| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
4. гон̣д̣ан̃н̃аб̣уд̣̇д̇хавам̣саван̣н̣анаа
4. Koṇḍaññabuddhavaṃsavaṇṇanā
д̣̇ийбан̇гарз гира бхаг̇авад̇и бариниб̣б̣уд̇з д̇асса саасанам̣ вассасад̇асахассам̣ бавад̇д̇ид̇т̇а. ат̇а б̣уд̣̇д̇хаануб̣уд̣̇д̇хаанам̣ саавагаанам̣ анд̇арад̇хаанзна саасанамбисса анд̇арад̇хааяи. ат̇асса абарабхааг̇з згамасан̇кязяяамад̇иггамид̇ваа згасмим̣ габбз гон̣д̣ан̃н̃о наама сад̇т̇аа уд̣̇абаад̣̇и. со бана бхаг̇аваа сол̣асаасан̇кязяяам̣ габбаанан̃жа сад̇асахассам̣ баарамияо буурзд̇ваа б̣од̇хин̃аан̣ам̣ барибаажзд̇ваа взссанд̇арад̇д̇абхаавасад̣̇исз ад̇д̇абхаавз тад̇ваа д̇ад̇о жавид̇ваа д̇усид̇абурз ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа д̣̇звад̇аанам̣ бадин̃н̃ам̣ д̣̇ад̇ваа д̇усид̇абурад̇о жавид̇ваа раммавад̇ийнаг̇арз сунанд̣̇асса наама ран̃н̃о гулз суж̇аад̇ааяа наама д̣̇звияаа гужчисмим̣ бадисанд̇хим̣ аг̇г̇ахзси. д̇ассаби бадисанд̇хигкан̣з д̣̇ийбан̇гараб̣уд̣̇д̇хавам̣сз вуд̇д̇аббагаараани д̣̇вад̇д̇им̣са баадихаарияаани ниб̣б̣ад̇д̇им̣су. со д̣̇звад̇аахи гад̇аарагкасам̣вид̇хаано д̣̇асаннам̣ маасаанам̣ ажжаязна маад̇угужчид̇о нигкамид̇ваа саб̣б̣асад̇д̇уд̇д̇аро уд̇д̇араабхимуко сад̇д̇абад̣̇авийд̇ихаарзна г̇анд̇ваа саб̣б̣аа жа д̣̇исаа вилогзд̇ваа аасабхим̣ ваажам̣ нижчаарзси – ‘‘аг̇г̇охамасми логасса, ж̇здтохамасми логасса, сздтохамасми логасса, аяаманд̇имаа ж̇аад̇и, над̇т̇и д̣̇аани бунаб̣бхаво’’д̇и (д̣̇ий. ни. 2.31; ма. ни. 3.207).
Dīpaṅkare kira bhagavati parinibbute tassa sāsanaṃ vassasatasahassaṃ pavattittha. Atha buddhānubuddhānaṃ sāvakānaṃ antaradhānena sāsanampissa antaradhāyi. Athassa aparabhāge ekamasaṅkhyeyyamatikkamitvā ekasmiṃ kappe koṇḍañño nāma satthā udapādi. So pana bhagavā soḷasaasaṅkhyeyyaṃ kappānañca satasahassaṃ pāramiyo pūretvā bodhiñāṇaṃ paripācetvā vessantarattabhāvasadise attabhāve ṭhatvā tato cavitvā tusitapure nibbattitvā tattha yāvatāyukaṃ ṭhatvā devatānaṃ paṭiññaṃ datvā tusitapurato cavitvā rammavatīnagare sunandassa nāma rañño kule sujātāya nāma deviyā kucchismiṃ paṭisandhiṃ aggahesi. Tassapi paṭisandhikkhaṇe dīpaṅkarabuddhavaṃse vuttappakārāni dvattiṃsa pāṭihāriyāni nibbattiṃsu. So devatāhi katārakkhasaṃvidhāno dasannaṃ māsānaṃ accayena mātukucchito nikkhamitvā sabbasattuttaro uttarābhimukho sattapadavītihārena gantvā sabbā ca disā viloketvā āsabhiṃ vācaṃ nicchāresi – ‘‘aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo’’ti (dī. ni. 2.31; ma. ni. 3.207).
д̇ад̇о гумаарасса наамагаран̣ад̣̇ивасз наамам̣ гаронд̇аа ‘‘гон̣д̣ан̃н̃о’’д̇и наамамагам̣су. со хи бхаг̇аваа гон̣д̣ан̃н̃аг̇од̇д̇о ахоси. д̇асса гира д̇аяо баасаад̣̇аа ахзсум̣ – раама, сураама, субханаамагаа барамараман̣ийяаа. д̇зсу д̇ийн̣и сад̇асахассаани наадагид̇т̇ийнам̣ нажжаг̇ийд̇аваад̣̇ид̇агусалаанам̣ саб̣б̣агаалам̣ бажжубадтид̇аани ахзсум̣. д̇асса ружид̣̇звий наама аг̇г̇амахзсий ахоси. виж̇ид̇асзно наамасса буд̇д̇о ахоси. со д̣̇асавассасахассаани аг̇аарам̣ аж̇жхааваси.
Tato kumārassa nāmakaraṇadivase nāmaṃ karontā ‘‘koṇḍañño’’ti nāmamakaṃsu. So hi bhagavā koṇḍaññagotto ahosi. Tassa kira tayo pāsādā ahesuṃ – rāma, surāma, subhanāmakā paramaramaṇīyā. Tesu tīṇi satasahassāni nāṭakitthīnaṃ naccagītavāditakusalānaṃ sabbakālaṃ paccupaṭṭhitāni ahesuṃ. Tassa rucidevī nāma aggamahesī ahosi. Vijitaseno nāmassa putto ahosi. So dasavassasahassāni agāraṃ ajjhāvasi.
со бана ж̇ин̣н̣аб̣яаад̇химад̇абаб̣б̣аж̇ид̇з д̣̇исваа ааж̇ан̃н̃арат̇зна нигкамид̇ваа баб̣б̣аж̇ид̇ваа д̣̇аса маасз бад̇хаанажарияам̣ жари. гон̣д̣ан̃н̃агумаарам̣ бана баб̣б̣аж̇анд̇ам̣ д̣̇аса ж̇анагодияо анубаб̣б̣аж̇им̣су. со д̇зхи баривуд̇о д̣̇аса маасз бад̇хаанажарияам̣ жарид̇ваа висаакабун̣н̣амааяа сунанд̣̇аг̇аамз самасахид̇агханабаяод̇харааяа яасод̇харааяа наама сздтид̇хийд̇ааяа д̣̇иннам̣ барамамад̇хурам̣ мад̇хубааяаасам̣ барибхун̃ж̇ид̇ваа палабаллаван̇гурасамалан̇гад̇з саалаванз д̣̇иваавихаарам̣ вийд̇инаамзд̇ваа сааяанхасамаяз г̇ан̣ам̣ бахааяа сунанд̣̇агааж̇ийвагзна д̣̇иннаа адта д̇ин̣амудтияо г̇ахзд̇ваа саалагаляаан̣иругкам̣ д̇игкад̇д̇ум̣ бад̣̇агкин̣ам̣ гад̇ваа буб̣б̣ад̣̇исаабхааг̇ам̣ ологзд̇ваа б̣од̇хиругкам̣ бидтид̇о гад̇ваа адтабан̣н̣аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа баллан̇гам̣ аабхуж̇ид̇ваа жад̇уран̇г̇авийрияам̣ ад̇хидтааяа маараб̣алам̣ вид̇хамид̇ваа рад̇д̇ияаа батамаяаамз буб̣б̣зниваасаануссад̇ин̃аан̣ам̣ висод̇хзд̇ваа маж̇жхимаяаамз д̣̇иб̣б̣ажагкум̣ висод̇хзд̇ваа бажчимаяаамз бажжаяаагаарам̣ саммасид̇ваа аанаабаанажад̇уд̇т̇аж̇жхаанад̇о вудтааяа бан̃жасу канд̇хзсу абхинивисид̇ваа уд̣̇аяаб̣б̣аяавасзна самабан̃н̃ааса лагкан̣аани д̣̇исваа яаава г̇од̇рабхун̃аан̣ам̣ вибассанам̣ вад̣дхзд̇ваа жад̇д̇аари маг̇г̇ан̃аан̣аани жад̇д̇аари жа палан̃аан̣аани жад̇ассо бадисамбхид̣̇аа жад̇уяонибарижчзд̣̇аган̃аан̣ам̣ бан̃жаг̇ад̇ибарижчзд̣̇аган̃аан̣ам̣ ча асаад̇хааран̣ан̃аан̣аани сагалз жа б̣уд̣̇д̇хаг̇ун̣з бадивиж̇жхид̇ваа барибун̣н̣асан̇габбо б̣од̇химуулз нисиннова –
So pana jiṇṇabyādhimatapabbajite disvā ājaññarathena nikkhamitvā pabbajitvā dasa māse padhānacariyaṃ cari. Koṇḍaññakumāraṃ pana pabbajantaṃ dasa janakoṭiyo anupabbajiṃsu. So tehi parivuto dasa māse padhānacariyaṃ caritvā visākhapuṇṇamāya sunandagāme samasahitaghanapayodharāya yasodharāya nāma seṭṭhidhītāya dinnaṃ paramamadhuraṃ madhupāyāsaṃ paribhuñjitvā phalapallavaṅkurasamalaṅkate sālavane divāvihāraṃ vītināmetvā sāyanhasamaye gaṇaṃ pahāya sunandakājīvakena dinnā aṭṭha tiṇamuṭṭhiyo gahetvā sālakalyāṇirukkhaṃ tikkhattuṃ padakkhiṇaṃ katvā pubbadisābhāgaṃ oloketvā bodhirukkhaṃ piṭṭhito katvā aṭṭhapaṇṇāsahatthavitthataṃ tiṇasantharaṃ santharitvā pallaṅkaṃ ābhujitvā caturaṅgavīriyaṃ adhiṭṭhāya mārabalaṃ vidhamitvā rattiyā paṭhamayāme pubbenivāsānussatiñāṇaṃ visodhetvā majjhimayāme dibbacakkhuṃ visodhetvā pacchimayāme paccayākāraṃ sammasitvā ānāpānacatutthajjhānato vuṭṭhāya pañcasu khandhesu abhinivisitvā udayabbayavasena samapaññāsa lakkhaṇāni disvā yāva gotrabhuñāṇaṃ vipassanaṃ vaḍḍhetvā cattāri maggañāṇāni cattāri ca phalañāṇāni catasso paṭisambhidā catuyoniparicchedakañāṇaṃ pañcagatiparicchedakañāṇaṃ cha asādhāraṇañāṇāni sakale ca buddhaguṇe paṭivijjhitvā paripuṇṇasaṅkappo bodhimūle nisinnova –
‘‘анзгаж̇аад̇исам̣саарам̣, санд̇хаависсам̣ аниб̣б̣исам̣;
‘‘Anekajātisaṃsāraṃ, sandhāvissaṃ anibbisaṃ;
г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.
