| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
10. гогаалигасуд̇д̇аван̣н̣анаа
10. Kokālikasuttavaṇṇanā
звам̣ мз суд̇анд̇и гогаалигасуд̇д̇ам̣. гаа уббад̇д̇и? имасса суд̇д̇асса уббад̇д̇и ад̇т̇аван̣н̣анааяамзва аави бхависсад̇и. ад̇т̇аван̣н̣анааяа жасса звам̣ мз суд̇анд̇иаад̣̇и вуд̇д̇анаяамзва. ат̇а ко гогаалигод̇и зд̇т̇а бана го аяам̣ гогаалиго, гасмаа жа убасан̇гамийд̇и? вужжад̇з – аяам̣ гира гогаалигарадтз гогаалиганаг̇арз гогаалигасздтисса буд̇д̇о баб̣б̣аж̇ид̇ваа бид̇араа гаараабид̇з вихаарзязва бадивасад̇и ‘‘жуул̣агогаалиго’’д̇и наамзна, на д̣̇звад̣̇ад̇д̇асса сиссо. со хи б̣раахман̣абуд̇д̇о ‘‘махаагогаалиго’’д̇и бан̃н̃ааяи.
Evaṃme sutanti kokālikasuttaṃ. Kā uppatti? Imassa suttassa uppatti atthavaṇṇanāyameva āvi bhavissati. Atthavaṇṇanāya cassa evaṃ me sutantiādi vuttanayameva. Atha kho kokālikoti ettha pana ko ayaṃ kokāliko, kasmā ca upasaṅkamīti? Vuccate – ayaṃ kira kokālikaraṭṭhe kokālikanagare kokālikaseṭṭhissa putto pabbajitvā pitarā kārāpite vihāreyeva paṭivasati ‘‘cūḷakokāliko’’ti nāmena, na devadattassa sisso. So hi brāhmaṇaputto ‘‘mahākokāliko’’ti paññāyi.
бхаг̇авад̇и гира саавад̇т̇ияам̣ вихаранд̇з д̣̇вз аг̇г̇асаавагаа бан̃жамад̇д̇зхи бхигкусад̇зхи сад̣̇д̇хим̣ ж̇анабад̣̇ажааригам̣ жарамаанаа убагадтааяа вассуубанааяигааяа вивзгаваасам̣ васид̇угаамаа д̇з бхигкуу уяяож̇зд̇ваа ад̇д̇ано бад̇д̇ажийварамаад̣̇ааяа д̇асмим̣ ж̇анабад̣̇з д̇ам̣ наг̇арам̣ бад̇ваа д̇ам̣ вихаарам̣ аг̇амам̣су. д̇ад̇т̇а д̇з гогаалигзна сад̣̇д̇хим̣ саммод̣̇ид̇ваа д̇ам̣ аахам̣су – ‘‘аавусо, маяам̣ ид̇ха д̇змаасам̣ васиссаама, маа гассажи аарожзяяаасий’’д̇и. со ‘‘саад̇хуу’’д̇и бадиссун̣ид̇ваа д̇змаасз ад̇ийд̇з ид̇арад̣̇ивасам̣ баг̇зва наг̇арам̣ бависид̇ваа аарожзси – ‘‘д̇умхз аг̇г̇асаавагз ид̇хааг̇анд̇ваа васамаанз на ж̇аанид̇т̇а, на д̇з гожи бажжаязнааби ниманд̇зд̇ий’’д̇и. наг̇араваасино ‘‘гасмаа но, бханд̇з, наарожаяид̇т̇аа’’д̇и. гим̣ аарожид̇зна, гим̣ наад̣̇д̣̇асат̇а д̣̇вз бхигкуу васанд̇з, нану зд̇з аг̇г̇асаавагаад̇и. д̇з киббам̣ саннибад̇ид̇ваа саббиг̇ул̣авад̇т̇аад̣̇ийни аанзд̇ваа гогаалигасса бурад̇о нигкибим̣су. со жинд̇зси – ‘‘барамаббижчаа аг̇г̇асаавагаа ‘баяуд̇д̇аваажааяа уббанно лаабхо’д̇и н̃ад̇ваа на саад̣̇ияиссанд̇и, асаад̣̇ияанд̇аа ад̣̇д̇хаа ‘ааваасигасса д̣̇зт̇аа’д̇и бхан̣иссанд̇и, ханд̣̇аахам̣ имам̣ лаабхам̣ г̇аахаабзд̇ваа г̇ажчаамий’’д̇и . со д̇ат̇аа агааси, т̇зраа д̣̇исваава баяуд̇д̇аваажааяа уббаннабхаавам̣ н̃ад̇ваа ‘‘имз бажжаяаа нзва амхаагам̣ на гогаалигасса вадданд̇ий’’д̇и жинд̇зд̇ваа ‘‘ааваасигасса д̣̇зт̇аа’’д̇и авад̇ваа бадигкибид̇ваа баггамим̣су. д̇зна гогаалиго ‘‘гат̇ан̃хи наама ад̇д̇анаа аг̇г̇ан̣ханд̇аа маяхамби на д̣̇аабзсу’’нд̇и д̣̇оманассам̣ уббаад̣̇зси.
Bhagavati kira sāvatthiyaṃ viharante dve aggasāvakā pañcamattehi bhikkhusatehi saddhiṃ janapadacārikaṃ caramānā upakaṭṭhāya vassūpanāyikāya vivekavāsaṃ vasitukāmā te bhikkhū uyyojetvā attano pattacīvaramādāya tasmiṃ janapade taṃ nagaraṃ patvā taṃ vihāraṃ agamaṃsu. Tattha te kokālikena saddhiṃ sammoditvā taṃ āhaṃsu – ‘‘āvuso, mayaṃ idha temāsaṃ vasissāma, mā kassaci āroceyyāsī’’ti. So ‘‘sādhū’’ti paṭissuṇitvā temāse atīte itaradivasaṃ pageva nagaraṃ pavisitvā ārocesi – ‘‘tumhe aggasāvake idhāgantvā vasamāne na jānittha, na te koci paccayenāpi nimantetī’’ti. Nagaravāsino ‘‘kasmā no, bhante, nārocayitthā’’ti. Kiṃ ārocitena, kiṃ nāddasatha dve bhikkhū vasante, nanu ete aggasāvakāti. Te khippaṃ sannipatitvā sappiguḷavatthādīni ānetvā kokālikassa purato nikkhipiṃsu. So cintesi – ‘‘paramappicchā aggasāvakā ‘payuttavācāya uppanno lābho’ti ñatvā na sādiyissanti, asādiyantā addhā ‘āvāsikassa dethā’ti bhaṇissanti, handāhaṃ imaṃ lābhaṃ gāhāpetvā gacchāmī’’ti . So tathā akāsi, therā disvāva payuttavācāya uppannabhāvaṃ ñatvā ‘‘ime paccayā neva amhākaṃ na kokālikassa vaṭṭantī’’ti cintetvā ‘‘āvāsikassa dethā’’ti avatvā paṭikkhipitvā pakkamiṃsu. Tena kokāliko ‘‘kathañhi nāma attanā aggaṇhantā mayhampi na dāpesu’’nti domanassaṃ uppādesi.
