| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
10. госамб̣агагканд̇хагам̣
10. Kosambakakkhandhakaṃ
госамб̣агавиваад̣̇агат̇аа
Kosambakavivādakathā
451. госамб̣агагканд̇хагз – д̇ам̣ бхигкум̣ аабад̇д̇ияаа ад̣̇ассанз угкибим̣сууд̇и зд̇т̇а аяаманубуб̣б̣игат̇аа – д̣̇вз гира бхигкуу згасмим̣ ааваасз васанд̇и винаяад̇харо жа суд̇д̇анд̇иго жа. д̇зсу суд̇д̇анд̇иго бхигку згад̣̇ивасам̣ важжагудим̣ бавидто аажаманауд̣̇агаавасзсам̣ бхааж̇анз табзд̇ваава нигками. винаяад̇харо бажчаа бавидто д̇ам̣ уд̣̇агам̣ д̣̇исваа нигкамид̇ваа д̇ам̣ бхигкум̣ бужчи – ‘‘аавусо, д̇аяаа ид̣̇ам̣ уд̣̇агам̣ табид̇а’’нд̇и? ‘‘аамаавусо’’д̇и. ‘‘гим̣ д̇вам̣ зд̇т̇а аабад̇д̇ибхаавам̣ на ж̇аанаасий’’д̇и? ‘‘аама, на ж̇аанаамий’’д̇и. ‘‘ход̇и, аавусо зд̇т̇а аабад̇д̇ий’’д̇и? ‘‘сажз ход̇и, д̣̇зсиссаамий’’д̇и. ‘‘сажз бана д̇з, аавусо, асан̃жижжа асад̇ияаа гад̇ам̣, над̇т̇и аабад̇д̇ий’’д̇и. со д̇ассаа аабад̇д̇ияаа анаабад̇д̇ид̣̇идти ахоси.
451. Kosambakakkhandhake – taṃ bhikkhuṃ āpattiyā adassane ukkhipiṃsūti ettha ayamanupubbikathā – dve kira bhikkhū ekasmiṃ āvāse vasanti vinayadharo ca suttantiko ca. Tesu suttantiko bhikkhu ekadivasaṃ vaccakuṭiṃ paviṭṭho ācamanaudakāvasesaṃ bhājane ṭhapetvāva nikkhami. Vinayadharo pacchā paviṭṭho taṃ udakaṃ disvā nikkhamitvā taṃ bhikkhuṃ pucchi – ‘‘āvuso, tayā idaṃ udakaṃ ṭhapita’’nti? ‘‘Āmāvuso’’ti. ‘‘Kiṃ tvaṃ ettha āpattibhāvaṃ na jānāsī’’ti? ‘‘Āma, na jānāmī’’ti. ‘‘Hoti, āvuso ettha āpattī’’ti? ‘‘Sace hoti, desissāmī’’ti. ‘‘Sace pana te, āvuso, asañcicca asatiyā kataṃ, natthi āpattī’’ti. So tassā āpattiyā anāpattidiṭṭhi ahosi.
винаяад̇хароби ад̇д̇ано ниссид̇агаанам̣ ‘‘аяам̣ суд̇д̇анд̇иго аабад̇д̇им̣ аабаж̇ж̇амааноби на ж̇аанаад̇ий’’д̇и аарожзси. д̇з д̇асса ниссид̇агз д̣̇исваа ‘‘д̇умхаагам̣ убаж̇жхааяо аабад̇д̇им̣ аабаж̇ж̇ид̇вааби аабад̇д̇ибхаавам̣ на ж̇аанаад̇ий’’д̇и аахам̣су. д̇з г̇анд̇ваа ад̇д̇ано убаж̇жхааяасса аарожзсум̣. со звамааха – ‘‘аяам̣ винаяад̇харо буб̣б̣з анаабад̇д̇ий’’д̇и вад̇ваа ‘‘ид̣̇аани аабад̇д̇ий’’д̇и вад̣̇ад̇и. мусааваад̣̇ий зсод̇и. д̇з г̇анд̇ваа ‘‘д̇умхаагам̣ убаж̇жхааяо мусааваад̣̇ий’’д̇и звам̣ ан̃н̃аман̃н̃ам̣ галахам̣ вад̣дхаяим̣су. д̇ад̇о винаяад̇харо огаасам̣ лабхид̇ваа д̇асса аабад̇д̇ияаа ад̣̇ассанз угкзбанийяагаммам̣ агааси. д̇зна вуд̇д̇ам̣ – ‘‘д̇ам̣ бхигкум̣ аабад̇д̇ияаа ад̣̇ассанз угкибим̣суу’’д̇и.
