| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਭਿਕ੍ਖੁਸਂਯੁਤ੍ਤਂ
10. Bhikkhusaṃyuttaṃ
੧. ਕੋਲਿਤਸੁਤ੍ਤવਣ੍ਣਨਾ
1. Kolitasuttavaṇṇanā
੨੩੫. ਸਾવਕਾਨਂ ਆਲਾਪੋਤਿ ਸਾવਕਾਨਂ ਸਬ੍ਰਹ੍ਮਚਾਰਿਂ ਉਦ੍ਦਿਸ੍ਸ ਆਲਾਪੋ। ਬੁਦ੍ਧੇਹਿ ਸਦਿਸਾ ਮਾ ਹੋਮਾਤਿ ਬੁਦ੍ਧਾਚਿਣ੍ਣਂ ਸਮੁਦਾਚਾਰਂ ਅਕਥੇਨ੍ਤੇਹਿ ਸਾવਕੇਹਿ, ‘‘ਆવੁਸੋ ਭਿਕ੍ਖવੇ’’ਤਿ ਆਲਪਿਤਾ ਭਿਕ੍ਖੂ, ‘‘ਆવੁਸੋ’’ਤਿ ਪਟਿવਚਨਂ ਦੇਨ੍ਤਿ, ਨ, ‘‘ਭਨ੍ਤੇ’’ਤਿ। ਦੁਤਿਯਜ੍ਝਾਨੇ વਿਤਕ੍ਕવਿਚਾਰਾ ਨਿਰੁਜ੍ਝਨ੍ਤਿ ਤੇਸਂ ਨਿਰੋਧੇਨੇવ ਤਸ੍ਸ ਝਾਨਸ੍ਸ ਉਪ੍ਪਾਦੇਤਬ੍ਬਤੋ। ਯੇਸਂ ਨਿਰੋਧਾਤਿ ਯੇਸਂ વਚੀਸਙ੍ਗਾਰਾਨਂ વਿਤਕ੍ਕવਿਚਾਰਾਨਂ ਨਿਰੁਜ੍ਝਨੇਨ ਸੁવਿਕ੍ਖਮ੍ਭਿਤਭਾવੇਨ ਸਦ੍ਦਾਯਤਨਂ ਅਪ੍ਪવਤ੍ਤਿਂ ਗਚ੍ਛਤਿ ਕਾਰਣਸ੍ਸ ਦੂਰਤੋ ਪਸ੍ਸਮ੍ਭਿਤਤ੍ਤਾ। ਅਰਿਯੋਤਿ ਨਿਦ੍ਦੋਸੋ। ਪਰਿਸੁਦ੍ਧੋ ਤੁਣ੍ਹੀਭਾવੋ, ਨ ਤਿਤ੍ਥਿਯਾਨਂ ਮੂਗਬ੍ਬਤਗ੍ਗਹਣਂ વਿਯ ਅਪਰਿਸੁਦ੍ਧੋਤਿ ਅਧਿਪ੍ਪਾਯੋ। ਪਠਮਜ੍ਝਾਨਾਦੀਨੀਤਿ ਆਦਿ-ਸਦ੍ਦੇਨ ਤਤਿਯਜ੍ਝਾਨਾਦੀਨਿ ਸਙ੍ਗਣ੍ਹਾਤਿ।
235.Sāvakānaṃālāpoti sāvakānaṃ sabrahmacāriṃ uddissa ālāpo. Buddhehi sadisā mā homāti buddhāciṇṇaṃ samudācāraṃ akathentehi sāvakehi, ‘‘āvuso bhikkhave’’ti ālapitā bhikkhū, ‘‘āvuso’’ti paṭivacanaṃ denti, na, ‘‘bhante’’ti. Dutiyajjhāne vitakkavicārā nirujjhanti tesaṃ nirodheneva tassa jhānassa uppādetabbato. Yesaṃ nirodhāti yesaṃ vacīsaṅgārānaṃ vitakkavicārānaṃ nirujjhanena suvikkhambhitabhāvena saddāyatanaṃ appavattiṃ gacchati kāraṇassa dūrato passambhitattā. Ariyoti niddoso. Parisuddho tuṇhībhāvo, na titthiyānaṃ mūgabbataggahaṇaṃ viya aparisuddhoti adhippāyo. Paṭhamajjhānādīnīti ādi-saddena tatiyajjhānādīni saṅgaṇhāti.