д̇з бхаг̇авад̇о санд̇игам̣ аг̇амам̣су. бхаг̇аваа жа баваарзд̇ваа сажз ад̇д̇анаа ж̇анабад̣̇ажааригам̣ на г̇ажчад̇и, аг̇г̇асаавагз бзсзд̇и – ‘‘жарат̇а, бхигкавз, жааригам̣ б̣ахуж̇анахид̇ааяаа’’д̇иаад̣̇ийни (махаава. 32) вад̇ваа . ид̣̇амаажин̣н̣ам̣ д̇ат̇ааг̇ад̇аанам̣. д̇зна ко бана самаязна ад̇д̇анаа аг̇анд̇угаамо ход̇и. ат̇а ко имз бунад̣̇зва уяяож̇зси – ‘‘г̇ажчат̇а, бхигкавз, жарат̇а жаарига’’нд̇и. д̇з бан̃жамад̇д̇зхи бхигкусад̇зхи сад̣̇д̇хим̣ жааригам̣ жарамаанаа анубуб̣б̣зна д̇асмим̣ радтз д̇амзва наг̇арам̣ аг̇амам̣су. нааг̇араа т̇зрз сан̃ж̇аанид̇ваа саха баригкаарзхи д̣̇аанам̣ саж̇ж̇зд̇ваа наг̇арамаж̇жхз ман̣д̣абам̣ гад̇ваа д̣̇аанам̣ ад̣̇ам̣су, т̇зраанан̃жа баригкаарз убанаамзсум̣. т̇зраа г̇ахзд̇ваа бхигкусан̇гхасса ад̣̇ам̣су. д̇ам̣ д̣̇исваа гогаалиго жинд̇зси – ‘‘имз буб̣б̣з аббижчаа ахзсум̣, ид̣̇аани лобхаабхибхууд̇аа баабижчаа ж̇аад̇аа, буб̣б̣зби аббижчасанд̇удтабавивид̇д̇асад̣̇исаа ман̃н̃з, имз баабижчаа асанд̇аг̇ун̣абарид̣̇ийбагаа баабабхигкуу’’д̇и. со т̇зрз убасан̇гамид̇ваа ‘‘аавусо, д̇умхз буб̣б̣з аббижчаа санд̇удтаа бавивид̇д̇аа вияа ахувад̇т̇а, ид̣̇аани банад̇т̇а баабабхигкуу ж̇аад̇аа’’д̇и вад̇ваа бад̇д̇ажийварамаад̣̇ааяа д̇аавад̣̇зва д̇арамаанаруубо нигкамид̇ваа г̇анд̇ваа ‘‘бхаг̇авад̇о зд̇амад̇т̇ам̣ аарожзссаамий’’д̇и саавад̇т̇аабхимуко г̇анд̇ваа анубуб̣б̣зна бхаг̇аванд̇ам̣ убасан̇гами. аяамзд̇т̇а гогаалиго, иминаа гааран̣зна убасан̇гами. д̇зна вуд̇д̇ам̣ ‘‘ат̇а ко гогаалиго бхигку язна бхаг̇аваа д̇знубасан̇гамий’’д̇иаад̣̇и.
Te bhagavato santikaṃ agamaṃsu. Bhagavā ca pavāretvā sace attanā janapadacārikaṃ na gacchati, aggasāvake peseti – ‘‘caratha, bhikkhave, cārikaṃ bahujanahitāyā’’tiādīni (mahāva. 32) vatvā . Idamāciṇṇaṃ tathāgatānaṃ. Tena kho pana samayena attanā agantukāmo hoti. Atha kho ime punadeva uyyojesi – ‘‘gacchatha, bhikkhave, caratha cārika’’nti. Te pañcamattehi bhikkhusatehi saddhiṃ cārikaṃ caramānā anupubbena tasmiṃ raṭṭhe tameva nagaraṃ agamaṃsu. Nāgarā there sañjānitvā saha parikkhārehi dānaṃ sajjetvā nagaramajjhe maṇḍapaṃ katvā dānaṃ adaṃsu, therānañca parikkhāre upanāmesuṃ. Therā gahetvā bhikkhusaṅghassa adaṃsu. Taṃ disvā kokāliko cintesi – ‘‘ime pubbe appicchā ahesuṃ, idāni lobhābhibhūtā pāpicchā jātā, pubbepi appicchasantuṭṭhapavivittasadisā maññe, ime pāpicchā asantaguṇaparidīpakā pāpabhikkhū’’ti. So there upasaṅkamitvā ‘‘āvuso, tumhe pubbe appicchā santuṭṭhā pavivittā viya ahuvattha, idāni panattha pāpabhikkhū jātā’’ti vatvā pattacīvaramādāya tāvadeva taramānarūpo nikkhamitvā gantvā ‘‘bhagavato etamatthaṃ ārocessāmī’’ti sāvatthābhimukho gantvā anupubbena bhagavantaṃ upasaṅkami. Ayamettha kokāliko, iminā kāraṇena upasaṅkami. Tena vuttaṃ ‘‘atha kho kokāliko bhikkhu yena bhagavā tenupasaṅkamī’’tiādi.
бхаг̇аваа д̇ам̣ д̇урид̇ад̇урид̇ам̣ ааг̇ажчанд̇ам̣ д̣̇исваава ааваж̇ж̇зд̇ваа ан̃н̃ааси – ‘‘аг̇г̇асаавагз аггосид̇угаамо ааг̇ад̇о’’д̇и. ‘‘саггаа ну ко бадисзд̇хзд̇у’’нд̇и жа ааваж̇ж̇знд̇о ‘‘на саггаа, т̇зрзсу абараж̇жхид̇ваа ааг̇ад̇о, згам̣сзна бад̣̇уманираяз уббаж̇ж̇иссад̇ий’’д̇и ад̣̇д̣̇аса. звам̣ д̣̇исвааби бана ‘‘саарибуд̇д̇амог̇г̇аллаанзби наама г̇араханд̇ам̣ суд̇ваа на нисзд̇хзд̇ий’’д̇и баруубаваад̣̇аможанад̇т̇ам̣ арияуубаваад̣̇асса махаасааваж̇ж̇абхаавад̣̇ассанад̇т̇ан̃жа ‘‘маа хзва’’нд̇иаад̣̇инаа наязна д̇игкад̇д̇ум̣ бадисзд̇хзси. д̇ад̇т̇а маа хзванд̇и маа звамааха, маа звам̣ абхан̣ийд̇и ад̇т̇о. бзсалаад̇и бияасийлаа. сад̣̇д̇хааяигод̇и сад̣̇д̇хааг̇амагаро, басаад̣̇ааваход̇и вуд̇д̇ам̣ ход̇и. бажжаяигод̇и бажжаяагаро, ‘‘звамзд̇а’’нд̇и саннидтааваход̇и вуд̇д̇ам̣ ход̇и.
Bhagavā taṃ turitaturitaṃ āgacchantaṃ disvāva āvajjetvā aññāsi – ‘‘aggasāvake akkositukāmo āgato’’ti. ‘‘Sakkā nu kho paṭisedhetu’’nti ca āvajjento ‘‘na sakkā, theresu aparajjhitvā āgato, ekaṃsena padumaniraye uppajjissatī’’ti addasa. Evaṃ disvāpi pana ‘‘sāriputtamoggallānepi nāma garahantaṃ sutvā na nisedhetī’’ti parūpavādamocanatthaṃ ariyūpavādassa mahāsāvajjabhāvadassanatthañca ‘‘mā heva’’ntiādinā nayena tikkhattuṃ paṭisedhesi. Tattha mā hevanti mā evamāha, mā evaṃ abhaṇīti attho. Pesalāti piyasīlā. Saddhāyikoti saddhāgamakaro, pasādāvahoti vuttaṃ hoti. Paccayikoti paccayakaro, ‘‘evameta’’nti sanniṭṭhāvahoti vuttaṃ hoti.