Vinayadharopi attano nissitakānaṃ ‘‘ayaṃ suttantiko āpattiṃ āpajjamānopi na jānātī’’ti ārocesi. Te tassa nissitake disvā ‘‘tumhākaṃ upajjhāyo āpattiṃ āpajjitvāpi āpattibhāvaṃ na jānātī’’ti āhaṃsu. Te gantvā attano upajjhāyassa ārocesuṃ. So evamāha – ‘‘ayaṃ vinayadharo pubbe anāpattī’’ti vatvā ‘‘idāni āpattī’’ti vadati. Musāvādī esoti. Te gantvā ‘‘tumhākaṃ upajjhāyo musāvādī’’ti evaṃ aññamaññaṃ kalahaṃ vaḍḍhayiṃsu. Tato vinayadharo okāsaṃ labhitvā tassa āpattiyā adassane ukkhepanīyakammaṃ akāsi. Tena vuttaṃ – ‘‘taṃ bhikkhuṃ āpattiyā adassane ukkhipiṃsū’’ti.
453. бхинно бхигкусан̇гхо бхинно бхигкусан̇гход̇и зд̇т̇а на д̇аава бхинно; абижа ко яат̇аа д̣̇звз вудтз ‘‘ид̣̇аани сассам̣ нибпанна’’нд̇и вужжад̇и, авассан̃хи д̇ам̣ нибпаж̇ж̇иссад̇и, звамзва иминаа гааран̣зна ааяад̇им̣ авассам̣ бхиж̇ж̇иссад̇и, со жа ко галахавасзна на сан̇гхабхзд̣̇авасзна, д̇асмаа ‘‘бхинно’’д̇и вуд̇д̇ам̣. самбхамаад̇т̇авасзна жзд̇т̇а аамзд̣ид̇ам̣ взд̣̇ид̇аб̣б̣ам̣.
453.Bhinno bhikkhusaṅgho bhinno bhikkhusaṅghoti ettha na tāva bhinno; apica kho yathā deve vuṭṭhe ‘‘idāni sassaṃ nipphanna’’nti vuccati, avassañhi taṃ nipphajjissati, evameva iminā kāraṇena āyatiṃ avassaṃ bhijjissati, so ca kho kalahavasena na saṅghabhedavasena, tasmā ‘‘bhinno’’ti vuttaṃ. Sambhamaatthavasena cettha āmeḍitaṃ veditabbaṃ.
454. зд̇амад̇т̇ам̣ бхаасид̇ваа удтааяаасанаа баггаамийд̇и гасмаа звам̣ бхаасид̇ваа баггаами? сажз хи бхаг̇аваа угкзбагз ваа ‘‘агааран̣з д̇умхзхи со бхигку угкид̇д̇о’’д̇и вад̣̇зяяа, угкид̇д̇аанувад̇д̇агз ваа ‘‘д̇умхз аабад̇д̇им̣ аабаннаа’’д̇и вад̣̇зяяа, ‘‘зд̇зсам̣ бхаг̇аваа багко, зд̇зсам̣ бхаг̇аваа багко’’д̇и вад̇ваа аагхаад̇ам̣ б̣анд̇хзяяум̣, д̇асмаа д̇анд̇имзва табзд̇ваа зд̇амад̇т̇ам̣ бхаасид̇ваа удтааяаасанаа баггаами.
454.Etamatthaṃbhāsitvā uṭṭhāyāsanā pakkāmīti kasmā evaṃ bhāsitvā pakkāmi? Sace hi bhagavā ukkhepake vā ‘‘akāraṇe tumhehi so bhikkhu ukkhitto’’ti vadeyya, ukkhittānuvattake vā ‘‘tumhe āpattiṃ āpannā’’ti vadeyya, ‘‘etesaṃ bhagavā pakkho, etesaṃ bhagavā pakkho’’ti vatvā āghātaṃ bandheyyuṃ, tasmā tantimeva ṭhapetvā etamatthaṃ bhāsitvā uṭṭhāyāsanā pakkāmi.
