| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਕੋਣ੍ਡਞ੍ਞਸੁਤ੍ਤવਣ੍ਣਨਾ
9. Koṇḍaññasuttavaṇṇanā
੨੧੭. ਏવਂਗਹਿਤਨਾਮੋਤਿ ‘‘ਅਞ੍ਞਾਸਿ વਤ, ਭੋ, ਕੋਣ੍ਡਞ੍ਞੋ’’ਤਿ ਸਤ੍ਥੁ વਚਨਂ ਨਿਸ੍ਸਾਯ ਭਿਕ੍ਖੂਹਿ ਅਞ੍ਞੇਹਿ ਕੋਣ੍ਡਞ੍ਞਨਾਮਕੇਹਿ વਿਸੇਸਨਤ੍ਥਂ ਏવਂਗਹਿਤਨਾਮੋ। ਦ੍વਾਦਸਨ੍ਨਂ ਸਂવਚ੍ਛਰਾਨਂ વਸੇਨ ਚਿਰਸ੍ਸਂ। ਛਦ੍ਦਨ੍ਤਭવਨੇਤਿ ਛਦ੍ਦਨ੍ਤਨਾਗਰਾਜਭવਨਟ੍ਠਾਨੇ। ਪਞ੍ਞવਾ ਮਹਾਸਾવਕੋ ਰਤ੍ਤਞ੍ਞੁਤਾਯ। ‘‘ਦਸਸਹਸ੍ਸਚਕ੍ਕવਾਲ਼ੇ ਦੇવਮਨੁਸ੍ਸਾਨਨ੍ਤਿ ਦਸਸਹਸ੍ਸਚਕ੍ਕવਾਲ਼ੇ ਦੇવਾਨਂ, ਇਮਸ੍ਮਿਂ ਚਕ੍ਕવਾਲ਼ੇ ਦੇવਮਨੁਸ੍ਸਾਨਞ੍ਚਾਤਿ ਏવਂ ਦਸਸਹਸ੍ਸਚਕ੍ਕવਾਲ਼ੇ ਦੇવਮਨੁਸ੍ਸਾਨ’’ਨ੍ਤਿ વਦਨ੍ਤਿ। ਅਗ੍ਗਨ੍ਤਿਆਦਿਤੋ। ਤਤ੍ਥਾਤਿ ਮਨ੍ਦਾਕਿਨਿਤੀਰੇ।
217.Evaṃgahitanāmoti ‘‘aññāsi vata, bho, koṇḍañño’’ti satthu vacanaṃ nissāya bhikkhūhi aññehi koṇḍaññanāmakehi visesanatthaṃ evaṃgahitanāmo. Dvādasannaṃ saṃvaccharānaṃ vasena cirassaṃ. Chaddantabhavaneti chaddantanāgarājabhavanaṭṭhāne. Paññavā mahāsāvako rattaññutāya. ‘‘Dasasahassacakkavāḷe devamanussānanti dasasahassacakkavāḷe devānaṃ, imasmiṃ cakkavāḷe devamanussānañcāti evaṃ dasasahassacakkavāḷe devamanussāna’’nti vadanti. Aggantiādito. Tatthāti mandākinitīre.
