| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. бхигкусам̣яуд̇д̇ам̣
10. Bhikkhusaṃyuttaṃ
1. голид̇асуд̇д̇аван̣н̣анаа
1. Kolitasuttavaṇṇanā
235. бхигкусам̣яуд̇д̇асса батамз, аавусод̇и саавагаанам̣ аалаабо. б̣уд̣̇д̇хаа хи бхаг̇аванд̇о саавагз аалабанд̇аа, ‘‘бхигкавз’’д̇и аалабанд̇и, саавагаа бана ‘‘б̣уд̣̇д̇хзхи сад̣̇исаа маа хомаа’’д̇и, ‘‘аавусо’’д̇и батамам̣ вад̇ваа бажчаа, ‘‘бхигкавз’’д̇и бхан̣анд̇и. б̣уд̣̇д̇хзхи жа аалабид̇з бхигкусан̇гхо, ‘‘бханд̇з’’д̇и бадиважанам̣ д̣̇зд̇и саавагзхи, ‘‘аавусо’’д̇и. аяам̣ вужжад̇ийд̇и яасмаа д̣̇уд̇ияаж̇жхаанз вид̇аггавижаараа нируж̇жханд̇и, язсам̣ нирод̇хаа сад̣̇д̣̇ааяад̇анам̣ аббавад̇д̇им̣ г̇ажчад̇и, д̇асмаа яад̣̇зд̇ам̣ д̣̇уд̇ияам̣ жхаанам̣ наама, аяам̣ вужжад̇и ‘‘арияаанам̣ д̇ун̣хийбхааво’’д̇и. аяамзд̇т̇а яож̇анаа. ‘‘д̇хаммий ваа гат̇аа арияо ваа д̇ун̣хийбхааво’’д̇и зд̇т̇а бана гаммадтаанаманасигаароби батамаж̇жхаанаад̣̇ийниби арияо д̇ун̣хийбхаавод̇взва сан̇кам̣ г̇ад̇аани.
235. Bhikkhusaṃyuttassa paṭhame, āvusoti sāvakānaṃ ālāpo. Buddhā hi bhagavanto sāvake ālapantā, ‘‘bhikkhave’’ti ālapanti, sāvakā pana ‘‘buddhehi sadisā mā homā’’ti, ‘‘āvuso’’ti paṭhamaṃ vatvā pacchā, ‘‘bhikkhave’’ti bhaṇanti. Buddhehi ca ālapite bhikkhusaṅgho, ‘‘bhante’’ti paṭivacanaṃ deti sāvakehi, ‘‘āvuso’’ti. Ayaṃ vuccatīti yasmā dutiyajjhāne vitakkavicārā nirujjhanti, yesaṃ nirodhā saddāyatanaṃ appavattiṃ gacchati, tasmā yadetaṃ dutiyaṃ jhānaṃ nāma, ayaṃ vuccati ‘‘ariyānaṃ tuṇhībhāvo’’ti. Ayamettha yojanā. ‘‘Dhammī vā kathā ariyo vā tuṇhībhāvo’’ti ettha pana kammaṭṭhānamanasikāropi paṭhamajjhānādīnipi ariyo tuṇhībhāvotveva saṅkhaṃ gatāni.
вид̇аггасахаг̇ад̇аад̇и вид̇аггаарамман̣аа. сан̃н̃ааманасигаараад̇и сан̃н̃аа жа манасигааро жа. самуд̣̇аажаранд̇ийд̇и бавад̇д̇анд̇и. т̇зрасса гира д̣̇уд̇ияаж̇жхаанам̣ на баг̇ун̣ам̣. ат̇асса д̇ад̇о вудтид̇асса вид̇аггавижаараа на санд̇ад̇о убадтахим̣су. ижжасса д̣̇уд̇ияаж̇жхаанамби сан̃н̃ааманасигаарааби хаанабхааг̇ияаава ахзсум̣, д̇ам̣ д̣̇ассзнд̇о звамааха. сан̣табзхийд̇и саммаа табзхи. згод̣̇ибхаавам̣ гарохийд̇и згаг̇г̇ам̣ гарохи. самаад̣̇ахаад̇и саммаа аад̣̇аха ааробзхи. махаабхин̃н̃ад̇анд̇и чал̣абхин̃н̃ад̇ам̣. сад̇т̇аа гира иминаа убааязна сад̇д̇а д̣̇ивасз т̇зрасса хаанабхааг̇ияам̣ самаад̇хим̣ вад̣дхзд̇ваа т̇зрам̣ чал̣абхин̃н̃ад̇ам̣ баабзси. батамам̣.
Vitakkasahagatāti vitakkārammaṇā. Saññāmanasikārāti saññā ca manasikāro ca. Samudācarantīti pavattanti. Therassa kira dutiyajjhānaṃ na paguṇaṃ. Athassa tato vuṭṭhitassa vitakkavicārā na santato upaṭṭhahiṃsu. Iccassa dutiyajjhānampi saññāmanasikārāpi hānabhāgiyāva ahesuṃ, taṃ dassento evamāha. Saṇṭhapehīti sammā ṭhapehi. Ekodibhāvaṃ karohīti ekaggaṃ karohi. Samādahāti sammā ādaha āropehi. Mahābhiññatanti chaḷabhiññataṃ. Satthā kira iminā upāyena satta divase therassa hānabhāgiyaṃ samādhiṃ vaḍḍhetvā theraṃ chaḷabhiññataṃ pāpesi. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. голид̇асуд̇д̇ам̣ • 1. Kolitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. голид̇асуд̇д̇аван̣н̣анаа • 1. Kolitasuttavaṇṇanā
