhagavantaṃ etadavoca – ‘‘kiñcāpi me, bhante, bhagavā saddhāyiko paccayiko, atha kho pāpicchāva sāriputtamoggallānā, pāpikānaṃ icchānaṃ vasaṃ gatā’’ti. ‘‘Mā hevaṃ, kokālika, mā hevaṃ, kokālika! Pasādehi, kokālika , sāriputtamoggallānesu cittaṃ. Pesalā sāriputtamoggallānā’’ti.
ат̇а ко гогаалиго бхигку удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ажирабагганд̇асса жа гогаалигасса бхигкуно саасабамад̇д̇ийхи бийл̣агаахи саб̣б̣о гааяо пудо ахоси. саасабамад̇д̇ияо худ̇ваа муг̇г̇амад̇д̇ияо ахзсум̣, муг̇г̇амад̇д̇ияо худ̇ваа галааяамад̇д̇ияо ахзсум̣, галааяамад̇д̇ияо худ̇ваа голадтимад̇д̇ияо ахзсум̣, голадтимад̇д̇ияо худ̇ваа голамад̇д̇ияо ахзсум̣, голамад̇д̇ияо худ̇ваа аамалагамад̇д̇ияо ахзсум̣, аамалагамад̇д̇ияо худ̇ваа (д̇ин̣д̣угамад̇д̇ияо ахзсум̣, д̇ин̣д̣угамад̇д̇ияо худ̇ваа,) 3 б̣зл̣увасалаадугамад̇д̇ияо ахзсум̣, б̣зл̣увасалаадугамад̇д̇ияо худ̇ваа б̣илламад̇д̇ияо ахзсум̣, б̣илламад̇д̇ияо худ̇ваа бабхиж̇ж̇им̣су, буб̣б̣ан̃жа лохид̇ан̃жа баг̇гхарим̣су. со суд̣̇ам̣ гад̣̇алибад̇д̇зсу сзд̇и мажчова висаг̇илид̇о.
Atha kho kokāliko bhikkhu uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Acirapakkantassa ca kokālikassa bhikkhuno sāsapamattīhi pīḷakāhi sabbo kāyo phuṭo ahosi. Sāsapamattiyo hutvā muggamattiyo ahesuṃ, muggamattiyo hutvā kalāyamattiyo ahesuṃ, kalāyamattiyo hutvā kolaṭṭhimattiyo ahesuṃ, kolaṭṭhimattiyo hutvā kolamattiyo ahesuṃ, kolamattiyo hutvā āmalakamattiyo ahesuṃ, āmalakamattiyo hutvā (tiṇḍukamattiyo ahesuṃ, tiṇḍukamattiyo hutvā,) 4 beḷuvasalāṭukamattiyo ahesuṃ, beḷuvasalāṭukamattiyo hutvā billamattiyo ahesuṃ, billamattiyo hutvā pabhijjiṃsu, pubbañca lohitañca pagghariṃsu. So sudaṃ kadalipattesu seti macchova visagilito.
ат̇а ко д̇уруу бажжзгаб̣рахмаа 5 язна гогаалиго бхигку д̇знубасан̇гами; убасан̇гамид̇ваа взхаасз тад̇ваа гогаалигам̣ бхигкум̣ зд̇ад̣̇авожа – ‘‘басаад̣̇зхи, гогаалига, саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и. ‘‘госи д̇вам̣, аавусо’’д̇и? ‘‘ахам̣ д̇уруу бажжзгаб̣рахмаа’’д̇и. ‘‘нану д̇вам̣, аавусо, бхаг̇авад̇аа анааг̇аамий б̣яаагад̇о, ат̇а гин̃жарахи ид̇хааг̇ад̇о? басса яааван̃жа д̇з ид̣̇ам̣ абарад̣̇д̇ха’’нд̇и.
Atha kho turū paccekabrahmā 6 yena kokāliko bhikkhu tenupasaṅkami; upasaṅkamitvā vehāse ṭhatvā kokālikaṃ bhikkhuṃ etadavoca – ‘‘pasādehi, kokālika, sāriputtamoggallānesu cittaṃ. Pesalā sāriputtamoggallānā’’ti. ‘‘Kosi tvaṃ, āvuso’’ti? ‘‘Ahaṃ turū paccekabrahmā’’ti. ‘‘Nanu tvaṃ, āvuso, bhagavatā anāgāmī byākato, atha kiñcarahi idhāgato? Passa yāvañca te idaṃ aparaddha’’nti.