વਸ੍ਸਗ੍ਗੇਨਾਤਿ વਸ੍ਸਪਟਿਪਾਟਿਯਾ। ਤਨ੍ਤਿ ਅਞ੍ਞਾਸਿਕੋਣ੍ਡਞ੍ਞਤ੍ਥੇਰਂ। ਮਹਾਬ੍ਰਹ੍ਮਾਨਂ વਿਯ ਲੋਕਿਯਮਨੁਸ੍ਸਾ ਹਰਾਯਨ੍ਤਿ। ਪਾਮੋਕ੍ਖਭੂਤੋ ਆਯਸ੍ਮਾ ਥੇਰੋ ਅਨ੍ਤਰਨ੍ਤਰਾ ਤਤ੍ਥ ਤਤ੍ਥ ਜਨਪਦੇ વਸਿਤ੍વਾ ਤਦਨੁਕ੍ਕਮੇਨ ਮਨ੍ਦਾਕਿਨਿਤੀਰਂ ਉਪਗਤੋ, ਤਸ੍ਮਾ વੁਤ੍ਤਂ – ‘‘ਇਚ੍ਛਾਮਹਂ, ਭਨ੍ਤੇ, ਜਨਪਦੇ વਸਿਤੁ’’ਨ੍ਤਿ।
Vassaggenāti vassapaṭipāṭiyā. Tanti aññāsikoṇḍaññattheraṃ. Mahābrahmānaṃ viya lokiyamanussā harāyanti. Pāmokkhabhūto āyasmā thero antarantarā tattha tattha janapade vasitvā tadanukkamena mandākinitīraṃ upagato, tasmā vuttaṃ – ‘‘icchāmahaṃ, bhante, janapade vasitu’’nti.
ਆਨੁਭਾવਸਮ੍ਪਨ੍ਨਾ ਦਿਬ੍ਬਾਯੁਕਾ ਤੇ ਹਤ੍ਥਿਨਾਗਾਤਿ વੁਤ੍ਤਂ ‘‘ਪੁਬ੍ਬੇ ਪਚ੍ਚੇਕਬੁਦ੍ਧਾਨਂ ਪਾਰਿਚਰਿਯਾਯ ਕਤਪਰਿਚਯਾ’’ਤਿ। ਥੇਰਸ੍ਸ ਸਞ੍ਚਰਣਟ੍ਠਾਨੇ ਆવਰਣਸਾਖਾ ਹਰਿਤ੍વਾ ਅਪਨੇਤ੍વਾ। ਮੁਖੋਦਕਞ੍ਚੇવ ਦਨ੍ਤਕਟ੍ਠਞ੍ਚ ਠਪੇਤੀਤਿ ਸਲ਼ਲਦੇવਦਾਰੁਕਟ੍ਠਾਦੀਨਿ ਅਞ੍ਞਮਞ੍ਞਂ ਘਂਸਿਤ੍વਾ ਅਗ੍ਗਿਂ ਨਿਬ੍ਬਤ੍ਤੇਤ੍વਾ ਜਾਲੇਤ੍વਾ ਤਤ੍ਥ ਪਾਸਾਣਖਣ੍ਡਾਨਿ ਤਾਪੇਤ੍વਾ ਤਾਨਿ ਦਣ੍ਡਕੇਹਿ વਟ੍ਟੇਤ੍વਾ ਤਲ਼ਾਕਾਸੁ ਉਦਕਸੋਣ੍ਡੀਸੁ ਖਿਪਿਤ੍વਾ ਉਦਕਸ੍ਸ ਤਤ੍ਤਭਾવਂ ਞਤ੍વਾ ਨਾਗਲਤਾਦਨ੍ਤਕਟ੍ਠਂ ਉਪਨੇਨ੍ਤੋ ਮੁਖੋਦਕਞ੍ਚ ਠਪੇਤਿ। વਤ੍ਤਂ ਕਰੋਤੀਤਿ ਅਨ੍ਤੋਕੁਟਿਯਾ ਬਹਿ ਚ ਪਮੁਖੇਪਿ ਅਙ੍ਗਣੇਪਿ ਸਾਖਾਭਙ੍ਗੇਹਿ ਸਮ੍ਮਜ੍ਜਨ੍ਤੋ વਕ੍ਖਮਾਨਨਯੇਨ ਆਹਾਰਂ ਉਪਨੇਨ੍ਤੋ વਤ੍ਤਂ ਕਰੋਤਿ।
Ānubhāvasampannā dibbāyukā te hatthināgāti vuttaṃ ‘‘pubbe paccekabuddhānaṃ pāricariyāya kataparicayā’’ti. Therassa sañcaraṇaṭṭhāne āvaraṇasākhā haritvā apanetvā. Mukhodakañceva dantakaṭṭhañca ṭhapetīti saḷaladevadārukaṭṭhādīni aññamaññaṃ ghaṃsitvā aggiṃ nibbattetvā jāletvā tattha pāsāṇakhaṇḍāni tāpetvā tāni daṇḍakehi vaṭṭetvā taḷākāsu udakasoṇḍīsu khipitvā udakassa tattabhāvaṃ ñatvā nāgalatādantakaṭṭhaṃ upanento mukhodakañca ṭhapeti. Vattaṃ karotīti antokuṭiyā bahi ca pamukhepi aṅgaṇepi sākhābhaṅgehi sammajjanto vakkhamānanayena āhāraṃ upanento vattaṃ karoti.