ажирабагганд̇ассаад̇и багганд̇асса сад̇о на жирзнзва саб̣б̣о гааяо пудо ахосийд̇и гзсаг̇г̇амад̇д̇амби огаасам̣ аваж̇ж̇зд̇ваа сагаласарийрам̣ адтийни бхинд̣̇ид̇ваа уг̇г̇ад̇аахи бийл̣агаахи аж̇жход̇т̇адам̣ ахоси. д̇ад̇т̇а яасмаа б̣уд̣̇д̇хаанубхаавзна д̇ат̇ааруубам̣ гаммам̣ б̣уд̣̇д̇хаанам̣ саммукийбхаавз вибаагам̣ на д̣̇зд̇и, д̣̇ассануубажаарз бана виж̇ахид̇амад̇д̇з д̣̇зд̇и, д̇асмаа д̇асса ажирабагганд̇асса бийл̣агаа удтахим̣су. д̇знзва вуд̇д̇ам̣ ‘‘ажирабагганд̇асса жа гогаалигассаа’’д̇и. ат̇а гасмаа д̇ад̇т̇зва на адтаасийд̇и жз? гаммаанубхаавзна. огаасагад̇ан̃хи гаммам̣ авассам̣ вибажжад̇и, д̇ам̣ д̇асса д̇ад̇т̇а таад̇ум̣ на д̣̇зд̇и. со гаммаанубхаавзна жод̣̇ияамаано удтааяаасанаа баггаами. гал̣ааяамад̇д̇ияод̇и жан̣агамад̇д̇ияо . б̣злувасалаадугамад̇д̇ияод̇и д̇арун̣аб̣злувамад̇д̇ияо. бабхиж̇ж̇им̣сууд̇и бхиж̇ж̇им̣су. д̇аасу бхиннаасу сагаласарийрам̣ банасабаггам̣ вияа ахоси. со баггзна г̇ад̇д̇зна анаяаб̣яасанам̣ бад̇ваа д̣̇угкаабхибхууд̇о ж̇зд̇аванад̣̇ваарагодтагз саяи. ат̇а д̇хаммассаванад̇т̇ам̣ ааг̇ад̇ааг̇ад̇аа мануссаа д̇ам̣ д̣̇исваа ‘‘д̇хи гогаалига, д̇хи гогаалига, аяуд̇д̇амагааси, ад̇д̇аноязва мукам̣ ниссааяа анаяаб̣яасанам̣ бад̇д̇осий’’д̇и аахам̣су. д̇зсам̣ суд̇ваа аарагкад̣̇звад̇аа д̇хиггаарам̣ агам̣су, аарагкад̣̇звад̇аанам̣ аагаасадтад̣̇звад̇аад̇и иминаа убааязна яаава аганидтабхаванаа згад̇хиггааро уд̣̇абаад̣̇и.
Acirapakkantassāti pakkantassa sato na cireneva sabbo kāyo phuṭo ahosīti kesaggamattampi okāsaṃ avajjetvā sakalasarīraṃ aṭṭhīni bhinditvā uggatāhi pīḷakāhi ajjhotthaṭaṃ ahosi. Tattha yasmā buddhānubhāvena tathārūpaṃ kammaṃ buddhānaṃ sammukhībhāve vipākaṃ na deti, dassanūpacāre pana vijahitamatte deti, tasmā tassa acirapakkantassa pīḷakā uṭṭhahiṃsu. Teneva vuttaṃ ‘‘acirapakkantassa ca kokālikassā’’ti. Atha kasmā tattheva na aṭṭhāsīti ce? Kammānubhāvena. Okāsakatañhi kammaṃ avassaṃ vipaccati, taṃ tassa tattha ṭhātuṃ na deti. So kammānubhāvena codiyamāno uṭṭhāyāsanā pakkāmi. Kaḷāyamattiyoti caṇakamattiyo . Beluvasalāṭukamattiyoti taruṇabeluvamattiyo. Pabhijjiṃsūti bhijjiṃsu. Tāsu bhinnāsu sakalasarīraṃ panasapakkaṃ viya ahosi. So pakkena gattena anayabyasanaṃ patvā dukkhābhibhūto jetavanadvārakoṭṭhake sayi. Atha dhammassavanatthaṃ āgatāgatā manussā taṃ disvā ‘‘dhi kokālika, dhi kokālika, ayuttamakāsi, attanoyeva mukhaṃ nissāya anayabyasanaṃ pattosī’’ti āhaṃsu. Tesaṃ sutvā ārakkhadevatā dhikkāraṃ akaṃsu, ārakkhadevatānaṃ ākāsaṭṭhadevatāti iminā upāyena yāva akaniṭṭhabhavanā ekadhikkāro udapādi.
д̇ад̣̇аа жа д̇уруу наама бхигку гогаалигасса убаж̇жхааяо анааг̇аамипалам̣ бад̇ваа суд̣̇д̇хааваасзсу ниб̣б̣ад̇д̇о ход̇и. соби самаабад̇д̇ияаа вудтид̇о д̇ам̣ д̇хиггаарам̣ суд̇ваа ааг̇амма гогаалигам̣ овад̣̇и саарибуд̇д̇амог̇г̇аллаанзсу жид̇д̇аббасаад̣̇аж̇ананад̇т̇ам̣. со д̇ассааби важанам̣ аг̇г̇ахзд̇ваа ан̃н̃ад̣̇ад̇т̇у д̇амзва абараад̇хзд̇ваа гаалам̣ гад̇ваа бад̣̇уманираяз уббаж̇ж̇и. д̇знааха – ‘‘ат̇а ко гогаалиго бхигку д̇знзвааб̣аад̇хзна…бз… аагхаад̇зд̇ваа’’д̇и.
Tadā ca turū nāma bhikkhu kokālikassa upajjhāyo anāgāmiphalaṃ patvā suddhāvāsesu nibbatto hoti. Sopi samāpattiyā vuṭṭhito taṃ dhikkāraṃ sutvā āgamma kokālikaṃ ovadi sāriputtamoggallānesu cittappasādajananatthaṃ. So tassāpi vacanaṃ aggahetvā aññadatthu tameva aparādhetvā kālaṃ katvā padumaniraye uppajji. Tenāha – ‘‘atha kho kokāliko bhikkhu tenevābādhena…pe… āghātetvā’’ti.
ат̇а ко б̣рахмаа сахамбад̇ийд̇и го аяам̣ б̣рахмаа, гасмаа жа бхаг̇аванд̇ам̣ убасан̇гамид̇ваа зд̇ад̣̇авожаад̇и? аяам̣ гассабасса бхаг̇авад̇о саасанз сахаго наама бхигку анааг̇аамий худ̇ваа суд̣̇д̇хааваасзсу уббанно, д̇ад̇т̇а нам̣ ‘‘сахамбад̇и б̣рахмаа’’д̇и сан̃ж̇аананд̇и. со бана ‘‘ахам̣ бхаг̇аванд̇ам̣ убасан̇гамид̇ваа бад̣̇уманираяам̣ гид̇д̇зссаами, д̇ад̇о бхаг̇аваа бхигкуунам̣ аарожзссад̇и. гат̇аанусанд̇хигусалаа бхигкуу д̇ад̇т̇ааяуббамаан̣ам̣ бужчиссанд̇и, бхаг̇аваа аажигканд̇о арияуубаваад̣̇з аад̣̇ийнавам̣ багаасзссад̇ий’’д̇и иминаа гааран̣зна бхаг̇аванд̇ам̣ убасан̇гамид̇ваа зд̇ад̣̇авожа. бхаг̇аваа д̇ат̇зва агааси, ан̃н̃ад̇ароби бхигку бужчи. д̇зна жа будто ‘‘сзяяат̇ааби бхигкуу’’д̇иаад̣̇имааха.
Atha kho brahmā sahampatīti ko ayaṃ brahmā, kasmā ca bhagavantaṃ upasaṅkamitvā etadavocāti? Ayaṃ kassapassa bhagavato sāsane sahako nāma bhikkhu anāgāmī hutvā suddhāvāsesu uppanno, tattha naṃ ‘‘sahampati brahmā’’ti sañjānanti. So pana ‘‘ahaṃ bhagavantaṃ upasaṅkamitvā padumanirayaṃ kittessāmi, tato bhagavā bhikkhūnaṃ ārocessati. Kathānusandhikusalā bhikkhū tatthāyuppamāṇaṃ pucchissanti, bhagavā ācikkhanto ariyūpavāde ādīnavaṃ pakāsessatī’’ti iminā kāraṇena bhagavantaṃ upasaṅkamitvā etadavoca. Bhagavā tatheva akāsi, aññataropi bhikkhu pucchi. Tena ca puṭṭho ‘‘seyyathāpi bhikkhū’’tiādimāha.
д̇ад̇т̇а вийсад̇икааригод̇и мааг̇ад̇хагзна бад̇т̇зна жад̇д̇ааро бад̇т̇аа госаларадтз зго бад̇т̇о ход̇и, д̇зна бад̇т̇зна жад̇д̇ааро бад̇т̇аа аал̣хагам̣, жад̇д̇аари аал̣хагаани д̣̇он̣ам̣, жад̇уд̣̇он̣аа маанигаа, жад̇умаанигаа каарий, д̇ааяа каарияаа вийсад̇икаариго. д̇илавааход̇и д̇иласагадам̣. аб̣б̣уд̣̇о нираяод̇и аб̣б̣уд̣̇о наама гожи бажжзганираяо над̇т̇и, авийжимхиязва аб̣б̣уд̣̇аг̇ан̣анааяа бажжаногаасо бана ‘‘аб̣б̣уд̣̇о нираяо’’д̇и вуд̇д̇о. зса наяо нираб̣б̣уд̣̇аад̣̇ийсу.
