| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
25. гон̣ааг̇аманаб̣уд̣̇д̇хавам̣саван̣н̣анаа
25. Koṇāgamanabuddhavaṃsavaṇṇanā
гагусанд̇хасса бана бхаг̇авад̇о абарабхааг̇з д̇асса саасанз жа анд̇арахид̇з сад̇д̇зсу д̇им̣савассасахассааяугзсу ж̇аад̇зсу барахид̇агон̣ааг̇амано гон̣ааг̇амано наама сад̇т̇аа логз уд̣̇абаад̣̇и. ат̇а ваа ганагааг̇аманад̇о гон̣ааг̇амано наама сад̇т̇аа логз уд̣̇абаад̣̇и. д̇ад̇т̇а га-гаарасса гоаад̣̇зсам̣ гад̇ваа на-гаарасса н̣аад̣̇зсам̣ гад̇ваа згасса га-гаарасса лобам̣ гад̇ваа нируд̇д̇инаязна ганагасса ганагаад̣̇иаабхаран̣асса ааг̇аманам̣ бавассанам̣ яасса бхаг̇авад̇о уббаннагаалз со гон̣ааг̇амано наама. зд̇т̇а бана ааяу анубуб̣б̣зна барихийнасад̣̇исам̣ гад̇ам̣, на звам̣ барихийнам̣, буна вад̣дхид̇ваа барихийнанд̇и взд̣̇ид̇аб̣б̣ам̣. гат̇ам̣? имасмим̣язва габбз гагусанд̇хо бхаг̇аваа жад̇д̇аалийсавассасахассааяугагаалз ниб̣б̣ад̇д̇о, д̇ам̣ бана ааяу барихааяамаанам̣ д̣̇асавассагаалам̣ бад̇ваа буна асан̇кязяяам̣ бад̇ваа д̇ад̇о барихааяамаанам̣ д̇им̣савассасахассааяугагаалз тид̇ам̣, д̇ад̣̇аа гон̣ааг̇амано бхаг̇аваа логз уббаннод̇и взд̣̇ид̇аб̣б̣о.
Kakusandhassa pana bhagavato aparabhāge tassa sāsane ca antarahite sattesu tiṃsavassasahassāyukesu jātesu parahitakoṇāgamano koṇāgamano nāma satthā loke udapādi. Atha vā kanakāgamanato koṇāgamano nāma satthā loke udapādi. Tattha ka-kārassa koādesaṃ katvā na-kārassa ṇādesaṃ katvā ekassa ka-kārassa lopaṃ katvā niruttinayena kanakassa kanakādiābharaṇassa āgamanaṃ pavassanaṃ yassa bhagavato uppannakāle so koṇāgamano nāma. Ettha pana āyu anupubbena parihīnasadisaṃ kataṃ, na evaṃ parihīnaṃ, puna vaḍḍhitvā parihīnanti veditabbaṃ. Kathaṃ? Imasmiṃyeva kappe kakusandho bhagavā cattālīsavassasahassāyukakāle nibbatto, taṃ pana āyu parihāyamānaṃ dasavassakālaṃ patvā puna asaṅkhyeyyaṃ patvā tato parihāyamānaṃ tiṃsavassasahassāyukakāle ṭhitaṃ, tadā koṇāgamano bhagavā loke uppannoti veditabbo.
соби баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа собхавад̇ийнаг̇арз яан̃н̃ад̣̇ад̇д̇асса б̣раахман̣асса бхарияааяа руубаад̣̇ийхи г̇ун̣зхи ануд̇д̇арааяа уд̇д̇арааяа наама б̣раахман̣ияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна субхавад̇ийуяяаанз маад̇угужчид̇о нигками. ж̇ааяамаанз бана д̇асмим̣ сагалаж̇амб̣уд̣̇ийбз д̣̇зво ганагавассам̣ васси. д̇знасса ганагааг̇аманагааран̣ад̇д̇аа ‘‘ганагааг̇амано’’д̇и наамамагам̣су. д̇ам̣ банасса наамам̣ ануггамзна барин̣амамаанам̣ гон̣ааг̇амано’’д̇и ж̇аад̇ам̣. со бана д̇ийн̣и вассасахассаани аг̇аарам̣ аж̇жхааваси. д̇усид̇а-санд̇усид̇а-санд̇удтанаамагаа банасса д̇аяо баасаад̣̇аа ахзсум̣. ружиг̇ад̇д̇ааб̣раахман̣ийбамукаани сол̣аса ид̇т̇исахассаани ахзсум̣.