ਪਤਿਟ੍ਠਪ੍ਪਮਾਣੇਤਿ ਕਟਿਪ੍ਪਮਾਣੇ, ਅਯਮੇવ વਾ ਪਾਠੋ ਤਾવ ਮਹਨ੍ਤਮੇવਾਤਿ ਯਾવ ਮਹਨ੍ਤਂ ਸੇਤਪਦੁਮવਨਂ , ਤਾવ ਮਹਨ੍ਤਮੇવ। ਏਸੇવ ਨਯੋ ਰਤ੍ਤਕੁਮੁਦવਨਾਦੀਸੁ। ਖਾਦਨ੍ਤਾ ਮਨੁਸ੍ਸਾ। ਪਕ੍ਕਪਯੋਘਨਿਕਾ વਿਯਾਤਿ ਸੁਪਕ੍ਕਪਯੋਘਨਂ વਿਯ। ਘਨਭਾવੇਨ ਪਨ ਪਕ੍ਖਿਤ੍ਤਖੁਦ੍ਦਮਧੁ વਿਯ ਹੋਤਿ। ਤੇਨਾਹ ‘‘ਏਤਂ ਪੋਕ੍ਖਰਮਧੁ ਨਾਮਾ’’ਤਿ। ਮੁਲ਼ਾਲਨ੍ਤਿ ਸੇਤਪਦੁਮਾਨਂ ਮੂਲਂ। ਭਿਸਨ੍ਤਿ ਤੇਸਂਯੇવ ਕਨ੍ਦਂ। ਏਕਸ੍ਮਿਂ ਪਬ੍ਬੇਤਿ ਏਕੇਕਸ੍ਮਿਂ ਪਬ੍ਬਨ੍ਤਰੇ। ਪਾਦਘਟਕਨ੍ਤਿ ਦੋਣਸ੍ਸ ਚਤੁਭਾਗੋ ਸਣ੍ਠਾਨਤੋ ਖੁਦ੍ਦਕੋ, ਤਸ੍ਮਾ ਪਾਦਘਟਕਪ੍ਪਮਾਣਨ੍ਤਿ ਤੁਮ੍ਬਮਤ੍ਤਂ। ਸੋਣ੍ਡਿਆવਾਟੇਤਿ ਖੁਦ੍ਦਕਸੋਣ੍ਡਿਯੋ ਚੇવ ਖੁਦ੍ਦਕਆવਾਟੇ ਚ।
Patiṭṭhappamāṇeti kaṭippamāṇe, ayameva vā pāṭho tāva mahantamevāti yāva mahantaṃ setapadumavanaṃ , tāva mahantameva. Eseva nayo rattakumudavanādīsu. Khādantā manussā. Pakkapayoghanikā viyāti supakkapayoghanaṃ viya. Ghanabhāvena pana pakkhittakhuddamadhu viya hoti. Tenāha ‘‘etaṃ pokkharamadhu nāmā’’ti. Muḷālanti setapadumānaṃ mūlaṃ. Bhisanti tesaṃyeva kandaṃ. Ekasmiṃ pabbeti ekekasmiṃ pabbantare. Pādaghaṭakanti doṇassa catubhāgo saṇṭhānato khuddako, tasmā pādaghaṭakappamāṇanti tumbamattaṃ. Soṇḍiāvāṭeti khuddakasoṇḍiyo ceva khuddakaāvāṭe ca.