Gahakāraṃ gavesanto, dukkhā jāti punappunaṃ.
‘‘г̇ахагаарага д̣̇идтоси, буна г̇зхам̣ на гаахаси;
‘‘Gahakāraka diṭṭhosi, puna gehaṃ na kāhasi;
саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;
Sabbā te phāsukā bhaggā, gahakūṭaṃ visaṅkhataṃ;
висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа. (д̇ха. ба. 153-154);
Visaṅkhāragataṃ cittaṃ, taṇhānaṃ khayamajjhagā. (dha. pa. 153-154);
‘‘аяогханахад̇ассзва, ж̇алад̇о ж̇аад̇авзд̣̇асо;
‘‘Ayoghanahatasseva, jalato jātavedaso;
анубуб̣б̣уубасанд̇асса, яат̇аа на н̃ааяад̇з г̇ад̇и.
Anupubbūpasantassa, yathā na ñāyate gati.
‘‘звам̣ саммаа вимуд̇д̇аанам̣, гаамаб̣анд̇хогхад̇ааринам̣;
‘‘Evaṃ sammā vimuttānaṃ, kāmabandhoghatārinaṃ;
бан̃н̃аабзд̇ум̣ г̇ад̇ий над̇т̇и, бад̇д̇аанам̣ ажалам̣ сука’’нд̇и. (уд̣̇аа. 80) –
Paññāpetuṃ gatī natthi, pattānaṃ acalaṃ sukha’’nti. (udā. 80) –
звам̣ уд̣̇аанам̣ уд̣̇аанзд̇ваа сад̇д̇асад̇д̇аахам̣ б̣од̇химуулзязва паласамаабад̇д̇исукзна вийд̇инаамзд̇ваа адтамз сад̇д̇аахз б̣рахмуно аж̇жхзсанам̣ бадижжа – ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и (ма. ни. 1.284; 2.341; махаава. 10) убад̇хаарзнд̇о ад̇д̇анаа сад̣̇д̇хим̣ баб̣б̣аж̇ид̇аа д̣̇аса бхигкугодияо ад̣̇д̣̇аса. ‘‘имз бана гулабуд̇д̇аа самубажид̇агусаламуулаа мам̣ баб̣б̣аж̇анд̇ам̣ анубаб̣б̣аж̇ид̇аа маяаа сад̣̇д̇хим̣ бад̇хаанам̣ жарид̇ваа мам̣ убадтахим̣су, ханд̣̇аахам̣ имзсам̣ саб̣б̣абатамам̣ д̇хаммам̣ д̣̇зсзяяа’’нд̇и звам̣ убад̇хаарзд̇ваа – ‘‘ид̣̇аани бана д̇з гад̇т̇а васанд̇ий’’д̇и ологзнд̇о – ‘‘ид̇о адтаарасаяож̇анигз арунд̇хавад̇ийнаг̇арз д̣̇зваванз вихаранд̇ий’’д̇и д̣̇исваа – ‘‘д̇зсам̣ д̇хаммам̣ д̣̇зсзд̇ум̣ г̇амиссаамий’’д̇и бад̇д̇ажийварамаад̣̇ааяа сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва б̣од̇химуулз анд̇арахид̇о д̣̇зваванз баад̇урахоси.
Evaṃ udānaṃ udānetvā sattasattāhaṃ bodhimūleyeva phalasamāpattisukhena vītināmetvā aṭṭhame sattāhe brahmuno ajjhesanaṃ paṭicca – ‘‘kassa nu kho ahaṃ paṭhamaṃ dhammaṃ deseyya’’nti (ma. ni. 1.284; 2.341; mahāva. 10) upadhārento attanā saddhiṃ pabbajitā dasa bhikkhukoṭiyo addasa. ‘‘Ime pana kulaputtā samupacitakusalamūlā maṃ pabbajantaṃ anupabbajitā mayā saddhiṃ padhānaṃ caritvā maṃ upaṭṭhahiṃsu, handāhaṃ imesaṃ sabbapaṭhamaṃ dhammaṃ deseyya’’nti evaṃ upadhāretvā – ‘‘idāni pana te kattha vasantī’’ti olokento – ‘‘ito aṭṭhārasayojanike arundhavatīnagare devavane viharantī’’ti disvā – ‘‘tesaṃ dhammaṃ desetuṃ gamissāmī’’ti pattacīvaramādāya seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva bodhimūle antarahito devavane pāturahosi.
д̇асмин̃жа самаяз д̇аа д̣̇аса бхигкугодияо арунд̇хавад̇ийнаг̇арам̣ убаниссааяа д̣̇зваванз вихаранд̇и. д̇з бана бхигкуу д̣̇асаб̣алам̣ д̣̇уурад̇ова ааг̇ажчанд̇ам̣ д̣̇исваа басаннамаанасаа бажжуг̇г̇анд̇ваа, бхаг̇авад̇о бад̇д̇ажийварам̣ бадиг̇г̇ахзд̇ваа, б̣уд̣̇д̇хаасанам̣ бан̃н̃аабзд̇ваа, сад̇т̇у г̇ааравам̣ гад̇ваа, бхаг̇аванд̇ам̣ ванд̣̇ид̇ваа, бариваарзд̇ваа згаманд̇ам̣ нисийд̣̇им̣су. д̇ад̇ра гон̣д̣ан̃н̃о д̣̇асаб̣ало муниг̇ан̣абаривуд̇о б̣уд̣̇д̇хаасанз нисинно д̇ид̣̇асаг̇ан̣абаривуд̇о д̣̇асасад̇анаяано вияа вималаг̇аг̇анад̇алаг̇ад̇о сарад̣̇асамаяараж̇анигаро вияа д̇аарааг̇ан̣абаривуд̇о бун̣н̣ажанд̣̇о вияа вирожид̇т̇а. ат̇а сад̇т̇аа д̇зсам̣ саб̣б̣аб̣уд̣̇д̇ханисзвид̇ам̣ ануд̇д̇арам̣ д̇ибариваддам̣ д̣̇ваад̣̇асаагаарам̣ д̇хаммажаггаббавад̇д̇анасуд̇д̇анд̇ам̣ гат̇зд̇ваа д̣̇асабхигкугодиббамукаа сад̇асахассад̣̇звамануссагодияо д̇хаммаамад̇ам̣ бааязси. д̇зна вуд̇д̇ам̣ –
Tasmiñca samaye tā dasa bhikkhukoṭiyo arundhavatīnagaraṃ upanissāya devavane viharanti. Te pana bhikkhū dasabalaṃ dūratova āgacchantaṃ disvā pasannamānasā paccuggantvā, bhagavato pattacīvaraṃ paṭiggahetvā, buddhāsanaṃ paññāpetvā, satthu gāravaṃ katvā, bhagavantaṃ vanditvā, parivāretvā ekamantaṃ nisīdiṃsu. Tatra koṇḍañño dasabalo munigaṇaparivuto buddhāsane nisinno tidasagaṇaparivuto dasasatanayano viya vimalagaganatalagato saradasamayarajanikaro viya tārāgaṇaparivuto puṇṇacando viya virocittha. Atha satthā tesaṃ sabbabuddhanisevitaṃ anuttaraṃ tiparivaṭṭaṃ dvādasākāraṃ dhammacakkappavattanasuttantaṃ kathetvā dasabhikkhukoṭippamukhā satasahassadevamanussakoṭiyo dhammāmataṃ pāyesi. Tena vuttaṃ –
1.