Sopi pāramiyo pūretvā tusitapure nibbattitvā tato cavitvā sobhavatīnagare yaññadattassa brāhmaṇassa bhariyāya rūpādīhi guṇehi anuttarāya uttarāya nāma brāhmaṇiyā kucchismiṃ paṭisandhiṃ gahetvā dasannaṃ māsānaṃ accayena subhavatīuyyāne mātukucchito nikkhami. Jāyamāne pana tasmiṃ sakalajambudīpe devo kanakavassaṃ vassi. Tenassa kanakāgamanakāraṇattā ‘‘kanakāgamano’’ti nāmamakaṃsu. Taṃ panassa nāmaṃ anukkamena pariṇamamānaṃ koṇāgamano’’ti jātaṃ. So pana tīṇi vassasahassāni agāraṃ ajjhāvasi. Tusita-santusita-santuṭṭhanāmakā panassa tayo pāsādā ahesuṃ. Rucigattābrāhmaṇīpamukhāni soḷasa itthisahassāni ahesuṃ.
со жад̇д̇аари нимид̇д̇аани д̣̇исваа ружиг̇ад̇д̇ааяа б̣раахман̣ияаа сад̇т̇аваахз наама буд̇д̇з уббаннз хад̇т̇игканд̇хавараг̇ад̇о хад̇т̇ияаанзна махаабхинигкаманам̣ нигкамид̇ваа баб̣б̣аж̇и. д̇ам̣ д̇им̣сабурисасахассаани анубаб̣б̣аж̇им̣су. со д̇зхи баривуд̇о ча маасз бад̇хаанажарияам̣ жарид̇ваа висаакабун̣н̣амааяам̣ аг̇г̇исонаб̣раахман̣асса д̇хийд̇ааяа аг̇г̇исонаб̣раахман̣агумаарияаа д̣̇иннам̣ мад̇хубааяаасам̣ барибхун̃ж̇ид̇ваа кад̣̇ираванз д̣̇иваавихаарам̣ гад̇ваа сааяанхасамаяз ж̇адаад̇инд̣̇угзна наама яавабаалзна д̣̇иннаа адта д̇ин̣амудтияо г̇ахзд̇ваа уд̣̇умб̣араб̣од̇хим̣ бун̣д̣арийгз вуд̇д̇аббамаан̣ам̣ палавибхууд̇исамбаннам̣ д̣̇агкин̣ад̇о убаг̇анд̇ваа вийсад̇ихад̇т̇авид̇т̇ад̇ам̣ д̇ин̣асант̇арам̣ сант̇арид̇ваа баллан̇гам̣ аабхуж̇ид̇ваа маараб̣алам̣ вид̣̇д̇хам̣сзд̇ваа д̣̇асаб̣алан̃аан̣аани бадилабхид̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ вийд̇инаамзд̇ваа ад̇д̇анаа саха баб̣б̣аж̇ид̇аанам̣ д̇им̣сабхигкусахассаанам̣ убаниссаяасамбад̇д̇им̣ д̣̇исваа г̇аг̇анабат̇зна г̇анд̇ваа суд̣̇ассананаг̇арасамийбз исибад̇анз миг̇ад̣̇ааяз од̇арид̇ваа д̇зсам̣ маж̇жхаг̇ад̇о д̇хаммажаггам̣ бавад̇д̇зси, д̇ад̣̇аа д̇им̣сагодисахассаанам̣ батамаабхисамаяо ахоси.
So cattāri nimittāni disvā rucigattāya brāhmaṇiyā satthavāhe nāma putte uppanne hatthikkhandhavaragato hatthiyānena mahābhinikkhamanaṃ nikkhamitvā pabbaji. Taṃ tiṃsapurisasahassāni anupabbajiṃsu. So tehi parivuto cha māse padhānacariyaṃ caritvā visākhapuṇṇamāyaṃ aggisonabrāhmaṇassa dhītāya aggisonabrāhmaṇakumāriyā dinnaṃ madhupāyāsaṃ paribhuñjitvā khadiravane divāvihāraṃ katvā sāyanhasamaye jaṭātindukena nāma yavapālena dinnā aṭṭha tiṇamuṭṭhiyo gahetvā udumbarabodhiṃ puṇḍarīke vuttappamāṇaṃ phalavibhūtisampannaṃ dakkhiṇato upagantvā vīsatihatthavitthataṃ tiṇasantharaṃ santharitvā pallaṅkaṃ ābhujitvā mārabalaṃ viddhaṃsetvā dasabalañāṇāni paṭilabhitvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ vītināmetvā attanā saha pabbajitānaṃ tiṃsabhikkhusahassānaṃ upanissayasampattiṃ disvā gaganapathena gantvā sudassananagarasamīpe isipatane migadāye otaritvā tesaṃ majjhagato dhammacakkaṃ pavattesi, tadā tiṃsakoṭisahassānaṃ paṭhamābhisamayo ahosi.