ат̇а ко д̇уруу бажжзгаб̣рахмаа гогаалигам̣ бхигкум̣ г̇аат̇аахи аж̇жхабхааси –
Atha kho turū paccekabrahmā kokālikaṃ bhikkhuṃ gāthāhi ajjhabhāsi –
‘‘бурисасса хи ж̇аад̇асса, гутаарий ж̇ааяад̇з мукз;
‘‘Purisassa hi jātassa, kuṭhārī jāyate mukhe;
яааяа чинд̣̇ад̇и ад̇д̇аанам̣, б̣аало д̣̇уб̣бхаасид̇ам̣ бхан̣ам̣.
Yāya chindati attānaṃ, bālo dubbhāsitaṃ bhaṇaṃ.
‘‘яо нинд̣̇ияам̣ басам̣сад̇и, д̇ам̣ ваа нинд̣̇ад̇и яо басам̣сияо;
‘‘Yo nindiyaṃ pasaṃsati, taṃ vā nindati yo pasaṃsiyo;
вижинаад̇и мукзна со галим̣, галинаа д̇зна сукам̣ на винд̣̇ад̇и.
Vicināti mukhena so kaliṃ, kalinā tena sukhaṃ na vindati.
‘‘аббамад̇д̇аго аяам̣ гали, яо агкзсу д̇ханабарааж̇аяо;
‘‘Appamattako ayaṃ kali, yo akkhesu dhanaparājayo;
саб̣б̣ассааби сахааби ад̇д̇анаа, аяамзва махад̇д̇аро гали;
Sabbassāpi sahāpi attanā, ayameva mahattaro kali;
яо суг̇ад̇зсу манам̣ бад̣̇уусаяз.
Yo sugatesu manaṃ padūsaye.
‘‘сад̇ам̣ сахассаанам̣ нираб̣б̣уд̣̇аанам̣, чад̇д̇им̣сад̇и бан̃жа жа аб̣б̣уд̣̇аани;
‘‘Sataṃ sahassānaṃ nirabbudānaṃ, chattiṃsati pañca ca abbudāni;
яамарияаг̇арахий нираяам̣ убзд̇и, ваажам̣ манан̃жа бан̣ид̇хааяа баабага’’нд̇и.
Yamariyagarahī nirayaṃ upeti, vācaṃ manañca paṇidhāya pāpaka’’nti.
ат̇а ко гогаалиго бхигку д̇знзва ааб̣аад̇хзна гааламагааси. гаалан̇гад̇о жа гогаалиго бхигку бад̣̇умам̣ нираяам̣ убабаж̇ж̇ад̇и саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа.
Atha kho kokāliko bhikkhu teneva ābādhena kālamakāsi. Kālaṅkato ca kokāliko bhikkhu padumaṃ nirayaṃ upapajjati sāriputtamoggallānesu cittaṃ āghātetvā.
ат̇а ко б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко б̣рахмаа сахамбад̇и бхаг̇аванд̇ам̣ зд̇ад̣̇авожа – ‘‘гогаалиго, бханд̇з , бхигку гаалан̇гад̇о. гаалан̇гад̇о жа, бханд̇з, гогаалиго бхигку бад̣̇умам̣ нираяам̣ убабанно саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа’’д̇и. ид̣̇амавожа б̣рахмаа сахамбад̇и. ид̣̇ам̣ вад̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
Atha kho brahmā sahampati abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho brahmā sahampati bhagavantaṃ etadavoca – ‘‘kokāliko, bhante , bhikkhu kālaṅkato. Kālaṅkato ca, bhante, kokāliko bhikkhu padumaṃ nirayaṃ upapanno sāriputtamoggallānesu cittaṃ āghātetvā’’ti. Idamavoca brahmā sahampati. Idaṃ vatvā bhagavantaṃ abhivādetvā padakkhiṇaṃ katvā tatthevantaradhāyi.
ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко, бхигкавз, б̣рахмаа сахамбад̇и мам̣ зд̇ад̣̇авожа – ‘гогаалиго, бханд̇з, бхигку гаалан̇гад̇о; гаалан̇гад̇о жа, бханд̇з, гогаалиго бхигку бад̣̇умам̣ нираяам̣ убабанно саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа’д̇и. ид̣̇амавожа, бхигкавз, б̣рахмаа сахамбад̇и. ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяий’’д̇и.
Atha kho bhagavā tassā rattiyā accayena bhikkhū āmantesi – ‘‘imaṃ, bhikkhave, rattiṃ brahmā sahampati abhikkantāya rattiyā abhikkantavaṇṇo kevalakappaṃ jetavanaṃ obhāsetvā yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhito kho, bhikkhave, brahmā sahampati maṃ etadavoca – ‘kokāliko, bhante, bhikkhu kālaṅkato; kālaṅkato ca, bhante, kokāliko bhikkhu padumaṃ nirayaṃ upapanno sāriputtamoggallānesu cittaṃ āghātetvā’ti. Idamavoca, bhikkhave, brahmā sahampati. Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.
звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘гийва д̣̇ийгхам̣ ну ко, бханд̇з, бад̣̇умз нираяз ааяуббамаан̣а’’нд̇и? ‘‘д̣̇ийгхам̣ ко, бхигку, бад̣̇умз нираяз ааяуббамаан̣ам̣. на д̇ам̣ сугарам̣ сан̇каад̇ум̣ – ‘зд̇д̇агаани вассаанийд̇и ваа зд̇д̇агаани вассасад̇аанийд̇и ваа зд̇д̇агаани вассасахассаанийд̇и ваа зд̇д̇агаани вассасад̇асахассаанийд̇и ваа’’’д̇и.
Evaṃ vutte aññataro bhikkhu bhagavantaṃ etadavoca – ‘‘kīva dīghaṃ nu kho, bhante, padume niraye āyuppamāṇa’’nti? ‘‘Dīghaṃ kho, bhikkhu, padume niraye āyuppamāṇaṃ. Na taṃ sukaraṃ saṅkhātuṃ – ‘ettakāni vassānīti vā ettakāni vassasatānīti vā ettakāni vassasahassānīti vā ettakāni vassasatasahassānīti vā’’’ti.
‘‘саггаа бана, бханд̇з, убамам̣ гаад̇у’’нд̇и? ‘‘саггаа, бхигкуу,’’д̇и бхаг̇аваа авожа – ‘‘сзяяат̇ааби, бхигку, вийсад̇икаариго госалаго д̇илаваахо д̇ад̇о бурисо вассасад̇асса вассасад̇асса ажжаязна згамзгам̣ д̇илам̣ уд̣̇д̇харзяяа . киббад̇арам̣ ко со, бхигку, вийсад̇икаариго госалаго д̇илаваахо иминаа убаггамзна баригкаяам̣ барияаад̣̇аанам̣ г̇ажчзяяа, на д̇взва зго аб̣б̣уд̣̇о нираяо. сзяяат̇ааби, бхигку, вийсад̇и аб̣б̣уд̣̇аа нираяаа, звамзго нираб̣б̣уд̣̇о нираяо. сзяяат̇ааби, бхигку, вийсад̇и нираб̣б̣уд̣̇аа нираяаа, звамзго аб̣аб̣о нираяо. сзяяат̇ааби, бхигку, вийсад̇и аб̣аб̣аа нираяаа, звамзго ададо нираяо. сзяяат̇ааби, бхигку, вийсад̇и ададаа нираяаа, звамзго ахахо нираяо. сзяяат̇ааби, бхигку, вийсад̇и ахахаа нираяаа, звамзго гумуд̣̇о нираяо. сзяяат̇ааби, бхигку, вийсад̇и гумуд̣̇аа нираяаа, звамзго сог̇анд̇хиго нираяо. сзяяат̇ааби, бхигку, вийсад̇и сог̇анд̇хигаа нираяаа, звамзго уббалаго нираяо. сзяяат̇ааби, бхигку, вийсад̇и уббалагаа нираяаа, звамзго бун̣д̣арийго нираяо. сзяяат̇ааби, бхигку, вийсад̇и бун̣д̣арийгаа нираяаа, звамзго бад̣̇умо нираяо. бад̣̇умам̣ ко бана, бхигку, нираяам̣ гогаалиго бхигку убабанно саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