ਏਤਂ ਭੋਜਨਨ੍ਤਿ ਯਥਾવੁਤ੍ਤਂ ਨਿਰੁਦਕਪਾਯਸਭੋਜਨਂ। ਕੇਚਿ ਸਞ੍ਜਾਨਨ੍ਤਿ ਯੇ ਥੇਰਾ વੁਡ੍ਢਤਰਾ। ਕੇਚਿ ਨ ਸਞ੍ਜਾਨਨ੍ਤਿ ਯੇ ਨવਾ ਅਚਿਰਪਬ੍ਬਜਿਤਾ।
Etaṃ bhojananti yathāvuttaṃ nirudakapāyasabhojanaṃ. Keci sañjānanti ye therā vuḍḍhatarā. Keci na sañjānanti ye navā acirapabbajitā.
ਬੁਦ੍ਧਾਨੁਬੁਦ੍ਧੋਤਿ ਬੁਦ੍ਧਸ੍ਸ ਅਨੁਬੁਦ੍ਧੋ। ਬਾਲ਼੍ਹવੀਰਿਯੋਤਿ ਚਤੁਨ੍ਨਂ ਸਮ੍ਮਪ੍ਪਧਾਨਾਨਂ વਸੇਨ ਚਿਰਨਿਚਿਤવੀਰਿਯੋ। ਤਿਣ੍ਣਂ વਿવੇਕਾਨਨ੍ਤਿ ਕਾਯਚਿਤ੍ਤਉਪਧਿવਿવੇਕਾਨਂ ਲਾਭੀਤਿ ਯੋਜਨਾ। ਚਤਸ੍ਸੋ વਦਤਿ વਙ੍ਗੀਸਤ੍ਥੇਰੋ ਸਯਂਪਟਿਭਾਨਂ, ਨ ਸੇਸਾਭਿਞ੍ਞਾਨਂ ਅਭਾવਤੋਤਿ ਆਹ ‘‘ਇਤਰਾ’’ਤਿਆਦਿ। ਪਰਿਸਾ ਸਨ੍ਨਿਸੀਦਿ ਨਿਸ੍ਸਦ੍ਦਭਾવੇਨ ਤੁਣ੍ਹੀ ਅਹੋਸੀਤਿ ਅਤ੍ਥੋ। ਅਨੁਜਾਨਾਪੇਸੀਤਿ ਪਠਮਂ ਅਤ੍ਤਨਾ ਞਾਤਂ ਉਪਟ੍ਠਿਤਂ ਅਤ੍ਤਨੋ ਪਰਿਨਿਬ੍ਬਾਨਕਾਲਂ ਅਨੁ ਪਚ੍ਛਾ ਸਤ੍ਥਾਰਂ ਜਾਨਾਪੇਸੀਤਿ ਏવਂ ਏਤ੍ਥ ਅਤ੍ਥੋ ਦਟ੍ਠਬ੍ਬੋ।
Buddhānubuddhoti buddhassa anubuddho. Bāḷhavīriyoti catunnaṃ sammappadhānānaṃ vasena ciranicitavīriyo. Tiṇṇaṃ vivekānanti kāyacittaupadhivivekānaṃ lābhīti yojanā. Catasso vadati vaṅgīsatthero sayaṃpaṭibhānaṃ, na sesābhiññānaṃ abhāvatoti āha ‘‘itarā’’tiādi. Parisā sannisīdi nissaddabhāvena tuṇhī ahosīti attho. Anujānāpesīti paṭhamaṃ attanā ñātaṃ upaṭṭhitaṃ attano parinibbānakālaṃ anu pacchā satthāraṃ jānāpesīti evaṃ ettha attho daṭṭhabbo.
