| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. госалавихаарид̇т̇зраг̇аат̇ааван̣н̣анаа
9. Kosalavihārittheragāthāvaṇṇanā
сад̣̇д̇хааяаахам̣ баб̣б̣аж̇ид̇од̇и ааяасмад̇о госалавихаарид̇т̇зрасса г̇аат̇аа. гаа уббад̇д̇и? аяамби гира бад̣̇умуд̇д̇арасса бхаг̇авад̇о гаалз гусалаб̣ийж̇ам̣ робзд̇ваа д̇ам̣ д̇ам̣ бун̃н̃ам̣ агааси. сзсам̣ ан̃ж̇анаванияад̇т̇зравад̇т̇усад̣̇исамзва. аяам̣ бана висзсо – аяам̣ гира вуд̇д̇анаязна баб̣б̣аж̇ид̇ваа гад̇абуб̣б̣агижжо госаларадтз ан̃н̃ад̇арасмим̣ г̇аамз згам̣ убаасагагулам̣ ниссааяа аран̃н̃з вихарад̇и, д̇ам̣ со убаасаго ругкамуулз васанд̇ам̣ д̣̇исваа гудигам̣ гаарзд̇ваа ад̣̇ааси. т̇зро гудигааяам̣ вихаранд̇о ааваасасаббааязна самаад̇хаанам̣ лабхид̇ваа вибассанам̣ уссуггаабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.11.53-61) –
Saddhāyāhaṃpabbajitoti āyasmato kosalavihārittherassa gāthā. Kā uppatti? Ayampi kira padumuttarassa bhagavato kāle kusalabījaṃ ropetvā taṃ taṃ puññaṃ akāsi. Sesaṃ añjanavaniyattheravatthusadisameva. Ayaṃ pana viseso – ayaṃ kira vuttanayena pabbajitvā katapubbakicco kosalaraṭṭhe aññatarasmiṃ gāme ekaṃ upāsakakulaṃ nissāya araññe viharati, taṃ so upāsako rukkhamūle vasantaṃ disvā kuṭikaṃ kāretvā adāsi. Thero kuṭikāyaṃ viharanto āvāsasappāyena samādhānaṃ labhitvā vipassanaṃ ussukkāpetvā nacirasseva arahattaṃ pāpuṇi. Tena vuttaṃ apadāne (apa. thera 1.11.53-61) –
‘‘химаванд̇ассаавид̣̇уурз, васаами бан̣н̣асант̇арз;
‘‘Himavantassāvidūre, vasāmi paṇṇasanthare;
гхаасзсу г̇зд̇хамаабанно, сзяяасийло жахам̣ д̇ад̣̇аа.
Ghāsesu gedhamāpanno, seyyasīlo cahaṃ tadā.
‘‘кан̣анд̇аалугаламб̣аани , б̣ил̣аалид̇аггалаани жа;
‘‘Khaṇantālukalambāni , biḷālitakkalāni ca;
голам̣ бхаллаад̇агам̣ б̣иллам̣, аахад̇ваа бадияаад̣̇ид̇ам̣.
Kolaṃ bhallātakaṃ billaṃ, āhatvā paṭiyāditaṃ.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мама сан̇габбаман̃н̃ааяа, ааг̇ажчи мама санд̇игам̣.
Mama saṅkappamaññāya, āgacchi mama santikaṃ.
‘‘убааг̇ад̇ам̣ махаанааг̇ам̣, д̣̇звад̣̇звам̣ нараасабхам̣;
‘‘Upāgataṃ mahānāgaṃ, devadevaṃ narāsabhaṃ;
б̣ил̣аалим̣ баг̇г̇ахзд̇ваана, бад̇д̇амхи огирим̣ ахам̣.
Biḷāliṃ paggahetvāna, pattamhi okiriṃ ahaṃ.
‘‘барибхун̃ж̇и махаавийро, д̇осаяанд̇о мамам̣ д̇ад̣̇аа;
‘‘Paribhuñji mahāvīro, tosayanto mamaṃ tadā;
барибхун̃ж̇ид̇ваана саб̣б̣ан̃н̃уу, имам̣ г̇аат̇ам̣ абхаасат̇а.
Paribhuñjitvāna sabbaññū, imaṃ gāthaṃ abhāsatha.
‘‘сагам̣ жид̇д̇ам̣ басаад̣̇зд̇ваа, б̣ил̣аалим̣ мз ад̣̇аа д̇увам̣;
‘‘Sakaṃ cittaṃ pasādetvā, biḷāliṃ me adā tuvaṃ;
габбаанам̣ сад̇асахассам̣, д̣̇уг̇г̇ад̇им̣ нубабаж̇ж̇аси.
Kappānaṃ satasahassaṃ, duggatiṃ nupapajjasi.