‘‘Sakkā pana, bhante, upamaṃ kātu’’nti? ‘‘Sakkā, bhikkhū,’’ti bhagavā avoca – ‘‘seyyathāpi, bhikkhu, vīsatikhāriko kosalako tilavāho tato puriso vassasatassa vassasatassa accayena ekamekaṃ tilaṃ uddhareyya . Khippataraṃ kho so, bhikkhu, vīsatikhāriko kosalako tilavāho iminā upakkamena parikkhayaṃ pariyādānaṃ gaccheyya, na tveva eko abbudo nirayo. Seyyathāpi, bhikkhu, vīsati abbudā nirayā, evameko nirabbudo nirayo. Seyyathāpi, bhikkhu, vīsati nirabbudā nirayā, evameko ababo nirayo. Seyyathāpi, bhikkhu, vīsati ababā nirayā, evameko aṭaṭo nirayo. Seyyathāpi, bhikkhu, vīsati aṭaṭā nirayā, evameko ahaho nirayo. Seyyathāpi, bhikkhu, vīsati ahahā nirayā, evameko kumudo nirayo. Seyyathāpi, bhikkhu, vīsati kumudā nirayā, evameko sogandhiko nirayo. Seyyathāpi, bhikkhu, vīsati sogandhikā nirayā, evameko uppalako nirayo. Seyyathāpi, bhikkhu, vīsati uppalakā nirayā, evameko puṇḍarīko nirayo. Seyyathāpi, bhikkhu, vīsati puṇḍarīkā nirayā, evameko padumo nirayo. Padumaṃ kho pana, bhikkhu, nirayaṃ kokāliko bhikkhu upapanno sāriputtamoggallānesu cittaṃ āghātetvā’’ti. Idamavoca bhagavā. Idaṃ vatvāna sugato athāparaṃ etadavoca satthā –
‘‘бурисасса хи ж̇аад̇асса, гутаарий ж̇ааяад̇з мукз;
‘‘Purisassa hi jātassa, kuṭhārī jāyate mukhe;
яааяа чинд̣̇ад̇и ад̇д̇аанам̣, б̣аало д̣̇уб̣бхаасид̇ам̣ бхан̣ам̣.
Yāya chindati attānaṃ, bālo dubbhāsitaṃ bhaṇaṃ.
‘‘яо нинд̣̇ияам̣ басам̣сад̇и, д̇ам̣ ваа нинд̣̇ад̇и яо басам̣сияо;
‘‘Yo nindiyaṃ pasaṃsati, taṃ vā nindati yo pasaṃsiyo;
вижинаад̇и мукзна со галим̣, галинаа д̇зна сукам̣ на винд̣̇ад̇и.
Vicināti mukhena so kaliṃ, kalinā tena sukhaṃ na vindati.
‘‘аббамад̇д̇аго аяам̣ гали, яо агкзсу д̇ханабарааж̇аяо;
‘‘Appamattako ayaṃ kali, yo akkhesu dhanaparājayo;
саб̣б̣ассааби сахааби ад̇д̇анаа, аяамзва махад̇д̇аро гали;
Sabbassāpi sahāpi attanā, ayameva mahattaro kali;
яо суг̇ад̇зсу манам̣ бад̣̇уусаяз.
Yo sugatesu manaṃ padūsaye.
‘‘сад̇ам̣ сахассаанам̣ нираб̣б̣уд̣̇аанам̣, чад̇д̇им̣сад̇и бан̃жа жа аб̣б̣уд̣̇аани;
‘‘Sataṃ sahassānaṃ nirabbudānaṃ, chattiṃsati pañca ca abbudāni;
яамарияаг̇арахий нираяам̣ убзд̇и, ваажам̣ манан̃жа бан̣ид̇хааяа баабага’’нд̇и. навамам̣;
Yamariyagarahī nirayaṃ upeti, vācaṃ manañca paṇidhāya pāpaka’’nti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. гогаалигасуд̇д̇аван̣н̣анаа • 9. Kokālikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9-10. гогаалигасуд̇д̇аад̣̇иван̣н̣анаа • 9-10. Kokālikasuttādivaṇṇanā