1.
‘‘д̣̇ийбан̇гарасса абарзна, гон̣д̣ан̃н̃о наама нааяаго;
‘‘Dīpaṅkarassa aparena, koṇḍañño nāma nāyako;
ананд̇ад̇зж̇о амид̇аяасо, аббамзяяо д̣̇ураасад̣̇о.
Anantatejo amitayaso, appameyyo durāsado.
2.
2.
‘‘д̇харан̣уубамо каманзна, сийлзна сааг̇аруубамо;
‘‘Dharaṇūpamo khamanena, sīlena sāgarūpamo;
самаад̇хинаа мзруубамо, н̃аан̣зна г̇аг̇ануубамо.
Samādhinā merūpamo, ñāṇena gaganūpamo.
3.
3.
‘‘инд̣̇рияаб̣алаб̣ож̇жхан̇г̇а-маг̇г̇асажжаббагаасанам̣;
‘‘Indriyabalabojjhaṅga-maggasaccappakāsanaṃ;
багаасзси сад̣̇аа б̣уд̣̇д̇хо хид̇ааяа саб̣б̣абаан̣инам̣.
Pakāsesi sadā buddho hitāya sabbapāṇinaṃ.
4.
4.
‘‘д̇хаммажаггам̣ бавад̇д̇знд̇з, гон̣д̣ан̃н̃з логанааяагз;
‘‘Dhammacakkaṃ pavattente, koṇḍaññe lokanāyake;
годисад̇асахассаанам̣, батамаабхисамаяо ахуу’’д̇и.
Koṭisatasahassānaṃ, paṭhamābhisamayo ahū’’ti.
д̇ад̇т̇а д̣̇ийбан̇гарасса абарзнаад̇и д̣̇ийбан̇гарасса сад̇т̇уно абарабхааг̇зд̇и ад̇т̇о. гон̣д̣ан̃н̃о наамаад̇и ад̇д̇ано г̇од̇д̇авасзна самад̇хиг̇ад̇анаамад̇хзяяо. нааяагод̇и винааяаго. ананд̇ад̇зж̇од̇и ад̇д̇ано сийлаг̇ун̣ан̃аан̣абун̃н̃ад̇зж̇зна ананд̇ад̇зж̇о. хздтад̇о авийжи убари бхаваг̇г̇ам̣ д̇ирияад̇о ананд̇аа логад̇хаад̇уяо зд̇т̇анд̇арз згабуг̇г̇алоби д̇асса мукам̣ ологзд̇ваа таад̇ум̣ самад̇т̇о наама над̇т̇и. д̇зна вуд̇д̇ам̣ ‘‘ананд̇ад̇зж̇о’’д̇и. амид̇аяасод̇и ананд̇абаривааро. д̇асса хи бхаг̇авад̇о вассасад̇асахассаани яаава бариниб̣б̣аанасамаяам̣ зд̇т̇анд̇арз бхигкубарисааяа г̇ан̣анабарижчзд̣̇о наама наахоси. д̇асмаа ‘‘амид̇аяасо’’д̇и вужжад̇и. амид̇аг̇ун̣агид̇д̇иби ‘‘амид̇аяасо’’д̇и вужжад̇и. аббамзяяод̇и г̇ун̣аг̇ан̣абаримаан̣авасзна наббамзяяод̇и аббамзяяо. яат̇ааха –
Tattha dīpaṅkarassa aparenāti dīpaṅkarassa satthuno aparabhāgeti attho. Koṇḍañño nāmāti attano gottavasena samadhigatanāmadheyyo. Nāyakoti vināyako. Anantatejoti attano sīlaguṇañāṇapuññatejena anantatejo. Heṭṭhato avīci upari bhavaggaṃ tiriyato anantā lokadhātuyo etthantare ekapuggalopi tassa mukhaṃ oloketvā ṭhātuṃ samattho nāma natthi. Tena vuttaṃ ‘‘anantatejo’’ti. Amitayasoti anantaparivāro. Tassa hi bhagavato vassasatasahassāni yāva parinibbānasamayaṃ etthantare bhikkhuparisāya gaṇanaparicchedo nāma nāhosi. Tasmā ‘‘amitayaso’’ti vuccati. Amitaguṇakittipi ‘‘amitayaso’’ti vuccati. Appameyyoti guṇagaṇaparimāṇavasena nappameyyoti appameyyo. Yathāha –
‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣, габбамби жз ан̃н̃амабхаасамаано;
‘‘Buddhopi buddhassa bhaṇeyya vaṇṇaṃ, kappampi ce aññamabhāsamāno;
кийязт̇а габбо жирад̣̇ийгхаманд̇арз, ван̣н̣о на кийязт̇а д̇ат̇ааг̇ад̇ассаа’’д̇и. (д̣̇ий. ни. адта. 1.304; 3.141; ма. ни. адта. 2.425; уд̣̇аа. адта. 53; жарияаа. адта. нид̣̇аанагат̇аа);
Khīyetha kappo ciradīghamantare, vaṇṇo na khīyetha tathāgatassā’’ti. (dī. ni. aṭṭha. 1.304; 3.141; ma. ni. aṭṭha. 2.425; udā. aṭṭha. 53; cariyā. aṭṭha. nidānakathā);
д̇асмаа аббамзяяаг̇ун̣аг̇ан̣ад̇д̇аа ‘‘аббамзяяо’’д̇и вужжад̇и. д̣̇ураасад̣̇од̇и д̣̇урубасан̇гаманийяо, аасаж̇ж̇а гхаддзд̇ваа убасан̇гамид̇умасаггун̣зяяабхаавад̇о д̣̇ураасад̣̇о, д̣̇урабхибхаванийяод̇и ад̇т̇о.
Tasmā appameyyaguṇagaṇattā ‘‘appameyyo’’ti vuccati. Durāsadoti durupasaṅkamanīyo, āsajja ghaṭṭetvā upasaṅkamitumasakkuṇeyyabhāvato durāsado, durabhibhavanīyoti attho.
д̇харан̣уубамод̇и д̇харан̣ийсамо. каманзнаад̇и канд̇ияаа, жад̇унахуд̇аад̇хигад̣̇вияож̇анасад̇асахассаб̣ахалаа махаабат̇авий вияа багад̇иваад̇зна лаабхаалаабхаидтаанидтаад̣̇ийхи агамбанабхаавад̇о ‘‘д̇харан̣уубамо’’д̇и вужжад̇и. сийлзна сааг̇аруубамод̇и сийласам̣варзна взлаанаад̇иггаманабхаавзна сааг̇арасамо. ‘‘махаасамуд̣̇д̣̇о, бхигкавз, тид̇ад̇хаммо взлам̣ наад̇ивад̇д̇ад̇ий’’д̇и (а. ни. 8.19; жуул̣ава. 384; ми. ба. 6.2.10) хи вуд̇д̇ам̣.
Dharaṇūpamoti dharaṇīsamo. Khamanenāti khantiyā, catunahutādhikadviyojanasatasahassabahalā mahāpathavī viya pakativātena lābhālābhaiṭṭhāniṭṭhādīhi akampanabhāvato ‘‘dharaṇūpamo’’ti vuccati. Sīlena sāgarūpamoti sīlasaṃvarena velānātikkamanabhāvena sāgarasamo. ‘‘Mahāsamuddo, bhikkhave, ṭhitadhammo velaṃ nātivattatī’’ti (a. ni. 8.19; cūḷava. 384; mi. pa. 6.2.10) hi vuttaṃ.
самаад̇хинаа мзруубамод̇и самаад̇хибадибагкабхууд̇ад̇хаммаж̇анид̇агамбаабхаавад̇о мзрунаа г̇ириварзна само, сад̣̇исод̇и ад̇т̇о. мзруг̇ириваро вияа т̇ирад̇арасарийрод̇и ваа. н̃аан̣зна г̇аг̇ануубамод̇и зд̇т̇а бхаг̇авад̇о н̃аан̣асса ананд̇абхаавзна ананд̇аагаасзна убамаа гад̇аа. жад̇д̇аари ананд̇аани вуд̇д̇аани бхаг̇авад̇аа. яат̇ааха –
Samādhinā merūpamoti samādhipaṭipakkhabhūtadhammajanitakampābhāvato merunā girivarena samo, sadisoti attho. Merugirivaro viya thiratarasarīroti vā. Ñāṇena gaganūpamoti ettha bhagavato ñāṇassa anantabhāvena anantākāsena upamā katā. Cattāri anantāni vuttāni bhagavatā. Yathāha –
‘‘сад̇д̇агааяо жа аагаасо, жаггаваал̣аа жананд̇агаа;
‘‘Sattakāyo ca ākāso, cakkavāḷā canantakā;
б̣уд̣̇д̇хан̃аан̣ам̣ аббамзяяам̣, на саггаа зд̇з виж̇аанид̇у’’нд̇и. (б̣у. вам̣. 1.64);
Buddhañāṇaṃ appameyyaṃ, na sakkā ete vijānitu’’nti. (bu. vaṃ. 1.64);
д̇асмаа ананд̇асса н̃аан̣асса ананд̇зна аагаасзна убамаа гад̇аад̇и.