‘‘жаримам̣ вад̇д̇ад̇з маяхам̣, бхаваа саб̣б̣з самуухад̇аа;
‘‘Carimaṃ vattate mayhaṃ, bhavā sabbe samūhatā;
д̇хаарзми анд̇имам̣ д̣̇зхам̣, саммаасамб̣уд̣̇д̇хасаасанз.
Dhāremi antimaṃ dehaṃ, sammāsambuddhasāsane.
‘‘жад̇убан̃н̃аасид̇о габбз, сумзкалияа савхаяо;
‘‘Catupaññāsito kappe, sumekhaliya savhayo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукаббадисам̣взд̣̇анзна уббаннабийд̇ивзг̇зна уд̣̇аанзнд̇о ‘‘сад̣̇д̇хааяаахам̣ баб̣б̣аж̇ид̇о’’д̇и г̇аат̇ам̣ абхааси.
Arahattaṃ pana patvā vimuttisukhappaṭisaṃvedanena uppannapītivegena udānento ‘‘saddhāyāhaṃ pabbajito’’ti gāthaṃ abhāsi.
59. д̇ад̇т̇а сад̣̇д̇хааяаад̇и бхаг̇авад̇о взсаалим̣ убаг̇аманз аанубхаавам̣ д̣̇исваа, ‘‘зганд̇анияяаанигам̣ ид̣̇ам̣ саасанам̣, д̇асмаа ад̣̇д̇хаа имааяа бадибад̇д̇ияаа ж̇араамаран̣ад̇о мужжиссаамий’’д̇и уббаннасад̣̇д̇хаавасзна баб̣б̣аж̇ид̇о баб̣б̣аж̇ж̇ам̣ убаг̇ад̇о. аран̃н̃з мз гудигаа гад̇аад̇и д̇ассаа баб̣б̣аж̇ж̇ааяа ануруубавасзна аран̃н̃з васад̇о мз гудигаа гад̇аа, баб̣б̣аж̇ж̇аануруубам̣ ааран̃н̃аго худ̇ваа вуубагадто вихараамийд̇и д̣̇ассзд̇и. д̇знааха ‘‘аббамад̇д̇о жа аад̇аабий, самбаж̇аано бад̇иссад̇о’’д̇и. аран̃н̃аваасалад̣̇д̇хзна гааяавивзгзна ж̇ааг̇арияам̣ ануяун̃ж̇анд̇о д̇ад̇т̇а сад̇ияаа авиббаваасзна аббамад̇д̇о, аарад̣̇д̇хавийрияад̇ааяа аад̇аабий, буб̣б̣абхааг̇ияасад̇исамбаж̇ан̃н̃абаарибуурияаа вибассанам̣ вад̣дхзд̇ваа арахад̇д̇аад̇хиг̇амзна бан̃н̃аасад̇ивзбуллаббад̇д̇ияаа ажжанд̇амзва самбаж̇аано бад̇иссад̇о вихараамийд̇и ад̇т̇о. аббамад̇д̇абхааваад̣̇игид̇д̇анз жасса ид̣̇амзва ан̃н̃ааб̣яаагаран̣ам̣ ахоси госаларадтз жираниваасибхаавзна бана госалавихаарийд̇и саман̃н̃аа ж̇аад̇аад̇и.
59. Tattha saddhāyāti bhagavato vesāliṃ upagamane ānubhāvaṃ disvā, ‘‘ekantaniyyānikaṃ idaṃ sāsanaṃ, tasmā addhā imāya paṭipattiyā jarāmaraṇato muccissāmī’’ti uppannasaddhāvasena pabbajito pabbajjaṃ upagato. Araññe me kuṭikā katāti tassā pabbajjāya anurūpavasena araññe vasato me kuṭikā katā, pabbajjānurūpaṃ āraññako hutvā vūpakaṭṭho viharāmīti dasseti. Tenāha ‘‘appamatto ca ātāpī, sampajāno patissato’’ti. Araññavāsaladdhena kāyavivekena jāgariyaṃ anuyuñjanto tattha satiyā avippavāsena appamatto, āraddhavīriyatāya ātāpī, pubbabhāgiyasatisampajaññapāripūriyā vipassanaṃ vaḍḍhetvā arahattādhigamena paññāsativepullappattiyā accantameva sampajāno patissato viharāmīti attho. Appamattabhāvādikittane cassa idameva aññābyākaraṇaṃ ahosi kosalaraṭṭhe ciranivāsibhāvena pana kosalavihārīti samaññā jātāti.
госалавихаарид̇т̇зраг̇аат̇ааван̣н̣анаа нидтид̇аа.
Kosalavihārittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. госалавихаарид̇т̇зраг̇аат̇аа • 9. Kosalavihārittheragāthā