буна сунд̣̇аранаг̇арад̣̇ваарз махаасааларугкамуулз яамагабаадихаарияам̣ гад̇ваа вийсад̇игодисахассаанам̣ д̇хаммаамад̇ам̣ бааязси, со д̣̇уд̇ияо абхисамаяо ахоси. ад̇д̇ано маад̇арам̣ уд̇д̇арам̣ бамукам̣ гад̇ваа д̣̇асасу жаггаваал̣асахассзсу д̣̇звад̇аанам̣ самааг̇ад̇аанам̣ абхид̇хаммабидагам̣ д̣̇зсзнд̇з бхаг̇авад̇и д̣̇асаннам̣ годисахассаанам̣ д̇ад̇ияо абхисамаяо ахоси. д̇зна вуд̇д̇ам̣ –
Puna sundaranagaradvāre mahāsālarukkhamūle yamakapāṭihāriyaṃ katvā vīsatikoṭisahassānaṃ dhammāmataṃ pāyesi, so dutiyo abhisamayo ahosi. Attano mātaraṃ uttaraṃ pamukhaṃ katvā dasasu cakkavāḷasahassesu devatānaṃ samāgatānaṃ abhidhammapiṭakaṃ desente bhagavati dasannaṃ koṭisahassānaṃ tatiyo abhisamayo ahosi. Tena vuttaṃ –
1.
1.
‘‘гагусанд̇хасса абарзна, самб̣уд̣̇д̇хо д̣̇вибад̣̇уд̇д̇амо;
‘‘Kakusandhassa aparena, sambuddho dvipaduttamo;
гон̣ааг̇амано наама ж̇ино, логаж̇здто нараасабхо.
Koṇāgamano nāma jino, lokajeṭṭho narāsabho.
2.
2.
‘‘д̣̇аса д̇хаммз буураяид̇ваана, ганд̇аарам̣ самад̇иггами;
‘‘Dasa dhamme pūrayitvāna, kantāraṃ samatikkami;
баваахияа малам̣ саб̣б̣ам̣, бад̇д̇о самб̣од̇химуд̇д̇амам̣.
Pavāhiya malaṃ sabbaṃ, patto sambodhimuttamaṃ.
3.
3.
‘‘д̇хаммажаггам̣ бавад̇д̇знд̇з, гон̣ааг̇амананааяагз;
‘‘Dhammacakkaṃ pavattente, koṇāgamananāyake;
д̇им̣сагодисахассаанам̣, батамаабхисамаяо аху.
Tiṃsakoṭisahassānaṃ, paṭhamābhisamayo ahu.
4.
4.
‘‘баадихийрам̣ гаронд̇з жа, бараваад̣̇аббамад̣̇д̣̇анз;
‘‘Pāṭihīraṃ karonte ca, paravādappamaddane;
вийсад̇игодисахассаанам̣, д̣̇уд̇ияаабхисамаяо аху.
Vīsatikoṭisahassānaṃ, dutiyābhisamayo ahu.
5.
5.
‘‘д̇ад̇о вигуб̣б̣анам̣ гад̇ваа, ж̇ино д̣̇звабурам̣ г̇ад̇о;
‘‘Tato vikubbanaṃ katvā, jino devapuraṃ gato;
васад̇з д̇ад̇т̇а самб̣уд̣̇д̇хо, силааяа бан̣д̣угамб̣алз.
Vasate tattha sambuddho, silāya paṇḍukambale.
6.
6.
‘‘багаран̣з сад̇д̇а д̣̇зсзнд̇о, вассам̣ васад̇и со муни;
‘‘Pakaraṇe satta desento, vassaṃ vasati so muni;
д̣̇асагодисахассаанам̣, д̇ад̇ияаабхисамаяо ахуу’’д̇и.
