| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
10. госамб̣агагканд̇хаго
10. Kosambakakkhandhako
271. госамб̣агавиваад̣̇агат̇аа
271. Kosambakavivādakathā
451. д̇зна самаязна б̣уд̣̇д̇хо бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна ан̃н̃ад̇аро бхигку аабад̇д̇им̣ аабанно ход̇и. со д̇ассаа аабад̇д̇ияаа аабад̇д̇ид̣̇идти 1 ход̇и; ан̃н̃з бхигкуу д̇ассаа аабад̇д̇ияаа анаабад̇д̇ид̣̇идтино хонд̇и. со абарзна самаязна д̇ассаа аабад̇д̇ияаа анаа бад̇д̇ид̣̇идти ход̇и; ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и. ат̇а ко д̇з бхигкуу д̇ам̣ бхигкум̣ зд̇ад̣̇авожум̣ – ‘‘аабад̇д̇им̣ д̇вам̣, аавусо, аабанно, бассасзд̇ам̣ аабад̇д̇и’’нд̇и? ‘‘над̇т̇и мз, аавусо, аабад̇д̇и яамахам̣ бассзяяа’’нд̇и. ат̇а ко д̇з бхигкуу саамаг̇г̇им̣ лабхид̇ваа д̇ам̣ бхигкум̣ аабад̇д̇ияаа ад̣̇ассанз угкибим̣су. со жа бхигку б̣ахуссуд̇о ход̇и ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо. ат̇а ко со бхигку санд̣̇идтз самбхад̇д̇з бхигкуу убасан̇гамид̇ваа зд̇ад̣̇авожа – ‘‘анаабад̇д̇и зсаа, аавусо, нзсаа аабад̇д̇и. анаабанномхи, намхи аабанно. анугкид̇д̇омхи, намхи угкид̇д̇о. ад̇хаммигзнамхи гаммзна угкид̇д̇о губбзна адтаанаарахзна. хот̇а мз ааяасманд̇о д̇хаммад̇о винаяад̇о багкаа’’д̇и. алабхи ко со бхигку санд̣̇идтз самбхад̇д̇з бхигкуу багкз. ж̇аанабад̣̇аанамби санд̣̇идтаанам̣ самбхад̇д̇аанам̣ бхигкуунам̣ санд̇игз д̣̇ууд̇ам̣ баахзси – анаабад̇д̇и зсаа, аавусо, нзсаа аабад̇д̇и. анаабанномхи, намхи аабанно. анугкид̇д̇омхи, намхи угкид̇д̇о. ад̇хаммигзнамхи гаммзна угкид̇д̇о губбзна адтаанаарахзна. хонд̇у мз ааяасманд̇о д̇хаммад̇о винаяад̇о багкаа’’д̇и. алабхи ко со бхигку ж̇аанабад̣̇зби санд̣̇идтз самбхад̇д̇з бхигкуу багкз. ат̇а ко д̇з угкид̇д̇аанувад̇д̇агаа бхигкуу язна угкзбагаа бхигкуу д̇знубасан̇гамим̣су, убасан̇гамид̇ваа угкзбагз бхигкуу зд̇ад̣̇авожум̣ – ‘‘анаабад̇д̇и зсаа, аавусо, нзсаа аабад̇д̇и. анаабанно зсо бхигку, нзсо бхигку аабанно. анугкид̇д̇о зсо бхигку, нзсо бхигку угкид̇д̇о . ад̇хаммигзна гаммзна угкид̇д̇о губбзна адтаанаарахзнаа’’д̇и. звам̣ вуд̇д̇з угкзбагаа бхигкуу угкид̇д̇аанувад̇д̇агз бхигкуу зд̇ад̣̇авожум̣ – ‘‘аабад̇д̇и зсаа аавусо, нзсаа анаабад̇д̇и. аабанно зсо бхигку, нзсо бхигку анаабанно. угкид̇д̇о зсо бхигку, нзсо бхигку анугкид̇д̇о. д̇хаммигзна гаммзна угкид̇д̇о агуббзна таанаарахзна. маа ко д̇умхз ааяасманд̇о зд̇ам̣ угкид̇д̇агам̣ бхигкум̣ анувад̇д̇ид̇т̇а анубариваарзт̇аа’’д̇и. звамби ко д̇з угкид̇д̇аанувад̇д̇агаа бхигкуу угкзбагзхи бхигкуухи вужжамаанаа д̇ат̇зва д̇ам̣ угкид̇д̇агам̣ бхигкум̣ анувад̇д̇им̣су анубариваарзсум̣.