Tattha vīsatikhārikoti māgadhakena patthena cattāro patthā kosalaraṭṭhe eko pattho hoti, tena patthena cattāro patthā āḷhakaṃ, cattāri āḷhakāni doṇaṃ, catudoṇā mānikā, catumānikā khārī, tāya khāriyā vīsatikhāriko. Tilavāhoti tilasakaṭaṃ. Abbudo nirayoti abbudo nāma koci paccekanirayo natthi, avīcimhiyeva abbudagaṇanāya paccanokāso pana ‘‘abbudo nirayo’’ti vutto. Esa nayo nirabbudādīsu.
д̇ад̇т̇а вассаг̇ан̣анааби звам̣ взд̣̇ид̇аб̣б̣аа – яат̇зва хи сад̇ам̣ сад̇асахассаани годи ход̇и, звам̣ сад̇ам̣ сад̇асахассагодияо багоди наама ход̇и, сад̇ам̣ сад̇асахассабагодияо годиббагоди наама, сад̇ам̣ сад̇асахассагодиббагодияо нахуд̇ам̣, сад̇ам̣ сад̇асахассанахуд̇аани ниннахуд̇ам̣, сад̇ам̣ сад̇асахассаниннахуд̇аани згам̣ аб̣б̣уд̣̇ам̣, д̇ад̇о вийсад̇иг̇ун̣ам̣ нираб̣б̣уд̣̇ам̣. зса наяо саб̣б̣ад̇т̇а. гзжи бана ‘‘д̇ад̇т̇а д̇ад̇т̇а барид̣̇званаанад̇д̇знаби гаммагаран̣анаанад̇д̇знаби имаани наамаани лад̣̇д̇хааний’’д̇и вад̣̇анд̇и, абарз ‘‘сийд̇анарагаа зва зд̇з’’д̇и.
Tattha vassagaṇanāpi evaṃ veditabbā – yatheva hi sataṃ satasahassāni koṭi hoti, evaṃ sataṃ satasahassakoṭiyo pakoṭi nāma hoti, sataṃ satasahassapakoṭiyo koṭippakoṭi nāma, sataṃ satasahassakoṭippakoṭiyo nahutaṃ, sataṃ satasahassanahutāni ninnahutaṃ, sataṃ satasahassaninnahutāni ekaṃ abbudaṃ, tato vīsatiguṇaṃ nirabbudaṃ. Esa nayo sabbattha. Keci pana ‘‘tattha tattha paridevanānattenapi kammakaraṇanānattenapi imāni nāmāni laddhānī’’ti vadanti, apare ‘‘sītanarakā eva ete’’ti.
ат̇аабаранд̇и д̇ад̣̇ад̇т̇ависзсад̇т̇ад̣̇ийбагам̣ г̇аат̇ааб̣анд̇хам̣ санд̇хааяа вуд̇д̇ам̣. баатавасзна вуд̇д̇авийсад̇иг̇аат̇аасу хи зд̇т̇а ‘‘сад̇ам̣ сахассаана’’нд̇и аяамзгаа зва г̇аат̇аа вуд̇д̇ад̇т̇ад̣̇ийбигаа, сзсаа висзсад̇т̇ад̣̇ийбигаа зва, авасаанз г̇аат̇аад̣̇ваяамзва бана махааадтагат̇ааяам̣ винижчид̇абаатз над̇т̇и. д̇знаавожумха ‘‘вийсад̇иг̇аат̇аасуу’’д̇и.
Athāparanti tadatthavisesatthadīpakaṃ gāthābandhaṃ sandhāya vuttaṃ. Pāṭhavasena vuttavīsatigāthāsu hi ettha ‘‘sataṃ sahassāna’’nti ayamekā eva gāthā vuttatthadīpikā, sesā visesatthadīpikā eva, avasāne gāthādvayameva pana mahāaṭṭhakathāyaṃ vinicchitapāṭhe natthi. Tenāvocumha ‘‘vīsatigāthāsū’’ti.
663. д̇ад̇т̇а гутаарийд̇и ад̇д̇ажчзд̣̇агадтзна гутаарисад̣̇исаа парусаваажаа. чинд̣̇ад̇ийд̇и гусаламууласан̇каад̇ам̣ ад̇д̇ано муулам̣язва ниганд̇ад̇и.
663. Tattha kuṭhārīti attacchedakaṭṭhena kuṭhārisadisā pharusavācā. Chindatīti kusalamūlasaṅkhātaṃ attano mūlaṃyeva nikantati.
664. нинд̣̇ияанд̇и нинд̣̇ид̇аб̣б̣ам̣. д̇ам̣ ваа нинд̣̇ад̇и яо басам̣сияод̇и яо уд̇д̇амадтзна басам̣саарахо буг̇г̇ало, д̇ам̣ ваа со баабижчад̇аад̣̇ийни ааробзд̇ваа г̇арахад̇и. вижинаад̇ийд̇и убажинаад̇и. галинд̇и абараад̇хам̣.
664.Nindiyanti ninditabbaṃ. Taṃ vā nindati yo pasaṃsiyoti yo uttamaṭṭhena pasaṃsāraho puggalo, taṃ vā so pāpicchatādīni āropetvā garahati. Vicinātīti upacināti. Kalinti aparādhaṃ.
665. аяам̣ галийд̇и аяам̣ абараад̇хо. агкзсууд̇и ж̇ууд̇агийл̣анаагкзсу. саб̣б̣ассааби сахааби ад̇д̇анаад̇и саб̣б̣зна ад̇д̇ано д̇ханзнаби ад̇д̇анааби сад̣̇д̇хим̣. суг̇ад̇зсууби судту г̇ад̇ад̇д̇аа, сунд̣̇аран̃жа таанам̣ г̇ад̇ад̇д̇аа суг̇ад̇анаамагзсу б̣уд̣̇д̇хабажжзгаб̣уд̣̇д̇хасаавагзсу. манам̣ бад̣̇осаязд̇и яо манам̣ бад̣̇уусзяяа. д̇ассааяам̣ манобад̣̇осо зва махад̇д̇аро галийд̇и вуд̇д̇ам̣ ход̇и.
665.Ayaṃ kalīti ayaṃ aparādho. Akkhesūti jūtakīḷanaakkhesu. Sabbassāpi sahāpi attanāti sabbena attano dhanenapi attanāpi saddhiṃ. Sugatesūpi suṭṭhu gatattā, sundarañca ṭhānaṃ gatattā sugatanāmakesu buddhapaccekabuddhasāvakesu. Manaṃ padosayeti yo manaṃ padūseyya. Tassāyaṃ manopadoso eva mahattaro kalīti vuttaṃ hoti.
666. гасмаа? яасмаа сад̇ам̣ сахассаанам̣…бз… баабагам̣, яасмаа вассаг̇ан̣анааяа зд̇д̇аго со гаало, яам̣ гаалам̣ арияаг̇арахий ваажам̣ манан̃жа бан̣ид̇хааяа баабагам̣ нираяам̣ убзд̇и, д̇ад̇т̇а бажжад̇ийд̇и вуд̇д̇ам̣ ход̇и. ид̣̇ан̃хи сан̇кзбзна бад̣̇уманираяз ааяуббамаан̣ам̣.
666. Kasmā? Yasmā sataṃ sahassānaṃ…pe… pāpakaṃ, yasmā vassagaṇanāya ettako so kālo, yaṃ kālaṃ ariyagarahīvācaṃ manañca paṇidhāya pāpakaṃ nirayaṃ upeti, tattha paccatīti vuttaṃ hoti. Idañhi saṅkhepena padumaniraye āyuppamāṇaṃ.