455. ад̇д̇анаа ваа ад̇д̇аананд̇и зд̇т̇а яо сан̇гхзна угкзбанийяагад̇аанам̣ ад̇хаммаваад̣̇ийнам̣ багкз нисинно ‘‘д̇умхз гим̣ бхан̣ат̇аа’’д̇и д̇зсан̃жа ид̇арзсан̃жа лад̣̇д̇хим̣ суд̇ваа ‘‘имз ад̇хаммаваад̣̇ино, ид̇арз д̇хаммаваад̣̇ино’’д̇и жид̇д̇ам̣ уббаад̣̇зд̇и, аяам̣ д̇зсам̣ маж̇жхз нисиннова д̇зсам̣ наанаасам̣ваасаго ход̇и, гаммам̣ гобзд̇и, ид̇арзсамби хад̇т̇абаасам̣ анааг̇ад̇ад̇д̇аа гобзд̇и. звам̣ ад̇д̇анаа ваа ад̇д̇аанам̣ наанаасам̣ваасагам̣ гарод̇и. самаанасам̣ваасаганд̇и зд̇т̇ааби яо ад̇хаммаваад̣̇ийнам̣ багкз нисинно ‘‘ад̇хаммаваад̣̇ино имз, ид̇арз д̇хаммаваад̣̇ино’’д̇и д̇зсам̣ маж̇жхам̣ бависад̇и, яад̇т̇а ваа д̇ад̇т̇а ваа бана багкз нисинно ‘‘имз д̇хаммаваад̣̇ино’’д̇и г̇ан̣хаад̇и, аяам̣ ад̇д̇анаа ваа ад̇д̇аанам̣ самаанасам̣ваасагам̣ гарод̇ийд̇и взд̣̇ид̇аб̣б̣о.
455.Attanā vā attānanti ettha yo saṅghena ukkhepanīyakatānaṃ adhammavādīnaṃ pakkhe nisinno ‘‘tumhe kiṃ bhaṇathā’’ti tesañca itaresañca laddhiṃ sutvā ‘‘ime adhammavādino, itare dhammavādino’’ti cittaṃ uppādeti, ayaṃ tesaṃ majjhe nisinnova tesaṃ nānāsaṃvāsako hoti, kammaṃ kopeti, itaresampi hatthapāsaṃ anāgatattā kopeti. Evaṃ attanā vā attānaṃ nānāsaṃvāsakaṃ karoti. Samānasaṃvāsakanti etthāpi yo adhammavādīnaṃ pakkhe nisinno ‘‘adhammavādino ime, itare dhammavādino’’ti tesaṃ majjhaṃ pavisati, yattha vā tattha vā pana pakkhe nisinno ‘‘ime dhammavādino’’ti gaṇhāti, ayaṃ attanā vā attānaṃ samānasaṃvāsakaṃ karotīti veditabbo.
456. гааяагаммам̣ важийгамманд̇и зд̇т̇а гааязна бахаранд̇аа гааяагаммам̣ убад̣̇ам̣сзнд̇и, парусам̣ вад̣̇анд̇аа важийгаммам̣ убад̣̇ам̣сзнд̇ийд̇и взд̣̇ид̇аб̣б̣аа. хад̇т̇абараамаасам̣ гаронд̇ийд̇и год̇хавасзна хад̇т̇зхи ан̃н̃аман̃н̃ам̣ бараамасанам̣ гаронд̇и. ад̇хаммияааяамаанзд̇и ад̇хаммияаани гижжаани гурумаанз. асаммод̣̇игаавад̇д̇амаанааяаад̇и асаммод̣̇игааяа вад̇д̇амаанааяа. аяамзва ваа баато. саммод̣̇анагат̇ааяа авад̇д̇амаанааяаад̇и ад̇т̇о. зд̇д̇аавад̇аа на ан̃н̃аман̃н̃анд̇и зд̇т̇а д̣̇вз банд̇ияо гад̇ваа убажаарам̣ мун̃жид̇ваа нисийд̣̇ид̇аб̣б̣ам̣, д̇хаммияааяамаанз бана саммод̣̇игааяа вад̇д̇амаанааяа аасананд̇аригааяа нисийд̣̇ид̇аб̣б̣ам̣, згзгам̣ аасанам̣ анд̇арам̣ гад̇ваа нисийд̣̇ид̇аб̣б̣ам̣.