451. Tena samayena buddho bhagavā kosambiyaṃ viharati ghositārāme. Tena kho pana samayena aññataro bhikkhu āpattiṃ āpanno hoti. So tassā āpattiyā āpattidiṭṭhi 2 hoti; aññe bhikkhū tassā āpattiyā anāpattidiṭṭhino honti. So aparena samayena tassā āpattiyā anā pattidiṭṭhi hoti; aññe bhikkhū tassā āpattiyā āpattidiṭṭhino honti. Atha kho te bhikkhū taṃ bhikkhuṃ etadavocuṃ – ‘‘āpattiṃ tvaṃ, āvuso, āpanno, passasetaṃ āpatti’’nti? ‘‘Natthi me, āvuso, āpatti yamahaṃ passeyya’’nti. Atha kho te bhikkhū sāmaggiṃ labhitvā taṃ bhikkhuṃ āpattiyā adassane ukkhipiṃsu. So ca bhikkhu bahussuto hoti āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Atha kho so bhikkhu sandiṭṭhe sambhatte bhikkhū upasaṅkamitvā etadavoca – ‘‘anāpatti esā, āvuso, nesā āpatti. Anāpannomhi, namhi āpanno. Anukkhittomhi, namhi ukkhitto. Adhammikenamhi kammena ukkhitto kuppena aṭṭhānārahena. Hotha me āyasmanto dhammato vinayato pakkhā’’ti. Alabhi kho so bhikkhu sandiṭṭhe sambhatte bhikkhū pakkhe. Jānapadānampi sandiṭṭhānaṃ sambhattānaṃ bhikkhūnaṃ santike dūtaṃ pāhesi – anāpatti esā, āvuso, nesā āpatti. Anāpannomhi, namhi āpanno. Anukkhittomhi, namhi ukkhitto. Adhammikenamhi kammena ukkhitto kuppena aṭṭhānārahena. Hontu me āyasmanto dhammato vinayato pakkhā’’ti. Alabhi kho so bhikkhu jānapadepi sandiṭṭhe sambhatte bhikkhū pakkhe. Atha kho te ukkhittānuvattakā bhikkhū yena ukkhepakā bhikkhū tenupasaṅkamiṃsu, upasaṅkamitvā ukkhepake bhikkhū etadavocuṃ – ‘‘anāpatti esā, āvuso, nesā āpatti. Anāpanno eso bhikkhu, neso bhikkhu āpanno. Anukkhitto eso bhikkhu, neso bhikkhu ukkhitto . Adhammikena kammena ukkhitto kuppena aṭṭhānārahenā’’ti. Evaṃ vutte ukkhepakā bhikkhū ukkhittānuvattake bhikkhū etadavocuṃ – ‘‘āpatti esā āvuso, nesā anāpatti. Āpanno eso bhikkhu, neso bhikkhu anāpanno. Ukkhitto eso bhikkhu, neso bhikkhu anukkhitto. Dhammikena kammena ukkhitto akuppena ṭhānārahena. Mā kho tumhe āyasmanto etaṃ ukkhittakaṃ bhikkhuṃ anuvattittha anuparivārethā’’ti. Evampi kho te ukkhittānuvattakā bhikkhū ukkhepakehi bhikkhūhi vuccamānā tatheva taṃ ukkhittakaṃ bhikkhuṃ anuvattiṃsu anuparivāresuṃ.
452. ат̇а ко ан̃н̃ад̇аро бхигку язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘ид̇ха, бханд̇з, ан̃н̃ад̇аро бхигку аабад̇д̇им̣ аабанно ахоси. со д̇ассаа аабад̇д̇ияаа аабад̇д̇ид̣̇идти ахоси, ан̃н̃з бхигкуу д̇ассаа аабад̇д̇ияаа анаабад̇д̇ид̣̇идтино ахзсум̣. со абарзна самаязна д̇ассаа аабад̇д̇ияаа анаабад̇д̇ид̣̇идти ахоси, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино ахзсум̣. ат̇а ко д̇з, бханд̇з, бхигкуу д̇ам̣ бхигкум̣ зд̇ад̣̇авожум̣ – ‘аабад̇д̇им̣ д̇вам̣, аавусо, аабанно, бассасзд̇ам̣ аабад̇д̇и’нд̇и? ‘‘над̇т̇и мз, аавусо, аабад̇д̇и яамахам̣ бассзяяа’’нд̇и. ат̇а ко д̇з, бханд̇з, бхигкуу саамаг̇г̇им̣ лабхид̇ваа д̇ам̣ бхигкум̣ аабад̇д̇ияаа ад̣̇ассанз угкибим̣су. со жа, бханд̇з, бхигку б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо. ат̇а ко со, бханд̇з, бхигку санд̣̇идтз самбхад̇д̇з бхигкуу убасан̇гамид̇ваа зд̇ад̣̇авожа – ‘анаабад̇д̇и зсаа, аавусо; нзсаа аабад̇д̇и. анаабанномхи, намхи аабанно. анугкид̇д̇омхи, намхи угкид̇д̇о. ад̇хаммигзнамхи гаммзна угкид̇д̇о губбзна адтаанаарахзна. хот̇а мз ааяасманд̇о д̇хаммад̇о винаяад̇о багкаа’д̇и. алабхи ко со, бханд̇з, бхигку санд̣̇идтз самбхад̇д̇з бхигкуу багкз. ж̇аанабад̣̇аанамби санд̣̇идтаанам̣ самбхад̇д̇аанам̣ бхигкуунам̣ санд̇игз д̣̇ууд̇ам̣ баахзси – ‘анаабад̇д̇и зсаа, аавусо; нзсаа аабад̇д̇и. анаабанномхи, намхи аабанно. анугкид̇д̇омхи, намхи угкид̇д̇о. ад̇хаммигзнамхи гаммзна угкид̇д̇о губбзна адтаанаарахзна. хонд̇у мз ааяасманд̇о д̇хаммад̇о винаяад̇о багкаа’д̇и. алабхи ко со, бханд̇з, бхигку ж̇аанабад̣̇зби санд̣̇идтз самбхад̇д̇з бхигкуу багкз. ат̇а ко д̇з, бханд̇з, угкид̇д̇аанувад̇д̇агаа бхигкуу язна угкзбагаа бхигкуу д̇знубасан̇гамим̣су, убасан̇гамид̇ваа угкзбагз бхигкуу зд̇ад̣̇авожум̣ – ‘анаабад̇д̇и зсаа, аавусо; нзсаа аабад̇д̇и. анаабанно зсо бхигку, нзсо бхигку аабанно. анугкид̇д̇о зсо бхигку, нзсо бхигку угкид̇д̇о. ад̇хаммигзна гаммзна угкид̇д̇о губбзна адтаанаарахзнаа’д̇и. звам̣ вуд̇д̇з д̇з, бханд̇з, угкзбагаа бхигкуу угкид̇д̇аанувад̇д̇агз бхигкуу зд̇ад̣̇авожум̣ – ‘аабад̇д̇и зсаа, аавусо; нзсаа анаабад̇д̇и. аабанно зсо бхигку, нзсо бхигку анаабанно. угкид̇д̇о зсо бхигку, нзсо бхигку анугкид̇д̇о. д̇хаммигзна гаммзна угкид̇д̇о агуббзна таанаарахзна. маа ко д̇умхз ааяасманд̇о зд̇ам̣ угкид̇д̇агам̣ бхигкум̣ анувад̇д̇ид̇т̇а анубариваарзт̇аа’д̇и. звамби ко д̇з, бханд̇з, угкид̇д̇аанувад̇д̇агаа бхигкуу угкзбагзхи бхигкуухи вужжамаанаа д̇ат̇зва д̇ам̣ угкид̇д̇агам̣ бхигкум̣ анувад̇д̇анд̇и анубариваарзнд̇ий’’д̇и.
