| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
10. госамб̣агагканд̇хагам̣
10. Kosambakakkhandhakaṃ
госамб̣агавиваад̣̇агат̇ааван̣н̣анаа
Kosambakavivādakathāvaṇṇanā
451. госамб̣агагканд̇хагз сажз ход̇и, д̣̇зсзссаамийд̇и суб̣б̣ажад̇ааяа сигкаагаамад̇ааяа жа аабад̇д̇им̣ басси. над̇т̇и аабад̇д̇ийд̇и анаабад̇д̇ибагкоби зд̇т̇а самбхавад̇ийд̇и ад̇хиббааязнааха. саа банаабад̇д̇и зва. д̇знааха ‘‘со д̇ассаа аабад̇д̇ияаа анаабад̇д̇ид̣̇идти ахосий’’д̇и.
451. Kosambakakkhandhake sace hoti, desessāmīti subbacatāya sikkhākāmatāya ca āpattiṃ passi. Natthi āpattīti anāpattipakkhopi ettha sambhavatīti adhippāyenāha. Sā panāpatti eva. Tenāha ‘‘so tassā āpattiyā anāpattidiṭṭhi ahosī’’ti.
453-454. самбхамаад̇т̇авасзнаад̇и д̇урид̇ад̇т̇авасзна. ‘‘агааран̣з д̇умхзхи со бхигку угкид̇д̇о’’д̇и вад̣̇зяяаад̇и яасмаа буб̣б̣з винаяад̇харасса важанзна ‘‘сажз аабад̇д̇и ход̇и, д̣̇зсзссаамий’’д̇и анзна бадин̃н̃аад̇ам̣, ид̣̇ааниби д̇ассзва важанзна ‘‘асан̃жижжа ассад̇ияаа гад̇ад̇д̇аа над̇т̇зд̇т̇а аабад̇д̇ий’’д̇и анаабад̇д̇исан̃н̃ий, д̇асмаа ‘‘агааран̣з д̇умхзхи со бхигку угкид̇д̇о’’д̇и угкзбагз бхигкуу яад̣̇и вад̣̇зяяаад̇и ад̇хиббааяо. угкид̇д̇аанувад̇д̇агз ваа ‘‘д̇умхз аабад̇д̇им̣ аабаннаа’’д̇и вад̣̇зяяаад̇и яасмаа вад̇т̇уж̇аананажид̇д̇знааяам̣ сажид̇д̇агаа аабад̇д̇и, аяан̃жа уд̣̇агаавасзсз уд̣̇агаавасзсасан̃н̃ий, д̇асмаа саабад̇д̇игассзва ‘‘д̇умхз чанд̣̇ааг̇ад̇им̣ г̇ажчат̇аа’’д̇и ад̇хиббааязна ‘‘д̇умхз аабад̇д̇им̣ аабаннаа’’д̇и угкид̇д̇аанувад̇д̇агз вад̣̇зяяа.
453-454.Sambhamaatthavasenāti turitatthavasena. ‘‘Akāraṇe tumhehi so bhikkhu ukkhitto’’ti vadeyyāti yasmā pubbe vinayadharassa vacanena ‘‘sace āpatti hoti, desessāmī’’ti anena paṭiññātaṃ, idānipi tasseva vacanena ‘‘asañcicca assatiyā katattā natthettha āpattī’’ti anāpattisaññī, tasmā ‘‘akāraṇe tumhehi so bhikkhu ukkhitto’’ti ukkhepake bhikkhū yadi vadeyyāti adhippāyo. Ukkhittānuvattake vā ‘‘tumhe āpattiṃ āpannā’’ti vadeyyāti yasmā vatthujānanacittenāyaṃ sacittakā āpatti, ayañca udakāvasese udakāvasesasaññī, tasmā sāpattikasseva ‘‘tumhe chandāgatiṃ gacchathā’’ti adhippāyena ‘‘tumhe āpattiṃ āpannā’’ti ukkhittānuvattake vadeyya.
455-456. гаммам̣ гобзд̇ийд̇и ‘‘наанаасам̣ваасагажад̇уд̇т̇о жз, бхигкавз, гаммам̣ гарзяяа, агаммам̣ на жа гаран̣ийяа’’нд̇иаад̣̇иважанад̇о (махаава. 389) сажз сан̇гхо д̇ам̣ г̇ан̣абуурагам̣ гад̇ваа гаммам̣ гарзяяа, аяам̣ д̇ад̇т̇а нисинноби д̇ам̣ гаммам̣ гобзд̇ийд̇и ад̇хиббааяо. убажаарам̣ мун̃жид̇ваад̇и зд̇т̇а убажааро наама ан̃н̃аман̃н̃ам̣ хад̇т̇зна баабун̣анадтаанам̣.
455-456.Kammaṃ kopetīti ‘‘nānāsaṃvāsakacatuttho ce, bhikkhave, kammaṃ kareyya, akammaṃ na ca karaṇīya’’ntiādivacanato (mahāva. 389) sace saṅgho taṃ gaṇapūrakaṃ katvā kammaṃ kareyya, ayaṃ tattha nisinnopi taṃ kammaṃ kopetīti adhippāyo. Upacāraṃ muñcitvāti ettha upacāro nāma aññamaññaṃ hatthena pāpuṇanaṭṭhānaṃ.
