| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. කොරණ්‌ඩපුප්‌ඵියත්‌ථෙරඅපදානං
8. Koraṇḍapupphiyattheraapadānaṃ
35.
35.
‘‘අක්‌කන්‌තඤ්‌ච පදං දිස්‌වා, චක්‌කාලඞ්‌කාරභූසිතං;
‘‘Akkantañca padaṃ disvā, cakkālaṅkārabhūsitaṃ;
පදෙනානුපදං යන්‌තො, විපස්‌සිස්‌ස මහෙසිනො.
Padenānupadaṃ yanto, vipassissa mahesino.
36.
36.
‘‘කොරණ්‌ඩං පුප්‌ඵිතං දිස්‌වා, සමූලං පූජිතං මයා;
‘‘Koraṇḍaṃ pupphitaṃ disvā, samūlaṃ pūjitaṃ mayā;
හට්‌ඨො හට්‌ඨෙන චිත්‌තෙන, අවන්‌දිං පදමුත්‌තමං.
Haṭṭho haṭṭhena cittena, avandiṃ padamuttamaṃ.
37.
37.
‘‘එකනවුතිතො කප්‌පෙ, යං පුප්‌ඵමභිපූජයිං;
‘‘Ekanavutito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
38.
38.
‘‘සත්‌තපඤ්‌ඤාසකප්‌පම්‌හි, එකො වීතමලො අහුං;
‘‘Sattapaññāsakappamhi, eko vītamalo ahuṃ;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
39.
39.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කොරණ්‌ඩපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā koraṇḍapupphiyo thero imā gāthāyo abhāsitthāti.
කොරණ්‌ඩපුප්‌ඵියත්‌ථෙරස්‌සාපදානං අට්‌ඨමං.
Koraṇḍapupphiyattherassāpadānaṃ aṭṭhamaṃ.