667. ид̣̇аани абарзнаби наязна ‘‘аяамзва махад̇д̇аро гали, яо суг̇ад̇зсу манам̣ бад̣̇уусаяз’’д̇и имамад̇т̇ам̣ вибхаавзнд̇о ‘‘абхууд̇аваад̣̇ий’’д̇и аад̣̇имааха. д̇ад̇т̇а абхууд̇аваад̣̇ийд̇и арияуубаваад̣̇авасзна алигаваад̣̇ий. нираяанд̇и бад̣̇умаад̣̇им̣. бзжжа самаа бхаванд̇ийд̇и ид̇о бадиг̇анд̇ваа нираяуубабад̇д̇ияаа самаа бхаванд̇и. барад̇т̇аад̇и баралогз.
667. Idāni aparenapi nayena ‘‘ayameva mahattaro kali, yo sugatesu manaṃ padūsaye’’ti imamatthaṃ vibhāvento ‘‘abhūtavādī’’ti ādimāha. Tattha abhūtavādīti ariyūpavādavasena alikavādī. Nirayanti padumādiṃ. Pecca samā bhavantīti ito paṭigantvā nirayūpapattiyā samā bhavanti. Paratthāti paraloke.
668. гин̃жа бхияяо – яо аббад̣̇удтассаад̇и. д̇ад̇т̇а манобад̣̇осаабхаавзна аббад̣̇удто, авиж̇ж̇аамалаабхаавзна суд̣̇д̇хо, баабижчаабхаавзна анан̇г̇ан̣од̇и взд̣̇ид̇аб̣б̣о. аббад̣̇удтад̇д̇аа ваа суд̣̇д̇хасса, суд̣̇д̇хад̇д̇аа анан̇г̇ан̣ассаад̇и звамбзд̇т̇а яож̇зд̇аб̣б̣ам̣.
668. Kiñca bhiyyo – yo appaduṭṭhassāti. Tattha manopadosābhāvena appaduṭṭho, avijjāmalābhāvena suddho, pāpicchābhāvena anaṅgaṇoti veditabbo. Appaduṭṭhattā vā suddhassa, suddhattā anaṅgaṇassāti evampettha yojetabbaṃ.
669. звам̣ суг̇ад̇зсу манобад̣̇осасса махад̇д̇арагалибхаавам̣ саад̇хзд̇ваа ид̣̇аани ваарид̇авад̇т̇уг̇аат̇аа наама жуд̣̇д̣̇аса г̇аат̇аа ааха. имаа гира гогаалигам̣ мийяамаанамзва овад̣̇анд̇знааяасмад̇аа махаамог̇г̇аллаанзна вуд̇д̇аа, ‘‘махааб̣рахмунаа’’д̇и згз. д̇аасам̣ иминаа суд̇д̇зна сад̣̇д̇хим̣ згасан̇г̇ахад̇т̇ам̣ аяамуд̣̇д̣̇зсо ‘‘яо лобхаг̇ун̣з ануяуд̇д̇о’’д̇иаад̣̇и. д̇ад̇т̇а батамаг̇аат̇ааяа д̇аава ‘‘г̇ун̣о’’д̇и нид̣̇д̣̇идтад̇д̇аа анзгагкад̇д̇ум̣ бавад̇д̇ад̇д̇аа ваа лобхоязва лобхаг̇ун̣о, д̇ан̣хааязд̇ам̣ ад̇хиважанам̣. авад̣̇ан̃н̃ууд̇и аважанан̃н̃уу б̣уд̣̇д̇хаанамби оваад̣̇ам̣ аг̇г̇ахан̣зна. мажчарийд̇и бан̃жавид̇хамажчариязна. бзсун̣ияам̣ ануяуд̇д̇од̇и аг̇г̇асаавагаанам̣ бхзд̣̇агаамад̇ааяа. сзсам̣ баагадамзва. ид̣̇ам̣ вуд̇д̇ам̣ ход̇и – яо, аавусо гогаалига, д̇умхаад̣̇исо ануяуд̇д̇алобхад̇ан̣хааяа лобхаг̇ун̣з ануяуд̇д̇о ассад̣̇д̇хо гад̣̇арияо авад̣̇ан̃н̃уу мажчарий бзсун̣ияам̣ ануяуд̇д̇о, со важасаа барибхаасад̇и ан̃н̃ам̣ абхаасанзяяамби буг̇г̇алам̣. д̇зна д̇ам̣ вад̣̇аами ‘‘мукад̣̇уг̇г̇аа’’д̇и г̇аат̇аад̇д̇аяам̣.
669. Evaṃ sugatesu manopadosassa mahattarakalibhāvaṃ sādhetvā idāni vāritavatthugāthā nāma cuddasa gāthā āha. Imā kira kokālikaṃ mīyamānameva ovadantenāyasmatā mahāmoggallānena vuttā, ‘‘mahābrahmunā’’ti eke. Tāsaṃ iminā suttena saddhiṃ ekasaṅgahatthaṃ ayamuddeso ‘‘yo lobhaguṇe anuyutto’’tiādi. Tattha paṭhamagāthāya tāva ‘‘guṇo’’ti niddiṭṭhattā anekakkhattuṃ pavattattā vā lobhoyeva lobhaguṇo, taṇhāyetaṃ adhivacanaṃ. Avadaññūti avacanaññū buddhānampi ovādaṃ aggahaṇena. Maccharīti pañcavidhamacchariyena. Pesuṇiyaṃ anuyuttoti aggasāvakānaṃ bhedakāmatāya. Sesaṃ pākaṭameva. Idaṃ vuttaṃ hoti – yo, āvuso kokālika, tumhādiso anuyuttalobhataṇhāya lobhaguṇe anuyutto assaddho kadariyo avadaññū maccharī pesuṇiyaṃ anuyutto, so vacasā paribhāsati aññaṃ abhāsaneyyampi puggalaṃ. Tena taṃ vadāmi ‘‘mukhaduggā’’ti gāthāttayaṃ.
670. д̇ассааяам̣ ануд̇д̇аанабад̣̇ад̇т̇о – мукад̣̇уг̇г̇а мукависама, вибхууд̇а виг̇ад̇абхууд̇а, алигаваад̣̇и, анарияа асаббуриса, бхуунаху бхууд̇иханага, вуд̣дхинаасага, бурисанд̇а анд̇имабуриса, гали алагкибуриса, аваж̇аад̇а б̣уд̣̇д̇хасса аваж̇аад̇абуд̇д̇а.
670. Tassāyaṃ anuttānapadattho – mukhadugga mukhavisama, vibhūta vigatabhūta, alikavādi, anariya asappurisa, bhūnahu bhūtihanaka, vuḍḍhināsaka, purisanta antimapurisa, kali alakkhipurisa, avajāta buddhassa avajātaputta.
671. раж̇амаагирасийд̇и гилзсараж̇ам̣ ад̇д̇ани багкибаси. бабад̇анд̇и соб̣бхам̣. ‘‘бабаад̇а’’нд̇иби баато, со звад̇т̇о. ‘‘бабад̣̇а’’нд̇иби баато, махаанираяанд̇и ад̇т̇о.
671.Rajamākirasīti kilesarajaṃ attani pakkhipasi. Papatanti sobbhaṃ. ‘‘Papāta’’ntipi pāṭho, so evattho. ‘‘Papada’’ntipi pāṭho, mahānirayanti attho.
672. зд̇и хад̇анд̇и зд̇т̇а ха-ид̇и нибаад̇о, д̇анд̇и д̇ам̣ гусалаагусалагаммам̣. ат̇а ваа хад̇анд̇и г̇ад̇ам̣ бадибаннам̣, убажид̇анд̇и ад̇т̇о. суваамийд̇и саами д̇асса гаммасса гад̇ад̇д̇аа. со хи д̇ам̣ гаммам̣ лабхад̇зва, наасса д̇ам̣ нассад̇ийд̇и вуд̇д̇ам̣ ход̇и. яасмаа жа лабхад̇и, д̇асмаа д̣̇угкам̣ манд̣̇о…бз… гиб̣б̣исагаарий.
672.Eti hatanti ettha ha-iti nipāto, tanti taṃ kusalākusalakammaṃ. Atha vā hatanti gataṃ paṭipannaṃ, upacitanti attho. Suvāmīti sāmi tassa kammassa katattā. So hi taṃ kammaṃ labhateva, nāssa taṃ nassatīti vuttaṃ hoti. Yasmā ca labhati, tasmā dukkhaṃ mando…pe… kibbisakārī.