452. Atha kho aññataro bhikkhu yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘idha, bhante, aññataro bhikkhu āpattiṃ āpanno ahosi. So tassā āpattiyā āpattidiṭṭhi ahosi, aññe bhikkhū tassā āpattiyā anāpattidiṭṭhino ahesuṃ. So aparena samayena tassā āpattiyā anāpattidiṭṭhi ahosi, aññe bhikkhū tassā āpattiyā āpattidiṭṭhino ahesuṃ. Atha kho te, bhante, bhikkhū taṃ bhikkhuṃ etadavocuṃ – ‘āpattiṃ tvaṃ, āvuso, āpanno, passasetaṃ āpatti’nti? ‘‘Natthi me, āvuso, āpatti yamahaṃ passeyya’’nti. Atha kho te, bhante, bhikkhū sāmaggiṃ labhitvā taṃ bhikkhuṃ āpattiyā adassane ukkhipiṃsu. So ca, bhante, bhikkhu bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Atha kho so, bhante, bhikkhu sandiṭṭhe sambhatte bhikkhū upasaṅkamitvā etadavoca – ‘anāpatti esā, āvuso; nesā āpatti. Anāpannomhi, namhi āpanno. Anukkhittomhi, namhi ukkhitto. Adhammikenamhi kammena ukkhitto kuppena aṭṭhānārahena. Hotha me āyasmanto dhammato vinayato pakkhā’ti. Alabhi kho so, bhante, bhikkhu sandiṭṭhe sambhatte bhikkhū pakkhe. Jānapadānampi sandiṭṭhānaṃ sambhattānaṃ bhikkhūnaṃ santike dūtaṃ pāhesi – ‘anāpatti esā, āvuso; nesā āpatti. Anāpannomhi, namhi āpanno. Anukkhittomhi, namhi ukkhitto. Adhammikenamhi kammena ukkhitto kuppena aṭṭhānārahena. Hontu me āyasmanto dhammato vinayato pakkhā’ti. Alabhi kho so, bhante, bhikkhu jānapadepi sandiṭṭhe sambhatte bhikkhū pakkhe. Atha kho te, bhante, ukkhittānuvattakā bhikkhū yena ukkhepakā bhikkhū tenupasaṅkamiṃsu, upasaṅkamitvā ukkhepake bhikkhū etadavocuṃ – ‘anāpatti esā, āvuso; nesā āpatti. Anāpanno eso bhikkhu, neso bhikkhu āpanno. Anukkhitto eso bhikkhu, neso bhikkhu ukkhitto. Adhammikena kammena ukkhitto kuppena aṭṭhānārahenā’ti. Evaṃ vutte te, bhante, ukkhepakā bhikkhū ukkhittānuvattake bhikkhū etadavocuṃ – ‘āpatti esā, āvuso; nesā anāpatti. Āpanno eso bhikkhu, neso bhikkhu anāpanno. Ukkhitto eso bhikkhu, neso bhikkhu anukkhitto. Dhammikena kammena ukkhitto akuppena ṭhānārahena. Mā kho tumhe āyasmanto etaṃ ukkhittakaṃ bhikkhuṃ anuvattittha anuparivārethā’ti. Evampi kho te, bhante, ukkhittānuvattakā bhikkhū ukkhepakehi bhikkhūhi vuccamānā tatheva taṃ ukkhittakaṃ bhikkhuṃ anuvattanti anuparivārentī’’ti.
453. ат̇а ко бхаг̇аваа ‘бхинно бхигкусан̇гхо, бхинно бхигкусан̇гхо’д̇и – удтааяаасанаа язна угкзбагаа бхигкуу д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и, нисаж̇ж̇а ко бхаг̇аваа угкзбагз бхигкуу зд̇ад̣̇авожа – ‘‘маа ко д̇умхз, бхигкавз, ‘бадибхаад̇и но, бадибхаад̇и но’д̇и яасмим̣ ваа д̇асмим̣ ваа бхигкум̣ угкибид̇аб̣б̣ам̣ ман̃н̃ид̇т̇а’’.
