| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਕੋਕਾਲਿਕਸੁਤ੍ਤવਣ੍ਣਨਾ
10. Kokālikasuttavaṇṇanā
੧੮੧. ਦ੍વੇ ਕੋਕਾਲਿਕਨਾਮਕਾ ਭਿਕ੍ਖੂ, ਤਤੋ ਇਧ ਅਧਿਪ੍ਪੇਤਂ ਨਿਦ੍ਧਾਰੇਤ੍વਾ ਦਸ੍ਸੇਤੁਂ – ‘‘ਕੋ ਅਯਂ ਕੋਕਾਲਿਕੋ’’ਤਿ? ਪੁਚ੍ਛਾ। ਸੁਤ੍ਤਸ੍ਸ ਅਟ੍ਠੁਪ੍ਪਤ੍ਤਿਂ ਦਸ੍ਸੇਤੁਂ – ‘‘ਕਸ੍ਮਾ ਚ ਉਪਸਙ੍ਕਮੀ’’ਤਿ? ਪੁਚ੍ਛਾ । ਅਯਂ ਕਿਰਾਤਿਆਦਿ ਯਥਾਕ੍ਕਮਂ ਤਾਸਂ વਿਸ੍ਸਜ੍ਜਨਂ। વਿવੇਕવਾਸਂ વਸਿਤੁਕਾਮਤ੍ਤਾ ਅਪ੍ਪਿਚ੍ਛਤਾਯ ਚ ਮਾ ਕਸ੍ਸਚਿ…ਪੇ॰… વਸਿਂਸੁ।
181. Dve kokālikanāmakā bhikkhū, tato idha adhippetaṃ niddhāretvā dassetuṃ – ‘‘ko ayaṃ kokāliko’’ti? Pucchā. Suttassa aṭṭhuppattiṃ dassetuṃ – ‘‘kasmā ca upasaṅkamī’’ti? Pucchā . Ayaṃ kirātiādi yathākkamaṃ tāsaṃ vissajjanaṃ. Vivekavāsaṃ vasitukāmattā appicchatāya ca mā kassaci…pe… vasiṃsu.
ਪਕ੍ਕਮਿਸ੍ਸਨ੍ਤੀਤਿ ਆਘਾਤਂ ਉਪ੍ਪਾਦੇਸਿ ਅਤ੍ਤਨੋ ਇਚ੍ਛਾવਿਘਾਤਨਤੋ। ਥੇਰਾ ਭਿਕ੍ਖੁਸਙ੍ਘਸ੍ਸ ਨਿਯ੍ਯਾਦਯਿਂਸੁ ਪਯੁਤ੍ਤવਾਚਾਯ ਅਕਤਤ੍ਤਾ ਥੇਰੇਹਿ ਚ ਅਦੀਪਿਤਤ੍ਤਾ। ਪੁਬ੍ਬੇਪਿ…ਪੇ॰… ਮਞ੍ਞੇਤਿ ਇਮਿਨਾ ਥੇਰਾਨਂ ਕੋਹਞ੍ਞੇ ਠਿਤਭਾવਂ ਆਸਙ੍ਕਤਿ ਅવਣੇ વਣਂ ਪਸ੍ਸਨ੍ਤੋ વਿਯ, ਸੁਦ੍ਧੇ ਆਦਾਸਤਲੇ ਲੇਖਂ ਉਟ੍ਠਾਪੇਨ੍ਤੋ વਿਯ ਚ।
Pakkamissantīti āghātaṃ uppādesi attano icchāvighātanato. Therā bhikkhusaṅghassa niyyādayiṃsu payuttavācāya akatattā therehi ca adīpitattā. Pubbepi…pe… maññeti iminā therānaṃ kohaññe ṭhitabhāvaṃ āsaṅkati avaṇe vaṇaṃ passanto viya, suddhe ādāsatale lekhaṃ uṭṭhāpento viya ca.
ਅਪਰਜ੍ਝਿਤ੍વਾਤਿ ਭਗવਤੋ ਸਮ੍ਮੁਖਾ ‘‘ਪਾਪਭਿਕ੍ਖੂ ਜਾਤਾ’’ਤਿ વਤ੍વਾ। ਆਹ ‘‘ਸਦ੍ਧਾਯ ਆਕਰੋ ਪਸਾਦਾવਹੋ’’ਤਿ। ਪવਤ੍ਤਸਦ੍ਧਾਯਿਕੋ વਾਤਿ ਅਤ੍ਥੋਤਿ ਆਹ ‘‘ਸਦ੍ਧਾਤਬ੍ਬવਚਨੋ’’ਤਿ।
Aparajjhitvāti bhagavato sammukhā ‘‘pāpabhikkhū jātā’’ti vatvā. Āha ‘‘saddhāya ākaro pasādāvaho’’ti. Pavattasaddhāyiko vāti atthoti āha ‘‘saddhātabbavacano’’ti.