Tasmā anantassa ñāṇassa anantena ākāsena upamā katāti.
инд̣̇рияаб̣алаб̣ож̇жхан̇г̇амаг̇г̇асажжаббагаасананд̇и зд̇зсам̣ инд̣̇рияаб̣алаб̣ож̇жхан̇г̇амаг̇г̇асажжаанам̣ г̇ахан̣зна сад̇ибадтаанасаммаббад̇хаанид̣̇д̇хибаад̣̇ааби г̇ахид̇аава хонд̇и. д̇асмаа инд̣̇рияаад̣̇ийнам̣ жад̇усан̇кзбаанам̣ васзна сад̇д̇ад̇д̇им̣саб̣од̇хибагкияад̇хаммаанам̣ багаасанад̇хаммам̣ багаасзси, д̣̇зсзсийд̇и ад̇т̇о. хид̇ааяаад̇и хид̇ад̇т̇ам̣. д̇хаммажаггам̣ бавад̇д̇знд̇зд̇и д̣̇зсанаан̃аан̣з бавад̇д̇ияамаанз.
Indriyabalabojjhaṅgamaggasaccappakāsananti etesaṃ indriyabalabojjhaṅgamaggasaccānaṃ gahaṇena satipaṭṭhānasammappadhāniddhipādāpi gahitāva honti. Tasmā indriyādīnaṃ catusaṅkhepānaṃ vasena sattattiṃsabodhipakkhiyadhammānaṃ pakāsanadhammaṃ pakāsesi, desesīti attho. Hitāyāti hitatthaṃ. Dhammacakkaṃpavattenteti desanāñāṇe pavattiyamāne.
д̇ад̇о абарабхааг̇з махааман̇г̇аласамааг̇амз д̣̇асасу жаггаваал̣асахассзсу д̣̇звад̇ааяо сукумз ад̇д̇абхаавз маабзд̇ваа имасмин̃н̃зва жаггаваал̣з саннибад̇им̣су. д̇ад̇т̇а гира ан̃н̃ад̇аро д̣̇звабуд̇д̇о гон̣д̣ан̃н̃ад̣̇асаб̣алам̣ ман̇г̇алабан̃хам̣ бужчи. д̇асса бхаг̇аваа ман̇г̇алаани гат̇зси. д̇ад̇т̇а навуд̇игодисахассаани арахад̇д̇ам̣ баабун̣им̣су. сод̇аабаннаад̣̇ийнам̣ г̇ан̣анабарижчзд̣̇о наама наахоси. д̇зна вуд̇д̇ам̣ –
Tato aparabhāge mahāmaṅgalasamāgame dasasu cakkavāḷasahassesu devatāyo sukhume attabhāve māpetvā imasmiññeva cakkavāḷe sannipatiṃsu. Tattha kira aññataro devaputto koṇḍaññadasabalaṃ maṅgalapañhaṃ pucchi. Tassa bhagavā maṅgalāni kathesi. Tattha navutikoṭisahassāni arahattaṃ pāpuṇiṃsu. Sotāpannādīnaṃ gaṇanaparicchedo nāma nāhosi. Tena vuttaṃ –
5.
5.
‘‘д̇ад̇о барамби д̣̇зсзнд̇з, нарамаруунам̣ самааг̇амз;
‘‘Tato parampi desente, naramarūnaṃ samāgame;
навуд̇игодисахассаанам̣, д̣̇уд̇ияаабхисамаяо ахуу’’д̇и.
Navutikoṭisahassānaṃ, dutiyābhisamayo ahū’’ti.
д̇ад̇т̇а д̇ад̇о барамбийд̇и д̇ад̇о абарабхааг̇зби. д̣̇зсзнд̇зд̇и бхаг̇авад̇и д̇хаммам̣ д̣̇зсзнд̇з. нарамаруунанд̇и нараанан̃жзва амараанан̃жа, яад̣̇аа бана бхаг̇аваа г̇аг̇анад̇алз д̇ид̇т̇ияамаанамад̣̇д̣̇анам̣ яамагабаадихаарияам̣ гаронд̇о д̇хаммам̣ д̣̇зсзси д̇ад̣̇аа асийд̇игодисахассаани арахад̇д̇ам̣ баабун̣им̣су. д̇ийсу палзсу бад̇идтид̇аа г̇ан̣анабат̇ам̣ вийд̇ивад̇д̇аа. д̇зна вуд̇д̇ам̣ –
Tattha tato parampīti tato aparabhāgepi. Desenteti bhagavati dhammaṃ desente. Naramarūnanti narānañceva amarānañca, yadā pana bhagavā gaganatale titthiyamānamaddanaṃ yamakapāṭihāriyaṃ karonto dhammaṃ desesi tadā asītikoṭisahassāni arahattaṃ pāpuṇiṃsu. Tīsu phalesu patiṭṭhitā gaṇanapathaṃ vītivattā. Tena vuttaṃ –
6.
6.
‘‘д̇ид̇т̇ияз абхимад̣̇д̣̇анд̇о, яад̣̇аа д̇хаммамад̣̇зсаяи;
‘‘Titthiye abhimaddanto, yadā dhammamadesayi;
асийд̇игодисахассаанам̣, д̇ад̇ияаабхисамаяо ахуу’’д̇и.
Asītikoṭisahassānaṃ, tatiyābhisamayo ahū’’ti.
д̇ад̇т̇а д̇ад̣̇аа-сад̣̇д̣̇ам̣ аанзд̇ваа ад̇т̇о д̣̇адтаб̣б̣о. яад̣̇аа бхаг̇аваа д̇хаммам̣ д̣̇зсзси, д̇ад̣̇аа асийд̇игодисахассаанам̣ д̇хаммаабхисамаяо ахууд̇и.
Tattha tadā-saddaṃ ānetvā attho daṭṭhabbo. Yadā bhagavā dhammaṃ desesi, tadā asītikoṭisahassānaṃ dhammābhisamayo ahūti.
гон̣д̣ан̃н̃о гира сад̇т̇аа абхисамб̣од̇хим̣ бад̇ваа батамавассам̣ жанд̣̇авад̇ийнаг̇арам̣ убаниссааяа жанд̣̇аараамз вихааси. д̇ад̇т̇а сужинд̇харасса наама б̣раахман̣амахаасааласса буд̇д̇о бхад̣̇д̣̇амаан̣аво наама яасод̇хараб̣раахман̣асса буд̇д̇о субхад̣̇д̣̇амаан̣аво жа гон̣д̣ан̃н̃асса б̣уд̣̇д̇хасса саммукаа д̇хаммад̣̇зсанам̣ суд̇ваа басаннамаанасаа д̣̇асахи маан̣авагасахассзхи сад̣̇д̇хим̣ д̇асса санд̇игз баб̣б̣аж̇ид̇ваа арахад̇д̇ам̣ баабун̣им̣су.
Koṇḍañño kira satthā abhisambodhiṃ patvā paṭhamavassaṃ candavatīnagaraṃ upanissāya candārāme vihāsi. Tattha sucindharassa nāma brāhmaṇamahāsālassa putto bhaddamāṇavo nāma yasodharabrāhmaṇassa putto subhaddamāṇavo ca koṇḍaññassa buddhassa sammukhā dhammadesanaṃ sutvā pasannamānasā dasahi māṇavakasahassehi saddhiṃ tassa santike pabbajitvā arahattaṃ pāpuṇiṃsu.