453. Atha kho bhagavā ‘bhinno bhikkhusaṅgho, bhinno bhikkhusaṅgho’ti – uṭṭhāyāsanā yena ukkhepakā bhikkhū tenupasaṅkami, upasaṅkamitvā paññatte āsane nisīdi, nisajja kho bhagavā ukkhepake bhikkhū etadavoca – ‘‘mā kho tumhe, bhikkhave, ‘paṭibhāti no, paṭibhāti no’ti yasmiṃ vā tasmiṃ vā bhikkhuṃ ukkhipitabbaṃ maññittha’’.
‘‘ид̇ха бана, бхигкавз, бхигку аабад̇д̇им̣ аабанно ход̇и. со д̇ассаа аабад̇д̇ияаа анаабад̇д̇ид̣̇идти ход̇и, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и . д̇з жз, бхигкавз, бхигкуу д̇ам̣ бхигкум̣ звам̣ ж̇аананд̇и – ‘аяам̣ ко ааяасмаа б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо. сажз маяам̣ имам̣ бхигкум̣ аабад̇д̇ияаа ад̣̇ассанз угкибиссаама, на маяам̣ иминаа бхигкунаа сад̣̇д̇хим̣ убосат̇ам̣ гариссаама, винаа иминаа бхигкунаа убосат̇ам̣ гариссаама, бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, бхзд̣̇аг̇аругзхи, бхигкавз, бхигкуухи на со бхигку аабад̇д̇ияаа ад̣̇ассанз угкибид̇аб̣б̣о.
‘‘Idha pana, bhikkhave, bhikkhu āpattiṃ āpanno hoti. So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti . Te ce, bhikkhave, bhikkhū taṃ bhikkhuṃ evaṃ jānanti – ‘ayaṃ kho āyasmā bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Sace mayaṃ imaṃ bhikkhuṃ āpattiyā adassane ukkhipissāma, na mayaṃ iminā bhikkhunā saddhiṃ uposathaṃ karissāma, vinā iminā bhikkhunā uposathaṃ karissāma, bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, bhedagarukehi, bhikkhave, bhikkhūhi na so bhikkhu āpattiyā adassane ukkhipitabbo.
‘‘ид̇ха бана, бхигкавз, бхигку аабад̇д̇им̣ аабанно ход̇и. со д̇ассаа аабад̇д̇ияаа анаабад̇д̇ид̣̇идти ход̇и, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и. д̇з жз, бхигкавз, бхигкуу д̇ам̣ бхигкум̣ звам̣ ж̇аананд̇и – ‘аяам̣ ко ааяасмаа б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо. сажз маяам̣ имам̣ бхигкум̣ аабад̇д̇ияаа ад̣̇ассанз угкибиссаама, на маяам̣ иминаа бхигкунаа сад̣̇д̇хим̣ баваарзссаама, винаа иминаа бхигкунаа баваарзссаама. на маяам̣ иминаа бхигкунаа сад̣̇д̇хим̣ сан̇гхагаммам̣ гариссаама, винаа иминаа бхигкунаа сан̇гхагаммам̣ гариссаама. на маяам̣ иминаа бхигкунаа сад̣̇д̇хим̣ аасанз нисийд̣̇иссаама, винаа иминаа бхигкунаа аасанз нисийд̣̇иссаама. на маяам̣ иминаа бхигкунаа сад̣̇д̇хим̣ яааг̇убаанз нисийд̣̇иссаама, винаа иминаа бхигкунаа яааг̇убаанз нисийд̣̇иссаама . на маяам̣ иминаа бхигкунаа сад̣̇д̇хим̣ бхад̇д̇аг̇г̇з нисийд̣̇иссаама, винаа иминаа бхигкунаа бхад̇д̇аг̇г̇з нисийд̣̇иссаама. на маяам̣ иминаа бхигкунаа сад̣̇д̇хим̣ згажчаннз васиссаама, винаа иминаа бхигкунаа згажчаннз васиссаама. на маяам̣ иминаа бхигкунаа сад̣̇д̇хим̣ яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гариссаама, винаа иминаа бхигкунаа яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гариссаама. бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, бхзд̣̇аг̇аругзхи, бхигкавз, бхигкуухи на со бхигку аабад̇д̇ияаа ад̣̇ассанз угкибид̇аб̣б̣о’’д̇и.
‘‘Idha pana, bhikkhave, bhikkhu āpattiṃ āpanno hoti. So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti. Te ce, bhikkhave, bhikkhū taṃ bhikkhuṃ evaṃ jānanti – ‘ayaṃ kho āyasmā bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo. Sace mayaṃ imaṃ bhikkhuṃ āpattiyā adassane ukkhipissāma, na mayaṃ iminā bhikkhunā saddhiṃ pavāressāma, vinā iminā bhikkhunā pavāressāma. Na mayaṃ iminā bhikkhunā saddhiṃ saṅghakammaṃ karissāma, vinā iminā bhikkhunā saṅghakammaṃ karissāma. Na mayaṃ iminā bhikkhunā saddhiṃ āsane nisīdissāma, vinā iminā bhikkhunā āsane nisīdissāma. Na mayaṃ iminā bhikkhunā saddhiṃ yāgupāne nisīdissāma, vinā iminā bhikkhunā yāgupāne nisīdissāma . Na mayaṃ iminā bhikkhunā saddhiṃ bhattagge nisīdissāma, vinā iminā bhikkhunā bhattagge nisīdissāma. Na mayaṃ iminā bhikkhunā saddhiṃ ekacchanne vasissāma, vinā iminā bhikkhunā ekacchanne vasissāma. Na mayaṃ iminā bhikkhunā saddhiṃ yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ karissāma, vinā iminā bhikkhunā yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ karissāma. Bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, bhedagarukehi, bhikkhave, bhikkhūhi na so bhikkhu āpattiyā adassane ukkhipitabbo’’ti.
