| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. гогаалигасуд̇д̇аван̣н̣анаа
10. Kokālikasuttavaṇṇanā
181. д̣̇вз гогаалиганаамагаа бхигкуу, д̇ад̇о ид̇ха ад̇хиббзд̇ам̣ нид̣̇д̇хаарзд̇ваа д̣̇ассзд̇ум̣ – ‘‘го аяам̣ гогаалиго’’д̇и? бужчаа. суд̇д̇асса адтуббад̇д̇им̣ д̣̇ассзд̇ум̣ – ‘‘гасмаа жа убасан̇гамий’’д̇и? бужчаа . аяам̣ гираад̇иаад̣̇и яат̇ааггамам̣ д̇аасам̣ виссаж̇ж̇анам̣. вивзгаваасам̣ васид̇угаамад̇д̇аа аббижчад̇ааяа жа маа гассажи…бз… васим̣су.
181. Dve kokālikanāmakā bhikkhū, tato idha adhippetaṃ niddhāretvā dassetuṃ – ‘‘ko ayaṃ kokāliko’’ti? Pucchā. Suttassa aṭṭhuppattiṃ dassetuṃ – ‘‘kasmā ca upasaṅkamī’’ti? Pucchā . Ayaṃ kirātiādi yathākkamaṃ tāsaṃ vissajjanaṃ. Vivekavāsaṃ vasitukāmattā appicchatāya ca mā kassaci…pe… vasiṃsu.
баггамиссанд̇ийд̇и аагхаад̇ам̣ уббаад̣̇зси ад̇д̇ано ижчаавигхаад̇анад̇о. т̇зраа бхигкусан̇гхасса нияяаад̣̇аяим̣су баяуд̇д̇аваажааяа агад̇ад̇д̇аа т̇зрзхи жа ад̣̇ийбид̇ад̇д̇аа. буб̣б̣зби…бз… ман̃н̃зд̇и иминаа т̇зраанам̣ гохан̃н̃з тид̇абхаавам̣ аасан̇гад̇и аван̣з ван̣ам̣ бассанд̇о вияа, суд̣̇д̇хз аад̣̇аасад̇алз лзкам̣ удтаабзнд̇о вияа жа.
Pakkamissantīti āghātaṃ uppādesi attano icchāvighātanato. Therā bhikkhusaṅghassa niyyādayiṃsu payuttavācāya akatattā therehi ca adīpitattā. Pubbepi…pe… maññeti iminā therānaṃ kohaññe ṭhitabhāvaṃ āsaṅkati avaṇe vaṇaṃ passanto viya, suddhe ādāsatale lekhaṃ uṭṭhāpento viya ca.
абараж̇жхид̇ваад̇и бхаг̇авад̇о саммукаа ‘‘баабабхигкуу ж̇аад̇аа’’д̇и вад̇ваа. ааха ‘‘сад̣̇д̇хааяа аагаро басаад̣̇аавахо’’д̇и. бавад̇д̇асад̣̇д̇хааяиго ваад̇и ад̇т̇од̇и ааха ‘‘сад̣̇д̇хаад̇аб̣б̣аважано’’д̇и.
Aparajjhitvāti bhagavato sammukhā ‘‘pāpabhikkhū jātā’’ti vatvā. Āha ‘‘saddhāya ākaro pasādāvaho’’ti. Pavattasaddhāyiko vāti atthoti āha ‘‘saddhātabbavacano’’ti.
бийл̣агаа наама б̣аахирад̇о бадтааяа адтим̣ бхинд̣̇ад̇и, имаа бана батамам̣язва адтим̣ бхинд̣̇ид̇ваа уг̇г̇ад̇аа. д̇арун̣аб̣злувамад̇д̇ияод̇и д̇арун̣аб̣иллапаламад̇д̇ияо. висаг̇илид̇од̇и кид̇д̇абахаран̣о. д̇ан̃жа б̣ал̣исам̣ висасаман̃н̃аа логз. ‘‘аарагкад̣̇звад̇аанам̣ суд̇ваа’’д̇и бад̣̇ам̣ аанзд̇ваа самб̣анд̇хо.
Pīḷakā nāma bāhirato paṭṭhāya aṭṭhiṃ bhindati, imā pana paṭhamaṃyeva aṭṭhiṃ bhinditvā uggatā. Taruṇabeluvamattiyoti taruṇabillaphalamattiyo. Visagilitoti khittapaharaṇo. Tañca baḷisaṃ visasamaññā loke. ‘‘Ārakkhadevatānaṃ sutvā’’ti padaṃ ānetvā sambandho.
маг̇ад̇харадтз сам̣вохаарад̇о мааг̇ад̇хаго бад̇д̇о, д̇зна. д̇иласагадам̣ д̇илаваахаазд̇и вуд̇д̇о. бажжид̇аб̣б̣адтаанассаад̇и нираяад̣̇угкзна бажжид̇аб̣б̣абад̣̇зсасса. зд̇ам̣ ‘‘аб̣б̣уд̣̇о’’д̇и наамам̣.
Magadharaṭṭhe saṃvohārato māgadhako patto, tena. Tilasakaṭaṃ tilavāhāeti vutto. Paccitabbaṭṭhānassāti nirayadukkhena paccitabbapadesassa. Etaṃ ‘‘abbudo’’ti nāmaṃ.
вассаг̇ан̣анаад̇и згад̇о бадтааяа д̣̇асаг̇ун̣ид̇ам̣ аб̣б̣уд̣̇аааяумхи, д̇ад̇о барам̣ вийсад̇иг̇ун̣ам̣ нираб̣б̣уд̣̇аад̣̇ийсу вассаг̇ан̣анаа взд̣̇ид̇аб̣б̣аа. саб̣б̣ад̇т̇аад̇и аб̣аб̣аад̣̇ийсу бад̣̇умабарияосаанзсу саб̣б̣зсу нираязсу. зсзва наяод̇и хздтимад̇о убаримасса убаримасса вийсад̇иг̇ун̣ад̇ам̣ ад̇ид̣̇исад̇и.
Vassagaṇanāti ekato paṭṭhāya dasaguṇitaṃ abbudaāyumhi, tato paraṃ vīsatiguṇaṃ nirabbudādīsu vassagaṇanā veditabbā. Sabbatthāti ababādīsu padumapariyosānesu sabbesu nirayesu. Eseva nayoti heṭṭhimato uparimassa uparimassa vīsatiguṇataṃ atidisati.
гогаалигасуд̇д̇аван̣н̣анаа нидтид̇аа.
Kokālikasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. гогаалигасуд̇д̇ам̣ • 10. Kokālikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. гогаалигасуд̇д̇аван̣н̣анаа • 10. Kokālikasuttavaṇṇanā