673. ид̣̇аани яам̣ д̣̇угкам̣ манд̣̇о бассад̇и, д̇ам̣ багаасзнд̇о ‘‘аяосан̇гусамаахад̇адтаана’’нд̇иаад̣̇имааха. д̇ад̇т̇а буримаубад̣дхаг̇аат̇ааяа д̇аава ад̇т̇о – яам̣ д̇ам̣ аяосан̇гусамаахад̇адтаанам̣ санд̇хааяа бхаг̇авад̇аа ‘‘д̇амзнам̣, бхигкавз, нираяабаалаа бан̃жавид̇хаб̣анд̇ханам̣ наама гааран̣ам̣ гаронд̇ий’’д̇и (ма. ни. 3.250; а. ни. 3.36) вуд̇д̇ам̣, д̇ам̣ убзд̇и, звам̣ убзнд̇о жа д̇ад̇т̇зва аад̣̇ид̇д̇ааяа лохабат̇авияаа нибаж̇ж̇аабзд̇ваа нираяабаалзхи бан̃жасу таанзсу аагодияамаанам̣ д̇ад̇д̇ам̣ киласан̇каад̇ам̣ д̇ин̣хад̇хаарамаяасууламубзд̇и, яам̣ санд̇хааяа бхаг̇авад̇аа вуд̇д̇ам̣ ‘‘д̇ад̇д̇ам̣ аяокилам̣ хад̇т̇з г̇амзнд̇ий’’д̇иаад̣̇и. д̇ад̇о бараа убад̣дхаг̇аат̇аа анзгаани вассасахассаани д̇ад̇т̇а бажжид̇ваа баггаавасзсаанубхаванад̇т̇ам̣ анубуб̣б̣зна каарод̣̇аганад̣̇ийд̇ийрам̣ г̇ад̇асса яам̣ д̇ам̣ ‘‘д̇ад̇д̇ам̣ аяог̇ул̣ам̣ мукз багкибанд̇и, д̇ад̇д̇ам̣ д̇амб̣алохам̣ мукз аасин̃жанд̇ий’’д̇и вуд̇д̇ам̣, д̇ам̣ санд̇хааяа вуд̇д̇ам̣. д̇ад̇т̇а аяод̇и лохам̣. г̇ул̣асаннибханд̇и б̣злувасан̣таанам̣. аяог̇ахан̣зна жзд̇т̇а д̇амб̣алохам̣, ид̇арзна аяог̇ул̣ам̣ взд̣̇ид̇аб̣б̣ам̣. бад̇ируубанд̇и гад̇агаммаануруубам̣.
673. Idāni yaṃ dukkhaṃ mando passati, taṃ pakāsento ‘‘ayosaṅkusamāhataṭṭhāna’’ntiādimāha. Tattha purimaupaḍḍhagāthāya tāva attho – yaṃ taṃ ayosaṅkusamāhataṭṭhānaṃ sandhāya bhagavatā ‘‘tamenaṃ, bhikkhave, nirayapālā pañcavidhabandhanaṃ nāma kāraṇaṃ karontī’’ti (ma. ni. 3.250; a. ni. 3.36) vuttaṃ, taṃ upeti, evaṃ upento ca tattheva ādittāya lohapathaviyā nipajjāpetvā nirayapālehi pañcasu ṭhānesu ākoṭiyamānaṃ tattaṃ khilasaṅkhātaṃ tiṇhadhāramayasūlamupeti, yaṃ sandhāya bhagavatā vuttaṃ ‘‘tattaṃ ayokhilaṃ hatthe gamentī’’tiādi. Tato parā upaḍḍhagāthā anekāni vassasahassāni tattha paccitvā pakkāvasesānubhavanatthaṃ anupubbena khārodakanadītīraṃ gatassa yaṃ taṃ ‘‘tattaṃ ayoguḷaṃ mukhe pakkhipanti, tattaṃ tambalohaṃ mukhe āsiñcantī’’ti vuttaṃ, taṃ sandhāya vuttaṃ. Tattha ayoti lohaṃ. Guḷasannibhanti beluvasaṇṭhānaṃ. Ayogahaṇena cettha tambalohaṃ, itarena ayoguḷaṃ veditabbaṃ. Patirūpanti katakammānurūpaṃ.
674. д̇ад̇о бараасу г̇аат̇аасу на хи ваг̇г̇ууд̇и ‘‘г̇ан̣хат̇а, бахарат̇аа’’д̇иаад̣̇ийни вад̣̇анд̇аа нираяабаалаа мад̇хураваажам̣ на вад̣̇анд̇и. наабхиж̇аванд̇ийд̇и на сумукабхаавзна абхимукаа ж̇аванд̇и, на сумукаа убасан̇гаманд̇и, анаяаб̣яасанамааваханд̇аа зва убасан̇гаманд̇ийд̇и вуд̇д̇ам̣ ход̇и. на д̇аан̣амубзнд̇ийд̇и д̇аан̣ам̣ лзн̣ам̣ бадисаран̣ам̣ худ̇ваа на убаг̇ажчанд̇и, г̇ан̣ханд̇аа хананд̇аа зва убзнд̇ийд̇и вуд̇д̇ам̣ ход̇и. ан̇г̇аарз сант̇ад̇з саяанд̇ийд̇и ан̇г̇аарабаб̣б̣ад̇ам̣ ааробид̇аа самаанаа анзгаани вассасахассаани сант̇ад̇з ан̇г̇аарз сзнд̇и. г̇инисамбаж̇ж̇алид̇анд̇и саманд̇ад̇о ж̇алид̇ам̣ саб̣б̣ад̣̇исаасу жа самбаж̇ж̇алид̇ам̣ аг̇г̇им̣. бависанд̇ийд̇и махаанираяз багкид̇д̇аа самаанаа ог̇ааханд̇и. махаанираяо наама яо со ‘‘жад̇угган̣н̣о’’д̇и (а. ни. 3.36) вуд̇д̇о, нам̣ яож̇анасад̇з тад̇ваа бассад̇ам̣ агкийни бхиж̇ж̇анд̇и.
674. Tato parāsu gāthāsu na hi vaggūti ‘‘gaṇhatha, paharathā’’tiādīni vadantā nirayapālā madhuravācaṃ na vadanti. Nābhijavantīti na sumukhabhāvena abhimukhā javanti, na sumukhā upasaṅkamanti, anayabyasanamāvahantā eva upasaṅkamantīti vuttaṃ hoti. Na tāṇamupentīti tāṇaṃ leṇaṃ paṭisaraṇaṃ hutvā na upagacchanti, gaṇhantā hanantā eva upentīti vuttaṃ hoti. Aṅgāre santhate sayantīti aṅgārapabbataṃ āropitā samānā anekāni vassasahassāni santhate aṅgāre senti. Ginisampajjalitanti samantato jalitaṃ sabbadisāsu ca sampajjalitaṃ aggiṃ. Pavisantīti mahāniraye pakkhittā samānā ogāhanti. Mahānirayo nāma yo so ‘‘catukkaṇṇo’’ti (a. ni. 3.36) vutto, naṃ yojanasate ṭhatvā passataṃ akkhīni bhijjanti.
675. ж̇аалзна жа онахияаанаад̇и аяож̇аалзна баливзтзд̇ваа миг̇алуд̣̇д̣̇агаа миг̇ам̣ вияа хананд̇и. ид̣̇ам̣ д̣̇звад̣̇ууд̇з авуд̇д̇агаммагааран̣ам̣. анд̇хам̣ва д̇имисамааяанд̇ийд̇и анд̇хагаран̣зна анд̇хамзва б̣ахаланд̇хагаарад̇д̇аа ‘‘д̇имиса’’нд̇и сан̃н̃ид̇ам̣ д̇хуумарорувам̣ наама нарагам̣ г̇ажчанд̇и. д̇ад̇ра гира нзсам̣ карад̇хуумам̣ гхааяид̇ваа агкийни бхиж̇ж̇анд̇и, д̇зна ‘‘анд̇хам̣ваа’’д̇и вуд̇д̇ам̣. д̇ам̣ вид̇ад̇ан̃хи яат̇аа махигааяод̇и д̇ан̃жа анд̇хад̇имисам̣ махигааяо вияа вид̇ад̇ам̣ ход̇ийд̇и ад̇т̇о. ‘‘вид̇т̇ад̇а’’нд̇иби баато. ид̣̇амби д̣̇звад̣̇ууд̇з авуд̇д̇агаммагааран̣амзва.
675.Jālena ca onahiyānāti ayojālena paliveṭhetvā migaluddakā migaṃ viya hananti. Idaṃ devadūte avuttakammakāraṇaṃ. Andhaṃva timisamāyantīti andhakaraṇena andhameva bahalandhakārattā ‘‘timisa’’nti saññitaṃ dhūmaroruvaṃ nāma narakaṃ gacchanti. Tatra kira nesaṃ kharadhūmaṃ ghāyitvā akkhīni bhijjanti, tena ‘‘andhaṃvā’’ti vuttaṃ. Taṃ vitatañhi yathā mahikāyoti tañca andhatimisaṃ mahikāyo viya vitataṃ hotīti attho. ‘‘Vitthata’’ntipi pāṭho. Idampi devadūte avuttakammakāraṇameva.
676. ат̇а лохамаяанд̇и аяам̣ бана лохагумбхий бат̇авибарияанд̇игаа жад̇унахуд̇аад̇хигаани д̣̇взяож̇анасад̇асахассаани г̇амбхийраа самад̇ид̇д̇игаа д̇ад̇ралохабуураа ход̇и. бажжанд̇и хи д̇аасу жирарад̇д̇анд̇и д̇аасу гумбхийсу д̣̇ийгхарад̇д̇ам̣ бажжанд̇и. аг̇г̇инисамаасууд̇и аг̇г̇исамаасу . самуббилаваад̇зд̇и самуббилаванд̇аа , сагимби уд̣̇д̇хам̣ сагимби ад̇хо г̇ажчамаанаа пзн̣уд̣̇д̣̇зхагам̣ бажжанд̇ийд̇и вуд̇д̇ам̣ ход̇и. д̣̇звад̣̇ууд̇з вуд̇д̇анаязнзва д̇ам̣ взд̣̇ид̇аб̣б̣ам̣.
676.Atha lohamayanti ayaṃ pana lohakumbhī pathavipariyantikā catunahutādhikāni dveyojanasatasahassāni gambhīrā samatittikā tatralohapūrā hoti. Paccanti hi tāsu cirarattanti tāsu kumbhīsu dīgharattaṃ paccanti. Agginisamāsūti aggisamāsu . Samuppilavāteti samuppilavantā , sakimpi uddhaṃ sakimpi adho gacchamānā pheṇuddehakaṃ paccantīti vuttaṃ hoti. Devadūte vuttanayeneva taṃ veditabbaṃ.
677. буб̣б̣алохид̇амиссзд̇и буб̣б̣алохид̇амиссааяа лохагумбхияаа. д̇ад̇т̇а гинд̇и д̇ад̇т̇а. яам̣ яам̣ д̣̇исаганд̇и д̣̇исам̣ вид̣̇исам̣. ад̇хисзд̇ийд̇и г̇ажчад̇и. ‘‘абхисзд̇ий’’д̇иби баато, д̇ад̇т̇а яам̣ яам̣ д̣̇исам̣ аллийяад̇и абассаяад̇ийд̇и ад̇т̇о. гилиссад̇ийд̇и б̣аад̇хийяад̇и. ‘‘гилиж̇ж̇ад̇ий’’д̇иби баато, бууд̇и ход̇ийд̇и ад̇т̇о. сампусамаанод̇и д̇зна буб̣б̣алохид̇зна пудто самаано. ид̣̇амби д̣̇звад̣̇ууд̇з авуд̇д̇агаммагааран̣ам̣.
677.Pubbalohitamisseti pubbalohitamissāya lohakumbhiyā. Tattha kinti tattha. Yaṃ yaṃ disakanti disaṃ vidisaṃ. Adhisetīti gacchati. ‘‘Abhisetī’’tipi pāṭho, tattha yaṃ yaṃ disaṃ allīyati apassayatīti attho. Kilissatīti bādhīyati. ‘‘Kilijjatī’’tipi pāṭho, pūti hotīti attho. Samphusamānoti tena pubbalohitena phuṭṭho samāno. Idampi devadūte avuttakammakāraṇaṃ.
678. бул̣аваавасат̇зд̇и бул̣аваанам̣ ааваасз. аяамби лохагумбхийязва д̣̇звад̣̇ууд̇з ‘‘г̇уут̇анираяо’’д̇и вуд̇д̇аа, д̇ад̇т̇а бад̇ид̇асса суужимукабаан̣аа чавиаад̣̇ийни чинд̣̇ид̇ваа адтимин̃ж̇ам̣ каад̣̇анд̇и. г̇анд̇ум̣ на хи д̇ийрамабад̇т̇ийд̇и абаг̇анд̇ум̣ на хи д̇ийрам̣ ад̇т̇и. ‘‘д̇ийравамад̇т̇ий’’д̇иби баато, соязвад̇т̇о. д̇ийрамзва зд̇т̇а ‘‘д̇ийрава’’нд̇и вуд̇д̇ам̣. саб̣б̣асамаа хи саманд̇агабаллаад̇и яасмаа д̇ассаа гумбхияаа убарибхааг̇зби нигуж̇ж̇ид̇ад̇д̇аа саб̣б̣ад̇т̇а самаа саманд̇ад̇о гадаахаа, д̇асмаа абаг̇анд̇ум̣ д̇ийрам̣ над̇т̇ийд̇и вуд̇д̇ам̣ ход̇и.
678.Puḷavāvasatheti puḷavānaṃ āvāse. Ayampi lohakumbhīyeva devadūte ‘‘gūthanirayo’’ti vuttā, tattha patitassa sūcimukhapāṇā chaviādīni chinditvā aṭṭhimiñjaṃ khādanti. Gantuṃ na hi tīramapatthīti apagantuṃ na hi tīraṃ atthi. ‘‘Tīravamatthī’’tipi pāṭho, soyevattho. Tīrameva ettha ‘‘tīrava’’nti vuttaṃ. Sabbasamā hi samantakapallāti yasmā tassā kumbhiyā uparibhāgepi nikujjitattā sabbattha samā samantato kaṭāhā, tasmā apagantuṃ tīraṃ natthīti vuttaṃ hoti.
679. асибад̇д̇аванам̣ д̣̇звад̣̇ууд̇з вуд̇д̇анаяамзва. д̇ан̃хи д̣̇уурад̇о раман̣ийяам̣ амб̣аванам̣ вияа д̣̇иссад̇и, ат̇зд̇т̇а лобхзна нзраяигаа бависанд̇и, д̇ад̇о нзсам̣ ваад̇зрид̇аани бад̇д̇аани бад̇ид̇ваа ан̇г̇абажжан̇г̇аани чинд̣̇анд̇и. д̇знааха – ‘‘д̇ам̣ бависанд̇и самужчид̣̇аг̇ад̇д̇аа’’д̇и. д̇ам̣ бависанд̇и д̇ад̇о судту чиннаг̇ад̇д̇аа хонд̇ийд̇и. ж̇ивхам̣ б̣ал̣исзна г̇ахзд̇ваа аараж̇аяаараж̇аяаа вихананд̇ийд̇и д̇ад̇т̇а асибад̇д̇аванз взг̇зна д̇хаавид̇ваа бад̇ид̇аанам̣ мусааваад̣̇ийнам̣ нзраяигаанам̣ нираяабаалаа ж̇ивхам̣ б̣ал̣исзна ниггад̣дхид̇ваа яат̇аа мануссаа аллажаммам̣ бхуумияам̣ бад̇т̇арид̇ваа килзхи аагодзнд̇и, звам̣ аагодзд̇ваа парасуухи паалзд̇ваа паалзд̇ваа згамзгам̣ годим̣ чинд̣̇зд̇ваа вихананд̇и, чинначиннаа годи бунаббунам̣ самудтаад̇и. ‘‘ааражаяааражаяаа’’д̇иби баато, аавин̃чид̇ваа аавин̃чид̇ваад̇и ад̇т̇о. зд̇амби д̣̇звад̣̇ууд̇з авуд̇д̇агаммагааран̣ам̣.