ਤਨ੍ਤਿ ਆਸਾਲ਼੍ਹਿਪੁਣ੍ਣਮਾਯ ਇਸਿਪਤਨੇ ਯਂ ਦਸ੍ਸਨਂ, ਯਂ વਾ ਦੁਕ੍ਕਰਚਰਿਯਾਯਂ ਤੁਮ੍ਹਾਕਂ ਉਪਟ੍ਠਾਨਂ ਆਦਿਤੋ ਦਸ੍ਸਨਂ, ਤਂ, ਭਨ੍ਤੇ, ਪਠਮਦਸ੍ਸਨਂ। ਓਨਤવਿਨਤਾਤਿ ਹੇਟ੍ਠਾ ਉਪਰਿ ਚ ਓਨਤਾ વਿਨਤਾ। ਕਮ੍ਪੇਤ੍વਾਤਿ ਥੋਕਂ ਚਾਲੇਤ੍વਾ ਦਸ੍ਸਨਤ੍ਥਂ ਏਕਨਿਨ੍ਨਾਦੋ ਤੇਸਂ ਹਤ੍ਥਿਨਾਗਾਨਞ੍ਚੇવ ਨਾਗਯਕ੍ਖਕੁਮ੍ਭਣ੍ਡਾਨਂ ਦੇવਤਾਨਞ੍ਚ ਸਦ੍ਦੇਨ। ਬ੍ਰਹ੍ਮਾਨੋ ਦੇવਾਨਂ ਅਦਂਸੂਤਿ ਸਮ੍ਬਨ੍ਧੋ।
Tanti āsāḷhipuṇṇamāya isipatane yaṃ dassanaṃ, yaṃ vā dukkaracariyāyaṃ tumhākaṃ upaṭṭhānaṃ ādito dassanaṃ, taṃ, bhante, paṭhamadassanaṃ. Onatavinatāti heṭṭhā upari ca onatā vinatā. Kampetvāti thokaṃ cāletvā dassanatthaṃ ekaninnādo tesaṃ hatthināgānañceva nāgayakkhakumbhaṇḍānaṃ devatānañca saddena. Brahmāno devānaṃ adaṃsūti sambandho.
ਸਜ੍ਝਾਯਮਕਂਸੁ ਪਸਾਦਨੀਯੇਸੁ ਪਸਾਦવਸੇਨ ਸਨ੍ਨਿਪਤਿਤਪਰਿਸਾਯ ਪਸਾਦਜਨਨਤ੍ਥਂ ਭਗવਤਿ ਨਿਕ੍ਖਮਿਤ੍વਾਤਿ ਭਗવਤਿ ਗਨ੍ਧਕੁਟਿਤੋ ਨਿਕ੍ਖਮਿਤ੍વਾ। ਧਰਤਿਯੇવਾਤਿ ਅਦੁਟ੍ਠਤਂ ਪਤ੍વਾ ਤਿਟ੍ਠਤੇવ।
Sajjhāyamakaṃsu pasādanīyesu pasādavasena sannipatitaparisāya pasādajananatthaṃ bhagavati nikkhamitvāti bhagavati gandhakuṭito nikkhamitvā. Dharatiyevāti aduṭṭhataṃ patvā tiṭṭhateva.
ਕੋਣ੍ਡਞ੍ਞਸੁਤ੍ਤવਣ੍ਣਨਾ ਨਿਟ੍ਠਿਤਾ।
Koṇḍaññasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕੋਣ੍ਡਞ੍ਞਸੁਤ੍ਤਂ • 9. Koṇḍaññasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਕੋਣ੍ਡਞ੍ਞਸੁਤ੍ਤવਣ੍ਣਨਾ • 9. Koṇḍaññasuttavaṇṇanā
