| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. бхигкусам̣яуд̇д̇ам̣
10. Bhikkhusaṃyuttaṃ
1. голид̇асуд̇д̇аван̣н̣анаа
1. Kolitasuttavaṇṇanā
235. саавагаанам̣ аалаабод̇и саавагаанам̣ саб̣рахмажаарим̣ уд̣̇д̣̇исса аалаабо. б̣уд̣̇д̇хзхи сад̣̇исаа маа хомаад̇и б̣уд̣̇д̇хаажин̣н̣ам̣ самуд̣̇аажаарам̣ агат̇знд̇зхи саавагзхи, ‘‘аавусо бхигкавз’’д̇и аалабид̇аа бхигкуу, ‘‘аавусо’’д̇и бадиважанам̣ д̣̇знд̇и, на, ‘‘бханд̇з’’д̇и. д̣̇уд̇ияаж̇жхаанз вид̇аггавижаараа нируж̇жханд̇и д̇зсам̣ нирод̇хзнзва д̇асса жхаанасса уббаад̣̇зд̇аб̣б̣ад̇о. язсам̣ нирод̇хаад̇и язсам̣ важийсан̇г̇аараанам̣ вид̇аггавижаараанам̣ нируж̇жханзна сувигкамбхид̇абхаавзна сад̣̇д̣̇ааяад̇анам̣ аббавад̇д̇им̣ г̇ажчад̇и гааран̣асса д̣̇уурад̇о бассамбхид̇ад̇д̇аа. арияод̇и нид̣̇д̣̇осо. барисуд̣̇д̇хо д̇ун̣хийбхааво, на д̇ид̇т̇ияаанам̣ мууг̇аб̣б̣ад̇аг̇г̇ахан̣ам̣ вияа абарисуд̣̇д̇ход̇и ад̇хиббааяо. батамаж̇жхаанаад̣̇ийнийд̇и аад̣̇и-сад̣̇д̣̇зна д̇ад̇ияаж̇жхаанаад̣̇ийни сан̇г̇ан̣хаад̇и.
235.Sāvakānaṃālāpoti sāvakānaṃ sabrahmacāriṃ uddissa ālāpo. Buddhehi sadisā mā homāti buddhāciṇṇaṃ samudācāraṃ akathentehi sāvakehi, ‘‘āvuso bhikkhave’’ti ālapitā bhikkhū, ‘‘āvuso’’ti paṭivacanaṃ denti, na, ‘‘bhante’’ti. Dutiyajjhāne vitakkavicārā nirujjhanti tesaṃ nirodheneva tassa jhānassa uppādetabbato. Yesaṃ nirodhāti yesaṃ vacīsaṅgārānaṃ vitakkavicārānaṃ nirujjhanena suvikkhambhitabhāvena saddāyatanaṃ appavattiṃ gacchati kāraṇassa dūrato passambhitattā. Ariyoti niddoso. Parisuddho tuṇhībhāvo, na titthiyānaṃ mūgabbataggahaṇaṃ viya aparisuddhoti adhippāyo. Paṭhamajjhānādīnīti ādi-saddena tatiyajjhānādīni saṅgaṇhāti.
аарамман̣абхууд̇зна вид̇аггзна саха г̇ад̇аа бавад̇д̇аад̇и вид̇аггасахаг̇ад̇аад̇и ааха ‘‘вид̇аггаарамман̣аа’’д̇и. вид̇аггаарамман̣ад̇аа жа сан̃н̃ааманасигаараанам̣ сукумааарамман̣аг̇г̇ахан̣авасзна д̣̇адтаб̣б̣аа. д̇знааха ‘‘на санд̇ад̇о убадтахим̣суу’’д̇и. на баг̇ун̣ам̣ саммад̣̇зва васийбхаавасса анаабаад̣̇ид̇ад̇д̇аа. сан̃н̃ааманасигаараабийд̇и д̇ад̇ияаж̇жхаанаад̇хиг̇амааяа бавад̇д̇ияамаанаа сан̃н̃ааманасигаарааби хаанабхааг̇ияаава ахзсум̣, на висзсабхааг̇ияаа. саммаа табзхийд̇и б̣ахид̣̇д̇хаа вигкзбам̣ бахааяа саммаа аж̇жхад̇д̇амзва жид̇д̇ам̣ табзхи. згаг̇г̇ам̣ гарохийд̇и д̇знзва вигкзбабадиб̣ааханзна авихад̇амаанасад̇ааяа жид̇д̇асамаад̇хаанавасзна згаг̇г̇ам̣ гарохи. ааробзхийд̇и ийсагамби б̣ахумби абад̇ид̇ам̣ гад̇ваа гаммадтаанаарамман̣з ааробзхи. д̣̇уд̇ияааг̇г̇асаавагабхуумияаа баарибуурияаа ааяасмаа махаабхин̃н̃о, на яат̇аа д̇ат̇аад̇и ааха ‘‘махаабхин̃н̃ад̇анд̇и чал̣абхин̃н̃ад̇а’’нд̇и. иминаа убааязнаад̇и иминаа ‘‘ат̇а ко мам̣, аавусо’’д̇иаад̣̇инаа вуд̇д̇зна убааязна. вад̣дхзд̇ваад̇и уд̇д̇ари уд̇д̇ари висзсабхааг̇ияабхааваабаад̣̇анзна самаад̇хим̣ бан̃н̃ан̃жа б̣руухзд̇ваа б̣руухзд̇ваа.
Ārammaṇabhūtena vitakkena saha gatā pavattāti vitakkasahagatāti āha ‘‘vitakkārammaṇā’’ti. Vitakkārammaṇatā ca saññāmanasikārānaṃ sukhumaārammaṇaggahaṇavasena daṭṭhabbā. Tenāha ‘‘na santato upaṭṭhahiṃsū’’ti. Na paguṇaṃ sammadeva vasībhāvassa anāpāditattā. Saññāmanasikārāpīti tatiyajjhānādhigamāya pavattiyamānā saññāmanasikārāpi hānabhāgiyāva ahesuṃ, na visesabhāgiyā. Sammā ṭhapehīti bahiddhā vikkhepaṃ pahāya sammā ajjhattameva cittaṃ ṭhapehi. Ekaggaṃ karohīti teneva vikkhepapaṭibāhanena avihatamānasatāya cittasamādhānavasena ekaggaṃ karohi. Āropehīti īsakampi bahumpi apatitaṃ katvā kammaṭṭhānārammaṇe āropehi. Dutiyaaggasāvakabhūmiyā pāripūriyā āyasmā mahābhiñño, na yathā tathāti āha ‘‘mahābhiññatanti chaḷabhiññata’’nti. Iminā upāyenāti iminā ‘‘atha kho maṃ, āvuso’’tiādinā vuttena upāyena. Vaḍḍhetvāti uttari uttari visesabhāgiyabhāvāpādanena samādhiṃ paññañca brūhetvā brūhetvā.
голид̇асуд̇д̇аван̣н̣анаа нидтид̇аа.
Kolitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. голид̇асуд̇д̇ам̣ • 1. Kolitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. голид̇асуд̇д̇аван̣н̣анаа • 1. Kolitasuttavaṇṇanā