ਪੀਲ਼ਕਾ ਨਾਮ ਬਾਹਿਰਤੋ ਪਟ੍ਠਾਯ ਅਟ੍ਠਿਂ ਭਿਨ੍ਦਤਿ, ਇਮਾ ਪਨ ਪਠਮਂਯੇવ ਅਟ੍ਠਿਂ ਭਿਨ੍ਦਿਤ੍વਾ ਉਗ੍ਗਤਾ। ਤਰੁਣਬੇਲੁવਮਤ੍ਤਿਯੋਤਿ ਤਰੁਣਬਿਲ੍ਲਫਲਮਤ੍ਤਿਯੋ। વਿਸਗਿਲਿਤੋਤਿ ਖਿਤ੍ਤਪਹਰਣੋ। ਤਞ੍ਚ ਬਲ਼ਿਸਂ વਿਸਸਮਞ੍ਞਾ ਲੋਕੇ। ‘‘ਆਰਕ੍ਖਦੇવਤਾਨਂ ਸੁਤ੍વਾ’’ਤਿ ਪਦਂ ਆਨੇਤ੍વਾ ਸਮ੍ਬਨ੍ਧੋ।
Pīḷakā nāma bāhirato paṭṭhāya aṭṭhiṃ bhindati, imā pana paṭhamaṃyeva aṭṭhiṃ bhinditvā uggatā. Taruṇabeluvamattiyoti taruṇabillaphalamattiyo. Visagilitoti khittapaharaṇo. Tañca baḷisaṃ visasamaññā loke. ‘‘Ārakkhadevatānaṃ sutvā’’ti padaṃ ānetvā sambandho.
ਮਗਧਰਟ੍ਠੇ ਸਂવੋਹਾਰਤੋ ਮਾਗਧਕੋ ਪਤ੍ਤੋ, ਤੇਨ। ਤਿਲਸਕਟਂ ਤਿਲવਾਹਾਏਤਿ વੁਤ੍ਤੋ। ਪਚ੍ਚਿਤਬ੍ਬਟ੍ਠਾਨਸ੍ਸਾਤਿ ਨਿਰਯਦੁਕ੍ਖੇਨ ਪਚ੍ਚਿਤਬ੍ਬਪਦੇਸਸ੍ਸ। ਏਤਂ ‘‘ਅਬ੍ਬੁਦੋ’’ਤਿ ਨਾਮਂ।
Magadharaṭṭhe saṃvohārato māgadhako patto, tena. Tilasakaṭaṃ tilavāhāeti vutto. Paccitabbaṭṭhānassāti nirayadukkhena paccitabbapadesassa. Etaṃ ‘‘abbudo’’ti nāmaṃ.
વਸ੍ਸਗਣਨਾਤਿ ਏਕਤੋ ਪਟ੍ਠਾਯ ਦਸਗੁਣਿਤਂ ਅਬ੍ਬੁਦਆਯੁਮ੍ਹਿ, ਤਤੋ ਪਰਂ વੀਸਤਿਗੁਣਂ ਨਿਰਬ੍ਬੁਦਾਦੀਸੁ વਸ੍ਸਗਣਨਾ વੇਦਿਤਬ੍ਬਾ। ਸਬ੍ਬਤ੍ਥਾਤਿ ਅਬਬਾਦੀਸੁ ਪਦੁਮਪਰਿਯੋਸਾਨੇਸੁ ਸਬ੍ਬੇਸੁ ਨਿਰਯੇਸੁ। ਏਸੇવ ਨਯੋਤਿ ਹੇਟ੍ਠਿਮਤੋ ਉਪਰਿਮਸ੍ਸ ਉਪਰਿਮਸ੍ਸ વੀਸਤਿਗੁਣਤਂ ਅਤਿਦਿਸਤਿ।
Vassagaṇanāti ekato paṭṭhāya dasaguṇitaṃ abbudaāyumhi, tato paraṃ vīsatiguṇaṃ nirabbudādīsu vassagaṇanā veditabbā. Sabbatthāti ababādīsu padumapariyosānesu sabbesu nirayesu. Eseva nayoti heṭṭhimato uparimassa uparimassa vīsatiguṇataṃ atidisati.
ਕੋਕਾਲਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kokālikasuttavaṇṇanā niṭṭhitā.
ਪਠਮવਗ੍ਗવਣ੍ਣਨਾ ਨਿਟ੍ਠਿਤਾ।
Paṭhamavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਕੋਕਾਲਿਕਸੁਤ੍ਤਂ • 10. Kokālikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਕੋਕਾਲਿਕਸੁਤ੍ਤવਣ੍ਣਨਾ • 10. Kokālikasuttavaṇṇanā