456.Kāyakammaṃ vacīkammanti ettha kāyena paharantā kāyakammaṃ upadaṃsenti, pharusaṃ vadantā vacīkammaṃ upadaṃsentīti veditabbā. Hatthaparāmāsaṃ karontīti kodhavasena hatthehi aññamaññaṃ parāmasanaṃ karonti. Adhammiyāyamāneti adhammiyāni kiccāni kurumāne. Asammodikāvattamānāyāti asammodikāya vattamānāya. Ayameva vā pāṭho. Sammodanakathāya avattamānāyāti attho. Ettāvatā na aññamaññanti ettha dve pantiyo katvā upacāraṃ muñcitvā nisīditabbaṃ, dhammiyāyamāne pana sammodikāya vattamānāya āsanantarikāya nisīditabbaṃ, ekekaṃ āsanaṃ antaraṃ katvā nisīditabbaṃ.
457-458. маа бхан̣д̣ананд̇иаад̣̇ийсу ‘‘агад̇т̇аа’’д̇и баатасзсам̣ г̇ахзд̇ваа ‘‘маа бхан̣д̣анам̣ агад̇т̇аа’’д̇и звамад̇т̇о д̣̇адтаб̣б̣о. ад̇хаммаваад̣̇ийд̇и угкид̇д̇аанувад̇д̇агзсу ан̃н̃ад̇аро. аяам̣ бана бхигку бхаг̇авад̇о ад̇т̇агаамо, аяам̣ гирасса ад̇хиббааяо ‘‘имз бхигкуу год̇хаабхибхууд̇аа сад̇т̇у важанам̣ на г̇ан̣ханд̇и, маа бхаг̇аваа зд̇з овад̣̇анд̇о гиламид̇т̇аа’’д̇и д̇асмаа звамааха. бхаг̇аваа бана ‘‘бажчааби сан̃н̃ам̣ лабхид̇ваа орамиссанд̇ий’’д̇и д̇зсам̣ анугамбааяа ад̇ийд̇авад̇т̇ум̣ аахарид̇ваа гат̇зси. д̇ад̇т̇а анад̇т̇ад̇од̇и анад̇т̇о ад̇о; зд̇асмаа мз бурисаа анад̇т̇од̇и вуд̇д̇ам̣ ход̇и. ат̇а ваа анад̇т̇ад̇од̇и анад̇т̇ад̣̇о. сзсам̣ баагадамзва.
457-458.Mā bhaṇḍanantiādīsu ‘‘akatthā’’ti pāṭhasesaṃ gahetvā ‘‘mā bhaṇḍanaṃ akatthā’’ti evamattho daṭṭhabbo. Adhammavādīti ukkhittānuvattakesu aññataro. Ayaṃ pana bhikkhu bhagavato atthakāmo, ayaṃ kirassa adhippāyo ‘‘ime bhikkhū kodhābhibhūtā satthu vacanaṃ na gaṇhanti, mā bhagavā ete ovadanto kilamitthā’’ti tasmā evamāha. Bhagavā pana ‘‘pacchāpi saññaṃ labhitvā oramissantī’’ti tesaṃ anukampāya atītavatthuṃ āharitvā kathesi. Tattha anatthatoti anattho ato; etasmā me purisā anatthoti vuttaṃ hoti. Atha vā anatthatoti anatthado. Sesaṃ pākaṭameva.
464. бут̇усад̣̇д̣̇од̇иаад̣̇иг̇аат̇аасу бана бут̇у махаа сад̣̇д̣̇о ассаад̇и бут̇усад̣̇д̣̇о. самаж̇анод̇и самаано згасад̣̇исо ж̇ано; саб̣б̣о жааяам̣ бхан̣д̣анагаарагож̇ано саманд̇ад̇о сад̣̇д̣̇анижчааран̣зна бут̇усад̣̇д̣̇о жзва сад̣̇исо жаад̇и вуд̇д̇ам̣ ход̇и. на б̣аало гожи ман̃н̃ат̇аад̇и д̇ад̇т̇а гожи згоби ‘‘ахам̣ б̣аало’’д̇и на ман̃н̃ид̇т̇а; саб̣б̣зби бан̣д̣ид̇амааниноязва. наан̃н̃ам̣ бхияяо аман̃н̃арунд̇и гожи згоби ‘‘ахам̣ б̣аало’’д̇и жа на ман̃н̃ид̇т̇а; бхияяо жа сан̇гхасмим̣ бхиж̇ж̇амаанз ан̃н̃амби згам̣ ‘‘маяхам̣ гааран̣аа сан̇гхо бхиж̇ж̇ад̇ий’’д̇и ид̣̇ам̣ гааран̣ам̣ на ман̃н̃ид̇т̇аад̇и ад̇т̇о.