ਆਰਮ੍ਮਣਭੂਤੇਨ વਿਤਕ੍ਕੇਨ ਸਹ ਗਤਾ ਪવਤ੍ਤਾਤਿ વਿਤਕ੍ਕਸਹਗਤਾਤਿ ਆਹ ‘‘વਿਤਕ੍ਕਾਰਮ੍ਮਣਾ’’ਤਿ। વਿਤਕ੍ਕਾਰਮ੍ਮਣਤਾ ਚ ਸਞ੍ਞਾਮਨਸਿਕਾਰਾਨਂ ਸੁਖੁਮਆਰਮ੍ਮਣਗ੍ਗਹਣવਸੇਨ ਦਟ੍ਠਬ੍ਬਾ। ਤੇਨਾਹ ‘‘ਨ ਸਨ੍ਤਤੋ ਉਪਟ੍ਠਹਿਂਸੂ’’ਤਿ। ਨ ਪਗੁਣਂ ਸਮ੍ਮਦੇવ વਸੀਭਾવਸ੍ਸ ਅਨਾਪਾਦਿਤਤ੍ਤਾ। ਸਞ੍ਞਾਮਨਸਿਕਾਰਾਪੀਤਿ ਤਤਿਯਜ੍ਝਾਨਾਧਿਗਮਾਯ ਪવਤ੍ਤਿਯਮਾਨਾ ਸਞ੍ਞਾਮਨਸਿਕਾਰਾਪਿ ਹਾਨਭਾਗਿਯਾવ ਅਹੇਸੁਂ, ਨ વਿਸੇਸਭਾਗਿਯਾ। ਸਮ੍ਮਾ ਠਪੇਹੀਤਿ ਬਹਿਦ੍ਧਾ વਿਕ੍ਖੇਪਂ ਪਹਾਯ ਸਮ੍ਮਾ ਅਜ੍ਝਤ੍ਤਮੇવ ਚਿਤ੍ਤਂ ਠਪੇਹਿ। ਏਕਗ੍ਗਂ ਕਰੋਹੀਤਿ ਤੇਨੇવ વਿਕ੍ਖੇਪਪਟਿਬਾਹਨੇਨ ਅવਿਹਤਮਾਨਸਤਾਯ ਚਿਤ੍ਤਸਮਾਧਾਨવਸੇਨ ਏਕਗ੍ਗਂ ਕਰੋਹਿ। ਆਰੋਪੇਹੀਤਿ ਈਸਕਮ੍ਪਿ ਬਹੁਮ੍ਪਿ ਅਪਤਿਤਂ ਕਤ੍વਾ ਕਮ੍ਮਟ੍ਠਾਨਾਰਮ੍ਮਣੇ ਆਰੋਪੇਹਿ। ਦੁਤਿਯਅਗ੍ਗਸਾવਕਭੂਮਿਯਾ ਪਾਰਿਪੂਰਿਯਾ ਆਯਸ੍ਮਾ ਮਹਾਭਿਞ੍ਞੋ, ਨ ਯਥਾ ਤਥਾਤਿ ਆਹ ‘‘ਮਹਾਭਿਞ੍ਞਤਨ੍ਤਿ ਛਲ਼ਭਿਞ੍ਞਤ’’ਨ੍ਤਿ। ਇਮਿਨਾ ਉਪਾਯੇਨਾਤਿ ਇਮਿਨਾ ‘‘ਅਥ ਖੋ ਮਂ, ਆવੁਸੋ’’ਤਿਆਦਿਨਾ વੁਤ੍ਤੇਨ ਉਪਾਯੇਨ। વਡ੍ਢੇਤ੍વਾਤਿ ਉਤ੍ਤਰਿ ਉਤ੍ਤਰਿ વਿਸੇਸਭਾਗਿਯਭਾવਾਪਾਦਨੇਨ ਸਮਾਧਿਂ ਪਞ੍ਞਞ੍ਚ ਬ੍ਰੂਹੇਤ੍વਾ ਬ੍ਰੂਹੇਤ੍વਾ।
Ārammaṇabhūtena vitakkena saha gatā pavattāti vitakkasahagatāti āha ‘‘vitakkārammaṇā’’ti. Vitakkārammaṇatā ca saññāmanasikārānaṃ sukhumaārammaṇaggahaṇavasena daṭṭhabbā. Tenāha ‘‘na santato upaṭṭhahiṃsū’’ti. Na paguṇaṃ sammadeva vasībhāvassa anāpāditattā. Saññāmanasikārāpīti tatiyajjhānādhigamāya pavattiyamānā saññāmanasikārāpi hānabhāgiyāva ahesuṃ, na visesabhāgiyā. Sammā ṭhapehīti bahiddhā vikkhepaṃ pahāya sammā ajjhattameva cittaṃ ṭhapehi. Ekaggaṃ karohīti teneva vikkhepapaṭibāhanena avihatamānasatāya cittasamādhānavasena ekaggaṃ karohi. Āropehīti īsakampi bahumpi apatitaṃ katvā kammaṭṭhānārammaṇe āropehi. Dutiyaaggasāvakabhūmiyā pāripūriyā āyasmā mahābhiñño, na yathā tathāti āha ‘‘mahābhiññatanti chaḷabhiññata’’nti. Iminā upāyenāti iminā ‘‘atha kho maṃ, āvuso’’tiādinā vuttena upāyena. Vaḍḍhetvāti uttari uttari visesabhāgiyabhāvāpādanena samādhiṃ paññañca brūhetvā brūhetvā.
ਕੋਲਿਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kolitasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਕੋਲਿਤਸੁਤ੍ਤਂ • 1. Kolitasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਕੋਲਿਤਸੁਤ੍ਤવਣ੍ਣਨਾ • 1. Kolitasuttavaṇṇanā