ат̇а гон̣д̣ан̃н̃о сад̇т̇аа ж̇здтамаасабун̣н̣амааяа субхад̣̇д̣̇ад̇т̇зраббамукзна годисад̇асахассзна баривуд̇о баад̇имогкамуд̣̇д̣̇иси, со батамо саннибаад̇о ахоси. д̇ад̇о абарабхааг̇з гон̣д̣ан̃н̃асад̇т̇уно буд̇д̇з виж̇ид̇асзнз наама арахад̇д̇ам̣ бад̇д̇з д̇ам̣бамукасса годисахассасса маж̇жхз бхаг̇аваа баад̇имогкам̣ уд̣̇д̣̇иси, со д̣̇уд̇ияо саннибаад̇о ахоси. ат̇аабарзна самаязна д̣̇асаб̣ало ж̇анабад̣̇ажааригам̣ жаранд̇о уд̣̇знарааж̇аанам̣ наама навуд̇игодиж̇анабариваарам̣ баб̣б̣ааж̇зси сад̣̇д̇хим̣ д̇ааяа барисааяа. д̇асмим̣ бана арахад̇д̇ам̣ бад̇д̇з д̇ам̣бамукзхи навуд̇ияаа араханд̇агодийхи бхаг̇аваа баривуд̇о баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Atha koṇḍañño satthā jeṭṭhamāsapuṇṇamāya subhaddattherappamukhena koṭisatasahassena parivuto pātimokkhamuddisi, so paṭhamo sannipāto ahosi. Tato aparabhāge koṇḍaññasatthuno putte vijitasene nāma arahattaṃ patte taṃpamukhassa koṭisahassassa majjhe bhagavā pātimokkhaṃ uddisi, so dutiyo sannipāto ahosi. Athāparena samayena dasabalo janapadacārikaṃ caranto udenarājānaṃ nāma navutikoṭijanaparivāraṃ pabbājesi saddhiṃ tāya parisāya. Tasmiṃ pana arahattaṃ patte taṃpamukhehi navutiyā arahantakoṭīhi bhagavā parivuto pātimokkhaṃ uddisi, so tatiyo sannipāto ahosi. Tena vuttaṃ –
7.
7.
‘‘саннибаад̇аа д̇аяо аасум̣, гон̣д̣ан̃н̃асса махзсино;
‘‘Sannipātā tayo āsuṃ, koṇḍaññassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
‘‘годисад̇асахассаанам̣, батамо ааси самааг̇амо;
‘‘Koṭisatasahassānaṃ, paṭhamo āsi samāgamo;
д̣̇уд̇ияо годисахассаанам̣, д̇ад̇ияо навуд̇игодина’’нд̇и.
Dutiyo koṭisahassānaṃ, tatiyo navutikoṭina’’nti.
д̇ад̣̇аа гира амхаагам̣ б̣од̇хисад̇д̇о виж̇ид̇аавий наама жаггавад̇д̇ий худ̇ваа жанд̣̇авад̇ийнаг̇арз бадивасад̇и. со гира анзганараварабаривуд̇о салиланид̇хинивасанам̣ самзруяуг̇анд̇харам̣ абаримид̇авасуд̇харам̣ васунд̇харам̣ ад̣̇ан̣д̣зна асад̇т̇зна д̇хаммзна барибаалзд̇и. ат̇а гон̣д̣ан̃н̃о б̣уд̣̇д̇хоби годисад̇асахассакийн̣аасавабаривуд̇о ж̇анабад̣̇ажааригам̣ жарамаано анубуб̣б̣зна жанд̣̇авад̇ийнаг̇арам̣ самбаабун̣и.
Tadā kira amhākaṃ bodhisatto vijitāvī nāma cakkavattī hutvā candavatīnagare paṭivasati. So kira anekanaravaraparivuto salilanidhinivasanaṃ sameruyugandharaṃ aparimitavasudharaṃ vasundharaṃ adaṇḍena asatthena dhammena paripāleti. Atha koṇḍañño buddhopi koṭisatasahassakhīṇāsavaparivuto janapadacārikaṃ caramāno anupubbena candavatīnagaraṃ sampāpuṇi.
со виж̇ид̇аавий гира рааж̇аа – ‘‘саммаасамб̣уд̣̇д̇хо гира амхаагам̣ наг̇арам̣ ануббад̇д̇о’’д̇и суд̇ваа бажжуг̇г̇анд̇ваа бхаг̇авад̇о васанадтаанам̣ сам̣вид̣̇ахид̇ваа сваад̇анааяа сад̣̇д̇хим̣ бхигкусан̇гхзна ниманд̇зд̇ваа бунад̣̇ивасз бхад̇д̇авид̇хим̣ судту бадияаад̣̇зд̇ваа годисад̇асахассасан̇касса б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ааси. б̣од̇хисад̇д̇о бхаг̇аванд̇ам̣ бхож̇зд̇ваа анумод̣̇анаавасаанз – ‘‘бханд̇з, д̇змаасам̣ махааж̇анасан̇г̇ахам̣ гаронд̇о ид̇хзва васат̇аа’’д̇и яаажид̇ваа д̇аяо маасз ниранд̇арам̣ б̣уд̣̇д̇хаббамукасса бхигкусан̇гхасса асад̣̇исамахаад̣̇аанам̣ ад̣̇ааси.
So vijitāvī kira rājā – ‘‘sammāsambuddho kira amhākaṃ nagaraṃ anuppatto’’ti sutvā paccuggantvā bhagavato vasanaṭṭhānaṃ saṃvidahitvā svātanāya saddhiṃ bhikkhusaṅghena nimantetvā punadivase bhattavidhiṃ suṭṭhu paṭiyādetvā koṭisatasahassasaṅkhassa buddhappamukhassa bhikkhusaṅghassa mahādānaṃ adāsi. Bodhisatto bhagavantaṃ bhojetvā anumodanāvasāne – ‘‘bhante, temāsaṃ mahājanasaṅgahaṃ karonto idheva vasathā’’ti yācitvā tayo māse nirantaraṃ buddhappamukhassa bhikkhusaṅghassa asadisamahādānaṃ adāsi.
ат̇а сад̇т̇аа б̣од̇хисад̇д̇ам̣ – ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагарид̇ваа д̇хаммамасса д̣̇зсзси. со сад̇т̇у д̇хаммагат̇ам̣ суд̇ваа раж̇ж̇ам̣ нияяаад̇зд̇ваа баб̣б̣аж̇ид̇ваа д̇ийн̣и бидагаани уг̇г̇ахзд̇ваа адта самаабад̇д̇ияо бан̃жа жа абхин̃н̃ааяо уббаад̣̇зд̇ваа абарихийнаж̇жхаано б̣рахмалогз ниб̣б̣ад̇д̇и. д̇зна вуд̇д̇ам̣ –
Atha satthā bodhisattaṃ – ‘‘anāgate gotamo nāma buddho bhavissatī’’ti byākaritvā dhammamassa desesi. So satthu dhammakathaṃ sutvā rajjaṃ niyyātetvā pabbajitvā tīṇi piṭakāni uggahetvā aṭṭha samāpattiyo pañca ca abhiññāyo uppādetvā aparihīnajjhāno brahmaloke nibbatti. Tena vuttaṃ –
9.
9.
‘‘ахам̣ д̇зна самаязна, виж̇ид̇аавий наама кад̇д̇ияо;
‘‘Ahaṃ tena samayena, vijitāvī nāma khattiyo;
самуд̣̇д̣̇ам̣ анд̇аманд̇зна, иссарияам̣ вад̇д̇аяаамахам̣.
Samuddaṃ antamantena, issariyaṃ vattayāmahaṃ.
10.
10.
‘‘годисад̇асахассаанам̣, вималаанам̣ махзсинам̣;
‘‘Koṭisatasahassānaṃ, vimalānaṃ mahesinaṃ;
саха логаг̇г̇анаат̇зна, бараманнзна д̇аббаяим̣.
Saha lokagganāthena, paramannena tappayiṃ.
11.
11.
‘‘соби мам̣ б̣уд̣̇д̇хо б̣яаагааси, гон̣д̣ан̃н̃о логанааяаго;
‘‘Sopi maṃ buddho byākāsi, koṇḍañño lokanāyako;
абаримзяяид̇о габбз, б̣уд̣̇д̇хо логз бхависсад̇и.
Aparimeyyito kappe, buddho loke bhavissati.
12.
12.
‘‘бад̇хаанам̣ бад̣̇ахид̇ваана, гад̇ваа д̣̇уггарагааригам̣;
‘‘Padhānaṃ padahitvāna, katvā dukkarakārikaṃ;
ассад̇т̇амуулз самб̣уд̣̇д̇хо, б̣уж̇жхиссад̇и махааяасо.
Assatthamūle sambuddho, bujjhissati mahāyaso.
13.
13.
‘‘имасса ж̇анигаа маад̇аа, мааяаа наама бхависсад̇и;
‘‘Imassa janikā mātā, māyā nāma bhavissati;
бид̇аа суд̣̇д̇ход̣̇ано наама, аяам̣ хзссад̇и г̇од̇амо.
Pitā suddhodano nāma, ayaṃ hessati gotamo.
14.
14.
‘‘голид̇о убад̇иссо жа, аг̇г̇аа хзссанд̇и саавагаа;
‘‘Kolito upatisso ca, aggā hessanti sāvakā;
аананд̣̇о наамубадтааго, убадтиссад̇и д̇ам̣ ж̇инам̣.
Ānando nāmupaṭṭhāko, upaṭṭhissati taṃ jinaṃ.
15.
15.