Dasakoṭisahassānaṃ, tatiyābhisamayo ahū’’ti.
д̇ад̇т̇а д̣̇аса д̇хаммз буураяид̇ваанаад̇и д̣̇аса баарамид̇хаммз буураяид̇ваа. ганд̇аарам̣ самад̇иггамийд̇и ж̇аад̇иганд̇аарам̣ самад̇иггами. баваахияаад̇и баваахзд̇ваа. малам̣ саб̣б̣анд̇и рааг̇аад̣̇ималад̇д̇аяам̣. баадихийрам̣ гаронд̇з жа, бараваад̣̇аббамад̣̇д̣̇анзд̇и бараваад̣̇иваад̣̇аббамад̣̇д̣̇анз, бхаг̇авад̇и баадихаарияам̣ гаронд̇зд̇и ад̇т̇о. вигуб̣б̣ананд̇и вигуб̣б̣анид̣̇д̇хим̣, сунд̣̇аранаг̇арад̣̇ваарз яамагабаадихаарияам̣ гад̇ваа д̣̇звабурам̣ г̇ад̇о д̇ад̇т̇а бан̣д̣угамб̣аласилааяам̣ васи. гат̇ам̣ васийд̇и? багаран̣з сад̇д̇а д̣̇зсзнд̇од̇и д̇ад̇т̇а д̣̇зваанам̣ сад̇д̇аббагаран̣асан̇каад̇ам̣ абхид̇хаммабидагам̣ д̣̇зсзнд̇о васи. звам̣ д̇ад̇т̇а абхид̇хаммам̣ д̣̇зсзнд̇з бхаг̇авад̇и д̣̇асагодисахассаанам̣ д̣̇зваанам̣ абхисамаяо ахосийд̇и ад̇т̇о.
Tattha dasa dhamme pūrayitvānāti dasa pāramidhamme pūrayitvā. Kantāraṃ samatikkamīti jātikantāraṃ samatikkami. Pavāhiyāti pavāhetvā. Malaṃ sabbanti rāgādimalattayaṃ. Pāṭihīraṃ karonte ca, paravādappamaddaneti paravādivādappamaddane, bhagavati pāṭihāriyaṃ karonteti attho. Vikubbananti vikubbaniddhiṃ, sundaranagaradvāre yamakapāṭihāriyaṃ katvā devapuraṃ gato tattha paṇḍukambalasilāyaṃ vasi. Kathaṃ vasīti? Pakaraṇe satta desentoti tattha devānaṃ sattappakaraṇasaṅkhātaṃ abhidhammapiṭakaṃ desento vasi. Evaṃ tattha abhidhammaṃ desente bhagavati dasakoṭisahassānaṃ devānaṃ abhisamayo ahosīti attho.
барисуд̣̇д̇хабаарамибууран̣ааг̇аманасса гон̣ааг̇аманассаби зго саавагасаннибаад̇о ахоси. суринд̣̇авад̇ийнаг̇арз суринд̣̇авад̇уяяаанз вихаранд̇о бхияяасасса рааж̇абуд̇д̇асса жа уд̇д̇арасса жа рааж̇абуд̇д̇асса д̣̇виннамби д̇им̣сасахассабариваараанам̣ д̇хаммам̣ д̣̇зсзд̇ваа саб̣б̣зва д̇з зхибхигкубаб̣б̣аж̇ж̇ааяа баб̣б̣ааж̇зд̇ваа д̇зсам̣ маж̇жхаг̇ад̇о маагхабун̣н̣амааяам̣ баад̇имогкам̣ уд̣̇д̣̇иси. д̇зна вуд̇д̇ам̣ –
Parisuddhapāramipūraṇāgamanassa koṇāgamanassapi eko sāvakasannipāto ahosi. Surindavatīnagare surindavatuyyāne viharanto bhiyyasassa rājaputtassa ca uttarassa ca rājaputtassa dvinnampi tiṃsasahassaparivārānaṃ dhammaṃ desetvā sabbeva te ehibhikkhupabbajjāya pabbājetvā tesaṃ majjhagato māghapuṇṇamāyaṃ pātimokkhaṃ uddisi. Tena vuttaṃ –
7.
7.