454. ат̇а ко бхаг̇аваа угкзбагаанам̣ бхигкуунам̣ зд̇амад̇т̇ам̣ бхаасид̇ваа удтааяаасанаа язна угкид̇д̇аанувад̇д̇агаа бхигкуу д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и, нисаж̇ж̇а ко бхаг̇аваа угкид̇д̇аанувад̇д̇агз бхигкуу зд̇ад̣̇авожа – ‘‘маа ко д̇умхз, бхигкавз, аабад̇д̇им̣ аабаж̇ж̇ид̇ваа ‘наамха аабаннаа, наамха аабаннаа’д̇и аабад̇д̇им̣ на бадигаад̇аб̣б̣ам̣ ман̃н̃ид̇т̇а’’.
454. Atha kho bhagavā ukkhepakānaṃ bhikkhūnaṃ etamatthaṃ bhāsitvā uṭṭhāyāsanā yena ukkhittānuvattakā bhikkhū tenupasaṅkami, upasaṅkamitvā paññatte āsane nisīdi, nisajja kho bhagavā ukkhittānuvattake bhikkhū etadavoca – ‘‘mā kho tumhe, bhikkhave, āpattiṃ āpajjitvā ‘nāmha āpannā, nāmha āpannā’ti āpattiṃ na paṭikātabbaṃ maññittha’’.
‘‘ид̇ха бана, бхигкавз, бхигку аабад̇д̇им̣ аабанно ход̇и. со д̇ассаа аабад̇д̇ияаа анаабад̇д̇ид̣̇идти ход̇и, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и. со жз, бхигкавз, бхигку д̇з бхигкуу звам̣ ж̇аанаад̇и – ‘имз ко ааяасманд̇о 3 б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа бан̣д̣ид̇аа б̣яад̇д̇аа мзд̇хаавино лаж̇ж̇ино гуггужжагаа сигкаагаамаа, наалам̣ мамам̣ ваа гааран̣аа ан̃н̃зсам̣ ваа гааран̣аа чанд̣̇аа д̣̇осаа мохаа бхаяаа аг̇ад̇им̣ г̇анд̇ум̣. сажз мам̣ имз бхигкуу аабад̇д̇ияаа ад̣̇ассанз угкибиссанд̇и , на маяаа сад̣̇д̇хим̣ убосат̇ам̣ гариссанд̇и, винаа маяаа убосат̇ам̣ гариссанд̇и, бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, бхзд̣̇аг̇аругзна, бхигкавз, бхигкунаа барзсамби сад̣̇д̇хааяа саа аабад̇д̇и д̣̇зсзд̇аб̣б̣аа.
‘‘Idha pana, bhikkhave, bhikkhu āpattiṃ āpanno hoti. So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti. So ce, bhikkhave, bhikkhu te bhikkhū evaṃ jānāti – ‘ime kho āyasmanto 4 bahussutā āgatāgamā dhammadharā vinayadharā mātikādharā paṇḍitā byattā medhāvino lajjino kukkuccakā sikkhākāmā, nālaṃ mamaṃ vā kāraṇā aññesaṃ vā kāraṇā chandā dosā mohā bhayā agatiṃ gantuṃ. Sace maṃ ime bhikkhū āpattiyā adassane ukkhipissanti , na mayā saddhiṃ uposathaṃ karissanti, vinā mayā uposathaṃ karissanti, bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, bhedagarukena, bhikkhave, bhikkhunā paresampi saddhāya sā āpatti desetabbā.
‘‘ид̇ха бана, бхигкавз, бхигку аабад̇д̇им̣ аабанно ход̇и. со д̇ассаа аабад̇д̇ияаа анаабад̇д̇ид̣̇идти ход̇и, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и. со жз, бхигкавз, бхигку д̇з бхигкуу звам̣ ж̇аанаад̇и – ‘имз ко ааяасманд̇о б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа бан̣д̣ид̇аа б̣яад̇д̇аа мзд̇хаавино лаж̇ж̇ино гуггужжагаа сигкаагаамаа, наалам̣ мамам̣ ваа гааран̣аа ан̃н̃зсам̣ ваа гааран̣аа чанд̣̇аа д̣̇осаа мохаа бхаяаа аг̇ад̇им̣ г̇анд̇ум̣. сажз мам̣ имз бхигкуу аабад̇д̇ияаа ад̣̇ассанз угкибиссанд̇и, на маяаа сад̣̇д̇хим̣ баваарзссанд̇и , винаа маяаа баваарзссанд̇и. на маяаа сад̣̇д̇хим̣ сан̇гхагаммам̣ гариссанд̇и, винаа маяаа сан̇гхагаммам̣ гариссанд̇и. на маяаа сад̣̇д̇хим̣ аасанз нисийд̣̇иссанд̇и, винаа маяаа аасанз нисийд̣̇иссанд̇и. на маяаа сад̣̇д̇хим̣ яааг̇убаанз нисийд̣̇иссанд̇и, винаа маяаа яааг̇убаанз нисийд̣̇иссанд̇и. на маяаа сад̣̇д̇хим̣ бхад̇д̇аг̇г̇з нисийд̣̇иссанд̇и винаа маяаа бхад̇д̇аг̇г̇з нисийд̣̇иссанд̇и. на маяаа сад̣̇д̇хим̣ згажчаннз васиссанд̇и, винаа маяаа згажчаннз васиссанд̇и. на маяаа сад̣̇д̇хим̣ яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гариссанд̇и, винаа маяаа яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гариссанд̇и, бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и , бхзд̣̇аг̇аругзна, бхигкавз, бхигкунаа барзсамби сад̣̇д̇хааяа саа аабад̇д̇и д̣̇зсзд̇аб̣б̣аа’’д̇и. ат̇а ко бхаг̇аваа угкид̇д̇аанувад̇д̇агаанам̣ бхигкуунам̣ зд̇амад̇т̇ам̣ бхаасид̇ваа удтааяаасанаа баггаами.