679.Asipattavanaṃ devadūte vuttanayameva. Tañhi dūrato ramaṇīyaṃ ambavanaṃ viya dissati, athettha lobhena nerayikā pavisanti, tato nesaṃ vāteritāni pattāni patitvā aṅgapaccaṅgāni chindanti. Tenāha – ‘‘taṃ pavisanti samucchidagattā’’ti. Taṃ pavisanti tato suṭṭhu chinnagattā hontīti. Jivhaṃ baḷisena gahetvā ārajayārajayā vihanantīti tattha asipattavane vegena dhāvitvā patitānaṃ musāvādīnaṃ nerayikānaṃ nirayapālā jivhaṃ baḷisena nikkaḍḍhitvā yathā manussā allacammaṃ bhūmiyaṃ pattharitvā khilehi ākoṭenti, evaṃ ākoṭetvā pharasūhi phāletvā phāletvā ekamekaṃ koṭiṃ chindetvā vihananti, chinnachinnā koṭi punappunaṃ samuṭṭhāti. ‘‘Āracayāracayā’’tipi pāṭho, āviñchitvā āviñchitvāti attho. Etampi devadūte avuttakammakāraṇaṃ.
680. взд̇аран̣инд̇и д̣̇звад̣̇ууд̇з ‘‘махад̇ий каарод̣̇агаа над̣̇ий’’д̇и (ма. ни. 3.269) вуд̇д̇анад̣̇им̣. саа гира г̇ан̇г̇аа вияа уд̣̇агабхарид̇аа д̣̇иссад̇и. ат̇зд̇т̇а нхааяиссаама бивиссаамаад̇и нзраяигаа бад̇анд̇и. д̇ин̣хад̇хааракурад̇хааранд̇и д̇ин̣хад̇хаарам̣ курад̇хаарам̣, д̇игкад̇хааракурад̇хааравад̇инд̇и вуд̇д̇ам̣ ход̇и. д̇ассаа гира над̣̇ияаа уд̣̇д̇хамад̇хо убхаяад̇ийрзсу жа д̇ин̣хад̇хаараа кураа бадибаадияаа табид̇аа вияа д̇идтанд̇и, д̇зна саа ‘‘д̇ин̣хад̇хаараа курад̇хаараа’’д̇и вужжад̇и. д̇ам̣ д̇ин̣хад̇хааракурад̇хаарам̣ уд̣̇агаасааяа убзнд̇и аллийяанд̇ийд̇и ад̇т̇о. звам̣ убзнд̇аа жа баабагаммзна жод̣̇ид̇аа д̇ад̇т̇а манд̣̇аа бабад̇анд̇и б̣аалаад̇и ад̇т̇о.
680.Vetaraṇinti devadūte ‘‘mahatī khārodakā nadī’’ti (ma. ni. 3.269) vuttanadiṃ. Sā kira gaṅgā viya udakabharitā dissati. Athettha nhāyissāma pivissāmāti nerayikā patanti. Tiṇhadhārakhuradhāranti tiṇhadhāraṃ khuradhāraṃ, tikkhadhārakhuradhāravatinti vuttaṃ hoti. Tassā kira nadiyā uddhamadho ubhayatīresu ca tiṇhadhārā khurā paṭipāṭiyā ṭhapitā viya tiṭṭhanti, tena sā ‘‘tiṇhadhārā khuradhārā’’ti vuccati. Taṃ tiṇhadhārakhuradhāraṃ udakāsāya upenti allīyantīti attho. Evaṃ upentā ca pāpakammena coditā tattha mandā papatanti bālāti attho.
681. саамаа саб̣алаад̇и зд̇ам̣ барад̇о ‘‘сон̣аа’’д̇и иминаа яож̇зд̇аб̣б̣ам̣. саамаван̣н̣аа гаммаасаван̣н̣аа жа сон̣аа каад̣̇анд̇ийд̇и вуд̇д̇ам̣ ход̇и . гааголаг̇ан̣аад̇и ган̣хагаагаг̇ан̣аа. бадиг̇ид̣̇д̇хаад̇и судту сан̃ж̇аад̇аг̇зд̇хаа худ̇ваа, ‘‘махааг̇иж̇жхаа’’д̇и згз. гулалаад̇и гулалабагкино, ‘‘сзнаанамзд̇ам̣ наама’’нд̇и згз. вааяасаад̇и аган̣хагаагаа. ид̣̇амби д̣̇звад̣̇ууд̇з авуд̇д̇агаммагааран̣ам̣. д̇ад̇т̇а вуд̇д̇ааниби бана гаанижи ид̇ха на вуд̇д̇аани, д̇аани зд̇зсам̣ буримабажчимабхааг̇ад̇д̇аа вуд̇д̇аанзва хонд̇ийд̇и взд̣̇ид̇аб̣б̣аани.
681.Sāmā sabalāti etaṃ parato ‘‘soṇā’’ti iminā yojetabbaṃ. Sāmavaṇṇā kammāsavaṇṇā ca soṇā khādantīti vuttaṃ hoti . Kākolagaṇāti kaṇhakākagaṇā. Paṭigiddhāti suṭṭhu sañjātagedhā hutvā, ‘‘mahāgijjhā’’ti eke. Kulalāti kulalapakkhino, ‘‘senānametaṃ nāma’’nti eke. Vāyasāti akaṇhakākā. Idampi devadūte avuttakammakāraṇaṃ. Tattha vuttānipi pana kānici idha na vuttāni, tāni etesaṃ purimapacchimabhāgattā vuttāneva hontīti veditabbāni.
682. ид̣̇аани саб̣б̣амзвзд̇ам̣ нарагавуд̇д̇им̣ д̣̇ассзд̇ваа овад̣̇анд̇о ‘‘гижчаа вад̇ааяа’’нд̇и г̇аат̇амааха. д̇ассад̇т̇о – гижчаа вад̇а аяам̣ ид̇ха нарагз наанаббагаарагаммагаран̣абхзд̣̇аа вуд̇д̇и, яам̣ ж̇ано пусад̇и гиб̣б̣исагаарий. д̇асмаа ид̇ха ж̇ийвид̇асзсз ж̇ийвид̇асанд̇ад̇ияаа виж̇ж̇амаанааяа ид̇ха логз тид̇оязва самаано саран̣аг̇аманаад̣̇игусалад̇хаммаанудтаанзна гижжагаро наро сияаа бхавзяяа. гижжагаро бхаванд̇оби жа саад̇ажжагаарид̇аавасзнзва бхавзяяа, на бамаж̇ж̇з мухуд̇д̇амби на бамаад̣̇амаабаж̇ж̇зяяаад̇и аяамзд̇т̇а самужжаяаван̣н̣анаа. яасмаа бана вуд̇д̇аавасзсаани бад̣̇аани буб̣б̣з вуд̇д̇анаяад̇д̇аа уд̇д̇аанад̇т̇ад̇д̇аа жа сувин̃н̃зяяаанзва, д̇асмаа анубад̣̇аван̣н̣анаа на гад̇аад̇и.
682. Idāni sabbamevetaṃ narakavuttiṃ dassetvā ovadanto ‘‘kicchā vatāya’’nti gāthamāha. Tassattho – kicchā vata ayaṃ idha narake nānappakārakammakaraṇabhedā vutti, yaṃ jano phusati kibbisakārī. Tasmā idha jīvitasese jīvitasantatiyā vijjamānāya idha loke ṭhitoyeva samāno saraṇagamanādikusaladhammānuṭṭhānena kiccakaro naro siyā bhaveyya. Kiccakaro bhavantopi ca sātaccakāritāvaseneva bhaveyya, na pamajje muhuttampi na pamādamāpajjeyyāti ayamettha samuccayavaṇṇanā. Yasmā pana vuttāvasesāni padāni pubbe vuttanayattā uttānatthattā ca suviññeyyāneva, tasmā anupadavaṇṇanā na katāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа гогаалигасуд̇д̇аван̣н̣анаа нидтид̇аа.
Suttanipāta-aṭṭhakathāya kokālikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 10. гогаалигасуд̇д̇ам̣ • 10. Kokālikasuttaṃ