464.Puthusaddotiādigāthāsu pana puthu mahā saddo assāti puthusaddo. Samajanoti samāno ekasadiso jano; sabbo cāyaṃ bhaṇḍanakārakojano samantato saddanicchāraṇena puthusaddo ceva sadiso cāti vuttaṃ hoti. Na bālo koci maññathāti tattha koci ekopi ‘‘ahaṃ bālo’’ti na maññittha; sabbepi paṇḍitamāninoyeva. Nāññaṃ bhiyyo amaññarunti koci ekopi ‘‘ahaṃ bālo’’ti ca na maññittha; bhiyyo ca saṅghasmiṃ bhijjamāne aññampi ekaṃ ‘‘mayhaṃ kāraṇā saṅgho bhijjatī’’ti idaṃ kāraṇaṃ na maññitthāti attho.
баримудтаад̇и баримудтассад̇ино. ваажааг̇ожарабхаан̣инод̇и раагаарасса рассаад̣̇зсо гад̇о , ваажааг̇ожараа на сад̇ибадтаанаад̣̇иг̇ожараа. бхаан̣ино жа гат̇ам̣ бхаан̣ино? яаавижчанд̇и мукааяаамам̣ яаава мукам̣ басаарзд̇ум̣ ижчанд̇и, д̇аава басаарзд̇ваа бхаан̣ино, згоби сан̇гхаг̇ааравзна мукасан̇гожам̣ на гарод̇ийд̇и ад̇т̇о. язна нийд̇аад̇и язна галахзна имам̣ ниллаж̇ж̇абхаавам̣ нийд̇аа. на д̇ам̣ вид̣̇ууд̇и на д̇ам̣ ж̇аананд̇и, ‘‘звам̣ саад̣̇ийнаво аяа’’нд̇и.
Parimuṭṭhāti parimuṭṭhassatino. Vācāgocarabhāṇinoti rākārassa rassādeso kato , vācāgocarā na satipaṭṭhānādigocarā. Bhāṇino ca kathaṃ bhāṇino? Yāvicchanti mukhāyāmaṃ yāva mukhaṃ pasāretuṃ icchanti, tāva pasāretvā bhāṇino, ekopi saṅghagāravena mukhasaṅkocaṃ na karotīti attho. Yena nītāti yena kalahena imaṃ nillajjabhāvaṃ nītā. Na taṃ vidūti na taṃ jānanti, ‘‘evaṃ sādīnavo aya’’nti.
яз жа д̇ам̣ убанаяханд̇ийд̇и д̇ам̣ ‘‘аггожчи мам̣, авад̇хи ма’’нд̇иаад̣̇игам̣ аагаарам̣ яз жа убанаяханд̇и. сананд̇анод̇и бораан̣о.
Ye ca taṃ upanayhantīti taṃ ‘‘akkocchi maṃ, avadhi ma’’ntiādikaṃ ākāraṃ ye ca upanayhanti. Sanantanoti porāṇo.
барзд̇и бан̣д̣ид̇з табзд̇ваа д̇ад̇о ан̃н̃з бхан̣д̣анагаарагаа барз наама. д̇з зд̇т̇а сан̇гхамаж̇жхз галахам̣ гаронд̇аа ‘‘маяам̣ яамаамасз убаяамаама; сад̇ад̇ам̣ самид̇ам̣ мажжусанд̇игам̣ г̇ажчаамаа’’д̇и на ж̇аананд̇и. яз жа д̇ад̇т̇а виж̇аананд̇ийд̇и яз д̇ад̇т̇а бан̣д̣ид̇аа ‘‘маяам̣ мажжусамийбам̣ г̇ажчаамаа’’д̇и виж̇аананд̇и. д̇ад̇о самманд̇и мзд̇хаг̇аад̇и зван̃хи д̇з ж̇аананд̇аа яонисоманасигаарам̣ уббаад̣̇зд̇ваа мзд̇хаг̇аанам̣ галахаанам̣ вуубасамааяа бадибаж̇ж̇анд̇и.