‘‘Idha pana, bhikkhave, bhikkhu āpattiṃ āpanno hoti. So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti. So ce, bhikkhave, bhikkhu te bhikkhū evaṃ jānāti – ‘ime kho āyasmanto bahussutā āgatāgamā dhammadharā vinayadharā mātikādharā paṇḍitā byattā medhāvino lajjino kukkuccakā sikkhākāmā, nālaṃ mamaṃ vā kāraṇā aññesaṃ vā kāraṇā chandā dosā mohā bhayā agatiṃ gantuṃ. Sace maṃ ime bhikkhū āpattiyā adassane ukkhipissanti, na mayā saddhiṃ pavāressanti , vinā mayā pavāressanti. Na mayā saddhiṃ saṅghakammaṃ karissanti, vinā mayā saṅghakammaṃ karissanti. Na mayā saddhiṃ āsane nisīdissanti, vinā mayā āsane nisīdissanti. Na mayā saddhiṃ yāgupāne nisīdissanti, vinā mayā yāgupāne nisīdissanti. Na mayā saddhiṃ bhattagge nisīdissanti vinā mayā bhattagge nisīdissanti. Na mayā saddhiṃ ekacchanne vasissanti, vinā mayā ekacchanne vasissanti. Na mayā saddhiṃ yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ karissanti, vinā mayā yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ karissanti, bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti , bhedagarukena, bhikkhave, bhikkhunā paresampi saddhāya sā āpatti desetabbā’’ti. Atha kho bhagavā ukkhittānuvattakānaṃ bhikkhūnaṃ etamatthaṃ bhāsitvā uṭṭhāyāsanā pakkāmi.
455. д̇зна ко бана самаязна угкид̇д̇аанувад̇д̇агаа бхигкуу д̇ад̇т̇зва анд̇осиймааяа убосат̇ам̣ гаронд̇и, сан̇гхагаммам̣ гаронд̇и. угкзбагаа бана бхигкуу ниссиймам̣ г̇анд̇ваа убосат̇ам̣ гаронд̇и, сан̇гхагаммам̣ гаронд̇и. ат̇а ко ан̃н̃ад̇аро угкзбаго бхигку язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘д̇з, бханд̇з, угкид̇д̇аанувад̇д̇агаа бхигкуу д̇ад̇т̇зва анд̇осиймааяа убосат̇ам̣ гаронд̇и, сан̇гхагаммам̣ гаронд̇и. маяам̣ бана угкзбагаа бхигкуу ниссиймам̣ г̇анд̇ваа убосат̇ам̣ гарома, сан̇гхагаммам̣ гаромаа’’д̇и. ‘‘д̇з жз, бхигку, угкид̇д̇аанувад̇д̇агаа бхигкуу д̇ад̇т̇зва анд̇осиймааяа убосат̇ам̣ гариссанд̇и, сан̇гхагаммам̣ гариссанд̇и, яат̇аа маяаа н̃ад̇д̇и жа ануссааванаа жа бан̃н̃ад̇д̇аа, д̇зсам̣ д̇аани гаммаани д̇хаммигаани гаммаани бхависса’’нд̇и агуббаани таанаарахаани. д̇умхз жз, бхигку, угкзбагаа бхигкуу д̇ад̇т̇зва анд̇осиймааяа убосат̇ам̣ гариссат̇а, сан̇гхагаммам̣ гариссат̇а, яат̇аа маяаа н̃ад̇д̇и жа ануссааванаа жа бан̃н̃ад̇д̇аа, д̇умхаагамби д̇аани гаммаани д̇хаммигаани гаммаани бхависсанд̇и агуббаани таанаарахаани. д̇ам̣ гисса хзд̇у? наанаасам̣ваасагаа зд̇з 5 бхигкуу 6 д̇умхзхи, д̇умхз жа д̇зхи наанаасам̣ваасагаа.
455. Tena kho pana samayena ukkhittānuvattakā bhikkhū tattheva antosīmāya uposathaṃ karonti, saṅghakammaṃ karonti. Ukkhepakā pana bhikkhū nissīmaṃ gantvā uposathaṃ karonti, saṅghakammaṃ karonti. Atha kho aññataro ukkhepako bhikkhu yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘te, bhante, ukkhittānuvattakā bhikkhū tattheva antosīmāya uposathaṃ karonti, saṅghakammaṃ karonti. Mayaṃ pana ukkhepakā bhikkhū nissīmaṃ gantvā uposathaṃ karoma, saṅghakammaṃ karomā’’ti. ‘‘Te ce, bhikkhu, ukkhittānuvattakā bhikkhū tattheva antosīmāya uposathaṃ karissanti, saṅghakammaṃ karissanti, yathā mayā ñatti ca anussāvanā ca paññattā, tesaṃ tāni kammāni dhammikāni kammāni bhavissa’’nti akuppāni ṭhānārahāni. Tumhe ce, bhikkhu, ukkhepakā bhikkhū tattheva antosīmāya uposathaṃ karissatha, saṅghakammaṃ karissatha, yathā mayā ñatti ca anussāvanā ca paññattā, tumhākampi tāni kammāni dhammikāni kammāni bhavissanti akuppāni ṭhānārahāni. Taṃ kissa hetu? Nānāsaṃvāsakā ete 7 bhikkhū 8 tumhehi, tumhe ca tehi nānāsaṃvāsakā.
‘‘д̣̇взмаа, бхигку, наанаасам̣ваасагабхуумияо – ад̇д̇анаа ваа ад̇д̇аанам̣ наанаасам̣ваасагам̣ гарод̇и, самаг̇г̇о ваа нам̣ сан̇гхо угкибад̇и ад̣̇ассанз ваа аббадигаммз ваа аббадиниссаг̇г̇з ваа. имаа ко, бхигку, д̣̇вз наанаасам̣ваасагабхуумияо. д̣̇взмаа, бхигку, самаанасам̣ваасагабхуумияо – ад̇д̇анаа ваа ад̇д̇аанам̣ самаанасам̣ваасам̣ гарод̇и, самаг̇г̇о ваа нам̣ сан̇гхо угкид̇д̇ам̣ осаарзд̇и ад̣̇ассанз ваа аббадигаммз ваа аббадиниссаг̇г̇з ваа. имаа ко, бхигку, д̣̇вз самаанасам̣ваасагабхуумияо’’д̇и.
‘‘Dvemā, bhikkhu, nānāsaṃvāsakabhūmiyo – attanā vā attānaṃ nānāsaṃvāsakaṃ karoti, samaggo vā naṃ saṅgho ukkhipati adassane vā appaṭikamme vā appaṭinissagge vā. Imā kho, bhikkhu, dve nānāsaṃvāsakabhūmiyo. Dvemā, bhikkhu, samānasaṃvāsakabhūmiyo – attanā vā attānaṃ samānasaṃvāsaṃ karoti, samaggo vā naṃ saṅgho ukkhittaṃ osāreti adassane vā appaṭikamme vā appaṭinissagge vā. Imā kho, bhikkhu, dve samānasaṃvāsakabhūmiyo’’ti.
456. д̇зна ко бана самаязна бхигкуу бхад̇д̇аг̇г̇з анд̇арагхарз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ анануломигам̣ гааяагаммам̣ важийгаммам̣ убад̣̇ам̣сзнд̇и, хад̇т̇абараамаасам̣ гаронд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа бхад̇д̇аг̇г̇з анд̇арагхарз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ анануломигам̣ гааяагаммам̣ важийгаммам̣ убад̣̇ам̣сзссанд̇и, хад̇т̇абараамаасам̣ гариссанд̇ий’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу бхад̇д̇аг̇г̇з анд̇арагхарз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ анануломигам̣ гааяагаммам̣ важийгаммам̣ убад̣̇ам̣сзссанд̇и , хад̇т̇абараамаасам̣ гариссанд̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, бхигкуу бхад̇д̇аг̇г̇з анд̇арагхарз бхан̣д̣анаж̇аад̇аа…бз… хад̇т̇абараамаасам̣ гаронд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘бхиннз, бхигкавз, сан̇гхз ад̇хаммияааяамаанз 9 асаммод̣̇игааяа вад̇д̇амаанааяа 10 ‘зд̇д̇аавад̇аа на ан̃н̃аман̃н̃ам̣ анануломигам̣ гааяагаммам̣ важийгаммам̣ убад̣̇ам̣сзссаама, хад̇т̇абараамаасам̣ гариссаамаа’д̇и аасанз нисийд̣̇ид̇аб̣б̣ам̣. бхиннз, бхигкавз, сан̇гхз д̇хаммияааяамаанз саммод̣̇игааяа вад̇д̇амаанааяа аасананд̇аригааяа нисийд̣̇ид̇аб̣б̣а’’нд̇и.
456. Tena kho pana samayena bhikkhū bhattagge antaraghare bhaṇḍanajātā kalahajātā vivādāpannā aññamaññaṃ ananulomikaṃ kāyakammaṃ vacīkammaṃ upadaṃsenti, hatthaparāmāsaṃ karonti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā bhattagge antaraghare bhaṇḍanajātā kalahajātā vivādāpannā aññamaññaṃ ananulomikaṃ kāyakammaṃ vacīkammaṃ upadaṃsessanti, hatthaparāmāsaṃ karissantī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā te ujjhāyanti khiyyanti vipācenti – ‘‘kathañhi nāma bhikkhū bhattagge antaraghare bhaṇḍanajātā kalahajātā vivādāpannā aññamaññaṃ ananulomikaṃ kāyakammaṃ vacīkammaṃ upadaṃsessanti , hatthaparāmāsaṃ karissantī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, bhikkhū bhattagge antaraghare bhaṇḍanajātā…pe… hatthaparāmāsaṃ karontī’’ti? ‘‘Saccaṃ, bhagavā’’ti. Vigarahi buddho bhagavā…pe… vigarahitvā dhammiṃ kathaṃ katvā bhikkhū āmantesi – ‘‘bhinne, bhikkhave, saṅghe adhammiyāyamāne 11 asammodikāya vattamānāya 12 ‘ettāvatā na aññamaññaṃ ananulomikaṃ kāyakammaṃ vacīkammaṃ upadaṃsessāma, hatthaparāmāsaṃ karissāmā’ti āsane nisīditabbaṃ. Bhinne, bhikkhave, saṅghe dhammiyāyamāne sammodikāya vattamānāya āsanantarikāya nisīditabba’’nti.
457. 13 д̇зна ко бана самаязна бхигкуу сан̇гхамаж̇жхз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и. д̇з на саггонд̇и д̇ам̣ ад̇хигаран̣ам̣ вуубасамзд̇ум̣. ат̇а ко ан̃н̃ад̇аро бхигку язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко со бхигку бхаг̇аванд̇ам̣ зд̇ад̣̇авожа – ‘‘ид̇ха, бханд̇з, бхигкуу сан̇гхамаж̇жхз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и. д̇з на саггонд̇и д̇ам̣ ад̇хигаран̣ам̣ вуубасамзд̇ум̣. саад̇ху, бханд̇з, бхаг̇аваа язна д̇з бхигкуу д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко бхаг̇аваа язна д̇з бхигкуу д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и, нисаж̇ж̇а ко бхаг̇аваа д̇з бхигкуу зд̇ад̣̇авожа – ‘‘алам̣, бхигкавз, маа бхан̣д̣анам̣ маа галахам̣ маа виг̇г̇ахам̣ маа виваад̣̇а’’нд̇и. звам̣ вуд̇д̇з ан̃н̃ад̇аро ад̇хаммаваад̣̇ий бхигку бхаг̇аванд̇ам̣ зд̇ад̣̇авожа – ‘‘ааг̇амзд̇у, бханд̇з, бхаг̇аваа д̇хаммассаамий; аббоссугго, бханд̇з, бхаг̇аваа д̣̇идтад̇хаммасукавихаарамануяуд̇д̇о вихарад̇у. маяамзд̇зна бхан̣д̣анзна галахзна виг̇г̇ахзна виваад̣̇зна бан̃н̃ааяиссаамаа’’д̇и. д̣̇уд̇ияамби ко бхаг̇аваа д̇з бхигкуу зд̇ад̣̇авожа – ‘‘алам̣, бхигкавз, маа бхан̣д̣анам̣ маа галахам̣ маа виг̇г̇ахам̣ маа виваад̣̇а’’нд̇и. д̣̇уд̇ияамби ко со ад̇хаммаваад̣̇ий бхигку бхаг̇аванд̇ам̣ зд̇ад̣̇авожа – ‘‘ааг̇амзд̇у , бханд̇з, бхаг̇аваа д̇хаммассаамий; аббоссугго, бханд̇з , бхаг̇аваа д̣̇идтад̇хаммасукавихаарамануяуд̇д̇о вихарад̇у. маяамзд̇зна бхан̣д̣анзна галахзна виг̇г̇ахзна виваад̣̇зна бан̃н̃ааяиссаамаа’’д̇и.
457.14 Tena kho pana samayena bhikkhū saṅghamajjhe bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti. Te na sakkonti taṃ adhikaraṇaṃ vūpasametuṃ. Atha kho aññataro bhikkhu yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho so bhikkhu bhagavantaṃ etadavoca – ‘‘idha, bhante, bhikkhū saṅghamajjhe bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti. Te na sakkonti taṃ adhikaraṇaṃ vūpasametuṃ. Sādhu, bhante, bhagavā yena te bhikkhū tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena. Atha kho bhagavā yena te bhikkhū tenupasaṅkami, upasaṅkamitvā paññatte āsane nisīdi, nisajja kho bhagavā te bhikkhū etadavoca – ‘‘alaṃ, bhikkhave, mā bhaṇḍanaṃ mā kalahaṃ mā viggahaṃ mā vivāda’’nti. Evaṃ vutte aññataro adhammavādī bhikkhu bhagavantaṃ etadavoca – ‘‘āgametu, bhante, bhagavā dhammassāmī; appossukko, bhante, bhagavā diṭṭhadhammasukhavihāramanuyutto viharatu. Mayametena bhaṇḍanena kalahena viggahena vivādena paññāyissāmā’’ti. Dutiyampi kho bhagavā te bhikkhū etadavoca – ‘‘alaṃ, bhikkhave, mā bhaṇḍanaṃ mā kalahaṃ mā viggahaṃ mā vivāda’’nti. Dutiyampi kho so adhammavādī bhikkhu bhagavantaṃ etadavoca – ‘‘āgametu , bhante, bhagavā dhammassāmī; appossukko, bhante , bhagavā diṭṭhadhammasukhavihāramanuyutto viharatu. Mayametena bhaṇḍanena kalahena viggahena vivādena paññāyissāmā’’ti.
госамб̣агавиваад̣̇агат̇аа нидтид̇аа.
Kosambakavivādakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / госамб̣агавиваад̣̇агат̇аа • Kosambakavivādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 271. госамб̣агавиваад̣̇агат̇аа • 271. Kosambakavivādakathā