‘‘кзмаа уббалаван̣н̣аа жа, аг̇г̇аа хзссанд̇и саавигаа;
‘‘Khemā uppalavaṇṇā ca, aggā hessanti sāvikā;
б̣од̇хи д̇асса бхаг̇авад̇о, ассад̇т̇од̇и бавужжад̇и.
Bodhi tassa bhagavato, assatthoti pavuccati.
16.
16.
‘‘жид̇д̇о жа хад̇т̇аал̣аваго, аг̇г̇аа хзссанд̇убадтагаа;
‘‘Citto ca hatthāḷavako, aggā hessantupaṭṭhakā;
нанд̣̇амаад̇аа жа уд̇д̇араа, аг̇г̇аа хзссанд̇убадтигаа;
Nandamātā ca uttarā, aggā hessantupaṭṭhikā;
ааяу вассасад̇ам̣ д̇асса, г̇од̇амасса яасассино.
Āyu vassasataṃ tassa, gotamassa yasassino.
17.
17.
‘‘ид̣̇ам̣ суд̇ваана важанам̣, асамасса махзсино;
‘‘Idaṃ sutvāna vacanaṃ, asamassa mahesino;
аамод̣̇ид̇аа нарамаруу, б̣уд̣̇д̇хаб̣ийж̇ам̣ гира аяам̣.
Āmoditā naramarū, buddhabījaṃ kira ayaṃ.
18.
18.
‘‘уггудтисад̣̇д̣̇аа вад̇д̇анд̇и, абподзнд̇и хасанд̇и жа;
‘‘Ukkuṭṭhisaddā vattanti, apphoṭenti hasanti ca;
гад̇ан̃ж̇алий намассанд̇и, д̣̇асасахассид̣̇звад̇аа.
Katañjalī namassanti, dasasahassidevatā.
19.
19.
‘‘яад̣̇имасса логанаат̇асса, вираж̇жхиссаама саасанам̣;
‘‘Yadimassa lokanāthassa, virajjhissāma sāsanaṃ;
анааг̇ад̇амхи ад̣̇д̇хаанз, хзссаама саммукаа имам̣.
Anāgatamhi addhāne, hessāma sammukhā imaṃ.
20.
20.
‘‘яат̇аа мануссаа над̣̇им̣ д̇аранд̇аа, бадид̇ид̇т̇ам̣ вираж̇жхияа;
‘‘Yathā manussā nadiṃ tarantā, paṭititthaṃ virajjhiya;
хздтаад̇ид̇т̇з г̇ахзд̇ваана, уд̇д̇аранд̇и махаанад̣̇им̣.
Heṭṭhātitthe gahetvāna, uttaranti mahānadiṃ.
21.
21.
‘‘звамзва маяам̣ саб̣б̣з, яад̣̇и мун̃жаамимам̣ ж̇инам̣;
‘‘Evameva mayaṃ sabbe, yadi muñcāmimaṃ jinaṃ;
анааг̇ад̇амхи ад̣̇д̇хаанз, хзссаама саммукаа имам̣.
Anāgatamhi addhāne, hessāma sammukhā imaṃ.
22.
22.
‘‘д̇ассаахам̣ важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāhaṃ vacanaṃ sutvā, bhiyyo cittaṃ pasādayiṃ;
д̇амзва ад̇т̇ам̣ саад̇хзнд̇о, махаараж̇ж̇ам̣ ж̇инз ад̣̇ам̣;
Tameva atthaṃ sādhento, mahārajjaṃ jine adaṃ;
махаараж̇ж̇ам̣ д̣̇ад̣̇ид̇ваана, баб̣б̣аж̇им̣ д̇асса санд̇игз.
Mahārajjaṃ daditvāna, pabbajiṃ tassa santike.
23.
23.
‘‘суд̇д̇анд̇ам̣ винаяам̣ жааби, наван̇г̇ам̣ сад̇т̇усаасанам̣;
‘‘Suttantaṃ vinayaṃ cāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
24.
24.
‘‘д̇ад̇т̇аббамад̇д̇о вихаранд̇о, нисаж̇ж̇адтаанажан̇гамз;
‘‘Tatthappamatto viharanto, nisajjaṭṭhānacaṅkame;
абхин̃н̃аабаарамим̣ г̇анд̇ваа, б̣рахмалогамаг̇ан̃чаха’’нд̇и.
Abhiññāpāramiṃ gantvā, brahmalokamagañchaha’’nti.
д̇ад̇т̇а ахам̣ д̇зна самаязнаад̇и ахам̣ д̇асмим̣ самаяз. виж̇ид̇аавий наамаад̇и звам̣наамаго жаггавад̇д̇ирааж̇аа ахосим̣. самуд̣̇д̣̇ам̣ анд̇аманд̇знаад̇и зд̇т̇а жаггаваал̣абаб̣б̣ад̇ам̣ сиймам̣ марияаад̣̇ам̣ гад̇ваа тид̇ам̣ самуд̣̇д̣̇ам̣ анд̇ам̣ гад̇ваа иссарияам̣ вад̇д̇аяаамийд̇и ад̇т̇о. зд̇д̇аавад̇аа на баагадам̣ ход̇и.
Tattha ahaṃ tena samayenāti ahaṃ tasmiṃ samaye. Vijitāvī nāmāti evaṃnāmako cakkavattirājā ahosiṃ. Samuddaṃ antamantenāti ettha cakkavāḷapabbataṃ sīmaṃ mariyādaṃ katvā ṭhitaṃ samuddaṃ antaṃ katvā issariyaṃ vattayāmīti attho. Ettāvatā na pākaṭaṃ hoti.
рааж̇аа гира жаггавад̇д̇ий жаггарад̇анаанубхаавзна ваамабассзна синзрум̣ гад̇ваа самуд̣̇д̣̇асса убарибхааг̇зна адтаяож̇анасахассаббамаан̣ам̣ буб̣б̣авид̣̇зхам̣ г̇ажчад̇и. д̇ад̇т̇а рааж̇аа жаггавад̇д̇ий – ‘‘баан̣о на ханд̇аб̣б̣о, ад̣̇иннам̣ наад̣̇аад̇аб̣б̣ам̣, гаамзсумижчаа на жарид̇аб̣б̣аа, мусаа на бхаасид̇аб̣б̣аа, маж̇ж̇ам̣ на баад̇аб̣б̣ам̣, яат̇аабхуд̇д̇ан̃жа бхун̃ж̇ат̇аа’’д̇и (д̣̇ий. ни. 2.244; 3.85; ма. ни. 3.257) оваад̣̇ам̣ д̣̇зд̇и. звам̣ оваад̣̇з д̣̇иннз д̇ам̣ жаггарад̇анам̣ взхаасам̣ аб̣бхуг̇г̇анд̇ваа бурад̇т̇имам̣ самуд̣̇д̣̇ам̣ аж̇жхог̇аахад̇и. яат̇аа яат̇аа жа д̇ам̣ аж̇жхог̇аахад̇и, д̇ат̇аа д̇ат̇аа сам̣кид̇д̇ауумивибпаарам̣ худ̇ваа ог̇ажчамаанам̣ махаасамуд̣̇д̣̇асалилам̣ яож̇анамад̇д̇ам̣ ог̇г̇анд̇ваа анд̇осамуд̣̇д̣̇ам̣ убхосу бассзсу взл̣урияаман̣ибхид̇д̇и вияа барамад̣̇ассанийяам̣ худ̇ваа д̇идтад̇и, звам̣ бурад̇т̇имасааг̇арабарияанд̇ам̣ г̇анд̇ваа д̇ам̣ жаггарад̇анам̣ бадинивад̇д̇ад̇и. бадинивад̇д̇амаанз жа д̇асмим̣ саа барисаа аг̇г̇ад̇о ход̇и, маж̇жхз рааж̇аа жаггавад̇д̇ий анд̇з жаггарад̇анам̣ ход̇и. д̇амби ж̇алам̣ ж̇аланд̇зна вияог̇ам̣ асахамаанамива нзмиман̣д̣алабарияанд̇ам̣ абхихананд̇амзва д̇ийрамубаг̇ажчад̇и.
Rājā kira cakkavattī cakkaratanānubhāvena vāmapassena sineruṃ katvā samuddassa uparibhāgena aṭṭhayojanasahassappamāṇaṃ pubbavidehaṃ gacchati. Tattha rājā cakkavattī – ‘‘pāṇo na hantabbo, adinnaṃ nādātabbaṃ, kāmesumicchā na caritabbā, musā na bhāsitabbā, majjaṃ na pātabbaṃ, yathābhuttañca bhuñjathā’’ti (dī. ni. 2.244; 3.85; ma. ni. 3.257) ovādaṃ deti. Evaṃ ovāde dinne taṃ cakkaratanaṃ vehāsaṃ abbhuggantvā puratthimaṃ samuddaṃ ajjhogāhati. Yathā yathā ca taṃ ajjhogāhati, tathā tathā saṃkhittaūmivipphāraṃ hutvā ogacchamānaṃ mahāsamuddasalilaṃ yojanamattaṃ oggantvā antosamuddaṃ ubhosu passesu veḷuriyamaṇibhitti viya paramadassanīyaṃ hutvā tiṭṭhati, evaṃ puratthimasāgarapariyantaṃ gantvā taṃ cakkaratanaṃ paṭinivattati. Paṭinivattamāne ca tasmiṃ sā parisā aggato hoti, majjhe rājā cakkavattī ante cakkaratanaṃ hoti. Tampi jalaṃ jalantena viyogaṃ asahamānamiva nemimaṇḍalapariyantaṃ abhihanantameva tīramupagacchati.
звам̣ рааж̇аа жаггавад̇д̇ий бурад̇т̇имасамуд̣̇д̣̇абарияанд̇ам̣ буб̣б̣авид̣̇зхам̣ абхивиж̇инид̇ваа д̣̇агкин̣асамуд̣̇д̣̇абарияанд̇ам̣ ж̇амб̣уд̣̇ийбам̣ виж̇зд̇угаамо жаггарад̇анад̣̇зсид̇зна маг̇г̇зна д̣̇агкин̣асамуд̣̇д̣̇аабхимуко г̇ажчад̇и. д̇ам̣ д̣̇асасахассаяож̇анаббамаан̣ам̣ ж̇амб̣уд̣̇ийбам̣ абхивиж̇инид̇ваа д̣̇агкин̣асамуд̣̇д̣̇ад̇о бажжуд̇д̇арид̇ваа сад̇д̇аяож̇анасахассаббамаан̣ам̣ абараг̇ояаанам̣ виж̇зд̇ум̣ хздтаа вуд̇д̇анаязнзва г̇анд̇ваа д̇амби сааг̇арабарияанд̇ам̣ абхивиж̇инид̇ваа бажчимасамуд̣̇д̣̇ад̇оби уд̇д̇арид̇ваа адтаяож̇анасахассаббамаан̣ам̣ уд̇д̇арагурум̣ виж̇зд̇ум̣ д̇ат̇зва г̇анд̇ваа д̇ам̣ самуд̣̇д̣̇абарияанд̇ам̣ гад̇ваа д̇ат̇зва абхивиж̇ияа уд̇д̇арасамуд̣̇д̣̇ад̇оби бажжуд̇д̇арад̇и. зд̇д̇аавад̇аа ран̃н̃аа жаггавад̇д̇инаа сааг̇арабарияанд̇ааяа бат̇авияаа иссарияам̣ ад̇хиг̇ад̇ам̣ ход̇и. д̇зна вуд̇д̇ам̣ самуд̣̇д̣̇ам̣ анд̇аманд̇зна, иссарияам̣ вад̇д̇аяаамаха’’нд̇и.
Evaṃ rājā cakkavattī puratthimasamuddapariyantaṃ pubbavidehaṃ abhivijinitvā dakkhiṇasamuddapariyantaṃ jambudīpaṃ vijetukāmo cakkaratanadesitena maggena dakkhiṇasamuddābhimukho gacchati. Taṃ dasasahassayojanappamāṇaṃ jambudīpaṃ abhivijinitvā dakkhiṇasamuddato paccuttaritvā sattayojanasahassappamāṇaṃ aparagoyānaṃ vijetuṃ heṭṭhā vuttanayeneva gantvā tampi sāgarapariyantaṃ abhivijinitvā pacchimasamuddatopi uttaritvā aṭṭhayojanasahassappamāṇaṃ uttarakuruṃ vijetuṃ tatheva gantvā taṃ samuddapariyantaṃ katvā tatheva abhivijiya uttarasamuddatopi paccuttarati. Ettāvatā raññā cakkavattinā sāgarapariyantāya pathaviyā issariyaṃ adhigataṃ hoti. Tena vuttaṃ samuddaṃ antamantena, issariyaṃ vattayāmaha’’nti.
годисад̇асахассаананд̇и годисад̇асахассаани. аяамзва ваа баато. вималаананд̇и кийн̣аасаваанам̣. саха логаг̇г̇анаат̇знаад̇и сад̣̇д̇хим̣ д̣̇асаб̣алзна годисад̇асахассаананд̇и ад̇т̇о. бараманнзнаад̇и бан̣ийд̇зна аннзна. д̇аббаяинд̇и д̇аббзсим̣. абаримзяяид̇о габбзд̇и ид̇о бадтааяа сад̇асахассагаббаад̇хигаани д̇ийн̣и асан̇кязяяаани ад̇иггамид̇ваа згасмим̣ бхад̣̇д̣̇агаббзд̇и ад̇т̇о.
Koṭisatasahassānanti koṭisatasahassāni. Ayameva vā pāṭho. Vimalānanti khīṇāsavānaṃ. Saha lokagganāthenāti saddhiṃ dasabalena koṭisatasahassānanti attho. Paramannenāti paṇītena annena. Tappayinti tappesiṃ. Aparimeyyito kappeti ito paṭṭhāya satasahassakappādhikāni tīṇi asaṅkhyeyyāni atikkamitvā ekasmiṃ bhaddakappeti attho.
бад̇хаананд̇и вийрияам̣. д̇амзва ад̇т̇ам̣ саад̇хзнд̇од̇и д̇амзва б̣уд̣̇д̇хагаарагамад̇т̇ам̣ д̣̇аанабаарамим̣ буурзнд̇о саад̇хзнд̇о нибпаад̣̇знд̇од̇и ад̇т̇о. махаараж̇ж̇анд̇и жаггавад̇д̇ираж̇ж̇ам̣. ж̇инзд̇и бхаг̇авад̇и, самбад̣̇аанад̇т̇з ваа бхуммам̣ д̣̇адтаб̣б̣ам̣. ад̣̇анд̇и ад̣̇аасим̣. звамад̇т̇ам̣ саад̇хзнд̇од̇и иминаа самб̣анд̇хо д̣̇адтаб̣б̣о. ‘‘махаараж̇ж̇ам̣ ж̇инз д̣̇ад̣̇и’’нд̇и батанд̇и гзжи. д̣̇ад̣̇ид̇ваанаад̇и жаж̇ид̇ваа. суд̇д̇анд̇анд̇и суд̇д̇анд̇абидагам̣. винаяанд̇и винаяабидагам̣. наван̇г̇анд̇и суд̇д̇аг̇зяяаад̣̇инаван̇г̇ам̣. собхаяим̣ ж̇инасаасананд̇и ааг̇амаад̇хиг̇амзхи логиязхи самалан̇гарим̣. д̇ад̇т̇аад̇и д̇асса бхаг̇авад̇о саасанз. аббамад̇д̇од̇и сад̇исамбанно. б̣рахмалогамаг̇ан̃чаханд̇и б̣рахмалогам̣ аг̇ан̃чим̣ ахам̣.
Padhānanti vīriyaṃ. Tameva atthaṃ sādhentoti tameva buddhakārakamatthaṃ dānapāramiṃ pūrento sādhento nipphādentoti attho. Mahārajjanti cakkavattirajjaṃ. Jineti bhagavati, sampadānatthe vā bhummaṃ daṭṭhabbaṃ. Adanti adāsiṃ. Evamatthaṃ sādhentoti iminā sambandho daṭṭhabbo. ‘‘Mahārajjaṃ jine dadi’’nti paṭhanti keci. Daditvānāti cajitvā. Suttantanti suttantapiṭakaṃ. Vinayanti vinayapiṭakaṃ. Navaṅganti suttageyyādinavaṅgaṃ. Sobhayiṃ jinasāsananti āgamādhigamehi lokiyehi samalaṅkariṃ. Tatthāti tassa bhagavato sāsane. Appamattoti satisampanno. Brahmalokamagañchahanti brahmalokaṃ agañchiṃ ahaṃ.
имасса бана гон̣д̣ан̃н̃аб̣уд̣̇д̇хасса раммавад̇ий наама наг̇арам̣ ахоси, сунанд̣̇о наама рааж̇аа бид̇аа, суж̇аад̇аа наама д̣̇звий маад̇аа, бхад̣̇д̣̇о жа субхад̣̇д̣̇о жа д̣̇вз аг̇г̇асаавагаа, ануруд̣̇д̇хо наамубадтааго, д̇иссаа жа убад̇иссаа жа д̣̇вз аг̇г̇асаавигаа, саалагаляаан̣иругко б̣од̇хи, адтаасийд̇ихад̇т̇уб̣б̣зд̇хам̣ сарийрам̣ , вассасад̇асахассаани ааяуббамаан̣ам̣ ахоси, д̇асса ружид̣̇звий наама аг̇г̇амахзсий ахоси, виж̇ид̇асзно наамасса буд̇д̇о, жанд̣̇о наамубадтааго рааж̇аа. жанд̣̇аараамз гира васийд̇и. д̇зна вуд̇д̇ам̣ –
Imassa pana koṇḍaññabuddhassa rammavatī nāma nagaraṃ ahosi, sunando nāma rājā pitā, sujātā nāma devī mātā, bhaddo ca subhaddo ca dve aggasāvakā, anuruddho nāmupaṭṭhāko, tissā ca upatissā ca dve aggasāvikā, sālakalyāṇirukkho bodhi, aṭṭhāsītihatthubbedhaṃ sarīraṃ , vassasatasahassāni āyuppamāṇaṃ ahosi, tassa rucidevī nāma aggamahesī ahosi, vijitaseno nāmassa putto, cando nāmupaṭṭhāko rājā. Candārāme kira vasīti. Tena vuttaṃ –
25.
25.
‘‘наг̇арам̣ раммавад̇ий наама, сунанд̣̇о наама кад̇д̇ияо;
‘‘Nagaraṃ rammavatī nāma, sunando nāma khattiyo;
суж̇аад̇аа наама ж̇анигаа, гон̣д̣ан̃н̃асса махзсино.
Sujātā nāma janikā, koṇḍaññassa mahesino.
30.
30.
‘‘бхад̣̇д̣̇о жзва субхад̣̇д̣̇о жа, ахзсум̣ аг̇г̇асаавагаа;
‘‘Bhaddo ceva subhaddo ca, ahesuṃ aggasāvakā;
ануруд̣̇д̇хо наамубадтааго, гон̣д̣ан̃н̃асса махзсино.
Anuruddho nāmupaṭṭhāko, koṇḍaññassa mahesino.
31.
31.
‘‘д̇иссаа жа убад̇иссаа жа, ахзсум̣ аг̇г̇асаавигаа;
‘‘Tissā ca upatissā ca, ahesuṃ aggasāvikā;
саалагаляаан̣иго б̣од̇хи, гон̣д̣ан̃н̃асса махзсино.
Sālakalyāṇiko bodhi, koṇḍaññassa mahesino.
33.
33.
‘‘со адтаасийд̇и хад̇т̇аани, ажжуг̇г̇ад̇о махаамуни;
‘‘So aṭṭhāsīti hatthāni, accuggato mahāmuni;
собхад̇з ул̣урааж̇аава, суурияо маж̇жханхигз яат̇аа.
Sobhate uḷurājāva, sūriyo majjhanhike yathā.
34.
34.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
35.
35.
‘‘кийн̣аасавзхи вималзхи, вижид̇д̇аа ааси мзд̣̇аний;
‘‘Khīṇāsavehi vimalehi, vicittā āsi medanī;
яат̇аа хи г̇аг̇анамул̣уубхи, звам̣ со убасобхат̇а.
Yathā hi gaganamuḷūbhi, evaṃ so upasobhatha.
36.
36.
‘‘д̇зби нааг̇аа аббамзяяаа, асан̇кобхаа д̣̇ураасад̣̇аа;
‘‘Tepi nāgā appameyyā, asaṅkhobhā durāsadā;
виж̇ж̇убаад̇ам̣ва д̣̇ассзд̇ваа, ниб̣б̣уд̇аа д̇з махааяасаа.
Vijjupātaṃva dassetvā, nibbutā te mahāyasā.
37.
37.
‘‘саа жа ад̇улияаа ж̇инасса ид̣̇д̇хи, н̃аан̣абарибхаавид̇о жа самаад̇хи;
‘‘Sā ca atuliyā jinassa iddhi, ñāṇaparibhāvito ca samādhi;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а саалагаляаан̣игод̇и саалагаляаан̣иругко, со б̣уд̣̇д̇хагаалз жзва жаггавад̇д̇игаалз жа ниб̣б̣ад̇д̇ад̇и, наан̃н̃ад̣̇аа. со згаахзнзва удтаад̇и гира. кийн̣аасавзхи вималзхи, вижид̇д̇аа ааси мзд̣̇анийд̇и аяам̣ мзд̣̇аний кийн̣аасавзхи згагаасаавабаж̇ж̇од̇аа вижид̇д̇аа барамад̣̇ассанийяаа ахоси. яат̇аа хийд̇и обаммад̇т̇з нибаад̇о. ул̣уубхийд̇и нагкад̇д̇зхи, д̇аарааг̇ан̣зхи г̇аг̇анад̇алам̣ вияа кийн̣аасавзхи вижид̇д̇аа аяам̣ мзд̣̇аний собхид̇т̇аад̇и ад̇т̇о.
Tattha sālakalyāṇikoti sālakalyāṇirukkho, so buddhakāle ceva cakkavattikāle ca nibbattati, nāññadā. So ekāheneva uṭṭhāti kira. Khīṇāsavehi vimalehi, vicittā āsi medanīti ayaṃ medanī khīṇāsavehi ekakāsāvapajjotā vicittā paramadassanīyā ahosi. Yathāhīti opammatthe nipāto. Uḷūbhīti nakkhattehi, tārāgaṇehi gaganatalaṃ viya khīṇāsavehi vicittā ayaṃ medanī sobhitthāti attho.
асан̇кобхаад̇и адтахи логад̇хаммзхи агкобхаа авигаараа. виж̇ж̇убаад̇ам̣ва д̣̇ассзд̇ваад̇и виж̇ж̇убаад̇ам̣ вияа д̣̇ассаяид̇ваа, ‘‘виж̇ж̇уббаад̇ам̣ваа’’д̇иби баато. гон̣д̣ан̃н̃аб̣уд̣̇д̇хасса гира гаалз бариниб̣б̣ааяамаанаа бхигкуу сад̇д̇ад̇аалаббамаан̣амаагаасамаб̣бхуг̇г̇анд̇ваа асид̇аж̇алад̇харавивараг̇ад̇аа виж̇ж̇улад̇аа вияа саманд̇ад̇о виж̇ж̇од̇амаанаа д̇зж̇од̇хаад̇ум̣ самаабаж̇ж̇ид̇ваа нирубаад̣̇аанаа д̣̇аханаа вияа бариниб̣б̣ааяим̣су. д̇зна вуд̇д̇ам̣ ‘‘виж̇ж̇убаад̇ам̣ва д̣̇ассзд̇ваа’’д̇и. ад̇улияаад̇и ад̇уляаа асад̣̇исаа. н̃аан̣абарибхаавид̇од̇и н̃аан̣зна вад̣дхид̇о. сзсаг̇аат̇аа хздтаа вуд̇д̇анаяад̇д̇аа уд̇д̇аанаа зваад̇и.
Asaṅkhobhāti aṭṭhahi lokadhammehi akkhobhā avikārā. Vijjupātaṃva dassetvāti vijjupātaṃ viya dassayitvā, ‘‘vijjuppātaṃvā’’tipi pāṭho. Koṇḍaññabuddhassa kira kāle parinibbāyamānā bhikkhū sattatālappamāṇamākāsamabbhuggantvā asitajaladharavivaragatā vijjulatā viya samantato vijjotamānā tejodhātuṃ samāpajjitvā nirupādānā dahanā viya parinibbāyiṃsu. Tena vuttaṃ ‘‘vijjupātaṃva dassetvā’’ti. Atuliyāti atulyā asadisā. Ñāṇaparibhāvitoti ñāṇena vaḍḍhito. Sesagāthā heṭṭhā vuttanayattā uttānā evāti.
‘‘гон̣д̣ан̃н̃о наама самб̣уд̣̇д̇хо, жанд̣̇аараамз манорамз;
‘‘Koṇḍañño nāma sambuddho, candārāme manorame;
ниб̣б̣ааяи жзд̇ияо д̇асса, сад̇д̇аяож̇аниго гад̇о.
Nibbāyi cetiyo tassa, sattayojaniko kato.
‘‘на хзва д̇хаад̇уяо д̇асса, сад̇т̇уно, вигирим̣су д̇аа;
‘‘Na heva dhātuyo tassa, satthuno, vikiriṃsu tā;
тид̇аа згагханаа худ̇ваа, суван̣н̣абадимаа вияа’’.
Ṭhitā ekaghanā hutvā, suvaṇṇapaṭimā viya’’.
сагалаж̇амб̣уд̣̇ийбаваасино мануссаа самааг̇анд̇ваа сад̇д̇аяож̇анигам̣ сад̇д̇арад̇анамаяам̣ харид̇ааламаносилааяа мад̇д̇игаагижжам̣ д̇зласаббийхи уд̣̇агагижжам̣ гад̇ваа нидтаабзсунд̇и.
Sakalajambudīpavāsino manussā samāgantvā sattayojanikaṃ sattaratanamayaṃ haritālamanosilāya mattikākiccaṃ telasappīhi udakakiccaṃ katvā niṭṭhāpesunti.
гон̣д̣ан̃н̃аб̣уд̣̇д̇хавам̣саван̣н̣анаа нидтид̇аа.
Koṇḍaññabuddhavaṃsavaṇṇanā niṭṭhitā.
нидтид̇о д̣̇уд̇ияо б̣уд̣̇д̇хавам̣со.
Niṭṭhito dutiyo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 4. гон̣д̣ан̃н̃аб̣уд̣̇д̇хавам̣со • 4. Koṇḍaññabuddhavaṃso