Pareti paṇḍite ṭhapetvā tato aññe bhaṇḍanakārakā pare nāma. Te ettha saṅghamajjhe kalahaṃ karontā ‘‘mayaṃ yamāmase upayamāma; satataṃ samitaṃ maccusantikaṃ gacchāmā’’ti na jānanti. Ye ca tattha vijānantīti ye tattha paṇḍitā ‘‘mayaṃ maccusamīpaṃ gacchāmā’’ti vijānanti. Tatosammanti medhagāti evañhi te jānantā yonisomanasikāraṃ uppādetvā medhagānaṃ kalahānaṃ vūpasamāya paṭipajjanti.
адтижчиннаад̇и аяам̣ г̇аат̇аа б̣рахмад̣̇ад̇д̇ан̃жа д̣̇ийгхаавугумааран̃жа санд̇хааяа вуд̇д̇аа. д̇зсамби ход̇и сан̇г̇ад̇и, гасмаа д̇умхаагам̣ на ход̇и, язсам̣ во нзва маад̇аабид̇уунам̣ адтийни чиннаани, на баан̣аа хад̇аа, на г̇аваассад̇ханаани хадаанийд̇и.
Aṭṭhicchinnāti ayaṃ gāthā brahmadattañca dīghāvukumārañca sandhāya vuttā. Tesampi hoti saṅgati, kasmā tumhākaṃ na hoti, yesaṃ vo neva mātāpitūnaṃ aṭṭhīni chinnāni, na pāṇā hatā, na gavāssadhanāni haṭānīti.
сажз лабхзт̇аад̇иаад̣̇иг̇аат̇аа бан̣д̣ид̇асахааяасса жа б̣ааласахааяасса жа ван̣н̣ааван̣н̣ад̣̇ийбанад̇т̇ам̣ вуд̇д̇аа. абхибхуяяа саб̣б̣аани бариссаяаанийд̇и баагадабариссаяз жа бадижчаннабариссаяз жа абхибхавид̇ваа д̇зна сад̣̇д̇хим̣ ад̇д̇амано сад̇имаа жарзяяа.
Sace labhethātiādigāthā paṇḍitasahāyassa ca bālasahāyassa ca vaṇṇāvaṇṇadīpanatthaṃ vuttā. Abhibhuyya sabbāni parissayānīti pākaṭaparissaye ca paṭicchannaparissaye ca abhibhavitvā tena saddhiṃ attamano satimā careyya.
рааж̇аава радтам̣ виж̇ид̇анд̇и яат̇аа ад̇д̇ано виж̇ид̇ам̣ радтам̣ махааж̇анагарааж̇аа жа аринд̣̇амамахаарааж̇аа жа бахааяа згагаа жарим̣су; звам̣ жарзяяаад̇и ад̇т̇о. маад̇ан̇г̇аран̃н̃зва нааг̇од̇и маад̇ан̇г̇о аран̃н̃з нааг̇ова. маад̇ан̇г̇од̇и хад̇т̇ий вужжад̇и; нааг̇од̇и маханд̇аад̇хиважанамзд̇ам̣. яат̇аа хи маад̇убосаго маад̇ан̇г̇анааг̇о аран̃н̃з зго жари, на жа баабаани агааси. яат̇аа жа баалилзяяаго, звам̣ зго жарз, на жа баабаани гаяираад̇и вуд̇д̇ам̣ ход̇и.
Rājāvaraṭṭhaṃ vijitanti yathā attano vijitaṃ raṭṭhaṃ mahājanakarājā ca arindamamahārājā ca pahāya ekakā cariṃsu; evaṃ careyyāti attho. Mātaṅgaraññeva nāgoti mātaṅgo araññe nāgova. Mātaṅgoti hatthī vuccati; nāgoti mahantādhivacanametaṃ. Yathā hi mātuposako mātaṅganāgo araññe eko cari, na ca pāpāni akāsi. Yathā ca pālileyyako, evaṃ eko care, na ca pāpāni kayirāti vuttaṃ hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
271. госамб̣агавиваад̣̇агат̇аа • 271. Kosambakavivādakathā
272. д̣̇ийгхаавувад̇т̇у • 272. Dīghāvuvatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 271. госамб̣агавиваад̣̇агат̇аа • 271. Kosambakavivādakathā
