Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā)

    10. பி⁴க்கு²ஸங்யுத்தங்

    10. Bhikkhusaṃyuttaṃ

    1. கோலிதஸுத்தவண்ணனா

    1. Kolitasuttavaṇṇanā

    235. பி⁴க்கு²ஸங்யுத்தஸ்ஸ பட²மே, ஆவுஸோதி ஸாவகானங் ஆலாபோ. பு³த்³தா⁴ ஹி ப⁴க³வந்தோ ஸாவகே ஆலபந்தா, ‘‘பி⁴க்க²வே’’தி ஆலபந்தி, ஸாவகா பன ‘‘பு³த்³தே⁴ஹி ஸதி³ஸா மா ஹோமா’’தி, ‘‘ஆவுஸோ’’தி பட²மங் வத்வா பச்சா², ‘‘பி⁴க்க²வே’’தி ப⁴ணந்தி. பு³த்³தே⁴ஹி ச ஆலபிதே பி⁴க்கு²ஸங்கோ⁴, ‘‘ப⁴ந்தே’’தி படிவசனங் தே³தி ஸாவகேஹி, ‘‘ஆவுஸோ’’தி. அயங் வுச்சதீதி யஸ்மா து³தியஜ்ஜா²னே விதக்கவிசாரா நிருஜ்ஜ²ந்தி, யேஸங் நிரோதா⁴ ஸத்³தா³யதனங் அப்பவத்திங் க³ச்ச²தி, தஸ்மா யதே³தங் து³தியங் ஜா²னங் நாம, அயங் வுச்சதி ‘‘அரியானங் துண்ஹீபா⁴வோ’’தி. அயமெத்த² யோஜனா. ‘‘த⁴ம்மீ வா கதா² அரியோ வா துண்ஹீபா⁴வோ’’தி எத்த² பன கம்மட்டா²னமனஸிகாரோபி பட²மஜ்ஜா²னாதீ³னிபி அரியோ துண்ஹீபா⁴வொத்வேவ ஸங்க²ங் க³தானி.

    235. Bhikkhusaṃyuttassa paṭhame, āvusoti sāvakānaṃ ālāpo. Buddhā hi bhagavanto sāvake ālapantā, ‘‘bhikkhave’’ti ālapanti, sāvakā pana ‘‘buddhehi sadisā mā homā’’ti, ‘‘āvuso’’ti paṭhamaṃ vatvā pacchā, ‘‘bhikkhave’’ti bhaṇanti. Buddhehi ca ālapite bhikkhusaṅgho, ‘‘bhante’’ti paṭivacanaṃ deti sāvakehi, ‘‘āvuso’’ti. Ayaṃ vuccatīti yasmā dutiyajjhāne vitakkavicārā nirujjhanti, yesaṃ nirodhā saddāyatanaṃ appavattiṃ gacchati, tasmā yadetaṃ dutiyaṃ jhānaṃ nāma, ayaṃ vuccati ‘‘ariyānaṃ tuṇhībhāvo’’ti. Ayamettha yojanā. ‘‘Dhammī vā kathā ariyo vā tuṇhībhāvo’’ti ettha pana kammaṭṭhānamanasikāropi paṭhamajjhānādīnipi ariyo tuṇhībhāvotveva saṅkhaṃ gatāni.

    விதக்கஸஹக³தாதி விதக்காரம்மணா. ஸஞ்ஞாமனஸிகாராதி ஸஞ்ஞா ச மனஸிகாரோ ச. ஸமுதா³சரந்தீதி பவத்தந்தி. தே²ரஸ்ஸ கிர து³தியஜ்ஜா²னங் ந பகு³ணங். அத²ஸ்ஸ ததோ வுட்டி²தஸ்ஸ விதக்கவிசாரா ந ஸந்ததோ உபட்ட²ஹிங்ஸு. இச்சஸ்ஸ து³தியஜ்ஜா²னம்பி ஸஞ்ஞாமனஸிகாராபி ஹானபா⁴கி³யாவ அஹேஸுங், தங் த³ஸ்ஸெந்தோ ஏவமாஹ. ஸண்ட²பேஹீதி ஸம்மா ட²பேஹி. ஏகோதி³பா⁴வங் கரோஹீதி ஏகக்³க³ங் கரோஹி. ஸமாத³ஹாதி ஸம்மா ஆத³ஹ ஆரோபேஹி. மஹாபி⁴ஞ்ஞதந்தி ச²ளபி⁴ஞ்ஞதங். ஸத்தா² கிர இமினா உபாயேன ஸத்த தி³வஸே தே²ரஸ்ஸ ஹானபா⁴கி³யங் ஸமாதி⁴ங் வட்³டெ⁴த்வா தே²ரங் ச²ளபி⁴ஞ்ஞதங் பாபேஸி. பட²மங்.

    Vitakkasahagatāti vitakkārammaṇā. Saññāmanasikārāti saññā ca manasikāro ca. Samudācarantīti pavattanti. Therassa kira dutiyajjhānaṃ na paguṇaṃ. Athassa tato vuṭṭhitassa vitakkavicārā na santato upaṭṭhahiṃsu. Iccassa dutiyajjhānampi saññāmanasikārāpi hānabhāgiyāva ahesuṃ, taṃ dassento evamāha. Saṇṭhapehīti sammā ṭhapehi. Ekodibhāvaṃ karohīti ekaggaṃ karohi. Samādahāti sammā ādaha āropehi. Mahābhiññatanti chaḷabhiññataṃ. Satthā kira iminā upāyena satta divase therassa hānabhāgiyaṃ samādhiṃ vaḍḍhetvā theraṃ chaḷabhiññataṃ pāpesi. Paṭhamaṃ.







    Related texts:



    திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. கோலிதஸுத்தங் • 1. Kolitasuttaṃ

    டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. கோலிதஸுத்தவண்ணனா • 1. Kolitasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact