| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. гон̣д̣ан̃н̃асуд̇д̇аван̣н̣анаа
9. Koṇḍaññasuttavaṇṇanā
217. навамз ан̃н̃аасигон̣д̣ан̃н̃од̇и батамам̣ д̇хаммасса ан̃н̃аад̇ад̇д̇аа звам̣ г̇ахид̇анаамо т̇зро. сужирассзваад̇и гийважирасса? д̣̇ваад̣̇асаннам̣ сам̣важчараанам̣. зд̇д̇агам̣ гаалам̣ гад̇т̇а вихаасийд̇и. чад̣̇д̣̇анд̇абхаванз манд̣̇аагинибогкаран̣ияаа д̇ийрз бажжзгаб̣уд̣̇д̇хаанам̣ васанадтаанз. гасмаа? вихаараг̇аруд̇ааяа. со хи бан̃н̃аваа махаасааваго. яат̇зва бхаг̇авад̇о, звамасса д̣̇асасахассажаггаваал̣з д̣̇звамануссаанам̣ аб̣бханд̇арз г̇ун̣аа бад̇т̇адаава. д̣̇звамануссаа д̇ат̇ааг̇ад̇асса санд̇игам̣ г̇анд̇ваа г̇анд̇хамаалаад̣̇ийхи бууж̇ам̣ гад̇ваа ‘‘аг̇г̇ад̇хаммам̣ бадивид̣̇д̇хасааваго’’д̇и ананд̇арам̣ т̇зрам̣ убасан̇гамид̇ваа бууж̇знд̇и. санд̇игам̣ ааг̇ад̇аанан̃жа наама д̇ат̇ааруубаа д̇хаммагат̇аа ваа бадисант̇ааро ваа гаад̇аб̣б̣о ход̇и. т̇зро жа вихаараг̇аруго, д̇знасса со бабан̃жо вияа убадтаад̇и. ид̇и вихаараг̇аруд̇ааяа д̇ад̇т̇а г̇анд̇ваа вихааси.
217. Navame aññāsikoṇḍaññoti paṭhamaṃ dhammassa aññātattā evaṃ gahitanāmo thero. Sucirassevāti kīvacirassa? Dvādasannaṃ saṃvaccharānaṃ. Ettakaṃ kālaṃ kattha vihāsīti. Chaddantabhavane mandākinipokkharaṇiyā tīre paccekabuddhānaṃ vasanaṭṭhāne. Kasmā? Vihāragarutāya. So hi paññavā mahāsāvako. Yatheva bhagavato, evamassa dasasahassacakkavāḷe devamanussānaṃ abbhantare guṇā patthaṭāva. Devamanussā tathāgatassa santikaṃ gantvā gandhamālādīhi pūjaṃ katvā ‘‘aggadhammaṃ paṭividdhasāvako’’ti anantaraṃ theraṃ upasaṅkamitvā pūjenti. Santikaṃ āgatānañca nāma tathārūpā dhammakathā vā paṭisanthāro vā kātabbo hoti. Thero ca vihāragaruko, tenassa so papañco viya upaṭṭhāti. Iti vihāragarutāya tattha gantvā vihāsi.
абарамби гааран̣ам̣ – бхигкаажааравзлааяам̣ д̇аава саб̣б̣асаавагаа вассаг̇г̇зна г̇ажчанд̇и. д̇хаммад̣̇зсанаагаалз бана маж̇жхадтаанз алан̇гад̇аб̣уд̣̇д̇хаасанамхи сад̇т̇ари нисиннз д̣̇агкин̣ахад̇т̇абассз д̇хаммасзнаабад̇и, ваамахад̇т̇абассз махаамог̇г̇аллаанад̇т̇зро нисийд̣̇ад̇и, д̇зсам̣ бидтибхааг̇з ан̃н̃аасигон̣д̣ан̃н̃ад̇т̇зрасса аасанам̣ бан̃н̃аабзнд̇и. сзсаа бхигкуу д̇ам̣ бариваарзд̇ваа нисийд̣̇анд̇и. д̣̇вз аг̇г̇асаавагаа аг̇г̇ад̇хаммабадивид̣̇д̇хад̇д̇аа жа махаллагад̇д̇аа жа т̇зрз саг̇аараваа т̇зрам̣ махааб̣рахмам̣ вияа аг̇г̇игканд̇хам̣ вияа аасийвисам̣ вияа жа ман̃н̃амаанаа д̇хураасанз нисийд̣̇анд̇аа од̇д̇аббанд̇и харааяанд̇и. т̇зро жинд̇зси – ‘‘имзхи д̇хураасанад̇т̇ааяа габбасад̇асахассаад̇хигам̣ асан̇кязяяам̣ баарамияо буурид̇аа, д̇з ид̣̇аани д̇хураасанз нисийд̣̇анд̇аа мама од̇д̇аббанд̇и харааяанд̇и, паасувихаарам̣ нзсам̣ гариссаамий’’д̇и. со бад̇ируубз гаалз д̇ат̇ааг̇ад̇ам̣ убасан̇гамид̇ваа ‘‘ижчаамахам̣, бханд̇з, ж̇анабад̣̇з васид̇у’’нд̇и ааха, сад̇т̇аа ануж̇аани.
Aparampi kāraṇaṃ – bhikkhācāravelāyaṃ tāva sabbasāvakā vassaggena gacchanti. Dhammadesanākāle pana majjhaṭṭhāne alaṅkatabuddhāsanamhi satthari nisinne dakkhiṇahatthapasse dhammasenāpati, vāmahatthapasse mahāmoggallānatthero nisīdati, tesaṃ piṭṭhibhāge aññāsikoṇḍaññattherassa āsanaṃ paññāpenti. Sesā bhikkhū taṃ parivāretvā nisīdanti. Dve aggasāvakā aggadhammapaṭividdhattā ca mahallakattā ca there sagāravā theraṃ mahābrahmaṃ viya aggikkhandhaṃ viya āsīvisaṃ viya ca maññamānā dhurāsane nisīdantā ottappanti harāyanti. Thero cintesi – ‘‘imehi dhurāsanatthāya kappasatasahassādhikaṃ asaṅkhyeyyaṃ pāramiyo pūritā, te idāni dhurāsane nisīdantā mama ottappanti harāyanti, phāsuvihāraṃ nesaṃ karissāmī’’ti. So patirūpe kāle tathāgataṃ upasaṅkamitvā ‘‘icchāmahaṃ, bhante, janapade vasitu’’nti āha, satthā anujāni.
т̇зро сзнаасанам̣ сам̣саамзд̇ваа бад̇д̇ажийварамаад̣̇ааяа чад̣̇д̣̇анд̇абхаванз манд̣̇аагинид̇ийрам̣ г̇ад̇о. буб̣б̣з бажжзгаб̣уд̣̇д̇хаанам̣ баарижарияааяа гад̇абарижаяаа адтасахассаа хад̇т̇инааг̇аа т̇зрам̣ д̣̇исваава ‘‘амхаагам̣ бун̃н̃агкзд̇д̇ам̣ ааг̇ад̇а’’нд̇и накзхи жан̇гаманам̣ нид̇д̇ин̣ам̣ гад̇ваа ааваран̣асаакаа харид̇ваа т̇зрасса васанадтаанам̣ бадиж̇аг̇г̇ид̇ваа вад̇д̇ам̣ гад̇ваа саб̣б̣з саннибад̇ид̇ваа манд̇аяим̣су – ‘‘сажз хи маяам̣ ‘аяам̣ т̇зрасса гад̇д̇аб̣б̣ам̣ гариссад̇и, аяам̣ гариссад̇ий’д̇и бадибаж̇ж̇иссаама, т̇зро б̣ахун̃аад̇игаг̇аамам̣ г̇ад̇о вияа яат̇аад̇ход̇знзва бад̇д̇зна г̇амиссад̇и, ваарзна нам̣ бадиж̇аг̇г̇иссаама, згасса бана ваарз бад̇д̇з сзсзхиби наббамаж̇ж̇ид̇аб̣б̣а’’нд̇и ваарам̣ табаяим̣су. ваариганааг̇о баад̇ова т̇зрасса мукод̣̇аган̃жа д̣̇анд̇агадтан̃жа табзд̇и, вад̇д̇ам̣ гарод̇и.
Thero senāsanaṃ saṃsāmetvā pattacīvaramādāya chaddantabhavane mandākinitīraṃ gato. Pubbe paccekabuddhānaṃ pāricariyāya kataparicayā aṭṭhasahassā hatthināgā theraṃ disvāva ‘‘amhākaṃ puññakkhettaṃ āgata’’nti nakhehi caṅkamanaṃ nittiṇaṃ katvā āvaraṇasākhā haritvā therassa vasanaṭṭhānaṃ paṭijaggitvā vattaṃ katvā sabbe sannipatitvā mantayiṃsu – ‘‘sace hi mayaṃ ‘ayaṃ therassa kattabbaṃ karissati, ayaṃ karissatī’ti paṭipajjissāma, thero bahuñātikagāmaṃ gato viya yathādhoteneva pattena gamissati, vārena naṃ paṭijaggissāma, ekassa pana vāre patte sesehipi nappamajjitabba’’nti vāraṃ ṭhapayiṃsu. Vārikanāgo pātova therassa mukhodakañca dantakaṭṭhañca ṭhapeti, vattaṃ karoti.
манд̣̇аагинибогкаран̣ий наама жзсаа бан̣н̣аасаяож̇анаа ход̇и. д̇ассаа бан̃жавийсад̇ияож̇анамад̇д̇з таанз сзваало ваа бан̣агам̣ ваа над̇т̇и, палигаван̣н̣ам̣ уд̣̇агамзва ход̇и. д̇ад̇о барам̣ бана гадиббамаан̣з уд̣̇агз ад̣дхаяож̇анавид̇т̇ад̇ам̣ сзсабад̣̇умаванам̣ бан̣н̣аасаяож̇анам̣ сарам̣ баригкибид̇ваа тид̇ам̣. д̇ад̣̇ананд̇арам̣ д̇аава маханд̇амзва рад̇д̇абад̣̇умаванам̣, д̇ад̣̇ананд̇арам̣ рад̇д̇агумуд̣̇аванам̣, д̇ад̣̇ананд̇арам̣ сзд̇агумуд̣̇аванам̣, д̇ад̣̇ананд̇арам̣ нийлуббалаванам̣, д̇ад̣̇ананд̇арам̣ рад̇д̇уббалаванам̣, д̇ад̣̇ананд̇арам̣ суг̇анд̇харад̇д̇асааливанам̣, д̇ад̣̇ананд̇арам̣ зл̣аалугалааб̣угумбхан̣д̣аад̣̇ийни мад̇хурарасаани валлипалаани, д̇ад̣̇ананд̇арам̣ ад̣дхаяож̇анавид̇т̇аарамзва ужчуванам̣, д̇ад̇т̇а бууг̇аругкагканд̇хаббамаан̣аа ужчуу, д̇ад̣̇ананд̇арам̣ гад̣̇аливанам̣, яад̇о д̣̇увз баггаани каад̣̇анд̇аа гиламанд̇и, д̇ад̣̇ананд̇арам̣ жаадиббамаан̣апалам̣ банасаванам̣, д̇ад̣̇ананд̇арам̣ ж̇амб̣уванам̣, д̇ад̣̇ананд̇арам̣ амб̣аванам̣, д̇ад̣̇ананд̇арам̣ габид̇т̇авананд̇и. сан̇кзбад̇о д̇асмим̣ д̣̇ахз каад̣̇ид̇аб̣б̣аяуд̇д̇агам̣ палам̣ наама над̇т̇ийд̇и на вад̇д̇аб̣б̣ам̣. гусумаанам̣ бубпанасамаяз ваад̇о рзн̣уваддим̣ удтаабзд̇ваа бад̣̇уминибад̇д̇зсу табзд̇и, д̇ад̇т̇а уд̣̇агапусид̇аани бад̇анд̇и. д̇ад̇о аад̣̇ижжабаагзна бажжид̇ваа баггабаяогханигаа вияа д̇идтад̇и, зд̇ам̣ богкарамад̇ху наама , д̇ам̣ т̇зрасса аахарид̇ваа д̣̇знд̇и. мул̣аалам̣ нан̇г̇аласийсамад̇д̇ам̣ ход̇и, д̇амби аахарид̇ваа д̣̇знд̇и. бхисам̣ махаабхзрибогкараббамаан̣ам̣ ход̇и, д̇асса згасмим̣ баб̣б̣з баад̣̇агхадагаббамаан̣ам̣ кийрам̣ ход̇и, д̇ам̣ аахарид̇ваа д̣̇знд̇и. богкарадтийни мад̇хусагкарааяа яож̇зд̇ваа д̣̇знд̇и. ужчум̣ баасаан̣абидтз табзд̇ваа баад̣̇зна аггаманд̇и. д̇ад̇о расо баг̇гхарид̇ваа сон̣д̣иааваадз буурзд̇ваа, аад̣̇ижжабаагзна бажжид̇ваа кийрабаасаан̣абин̣д̣о вияа д̇идтад̇и, д̇ам̣ аахарид̇ваа д̣̇знд̇и. банасагад̣̇алиамб̣абаггаад̣̇ийсу гат̇аава над̇т̇и.
Mandākinipokkharaṇī nāma cesā paṇṇāsayojanā hoti. Tassā pañcavīsatiyojanamatte ṭhāne sevālo vā paṇakaṃ vā natthi, phalikavaṇṇaṃ udakameva hoti. Tato paraṃ pana kaṭippamāṇe udake aḍḍhayojanavitthataṃ sesapadumavanaṃ paṇṇāsayojanaṃ saraṃ parikkhipitvā ṭhitaṃ. Tadanantaraṃ tāva mahantameva rattapadumavanaṃ, tadanantaraṃ rattakumudavanaṃ, tadanantaraṃ setakumudavanaṃ, tadanantaraṃ nīluppalavanaṃ, tadanantaraṃ rattuppalavanaṃ, tadanantaraṃ sugandharattasālivanaṃ, tadanantaraṃ eḷālukalābukumbhaṇḍādīni madhurarasāni valliphalāni, tadanantaraṃ aḍḍhayojanavitthārameva ucchuvanaṃ, tattha pūgarukkhakkhandhappamāṇā ucchū, tadanantaraṃ kadalivanaṃ, yato duve pakkāni khādantā kilamanti, tadanantaraṃ cāṭippamāṇaphalaṃ panasavanaṃ, tadanantaraṃ jambuvanaṃ, tadanantaraṃ ambavanaṃ, tadanantaraṃ kapitthavananti. Saṅkhepato tasmiṃ dahe khāditabbayuttakaṃ phalaṃ nāma natthīti na vattabbaṃ. Kusumānaṃ pupphanasamaye vāto reṇuvaṭṭiṃ uṭṭhāpetvā paduminipattesu ṭhapeti, tattha udakaphusitāni patanti. Tato ādiccapākena paccitvā pakkapayoghanikā viya tiṭṭhati, etaṃ pokkharamadhu nāma , taṃ therassa āharitvā denti. Muḷālaṃ naṅgalasīsamattaṃ hoti, tampi āharitvā denti. Bhisaṃ mahābheripokkharappamāṇaṃ hoti, tassa ekasmiṃ pabbe pādaghaṭakappamāṇaṃ khīraṃ hoti, taṃ āharitvā denti. Pokkharaṭṭhīni madhusakkharāya yojetvā denti. Ucchuṃ pāsāṇapiṭṭhe ṭhapetvā pādena akkamanti. Tato raso paggharitvā soṇḍiāvāṭe pūretvā, ādiccapākena paccitvā khīrapāsāṇapiṇḍo viya tiṭṭhati, taṃ āharitvā denti. Panasakadaliambapakkādīsu kathāva natthi.
гзлаасабаб̣б̣ад̇з нааг̇ад̣̇ад̇д̇о наама д̣̇звабуд̇д̇о васад̇и. т̇зро гаалзна гаалам̣ д̇асса вимаанад̣̇ваарам̣ г̇ажчад̇и. со навасаббибогкарамад̇хужун̣н̣аяуд̇д̇асса нируд̣̇агабааяаасасса бад̇д̇ам̣ буурзд̇ваа д̣̇зд̇и. со гира гассабаб̣уд̣̇д̇хагаалз вийсад̇ивассасахассаани суг̇анд̇хасаббинаа кийрасалаагам̣ ад̣̇ааси. д̇знассзд̇ам̣ бхож̇анам̣ уббаж̇ж̇ад̇и. звам̣ т̇зро д̣̇ваад̣̇аса вассаани васид̇ваа ад̇д̇ано ааяусан̇каарам̣ ологзнд̇о баригкийн̣абхаавам̣ н̃ад̇ваа ‘‘гад̇т̇а бариниб̣б̣ааяиссаамий’’д̇и жинд̇зд̇ваа – ‘‘хад̇т̇инааг̇зхи мам̣ д̣̇ваад̣̇аса вассаани убадтаханд̇зхи д̣̇уггарам̣ гад̇ам̣, сад̇т̇аарам̣ ануж̇аанаабзд̇ваа зд̇зсам̣язва санд̇игз бариниб̣б̣ааяиссаамий’’д̇и аагаасзна бхаг̇авад̇о санд̇игам̣ аг̇амааси. д̇зна вуд̇д̇ам̣ ‘‘сужирассзва язна бхаг̇аваа д̇знубасан̇гамий’’д̇и.
Kelāsapabbate nāgadatto nāma devaputto vasati. Thero kālena kālaṃ tassa vimānadvāraṃ gacchati. So navasappipokkharamadhucuṇṇayuttassa nirudakapāyāsassa pattaṃ pūretvā deti. So kira kassapabuddhakāle vīsativassasahassāni sugandhasappinā khīrasalākaṃ adāsi. Tenassetaṃ bhojanaṃ uppajjati. Evaṃ thero dvādasa vassāni vasitvā attano āyusaṅkhāraṃ olokento parikkhīṇabhāvaṃ ñatvā ‘‘kattha parinibbāyissāmī’’ti cintetvā – ‘‘hatthināgehi maṃ dvādasa vassāni upaṭṭhahantehi dukkaraṃ kataṃ, satthāraṃ anujānāpetvā etesaṃyeva santike parinibbāyissāmī’’ti ākāsena bhagavato santikaṃ agamāsi. Tena vuttaṃ ‘‘sucirasseva yena bhagavā tenupasaṅkamī’’ti.
нааман̃жаад̇и гасмаа наамам̣ саавзд̇и? т̇зран̃хи гзжи сан̃ж̇аананд̇и, гзжи на сан̃ж̇аананд̇и. д̇ад̇т̇а т̇зро жинд̇зси – ‘‘яз мам̣ аж̇аананд̇аа ‘го зса бан̣д̣арасийсо обхаг̇г̇о г̇обаанасиван̇го махаллаго сад̇т̇аараа сад̣̇д̇хим̣ бадисант̇аарам̣ гарод̇ий’д̇и жид̇д̇ам̣ бад̣̇уусзссанд̇и, д̇з абааяабуурагаа бхависсанд̇и. яз бана мам̣ ж̇аананд̇аа – ‘д̣̇асасахассажаггаваал̣з сад̇т̇аа вияа бан̃н̃аад̇о баагадо махаасааваго’д̇и жид̇д̇ам̣ басаад̣̇зссанд̇и, д̇з саг̇г̇уубаг̇аа бхависсанд̇ий’’д̇и, сад̇д̇аанам̣ абааяамаг̇г̇ам̣ бид̣̇ахид̇ваа саг̇г̇амаг̇г̇ам̣ виваранд̇о наамам̣ саавзд̇и.
Nāmañcāti kasmā nāmaṃ sāveti? Therañhi keci sañjānanti, keci na sañjānanti. Tattha thero cintesi – ‘‘ye maṃ ajānantā ‘ko esa paṇḍarasīso obhaggo gopānasivaṅko mahallako satthārā saddhiṃ paṭisanthāraṃ karotī’ti cittaṃ padūsessanti, te apāyapūrakā bhavissanti. Ye pana maṃ jānantā – ‘dasasahassacakkavāḷe satthā viya paññāto pākaṭo mahāsāvako’ti cittaṃ pasādessanti, te saggūpagā bhavissantī’’ti, sattānaṃ apāyamaggaṃ pidahitvā saggamaggaṃ vivaranto nāmaṃ sāveti.
б̣уд̣̇д̇хаануб̣уд̣̇д̇ход̇и батамам̣ сад̇т̇аа жад̇д̇аари сажжаани б̣уж̇жхи, бажчаа т̇зро, д̇асмаа б̣уд̣̇д̇хаануб̣уд̣̇д̇ход̇и, вужжад̇и. д̇иб̣б̣аниггамод̇и б̣аал̣хавийрияо. вивзгаананд̇и д̇ин̣н̣ам̣ вивзгаанам̣. д̇звиж̇ж̇о, жзд̇обарияааяаговид̣̇од̇и часу абхин̃н̃аасу жад̇ассо вад̣̇ад̇и. ид̇араа д̣̇вз гин̃жааби на вуд̇д̇аа, т̇зро бана чал̣абхин̃н̃ова. имиссаа жа г̇аат̇ааяа барияосаанз барисаа саннисийд̣̇и. барисааяа саннисиннабхаавам̣ н̃ад̇ваа т̇зро сад̇т̇аараа сад̣̇д̇хим̣ бадисант̇аарам̣ гад̇ваа ‘‘баригкийн̣аа мз, бханд̇з, ааяусан̇каараа, бариниб̣б̣ааяиссаамий’’д̇и, бариниб̣б̣аанагаалам̣ ануж̇аанаабзси . гад̇т̇а бариниб̣б̣ааяиссаси гон̣д̣ан̃н̃аад̇и? убадтаагзхи мз, бханд̇з, хад̇т̇инааг̇зхи д̣̇уггарам̣ гад̇ам̣, д̇зсам̣ санд̇игзд̇и. сад̇т̇аа ануж̇аани.
Buddhānubuddhoti paṭhamaṃ satthā cattāri saccāni bujjhi, pacchā thero, tasmā buddhānubuddhoti, vuccati. Tibbanikkamoti bāḷhavīriyo. Vivekānanti tiṇṇaṃ vivekānaṃ. Tevijjo, cetopariyāyakovidoti chasu abhiññāsu catasso vadati. Itarā dve kiñcāpi na vuttā, thero pana chaḷabhiññova. Imissā ca gāthāya pariyosāne parisā sannisīdi. Parisāya sannisinnabhāvaṃ ñatvā thero satthārā saddhiṃ paṭisanthāraṃ katvā ‘‘parikkhīṇā me, bhante, āyusaṅkhārā, parinibbāyissāmī’’ti, parinibbānakālaṃ anujānāpesi . Kattha parinibbāyissasi koṇḍaññāti? Upaṭṭhākehi me, bhante, hatthināgehi dukkaraṃ kataṃ, tesaṃ santiketi. Satthā anujāni.
т̇зро д̣̇асаб̣алам̣ бад̣̇агкин̣ам̣ гад̇ваа – ‘‘буб̣б̣ам̣ д̇ам̣ мз, бханд̇з, батамад̣̇ассанам̣, ид̣̇ам̣ бажчимад̣̇ассана’’нд̇и барид̣̇званд̇з махааж̇анз сад̇т̇аарам̣ ванд̣̇ид̇ваа нигкамид̇ваа, д̣̇ваарагодтагз тид̇о – ‘‘маа сожид̇т̇а, маа барид̣̇звид̇т̇а, б̣уд̣̇д̇хаа ваа хонд̇у б̣уд̣̇д̇хасаавагаа ваа, уббаннаа сан̇каараа абхиж̇ж̇анагаа наама над̇т̇ий’’д̇и махааж̇анам̣ овад̣̇ид̇ваа бассанд̇ассзва махааж̇анасса взхаасам̣ аб̣бхуг̇г̇амма манд̣̇аагинид̇ийрз од̇арид̇ваа богкаран̣ияам̣ нхад̇ваа нивад̇т̇аниваасано гад̇уд̇д̇араасан̇г̇о сзнаасанам̣ сам̣саамзд̇ваа паласамаабад̇д̇ияаа д̇аяо яаамз вийд̇инаамзд̇ваа б̣алавабажжуусасамаяз бариниб̣б̣ааяи. т̇зрасса сахабариниб̣б̣аанаа химавад̇и саб̣б̣аругкаа бубпзхи жа палзхи жа онад̇авинад̇аа ахзсум̣. ваариганааг̇о т̇зрасса бариниб̣б̣уд̇абхаавам̣ аж̇аананд̇о баад̇ова мукод̣̇агад̣̇анд̇агадтаани убадтабзд̇ваа вад̇д̇ам̣ гад̇ваа каад̣̇анийяапалаани аахарид̇ваа жан̇гаманагодияам̣ адтааси. со яаава суурияуг̇г̇аманаа т̇зрасса нигкаманам̣ абассанд̇о ‘‘гим̣ ну ко зд̇ам̣? буб̣б̣з аяяо баад̇ова жан̇гамад̇и, мукам̣ д̇ховад̇и. аж̇ж̇а бана бан̣н̣асаалад̇оби на нигкамад̇ий’’д̇и гудид̣̇ваарам̣ гамбзд̇ваа ологзнд̇о т̇зрам̣ нисиннагамзва д̣̇исваа хад̇т̇ам̣ басаарзд̇ваа бараамасид̇ваа ассаасабассаасз бариязсанд̇о д̇зсам̣ аббавад̇д̇ибхаавам̣ н̃ад̇ваа – ‘‘бариниб̣б̣уд̇о т̇зро’’д̇и сон̣д̣ам̣ мукз багкибид̇ваа махааравам̣ вирави. сагалахимаванд̇о зганиннаад̣̇о ахоси. адтанааг̇асахассаани саннибад̇ид̇ваа т̇зрам̣ ж̇здтаганааг̇асса гумбхз нисийд̣̇аабзд̇ваа субубпид̇аругкасаакаа г̇ахзд̇ваа бариваарзд̇ваа сагалахимаванд̇ам̣ анувижарид̇ваа сагадтаанамзва ааг̇ад̇аа.
Thero dasabalaṃ padakkhiṇaṃ katvā – ‘‘pubbaṃ taṃ me, bhante, paṭhamadassanaṃ, idaṃ pacchimadassana’’nti paridevante mahājane satthāraṃ vanditvā nikkhamitvā, dvārakoṭṭhake ṭhito – ‘‘mā socittha, mā paridevittha, buddhā vā hontu buddhasāvakā vā, uppannā saṅkhārā abhijjanakā nāma natthī’’ti mahājanaṃ ovaditvā passantasseva mahājanassa vehāsaṃ abbhuggamma mandākinitīre otaritvā pokkharaṇiyaṃ nhatvā nivatthanivāsano katuttarāsaṅgo senāsanaṃ saṃsāmetvā phalasamāpattiyā tayo yāme vītināmetvā balavapaccūsasamaye parinibbāyi. Therassa sahaparinibbānā himavati sabbarukkhā pupphehi ca phalehi ca onatavinatā ahesuṃ. Vārikanāgo therassa parinibbutabhāvaṃ ajānanto pātova mukhodakadantakaṭṭhāni upaṭṭhapetvā vattaṃ katvā khādanīyaphalāni āharitvā caṅkamanakoṭiyaṃ aṭṭhāsi. So yāva sūriyuggamanā therassa nikkhamanaṃ apassanto ‘‘kiṃ nu kho etaṃ? Pubbe ayyo pātova caṅkamati, mukhaṃ dhovati. Ajja pana paṇṇasālatopi na nikkhamatī’’ti kuṭidvāraṃ kampetvā olokento theraṃ nisinnakameva disvā hatthaṃ pasāretvā parāmasitvā assāsapassāse pariyesanto tesaṃ appavattibhāvaṃ ñatvā – ‘‘parinibbuto thero’’ti soṇḍaṃ mukhe pakkhipitvā mahāravaṃ viravi. Sakalahimavanto ekaninnādo ahosi. Aṭṭhanāgasahassāni sannipatitvā theraṃ jeṭṭhakanāgassa kumbhe nisīdāpetvā supupphitarukkhasākhā gahetvā parivāretvā sakalahimavantaṃ anuvicaritvā sakaṭṭhānameva āgatā.
сагго виссагаммам̣ ааманд̇зси – ‘‘д̇аад̇а, амхаагам̣ ж̇здтабхаад̇аа бариниб̣б̣уд̇о, саггаарам̣ гариссаама, наваяож̇анигам̣ саб̣б̣арад̇анамаяам̣ гуудааг̇аарам̣ маабзхий’’д̇и. со д̇ат̇аа гад̇ваа т̇зрам̣ д̇ад̇т̇а нибаж̇ж̇аабзд̇ваа хад̇т̇инааг̇аанам̣ ад̣̇ааси. д̇з гуудааг̇аарам̣ угкибид̇ваа д̇ияож̇анасахассам̣ химаванд̇ам̣ бунаббунам̣ аавиж̇жхим̣су . д̇зсам̣ хад̇т̇ад̇о аагаасадтагаа д̣̇зваа г̇ахзд̇ваа саад̇хугийл̣ид̇ам̣ гийл̣им̣су. д̇ад̇о вассавалаахагаа сийд̇авалаахагаа ун̣хавалаахагаа жаад̇умахаарааж̇игаа д̇аавад̇им̣саад̇и зд̇знубааязна яаава б̣рахмалогаа гуудааг̇аарам̣ аг̇амааси, буна б̣рахмаано д̣̇зваананд̇и анубуб̣б̣зна хад̇т̇инааг̇аанам̣язва гуудааг̇аарам̣ ад̣̇ам̣су. згзгаа д̣̇звад̇аа жад̇уран̇г̇уламад̇д̇ам̣ жанд̣̇анагхадигам̣ аахари, жид̇аго наваяож̇аниго ахоси. гуудааг̇аарам̣ жид̇агам̣ ааробаяим̣су. бан̃жа бхигкусад̇аани аагаасзнааг̇анд̇ваа саб̣б̣арад̇д̇им̣ саж̇жхааяамагам̣су. ануруд̣̇д̇хад̇т̇зро д̇хаммам̣ гат̇зси, б̣ахуунам̣ д̣̇звад̇аанам̣ д̇хаммаабхисамаяо ахоси. бунад̣̇ивасз арун̣уг̇г̇аманавзлааяамзва жид̇агам̣ ниб̣б̣аабзд̇ваа суманамагул̣аван̣н̣аанам̣ д̇хаад̇уунам̣ барисааванам̣ буурзд̇ваа бхаг̇авад̇и нигкамид̇ваа взл̣уванавихаарагодтагам̣ самбад̇д̇з аахарид̇ваа сад̇т̇у хад̇т̇з табаяим̣су. сад̇т̇аа д̇хаад̇убарисааванам̣ г̇ахзд̇ваа бат̇авияаа хад̇т̇ам̣ басаарзси, махаабат̇авим̣ бхинд̣̇ид̇ваа раж̇ад̇аб̣уб̣б̣ул̣асад̣̇исам̣ жзд̇ияам̣ нигками. сад̇т̇аа сахад̇т̇зна жзд̇ияз д̇хаад̇уяо нид̇хзси. аж̇ж̇ааби гира д̇ам̣ жзд̇ияам̣ д̇харад̇иязваад̇и. навамам̣.
Sakko vissakammaṃ āmantesi – ‘‘tāta, amhākaṃ jeṭṭhabhātā parinibbuto, sakkāraṃ karissāma, navayojanikaṃ sabbaratanamayaṃ kūṭāgāraṃ māpehī’’ti. So tathā katvā theraṃ tattha nipajjāpetvā hatthināgānaṃ adāsi. Te kūṭāgāraṃ ukkhipitvā tiyojanasahassaṃ himavantaṃ punappunaṃ āvijjhiṃsu . Tesaṃ hatthato ākāsaṭṭhakā devā gahetvā sādhukīḷitaṃ kīḷiṃsu. Tato vassavalāhakā sītavalāhakā uṇhavalāhakā cātumahārājikā tāvatiṃsāti etenupāyena yāva brahmalokā kūṭāgāraṃ agamāsi, puna brahmāno devānanti anupubbena hatthināgānaṃyeva kūṭāgāraṃ adaṃsu. Ekekā devatā caturaṅgulamattaṃ candanaghaṭikaṃ āhari, citako navayojaniko ahosi. Kūṭāgāraṃ citakaṃ āropayiṃsu. Pañca bhikkhusatāni ākāsenāgantvā sabbarattiṃ sajjhāyamakaṃsu. Anuruddhatthero dhammaṃ kathesi, bahūnaṃ devatānaṃ dhammābhisamayo ahosi. Punadivase aruṇuggamanavelāyameva citakaṃ nibbāpetvā sumanamakuḷavaṇṇānaṃ dhātūnaṃ parisāvanaṃ pūretvā bhagavati nikkhamitvā veḷuvanavihārakoṭṭhakaṃ sampatte āharitvā satthu hatthe ṭhapayiṃsu. Satthā dhātuparisāvanaṃ gahetvā pathaviyā hatthaṃ pasāresi, mahāpathaviṃ bhinditvā rajatabubbuḷasadisaṃ cetiyaṃ nikkhami. Satthā sahatthena cetiye dhātuyo nidhesi. Ajjāpi kira taṃ cetiyaṃ dharatiyevāti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. гон̣д̣ан̃н̃асуд̇д̇ам̣ • 9. Koṇḍaññasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гон̣д̣ан̃н̃асуд̇д̇аван̣н̣анаа • 9. Koṇḍaññasuttavaṇṇanā