457. бхан̣д̣анаж̇аад̇аад̇иаад̣̇ийсу галахасса буб̣б̣абхааг̇о бхан̣д̣анам̣ наама, д̇ам̣ ж̇аад̇ам̣ зд̇зсанд̇и бхан̣д̣анаж̇аад̇аа, хад̇т̇абараамаасаад̣̇ивасзна мад̇т̇агам̣ бад̇д̇о галахо ж̇аад̇о зд̇зсанд̇и галахаж̇аад̇аа, вируд̣̇д̇хаваад̣̇абхууд̇ам̣ ваад̣̇ам̣ аабаннаад̇и виваад̣̇аабаннаа. мукасад̇д̇ийхийд̇и ваажаасад̇д̇ийхи. вид̇уд̣̇анд̇аад̇и виж̇жханд̇аа . бхаг̇аванд̇ам̣ зд̇ад̣̇авожаад̇и ‘‘ид̇ха, бханд̇з, госамб̣ияам̣ бхигкуу бхан̣д̣анаж̇аад̇аа’’д̇иаад̣̇иважанам̣ авожа, д̇ан̃жа ко нзва бияагамяад̇ааяа, на бхзд̣̇аад̇хиббааязна, ат̇а ко ад̇т̇агаамад̇ааяа хид̇агаамад̇ааяа. саамаг̇г̇ийгаараго гирзса бхигку, д̇асмаасса зд̇ад̣̇ахоси ‘‘яат̇аа имз бхигкуу виваад̣̇ам̣ аарад̣̇д̇хаа, на саггаа маяаа, нааби ан̃н̃зна бхигкунаа самаг̇г̇з гаад̇ум̣, аббзва наама сад̣̇звагз логз аг̇г̇абуг̇г̇ало бхаг̇аваа саяам̣ ваа г̇анд̇ваа ад̇д̇ано ваа санд̇игам̣ баггосаабзд̇ваа зд̇зсам̣ бхигкуунам̣ канд̇имзд̇д̇аабадисам̣яуд̇д̇ам̣ сааран̣ийяад̇хаммад̣̇зсанам̣ гат̇зд̇ваа саамаг̇г̇им̣ гарзяяаа’’д̇и ад̇т̇агаамад̇ааяа хид̇агаамад̇ааяа г̇анд̇ваа авожа. д̇асмаа звамаахаад̇и ад̇т̇агаамад̇д̇аа звамааха, на бхаг̇авад̇о важанам̣ анаад̣̇ияанд̇о. яз бана д̇ад̣̇аа сад̇т̇у важанам̣ на г̇ан̣хим̣су, д̇з гин̃жи авад̇ваа д̇ун̣хийбхууд̇аа ман̇губхууд̇аа адтам̣су, д̇асмаа убхаязсамби сад̇т̇ари аг̇ааравабадибад̇д̇и наахоси.
457.Bhaṇḍanajātātiādīsu kalahassa pubbabhāgo bhaṇḍanaṃ nāma, taṃ jātaṃ etesanti bhaṇḍanajātā, hatthaparāmāsādivasena matthakaṃ patto kalaho jāto etesanti kalahajātā, viruddhavādabhūtaṃ vādaṃ āpannāti vivādāpannā. Mukhasattīhīti vācāsattīhi. Vitudantāti vijjhantā . Bhagavantaṃ etadavocāti ‘‘idha, bhante, kosambiyaṃ bhikkhū bhaṇḍanajātā’’tiādivacanaṃ avoca, tañca kho neva piyakamyatāya, na bhedādhippāyena, atha kho atthakāmatāya hitakāmatāya. Sāmaggīkārako kiresa bhikkhu, tasmāssa etadahosi ‘‘yathā ime bhikkhū vivādaṃ āraddhā, na sakkā mayā, nāpi aññena bhikkhunā samagge kātuṃ, appeva nāma sadevake loke aggapuggalo bhagavā sayaṃ vā gantvā attano vā santikaṃ pakkosāpetvā etesaṃ bhikkhūnaṃ khantimettāpaṭisaṃyuttaṃ sāraṇīyadhammadesanaṃ kathetvā sāmaggiṃ kareyyā’’ti atthakāmatāya hitakāmatāya gantvā avoca. Tasmā evamāhāti atthakāmattā evamāha, na bhagavato vacanaṃ anādiyanto. Ye pana tadā satthu vacanaṃ na gaṇhiṃsu, te kiñci avatvā tuṇhībhūtā maṅkubhūtā aṭṭhaṃsu, tasmā ubhayesampi satthari agāravapaṭipatti nāhosi.
госамб̣агавиваад̣̇агат̇ааван̣н̣анаа нидтид̇аа.
Kosambakavivādakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 271. госамб̣агавиваад̣̇агат̇аа • 271. Kosambakavivādakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / госамб̣агавиваад̣̇агат̇аа • Kosambakavivādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 271. госамб̣агавиваад̣̇агат̇аа • 271. Kosambakavivādakathā