‘‘д̇ассааби д̣̇звад̣̇звасса, зго ааси самааг̇амо;
‘‘Tassāpi devadevassa, eko āsi samāgamo;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
‘‘д̇им̣сабхигкусахассаанам̣, д̇ад̣̇аа ааси самааг̇амо;
‘‘Tiṃsabhikkhusahassānaṃ, tadā āsi samāgamo;
огхаанамад̇игганд̇аанам̣, бхиж̇ж̇ид̇аанан̃жа мажжуяаа’’д̇и.
Oghānamatikkantānaṃ, bhijjitānañca maccuyā’’ti.
д̇ад̇т̇а огхаананд̇и гаамогхаад̣̇ийнам̣, жад̇уннамогхаанамзд̇ам̣ ад̇хиважанам̣. яасса бана д̇з сам̣виж̇ж̇анд̇и, д̇ам̣ ваддасмим̣ охананд̇и осийд̣̇аабзнд̇ийд̇и огхаа, д̇зсам̣ огхаанам̣, убаяог̇ад̇т̇з саамиважанам̣ д̣̇адтаб̣б̣ам̣. жад̇уб̣б̣ид̇хз огхз ад̇игганд̇аананд̇и ад̇т̇о. бхиж̇ж̇ид̇аананд̇и зд̇т̇ааби зсзва наяо. мажжуяаад̇и мажжуно.
Tattha oghānanti kāmoghādīnaṃ, catunnamoghānametaṃ adhivacanaṃ. Yassa pana te saṃvijjanti, taṃ vaṭṭasmiṃ ohananti osīdāpentīti oghā, tesaṃ oghānaṃ, upayogatthe sāmivacanaṃ daṭṭhabbaṃ. Catubbidhe oghe atikkantānanti attho. Bhijjitānanti etthāpi eseva nayo. Maccuyāti maccuno.
д̇ад̣̇аа амхаагам̣ б̣од̇хисад̇д̇о мит̇иланаг̇арз баб̣б̣ад̇о наама рааж̇аа ахоси, д̇ад̣̇аа ‘‘саран̣аг̇ад̇асаб̣б̣абаан̣ааг̇аманам̣ гон̣ааг̇аманам̣ мит̇иланаг̇арамануббад̇д̇а’’нд̇и суд̇ваа сабаривааро рааж̇аа бажжуг̇г̇анд̇ваа ванд̣̇ид̇ваа д̣̇асаб̣алам̣ ниманд̇зд̇ваа махаад̣̇аанам̣ д̣̇ад̇ваа д̇ад̇т̇а бхаг̇аванд̇ам̣ вассааваасад̇т̇ааяа яаажид̇ваа д̇змаасам̣ сасаавагасан̇гхам̣ сад̇т̇аарам̣ убадтахид̇ваа бад̇д̇ун̣н̣ажийнабаддагамб̣алагосзяяад̣̇угуулагаббаасигаад̣̇ийни махаг̇гхаани жзва сукумавад̇т̇аани жа суван̣н̣абаад̣̇угаа жзва ан̃н̃ан̃жа б̣ахубаригкаарамад̣̇ааси. соби нам̣ бхаг̇аваа б̣яаагааси – ‘‘имасмим̣язва бхад̣̇д̣̇агаббз аяам̣ б̣уд̣̇д̇хо бхависсад̇ий’’д̇и . ат̇а со махаабурисо д̇асса бхаг̇авад̇о б̣яаагаран̣ам̣ суд̇ваа махаараж̇ж̇ам̣ барижжаж̇ид̇ваа д̇ассзва бхаг̇авад̇о санд̇игз баб̣б̣аж̇и. д̇зна вуд̇д̇ам̣ –
Tadā amhākaṃ bodhisatto mithilanagare pabbato nāma rājā ahosi, tadā ‘‘saraṇagatasabbapāṇāgamanaṃ koṇāgamanaṃ mithilanagaramanuppatta’’nti sutvā saparivāro rājā paccuggantvā vanditvā dasabalaṃ nimantetvā mahādānaṃ datvā tattha bhagavantaṃ vassāvāsatthāya yācitvā temāsaṃ sasāvakasaṅghaṃ satthāraṃ upaṭṭhahitvā pattuṇṇacīnapaṭṭakambalakoseyyadukūlakappāsikādīni mahagghāni ceva sukhumavatthāni ca suvaṇṇapādukā ceva aññañca bahuparikkhāramadāsi. Sopi naṃ bhagavā byākāsi – ‘‘imasmiṃyeva bhaddakappe ayaṃ buddho bhavissatī’’ti . Atha so mahāpuriso tassa bhagavato byākaraṇaṃ sutvā mahārajjaṃ pariccajitvā tasseva bhagavato santike pabbaji. Tena vuttaṃ –
9.
9.
‘‘ахам̣ д̇зна самаязна, баб̣б̣ад̇о наама кад̇д̇ияо;
‘‘Ahaṃ tena samayena, pabbato nāma khattiyo;
мид̇д̇аамажжзхи самбанно, ананд̇аб̣алаваахано.
Mittāmaccehi sampanno, anantabalavāhano.
10.
10.
‘‘самб̣уд̣̇д̇хад̣̇ассанам̣ г̇анд̇ваа, суд̇ваа д̇хаммамануд̇д̇арам̣;
‘‘Sambuddhadassanaṃ gantvā, sutvā dhammamanuttaraṃ;
ниманд̇зд̇ваа саж̇инасан̇гхам̣, д̣̇аанам̣ д̣̇ад̇ваа яад̣̇ижчагам̣.
Nimantetvā sajinasaṅghaṃ, dānaṃ datvā yadicchakaṃ.
11.
11.
‘‘бад̇д̇ун̣н̣ам̣ жийнабаддан̃жа, госзяяам̣ гамб̣аламби жа;
‘‘Pattuṇṇaṃ cīnapaṭṭañca, koseyyaṃ kambalampi ca;
суван̣н̣абаад̣̇уган̃жзва, ад̣̇аасим̣ сад̇т̇усаавагз.
Suvaṇṇapādukañceva, adāsiṃ satthusāvake.
12.
12.
‘‘соби мам̣ б̣уд̣̇д̇хо б̣яаагааси, сан̇гхамаж̇жхз нисийд̣̇ияа;
‘‘Sopi maṃ buddho byākāsi, saṅghamajjhe nisīdiya;
имамхи бхад̣̇д̣̇агз габбз, аяам̣ б̣уд̣̇д̇хо бхависсад̇и.
Imamhi bhaddake kappe, ayaṃ buddho bhavissati.
13.
13.
‘‘аху габилавхаяаа раммаа…бз… хзссаама саммукаа имам̣.
‘‘Ahu kapilavhayā rammā…pe… hessāma sammukhā imaṃ.
14.
14.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣ д̣̇асабаарамибуурияаа.
Uttariṃ vatamadhiṭṭhāsiṃ dasapāramipūriyā.
15.
15.
‘‘саб̣б̣ан̃н̃уд̇ам̣ г̇авзсанд̇о, д̣̇аанам̣ д̣̇ад̇ваа наруд̇д̇амз;
‘‘Sabbaññutaṃ gavesanto, dānaṃ datvā naruttame;
охааяаахам̣ махаараж̇ж̇ам̣, баб̣б̣аж̇им̣ ж̇инасанд̇игз’’д̇и.
Ohāyāhaṃ mahārajjaṃ, pabbajiṃ jinasantike’’ti.
д̇ад̇т̇а ананд̇аб̣алавааханод̇и б̣ахугам̣ ананд̇ам̣ маяхам̣ б̣алам̣ ассахад̇т̇иаад̣̇игам̣ вааханан̃жаад̇и ад̇т̇о. самб̣уд̣̇д̇хад̣̇ассананд̇и самб̣уд̣̇д̇хад̣̇ассанад̇т̇ааяа. яад̣̇ижчаганд̇и яаавад̣̇ижчагам̣ б̣уд̣̇д̇хаббамукам̣ сан̇гхам̣ жад̇уб̣б̣ид̇хзна аахаарзна ‘‘аламала’’нд̇и баваараабзд̇ваа, хад̇т̇зна бид̣̇ахаабзд̇ваад̇и ад̇т̇о. сад̇т̇усаавагзд̇и сад̇т̇уно жзва саавагаанан̃жа ад̣̇аасим̣. наруд̇д̇амзд̇и наруд̇д̇амасса. охааяаад̇и бахааяа барижжаж̇ид̇ваа.
Tattha anantabalavāhanoti bahukaṃ anantaṃ mayhaṃ balaṃ assahatthiādikaṃ vāhanañcāti attho. Sambuddhadassananti sambuddhadassanatthāya. Yadicchakanti yāvadicchakaṃ buddhappamukhaṃ saṅghaṃ catubbidhena āhārena ‘‘alamala’’nti pavārāpetvā, hatthena pidahāpetvāti attho. Satthusāvaketi satthuno ceva sāvakānañca adāsiṃ. Naruttameti naruttamassa. Ohāyāti pahāya pariccajitvā.
д̇асса бана гон̣ааг̇аманасса бхаг̇авад̇о собхавад̇ий наама наг̇арам̣ ахоси, яан̃н̃ад̣̇ад̇д̇о наама б̣раахман̣о бид̇аа, уд̇д̇араа наама б̣раахман̣ий маад̇аа, бхияяасо жа уд̇д̇аро жаад̇и д̣̇вз аг̇г̇асаавагаа, сод̇т̇иж̇о наамубадтааго, самуд̣̇д̣̇аа жа уд̇д̇араа жа д̣̇вз аг̇г̇асаавигаа, уд̣̇умб̣араругко б̣од̇хи, сарийрам̣ д̇им̣сахад̇т̇уб̣б̣зд̇хам̣ ахоси, д̇им̣савассасахассаани ааяу, бхарияаа банасса ружиг̇ад̇д̇аа наама б̣раахман̣ий, сад̇т̇аваахо наама буд̇д̇о, хад̇т̇ияаанзна нигками. д̇зна вуд̇д̇ам̣ –
Tassa pana koṇāgamanassa bhagavato sobhavatī nāma nagaraṃ ahosi, yaññadatto nāma brāhmaṇo pitā, uttarā nāma brāhmaṇī mātā, bhiyyaso ca uttaro cāti dve aggasāvakā, sotthijo nāmupaṭṭhāko, samuddā ca uttarā ca dve aggasāvikā, udumbararukkho bodhi, sarīraṃ tiṃsahatthubbedhaṃ ahosi, tiṃsavassasahassāni āyu, bhariyā panassa rucigattā nāma brāhmaṇī, satthavāho nāma putto, hatthiyānena nikkhami. Tena vuttaṃ –
16.
16.
‘‘наг̇арам̣ собхавад̇ий наама, собхо наамааси кад̇д̇ияо;
‘‘Nagaraṃ sobhavatī nāma, sobho nāmāsi khattiyo;
васад̇з д̇ад̇т̇а наг̇арз, самб̣уд̣̇д̇хасса махаагулам̣.
Vasate tattha nagare, sambuddhassa mahākulaṃ.
17.
17.
‘‘б̣раахман̣о яан̃н̃ад̣̇ад̇д̇о жа, ааси б̣уд̣̇д̇хасса со бид̇аа;
‘‘Brāhmaṇo yaññadatto ca, āsi buddhassa so pitā;
уд̇д̇араа наама ж̇анигаа, гон̣ааг̇аманасса сад̇т̇уно;
Uttarā nāma janikā, koṇāgamanassa satthuno;
22.
22.
‘‘бхияяасо уд̇д̇аро наама, ахзсум̣ аг̇г̇асаавагаа;
‘‘Bhiyyaso uttaro nāma, ahesuṃ aggasāvakā;
сод̇т̇иж̇о наамубадтааго, гон̣ааг̇аманасса сад̇т̇уно.
Sotthijo nāmupaṭṭhāko, koṇāgamanassa satthuno.
23.
23.
‘‘самуд̣̇д̣̇аа уд̇д̇араа жзва, ахзсум̣ аг̇г̇асаавигаа;
‘‘Samuddā uttarā ceva, ahesuṃ aggasāvikā;
б̣од̇хи д̇асса бхаг̇авад̇о, уд̣̇умб̣арод̇и бавужжад̇и.
Bodhi tassa bhagavato, udumbaroti pavuccati.
25.
25.
‘‘ужжад̇д̇анзна со б̣уд̣̇д̇хо, д̇им̣сахад̇т̇асамуг̇г̇ад̇о;
‘‘Uccattanena so buddho, tiṃsahatthasamuggato;
уггаамукз яат̇аа гамб̣у, звам̣ рам̣сийхи ман̣д̣ид̇о.
Ukkāmukhe yathā kambu, evaṃ raṃsīhi maṇḍito.
26.
26.
‘‘д̇им̣савассасахассаани, ааяу б̣уд̣̇д̇хасса д̇аавад̣̇з;
‘‘Tiṃsavassasahassāni, āyu buddhassa tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
27.
27.
‘‘д̇хаммажзд̇им̣ самуссзд̇ваа, д̇хаммад̣̇уссавибхуусид̇ам̣;
‘‘Dhammacetiṃ samussetvā, dhammadussavibhūsitaṃ;
д̇хаммабубпаг̇ул̣ам̣ гад̇ваа, ниб̣б̣уд̇о со сасааваго.
Dhammapupphaguḷaṃ katvā, nibbuto so sasāvako.
28.
28.
‘‘махаавилаасо д̇асса ж̇ано, сирид̇хаммаббагаасано;
‘‘Mahāvilāso tassa jano, siridhammappakāsano;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а уггаамукзд̇и гаммааруд̣̇д̇ханз. яат̇аа гамб̣ууд̇и суван̣н̣анигкам̣ вияа. звам̣ рам̣сийхи ман̣д̣ид̇од̇и звам̣ расмийхи бадиман̣д̣ид̇о самалан̇гад̇о. д̇хаммажзд̇им̣ самуссзд̇ваад̇и сад̇д̇ад̇д̇им̣саб̣од̇хибагкияад̇хаммамаяам̣ жзд̇ияам̣ бад̇идтаабзд̇ваа. д̇хаммад̣̇уссавибхуусид̇анд̇и жад̇усажжад̇хаммабадаагавибхуусид̇ам̣. д̇хаммабубпаг̇ул̣ам̣ гад̇ваад̇и д̇хаммамаяабубпамаалааг̇ул̣ам̣ гад̇ваа. махааж̇анасса вибассанаажзд̇ияан̇г̇ан̣з тид̇асса намассанад̇т̇ааяа д̇хаммажзд̇ияам̣ бад̇идтаабзд̇ваа сасаавагасан̇гхо сад̇т̇аа бариниб̣б̣ааяийд̇и ад̇т̇о. махаавилаасод̇и махааид̣̇д̇хивилаасаббад̇д̇о. д̇ассаад̇и д̇асса бхаг̇авад̇о. ж̇анод̇и саавагаж̇ано. сирид̇хаммаббагаасанод̇и логуд̇д̇арад̇хаммаббагаасано со бхаг̇аваа жа саб̣б̣ам̣ д̇аманд̇арахид̇анд̇и ад̇т̇о.
Tattha ukkāmukheti kammāruddhane. Yathā kambūti suvaṇṇanikkhaṃ viya. Evaṃ raṃsīhi maṇḍitoti evaṃ rasmīhi paṭimaṇḍito samalaṅkato. Dhammacetiṃ samussetvāti sattattiṃsabodhipakkhiyadhammamayaṃ cetiyaṃ patiṭṭhāpetvā. Dhammadussavibhūsitanti catusaccadhammapaṭākavibhūsitaṃ. Dhammapupphaguḷaṃ katvāti dhammamayapupphamālāguḷaṃ katvā. Mahājanassa vipassanācetiyaṅgaṇe ṭhitassa namassanatthāya dhammacetiyaṃ patiṭṭhāpetvā sasāvakasaṅgho satthā parinibbāyīti attho. Mahāvilāsoti mahāiddhivilāsappatto. Tassāti tassa bhagavato. Janoti sāvakajano. Siridhammappakāsanoti lokuttaradhammappakāsano so bhagavā ca sabbaṃ tamantarahitanti attho.
‘‘сукзна гон̣ааг̇амано г̇ад̇аасаво, вигаамабаан̣ааг̇амано махзсий;
‘‘Sukhena koṇāgamano gatāsavo, vikāmapāṇāgamano mahesī;
ванз вивзгз сиринаамад̇хзяяз, висуд̣̇д̇хавам̣сааг̇амано васид̇т̇а’’.
Vane viveke sirināmadheyye, visuddhavaṃsāgamano vasittha’’.
сзсаг̇аат̇аасу саб̣б̣ад̇т̇а баагадамзваад̇и.
Sesagāthāsu sabbattha pākaṭamevāti.
гон̣ааг̇аманаб̣уд̣̇д̇хавам̣саван̣н̣анаа нидтид̇аа.
Koṇāgamanabuddhavaṃsavaṇṇanā niṭṭhitā.
нидтид̇о д̇звийсад̇имо б̣уд̣̇д̇хавам̣со.
Niṭṭhito tevīsatimo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 25. гон̣ааг̇аманаб̣уд̣̇д̇хавам̣со • 25. Koṇāgamanabuddhavaṃso
